الأخبار
أخبار إقليمية
الأمانة العامة لمجلس الوزراء تحدد فترة عطلة عيد الأضحى
الأمانة العامة لمجلس الوزراء تحدد فترة عطلة عيد الأضحى
الأمانة العامة لمجلس الوزراء تحدد فترة عطلة عيد الأضحى


10-07-2013 10:16 PM
العامة لمجلس الوزراء تحدد فترة عطلة عيد الأضحى

أعلنت الأمانة العامة لمجلس الوزراء السوداني يوم الإثنين، أن عطلة عيد الأضحى المبارك ستبدأ اعتباراً من يوم الأحد الموافق 13 من أكتوبر الجاري، وتستمر أيام الإجازة حتى يوم الجمعة الموافق 18 من الشهر نفسه.


وقالت الأمانة في تعميم مكتوب ، أن العاملين سيزاولون أعمالهم في يوم الأحد 20 أكتوبر وفق النظم والقواعد التي تنظم أيام وساعات العمل بالدولة.


وهنأت الأمانة المسلمين في مشارق الأرض ومغاربها بالعيد المبارك، داعيةً الله تعالى أن يعيده وأمتنا تنعم بالأمن والسلام والمحبة.


في السِّياق ذاته، يتلقى النائب الأول للرئيس علي عثمان محمد طه التهاني في ثاني أيام العيد من قوات الشعب المسلحة بنادي الضباط بالخرطوم في تمام الساعة العاشرة صباحاً، كما يتلقى التهاني من ضباط قوات الأمن بالنادي الوطني في العاشرة والنصف صباحاً.

ويستقبل طه وفقاً لوكالة السودان للأنباء، ضباط قوات الشرطة بدار الشرطة ببري، ويتلقى التهاني من رئيسي البرلمان ومجلس الولايات ورئيس القضاء ورئيس المحكمة الدستورية ورئيس المفوضية القومية للانتخابات ورئيس السلطة الإقليمية لدارفور ومساعدي الرئيس ورئيس مجلس الأحزاب السياسية، ببيت الضيافة في تمام الساعة الحادية عشرة والنصف صباحاً.


شبكة الشروق


تعليقات 18 | إهداء 0 | زيارات 16293

التعليقات
#794830 [الزمن الجميل]
0.00/5 (0 صوت)

10-08-2013 03:18 PM
بأى حال عدته يا عيد ... ؟


#794422 [الحقيقة]
4.00/5 (1 صوت)

10-08-2013 10:53 AM
كان يا ماكان في قديم الزمان فى حاجة اسمو العيد الناس تخرج مسرورين يحملون الفرح واجمل التهاني ,,, النفوس طيبة لا فيها حقد وحسد الاطفال فرحانين يجيبون الشوارع والاحياء والشواشي واللحوم فى كل بيت والمرتب يجيب خروف وكسوة للبيت كل ( الام والابناء ) وكان تهاني العيد ( عيد سعيد وبخيت ,, يطول الاعمار ويخلي الاعيال ويلقانا زايدين ما ناقصين وسيد الخير الله يزيد وسيد الشر الله يهدي والله يحانن بيناتنا ويلم شملنا ,,,,,,,,,,) وكل كان ادعية جميلة
لكن الان حياة اصبحت صعبة لو ولي امر الاسر لم يستطيع زبح عتوت للعيل او يجيب ملابس ليهم وهو فى هم كبير كل شي غال الثمن ,,,, المرتب ضعيف ورفع الدعم من السلع زاد معاناة الكل حيران
وعشرة ايام عطلة للعيد العاملين حيعمل شنو فى البيت وهو ماعند حق الحلوة للاطفال ولايستطيع تعديل وجبة الفول من الدكان اقصد الفطور بل سيعيش فى كابوس ونفسيات . ياناس الانقاذ اتقو الله فىيييييييييييييييييييييييييييييينا رجعون لحياتنا الزمان المليان ود وحنان , الفيهاالناس يعيدون من حلة لحلة لايخافون من شي الا الكلاب والثعبان والاطفال والناس الكبار يلعبون فى الساحات والشوارع لنصف اليالي / واليوم الزول مابقدر يعيد فى مدينة او قرية بعد المغرب


#794117 [الجوكر51]
5.00/5 (3 صوت)

10-08-2013 02:23 AM
الشعب جعان ولكنه جبان
مين البحرك الناس القاعدة في البيوت
سياسة الموتمر الماوطني ضرب وقتل كل متظاهر
الجبن في عدم الاعتراف بالقتل والحرق
ـــــــــــــــــــــــــــــــــــــ
ايها الشعب السوداني الاصيل
الثورة عرق - دم - انتصار
الخروج الي الشارع يوم 21/ اكتوبر /
انتصار لثوار وشهداء 23/سبتمبر
اذا كنت تخاف الرصاص والبنبان الزم دارك وتلفح بثوب النساء
احتلال الميادين الكبري عصرا
اغلاق شارع المطار حتي لا يتثني خروج المجرمين والحرامية الي ماليزيا ودبي
حصر قوائم لكل كلاب الامن في الاحياء ... لحين محاكمتهم


#794063 [sami]
5.00/5 (2 صوت)

10-07-2013 11:51 PM
تعديل بسيط علي البيان: يلتقي بهم لكي يتلقي فروض الولاء والطاعه والسمع وليس التهاني بالعيد


#794050 [عصمتووف]
4.50/5 (4 صوت)

10-07-2013 11:26 PM
اي عيد فقدت الاعياد طعمها ونكهتها منذ ربع قرن اصبح العيد اجازة فقط اختفت فرحة الاطفال والكبار وحركة الشارع برحيل الجنوبين كأن العيد عيدهم (المسيحيون) كانوا يحركون الشارع والمواصلات والاسواق والاكبر اخيرا رجوع سكان الاقاليم لمواطتهم هي ارحم تجد فيها حنية الجد والجده والاهل والصحاب دفء الاسره المبيرة والجيران ونحن سكان الخرطوم اصابنا البرود والتكلس تفطر وحوامة للجيران اما الاهل البعاد اصبح الوصول لهم مشكلة مصاريف مواصلات انادي واهتف واطالب بالغاء اجازة العيد تاني يوم في العيد الاسواق والصناعية وغيرهم تجدوهم نزلوا لاعمالهم لا شئ يفرح ويسر تاني مع الانقاذ قتلت افراحنا وصادرة احلامنا

(كل أمم الأرض تختار بين الجيد والسيئ. أما نحن فيجب أن نختار بين السيئ والأسوأ. إما الطغاة أو المتطرفون)


#794046 [AbassHndawy]
4.00/5 (4 صوت)

10-07-2013 11:21 PM
رساله الي جميع الثوار في الوطن اعطانا النظام عشره ايام اجازه يجب الاستفادة منها علي اكمل وجه في ما يلي تعميم الي جميع الثوار-
1-يجب التنسيق مع بعضنا لعمل مظاهرات تعم كل ارجاء السودان
2-حشد الهمم بين الناس للخروج الي الشارع
3-زياده عدد المظاهرات
4-التنسيق العام بين الاحياء
5-ابتكار اليات جديده لمواجهه اجهزه الامن
6-تعبيه الشارع للاستعداد للعصيان المدني. ومحاوله شل مواقع الجبايات للمتمر والوطني وهي-المحليات-الضرائب-الزكاة-المرور -الجوازات-الجمارك
7-كل من له معارف من الجيش او الشرطة او القوات النظامية للانحياز الي الشعب السوداني
8-بناء السلم الثقافي والاجتماعي بين افراد المجتمع وبناء الثغه وحصار القبلية والطائفية
9-عمل مركزيه لكل حي من احياء السودان وعمل قياده ظل لكل مركزيه في حاله اعتقال اعضاء المركزية الاولي تواصل عملها الثانية والثالثة.
10- الأنظمة العقائدية تحتاج الي نفس طويل
11-محاصره المحبطين وضخ الامل بين افراد الشعب وزياده الجرعة الثورية
12-عزل اعضاء المؤتمر والوطني وخوض حرب اجتماعه ضدهم بشراسه
13-التركيز علي المظاهرات الليلية في الفترة الاولي لحين تعيئه الشارع في الميادين
14-اغلب جماهير شعبنا لم تختبر الزيادات ولكن ايام العيد سيكتو بها جميع جماهير شعبنا ويحب رفضها وترجمتها الي فعل جماهيري
15-يجب ان لا ننسي دماء شهدائنا الذين قتلتهم ايادي القدر والخيانة
16-الي الامام حتي نحقق ثوره23سبتمير المجيدة


ردود على AbassHndawy
[ابو علي] 10-08-2013 01:38 PM
ههههههههههه اننت بتكلم مين ياعم . وتسمع اذ ناديت حيا ولكن لا حياة لمن تنادي

United States [Ana Sudani] 10-08-2013 08:17 AM
مظاهرات ليليله في عينك، جبتو لينا الحراميه بالمظاهرات الليليه دي. الداير يقلع نظام يمشي يواجه وما يشتغل شغل حراميه.. النهار في عز الشمس نمرق والبمرق بالليل دا نحن البنقتلو لانهم روعو ولايانا واولادنا

[hassan] 10-08-2013 04:33 AM
بارك الله فيك يا عباس والاسمو محمد التحت ده شكلو عميل الكتروني بس يومو والمعاهو قريب ان شاء الله .

[mohd] 10-08-2013 03:34 AM
ما عندك انت موضوع يا محمد ياجداد يا الكتروني ياخائن لبلدك ووطنك تلقاك شماسي لقيط لموك من المجاري ونظفوك وعلى الحقد العندك على المجتمع وظفوك وانت ما بتقصر يا لقيط يا ****

United States [وجدي] 10-08-2013 01:40 AM
انت بتكلم وهم ولا شنو
ده كله حاصل ، بس انت تعال انزل
النزلة الشرقية والغربية وانفلونزا الطيور والبقر والكدايس تمسك البشكير و الكيزان المصدية والمخرمة ، يا رب
واحد يقول أمين

[محمد] 10-07-2013 11:43 PM
ماعندك موضوع.....


#794037 [الصادق صديق الصادقين]
5.00/5 (1 صوت)

10-07-2013 11:08 PM
عيد بأية حال عدت يا عيد
بما مضى أم لأمر فيك تجديد....
ــــــــــــ
نخبرك نحن يا عيد
فنحن اليوم في حال غير محمود
بؤس ورهق وغير ذلك تهديد
بقطع الأعناق والأرزاق والأيد
فحياتنا في رأي سادتنا
ليس لها من داع وتجديد
متسولون... شذاذ آفاق... صعاليك
عرفنا البيتزا والهوت دوق بعهدهم
وكنا قبله ناكل الدوم ولالوب وحميض
فلما شبعنا كفرنا بنعمتهم
وأعملنا أيادينا في مواردهم (عفوا! مواردنا)حرقا وتخريب
وكرمونا لقاء ذلك قتلا وتشريد
ــــــــــــ
آآآآآخ ثم آآآآآآآآخ ثم آآخ


#794031 [ابو الليل]
4.50/5 (4 صوت)

10-07-2013 10:53 PM
لا عيد مبارك لا عفو


#794026 [Ali]
5.00/5 (7 صوت)

10-07-2013 10:45 PM
يا الله يا كريم يا عزيز يا جبار أن تعجل برحيل هذه الحكومة الفاسدة التي سرقة ونهبت وقتلة عبيدك بدون وجه حق يا حنان يا منان اللهم استجب دعوت هذا الشعب المظلوم المقهور، اللهم خذهم أخذ عزيز مقتدر اللهم لا تبقي منهم أحدا اللهم عجل برحيلهم قبل حلول عيد الأضحى .
أمين


ردود على Ali
United States [الجوكر51] 10-08-2013 02:45 AM
كل زوار الراكوبة الان من كلاب امن البشير وعصابته الارهابية بتاع الكوع وسارق السكر واللمبي ...... انهم مأجورييين وحوافزهم مليونية .. وتأكد ليس لديهم ولاء الا لحفنة الجنيهات محرمة التي ستخل بطون اهليهم نار
موعدنا 21/ اكتوبر والمجد لثوار السودان


#794019 [عصمتووف]
5.00/5 (2 صوت)

10-07-2013 10:40 PM
بالله ده خبر تجيبوا لينا بهمنا شنو من تهاني اخبار الغراب ده بالامس هددنا حريقة تاخده


#794014 [وجدي]
5.00/5 (4 صوت)

10-07-2013 10:32 PM
و البشكير ما حيتلقي التهاني
ولا عنده حفله ماشي يرقص فيها
رقص فيك مرفعين يا سجم اهلك
واحد يقول أمين


ردود على وجدي
European Union [الشحمان مغسة] 10-08-2013 12:42 PM
آآآآآآآآآآآآآآمييييييييييييييين


#794009 [ذوالفقار]
5.00/5 (1 صوت)

10-07-2013 10:27 PM
تريد ان تحكم الحكومة علي ثورتنا بالاعدام


ولكن هيهات


#794006 [الجمبقلى]
3.00/5 (2 صوت)

10-07-2013 10:24 PM
واين الريس ؟ ما معيد فى السودان ولا الحكايه شنو ؟ياربى حردان


ردود على الجمبقلى
United States [عمدة] 10-08-2013 03:14 AM
الريس ما نوريقا الريس عمر العوقا ريسناالتور الانطح



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة