الأخبار
أخبار إقليمية
هوجة أمنية في مجلس الوزراء لمنع تسرب حديث عمر البشير
هوجة أمنية في مجلس الوزراء لمنع تسرب حديث عمر البشير


بما فيها التلفزيرون الحكومي
10-12-2013 06:37 PM
حريات

أبلغ مصدر مطلع وموثوق (حريات) أن محمد المختار حسن حسين – ضابط جهاز الأمن ووزير الدولة بمجلس الوزراء – أصدر أمراً بإستدعاء عدد من مصوري التلفزيون القومي والتلفزيونات الرسمية الأخرى للتثبت من أن حديث عمر البشير في جلسة مجلس الوزراء 3 اكتوبر لم يتم تسريب أشرطته .

وأضاف المصدر انه فى الإجتماع المشار اليه والذي كرس لمناقشة تقريري وزير الداخلية ووالي الخرطوم عن الإحتجاجات ، إنفجر عمر البشير منفعلاً بضرورة التعامل بحسم مع المتظاهرين حتى لو أدى ذلك إلى (قتل ثلث الشعب السوداني) لينعم الثلثين بالأمن !

وقال المصدر المطلع والموثوق ان هناك سببين رئيسيين للهوجة الأمنية التي أحدثها ضابط الأمن محمد المختار وإستدعى بموجبها مصوري الجلسة ، أولهما انه في حال توثيق حديث عمر البشير فسيشكل دليلاً دامغاً بأنه صدرت أوامر من أعلى المراجع السياسية لسلطة المؤتمر الوطني بقتل المتظاهرين ، وان ذلك خلاف نتائجه السياسية سيشكل دليلاً جنائياً لإدانة عمر البشير وكامل نظامه ، تماماً كتصريحاته عن قتل الأسرى بمدينة الفاشر عام 2003 ، واما السبب الثاني للهوجة فيتعلق بطموحات محمد المختار الشخصية ، فهو مرشح لرئاسة جهاز الأمن بديلاً عن محمد عطا ، وقد أكمل تنسيق الأمر مع طه عثمان الحسين ليتم إعلانه ضمن التعديلات الوزارية المزمعة بعد عيد الأضحى ، فإذا تسرب شريط حديث عمر البشير فسيشكل ضربة لمخطط تعيينه خصوصاً وقد بذلت فيه مجهودات ومؤامرات متعددة لإقناع عمر البشير وأسرته والمقربين له بأن محمد عطا ورغم الصلات الأسرية التي تجمعه بعمر البشير إلا انه لا يمكن الركون له في اللحظات الحاسمة وان محمد مختار أكثر كفاءة وولاء منه .

واضاف المصدر المطلع والموثوق أن حديث عمر البشير قد تم توثيقه فعلاً وان أحد الحادبين يحتفظ به في حرز أمين وانه ينتظر هدوء الهوجة الأمنية الحالية لتمليكه للرأي العام المحلي والدولي .


تعليقات 53 | إهداء 0 | زيارات 30716

التعليقات
#800610 [فيردو]
0.00/5 (0 صوت)

10-13-2013 11:39 PM
يا جماعه خلو هو ما علمنا اكل الكلب السخن (الهيت دوك) قمة الاستفزاز


#800590 [صابر]
0.00/5 (0 صوت)

10-13-2013 11:15 PM
نفس هذه العبارة قالها دكتور الترابي في بداية التسعينات عندما كان يوجه بوصلة النظام حسب أهوائه أثناء عملية التمكين الحقيقي وخلق قوى موازية لمؤسسات الدولة يكون ولاؤها للكيزان وللزعيم الترابي أولا فكان تفريخات أجهزة الأمن المختلفة والدفاع الشعبي والشرطة الشعبية وامن المنشئات والأمن الاقتصادي وغيرها من المؤسسات الوقائية لتأمين وتمكين النظام.
فقد صرح الدكتور الترابي بعبارة شبيهة هي أنهم سائرون في تطبيق خيارهم الحضاري حتى إذا قاد ذلك لموت ثلثي الشعب ليحي الثلث الأخير في كرامة. كذلك فإن والي الخرطوم وأثناء أزمة السيول التي راح ضحيتها العشرات وفقدت آلاف الأسر مأواها قال أن ما حدث ليس كارثة "لأن الكارثة بالمعني العلمي هي أن يموت أكثر من نصف السكان". بالنسبة للكيزان الهدف واضح هو أن لا يبقى على وجه البسيطة غير بني كوز ويمكن استبدال الشعب السوداني المقتول والمهجر والمشرد بحشود من "شذاذ الآفاق" من أركان الدنيا الأربعة كما هو الحال الآن، كل الاستثمارات وأكثرها خدمية يمتلكها أجانب من التنظيم العالمي للأخوان وحتى طوب البلوك تشجع الحكومة الأتراك وغيرهم من الأجانب حيث تشتري منهم وتقاطع بصورة واضحة السودانيين الذين يعملون في نفس المجال.


#800568 [ودالجزيره]
0.00/5 (0 صوت)

10-13-2013 10:52 PM
طلما هذه هى أخلاق عمر البشير التى لا تمت للإسلام بصله فاقترح على ذوى اللذين صلى على جنائزهم ومن بينهم المطرب القامة محمد وردى أن يعيدوا الصلاة على أروآحهم الطاهرة مرة أخرى


#800553 [Mohammed Ahmed Mustafa]
5.00/5 (1 صوت)

10-13-2013 10:36 PM
It is time to bring all the evidence together to condemn the criminals. Please bring these evidence out to accelerate putting all the criminals to Gail. All Sudanese people, especially those who have suffered from the regime are waiting for the day of justice. They are calling Allah for heavenly justice. They will the first to celebrate when Al Bashir is condemned. So help to bring a smile to those people after long time without smile. The smile you will bring, will bring long life to those who have lived in dark days since their accident. Please do good and Allah will help you for many will call Allah to help and protect you. Please ... Please ... Please help the helpless


#800389 [zangazanga]
5.00/5 (2 صوت)

10-13-2013 06:49 PM
قولو للخنزير محل خراك المعفن رقيب عليك لامجلس وزرائك أو مؤتمرك الواطى أو فى منزلك الوخيم بكافورى أيها الحاقد الحقير .حشرات . ألحسو كوعم . الدايرنا ييمرق لينا بر . شذاذ أفاق . شفتو هوت دوق قبل ما أجى . تحت جزمتى دى . مادايرين أسير ولاجريح سلمون دارفور نضبف . الفوراوية دى لو واحد ج _ر... شرف ليها أم يقولو أغتصاب : كل الكلام الزفت المعفن زى وشك ده محفوظ لك ليوم الحساب أنت بتتكلم والاقلام تكتب تتضارة من شنو الله ماخفت منو .والكاشفو الله ما عندو سترة اللهم أكشف لنا أسرار وعورة البشير وعلى الملاء يارب ..وعلى علمكم الخنزير الحيوان الوحيد يأكل مما يتبرز والعياذو بالله من هذا الخنزير النجس الوسخ وكالكلب يأكل قيه..


#800344 [cour]
5.00/5 (1 صوت)

10-13-2013 05:49 PM
الحمد للة رب العالمين كل دا وهو مسلم طيب لوكان بوذى يعبد البقر اوصينى ليس لة الة . كان فرم الشعب وباعو كطعام للقطط الاوربية منك للة يا غول


ردود على cour
United States [G.Suliman] 10-13-2013 07:51 PM
لالاالا ما تبالغ كمان للدرجه ده
مره من المرات البشكير كان قاعد مع الشيطان قال ليهو انا عايز اعمل في الشعب ده عمليه تكون فاهمه
الشيطان وسوس ليهو ....الخ
البشكير قال ليهو لالالا ياخ ده هينه..تعال قريب اوريك
وسوس وسوس وسوس...الخ
الشيطان:ياخ حرام عليك خاف الله شويه


#800295 [الكلى]
5.00/5 (1 صوت)

10-13-2013 05:01 PM
وكمان حج واستقبال هو الحج ياناس دبابير تعلق فى الصدر؟ كلكم راع وكلكم مسؤول عن ....ان غفر الله لك مابينه وبينك كيف يغفر لك عن حق الملايين من شعب السودان اعلاهم القتل والجوع والتشريد و................و.......و.......وأدناهم تزوير الارادة وتسليط من لايرحم علينارغم انفنا وما خفى أعظم


#800095 [فتفت]
5.00/5 (1 صوت)

10-13-2013 02:27 PM
وقالها عبدالله مسار بمؤتمر الفاشر المشهور بملئ فمه ان نصف اهل دارفوريموتوا مامشكلة المشكلة هيبة الدولة تقام دي المشكلة واخيرا طردالمسكين دون رحمة زي نافع في بري


#800081 [ود الفاضل]
4.50/5 (6 صوت)

10-13-2013 02:13 PM
هوجة مجلسالوزراء التي وردت فى المقال المصاحب لصورة الزعيم العينة ، وما نسب فيها لزعيم الغفلة قد يصدقها العقلاء الذين عايشوا خطرفة البشير منذ ان جاءت به الصدفة لكرسي الحكم بليل والناس نيام ( يعني ناطي الحوش ) والاوله كذب آخره بوار .. التصريح المذكور قد يكون صحيحا لانه هذا الرجل مضى عليه ربع قرن ولم يتعلم أن رؤساء الدول لهم ميزان معلوم لكل كلمة تقال، وكثير من الرؤساء العارفين بالسياسة لايتحدثون الا من الورق ، وبعد أن يقوم المستشارين بمراجعة كل كلمة تقال ، لانه اي كلمة تفلت قد يدفع الشعب ثمنها .. ولكن هذا العسكري الذي لايعلم الا صفا وانتباه وخلف دور ، وللاسف كل مستشاريه امثال مصطفى عثمان اسماعيل والفكة الباقية هؤلاء كلهم جيئ بهم من قارعة الطريق لاسياسة لاخلقة ولا أخلاق . وكل منهم فى مسيرة عمله اطلق كلمات لاتليق حتى بستات الانادي . وعلى سبيل المثال: مصطفى اسماعيل ( الشعب شحاد) نافع على نافع ( نحن جينا بالقوة والدايرنا ياخدها بالقوة) ( لحس الكوع) البشير ( قرار الجنائية تحت جزمتي ) البشير ( الحركة الشعبية حشرات ) وما تنفع معاهم الا العصا) .. الحديث السياسي الرائد يونس فى بداية الكارسة ( امريكا دنا عذابها) ( فرعون مصر ) ( يهود يهود يا والبقية معلومة) وروسيا دنا عذابها ) الزبير ( فاليبق التلث من الشعب ) والي الخرطوم ( الشعب لايثق فينا ) اعلام الدولة بقنواته السبعة ( المخربين السارقين ) لشباب الانتفاضة . وزارة الداخلية تصرح بان عدد القتلى 35 واخيرا يعترف والي الخرطوم بان القتلى فى المظاهرات 70 قتيلا , والعدد الحقيقي معلوم لكل الشعب . خال الرئيس يدعو الصحافة ويذبح ثورا أسودا كناية على فصل الجنوب واحتفاءا بالمناسبة ، وكأنما الشمال اليوم قد ذبح القسم الجنوبي وارتاح منه ) هذا غيض من فيض من العبط السياسي والهرجلة والجهل ، وقيل ان وزير خارجية السودان فى بداية هذه الكارثة ( البروفيسور حسين ابو صالح ) جاء فى زيارة رسمية الى السعودية ووعند الاجتماع مع وزير الخارجية السعودي القامة الدبلوماسية العريقة ، وقبل بداية النقاش فيما يهم العلاقات بين البلدين ، قام السعوديون بفتح شريط مدون عليه حديث الرائد يونس الصباحي ، وعند نهاية المقال ، سأل السعوديون وزير خارجية السودان ؟ هذا المتحدث يتبع لاي جهة فى حكومتكم ) قيل ان الدكتور شعر بالخيبة والحرج . ولم يخرج من الاجتماع الا بهما..
كتبناا من قبل ان السودان قتل ودفن بباقي الروح فى زمان النكرات ، وعلى هذا القطر فالتبكي الثاكلات وللاسف اغلب الرجال الذين بامكانهم تدارك الموقف قبل القتل شطت بهم الديار وتفرقوا فى اقطار الدنيا بحثا عن العيش الكريم ، وتركوا البلد للسمبر والبوم امثال مصطفى اسماعيل،


ردود على ود الفاضل
United States [وليد ذو الفقار] 10-13-2013 10:59 PM
صح لسانك تحليل جميل يدل علي مدي ثقافنك كتر الله من امثالك تعليقك رائع بس بطلب منك طلب اخي الكريم انت رجل في منتهي الوعي
يا ريت لو تكتب وتشجع الناس علي الخروج والتظاهرات لانه عار علينا هنالك 200 ماتو من اجلنا والثوره اليومين دي نايمه عايزين كل الشباب يتحر
وخاصه امثالك لتشجيع الناس

United States [G.Suliman] 10-13-2013 07:54 PM
في عسكري بفهم في البلد ده لكن؟؟؟


#800043 [هميم جابر]
5.00/5 (3 صوت)

10-13-2013 01:48 PM
الله لا يوفق ناس البشير إلا إلى مزيد من كشف عوراتهم وفضح عيوبهم ويجعل تدميرهم في تدبيرهم


#799997 [شفقان]
5.00/5 (1 صوت)

10-13-2013 01:08 PM
الأخ الكريم حسين البلوي أقسم لك بالله العظيم أنني كنت أتوقع أن يأتي من يريد إتمام الجزء من الآية الذي يؤكد عفو الله و مغفرته ورحمته والإعتقاد في هذا من أصل عقيدة التوحيد ولكن قاعدة أن مرتكب المعاصي جبان وأن الشيطان يستزله ببعض مااكتسب من الظلم يكفي الإستدلال عليه بالجزء الذي ذكرته من الآية


#799993 [خالد]
3.50/5 (2 صوت)

10-13-2013 01:04 PM
قتل ثلث الشعب السوداني عبارة عادية عند الدكتاتور خاصة انه مطلوب دولياً بعدين ما تنسو الهروب الكبير من نيجريا ؟ والله كل من ينتمى للمؤتمر الوطني اكثر خوفا وجبنا من البشير والايام اثبتت ذلك ايام الكتمة في امدرمان ؟؟؟ مقاتلي حركة خليل وايام الكتمة في التظاهرات الأخيرة ؟؟ اول شي قاموا به تأمين منطقة كافوري يعني الخوف باين عليهم؟؟ لكن المنتفعين من كلاب الامن وشلة شباب من المؤتمر الوطني عملو رجال وقناصة ؟؟
التحية لمقاتلي الجبهة الثورية - و لشهداء الوطن - التحية لشرفاء بلادي على امتداد هذا الوطن


ردود على خالد
United States [G.Suliman] 10-13-2013 07:57 PM
وماتنسى ابوالعفين العامل فيها صقر الجديان ده
هرب مدني عشان لو كتمت يمشي بعدلو
لو صعاليك الامن طلعوا زي اخواتم المصيبه يكون اخواتم رجال كمان


#799960 [tom]
5.00/5 (2 صوت)

10-13-2013 12:31 PM
ياخي معقول تنسى عوض الجاز
وتنسى الزبير والي الجزيرة
وتنسى عبدالحمن الخدر والي الخرتوم
وتنسى جماعة الاقتصاد الغتطسوا السودان في ستين داهية
عثمان سلمان وعثمان الهادي ويسف احمد يوسف
وين انت تنسى ناس قريعتى راحت يحيي حسين وتنسى بكري حسن صالح ( الساطل ديما )
وتنسى ولا ما بتنسى اليوم جاي جاي


#799956 [Salah Elhassan]
0.00/5 (0 صوت)

10-13-2013 12:28 PM
لقد اصبح البشير سفاحا بأمتياز فقد تعود على سفك الدماء ولكن يمهل ولايهمل سوف يكون مصيرهو كمصير الطغاة الذين ذهبوا الى مذبلة التاريخ غير ماسوف عليه ....
اما هذا الخنزير محمد مختار فلست ادرى من اين أتى .؟ وكما يقول المثل ان الطيور على اشكالها تقع ..هذا الكلب باع مبنى بيت السودان فى لندن وحتى الأن لا نعلم الى من ذهبت قروش البيعة دى ؟؟؟؟؟؟


#799949 [اصلي جدا جدا]
4.99/5 (12 صوت)

10-13-2013 12:18 PM
سيناريو حج البشير هذا العام
بشه كان مضايق جدا في طلوع المتظاهرين الاخير , وكان دايما سرحان لدرجة انو كانت ظااااهره في حركاتو وتصرفاتو .
وداد اول وحده تلاحظ الذهول دا (ما مرتو عاد ) , جاتا صحيه نص الليل .. لقتو مفنقل عيونو وتاكل ليو سفه دقار , قام سألتو : مالك يا راجل صاحي
بشه : يا وليه عليك الله خليني في حالي .
وداد : لا ما بخليك يا راجل انت مش راجلي .
بشه : يعني حيكون مالي , البلد فايره والناس طلعت ضدي .. واستطرد قائلا : تفتكري الناس بقت تكرهني يا ودوده .
وداد : لا يا عموري الناس ابدا ما بكرهوك بس طلعوا ضد الغلا و رفع الدعم .
بشه : لكن انا ما جاييني نوم بهلوس كتير .. اعمل شنو .
وداد : كدي انا بكره بمشي مدني عندي فكي هناك كنت بمشي ليه ايام المرحوم .. كانت بتجيه نفس الاعراض وكان بديني ليو محايه بتريحو شديد .
بشه : آآآي ظاهر كده .. ريحتو لمن اتكل .. انتي عاوزا تخلصي مني ولا شنو يا وليه .. بعدين انا ما قلت ليك ما تجيبي لي سيرة المرحوم دا تاني .
وداد : خلاص براحتك ما تنفعل كدا .... ثم ادارت له ظهرها و قالت في طنطنه خافته : هو الركبو الطياره منو .. قاادر الله قايلني ما عارفه .
بشه بصوت عالي : قلتي شنو يا وليه بطنطني مااالك .
وداد : لا سلامتك .
وفي الصباح الباكر اتصل بشه بمدير مكتبه يأمره باخبار الجماعه ( نافع و علي والشله ) عن اجتماع طارئ خلال ساعتين .
احداث الاجتماع الطارئ :
بشه : ان جمعتكم هنا عشان انا زهجاان شديد ومنامي قل وبتجيني احلام مااا كويسه
اللمبي : كوابيس يعني يا ريس .
بشه : ايوه يا غبي .
نافع : خير يا ريس اللهم اجعلو خير .. انا من زمااااان مما اتولدت قاعده تجيني الكوابيس دي .. ما قاعد اشتغلبيا يا ريس .. انساها
علي : كدي يا ريس ممكن تورينا الكوابيس دي شنو لانو اكيد عندها تأويل .. اكيد ما كل الكوابيس بتتأول انها فال كعب .
بشه : والله انا حلمت انو نصي التحت اتقطم وراحة معاو العده كلها .. ومره حلمت انو في جزم وسفنجات كتيييييره قاعده تدوس في وشي لما نفسي كتم .. ومره حلمت انو وقعت في حفره كبييييره و كلها نار لمن قمت مخلوع و ما قدرت اكمل نوم .. اها فسر لينا يا فكيك.
علي : طبعا يا ريس بالنسبه للحلم الاول فهو ظاهر انو دا انفصال الجنوب وعدتك الانقطمت معاو دا البترول المشا مع الجنوب .... اما الحلم التاني فدا معناتو طلوع الشعب يا ريس .. التالت والله اعلم دي الاخره .
بشه : اها والحل شنو انا ما اتركبت كان كدا ..
نافع : ولا يهمك يا ريس كووولللو تحت السيطره . انت بس حاول نوم .
بشه : اها الحل ششنوووووو .
اللمبي : والله يا ريس انا اديت تلفوني للصوارمي قلت ليه افتح لي الاسبيكر بالنظر واضرب لي لشيخ عصام احمد البشير عشان يقدر يسمعك وانت بتتكلم .. خودك كلمو .
بشه : والله بجي منك مرات يا لمبي اديني ليو .
شيخ عصام : يا فخامة الرئيس انا سمعت الحوار كلو ودا بدل على انك ضميرك حي وحامل الرساله صح .. ودايرك تطمن انا عندي ليك حل
بشه : قول يا شيخ الله يخليك .
شيخ عصام : امشي الحج وسوقني معاك تبع الفوج الرئاسي وحترجع من هناك باءذن الله ابيض كالثلج
بشه : ايوه دا الكلام المفيد الله يخليك يا شيخنا .. الحج الحج .. بس على الله السعوديين المعفنين ديل يوافقو يدونا الفيزا


ردود على اصلي جدا جدا
United States [sabile] 10-13-2013 02:06 PM
راكب الفيل


#799936 [ود الدلنج]
4.00/5 (2 صوت)

10-13-2013 12:07 PM
الشريط لا بد من إرساله إلى المحكمة الجنائية عشان يتم الناقصة


#799932 [نرفض لعبة الإقصاء]
5.00/5 (2 صوت)

10-13-2013 12:01 PM
يا جداااد عارفينكم
اتخيلتو الثورة خلصت ورجعتو لاكل الباسطة والمظروف بعد الخدمة؟
أكتبوا وردوا على بعضكم زي ما عايزين ولكن لا تستهينوا بعقلية الشعب
سكوتنا هو ما دفع أسيادكم للقمة
وثورتنا هي ما ستهوي بهم إلى الحضيض
لا نكوص بعد أن سالت الدماء
وتحت الرماد الذي تتوهمونه يكمن وميض النار
ألا هبوا بني السودان فإن في سمرتكم وصلابة عودكم لملهم للشعوب


#799815 [soon]
5.00/5 (1 صوت)

10-13-2013 10:24 AM
جداد الكيبورت مالكم هايجين ماف مشكلة انا بجيب ليكم الاضاحي لحدي خشم بيتكم وناس لندن ديل بجيب ليهم الوسك والبنات البيض
ههههههههههههههههههههههههههههههههههههههههه
هاك .......................................................الوسك دا


#799725 [مهاجر]
5.00/5 (3 صوت)

10-13-2013 09:11 AM
اصلا السيد الرئيس لايعرف الكلام وراجعوه خطبه واقترح لحكومتنا الموقرة بتعيين من ينوب عنه في الكلام لان اصلا كلامه كله مضروب وكم مرة وعد اهلنا الغلابة بالغاء الجبايات والضرائب علي امنتجات الزراعية ولكن كلامه لم ينفذ وكم من مرة تبرع بمشاريع تنمية عند زيارته للاقاليم ولم تري النور ... وكم مرة قال امريكيا تحت جزمتي وذهب لتقبيل جزمهم ولم يجدي وقال الجنوبين حشرات واقفل البلف والان البلف مفتوح والجنوبين احسن ناس ياناس دي مارئيس بس بلوة ابتلانا بها ربنا يجب ان نراجع اعمالنا.


ردود على مهاجر
United States [G.Suliman] 10-13-2013 08:05 PM
الراجل بيمسكو من لسانو لكن ده وكمان عاقر !!!
الله اعلم تبع اي نوع


#799647 [OSAMA DAI ELNAIEM]
5.00/5 (4 صوت)

10-13-2013 07:31 AM
كل عام والجميع بخير وندعو الله في ليلة الوقف بعرفة ان يزيح عنا عمر البشير وزمرته-- واسمحوا لي ان اردكم الي حديث سابق للاستاذ/ فيصل محمد صالح عن السذاجة واقول كلنا سذج بدرجة فارس والدليل علي قولي ان الرجل هاج وماج في يونيو1989واعتلي ظهرنا ولم ينزل لربع قرن من الزمان ولا يري فينا الا امة يجب تقسيمها الي دويلات وقد كان له ما ارادثم تلاعب وهاج في علاقات السودان بالدول الاخري القريبة والبعيدة بعد ان كان شعار الاوائل ( جئناكم بصداقة الشعوب) وكان الجواز السوداني لا يفحص كثيرا في مطارات العالمولا ترفض للسوداني تاشيرة دخول والان مع الهياج حتي راس الدولة لا يستطيع ان يتشافي في هارلي كلنك او شارنق كروس هوسبتل -- الهوجة التي تنتفضون من اجلها تدخل في صحيفة السذاجة التي جاء بها الاستاذ فيصل ودعونا نبتهل الي الله العلي القدير ان يرفع عنا البلاء واللغلاء وسوء الفتنة---- البشير وزمرته من النطيحة الي المترديةوعلي الله التكلان.


ردود على OSAMA DAI ELNAIEM
European Union [ود البلد] 10-13-2013 08:38 AM
(قتل ثلث الشعب السوداني) لينعم الثلثين بالأمن !هذه العبارة قالها الزبير محمد صالح ولم يهنأ بالحياة بعدها بضعة شهور ,,, يمهل ولا يهمل ,,,


#799620 [شفقان]
3.00/5 (4 صوت)

10-13-2013 06:31 AM
خوفهم من الإنتقام لا بد أن يكون على قدر بشاعة الجرائم التي إرتكبوها ضد أفراد وجماعات هذا الشعب وعلى مستوى هذه البشاعة سيكون الإنتقام منهم والشماتة عليهم هذا طبعاً إلى جانب الدوافع الأخرى التي ستجعل منهم في بداية الأمر حيوانات شرسة ولكنهم يقاتلون بيد وقلوبوهم وأرجلهم متأهبة للهروب حالهم في ذلك حال من وصفهم الرحمن بقوله جلَ وعلى في سورة آل عمران آية 155( ان الذين تولوا منكم يوم التقى الجمعان انما استزلهم الشيطان ببعض ما كسبوا) وإذا تخيلنا كل ما كسب هؤلاء من الذنوب والآثام من قتل وتعذيب وتشريد وتهميش وثراء حرام وتكبر وإستعلاء ومتاجرة بالدين وذلك كله على مدى ربع قرن من الزمان، هذا إلى جانب كل الآثار الضارة المترتبة على سياساتهم كان ممكناً لنا تقدير "بعض ما كسبوا" وإذا كان بعض ما كسبوا على هذا القدر من الفظاعة والبشاعة فلنا أن نتوقع منهم إما الهروب وإما اليأس من روح الله وهو الكفر الصريح (انه لا يياس من روح الله الا القوم الكافرون)يوسف87 وهو ما سيدفع بهم إلى أخذ الأمر كله بيدهم والرمي بالدين و الإيمان بالله والأخلاق من على القارب وهذا سيؤدي بهم للتهور و الإستعداد لقتل ثلثي الشعب وتهورهم هذا سيوصلهم إلى ذات المصير الذي سيصلونه لو أنهم هربوا حين استزلهم الشيطان.


ردود على شفقان
[safi] 10-13-2013 04:38 PM
من هو خير و افضل ليتولى امر المسلمين بعد وفاة الرسول (الاعظم) من فر و جر مثل الغزال الجبلى ام من بقى مع الرسول (ص)؟؟؟؟؟ لعلمك ان الفارين هم من اغتصب الخلافة (الحكومة) كما اغتصبها المؤتمر الوثنى هذا. يجب علينا معرفة الذين ثبتوا مع الرسول (ص) و عندها سندرك ان تاريخ ديننا قد ساده التحريف وان ترتييب الاربعة لم يكن الا اغتصاب منذ صدر الاسلام؟؟؟؟ لذا سار ملاعين المؤتمر الوثنى على دربهم و هذا ما يفسر قتلهم و اسحقارهم للناس و لكن الموت قتلا (و رب الكعبة) هو النهاية.

United States [حسين البلوى] 10-13-2013 11:05 AM
الاخ الكريم كان لك اولا ان تكمل الاية الكريمة الى قوله تعالى ( ... ولقد عفا الله عنهم ان الله غفور حليم ) وهذه الاية وردت يوم احد عندما فر كبار الصحابة وأنفضوا من القتال والدفاع عن النبى صلى الله عليه وسلم ولم يبقى معه غير سته من المهاجرين وسبعة من الانصار ولقد عفى الله عنهم واى من قلل من شان الصحابة الذين فروا فى هذه المعركة فقد تعدى حدود الله لان الله قد عفى عنهم , فليس هناك اى وجه شبه بين اصحاب نبى الله رضى الله عنهم الذين فروا من حوله يوم احد بعد الن استزلهم الشيطان ييعض ما كسبوا وبين من يقتلون شعبنا مع سبق الاصرار والترصد .


#799613 [البراكودا]
4.25/5 (6 صوت)

10-13-2013 06:17 AM
بتاع الجهاز دا اسمو محمد مختار حسن توم و ليس حسين
وكيف ما يكبر سريع اذا كان نافع ابو العفين متزوج اخته


ردود على البراكودا
United States [G.Suliman] 10-13-2013 08:06 PM
والله كونو انو متزوجه بالحلال ده الله اعلم


#799610 [abusafarouq]
4.88/5 (6 صوت)

10-13-2013 06:06 AM
ياناس أعطونا السلاح لتتبع الخنازير فى عقر ديارهم الفخيم قبل أن يبيدونا كالحشرات والبشير صادق فيما يقول الراجل يحاول يحمى نفسه من الجنائية الدولية بكل الوسائل والسبل حتى لو يقتل كل شعب السودان ليعيش هو ونظامه والامر جد خطير وخطير جدا عزم البشير قتل الجميع ويحكم ثلث سكان السودان فقط وهم أعضاء المؤتمر الواطى وهو يعى ما يقول ويفعل هذا الرجل عربيد أصبح مريض بعظمة الملك ودى مرحلة خطر بأرواح الشعب البشير مريض نفسى لديه شهوة وحب القتل وبالتالى يجب حجر البشير فى مصحة نفسية قبل الاقدام على هذه الخطوة هو أستهدف كل الشعب ليس الحركات المسلحة الحاملة للسلاح بل العزل الاهداف فى المستقبل وقتل المتظاهرين فى الايام الماضية ليس ببعيد فعلا أصيب بجنون عظمة السلطان وأصبح فرعون السودان الجديد فى القتل والابادة حتى الاجنة فى بطون أمهاتهم والرجل لم يرزق بذرية فى حياته الطويل حتى يقدر قيمة الاموات من الاطفال برصاص قدره.


#799527 [ممكون وصابر]
4.96/5 (7 صوت)

10-13-2013 12:18 AM
والله الخووووووف يكون مفهمنه انه ثلث الشعب السوداني ما دايره والثلثين الباقين دايرنه,,,


#799522 [ابو ]داليا]
5.00/5 (2 صوت)

10-13-2013 12:11 AM
يا فقر اين انت من عمر والذى كان يهم بغله لو تعثرت فى العراق كان يخشى الله ان يساله لما لم تسوى لها الارض ولكن يبدو ان فى جينكم الذى تحملونه شيئ من الحجاج والذى ايضا حكم باسم الاسلام الذى قال انى ارى رؤوسا قد اينعت وحان قطافها وانى لقاطفها لو صح هذا الخبر ما عليك الاقتل كل الشعبب السودانى لانه هنا كل الناس اهل بتعرف كل الناس اهل


#799495 [elsara]
5.00/5 (10 صوت)

10-12-2013 11:14 PM
ابشلاليف دة ما قادر علي خشمو دة حياتو كلها جعير


ردود على elsara
United States [Game over] 10-13-2013 11:26 AM
شلاليفو زي عتبات السفون!!


#799488 [الجمل]
5.00/5 (17 صوت)

10-12-2013 11:08 PM
يا جماعة ذمان قلنا ليكم ديل مابنفع معاهم غير التصفيات الجسدية وهم معروفون لكن ما سمعتوا كلامنا وحصل الحصل موت ابرياء من ابنائنا حتى وصل العدد 215 شهيد. يعني لو كان تمت تصفية:
- عمر البشير
- عبدالرحيم حسين
- نافع
- علي عثمان
- مندور المهدي
- ربيع عبدالعاطي
- غندور
- حاج ساطور
- محمد عطا
- علي كرتي
- صلاح قوش
يعني 11 نفر فقط اذا تمت تصفيتهم باعتبارهم راس الحية معناها ما كان كلفت موت هؤلاء الابراياء والعدد مازال قابل للتضاعف اذا خرجتم في مظاهرات . وهم صرحوا من ذمان الداير اقلع السلطة الا الحس كوعو. وهؤلاء قتلهم حلال لانهم هم الذين ادخلوا ثقافة التصفيات . الهم اني قد بلغت فاشهد


ردود على الجمل
United States [أبو عمر] 10-13-2013 02:21 PM
المتعافى بيييييى حالو نسيتو

United States [مهاجر] 10-13-2013 01:27 PM
كل من شارك مع الانقاذ يجب ان يحاكم سواء الحاج ادم اوغيره بس ماعايزين ندخل ادب التصفيات والاقتيالات في الحياة السياسية السودانية لانها سوف تستمر اما المحاكم العادلة سوف ترضي الجميع .

European Union [أبومحمد] 10-13-2013 11:20 AM
واحمد ابراهيم الطاهر وسامية احمد محمد وامين حسن عمر وابراهيم احمد عمر ومحمد الحسن الامين وابراهيم محمود وزير الداخلية وعلي محمود وزير المالية وعبدالرحيم حمدي ، وعبدالرحيم علي والساقية لسه مدورة. في الحقيقة قوائم وليست قائمة ، العين بالعين والسن بالسن والبادي أظلم.

United States [مهاجر] 10-13-2013 09:39 AM
العنف لايولد الا العنف وكده البلد سوف تغرق في بحار دماء واصلها ماناقصة .

United States [عوض عبدالرحمن الامين] 10-13-2013 09:11 AM
مبروك يا الجمل 11 فقط ..... لا العدد الكلي 51 الباقي 40 العين بالعين والسن بالسن والبادي اظلم

United States [محمد أحمد] 10-13-2013 07:55 AM
يا اخي الحاج ساطور تــمومة جرتـــك ، لايهش ولا ينش ، الغرض من وجــودة كموظف في السلطة الضحك على الغرابــــة.

[العوض] 10-13-2013 01:34 AM
تصفية يعني شنو قتل وكدا طيب انت فرقك منهم شنو ياجمل اسقطهم واسجنهم وذلهم وحاكمهم

United States [متسكع] 10-13-2013 01:24 AM
يارجل ظلمت الشعب السوداني العدد الحفيقي كل الانقاذيين ولا يقلوا عن 100الف شخص


#799446 [جيت ومالقيت]
4.00/5 (5 صوت)

10-12-2013 10:06 PM
تانى محتاجين شريط ماكفاية الشفناه


#799439 [ساب البلد]
3.50/5 (2 صوت)

10-12-2013 09:51 PM
الثلثين منهم من هاجر ومنهم من قتل .. الثلث الباقي عايز تناههو يالبشير ح تحكم منو ؟؟ ح يجيك عقد عمل و تمشي السعودية بلاش السعودية ح تمشي ايران .. الله ينتقم منكم يا كلاب ..


#799438 [بت حبوبتها]
4.50/5 (3 صوت)

10-12-2013 09:49 PM
يا أيها المصدر المطلغ وموثوق, بالله قل للزول الوثق كلام الرئيس دة يطلعه الليلة قبال باكر !

نحن شفنا الثورة قوامها الشباب وطلبة المدارس, لكن رجال عازة لسة ما طلعوا, مع إن دة شئ محير ! لكن أنا شايفة إن شتايم البشير المباشرة دي حتستفزهم وتطلعهم الشارع وما يرجعوا إلا بعد البيان رقم "1"


ردود على بت حبوبتها
United States [بت حبوبتها] 10-13-2013 02:22 PM
مسكين يا جدادة, ناس الإنقاذ يوظفوك وما يدوك قريشات تعمل بيها حلة السليقة المشتهيها !

United States [المشتهى السليقة] 10-13-2013 06:00 AM
حلم الجعان عيش


#799432 [الدباغ]
4.75/5 (3 صوت)

10-12-2013 09:47 PM
خلي الحادب المذكور يفكها في اليوتيوب ... منتظر شنو؟؟؟ دا الوكت الصاح


#799429 [radona]
3.00/5 (2 صوت)

10-12-2013 09:41 PM
اذا ثبت صحة هذا الكلام سيكون كارثة حقيقية لا بعدها ولا قبلها
اذا ثبت هذا الكلام لن يكون امام الرئيس البشير والنظام الحاكم الا التنحي الفوري ودون مماطلة
وفي الغالب ان هذا كلام فارغ لا دليل له
لان من يملك هذه الوثيقة ويخفيها غير جدير بالاحترام والثقة
الرئيس شخص كلفه الشعب السوداني بحراسة القانون والدستور ويستطيع الشعب سحب هذا التكليف في اي وقت حتى قبل انتهاء ولايته الانتخابية لانه لو صدق هذا الكلام يكون العهد بين الرئيس والشعب قد انتهى فعلا
ولكني ارى ان هذا الكلام لن يصدر من رئيس دولة ابدا خصوصا بان الرئيس ينوي التنحي بانتهاء ولايته ولا ينوي الترشح لفترة رئاسية سادسة
عموما من له دليل على ذلك فليبرزه والاحتفاظ به تعتبر خيانه للوطن
والا بالعدم سيكون ذلك ضرب من ضروب المعارضة غير الرشيدة ونشر الشائعات المخلة بلامن والاطمئنان
والامر لله من قبل ومن بعد


ردود على radona
United States [الــســيــف الــبــتــار] 10-13-2013 10:35 AM
ارأك متقلب كالحرباء كل يوم بلون ؟
اغتصاب الفواروية من الحعلى شرف لها ؟
هل هذا الهراء يصدر من راس الدوله اجيبنى ؟
ديل كلهم عبيد والمقصود مثلى حكومة جنوب السودان بعد الاتفاقية ؟
اهذا من عندنا وقالها الترابى بعضمة لسانه و كررها لعلى الحاج بعد أن انسلخ وانضم الى الشعبى؟
ايضا هذه فريه على البعير ؟
لا تستعجل و الايام حبلى بالكثير و ما يدور فى الغرف المغلقه موثق و محفوظ ؟
ولقد فقدنا الامن و الاستقرار منذ أن اطل علينا هذا الشؤم وزبانيته والحال يغنى السؤال ؟

United States [aml altom] 10-13-2013 05:37 AM
ياتو رئيس هذا الذي "كلفه الشعب السوداني بحراسة القانون؟"؟ إنت حمار يا زول وللا شنو؟ ناس جوا بإنقلاب تقول "كلفه الشعب السوداني"؟ وكمان بحراسة القانون؟ وبرضو قتل 300,000 روح في دارفور؟ وطيب لو كانوا كلفوه "بحراسة الأعمال الإجرامية "كان عمل شنو؟؟؟؟؟؟؟؟؟؟؟؟ عليك الله يا زول كان عندك شغلت شوفها


#799428 [ameen]
5.00/5 (4 صوت)

10-12-2013 09:40 PM
عادي عادي
قتل 27 من زملائه الضباط والدنيا عيد
ده خلاص وسع يا شباب


#799421 [mohd]
4.88/5 (4 صوت)

10-12-2013 09:32 PM
اولا تدري ايها الثور
أنك قد انتهيت من ثلثي الشعب السوداني وعملت بوصية الزبير محمد صالح ؟

ولا تزال تريد اهلاك ثلث ؟ بأي دين وبأي شريعة وبأي حق تبيدهم ؟

هل انت خلقتهم حتى تبيدهم ؟

ومنذ اربعة وعشرين عاما عجافا قال الزبير يموتوا ثلثين ويعيش ثلث ؟

هل يعيش هذا الثلث لكي يصبح جالية سودانية في ارضه وتبيعون الارض للعرب والعجم؟

لعنةالله عليك

واهلكك في حجك هذا وجعلك عبرة لمن يعتبر

اللهم امين


ردود على mohd
United States [ابزرد] 10-13-2013 05:26 AM
صلاح كرار هو القائل


#799418 [أبوديدى]
5.00/5 (1 صوت)

10-12-2013 09:29 PM
ياخى يحتفظ بيهو لى شنو ده ؟! لحدى مايقتل ثلث الشعب؟!
اﻷفضل أرساله وبأقصى سرعه لقناة العربيه أوسكاى نيوز العربيه أوANN
حتى يعلم الشعب السودانى ماذا يخبئ له هذا القاتل السفاح وحتى يعلم العالم عن جريمه أخرى لدى هذا المجرم ..
ده شريط يوديهو فى ستين داهيه والشعب لن يسكت عليه وسيعجل بسقوطه ولنا تجربه نميرى عبره وفى قلة أدب البشير على الشعب السنه الماضيه وفى هبة سبتمبر الفائت ..


#799416 [الباقر]
5.00/5 (2 صوت)

10-12-2013 09:26 PM
ليه الثلث كان تقول اموت كل الشعب السودانى وكده ترتاحو مننا ونرتاح منكم


#799413 [المندهش]
5.00/5 (1 صوت)

10-12-2013 09:15 PM
بالله عليك الحيوان دا حيقول شنو رقيص وكملو ودراب وسمعناهــو اها في شنوتاني


#799392 [احادب لى الوطن]
0.00/5 (0 صوت)

10-12-2013 08:45 PM
ياخبر الليله بى قروش بكره بلاش


#799390 [كاودا]
5.00/5 (2 صوت)

10-12-2013 08:41 PM
يا بشة يا قذر تموت كل الناس عشان تسمر فيها با جبان !!


#799384 [Ammar]
4.75/5 (5 صوت)

10-12-2013 08:36 PM
يا سبحان الله محمد مختار و القفز بالزانه المدعو كان يعمل مديرا لأمن شركة النيل الكبرى للبترول و طلع منها بفضيحه ماليه كبيييييييييييييييييره جدا و عشان الموضوع يتضاير طوالي حولوهو الي قنصل في جنوب افريقيا و منها مديرا لامن ولاية الخرطوم بعد موضوع النهبه او السرقه اتقفل و حسي وزير دوله و بكره مدير الامن هو ما اكفأ من عطا لكن هو بياكل و يأكل المعاهو و يا خساره نحن في بلد حكومة الانقاذ تفضل من هو حرامي


ردود على Ammar
European Union [Ammar] 10-13-2013 08:50 PM
يا اخ متوكل انت ليك بالظاهر امامك لكن ممكن تسأل اي زول شغال في النيل الكبرى من الناس القدام و بيقول ليك طيب في ناس مدراء في البترول و مدراء فنيين يعني ما مدراء امن او اداريين و حتى اللحظه بيوتهم عاديه رغم الدخل الجيد من البترول. سنة 2003 السيد محمد مختار اشترى قصر في المعموره الجديده (الجريف غرب) وممكن تسأل اي سواق بوريك مكانو وين و ده بعد 5 سنوات من بداية العمل في مشروع البترول السوداني من ويييييييييييييين. بعدين كلامك صاح في قصة الشركاء الاجانب دي لكن لعلمك ميزانية الامن في الشركه لا تخضع لمراجعة الشركاء و ده من ضمن اتفاقيات العقود و هي نعتبر صرف مسترجع من قيمة النفط المنتج يعني الشركاء الاجانب ما دافعين فيها حاجه عشان كده ما بيسألو. و لعلمك محمد مختار كان اكتر الناس محسوبيه والدليل القبليه التي اصبحت منتشره في كل البترول السوداني و ذلك بسبب انو محمد مختار كان شرط تعيينك في زمنو انك تكون شنداوي. اما الاخ مهدي اسماعيل شكرا للتصحيح و دي حقيقي انو صهر نافع والا كان لغاية حسي قاعد ضابط صغير.

[متوكل حسن] 10-12-2013 10:33 PM
والله كذبت يا Ammar دا واحد من انظف الكفاءات الامنيه التي عملت في النيل الكبري للبترول والرجل اعرفه معرفه شخصيه حيث غادر النيل الكبري ولم نسمع عنه اية شبهه فساد فلا تبهتو الناس يا ناس انا لا اذكيه علي الله فالله يذكي من يشاء بعدين فضيحه ماليه "كبييييره" دي ما ممكن تفوت علي شركه كبيره زي النيل الكبري لان المستثمرين الاجانب لا يمكن ان يسكتو علي التلاعب في اموالهم بهذه الطريقه فيا جماعه "لا يجرمنكم شنئان قوم علي الا تعدلوا اعدلوا هو اقرب للتقوي"

[مهدي إسماعيل] 10-12-2013 10:32 PM
يبدو أنك خلطت بين د. محمد مختار - وزير الدولة بمجلس الوزراء، وبين اللواء محمد مختار مدير امن ولاية الخرطوم (القنصل السابق بجنوب إفريقيا)، والذي يمت بصلة القرابة والمصاهرة لنافع علي نافع.


#799353 [من تل ابيب]
5.00/5 (4 صوت)

10-12-2013 08:00 PM
لا ولن يهمنا حديثه المخفي او المعلن يوجد دليل يكفي أدانته عندما اخذته الهاشمية المغفلين وقال امام الملأ مسموعا ومرئيا في مدينة الفاشر لا اريد ا جريحا من الثوار هؤلاء دينهم يأمرهم بقتل الأسرى نعرف طيلة حرب الجنوب المناضل العظيم جون قرنق لا يقتل الاسرى بلعندما وقعة اتفاقية السلام سلم كل الاسرى للصليب الاحمر لكن هيهات من طرف الشمالي شبعوا الموت واصبح كل دم اسيرا طاهرا براميل من ذهب الاسود


#799352 [المتغرب الأبدي]
5.00/5 (4 صوت)

10-12-2013 07:58 PM
لا حول ولا قوة الا بالله
وماشي الحج بعد كلامه دا ؟؟؟


#799336 [تور الجر]
5.00/5 (3 صوت)

10-12-2013 07:43 PM
امك


#799324 [our sudan]
4.86/5 (10 صوت)

10-12-2013 07:37 PM
حملة لكل الشباب ارتداء الشارات السوداء بالعيد ترحما وحدادا على أرواح وشهداء شباب الوطن
(معسكر العيلفون،الميل أربعين،عزة السودان الأولى والثانية والثالثة،والشباب الماتوا بالجنوب،وشباب كاودا،وهجليج،وأب كرشولا،وأهلنا بدارفور،وشبابنا بالصحراء منقبي الذهب،وليس آخيرا شباب سبتمبر بالخرطوم)......................................لا تنسوا أمانه بعنق كل من يتمتع بالأنسانية ويؤمن بالله والآخرة. لا تنسوهم فهم لم يموتوا "فطايس" كما قال الترابي وغيره

--------ترقبوا-------
*******حملة احتج سلميا بالرقص،اقتداءا بأمير المؤمنين عمر البشير!**********


#799314 [عمار حبيبي]
5.00/5 (10 صوت)

10-12-2013 07:25 PM
بس احد الحادبين دي حيرتني شوية ومنتظر الهوجة تهدأ عشان يكشفها للرأي العام دي حيرتني أكثر ؟؟؟؟؟؟؟


#799313 [السيسي]
5.00/5 (9 صوت)

10-12-2013 07:23 PM
إذا لم تنجح المظاهرات بعد العيد ساقاتل في صفوف الجبه الثوريه لكي نعالج هذا السرطان الى الابد عليكم الله ده ليول اليله حاكمنا كيف هو وكلابه


#799295 [شيكو]
5.00/5 (2 صوت)

10-12-2013 07:11 PM
ما جديده عليهم قبل ذلك قالها شيخهم الكبير الترابى اول ما قامو بالانقلاب ما بتذكرو انا متذكر سبحان الله ناس عجيبه الواحد يتمنى الموت لى اهله هل هذا من الاسلام يا البتقولو اسلاميين الاسلام منكم برئى والله اعوذ بالله منكم ...... من اين اتى هاؤلاء هل ديل ممكن يكونو بشر افتونى؟؟؟؟


#799291 [القعقاع الفي القاع]
5.00/5 (3 صوت)

10-12-2013 07:06 PM
لا تأخذكم رأفة بالمجرم السفاح الراقص على جماجم ضحاياه. هذا كلب عقور


#799285 [Abu sami]
5.00/5 (2 صوت)

10-12-2013 07:02 PM
هذا البشكير حمار يحب السلطة زى عيونو أعوذ بالله منو. قال يقتل ثلث الشعب السودانى قال.


ردود على Abu sami
United States [الزول الكان سمح] 10-12-2013 09:23 PM
يا أبو سامى

نفس الكلام ده ..قالوا المقبور الغير مأسوف عليه المدعو الزبير محمد صالح فى العيد التانى لثورة الزفت دى ..بس داك قال تلتين الشعب ويعيش التلت..أهو راح فى ستين داهية نسأل الله ببركة الأيام المتبقية من العشر أن يلحقه الله به


#799283 [الزول الكان سمح]
5.00/5 (4 صوت)

10-12-2013 07:00 PM
وأضاف المصدر انه فى الإجتماع المشار اليه والذي كرس لمناقشة تقريري وزير الداخلية ووالي الخرطوم عن الإحتجاجات ، إنفجر عمر البشير منفعلاً بضرورة التعامل بحسم مع المتظاهرين حتى لو أدى ذلك إلى (قتل ثلث الشعب السوداني) لينعم الثلثين بالأمن

طيب ذمم كل من ينتمون للنظام يمكن شراؤها..وهذه الوثيقة يجب الحصول على نسخة منها كى توثق وبالدليل القاطع وتثبت ما إدعته عليه الجنائية الدولية..

المسألة عايزة ناس يتحركوا مع ضعاف النفوس أمام المال من الصحفيين أو وزراء أحزاب الفكة


ردود على الزول الكان سمح
European Union [jaaakm blaaaaa] 10-12-2013 11:09 PM
دليل شنو وبتاع شنو نحن الثورة والقاضى والجلاد نحن بعد دة ما بنسلم لاي زفت تاني ومش محتاجين ادلة تاني


#799276 [خالد حسن]
4.75/5 (4 صوت)

10-12-2013 06:54 PM
يعني الكلب محمد عطا حيفكوه عكس الهوا
راحياك تصفية ياكلب الامن


#799270 [عبد الله]
4.49/5 (10 صوت)

10-12-2013 06:49 PM
الحادب ده منتظر شنو ؟ يعنى فى وقت احسن من هذا ؟ يا ايها الحادب تحرك


ردود على عبد الله
[طوفان] 10-12-2013 10:25 PM
حلمك عليه شويه خليه يدبر امره ويكون في السليم بعد الكشف الكبير


#799267 [سيد احمد الشايقي]
5.00/5 (3 صوت)

10-12-2013 06:48 PM
وكنا ح نتوقع شنو من رئيس عصابه مجرم ومطالب دوليا ؟ يعني كان ح يعتذر ويتنازل طواعية عن السلطه ؟ هي الحمد لله وقفت علي هذا العدد من الشهداء


ردود على سيد احمد الشايقي
[اب عنقره] 10-12-2013 10:36 PM
يا under cover Pig منو القال ليك انو الثورة وقفت؟
كلنا فداء تحرير السودان من حكم تجار الدين.

كسره:
مافى داعى لاسلوب إيحاءات والأساليب الملتوية دى
لن ننام حتى نخلع هذه الشرزمه المتعفنة من
بلدن الغالى.
وتانى يا under cover Pig.....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة