الأخبار
أخبار إقليمية
المؤتمر الشعبي: موقف الترابي واضح من الانتفاضة الشعبية
المؤتمر الشعبي: موقف الترابي واضح من الانتفاضة الشعبية



10-08-2013 08:14 AM


الخرطوم : أسامة عبدالحي


rقال حزب المؤتمر الشعبي: ( إن موقف أمينه العام من الانتفاضة الشعبية في البلاد واضح ،وأكد الأمين السياسي للحزب) كمال عمر - إن موقف الدكتور الترابي هو الذي قاله في تصريحاته عبر الوسائل الإعلامية المختلفة والذي دعا فيه الناس إلى الخروج للتظاهر من أجل إسقاط نظام المؤتمر الوطني ، وقال كمال رداً على ما ورد في إحدي الصحف عن أن الأمين العام للحزب رفض دعوة الناس للتظاهر، إن الأمانة العامة للحزب وهي أعلي سلطة قيادية يرأسها الأمين العام دعت في بيان واضح كل عضوية الحزب للتنسيق مع كل الجماهيرالمنتفضة ضد نظام المؤتمر الوطني، والخروج للشارع من أجل إسقاط النظام، وقال: إن أمين الحزب صرح ودعا عبر كافة وسائل الإعلام للخروج من أجل إسقاط النظام، مؤكداً أن حزبهم لم ولن يتوانى عن طريق إسقاط النظام، وقال:( نقول رسالة للصحف الملوثة والتي تسبح بحمد السلطة زمانكم نحن وحزبنا في مقدمة المتظاهرين، وإنكم تدافعون عن نظام ساقط) واتهم هذه الصحف بأنها صحف تابعة لأمن السلطة، وليست لها علاقة بالمهنية، وتساءل عن كيف تكون الصحيفة مهنية وهي تتلقى أوامرها من جهاز الأمن داعيا إلى عدم الإلتفات لمثل هذه الشائعات التي قال أنها مقصودة من أجل شق إجماع الشعب السوداني المتحد ضد نظام الانقاذ المتهالك، وجدد كمال دعوته لكافة جماهير الشعب السوداني لمواصلة انتفاضتها حتى إسقاط النظام، مؤكداً على أن كل قادة الحزب والمعارضة سوف يكونوا في قيادة التظاهرات.

الميدان


تعليقات 7 | إهداء 0 | زيارات 2332

التعليقات
#795377 [ابووعد]
4.07/5 (5 صوت)

10-09-2013 03:46 AM
استغرب لضيق افق بعض من يكتبون هنا .



يا سادة السودان دا لينا كلنا لا اقصاء لاحد .


شفتو كيف جنوب افريقيا مانديلااين هم الان ؟ تركو كل الماضى وراءهم التعذيب والعبودية

والاضطهادوالذل والمهانة فى سياسة الفصل العنصرى واتجهوا للبناء كلنا يد واحدة امة اتحاديين شعبى بعثيين شيوعيين كلنا كلنا بكل طوائفنا وتوجهاتنا نبنى سودان سوا .


تاخرنا كثيرا وجدا سبقتنا دول كنا امامها بكثير يلا نبنى سودان سوا .


#795312 [mohali]
4.07/5 (5 صوت)

10-09-2013 12:30 AM
لترابي يمارس الخداع والشيوعيين ما زالوا جارين وراه
جريتوا ورا الصادق أهو انسحب منكم وقت الشدة
خلو الجري ورا الترابي واتجهوا ناحية الشباب والاتحاديين التركوا الميرغني وسيروا الى الامام
الترابي دا مقلب وبخادع وبخدر فيكم


#794711 [علي]
4.19/5 (6 صوت)

10-08-2013 02:04 PM
انا مواطن سودانى طلعت فى المظاهرات انضربت فى يدى وحالف اواموت اويسقط الحيوان البشير
واقول للأحزاب المعارضة الشعبى على راسهم الترابى وحزب الامة على راسهم الصادق وحزب الاتحادى وراسهم الميرقنى امرق وقود المظاهرت يومين ماتتكلام فى الصحف سكت ولا كلام الناس البقول فيكم صح


#794647 [عاشق الهلال]
4.07/5 (5 صوت)

10-08-2013 01:10 PM
هو العجول ديل ما فاهمين ان الثوره ستكنسهم قبل البشير


#794503 [Game over]
4.07/5 (5 صوت)

10-08-2013 11:35 AM
يا ريت يا أستاذ كمال عمر نقدر نصدقك إنت وشيخك الترابي، لأن دوافع حماسكم لإسقاط البشير نفس دوفع الصادق المهدي، ناس ضيعتوا السلطة بغبائكم من يدكم وقعدتوا تبكوا عليها!! يعني الحكاية لا وطنية ولا خوف على السودان لأنكم السبب في كل الحاصل!! ألزموا الصمت لو سمحتوا.


#794242 [ابوريتاج]
4.07/5 (5 صوت)

10-08-2013 08:40 AM
كل مشاكل السودان من تحت راس هذا الترابى واذا كان هذا الحزب يفكر فى الحكم مستقبلا مافى داعى للثوره او الانتفاضه


#794225 [original sudanese]
4.16/5 (7 صوت)

10-08-2013 08:25 AM
يا كمال عمر والله لو لزمت بيتك أنت والترابي بتاعك دا أنا بقول أحسن وما في سوداني واحد واحد ناهيك عن الشعب يمكن أن ينقاد تحت إمرتكم وبتقول كمان أنكم زمان السيطرة على مقاليد الدولة في إشارتك للصحافة ( زمانكم نحن ) شنو الجددتو قبل كدا وشنو العملتو عشان يخلي الشعب معاكم أنتم همكم مقاليد الحكم أن يكون بيدكم لا بيد غيركم همكم الرئاسة وبعد ذلك الانتقام من الشعب السوداني بأسره كل الشعب السوداني سيقول بكلمة واحدة لااااااااااااااااااااااااااااااااااا


ردود على original sudanese
United States [واحد] 10-08-2013 09:30 AM
ياجماعة المهم الان القوى كلها تتحد ضد الكابوس (المؤتمر الوطنى) وبعد سقوطه الشعب يختار قيادته وحكومته - علينا ترك القديم خلفنا والتطلع للمستقبل - كلنا متفقون على اشياء معروفة وملومة لكن الان علينا الوحدة وسيأتى يوم الحساب عاجلا ام اجلا -



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة