الأخبار
أخبار إقليمية
وزير التجارة : لا أمل في دخول السيارات المستعملة
وزير التجارة : لا أمل في دخول السيارات المستعملة
وزير التجارة : لا أمل في دخول السيارات المستعملة


10-09-2013 08:39 AM
نادية عثمان مختار
استبعد وزير التجارة الخارجية ، عثمان عمر الشريف دخول السيارات الصغيرة المستعملة للسودان واعتبر مطالب السماح بدخولها غير موضوعية ولا تخدم المواطن ولا الاقتصاد الوطني .
وقال الوزير لا يوجد أمل لدخولها مجددا لأنه لايمكن أن نكون مزبلة العالم وأن تدخل لبلادنا سيارات تعمل منذ العام 1936 و1940)
وبرر الشريف مطلبه بإستثناء دخول السيارات الثقيلة المستعملة للسودان بحسبان أن قدومها لايؤثر ويمكن التجاوز فيها لخمسة او سبعة سنوات على أساس توظيفها لمشاريع محددة وجديدة مبيناً أن مجلس الوزراء لم يصدر قراره بالموافقة على هذا الاستثناء حتى الآن .
التغيير


تعليقات 37 | إهداء 0 | زيارات 10934

التعليقات
#797162 [Tatto]
5.00/5 (1 صوت)

10-10-2013 12:57 PM
أذا كانت الدوله لا تمول استيراد السيارات ولا تمول الاسبيرات .. يبقي دخلها شنو ؟ ..
ياوزير يامطحلب .. سمعت بمواطن فتح اعتماد علشان يجيب عربيه مستعمله ؟


#797079 [يونس]
0.00/5 (0 صوت)

10-10-2013 12:06 PM
اولا السلام عليكم جميعا والله كلامكم كلو فى محلو وصادقين من ما قولتهو اسع تحت تحت شغالين والله بعد الحكومه دى تتخارج والله الا يرجعو على ما كانو اول ولا يخرجو من البلد والله العظيم كلهم يسلمو


#796870 [ود امدر]
0.00/5 (0 صوت)

10-10-2013 09:41 AM
التقاطع دة ما داير ليهو اشارة ؟


#796737 [atif]
0.00/5 (0 صوت)

10-10-2013 06:09 AM
رئسكم دا موديل قديم وخرده من سنة 89 ومامرخص جاء بإنقلاب وسايق وسايقنه خائب الرجاء ولا عامل استثناء.


#796651 [غضبان شديد]
0.00/5 (0 صوت)

10-10-2013 12:54 AM
هو تزوج أمرأه مستعمله هل ده اثر في الاقتصاد ولا لا


#796535 [سعاد خيرى]
4.50/5 (3 صوت)

10-09-2013 10:07 PM
مفروض تسحب كل السيارات من السودان ,, ويدخلوا العجلات (البسكليت) أحسن شىء أقتصاديه ولاصرف بنزين ولاحاجه ,, وبعدين رياضه ,, شوفوا أسه ناس بريطانيا حتى رئيس الوزراء بيركب عجله ,, إنتوا العجعرفه العليكم شنو ؟؟؟؟ مفروض كل ناس الحكومه يركبوا بسكليت ,, شوفوا السودان يبقى مزدهر كيف ؟؟؟


#796360 [طاهر]
0.00/5 (0 صوت)

10-09-2013 07:07 PM
والله مخك هو الزبالة ,, غيرتو اى شئ التكاسى القديمة والحافلات بس مايجى يوم تقولوا البيوت قدمت كسروها واقعدوا فى بيت الوالى


#796188 [زووووول]
2.00/5 (1 صوت)

10-09-2013 04:45 PM
بالله في زباله اكتر من السيارات الشغاله في السودان دي ؟؟؟؟!!!!


#796185 [كاك]
5.00/5 (2 صوت)

10-09-2013 04:39 PM
دع عنك عن سيارات1940 اسمح بدخول سيارات 2003 وما فوق وبعدين هل السودان مزبلة للحكام لماذا 24 سنة الجلوس على كراس الحكم


#796183 [الغاضبة]
2.00/5 (1 صوت)

10-09-2013 04:34 PM
قال الوزير لا يوجد أمل لدخولها مجددا لأنه لايمكن أن نكون مزبلة العالم


هههها مزبلة العالم، هي بلد فيها انتو اكيد اكبر مزبلة مرت على التاريخ وحتى نتخلص منكم، ما عارفين أي بلد ممكن تقبلكم يا أعفن وأوسخ زبالة ... بعدين الصحفية دي منهم ولا شنو وليه سالت هذاالوزير الهالك لا محالة، هذا وقت الاسئلة الجادة وأين الجناة الذين اغتالوا شهداء الثورة ... دي الاسئلة المفروض توجه للمسؤولين ... مش العربات المستعملة أو غير مستعملة وماذا يستفيد الشعب منها .... الشعب السوداني يعتمد على الدواب في ترحاله وتنقله (كما قال احد المعتوهين من الكيزان واعتقد انه الحاج آدم ....


ردود على الغاضبة
European Union [أبو الزينة] 10-09-2013 09:11 PM
دا غبي قوليهو يا دابو عرفت لا يوجد أمل أمال لحسوك قرارك داك بسرعة ليه..ناس عاشقة المناصب بس..أمشي أتشاور مع أربابك الميرغني أحسن ليك من شيل القفة دي.


#796180 [ساب البلد]
5.00/5 (1 صوت)

10-09-2013 04:31 PM
العربات المستعملة بحالة ممتازة في اروبا ابتدا من 200 يورو عربات زي الفل .. الافارقة يخموا ساكت والجمارك عندهم العربية ب 50 دولار فقط دا بعد ما يملوا العربية بضاعة.. ناهيك عن اللودرات و التراكتورات و الله الشعب السوداني مظلوم.. العربات هنا ماشة يودوها يطحنوها ...الله يطحنكم يا ناس الانقاذ..


#796080 [سامى]
3.00/5 (2 صوت)

10-09-2013 03:00 PM
وزير ل-----مجنون وده قرارات تجار الدين انت تقرر شنو ياطير الرهو اكل وقش خشمك عشان اللقمة ماتقيف ليك فى حلقك يابتاع الاتحادى الاصل انت


#796061 [طارق]
5.00/5 (1 صوت)

10-09-2013 02:42 PM
السيارات الصغيره المستعمله بتدخل السودان وبانتظام لشركات ناس الموتمر الوطنى وبالله خليكم مراقبين بورتسوان الشهر الفات دخلت ثلاثه بواخو من كوريا سيارات مستعلمه واسال ناس ودالفادنى شركاء الحرامية ناس ودالفادنى شغاليين طول العام ماوقفوا واتحداكم امشوا بحرى تعرفوا الكذب والنفاق تحصلوا اليوم سيارات صغيره مستعمله اليوم واصله ياوزير ياكذاب عاوز تحتكر السوق اشان نسبتك تكبر


#796055 [ود الامير]
0.00/5 (0 صوت)

10-09-2013 02:39 PM
ما في داعي نصرف كلام ونضيع وكت مع زول هالك ومركبو غرقانة، بكرة حتدفعوا التمن باثر رجعي والاكلتوه من 24 سنة بنطرشكم ليهو وحسادتكم دي اتحرقو بنيرانها!


#796018 [masterport]
3.00/5 (1 صوت)

10-09-2013 02:03 PM
انت وزير تمومة جرتق و من احزاب الفكة , و تصريحك ده انت عارف ممكن تبلعوا هسع زي ما بلعت القبلوا , ده لو اصلا انت فضلت في الوزارة و حزبك التافه ما انسحب .
بعدين القرار ده ما بايدك انت و مجلس الوزراء ممكن الليلة يطلع قرار بايحاء من علي محمود و انت احر من يعلم يا .............. همبرور


#795995 [المغصة كاتلاني من الكيزان]
4.00/5 (1 صوت)

10-09-2013 01:49 PM
تبأ لكم تبأ لكم .... وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ


#795969 [سمعه]
1.00/5 (1 صوت)

10-09-2013 01:31 PM
مجلس الوزراء لم يصدر قراره بالموافقة علي هذا الإستثناء. هو نحن عندنا مجلس وزراء؟


#795923 [عباس]
3.00/5 (2 صوت)

10-09-2013 01:01 PM
طيب توقيف السيارات المستعملة نفع الاقتصاد بتاعنا بى شنو ورونى من يوم ما منعتو السيارات المستعملة واقتصادنا وجنيهنا ماشى متدهور والله ما عندكم اى سياسات ودائما عينكم فى الفيل وتطعنو فى ظله .


#795915 [ابو احمد]
3.00/5 (2 صوت)

10-09-2013 12:55 PM
يا اخى اترك المواطن هو ادرى بمصلحتة اى مواطن لو عندو بركب الجديد لكن اسع البكاسى الموديلات القديمة دى الناس لاقياها ما افضل من الكوارو والحمير ياحمير


#795903 [قاهر الظلام]
3.00/5 (2 صوت)

10-09-2013 12:49 PM
واحد من السادة الكبار إشتري لي ولده سيارة من واحد مغترب وطلعت السيارة { مخستكة } وحلف بالطلاق تاني سيارة مستعملة خاصة بالمغتربين ما تدخل السودان ... كان المغترب بقرا حلوبا في يوم من اليوم ولكن جف الضرع ... يادكتور التهامي ...ماذا قدمتم لهذا المغترب المغلوب علي أمره ؟؟؟؟؟؟؟؟؟؟؟؟؟


#795854 [ود الحاجة]
3.00/5 (2 صوت)

10-09-2013 12:14 PM
الاسلحة الخردة تدخل ويشرونها باسعار باهظة لاسباب معروفه أما السيارات التي يحتاجها المواطن ليرتاح من ازمة المواصلات فهي حكر على الاثرياء فقط .
طبعا السبب واضح و هو ان الوزير و زملاءه هم الموردون الحصريون للسيارات فدخول سيارات مستعملة ولو كانت موديل 2012 سيقلل من احتكارهم و هذا ما لا يريدونه


#795832 [مواطن]
1.00/5 (1 صوت)

10-09-2013 12:05 PM
ثبتوا ناسكم كويس،لازم بعد الكابوس المر ده،وتعال غش الوهم قول ليهم لا تفيد المواطن،وحنك الوهم ديل بأنو السودان ماحكون مزبلة التاريخ!،،السودان من أكبر الدول المستوردة للنفايات الألكترونية ياعم البابا،وبعرص وبقبض مال مقابل هذه النفايات الألكترونية واي بروف واعي تعيس في البلد التعيسه دي عارف المعلومة دي،بس ساكت وعامل رايح رعبا من كلابكم العندها سوء تغذية وأمخاخها فيه خلل معقد جدا،،قول القرار لن يفيد اقتصاد المؤتمر الوطني وأسكت على كده،وبرضو قرارك ده بلو وأمسح بيه قفاك،مكسور مكسور والفضل يعود لكم جعلتم هذا الوطن الشاسع عندك قرش بتعمل الفي راسك..

نشكركم على هذه مؤقتا..


#795735 [مشتهيك انا يا بلد]
3.00/5 (2 صوت)

10-09-2013 11:02 AM
هههههههههههه
ده مش الوزير الكسروا ليهو قرار فك السيارات فى راسو وسحب وبلع قرارو تانى يوم
لما تكون وزير جد وفى إيدك تقرر تعال إتكلم
قال وزير تجارة هى وينه وزارة التجارة شوية حرامية مع سماسمرة يطلعوا ليك اى إذن باللف والدوران ولو جيت تقول السلام عليكم لو ما دفعت ما فى واحد يرد عليك


#795714 [chinma]
3.00/5 (2 صوت)

10-09-2013 10:48 AM
ولا أمل لكم في أموالنا نحن المغتربون ... لن نساهم في أي شيء وسنقوم بتحويل فلوسنا بسعر السوق الأسود ولن يدخل دولار أو ريال أو درهم واحد في بنوككم يا لصوص.


#795699 [عوض الامين]
1.00/5 (1 صوت)

10-09-2013 10:42 AM
وليش انت يا وزير الهنا ماشي لعام 1936 او 1940 ،، ليش العالم اوقف انتاج السيارات من تلك السنين ولا انت مخلوع بالموديلات الجديدة والحديثة التي وفرتها لك الوزارة ،، أو عميان من الهنتر والبيجو العمرو اكثر من خمسين سنة وشغال في شوارع الخرطوم وليش ما تعطوا مثلا تصريح للسيارات من عام 2000 وحتى العام الحالي ،، ما الذي يمنع ،، مع العلم ان السيارات التي تعمل في السودان هي من أسوأ السيارات المصنعة في العالم،، والجميع يعلم ان شركة جياد تضع يدها على كل القرارات الخاصة باستيراد السيارات من الخارج وذلك باستعمال جميع الاساليب الفاسدة مع الوزراء والمسئولين. السيارة المستعملة في السودان سعرها يساوي خمس مرات سعرها مستعملة في دول الخليج. لماذا تحرمون هذا المواطن المسكين من هذه النعمة ........ كل الحجج المشاكل الاقتصادية التي تثار من دخول السيارات المستعملة للسودان حجج واهية وليس لها اساس ودائما يتحجج بها من له مصلحة في ان يظل قرار المنع ساريا..


#795677 [عباس]
3.00/5 (2 صوت)

10-09-2013 10:31 AM
لماذا ادخلتم ما يسمي ببصات الوالي المنهية الصلاحية يا فاقدي الصلاحية.


#795643 [mohd]
3.00/5 (4 صوت)

10-09-2013 10:15 AM
(لايمكن أن نكون مزبلة العالم)

والناس الاديوتوهم استثناءات يجيبوا سيارات مستعملة ديل مين هم مش كلاب المؤتمر ومحسوبيكم دايرين تغنوهم على حساب الشعب وتحتكروا لهم الشغلة دي يا منحطين يا كلاب


طيب والقاعدين في الحكم خمسة وعشرين سنة ديل هم ذاتهم ما مزبلة ؟

وتذيلكم لتقرير الشفافية ، والامن والحريات والصحافة والاقتصاد والفساد وكل شي

جايين فيهو طيش العالم دي ما مزبلة ؟

والسبب منو مش انت والمعاك ؟

يبقى انت والمعاك كلهم مكب نفايات العالم والبلد يا منحطين يا سفلة


#795622 [عبدالماجد احمد]
3.00/5 (5 صوت)

10-09-2013 10:10 AM
سيارات 1936 و 1940 حقبة ماقبل الحرب العالمية الثانية اغلى سيارات في العالم وتقام لها المعارض سنويا ثم اثرياء الخليج يبحثون عنها وتشارك في معارض عالمية... انتو متاكدين دا وزير تجارة ?


ردود على عبدالماجد احمد
European Union [سن ألفيل] 10-09-2013 08:54 PM
والله ياعبد الماجد يا أخوي الكلام ده البفهموا ليك منو كلامك 100% والقصد من عدم دخول السيارات المستعملة ابقاء الشعب على الفقر والجوع والمرض دي سياسة المشروع الحضاري في القتل الجماعي

United States [عبد العزيز] 10-09-2013 11:39 AM
عجبتني يا عبد الماجد ..والله حقو انت تكون وزير التجارة .... اتخيل الناس بتحتفظ بالسيارات دي للمعارض العالمية علشان هي مصدر دخل كبير يفوق مصنع جياد و شوف الوزير ده كيف بيفكر ؟!! اللهم لا نسألك رد القضاء بل اللطف فيه !


#795586 [خالد]
3.00/5 (2 صوت)

10-09-2013 09:57 AM
الزبالة امثالك يا عثمان عمر الشريف ؟ يصرح كانه ملك السودان ؟


ردود على خالد
United States [سيد البلد] 10-09-2013 06:11 PM
ربالة ساكت ماكفاية


#795583 [KALAS.]
1.00/5 (2 صوت)

10-09-2013 09:56 AM
يا خروف دولة الامارات متقدمة و متطورة افضل منكم و حتى الان مسموح بدخول السيارات المستعملة و لكن انتم لصوص و حرامية و اى شئ بدون تحقيق مصالح شخصية لكم غير مقبول منكم ماذا يضير الحكومة اذا استورد مواطن غلبان سيارة مستعملة موديل 2007 او غيره و لكنكم تريدون ان يموت المواطن من التعب و الضنك و انتم تركبون اخر الموديلات و افخمها من لاندكروزر و غيره و برضو تقولو هى لله ، حريقة تحرقكم.


#795577 [aldufar]
1.00/5 (1 صوت)

10-09-2013 09:53 AM
كذاب يا وزير التجارة كان في كوز كبير جق كدا وعنده 30 سيارة موديل2013 و30 آخرى مستعملة بدخلها ليوه ولا لأ .







طبعا ح تضحك وتقولي كيف تدخل طوالي كان دخلتها لي فلان دا ما بكرة بكون في خبر كان ، ولكن لابوي لاتستطيع تدخل ليوه حمار بالجمارك خيار وفقوس طبعا ولان ابوي ماكوز راجل مزارع ومسكين وعمره ما امتلك سيارة وح تمنعه حتى ان يدخل تلفزيون هي المحسوبية التي دمرت بلدنا ، قاتلكم الله يا كيزان


#795545 [بهاء الدين سليمان]
3.00/5 (2 صوت)

10-09-2013 09:42 AM
يا وزير التجارة من قال لك أن السيارات المستعملة 1936 و 1940 هل يعقل ذلك ... ياخى دخلوا السيارات المستعملة من موديل 1990 فما فوق ... الامارات العربية المتحدة التى أصبحت في مصاف الدول المتقدمة تسمح باستيراد السيارات المستعملة وارد أمريكا واليابان وكوريا ... وين المشكلة يا وزير التجارة ... بهذا الاجراء فانكم تحددون فئة معينة لركوب السيارات وخاصة جياد


#795485 [ود الجد]
3.00/5 (2 صوت)

10-09-2013 09:18 AM
اقترح ان يستورد أهل السودان سيارات( ميني) تعمل بالطاقة الشمسية او غازالطبخ (بالرغم من ان هذا الامرلا يخدم مصلحة الحكومة ) وذلك بعد استحالة تحمل تكلفة البنزين الغالي


#795473 [Hitler]
1.00/5 (2 صوت)

10-09-2013 09:12 AM
جديدة أو مستعملة أنت عندك لها وقود؟ شفوا ليكم موضوع آخر غير هذه الأسطوانة التي سمعنها منذ بداية عهدكم (الميمون)


#795470 [سامر]
2.00/5 (3 صوت)

10-09-2013 09:10 AM
سيارات تعمل منذ العام 1936 و1940) !!!!!!!!
شر البلية ما يضحك و الزبالة هي حكومة السودان


#795459 [أبوسيفين]
1.00/5 (1 صوت)

10-09-2013 09:00 AM
لعنة الله تشغاك صباح مساء


#795458 [شقى ومجنون]
1.00/5 (1 صوت)

10-09-2013 08:57 AM
أه..ده زير فاضى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة