الأخبار
أخبار إقليمية
نظام البشير الفاسد يحاكم اليوم الدكتورة سمر .. خفوا لمؤاذرتها
نظام البشير الفاسد يحاكم اليوم الدكتورة سمر .. خفوا لمؤاذرتها
نظام البشير الفاسد يحاكم اليوم الدكتورة سمر .. خفوا لمؤاذرتها
الصورة .. مرباع القدال . تصميم عصام عبدالله


10-09-2013 09:16 AM
أسعد علي

زميلتنا الدكتورة الصيدلانية سمر ميرغني.. لم أعرفها الا من خلال ما نشرته قناة العربية عن تعذيبها.. تحصلت قبل قليل على رقم هاتفها من زميل كريم فاتصلت عليها مؤازرا معاضدا علني اسهم في تخفيف آلامها وتطبيب بعض من ما أصابها من جراح النفس لكنها أذهلتني! ردت علي في ثبات.. تحدثت الى بعزة وكبرياء وشموخ سوداني أصيل.. ملؤه الايمان واليقين بأن الحق منتصر وأن الباطل زهوق.. خبرتها أننا كسودانيين اخوة لها وكأطباء زملاء لها، نقف الى جانبها بكل ما أوتينا ونشد من أزرها.. فكلفتني بتبليغ شكرها وامتنانها لكل من وقف معها و وعدها للجميع بأن مستقبلا مشرقا ينتظر السودان وأنها على استعداد لسداد كلفة ميلاد ذلك المستقبل مهما كان الثمن باهظا..
image
ثم ناولت سماعة الهاتف لوالدها البروفيسور ميرغني ابن عوف فوجدته رجلا كما النخل باسق، كما الجبال شاهق، كما الماء عذوبة ونقاء.. قال لي في هدوء.. يا بني المسألة ليست سمر فحسب، فكم من سمر كل يوم؟؟!! كم من فتاة وسيدة بل وحتى رجل يتعرضون لمثل ما تعرضت له سمر بل ولربما أبشع؟؟! يا بني ليس المهم أن تبرأ سمر أو تدان.. بل المهم أن نضع حدا لكل هذا.. يا بني هذه الأرض لنا.. أرض أجدادنا وآبائنا.. ان لم نعش فيها بعزة وكرامة فباطنها خير لنا من ظاهرها.. فأيقنت حينها أنني في حضرة أسرة ملوكية.. من عهد تهراقا وبعانخي والملكة الكنداكة أماني ريناس وأماني شخيتو.. وأيقنت أن مهيرة بت عبود لم تمت.. والميرم لم تمت.. وأن الزبد يذهب جفاء ويمكث في الأرض ما ينفع الناس،، وأن الخير في بني السودان باقي الى أن يرث الله الأرض ومن عليها.

وكان الشاعر الكبير محمد طه القدال قد أهداها مرباعه اليومي حيث كتب:

نفير القدال. .مرباع اليوم
-------------؛
عِـزُّوها السَـمَـرْ عِـزاً يبـلـِّل ريقا
دافرتي الوَهَم وامِّـك مَنَضَّـف زيقا
تسلمي بت أبوك اهلِـك بَلـَد في الضيقة
تـلـفــيقة كـَجـَرْ خـَـابـرينَّـها التـلفيقه
؛------------------
بحري – أيام سمر الحرة
image


تعليقات 51 | إهداء 0 | زيارات 15473

التعليقات
#798395 [ميسرة على]
0.00/5 (0 صوت)

10-12-2013 01:38 AM
والله ارجل من الرجال الفضيتهم ماتت مع سوطين من العسكر


#797022 [مجاهد يحى]
0.00/5 (0 صوت)

10-10-2013 11:19 AM
ستكون النهاية مرة لهذا النظام القاتل الظالم الجائر


#796706 [قال آيه]
0.00/5 (0 صوت)

10-10-2013 03:21 AM
لقد اثبتت سمر وبنات جامعة الاحفاد انهم أكثر وطنية وشجاعة ورجاله من الفى بالى والسافر وخلى لى صورة ....


#796608 [nagatabuzaid]
0.00/5 (0 صوت)

10-09-2013 11:17 PM
تضامننا مع سمر كابنة لنا لكل السودان للانسانية لكرامة المراة و فى تعاطفنا واحتضاننا لها مع رانيا وهندوسة وغيرها من الابيات تضامننا وحبنا لها ليس لانها دكتورة وابوها بروف او شايقية اورزيقية او نوباوية نحن السودان ولاصحاب النظرة الضيقة استمعوا واقراءوا وتمعنوا فيما قاله ابو سمر درس بل مدرسة وحكمة ماقاله يؤكد انه وهبها لكل السودان كافة اتركوا هذا الاسلوب لتتقدموا وتنجح ثورتكم والتحية لسمر واسرتها وكل السودان


#796378 [abu khaled]
0.00/5 (0 صوت)

10-09-2013 07:21 PM
أين منظمات حقوق الانسان أين العصيان المدني أين نقابة الصيدلة أين احزاب المعارضة واخيرا أين الشعب السوداني


#796344 [عطرالاماسى]
0.00/5 (0 صوت)

10-09-2013 06:57 PM
يابت ملوك النيل يا اخت البدور؟؟اثقى في عدالة السماء وربنا موجود ومابيرضى بالظلم وما هنتى يابت ملوك النيل اختى سمر ادعو الله ان يحفظك وان ينتقم من كل من مدى يدو لضربك))يارب كل من ضرب حرائر السودان اللهم شل اطرافو وسلط عليه سلطان الا يوم الدين ))وتحيه اجلال للدكتوره سمر))وربنا معاك وكلنا معاك


#796301 [alfrayhi]
0.00/5 (0 صوت)

10-09-2013 06:16 PM
اها الحصل شنو في المحكمة ..؟

كامل تضامننا مع سمر المظلومة ....


ردود على alfrayhi
European Union [خالد طة الخال] 10-09-2013 08:43 PM
حملة مقاطعة صلاة العيد خلف السيدين الصادق والميرغني احتجاجا على مواقفهم الضبابية والجبانة من ثورة 23 سبتمبر


#796172 [محمد الامام على]
0.00/5 (0 صوت)

10-09-2013 04:23 PM
كثيرا ما استمعنا للبشير ونائبه على والوزراء والولاة وهم يتحدثون فى عدة مناسبات واحتفالات ولكن لم اتاثر او احس بالوطن والمواطنة كما احسست بها وانا استمع الى حديث القامه البروفسير والد سمر للصحف والقنوات الفضائية وتسالت لماذا لايحكمنا امثال هذا الرجل لتتفجر الطاقات الكامنة فى الامه السودانيهوينهض البلد عملاقا


#796146 [hamra]
0.00/5 (0 صوت)

10-09-2013 03:57 PM
منصورة أختي سمر بإذن الله
أكيد يوم باكر حيبقى أخير


#796058 [elsara]
0.00/5 (0 صوت)

10-09-2013 02:41 PM
يا سمر انا في جنوب افريقيا ولك ان تعرفي الباقي...معك حتى النخااااااااع


#796031 [مهيره بت عبود]
0.00/5 (0 صوت)

10-09-2013 02:12 PM
كلنا سمر ... و على الدرب سائرون
نتحدى نشق القهر و القانون
القانون الختو بظلم و جنون
سمر الشجاعتها كلها فنون
لا خافت وقالت احسن انوم
اتحدت ظلم الطغاه الفوقنا غيوم
اصرت و قالت اكون او لا اكون
وعارفه انو الباطل دايمامهزوم
انت ياسمر في سمانا نجوم
جيتي في زمن الكوز المشؤوم
في زمن حتى الدم بقى مرهون
ادينا صرخه عااااليه ياناس
الثوره لازم تواصل و تقوم
الثوره لازم توصل و تقوم
الثوره لازم تواصل و تقوم


#796030 [باكي]
0.00/5 (0 صوت)

10-09-2013 02:12 PM
صورة روعة،،بتاعين الأمن ديل نجسين قبيحين وشنا أستغفر الله بس،وعشان كده بكرهوا الجمال السوداني ده علم وشجاعة وشرف وجمال،،ربنا يحفظك ويشل ويحرق ويطحن طحال اي واحد من الوسخ من الضربك،البضرب الزيك مريض حاقد مختل نفسيا.
وبقولوا دي احتجاجات حقد طبقي!!هي فعلا احتجاجات حقد طبقي بين الطبقه الشريفه المأكلها حلال متعلمين وغير متعلمين ضد الطبقة النجسة أخلاقيا وفكريا وجسديا وغيره


#796022 [ابولونجة]
5.00/5 (1 صوت)

10-09-2013 02:07 PM
تفصل بيننا المسافات ولكن قلوبنا معك يا سمر .. انهم يحاكمون البراءة فانت لست مذنبة


#796012 [سرحه]
0.00/5 (0 صوت)

10-09-2013 02:01 PM
البت دي ححسدوها ،حاسس في بنات كمية مقهورين وقاتلاهم الغيرة من شجاعتها ولطافتها،،حاسس برضو في شباب قاتلاهم الغيرة،،زي البت دي مفروض يكونوا شباب البلد..لكن الله المستعان


#795986 [المغصة كاتلاني من الكيزان]
0.00/5 (0 صوت)

10-09-2013 01:43 PM
لك الله يا سمر
والله ثم والله لم أشعر بهذا الضعف والهوان من قبل .. لك الله


#795976 [سودانيه]
4.00/5 (4 صوت)

10-09-2013 01:35 PM
دكتورةوابوها بروف تتهان الاها نه دى كلها دى لوحصلت فى اى دوله كا ن هب المجتمع كلو بلدنا التقول العا يشين فيهو ديل ما ادميين معقول نرضي با لهوان داالفضا ئيه مطلب شعب
نن


#795943 [ابو اسد الله محمد الشريف]
3.00/5 (2 صوت)

10-09-2013 01:12 PM
It could have been my daughter, wife, ... It could have been the innocent girl next door

اللهم اليك نشكو ضعفنا وهواننا على الناس


#795907 [abu hamdi]
3.00/5 (2 صوت)

10-09-2013 12:49 PM
الدكتورة سمر بصراحة كنداكة ( اقوي امراة عرفها التاريخ بشهادة الرومان)وابوها ما بروف وبس لكن ملك ابن ملوك هذا ماتوصلت اليه منذ بداية المسألة


#795881 [jalila Bbakheit Alteib]
3.00/5 (2 صوت)

10-09-2013 12:33 PM
لا يجهل قيمة الإنسان إلا حيوانات الغابة ومهما كان حجمه او ذكاءه أو خباثته فهو يخضع في الآخر إلي فهم الإنسان وذكاءه بكل الطرق والوسائل الممكنة وهولاء الشرزمة والبلطجية كل يوم بيثبتوا إنهم حيوانات.وجعلوا من السودان غابة لكن إنشاء الله هم في أطراف الغابة وبلا عودة.


#795878 [Abdo]
4.00/5 (4 صوت)

10-09-2013 12:31 PM
فلتمتلئ ساحة المحكمة حتى يعرف كل من وارء هذه القضية بانه ينظر قضية مرفوعة ضد الشعب السوداني ،،، بروف لك التحية و لإبنتك و العزة لكل أهلنا الشرفاء و الخزي و العار لعديمي الضمير و الخلق الكريم.


#795862 [تايسون]
4.00/5 (4 صوت)

10-09-2013 12:19 PM
كلنا معاك


#795825 [أسامة الكردي]
4.00/5 (4 صوت)

10-09-2013 11:57 AM
الطلقة ما بتحرق بيحرق سكات الزول

اطلع كفاكا سكوت
بالجوع حتلقى الموت
و بى غيره برضو تموت
موت فى سبيل حقك
و اصبح شهيد وطنك
اكرم تموت واقف
وطنك صبح مبيوع
وقولك صبح ممنوع

منقول .


#795818 [مجدي عبد الحميد ارباب]
4.00/5 (3 صوت)

10-09-2013 11:53 AM
كلنا معك الابنة سمر ربنا ينصرك


#795802 [معاوية]
4.00/5 (3 صوت)

10-09-2013 11:45 AM
تسلمى دكتوره وخدر الله ضراعك وياريت يثبت هؤلاء الجبابره يوم السؤال
قادمون باذن الله وللسودان حامون من زيف القتلة ولاد الهرمه الااكلو
قروس الناس وربالناس ليهم كناس ان شاء الله


#795772 [مدحت عروة]
3.84/5 (8 صوت)

10-09-2013 11:24 AM
بالله عليكم الله شوفوا كلام ميرغنى والد سمر ؟؟؟؟؟
ده كلام سودانى اصيل ودبلد ومفروض يكتب بمداد من ذهب!!!!!!!!!!!!!!
انا ما من زمان قلت ليكم ان الحركة الاسلاموية وطفلها الغير شرعى الانقاذ ما اولاد بلد بل هواهم اجنبى وما تهمهم مصلحة السودان بل هم مع شذاذ الآفاق كيزان مصر وتونس وغزة وليبيا والخليج وهلم جرا الكلهم ما يسووا والله الذى لا اله غيره نعال واحد مواطن سودانى!!!!!!!!!!!!!!!!!
كلام عربى ومفهوم مش وما داير ليه فهامة او ترجمة؟؟؟؟؟؟؟؟؟؟؟؟؟؟؟؟؟؟
ميرغتى وسمر انتو فوق الراس والانقاذ او الحركة الاسلاموية تحت المداس ولا نامت اعين الجبناء العملاء والسودان للسودانيين وليس لشذاذ الآفاق ومصلحة الوطن والمواطن السودانى تاتى قبل اى مصلحة اخرى !!!!!!!!!!!!!!!!!!!


#795760 [sultan]
4.00/5 (3 صوت)

10-09-2013 11:19 AM
لولا فساد هذه الحكومة لم نتظاهر ولولا اشعالها الحرب في كل بقاع بلادي لم نتظاهر ولولا اهانتها واستخفافها بأمتنا لم نتظاهر ولولا متجارتها بديننا لم نتظاهر.
التظاهر اصبح واجباً على اي فرد لخلع هؤلاء الفاسدين


#795753 [maha bit samira]
4.00/5 (4 صوت)

10-09-2013 11:12 AM
تضامنا مع الكنداكة سمر

قومو هوى يا نسوان
قومو وتورو السودان
قومو واتركو الاذعان
وفكو سلاسل السجان
وشدو ركوبة الفرسان
وسلو سيوف للنصر سنان
وفيكم قوة البركان
يقذف بحمم وجوفه الغليان
ينذر بشرار ثورة وفوران
وكيتو محال ما بالامكان
ويشلع قبلى ماخمجان
يضوى الحاضر المابان
يوعد بمطر وابدا ما خان
يدوى رعد وينزل طوفان
يكسح فى طريقه كل هوان
ويقوم تيراب لى مجد رنان
وتجنو العزة للسودان
وتبقو شرافة للازمان
وتعيدوا الفخر للكنداكة
فى السودان

ياشباب بلادى قال شاعر البطانة الحردلو:-
عز الراس دهن وعز الحريم وليان....
ويا نساء بلادى اناشدكم:
انتو الدر فى المرجان
وانت المرأة والانسان
وانت الموية للفيضان
وانت كرامة الانسان

هبن لنجدة الكنداكة فى السودان
لاقبلت زل ولا بترضى هوان
ندحر بالعزم ضلال الكيزان


#795744 [الكتاحة]
3.25/5 (3 صوت)

10-09-2013 11:06 AM
لك التحية والأجلال ولانامت أعين الجبناءوأزكّر بمقولة تشرشل حينما سئل عن أمكانية الوقوف ثانية بعد الحرب ,طالما أن القضاء بخير ستنهض بريطانيا العظمى ,وقد كان ولنا في قضاة مصر وناديهم عبرة وكيف تحدوا مرسي حينما أصدر مرسومه الدستوري الأضحوكة التي عجلت برحيله, وها قد جاءت الفرصة لمن يريد أن يسجل أسمه بأحرف من نور ياقضاة السودان فهل من رجل يطلق الدنيا وعيشة البهائم ويرفض المحاكمات الصورية التي ستنعكس وبالاً عليه وعلى مستقبل أبنائه وتقتل الأمل في الحلم بعالم سعيد. لك التحية دكتورة سمر فقد صرت رمزاً للأنعتاق من قوانين الذل.


#795737 [عزالدين الشريف]
3.00/5 (2 صوت)

10-09-2013 11:02 AM
التحية للدكتورة/ سمر ولاسرتها. نعلن وقوفنا معها ومع جميع المناضلات والمناضلين ... السايقة واصلة


#795731 [ود البطانة]
3.88/5 (4 صوت)

10-09-2013 10:57 AM
يا جماعة الأمنجي الذي إعتدي عليها بالضرب والإساءات هو نفسه الشاكي ..يا عالم سمر دي ما بت سودانية فيكم زول بقبل الكلام والإساءات لأخته ...يا شباب السودان سمر لو ماعندها أخوان وابوها راجل كبير مافيكم راجل إكسر حنك الخسيس دا وإطلع أيمانه ..يا جماعة والله انا مغبووون وممغوووص الناس تتفرج في البنات إجلدو فيهم الصعاليق ديل ..تلاتة بالله العظيم لو حضرت الجلسة وقابلت المخلوق دا إلا أسلمه الكريم ..علشان إعرف وإعرف بقية اولاد الحرام إنه في حدود لو رؤساءهم قالو ليهم مافي حدود ..


ردود على ود البطانة
United States [حسون الشاطر / دنقلا] 10-09-2013 01:38 PM
أها يا ود البطانة مفروض الناس تترصدو و تأدبو أدب شديد وحتى لو يصل الأمر للتهديد بالقتل عشان ما يتلاعب بسمعة وشرف الشرفاء والشريفات ومش هو براهو لازم كل الجماعة الزيو من كلاب النظام لازم نجمع أكبر قدر من المعلومات عنهم ونصل ليهم في أماكنم ونبداء شغل , تظهر ليهو مجموعة وتأدبو وتقول ليهو بكرة بتجيك مجموعة غيرنا وبعدو غيرها وكده على طول خلى الحكومة تحميك مننا .

[الكتاحة] 10-09-2013 12:21 PM
الجماعة أستعانوا بالجنجويد لحمايتهم بعد ماعرفوا أنه الشباب راصد كل الأمنجية أولاد الخرطوم وأشتغلوا تبديل مراكز أمن الخرطوم لمظاهرات نيالا وأمنجية بورتسودان لودمدني أما حكاية الجنجويد فأمرها عجب فالحساب بالرأس والعطالة والجهل على قفا من يشيل.


#795713 [عدو الكيزان]
3.75/5 (4 صوت)

10-09-2013 10:47 AM
بطلة إبنة أبطال وحفيدة أطفال ،،، وشلت يد الكلب الذي مسك بسوء أيتها الدكتورة ،، كلنا سمر اليوم وقسماً قسماً سنقتص لك ولكل حفيدات مهيرة ،، وياجبل مايهزك ريح .

دعواتنا لك من البعد بالنصر والصمود .


#795695 [عبدالمنعم العوض]
4.00/5 (3 صوت)

10-09-2013 10:39 AM
نعز سمر الليالي الباهرة زي القمرة
عزيتي البلد نلت الشرف والشكرة
بت امك مهيرة وابيرضي ابوك الحقرة
ويا ويل الهوان لمان يدخلوا الحفرة


#795694 [omer ali]
3.94/5 (6 صوت)

10-09-2013 10:39 AM
ابدا ما هنت يا سوداننا يوما علينا

سمر بن عوف بنت السودان تربت علي ارث هذا الشعب المقدام ستقف امام محاكم الظلم الانقاذيه الاخوانيه بكل شموخ وعزه دون خوف من اشباه الرجال الذين ابتلانا بهم رب العباد كما وقف رفاقك الاشاوس شباب هذه الثوره الذين حصدهم رصاص الغدر والخيانه

فلنحني اجلالا وتقديرا لشهداء بلادنا ولكل من يرزح في سجون الانقاذ من ابناء شعبنا ولن يطول ليل الانقاذ البهيم فالفجر قادم وستنصب مقاصل العداله في كل ارجاء السودان لتقطم رؤوس سفلة الاخوان والانقاذ التي اينعت وحان قطافها


#795685 [ابو الهول]
4.00/5 (4 صوت)

10-09-2013 10:34 AM
أرواح تزف أرواح
برضوا اللسان مبلوع
راح الوطن باباح
جربنا لحس الكوع
جرب معانا وضوق
لو مرة واحدة الجوع !!
من قبل ما نسميك
الريس المخلــــوووع
***
سنوات طوت سنوات
كانت وعود في وعود
قدمنا ليك فلذات
ضحينا بالموجود
فوق الصبر صابرين
والصبر ليهو حدود!!
نحن بنكورك سير
وإنت ف طريق مســـدوود
*ازهري محمد علي*


ردود على ابو الهول
[زول احووووص] 10-09-2013 11:48 AM
قمة الابداع والشاعريه
ارمي الانجاس فشعرك اقوى من الرصاص


#795655 [عاشق الامهره]
4.00/5 (4 صوت)

10-09-2013 10:22 AM
اسرتك ايها الشهم ميرغني بن عوف اصبحت رمزا لكل اسر السودان التي لم ولن تهادن سفلة الانقاذ
تحية صادقه لهذه الاسره الكريمه اما انت يا سمر بن عوف تاكدي ان كل الشعب السوداني يقف الي جانبك
فاصمدي امام هولاء الجبناء ولا ترمش لك عين

المجد والخلود لشهداء ثورة سبتمبر والعار والذل لقتلة النساء والاطفال والعجزي سفلة الانقاذ وكل من شايعهم


#795654 [بركة البركة]
4.00/5 (4 صوت)

10-09-2013 10:21 AM
الله معك - وربنا ينصرك - انتي في مواجهة الخصم والحكم - لكن يقينك بان الله ناصرك هو الزاد - فندعو الله أن ينصرك عليهم ويحفظك ويحفظ عائلتك وكل السودان من شر هولاء المنافقين الكذابين المتدثرين بعباءة الدين
وان غدا لناظره قريب


#795649 [حسان]
4.00/5 (3 صوت)

10-09-2013 10:18 AM
الابنة سمر نسال الحي القيوم ان يصلي علي افضل خلقه اجمعين و آله و ان ينصرك و اهلك علي الظلمة و المفترين و نسالك ان تعفو عنا نحن البعيدين اذ يقول المنادي يوم البعث من له حق علي المولي فيقف العافون عن الناس . اذ حال بعدنا الوقوف اماما في حربنا ضد الجهل و الظلم والكذب وتجارة الدين


#795648 [وجدي]
3.94/5 (6 صوت)

10-09-2013 10:18 AM
نحن اليوم كلنا سمر و ابنعوف
نحن الفأس ونحن الرأس
نخلف ساقنا وخت أبو عشرة من قدام
ان حرت نقابل الجلة ما في كلام
افو نحن قدورة نركز و مافي زول يقدر يطلعنا


#795642 [khalid mustafa]
4.00/5 (3 صوت)

10-09-2013 10:15 AM
ابن عوف الرجل الضكر يخطو علي مسيرة الاسطوره صائد التماسيح الذي تغني به اجدادنا في الشمال ,, لن يغلبه مصادمة سفلة الانقاذ,, اما انت يا سمر بن عوف فتاكدي انك اصبحت رمزا لكل فتيات السودان ولانتفاضة سبتمبر المجيده,, فهذا الشبل من ذاك الاسد ولنردد معا

وَلِلحُرِّيَّةِ الحَمراءِ بابٌ
بِكُلِّ يَدٍ مُضَـــرَّجَةٍ يُدَقُّ

لك الف تحيه واحترام وتقدير يا بنت بلادي سمر


#795634 [8855]
4.00/5 (3 صوت)

10-09-2013 10:13 AM
نسال الله ان فرج عن اختنا سمر وان يعيننا علي مصائب الدهر وان يجمع شمل اهل السودان علي ازاحة هذا الكائن المسمي حكومة الانقاذا ونتخلص من هذا السرطان .


#795621 [سوداني ناصح]
4.00/5 (4 صوت)

10-09-2013 10:09 AM
اصمدي ولاتحتاجي منا الى كثير حديث فانت من السودان الكبير البيت الكبر الذي لا نعرف فيه امثال من اعتقلوك وعذبوك لانهم لو ان لهم امهات واخوات ما فعلوا ما فعلوه بك !!!!!

المحكمة ستكون عنوان لحقيقة واحدة هي ان النظام قتل الابرياء وعذب الفتيات ويحاكم من يفضح افعاله المنافية للاسلام والاخلاق ويجب ان لاننسي النساء البسيطات اللتن ذغردن للابطال الثوار واللتن حوكمن في محكمة الحاج يوسف فانهن امهات ونساء تظاهرن ضد القهر والجبروت فالوقفة والوفاء يجب ان يكون لكل امهاتنا واخواتنا اللاي فقدنا اعزاء ايضا فانهمن مكلومات وانهن اشرف منا جميعا فقد قدمنا فلذات اكبادهن من اجل الوطن ستزول الحكومة الظالمة ويبقى الوطن .
وفي شان المحاكمة من الثابت ان من ياتي العدالة يجب ان يكون نظيف اليد who comes to equity must come with clean hands لكن الشاكي اتسخت يداه بدم الابرياء ولايمكن ان تدعي الحكومة انها تطلب العدالة في ظل نظام قضائي يدين بالولاء الاعمي للنظام ؟؟؟؟


#795604 [sabile]
4.00/5 (3 صوت)

10-09-2013 10:05 AM
حملة مقاطعة صلاة العيد خلف السيدين الصادق والميرغني احتجاجا على مواقفهم الضبابية والجبانة من ثورة 23 سبتمبر


ردود على sabile
United States [عنوان] 10-09-2013 10:51 AM
ليت كانت مواقفهم (ضبابية) ، بل هي مواقف (مخذلة) و( شينة) وضد إرادة هذا الشعب .
نعجب للذين يعولون على هؤلاء ، نعجب على الذين يذهبون لسماع خطب بل تراهات الصادق المهدي المكرورة .


#795603 [وطني غيور]
4.00/5 (3 صوت)

10-09-2013 10:05 AM
لكي الله يا اخت بلادي الفاضلة
التحية لكل نساء السودان

شلت يد الجلاد شلت

التحية لكل الشرفاء

كلنا سمر

كلنا دكتور صلاح

كلنا شهداء الثورة

كلنا فداك يا وطن


#795601 [ابوشنب]
2.50/5 (4 صوت)

10-09-2013 10:04 AM
ميرغني ابن عوف...


يعنى شايقى ابن شايقى....مهداة لمن يظن أن كل أهل الشمالية يوالون هذا النظام الفاسد..و ليعلموا أنه قد مسًهم القرح كما مسً كل أهل أهل السودان..وحدتنا هى الاساس لاسقاط هذا النظام..


ردود على ابوشنب
United States [سودانية] 10-09-2013 01:00 PM
انا ماشايقية لكن بحب الشوايقة عموم
ولكن في هذه اللحظة نقول مثل المصطفي (ص)دعوها فانها منتنة -القبلية-كلنا سودانافوق
جعلي ودنقلاوي وشايقي ايه فايداني
غير خلقت خلاف خلت اخوي عاداني
خلوا نبانا يسري علي البعيد والداني
يكفي النيل ابونا والجنس سوداني

United States [sultan] 10-09-2013 11:13 AM
يا ابا شنب لا تزل في ضلالك القديم حتى سمر ووالد سمر لم يعتزا بشايقيتهما بل اعتزا بسودانيتهما وهو هم الجميع ارجو ان تكون شخصاً متحضراً كما اود من الجميع ان يكونو كذلك

United States [الحافي] 10-09-2013 10:58 AM
دعونا من الذي يفرقنا .. وان لا نسقط في فخاخ النظام ..
(سمر) سودانية وابنعوف سوداني و الشهيد سنهوري سوداني
والثورة سودانية ، خرجت نيالا ومدني وشمبات وبري وبورتسودان .

الثورة مستمرة
الجميع مدعو للوقوف والتجمع امام المحكمة التي ستحاكم فيها ابنتا (سمر) .


#795595 [الراصد]
3.82/5 (5 صوت)

10-09-2013 10:00 AM
كلنا اليوم نراقب هذه المحكمة ..في اعتقادي ان كل بنات شعبنا اليوم يمثلن في سمر ..الي متي ستواصل سلطة الخوان المسلمين أذلال و أضهاد النساء في بلادي .


#795566 [الكردفاني العدييييييييييييل]
3.00/5 (2 صوت)

10-09-2013 09:50 AM
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!
كلم جارك ... كلم صاحبك..... البلد ...بلدك.... كيف تحرم حق الحياة؟؟ظ... وهم يتمتعون بها!!!!


#795561 [mona]
3.00/5 (2 صوت)

10-09-2013 09:48 AM
عز النساء وعار الجبناء
________________________________________
لم تبق ولا توجد كلمات لوصف هذا العمل الخارق الجبار البطولي الأسطوري لنساء السودان، صاحبات الهامات التي تعانق السماء. إرادة وعزيمة وإيمان لو وزعت على أهل الأرض لوسعتهم وفاضت، أمهات وزوجات وأخوات وبنات لنا يضربن القدوة والمثل والدروس في معنى المقاومة والمواجهة مع عصابة فقدت كل إنسانيها، يسطّرن بمواقفهن ملحمة العز والفخار في زمن الذل والانهيار.
لن أستطيع أن أستوفيهن حقوقهن، ولا يمكن أن تصف التعابير وآيات الشكر والعرفان شعور الملايين ممن تابعوا ماجدات الخرطوم وبحري وامدرمان ومدني وغيرها وغيرها من مدن وقرى السودان وهن يسرن غير مترددات، عازمات مصممات، بأجسادهن دون سلاح، ويدفعن ثمن ذلك من دمائهن، ليعدن ظافرات غانمات منصورات بإذن الله.
حقا لقد صنعن جزء مهما من المجد الذي يستحقه شعب السودان.. في نضاله من اجل الحرية والخلاص
و تبقى أجمل الكلمات هي التي نعجز أن نجدها في وصفكن يا عز الأمة وفخرها......... فارسات منصورات بحول الله


#795556 [KALAS.]
3.00/5 (2 صوت)

10-09-2013 09:47 AM
يلا يا شباب باعداد غفيرة داخل المحكمة و خارجها حتى يرتجف من بيده القلم و يعلم ان الحكم الذى سيصدره لن يكون بحق سمر و انما حكم عليه هو بمعنى اما ان القاضى امينا مع نفسه و يحكم بالحق او ان يكون كوزا ينفذ ما يؤمر به و بالعربى كد اما يكون قاضى رافع راسو و يحكم بالقانون او يكون حانى راسو و يقول الحكم المرسل ليه و نحيا و نشوف .


#795540 [فارس عبدالرحمن]
4.00/5 (3 صوت)

10-09-2013 09:40 AM
ستظل سمر شامخة شموخ نخيلنا وسوف تكسر بصمودها وكبرياءها صلف هذه الفئة الضالة الفاسدة


#795524 [khalidal m Ali]
4.00/5 (3 صوت)

10-09-2013 09:33 AM
كلنا اليوم اولاد ابنعوف . مرقنا مرقنا


#795520 [مجدي دارفوري]
3.00/5 (2 صوت)

10-09-2013 09:32 AM
غدا لناظره قريب...يوم تطاح العمارات المبنية من اكوال الحرام يهرب مرتديو الكاكي نفاقا كالكلاب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة