الأخبار
أخبار إقليمية
هيئة علماء السودان تطالب بتقليل التوسع في استخدام السيارات الفارهة
هيئة علماء السودان تطالب بتقليل التوسع في استخدام السيارات الفارهة
هيئة علماء السودان تطالب بتقليل التوسع في استخدام السيارات الفارهة


تحدثت عن الشربوت والمزامير
10-12-2013 01:44 PM
طالب محمد عثمان صالح رئيس هيئة علماء السودان الدولة بتقليل التوسع في استخدام السيارات الفارهة ، التي قال إنها تستهلك الوقود ، وترهق خزانة الدولة واعتبر الحكومة أكبر مستهلك للوقود .

ودعا صالح إلى ضبط السوق والأسعار بالإجراءات الإدارية والشرعية المعلومة ،، وحسب صحيفة اليوم التالي - قال رئيس الهيئة إن (الشربوت ) نقيع التمر أو ما يصنع منه إذا لم يتخمر فهو حلال ، واستدرك بأنه إذا تغير طعمه تطاله الحرمة ويمنع ، وأردف ( ما اسكر كثيره فقليله حرام ) .

وأشار إلى أن الرسول " صلى الله عليه وسلم " وجد عند السيدة عائشة جاريتين تغنيان ورقد واضطجع كأنه اتجه للحائط لكنه كان يستمع فدخل سيدنا أبوبكر وقال : " أمزمار الشيطان عند رسول الله " فقال النبي لأبي بكر : " دعهن فإن لكل أمة عيدا " .


تعليقات 17 | إهداء 0 | زيارات 4476

التعليقات
#799691 [عبود حمزه]
0.00/5 (0 صوت)

10-13-2013 09:33 AM
سبق ان كتبت عن موقف لامام مسجد حي المهندسين بامدرمان حيث سأله احد شباب الحي عن الشبربوت في عيد الاضحي عما اذا كان حلالا ام حرام و كان الامام يشرب الشربوت مع حواره عندما سئل فكان رده ان من يقول الشربوت حرام هو ذاتو ود حرام.فها عالم من علما العصر يفتي في الشربوت و يرجو ناس الحكومة عدم ركوب العربات الفارهة لانها مكلفة للوقود الشئ الذي قد يوثر علي مرتباتهم....
سوالي اين تقف هيئة علما السودان من قتل الحكومة للمواطنين الذين تظاهروا فقط لتحسين صينية البيت ؟


#799449 [عصمتووف]
5.00/5 (2 صوت)

10-12-2013 11:10 PM
والله مش الشربوت ده اشربوا لمن اطق الشربوت ما شربوتي لكن البطن بطني وكمان مش يخمر وبس اضيف له كل المحسنات التخميرية واشيل طنبوري اطنبر للصباح عشان فساك ده روح كده انت عاوز تورينا الحلال والحرام ورينا وين درب الحرام ده ما انتوا كملته خليتوا لينا حاجة عواليق اول حكومة انتقالية عليها بالتعجل اولا بفتح البارات اشتقنا للخبز والكروم والبلح السائل تلقانا لط والحساب بعدين عند الغفور العادل والله الواحد يطش نجمة ويافل يكوس في الفتاوي ناس عطالة باب رزقك مقفول شوف ليك شغلانية تاني ماسح احذية ولا عسال عربات الفتاوي والدين في النت موجوده يلا طير


ردود على عصمتووف
United States [الماراجع البلد] 10-13-2013 08:35 AM
التادب مع العلماء واجب مهما اختلفنا معهم مولانا محمد عثمان لاتحق فى حقه مثل هذه الالفاظ ماسح احذيةو ال


#799383 [عادل السناري]
5.00/5 (1 صوت)

10-12-2013 09:36 PM
الاخ / مشتهي السخينة عيد مبارك -- الليلة كترتها --- تشرب حار و تكتب حار .


#799138 [تهانى موسي]
0.00/5 (0 صوت)

10-12-2013 05:12 PM
اففففففف


#799115 [ناجي]
5.00/5 (1 صوت)

10-12-2013 04:50 PM
هيئة خرفان السودان مشغولين بزواج الجنيات وما يشربه الناس من حر مالهم وهم يركبون وياكلون ويلبسون حرام في حرام وباسم الله

هيئة خرفان السودان يطالبون من شركائهم في جرائم النهب والسرقة والكذب والتدليس ضد الوطن والمواطن باخفاء مظاهر الجرائم

هيئة خرفان السودان يدعون بانهم يعملون في الدعوة الى الله وتعليم الناس امور دينهم ويستلمون المليارات ويبنون القصور ويركبون الفارهات ليتحدثوا عن الفارقات ويهربون من الضرورات وقول كلمة الحق.

السودان اصبح مجموعة من الخرفان يحكمون قطيع من النعاج هذه هي الحقيقة المؤلمة


ردود على ناجي
United States [زول تاني] 10-12-2013 05:17 PM
لا فض فوك


#799093 [انصاري]
4.50/5 (2 صوت)

10-12-2013 04:35 PM
يا شيخ "شربوت" محمد عثمان صالح.. رأيك شنو في قتل النفس..!؟ الرقيص المختلط بتاع الرئيس.. خليك من "الخندريس" (الدكاي)...وفتاوي (البراغيس ) يارئيس علماءالمطاميس.


#799075 [محمد الحاج]
5.00/5 (1 صوت)

10-12-2013 04:22 PM
بعدين الصورة ده بتقول انو الكوز دا واقف غلط وين بتاع المرور يحرر ليه مخالفة ولا ما بيقدر


#799072 [محمد الحاج]
5.00/5 (2 صوت)

10-12-2013 04:19 PM
الشربوت بعملوه الناس لما يكون عندهم اضاحي يا مولانا فالفتوي ده قولها في المؤتمر الوطني فلا حاجة لنا بهايا حبيبي


#799047 [الكارجقل]
5.00/5 (1 صوت)

10-12-2013 03:48 PM
ههاهاهاهاهاهاها هييييييييييييه تبا لكم ياعلماءالسلطان


#799024 [Adil]
0.00/5 (0 صوت)

10-12-2013 03:29 PM
يحيى العظام وهى رميم لا بارك الله فيك


#799022 [Yousif Ramly]
0.00/5 (0 صوت)

10-12-2013 03:28 PM
يأتى زمان يعتلى فيه أئمه المنابر لا تفوت دعواهم حناجرهم .. إذا رأيت الحاكم على باب العالمم فنعم الحاكم ونعم العالم وإذا رأيت العالم على باب الحاكم فبئس العالم وبئس الحاكم..


#799005 [safi]
4.00/5 (3 صوت)

10-12-2013 03:18 PM
وقال : " أمزمار الشيطان عند رسول الله " فقال النبي لأبي بكر : " دعهن فإن لكل أمة عيدا))))))))))))
"
هل كان ابو بكر جاهلا بهذا .... ام هذا تطاولا على الرسول و على اهل بيته و حريتهم؟؟؟؟
هل يعتبر رد الرسول (ص) اعترافا بانها مزامير شيطان و لكن يجوز التعامل معها و بها فى الاعياد و المناسبات؟؟؟؟؟
هل يجوز لابو بكر الدخول على زوج بنته (ايا كان) و نقده فى امور يمارسانها ؟؟؟؟؟
هل ياخذ اهل السودان نصف دينهم من عائشة .... فهل يعتبرها ابو بكر (جاهله) بأمر المزامير ؟؟؟؟؟ ام هو ( ابو بكر ) لديه (كل) الدين.... رغم وجود زوجها (عليه الصلاة و السلام) حيا يرزق؟؟؟؟
يا محمد عثمان ..... ارجوا الرد ان كان لكم دين


#799000 [ساب البلد]
5.00/5 (1 صوت)

10-12-2013 03:13 PM
يتركون الدم ويتحدثون عن الشربوت .. المرة مافي خروف عيد ولا شربوت حيكون خروف الشعب السوداني الحينضبح هو الدعول اكل الهوت دوغ والشربوت ح يكون دم كلاب الامن ... الله ولانامت اعين الجبناء و علماء السلطان ..


#798999 [المشتهى السخينه]
5.00/5 (1 صوت)

10-12-2013 03:12 PM
هيئة علماء السودان للتجارة بالاديان المحدوده ..سكتت عن انهار الدماء التى سفكهاخليفة المسلمين الاعرج .. وتحدثت عن حرمة الشربوت .. ثم ثانيا الرجال شربوا العرقى الداشر وجايين عليكم بالسلاح .. بس نصيحه ما تكتروا من الشربوت عشان تدخلوا الجنه(طاهرين ) مع المشير الرئيس الدائملص كافورى ..نحن طبعا ما معاكم ولا بنتبع دينكم الارضى المؤلف المزور ..عشان كده بنسكر لانو السكر للرجال .. اتحدى اجعص دقن فيكم كان تقدر تضوق العرقى ..قال شربوت ..


#798955 [المر]
5.00/5 (2 صوت)

10-12-2013 02:50 PM
بقت علي الشربوت ايها الصامتون علماء السلطان صحيح اين كنتم ؟


#798948 [الجوكر]
3.00/5 (2 صوت)

10-12-2013 02:47 PM
لا يتحدثون إلا فى التفاهات وما تحت سراويل السيدات، تقول لى عربات فارهة،، خلاص شبعتوا منها وعايزين تمنعوها من الآخرين،، تباً لكم من لؤماء،،


ردود على الجوكر
[حسن فضل] 10-13-2013 04:59 PM
ياالجوكر ديل علماء السلطان الذين لايستفتون الافي امور الحيض والنفاس


#798884 [تور الجر]
5.00/5 (2 صوت)

10-12-2013 01:58 PM
صمت دهرا ونطق كفرا اين كنتم يا خنازير حينما اقتال النظام شبابنا نتيجة إحتجاجهم على رفع الدعم على الوقود وتأتون اليوم بالائفك والضﻻل لتنصحون اسيادكم بالتقشف وتتحدثون عن الشربوت ومن قال ان السودانيون سيضحون هذا العام خسئتم وخسأت فتاويكم يا اهل الضﻻل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة