الأخبار
أخبار إقليمية
مصدر: التظاهرات أجهدت الشرطة، العديد من رجال الشرطة على استعداد للأنضمام للثورة عندما تصل لمراحل متقدمة
مصدر: التظاهرات أجهدت الشرطة، العديد من رجال الشرطة على استعداد للأنضمام للثورة عندما تصل لمراحل متقدمة
مصدر: التظاهرات أجهدت الشرطة، العديد من رجال الشرطة على استعداد للأنضمام للثورة عندما تصل لمراحل متقدمة


10-12-2013 03:16 PM
أفاد الراكوبة مصدر موثوق بأنه تحدث إلى عدد من الرتب الكبرى والصغرى في جهاز الشرطة وقالوا أن المظاهرات هدّت حيلهم وأنهم فى كثير من الوقت يكونون فى حالة إستعداد منذ الفجر وحتى منتصف الليل دون أن يتناولوا وجبة الفطور.
وأكد مصدر الراكوبة أن عدد من الرتب الكبير متضامنين مع المحتجين، وأعلنوا أستعدادهم دعم التظاهرات والإنخراط في صفوفها إذا عجم عودها ووصلت مرحلة الاعتصام في الميادين.

أفاد المصدر أن مرتب المساعد الذي خدم 25 عاماً فى الشرطة لا يتجاوز 600 جنيهاً، والعقيد الذي لديه شهادة جامعية وأخرى من كلية الشرطية وخدمته 26 عاماً لا يتجاوز مرتبه 2000 جنيهاً، ولهذا هم ساخطون وغاضبون .. وهذا يفسر ضعف ولائهم لحكومة البشير، وهو ما دفع المؤتمر الوطني للاستعانة بجهاز الأمن في قمع المتظاهرين.


تعليقات 24 | إهداء 0 | زيارات 11061

التعليقات
#800592 [ودالجزيره]
0.00/5 (0 صوت)

10-14-2013 12:16 AM
ماننسى مرتبات شرطتهم آعنى طبعا الشرطة الشعبية وماهى مهامهم سواى حمايتهم وحراستهم لانهم لايثقون فى الشرطة العامة وده أيضا من آسباب تدهور الإقتصاد وليس بغريب آن تتعاطف مع الجماهبر المنطفضة فالشرطة الشعبية ممسزة عنها وإمتيازتها أحسن منها وهى أبضا ممكن نقول عليها مكان فساد فكل المسؤلين محرسون بافرادها فبئس للظامين بدلا


#800249 [زول نصيحه]
0.00/5 (0 صوت)

10-13-2013 05:18 PM
سمعت هذا الكلام باذني من اكثر من ضابط شرطه ورتب كبيره خلال الايام الفاتت وهم علي استعداد تام للوقوف مع الشعب اذا قاد ثورة حقيقيه مش اللعب الشايفنو هسع دا . بل واكثر من هذا عندماسالت احدهم اذاً لماذا تقمعون المتظاهرين قال نحن لا نقمعهم وانتم تعرفون من يفعل ذلك وطبعا قاصد ناس الامن


#799989 [radona]
5.00/5 (2 صوت)

10-13-2013 01:58 PM
ثلاثة اجهزة في اي بلد في العالم ان لم تكن محايدة فهذا دليل خلل في تركيبة الدولة وهي:
1- السلطة القضائية
2- الشرطة
3- الجيش
كا دساتير العالم تنص بانه لا رجل القضاء والشرطة والجيش هي اجهزة قومية يمنع انتماء منسوبيها لحزب او طائفة حاكمة كانت او معارضة .. هذه اجهزة تجسد العدالة والامن والحماية للدولة وهي تتبع للشعب مباشرة وليس لاي جهة اخرى بتاتا وبعدم ذلك فاذا لاقدر الله وانتمى احد افراد هذه الاجهزة لطائفة او حزب فهذا يقدح في دورها ووظيفتها بل ويعد خيانة عظمى للوطن .. الحكومات تاتي وتروح بالسقوط في الانتخابات او الانقلابات ولكن يبقى القضاة والشرطة والجيش بمنأى لا يأتمر الا بامر الشعب وليس لاحد سلطان عليها وتلك الحكمة في النظام الهيكلي لهذه الاجهزة
نتمنى ان تبقى اجهزتنا الثلاثة في الحياد حتى يسود العدل في البلاد والعباد
وعلى السودانيين تنظيم انفسهم بصورة حضارية والاعتصام بالميادين بدلا من الغوغائية التي يمارسونها في الشوارع لانها لا تجدي شيئا .. تعلموا شيئا من ماضيكم في اكتوبر وابريل لم يكن هنالك فيس بوك ولا واتس اب ولكن كان هنالك مواطنين شرفاء ومثقفين دعوا الغوغائية ولا تكونوا دهماء فتوصمون بالغباء والبلاهة


ردود على radona
United States [كاكا] 10-14-2013 12:10 AM
أين ادب لمخاطبة .. وما هذا الاستكبار في توجيه النصح وإبداء الرأي .. قال غوغائية قال.. يعني الود مثقف وكده ولوكنت تعرف معناها لما اسخدتها في معرض المظهر الوطني الذي تبديه لتوجيه النصح.. غايتو نقول هفوة ونتابع..


#799940 [ود الدلنج]
5.00/5 (1 صوت)

10-13-2013 01:10 PM
خلينا ضابط الشرطة الذي يتخرج اليوم يتسلم عربية كيا على الأقل له ولاسره . يا حليل شرطة زمان كان العقيد يطلب النقل إلى مدينة صغيرة في الأقاليم عشان يسوق الكومر أو اللاندروفر بتاع الشرطة . خلينا بالله أكثر فساد الدولة في حكومة البشير من الشرطة


#799874 [أبو روان]
0.00/5 (0 صوت)

10-13-2013 12:10 PM
عاملنها صفرة بيضاء


#799802 [رحومة]
0.00/5 (0 صوت)

10-13-2013 11:14 AM
يا جماعة استهدو بالله شرطة شنو المنظرينها تقيف مع الشرطة ... وكمان شوفو المبرر القالو (وقالوا أن المظاهرات هدّت حيلهم وأنهم فى كثير من الوقت يكونون فى حالة إستعداد منذ الفجر وحتى منتصف الليل دون أن يتناولوا وجبة الفطور.) يعني لو ما حيلكم انهدة كان وريتونا الويل.
يا جماعة الخير لو شفتو مجمع أبراج الشرطة الفي شمبات المسمي باسم الاهبل عمر البشكير اصلو ما تعشمو ان الناس ديل يجي يوم يقيفو مع الشعب.
حتى لا أظلم مؤسسة الشرطة يوجد القلة منهم من يتمسك بمبادئه واخلاقه المهنية ولكنهم قطرة في بحر


#799760 [ساهرون]
3.50/5 (2 صوت)

10-13-2013 10:41 AM
عين ساهرة (ساحرة) ويد أمينة (ثمينة) .هههههههها الرقدو قش. أسد علي ..


#799619 [الكاهلي]
3.00/5 (2 صوت)

10-13-2013 07:29 AM
الشرطه لها ضباط اسلاميين لا يشك في ولاءهم للحكومه ابدا تانيا الشرطه بتنفذ تعليمات صادره لحفظ البلد من المخربين ما تحلمو سااااااكت كونو واقعيين ارفضوا التعليمات عشان اجيبو منو كونو واقعيين


#799589 [عمدة]
4.97/5 (6 صوت)

10-13-2013 04:46 AM
لكل قاعدة شواذ. صحيح أن معظم جهاز الشرطة قد تمت أدلجته حتى أصبح مليشيا لحماية النظام. كل ذلك لا يمنع أن يكون هنالك بعض الشرفاء من الضباط. على المستوى الشخصى أعرف ضابطا من الرتب الكبيرة لا شك عندى فى أمانته وصدقه أو وطنيته. التقيته اخر مرة فى العام المنصرم وسألته ما دورك فى محاربة المفسدين فى هذه البلد الظالم حكامها. فأكد لى سعادته أنه ومجموعة من الضباط يرصدون (وبالوثائق) كل صغيرة وكبيرة عن هذه الشبكة(السودانيين منهم وغير السودانيين) كماأكد لى أن مانقرأه عبر النت ونسمعه فى الونسات عن الفساد وما نراه من مظاهر ثراء يمثل قطرة فى محيط وأن حقيقة وضع الفساد فى الدولة الرسالية لا مثيل له فى تاريخ البشرية. وأنه فساد ممنهج و محمي بكل أجهزة القمع. وأنهم يرصدون كل فلس من أين تم نهبه وأين تم ايداعه وطمأننى أنهم فى انتظار اللحظة الحاسمة للانقضاض على المفسدين وساعتها سيعلم الذين ظلموا أى منقلب ينقلبون. فسألته وما يحملكم على الاستمرار فى الخدمة وأنتم تعلمون كل الذى ذكرت. فأجابنى بأنهم فكروا فى الاستقالة مرارا وفى كل مرة يتراجعون كي لا ينقطع عنهم خيط الفساد هذا ويكون الخاسر هو البلاد والعباد. أمثال هؤلاء يجب أن ننحنى تقديرا لهم.


#799564 [اوكامبو]
5.00/5 (1 صوت)

10-13-2013 02:59 AM
يعنى بتاعين الشرطة و الجيش ديل عندهم نفس سياسة أبو الكلام الصادق المهدى لمن يشوف الكفة مايلة فى أى إتجاه و بعد داك يعمل فيها بطل و قائد للثورة من البداية .. المرة دى و بإذن الله لمن تنجح الثورة ماعايزين الكرور دا كله من الصادق الى الميرغنى الى الشيطان الأكبر الترابى


#799405 [خالد الدحداح]
5.00/5 (1 صوت)

10-12-2013 10:03 PM
يا ناس هوووووووووووووووي ...ياخدو طوب علي راسهم لمن إثبتو العكس وإخالفو تعليمات وإنزلو معانا الشارع بي ملابسهم الرسمية ...خلونا من البقر البلا حبال دي ...ثم ثانيا الأجهزة الأمنية بتلبس لبس الشرطة جابتو من وين موش من مخازن الشرطة إبقو كولهم علي بعض هدف واااحد بالنسبة للثورة ...من الصعب الثقة في هؤلاء جيش وشرطة


#799333 [our sudan]
0.00/5 (0 صوت)

10-12-2013 08:42 PM
حملة لكل الشباب ارتداء الشارات السوداء بالعيد ترحما وحدادا على أرواح وشهداء شباب الوطن
(معسكر العيلفون،الميل أربعين،عزة السودان الأولى والثانية والثالثة،والشباب الماتوا بالجنوب،وشباب كاودا،وهجليج،وأب كرشولا،وأهلنا بدارفور،وشبابنا بالصحراء منقبي الذهب،وليس آخيرا شباب سبتمبر بالخرطوم)......................................لا تنسوا أمانه بعنق كل من يتمتع بالأنسانية ويؤمن بالله والآخرة. لا تنسوهم فهم لم يموتوا "فطايس" كما قال الترابي وغيره

--------ترقبوا-------
*******حملة احتج سلميا بالرقص،اقتداءا بأمير المؤمنين عمر البشير!**********


#799293 [عبد الله]
4.75/5 (3 صوت)

10-12-2013 08:10 PM
معذره لكل الذين هاجموا الشرطه ...الشرطه فى خدمه الشعب وسوف تنحاز للشعب لانها مغلوبه على امرها ... صدقونى هناك رجال صادقين وطاهرين من رجال الشرطه ...وهناك من لا يكفيه مرتبه لمده نصف الشهر اننا نعلم ذلك تماما ...وثقوا بان الشرطه فى جانب الشعب لانهم ابناء هذا الشعب


#799251 [بركة البركة]
0.00/5 (0 صوت)

10-12-2013 07:32 PM
كلهم منفعجية - ووقت الحااارة يتلبدوا في بيوتهم وماعندهم ضمائر زي الجيش والشرطة والامن الذين خذلوا صدام وباعوا ولاءاتهم للامريكان - وزي المصريين ( رجالهم لمن غلب ) تفووووووو على الشرطة والامن المعفنين والجيش الذي اصبح ضباطه من كبار ملاك العقار ومزارع الالبان والدواجن- الله يحفظ السودان - يمهل ولا يهمل


#799240 [نرفض لعبة الإقصاء]
0.00/5 (0 صوت)

10-12-2013 07:10 PM
يعني يموتوا أبناء السودان ولما يشبعوا موت تجوا تمسكوها تاني يا واطيين
ما دايرين منكم مساعدة ولا شكرا لكم بل تباً لكم يا قاتلي الأبرياء من أجل الأسياد
حتى في أفلام الهنود المجوس تجد ترويج لموقف الضابط العادل الذي يقف في صف المقهورين
أما أنتم فتعساً وخيباً لكم تستأسدون على الضعيف وتهرولون لمسح الأجواخ وتقبيل النجمات والصقور والمقصات
تعساً لكم تعساً لكم تعساً لكم ياأشباه الرجال ولا رجال يامن هم بعقول ربات الحجال


#799195 [fadeil]
5.00/5 (1 صوت)

10-12-2013 06:02 PM
لاننسي أن رجال الشرطه هم جزء لا يتجزأ من هذا الشعب المكبوت ويعاني مما يعاني منه الكل ولهذا لا أرى ما يمنعهم من الانضمام لصفوف الشعب لكنس هذه الزباله . لا لليأس من هؤلاء الرجال الأشاوس ضد عصابة الانقاذ من مليشيات وأمنهم الغير مدربين أصلا .


#799170 [عصمتووف]
0.00/5 (0 صوت)

10-12-2013 05:34 PM
والله كذابون دائما عصابات الشرطة تنشط وتملئ جيوبها في عهدي نميري وهذا الارعن دونكم الاسواق ومواقف المواصلات ونيل الاتوات حكي لي شرطي من الذين يستخرجون مصاريفهم من الاسواق اي والله العظيم عميد بالسوق المحلي دخل اليومي لا يقل من 200 جنية من باعة السمك وسائقي الدرداقات لا بل من باقي الباعة ويطلق عليها بتاعت القسم هي حماية للباعة من اللصوص وايضا ناس المحلية كل واحد عنده نصيب عشان كده السوق مولع العميد دق جرس لمن حان نقلة من القسم بالرغم من انة اتي لفترة مؤقتة


#799157 [عمار]
5.00/5 (2 صوت)

10-12-2013 05:26 PM
ليس اسمهم جهاز الامن هذه مليشيات نافع ومليشيات البشير وعوض الجاز كل واحد منهم لديه قوات خاصه من المغرر بهم والمغسوله ادممغتهم بكذبة الجهاد وهم يسكنون خارج العاصمه فى معسكرات ومزارع خاصة وسهل البطانه (مليشيا ابو العفين) الا تذكرون ايام المظاهرات الماضية ان البشير الشرير قال لطلبة جامعة الخرطوم نحن ممكن ننزل ليكم مجاهدين حقيقيين اهو ديل المجاهدين الحقيقيين وجهادهم قتل رواح الاطفال الطاهرة وتلاميذ المدارس الا لعنة الله على الكيزان النسوان


#799150 [Amjad Ibrahim]
5.00/5 (2 صوت)

10-12-2013 05:20 PM
وقت ساخطين ما يستقيلوا، يدقوا الناس و يقولوا ساخطين، و المسألة عندهم مسألة ماهية، يعني لو ادوهم زيادة 100% يدرشوا الناس درش


#799131 [حزين]
0.00/5 (0 صوت)

10-12-2013 05:09 PM
موش ضباط الشرطه بس حتى الجيش منتظر الثوره تصل مراحلها الاخيره وهو متضامن مع الثوره خاصة بعد البشير ما اهتم بجيشو إلا وهم كلاب الامن الامتيازاتهم وعتادهم بكل أسف أفضل من الجيش


#799124 [جارسيفو]
0.00/5 (0 صوت)

10-12-2013 04:58 PM
باي حال عدته ياعيد حزن في كل البيوت السودانية فقر في كل البيوت السودانية لا يضحي هذا العام الا الكيزان والراسمالية الطفيلية قتلت الانقاذ والمجرم المطلوب لدي المحكمة الجنائية الدولية السفاح الحاج عمر البشير 28 ضابطا في نهار رمضان واباد اهل دارفور والنيل الازرق وجنوب كردفان واشعل فتيل الحروب القبلية والعنصرية في السودان وقتل المناصير وكذلك اهل الشرق في بورتسودان وقتل 210 من ابناء السودان في الاحتجاجات الاخبرة وقبلها اباد اهلنا في الجنوب الحبيب ونشر العنصرية القبلية والدينيه حتى اختار اهلنا في الجنوب الانفصال بنسبة غير مسبوقة وانهار الاقتصاد مع انفصال الجنوب ونهب الكيزان الفاسدين اموال الشعب وقوته وهم مجرمين وقتله ومغتصبين وفاسدين ومفسدين والدين منهم براء


#799111 [nagatabuzaid]
0.00/5 (0 صوت)

10-12-2013 04:49 PM
هذا المصدر الموثوق به الذى ادلى بالتصريح للراكوبة صدق فقبل عام وانا بالسودان فى اجازة وكنت اقدم واجب عزاء ومن بين من قابلتهم للعزاء رتبة كبيرة فى الشرطة بعد الماساة اتطرق الحديث الى الحالة الامنية والمظاهرات التى كانت فى تلك الفترة من بين ما قاله انهم متضامنون مع الشعب وان المتظاهرون صمدوا سنقف معهم ثم اضاف قائلا شباب هذا الزمن يختلفون تماما عن شباب زمان ديل مجرد ما يشوفوا عرباتنا يفروا زمان لما تكون مظاهرة فى جامعة الخرطوم نتوقع صدام ومعركة حقيقية . حقيقة يا شباب رجال الشرطة يمكن ان ينضموا اليكم اصمدوا اركزوا نصركم الله


ردود على nagatabuzaid
United States [مجروف سيل] 10-12-2013 07:15 PM
والرتبة الكبيرة دى ماقالت ليك زمان زمن المظاهرات بخيرها كان ناس الشرطة بستخدمو شنو؟ يعنى هو لو ماعارف الفرق بين شرطة زمان وشرطة هسى يبقى مابفهم عشان كدا بقى بوليس. زمان يا سيد الشرطة كانت سودانية وهسى الشرطة حبشية والجيش كان سودانى اصيل مابنزل الشارع يضرب المواطنين ولا كانت الشرطة وكلاب الامن بقتلو اطفال المدارس ويتركو جسسهم مجدوعه على قارعة الطريق.مقتل فرد واحد كان شرارة وسبب كافى عشان تقوم إنتفاضة يتضامن معاها افراد الجيش والشرطة.وبعدين هم منتظين لشنو مادام متضررين ما يعملوها هم ولا خايفين اسيادهم يجيبو الحبش والجنجويد يقمعو المتظاهرين وهم يفقدو شوية الجنيهات البجدعوها ليهم دى .زمان يا الرتبة الكبيرة الامن كان وطنى وجهاز الامن حتى فى زمن الهالك نميرى كان بضربو بيهو المثل فى الإنضباط والتعامل المهنى والاحترفى اما الان بجيبوهم من حواشات الولاية الشمالية حجر العسل وحجر الطير وغيرها من الحجار الكريمة حتى الفرق بين الأمن والجيش والشرطة ما بعرفوهو........أستغفر الله العظيم يارب..


#799094 [سودانى لكن عاقل]
4.50/5 (2 صوت)

10-12-2013 04:35 PM
لاتنخدع بهذه الاقاويل كالسم مدسوس فى العسل احذر النظام باق وهذه الشرطة والجيش اذناب النظام يريدون القضاء على كل من تسول له نفسه ان يمس النظام هم فقط يراوغون النظام مدعم من قطر ومن امريكا ومن تركيا ومن حماس ومن ليبيا ومن ايران والاسلحة تتدفق عليهم لقتل من تسول له نفسه ان يعارض المشوار طويل والليل طويل صحيح ان الفجر سيلوح فى نهاية الافق ولكن بعد الصبر والتضحية بالغالى والرخيص من اجل سودان جديد لايعلم احد ماذا سوف يكون شكله ولايغرنك هذه الاحزاب فبعد زوال النظام هيا الى حروب اهلية سوف تاتى على الاخضر قبل اليابس وهذا جزاء من الله وعقاب لنل لاننا لم نحافظ على النعمة لذلك سلط الله جنوده من المسيحيين السود الجنوبيين السودانيين اسما ومن حالفهم من الاحباش والاوغنديين والكينيين واليهود والامريكان كما سلط علينا ابناءنا من اهل دارفور وجبال النوبة والنيل الازرق ليجهزوا على ماتبقى من ارض للك الله ياسودان يامن تريد ان تميد باهاله


ردود على سودانى لكن عاقل
[ساب البلد] 10-13-2013 01:34 AM
كان بالاحري تكتب سوداني عنصري هسي مافي حرب اهلية ؟؟ ولاقصدك الحرب الاهلية لازم تكون في شارع النيل و المعونة والعرضة ؟ الجنوبين خلاص ارتاحوا مننا لا مسيحين ولا غيرو, وبعدين ابناء دارفور و جبال النوبة و النيل الازرق علي الاقل ارجل منك شالوا السلاح عشان يحموا نفسهم اها نافع و البشير يكتلوا فيكم زي الضبان ح تعمل شنو ؟؟ والله لو سخنت ما يحلوك الا ناس دارفور وجبال النوبة و النيل الازرق البتقول عليهم عبيد هم الح يحرروك من الكيزان ..


#799067 [ساب البلد]
2.75/5 (8 صوت)

10-12-2013 04:12 PM
اذا وصلت مرحلة الاعتصام في الميادين جايين لشنو؟؟ كلهم كلاب لا خير فيهم .. كل واحد داير يركب علي اكتاف الثوار .. يا معانا من البداية يا ما معانا ما في حاجة اسمها عجم عودها. عود اليركب فيكم


ردود على ساب البلد
[عنبر عمر الطيب] 10-12-2013 05:31 PM
والله كلامك صح يا - ساب البلد - فعلا يا معانا يا ضدنا ام اللعب والضحك علي الدقون ومسك العصا من النص لا والف لا وما دايرن ناس بر الشبكة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة