الأخبار
أخبار إقليمية
تأمين المتظاهرين وتأديب المتفرجين..الشرطة بالأمس تحولت ألى كائنات وديعة لا تهش ولا تنش..!!
تأمين المتظاهرين وتأديب المتفرجين..الشرطة بالأمس تحولت ألى كائنات وديعة لا تهش ولا تنش..!!
تأمين المتظاهرين وتأديب المتفرجين..الشرطة بالأمس تحولت ألى كائنات وديعة لا تهش ولا تنش..!!


10-12-2013 10:06 AM
تحليل محمد لطيف

يبدو أن السيد وزير الداخلية قد سبر غور المتظاهرين الذين خرجوا يوم امس من جامع الخرطوم الكبير .. تحت لافتة تحالف الدستور الإسلامى .. فوجد انهم مسلمون لايأتيهم الباطل من بين ايديهم ولا من من خلفهم .. فوجه رجاله بعدم التعرض لهم .. بل اصدر أوامره المغلظه بترجمة شعار الشرطة فى خدمة الشعب .. فتحولت الشرطة بالأمس ألى كائنات وديعة لا تهش ولا تنش .. فى مواجهة متظاهرى .. حلف الفضول .. أو تحالف الدستور الإسلامى .. الذى يقوده عراب منبر السلام العادل .. السيد الطيب مصطفى .. وصهره الأستاذ أمين بنانى ربيب الحركة الإسلامية السودانية .. ولم يصدق الكثيرون بالأمس اعينهم وهم يرون الشرطة التى مارست أقصى درجات العنف المفرط فى مواجهة المتظاهرين وغير المتظاهرين .. حد إطلاق الرصاص الحى .. وقد تحولت الى فريق حماية لمتظاهرين .. ويقارن المراقبون بحيرة عظيمة .. بين مسيرة خرجت من مسجد السيد عبد الرحمن بودنوباوى .. كيف تفرغت .. شذر مذر .. فى طرفة عين وإنتباهتها .. بفضل إجتهاد الشرطة والأجهزة الأمنية الأخرى فى تنفيذ الأوامر بعدم السماح بخروج المظاهرات .. وبين مسيرة الأمس التى خرجت من مسجد الخرطوم العتيق .. فأحيطت بالعناية .. والحماية .. والرعاية .. حتى اكملت مسيرتها القاصدة ..!

وقد تفاجئنا الشرطة بالقول أن هذا النفر الكريم من المسلمين كانوا قد سبق وأن حصلوا على تصديق رسمى من السلطات لتسيير مسيرتهم السلمية القاصدة لتبليغ مطالبهم لولى أمر المسلمين .. ولن نملك حينها إلا أن نصدق .. وهذا .. إن صح بالطبع .. يثير سؤالا .. أو أسئلة أخرى .. هل كل من طللب تصريحا بتسيير مسيرة سلمية كان قد حصل على التصريح اللازم ..؟ ثم .. هل يتعهد السيد وزير الداخلية .. والسلطات الأخرى ذات الصلة .. بمنح كل من يطلب إذنا بالتظاهر السلمى ..؟ وسؤال آخر يثور .. لماذا لم تجد هذه التظاهرة .. مثل غيرها من التظاهرات السابقة .. عناصر تخريبية مندسة تعمل على ترويع العباد وتخريب البلاد ..؟ وكم كانت إحتمالات أن تنجو التظاهرات السابقة من إندساس عناصر تخريب البلاد وترويع العباد إن كانت قد وجدت التأمين اللازم والحماية المطلوبة من الشرطة كما حظيت مظاهرة الأمس ؟

ثم يبقى السؤال الأكثر إثارة .. والأشد حيرة للمراقبين .. إن كانت التوجيهات الصادرة للشرطة بالأمس هى حماية المسيرة القاصدة وتأمينها .. حتى تبلغ مأمنها .. فما ذنب اولئك الذين كانوا قد إحتشدوا فى الفرندات المجاورة .. والشوارع المحيطة .. مجرد متفرجين .. حتى تطاردهم الشرطة بالهراوات .. تضرب من تضرب .. وتبعد من تبعد .. رغم ان هؤلاء المواطنين .. المساكين .. لم يتظاهروا .. ولم يظاهروا المتظاهرين .. ولم يهتفوا .. ويبدو أن الشرطة قد إعتبرتهم مندسين .. ومخربين .. فأبعدتهم من حول التظاهرة .. فى إطار تأمينها .. وحمايتها ..!

بقى القول أن هذا التحالف الجديد والذى سير تظاهرة تحت حماية الشرطة ( والأجهزة الأمنية الأخرى ) .. ولم يتجاوز عدد اعضائها المائة وخمسون شخصا .. وفق تقدير وكالات عالمية محايدة .. قال فى مذكرة وزعت بالأمس .. أن من مآخذه على نظام الإنقاذ.. انه .. أى النظام .. قد تسبب فى تمزيق البلاد .. أى والله العظيم .. ولا زلنا نذكر كيف أن السيد الطيب مصطفى قد نحر الذبائح واقام الأفراح بمناسبة انفصال جنوب السودان ... فاهمين حاجة ؟؟

[email protected]


تعليقات 51 | إهداء 0 | زيارات 15282

التعليقات
#800606 [صابر]
0.00/5 (0 صوت)

10-14-2013 12:36 AM
نفهم شنو يا أستاذ محمد لطيف؟ المسألة ما محتاجة لدرس عصر. هذا النفر الكريم من خلاصة إسلامي الإنقاذ أكيد فطروا بالهوت دوغ والبتزا قبل أن يأتوا للصلاة بكروش مليئة و"مفدرة" بالببسي والكوكا كولا شراب الغرب الكافر جاءوا جميعا في سياراتهم الفارهة التي سهر "الشوفيرات" على تلميعها وتفويطها من غبار الخرطوم الأحمر ووقفوا هنالك مصطفين مع سياراتهم في انتظار انتهاء الاحتفالية لنقل سادتهم إلى بيوتهم المكندشة حيث سيتغدون هذه المرة بالسمك المشوي اللخالي من الكلوسترول لأن اليوم جمعة ويفضلون كما يفضل اليهود أكل السمك في هذا اليوم. كل ذلك وديك العدة على علم بهذه المسيرة التي تهدف إلى إشهاد العالم بتوفر الحريات في إمارة السودان بفضل أميرها المفدى ديك العدة.
هذا لعب على الذقون وياليت الخال الرئاسي يذهب إلى بري أو الهلالية ليأخذ كفين بصركو قديمة من شاب دون العشرين.


#800569 [Mohammed Ahmed Mustafa]
0.00/5 (0 صوت)

10-13-2013 11:52 PM
Find a naïve to laugh at him. The regime thinks that all Sudanese are naïve. They do what they want any time they want. Those who demonstrate yesterday are Sudanese and we are not. They have right to demonstrate and we don't. They have right to say and we don't. They have right to be protected and we don't. Could you imagine that. What country is it? Let us think of that


#800465 [Salah Mustafa]
5.00/5 (1 صوت)

10-13-2013 09:40 PM
ما فكو فيهم بخور تيمان؟


#800194 [السر جبارة]
0.00/5 (0 صوت)

10-13-2013 04:38 PM
اختلف اللصوص فظهر المسروق. الاختلاف داخل الكيزان يذهب الى الشارع الذى يتفرج فى حيرة. فليس هذا يصب فى القضية فهولاء فأن اختلفوا فقد اتفقوا فى السرقة. هذه الاختلافات اشتدت موخرا" نسبة لقلة موارد الدولة وعجزها عن اشباع بطون الكيزان النهمة التى لاتشبع ابدا". والتنافس الداخلى بين اهل الانقاذ فى النفوذ والسلطة لتأمين السرقة تاريخه طويل ومعقد.


#800157 [كلمة حق]
5.00/5 (1 صوت)

10-13-2013 04:04 PM
رساله مسرحية آب جخس خال الريس واضحة '' وهي حماية ابن اختو الدعول.. وفعلاً اصطاد في ماء الثائرون الشرفاء.. واراد أن يغسل بهذه المسرحية الهذيله دماء شهدائنا الأبرار لكي لا تكون لك شاهداً على جريمتهم النكراء.. ولكن الشعب السوداني لن تنطلي عليه مثل هذه المسرحيات ولعبتكم مكشوفة يا اب جخس وأحسن تشوف ليك دباره تأنيه في قطر أو إيران.


#800089 [خالد]
0.00/5 (0 صوت)

10-13-2013 03:20 PM
هذا الحزب العنصري البغيض الذي تسمى السلام العادل كذبا ما هو الا جزء من حكومة المؤتمر الوطني وسوف يأتي اليوم الذي يحاسب فيه سيىء الذكر الطيب مصطفى ويقتل نهارا بصحيفته العنصرية وما حادثة قتل الصحفي محمد طه محمد احمد ببعيدة لاثارة العنصرية بين السودانيين ؟؟ ؟ لا ادرى لماذا تحمى هذه التظاهرة التي لا يتعدي عددها 150 شخص من المنتفعين والانتازيين لا لشي غير صلة القاربة بالرئيس البشير ؟؟ ؟
الشعب السوداني ليس بحاجة لتصاديق ولا وصاية من الشرطة او اي كيان اخر نحن نعرف متى نسقط هذه الحكومة ؟؟.ولن يفتل احد من العقاب اي كان ؟؟؟


#799875 [shims]
5.00/5 (1 صوت)

10-13-2013 12:11 PM
الفهمكم يفهمنا == الحمد لله ما اتفرجنا فيها لايف === كان اخدنا جلدتنا == وقالوا علينا مندسين === يعني اولاد العز يظاهروا ويجلدوا اولاد الغبش === كلام والله === وبرضو ما فاهم حاجه


#799821 [soon]
0.00/5 (0 صوت)

10-13-2013 11:26 AM
هذا الرجل اعتلي صدارة الصحف بالخرطوم انتو حاسدين


ردود على soon
United States [garang] 10-14-2013 12:36 AM
that's wrong


#799817 [محمد علي عبد الله علي]
0.00/5 (0 صوت)

10-13-2013 11:24 AM
فاهمين يعنى الجماعة بيقولوا ليكم (الماحبوبتو فاطمة الزهراء يمشى جنوب الرنك) ...


#799748 [لن ترتاحوا يا لصوص]
5.00/5 (2 صوت)

10-13-2013 10:28 AM
اول حاجة يا شيخ الطيب الرقاص دة ما ود اختك وقالوا الجنى خال .!!! ما تمشى ليو فى البيت وتقول ليو يا ابنى ما تعملا ظااااااااهرة كدة وتبارك ليو الرقيص اقصد الحج وتقول ليو انشاء الله دى تكون حجة الوداع ..وربنا اغفر ليك الدم الكتييييييييييييييير دة ..بدل ما تعمل ليك مظاهرة فيها 15 حزب فكة كل حزب قوامو 10 فقط نسوان الصندوق المشتركات مع امى اكتر من حزبين من احزابك !!!!


#799674 [SHIBLI KONEN]
0.00/5 (0 صوت)

10-13-2013 09:10 AM
كان على معظم الشرفاء فى البرندات وجوانب الطرق ان يوزعوا (لاهل بدر) ما امكن من بيتزا وهوت دوغ وحتى الماء الصافى وعلى الشرطة الا تطلق البمبان ولكن بخور عروس التيمان !!ليتنى كنت موجودا لاكمل الكومبارس واظهر فى فتاة الخنزيرة مناضلا ومجاهدا لتعديل امير المؤمنين والتابعين الطاهرين من المسعولين!!!


#799655 [المتفائلة جدا]
5.00/5 (1 صوت)

10-13-2013 08:46 AM
يا جماعة ده فيلم هندى إستعراضى للدعاية فقط والغرض منه أن يوصلوا رسالة يقولوا للعالم إنه الحكومة دى حكومة لطيفةووديعة جدا ومافى داعى لإسقاطها..والمظاهرات الأولى كانت بتاعة ناس شاش زى ما قالت مقصوفة الرقبة فاطمة شاش..
خلوهم الكذب ديدنهم وكل مايكذبوا كثير كل ما ينفضحوا وتنكشف عورتهم أكثر وأكثر وقربت نهايتهم ليلحقوا بركب ناس مرسى وليلتقوا سويا فى مزبلة التاريخ بإذن الله


#799558 [العازة]
0.00/5 (0 صوت)

10-13-2013 02:41 AM
يا أخوانا أصلها دي مظاهرة درجة أولى / مش زي مظاهرات المخربين المندسين التي يجب التعامل معها بالرصاص الحي / ودي المظاهرة ولا بلاش - مظاهرة( في أي بي ) بامتياز


#799469 [هوج الرياح]
0.00/5 (0 صوت)

10-12-2013 11:45 PM
يا مفهم سليمان فهمنا


#799319 [عاصم البشير]
5.00/5 (1 صوت)

10-12-2013 08:34 PM
الجمعة الجاية فليندس وسطهم الشرفاء ويهتفوا ضد البشير وطيب مصطفاه بالمناسبة اين سعاد الفاتح ومتة تصدق لمسيرة الاصلاحيين او الساواحناس رزق وحاج ماجد وغازى الكاتل حيلوا


#799277 [فقير]
0.00/5 (0 صوت)

10-12-2013 07:54 PM
دي مظاهرة ول فسحة رياضة المشي


#799127 [ممكون وصابر]
5.00/5 (1 صوت)

10-12-2013 05:04 PM
والله يا الطيب مصطفى هبوبك تضر - كعادة كل كوز - ,, هسي الفي البرندات ديل لزومه شنو جايبين ليهم الجلد والمساككة ,


#799086 [abumohanad ali]
0.00/5 (0 صوت)

10-12-2013 04:31 PM
ما فاهمين حاجة بس الفاهمنو انو البلد دي ما فيها مكان للجعانين و المقطعين المدلقنين و احسن يمشو يشوفو ليهم دولة تانية تلمهم و تعطف عليهم فالبلد بلد الطيب مصطفى و بطانته البيتظاهر تحت حماية الشرطة يا سلام على اسياد البلد يلا يا جعانين شيلو لقمتكم من خشم الاسد دي فرصتكم ترجعو حقكم


#799066 [جيت ومالقيت]
0.00/5 (0 صوت)

10-12-2013 04:11 PM
كان يوزعوا ليهم موية صحة بالمرة


#799054 [مغبون]
0.00/5 (0 صوت)

10-12-2013 03:58 PM
.. قال فى مذكرة وزعت بالأمس .. أن من مآخذه على نظام الإنقاذ.. انه .. أى النظام .. قد تسبب فى تمزيق البلاد .. أى والله العظيم .. ولا زلنا نذكر كيف أن السيد الطيب مصطفى قد نحر الذبائح واقام الأفراح بمناسبة انفصال جنوب السودان ... فاهمين حاجة ؟؟ هههههههههههههههههههههههههههههههههاااااااي بلد العجائب


#799046 [مغبون]
0.00/5 (0 صوت)

10-12-2013 03:47 PM
مسيرتهم السلمية القاصدة لتبليغ مطالبهم لولى أمر المسلمين'' ،،،،، انشرقت وانا بضحك ،، وين المسلمين ديل ؟؟؟ دا الحاقد دا ،،، سيد العنصرية داا ،، والامير منو ود اخته ولا نسيبه التاني ،،، !!!! ههههههههههههههههه


#799006 [ود كترينا]
5.00/5 (3 صوت)

10-12-2013 03:18 PM
*** معقول المنصورة كايداهم مريم ماكانت معاهم!!! بالله الولية دى ماتلقى ليها واحد شايل مكرفون الا تخطفو منو...استاد الهلال...قدام مستشفى جعفر ابنعوف...معزومة مامعزومة مامشكلة...محكمة جنايات بحرى...موضوع مابشبها برضو حاشرة نفسها...ياخى يومتا فى جاكسون مش فى واحد بيقيف يقول:- المنقة منقة أبوجبيهة...الليمون ليمون بارا...بخت الجانا وقعد معانا...شرب عصيرنا ولقا تقديرنا...تعالى يا المنصورة يابت الحبيب اخطفى المكرفون وكوركى:- لن نصادق غير الصادق!!!!
*** الولية دى يوم الثلاثاء واحد اكتوبر وفى الندوة فى دار حزب الأمة قدت أضانا...ندوة ندمنا انو ماقعدنا فى البيت حضرنا كورة بايرن ميونخ...ولما أبوها قال رددوا معى:- الشعب يريد (تجديد) النظام ...كانت هى الوحيدة من خلف الستار تردد خلف والدها من بين كل الجمع الكان حاضر...أما الشباب خلف الأشجار القصيرة ردد...(الشعب يريد اسقاط النظام)...( موقف واضح يا الصادق..)...فى عام 1987 كان الشباب يردد نفس الهتاف...(...يا الصادق قولها عديل...ياسبتمبر...يا أبريل...)...الهروب ده حدو ويييييييين!!!!
*** كل ماتتكلم الولية دى أتذكر (سارا بالين)!!! يخلق من الشبه أربعين ...مع الاعتذار لسارا بالين عضو حزب الشاى...ولا اعتذار لست الشاى!!!!!


ردود على ود كترينا
[shims] 10-13-2013 12:20 PM
يا ود كترينا === شكلك كده انت الوحيد الفاهم حاجه === تعال لينا واعمل درس خصوصي عشان نفهم

[nagatabuzaid] 10-12-2013 07:47 PM
ضحكتنى رغم الحزن ومعاناتى من وجع الوطن عارف يا ود كترينة خليك دائما وجب اخطف منها المكرفون وناوله واحدة من منقة ابو جبيهة . حقيقة فيك يا بلدى المضحك المبكى

United States [s.m.y] 10-12-2013 07:25 PM
يابرير ( تعويذة لجدتى عندما يخرج واحد من النص )الزول دا راكب من وين - فى زول لولح حبل الجداد الالكترونى دا ولا شنو اظن الجدادة نعسانة ايه جاب مريم المنصورة هنا الحكاية شنو و الله مريم عملت ليكم منخولية .


#798937 [sanmka]
5.00/5 (1 صوت)

10-12-2013 02:37 PM
من ثمار الثورة المباركة أن المؤتمر الوثني صار يتجنب أن يدعو الي حشود جماهيرية، وحتي الدعوة التي كان من المفترض إقامتها في الساحة الخضراء تم التهرب منها، والرئيس لم يخاطب حشد جماهيري إلا تلك التمثيلية التي تم تزويرها بالقضارف في منطقة نائية عن المواطنين، وحتي تلك كان حضورها ضعيفاً، وبإسم الثورة وبإسم كل الثوار ندعو المؤتمر الوثني بما عرف عنه من قدره علي الحشد، أن يدعو الي أي حشد جماهيري داخل العاصمة أو في أطرافها، أما هذا العلج ليس له جماهير وهو يتمثل المثل القائل( أنفخ ولو حملك ريش) فأخرج مروسية وموظفية في تمثيلية باهته وهزيلة، والنصر للثورة ولا نامت أعين الجبناء العنصريين


#798919 [د/ نادر]
0.00/5 (0 صوت)

10-12-2013 02:22 PM
فاهمين حاجة
في عهد الانقاذ حتشوف العجب العجائب لسع


#798904 [سامى]
5.00/5 (2 صوت)

10-12-2013 02:13 PM
الغريبة ان قناة الخنزيرة نشرة خبر المسيرة كمظاهرة على صدر نشرتها ده اتفاق اتفاق ماف شك - سفلة


#798894 [HAMID BARGO]
4.50/5 (2 صوت)

10-12-2013 02:07 PM
الخطأ الذي وقع فيه هؤلاء المتفرجون الذين تعرضوا للضرب انهم أرادوا مشاهدة التمثيلية حضورا بينما الحكومة ترغب في مشاهدتها عبر الفضائية السودانية
ما رأيت خلقا أغبى من الإسلاميين
لعنهم الله و دمرهم تدميرا


#798852 [شعب رمه]
5.00/5 (2 صوت)

10-12-2013 01:39 PM
النظام الذي يعامل السودانيين كقطيع من البهائم بعد ان ادخل المناضلين او بالأحرى من حاولوا النضال الي زرائبهم ...بالتخويف والترهيب والتقتيل.. ثم نعت زعيمهم الراقص المطلوب دوليا بانهم لصوص ومشردين ثم دفعوا بذات الرايات الحمر ليصفوهم بالمحششين ومشششين (من شاش يشو فهو مشششش)..بعد ان فعلوا ذلك ارادوا ان يملأوا الفراغ وبالذات يوم الجمعه بمجموعه من الارزقية المعدّين مسبقا لمثل هذه الامور وذلك تحسبا ان يمتلئ بمناضلين حقيقين وقد. يصدف ان يكونوا من النوع الذي لا يهاب الموت فيزلزل الارض تحت اقدامهم ويزيغ قلوبهم كما حدث في الايام الفائتة وصدقوني لو كان نفس الثوار طويل شويه بس لما وجدتم منهم أحدا ولاستلمت القصر دون قتال فهم يعيشون وقلوبهم واجفه وراجفه مما اقترفته ايديهم في هذا الشعب ولكن لهم يوم كما كان لاصحابهم زين العابدين.مبارك القزافي واليمني.
الشرطه عموما جهاز فاسد وعباره عن لمامه من فاقدي التربيه الا من رحم ربي وافراده يمارسون كل انواع المنكرات ومصدر رزقهم الرشوه والمال المسلوب بالبلطجه والفتونه...وقليل منهم شرفاء..هو جهاز موجه ضد الشعب ولحماية اللصوص الكبار وارزقيتهم..هم السبب في ضياع هويتنا التي صارت رخصا كالتراب...أشداء على الشرفاء ارقاء على المنافقين سارقي قوت الشعب...وهو من الأجهزة التي تحتاج الي تطهير وغسيل بعد اقتلاع الشجرة الخبيث
هذا رأيي وأرجو من الراكوبه نشره ولا ترميه كسابقاته


#798848 [فقير]
0.00/5 (0 صوت)

10-12-2013 01:37 PM
دي مظاهرة ول مصاهرة؟


#798759 [mohammed]
0.00/5 (0 صوت)

10-12-2013 12:31 PM
واهم من يظن أن الشرطة السودانية ستكون محايدة في ظل هذا النظام نفس الجماعة هذا تظاهرة قبل فترة علي خلفية الرسوم المسيئ للرسول (ص) وقامت بحرق السفارات الغربية ومع ذلك الشرطة لم تحرك ساكناً اما من يحتج علي السياسات الأقتصادية الفاشلة والظالمة و يطالب بحرية التعبير مصيره الرصاص والبنبان


#798757 [حمد انيل]
0.00/5 (0 صوت)

10-12-2013 12:30 PM
لك التحية استاذنا لطيف، ورغم أن كل الأسئلة والاستفاهمات التي أثرتها حول تصرف الشرطة تجاه هذه المجموعة التي هي بحق متفلتة عن اجماع الشعب السوداني.
أما ما ذكره هذا الجمع في مذكرته عن أن النظام قد تسبب في تمزيق البلاد، فهل أنت لا تدري أن السيد الخال الرئاسي كان يريد تمزيق العباد أو إبادتهم في ظل توحيد البلاد، ما يعني أنه يريد الجنوب ارضاً محروق بلا بشر ذووا بشرة سوداء، وهذا هو الجاري حالياً في دار فور وجنوب كردفان والنيل الأزرق، فالخال يلفت نظر ابن اخته حتى يكرر ما حدث في الجنوب.. والله أعلم... فهي لله، مع أني لست ما أدري ما هي!؟


#798748 [ود الجد]
0.00/5 (0 صوت)

10-12-2013 12:22 PM
هذه المظاهرة عزيزي الكاتب هي تبرير لما فعلته الشرطة من قبل وهذا يعني بصريح العبارة التدليل علي ان الشرطة تتعامل بحضارة علي المظاهرات السلمية ولها تم فبركة الموضوع مع كوادر الكيزان للخروج بها في ابهي حلة وليشهدوا العالم ان الذين اطلق عليهم الرصاص من قبل ما هم الا مجموعة من المخربين وليس المتظاهرين المثقفين مثل هؤلاء الذين خرجوا بالامس .... الم اقل لكم من قبل ان هذه الحكومة غبـــــــــــية ياهؤلاء وان شعبنا المناضل في السودان اكبر واذكي منها
عيد مبارك لجميع الشرفاء والمناضلين


#798740 [كرضمة]
0.00/5 (0 صوت)

10-12-2013 12:16 PM
ود ابراهيم وخال الخصى وقوش والغازى وكل هذه العصابة تملك مستندات
ووثائق عن كل افراد العصابة لذلك وجب على الامن والشرطة تجنبهم


#798725 [ابو كريم]
5.00/5 (3 صوت)

10-12-2013 12:08 PM
واضح جدا العملية كلها تمثلية والشرطة جزء منها


#798721 [حمدي]
0.00/5 (0 صوت)

10-12-2013 12:06 PM
البلد بلادنا و انحنا اسيادا العجبو عجبو و ما عجبو بشرب من ترعة كتاتة و الرهد الكنا عايزين نحفرا زمان
ابناء حوش بانقا و حجر الطير و حجر العسل و بقية الاحجار الكريمة
عنهم
حمدي


ردود على حمدي
United States [لكلكه] 10-13-2013 11:21 PM
يا زومبا.كلامك صاح ظاهر التهكم


لكن كمان يا حمدى الايام دى الناس واصله معها الحد
اطلع من شغله التنكيت دى

[السر جبارة] 10-13-2013 06:36 PM
البلد بلد الكل وهم اسيادا العجبو عجبو و ما عجبو يمشى كاودا الكنا عايزنهم من زمان يركبو كيزان حوش بانقا و حجر الطير و حجر العسل و بقية الكيزان الليئمة.

European Union [موسي] 10-13-2013 02:34 PM
والطينتين الطينة السودانية والطينة التشادية سقطت سهوا يا حمدى؟!

[زومبا] 10-13-2013 11:05 AM
الاخوة البتار _ عروة _ مغبون و لط .. اظنكم استعجلتم شوية في حق حمدي و ظلمتوه ..

الود لماح و بيتهكم علي المستعمرين الجدد الوافدين من دويلات الاحجار الكريمة .. و الله اعلم

United States [[واقف لطّ]] 10-13-2013 04:43 AM
حمدي ...!!

يارب ياسيدي حَمي امّ برد ... تسوي ليك شلل ارتعاشي ... يجيب نصك الفوق تحت.

علاجها عدم ..!

يفتشوا ليهو 24 سنة وفي النهاية ما يِتلقِي الاّ عند "أب قرن".

قول آمين.

عشان ما تروح بعيد، اب قرن ده احد المعلقين الظرفاء في ركوبتنا الجميلة .. مش "أب القرن" الفي بالك ياكوز ياعفن.

[الـســيــف الــبــتــار] 10-12-2013 07:45 PM
الاختشوا اتوا و نسيت لما تجرى و را القطر وتنبح رغيفه رغيفه يا سبحان الله ؟
وبعد ما دخلوك المدرسة بقيت تقول رغيفه و جريده ؟
ياها دى بلدكم يا سبحتن الله نوعيتك دى لما اجى الخرطوم بقعد افتح و اقفل فى الثلاجة مستغرب و متعجب صندوق صفيح ويبرد أحسن ن السعن والجر ؟
بتين بقيت تعرف تأكل البسبوسه و الباسطه ولا انت من النوع الاكل و جرو بيه المستشفى عملوا ليه غسيل معده ؟
خليك فى جحرك و انطم و البلد دى ما عندك فيها باب و شباك والفصاحه الذائده بجيب ليك هوا وتفتح عليك ابواب من جهنم يا سجمانن يا رمدان يا عرة العوين .

United States [مدحت عروة] 10-12-2013 02:56 PM
طيب يا حمدى مادام البلد بلدكم وانتو اسيادها لماذا لا تدافعون عن الفشقة وحلايب وتردوا على الطيران الاسرائيلى الجا يضرب جوه ارضكم ولا الاماكن دى ما تيع احجاركم الكريمة ؟؟؟؟
ولا محاربة جيوش محترفة ومحترمة ما بتقدروا عليها خوفا من سقوط سلطتكم بس بتقدروا على السودانيين فقط ؟؟؟؟
البيتراجل على اهله ويتجابن امام اعداء الخارج ده ما شاف الرجالة ولا الوطنية بى عينه!!!!!!!!!!!!!!
الرجالة البعرفها انا هى ان تدافع عن وطنك واهلك من المعتدين الاجانب اما السودانيين فالقانون والدستور والمؤسسات هى البتحاكمهم اذا خرقوها وما بيحاكموهم ناس حوش بانقا او اى من الاحجار الكريمة بتاعتك!!!!

United States [سوداني مغبون] 10-12-2013 01:36 PM
البلد بلدك. يا مرتزقة


#798715 [ابومحمد]
0.00/5 (0 صوت)

10-12-2013 12:01 PM
إلى كل من ولى أمر المسلمين والناس
العدل
حَكَمْتَ فَعَدَلْتَ فَأمِنْتَ فنِمْتَ يَاعُمرُ
فالعدلُ أساسُ الحُكْمِ ...والحُكْمُ أساسُ العدلِ
أن تُقْسِطْ فتلقى اللهَ خيرٌ من ألا تُقسِطْ وتكونُ ذليل
فالجورُ ظلماتٌ والظلمةُ تُردِى فى النّار ...
والنّارُدركاتٌ طبقاتٌ أهوالٌ ومآلٌ ...
للعاصِى والطاقيَّة والعنتِيل
عرصاتُها سمومٌ وحَمِيمٌ
والنّارُ سلاسلَ واغلالاً وصَلِيل
والظالمُ فيها مهمومٌ والظالمُ ميئوسٌ منهُ وكَلِيل
يتحسّرُ القلبُ لمَا فى النّارِ من الأهوال...
ينفطِرُ وينشجُّ بكاءً وعويل ويُسامُ خسفاً وشقاءً ...
لايعرف فيها ياويلَهْ أأشرقَ صبحٌ أم طلّ نهارٌ أوحلّ ليل؟
يغشاهُ الويلُ صُنوفاً حِمَمَاً غسليناً وزفير
رباهُ أجِرْنا من فيحِ النّارِ عذابِ النّارِ ...
وابدلنا رباهُ طريقاً إلى الجنّة والسلسبيل
أعدلْ قبلَ أن يُؤْخذْ بتلابيبِك فتُنْشَرُ صَحَائفُكَ وتقول:
ياليتَ وياليتَ... ياويلى ياويلى... ياويل
صاحِبْ من يهديكَ ويُنِرْ دربكَ فالدربُ محفُوفٌ بالمخاطِر
والدربُ طويلٌ وطويل
محفوفٌ بالشهواتِ والنزوات والدربُ شقاءٌ وعناءْ...
ياويْحَكَ لا شَبَهَ لهُ ولا مَثِيل
حاذِرْ من شُلّةَ اُنسٍ تُنسيكَ فتُرديكَ...
مذؤُماً مدحُوراً فى النّارِ فالأمرُ جليل
إبحث عن مأوىً عن ملجأ عمن يهديكَ يُذكِرُكَ...
ويكون لك خيرُ دَلِيلٍ... ونِعْم َخليل
وابعِدْ عنْ عُلماءِ السُوء ...
من باعوا الآخرة بالدنيا تركوا التنزيل
إحذرْ مَنْ زَيّفَ منْ حَرَّفَ واشتطّ وتناسى...
فاللهُ مُطّلِعٌ وعليم ...يَهْدِى لِلجادة ِواللهُ لطيفٌ وخيرُ دليل
إحْذَرْ مِنْ فِتَنٍ تُصيبُ القاصِى والدَّانِى ...
فتُقِضُّ مضاجِعكَ فتكُونُ عليل
فتنٌ كأمواجِ البَّحْرِ... كقِطَعِ الّليل ...
تتسرّبُ فتنفَجِرُ بُركَاناً حِمَمَاً ونُحَاسَاً مصْهُوراً... فالويلُ الويل
فِتَنٌ تصْطكُّ فيها الأسنانُ ويشيبُ فيها الولدانُ
بلاءٌ عَمَّ فهيهاتَ هيهاتَ مَنَاصَاً أو مَلْجَأ أو مَأوىً مُدَّخَلاً ...
فالكلُّ مُجندَّلْ والكلُّ قتيل
حَكَمْتَ فَعدَلْتَ فأمِنْتَ فنِمْتَ ياعُمرُ
فالعدلُ أساسُ الحكمِ والعدلُ منجاةٌ فى يومٍ يقِفُ الناسُ أمام الديَّان
فطوبى لمن يشمله عَفْوُ الرحمن ...
فاللهُ العدلُ والمقسِطُ واللهُ مغيثٌ وجميل
ابومحمد


#798710 [ابومحمد]
0.00/5 (0 صوت)

10-12-2013 11:57 AM
لهىا خرج الناس لا عدل بل خيار وفقوس


#798708 [خالد حسن]
0.00/5 (0 صوت)

10-12-2013 11:55 AM
هذه المسرحيات السمجه لن تنطلي علي الشارع
الطيب مصطفي وكل الاسلامويون ليسوا سوي كلاب انقاذيه نجسه سيتم اعدامها
لتطهر ارض السودان
نحن كفرنا كفرنا بالناس التاجروا بدينا


#798705 [بعشوم]
0.00/5 (0 صوت)

10-12-2013 11:53 AM
( الهندي ) عز الدين ما يفهم حاجة !


#798701 [ابوعاصم ال شريف]
5.00/5 (2 صوت)

10-12-2013 11:50 AM
مساجلة بين الخال الرئاسي والصهر الرئاسي فاهمين حاجة


ردود على ابوعاصم ال شريف
[الـســيــف الــبــتــار] 10-12-2013 01:29 PM
الصهر الرئاسى كان سببا فى خف دام سنوات بين الابن العاق الهال الدقاسى جرقاس بسبب هذه الزيجه التى تمت رغم انفه و عدم رضاه اليوم اصبح صهرا و شريكا يا للعجب انسيت عنصريتك وموقفك المخزى منه و أن شقيقتك من دار جعل ومن سلالة العياسىء ؟
لكن نقول المصالح تجمع بين الاوغاد و المضار تتوحد فيها الاضداد ؟


#798700 [أبوعلي]
5.00/5 (1 صوت)

10-12-2013 11:50 AM
فاهمين حاجة ؟؟

نعم فهمناأنّ:
الكوز مخروم ولو طالت لحيته


#798685 [كلام الحق الحار]
0.00/5 (0 صوت)

10-12-2013 11:39 AM
لو كان هناك عدل: هؤلاء هم المخربون

هم الذين قسمو تراب الوطن
واذلو اهله
اسال المولي الكريم ان ينتقم منكم ايها المنافقون


#798656 [الترابى]
0.00/5 (0 صوت)

10-12-2013 11:20 AM
كان أن تستغل تلك المظاهره بدخول الشعب في قلبها والهتاف بمايعبر عنها , وهى محميه أصلا


ردود على الترابى
[كلمة حق] 10-13-2013 04:09 PM
براك قلتها محمية... يعني تفتكر محمية من شنو ما من جنس ده وهو يجو ناس مندسين ويهتفوا ضد الحكومة فهمت اللعبة.


#798640 [مدحت عروة]
5.00/5 (1 صوت)

10-12-2013 11:11 AM
يا سيد محمد لطيف الا تعلم ان هؤلاء الاسلامويون بيفتكروا نفسهم هم احسن من باقى الشعب السودانى؟؟؟؟
وانهم هم المسلمون الحقيقيون وان الشرطة لا تتعرض لهم هم والمسيرات المؤيدة اخذت ام لم تاخذ تصريح؟؟؟؟!!!!
لكن المصريين عرفوا ليهم واكتشفوا انهم مش احسن من باقى الناس او ان اسلامهم هو الاسلام الحقيقى يل اكتشفوا وعرفوا ان هؤلاء من اسفل واحط واقذر ما خلق الله وهسع قاعدين يادبوا فيهم ويوروهم قدرهم المنحط السافل القذر!!!!!
يعنى انت ما شايف العملوه هنا فى السودان ولا كيف ؟؟؟؟
ووالله لو يقف الجيش والشرطة والامن فى الحياد وهى مفروض تكون مؤسسات قومية ولا تتبع لاى حزب او جماعة او فرد والله لا يستطيعوا عمل اى شىء ولاختباوا فى جحورهم مثل الجرذان!!!!
اسرائيل وامريكا لا يريدون دولا عربية واسلامية حرة ديمقراطية او حتى علمانية سياسيا وليس العلمانية التى تحارب الدين لان الشعوب اصلا مسلمة ولا ترضى اى اهانة لدينها وهى تحتكم لشريعتها من قبل ان يولد المدعو حسن الينا او سيد قطب بل يريدون مثل هؤلاء الاسلامويون السقلة البيخافوا منهم ويكونوا اشداء على شعوبهم ويخلقوا عدم الاستقرار والمشاكل واخطرها المذهبية والطائفية فى بلدانهم وبذلك تكون ضعيفة فى كل المجالات!!!!
انا اشك فى ان هؤلاء الاسلامويون هم صنيعة استخباراتية من اعداء الاسلام والامة!!!!!!!!!!!


#798637 [Abdulkareem Al-Haj]
0.00/5 (0 صوت)

10-12-2013 11:10 AM
فاهمين حاجة ؟؟
والله ما فاهمين !!!!!!!!!!!!!!


#798616 [ود البلد]
5.00/5 (1 صوت)

10-12-2013 10:50 AM
مسرحية هزيلة وبايخة


#798608 [تور الجر]
0.00/5 (0 صوت)

10-12-2013 10:41 AM
ما قلنا ليكم دى مظاهرة حناكيش ماشين بي رجليهم وخلفهم عرباتهم والموية الباردة وممنوع للعامة المشاركة فيها ومحروسة من الشماسة والمندسين يعني بالمعنى ده مظاهرة درجة اولى غير مسموح بمشاركة المتطفلين كان ممكن يشارك فيها بشه


#798604 [اوكامبو]
4.99/5 (16 صوت)

10-12-2013 10:38 AM
مظاهرة اليوم برعاية الشرطة و شركة سودانى...و خليك كيزانى!!!


ردود على اوكامبو
United States [ود ال.....] 10-13-2013 10:58 AM
والمعلق كاتب المقال من الأسرة الحاكمة برضو عامل فيها (لطيف) قوم ....لف!!!نسيب رئاسى...

United States [sabile] 10-12-2013 05:31 PM
superstar

United States [فقير] 10-12-2013 01:33 PM
هههه يا اوكابو اوسكار وزيادة

United States [ودعز] 10-12-2013 12:35 PM
الفاضل كان يدوهم جائزة عربية اكسنت لاجمل هتيف !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة