الأخبار
أخبار إقليمية
السفاح : " أموت ركن "..!! شاهد الصورة
السفاح :


10-17-2013 02:35 AM
الصورة: الأمير سلمان بن عبد العزيز ولي العهد السعودي وعلى يمينه الرئيس التركي عبد الله غل،والأمير خالد الفيصل وعلى يساره الرئيس الباكستاني ممنون حسين،والأمير خالد بن فهد بن خالد،ثم عمر البشير.!!!

الصورة بمناسبة استقبال ولي العهد السعودي لقادة الدول ورؤساء الوفود والبعثات وكبار المسؤولين في عدد من الدول الإسلامية،الذين قدموا لأداء فريضة الحج.

أقرأ ايضاً :


الدرس الذي لم يستوعبه الغبي


image
أما في هذه الصورة فلا وجود للسفاح أصلاً ولا فصلاً - الشرق الاوسط


تعليقات 67 | إهداء 0 | زيارات 25802

صفحة 1 من 212>
التعليقات
#803715 [المهندس سلمان إسماعيل بخيت على]
0.00/5 (0 صوت)

10-19-2013 11:21 AM
يا جماعة ماتبقوا طماعين رئيسنا ماقصر إجتمع مع رئيس غينيا بيساو وموريتانيا وبكره حيجيه رئيس بوركينا فاسو وأفريقيا الوسطى وحينقاشوا التبادل التجارى بين دولهم
وكل عام ترزلون متى مابقى الإخوان فى الحكم


#803474 [د.بريمة]
5.00/5 (1 صوت)

10-19-2013 03:13 AM
هذه صحيفة الرياض ليوم الجمعة
http://www.alriyadh.com/
في صفحتها الاولي تورد:
الملك يبحث مع الرئيسين التركي والباكستاني تعزيز العلاقات والأوضاع الراهنة إقليمياً ودولياً
,لم تذكره حتي ولو عن طريق الصدفة,,هكذا اليوم تنسي يارئيس الغفلة
ولمن يقول ان الرئيس غير مسؤول عن ما آلت اليه الاوضاع,هل انتم تناغضون قول الرسول الكريم صلوات الله عليه واتم التسليم حين قال:( .......,الإمام راع ومسئول عن رعيته,.......)
كما قال صلى الله عليه وسلم: (إن من خيار أئمتكم الذين تحبونهم ويحبونكم، وإن من شرار أئمتكم الذين تبغضونهم ويبغضونكم، وتلعنونهم ويلعنونكم)، نعوذ بالله منهم
الواحد قرف من لاعقي بوت العسكر وتجار الدين,,,اللّهم اجرنا في مصيبتنا فانها لا تعجزك ياااااااااااارب


#803273 [abdallah]
0.00/5 (0 صوت)

10-18-2013 06:03 PM
يا الله يا الله ورب البيت اني حزنت ليك يا البشير- ياخي انت ماعندك شعور ولا دم ولا أي احساس ماحد طايقك ياخي اتخارج داهية تاخدك خلاص امشي حوش بانقا اتعبد عسى ربك يغفر ليك زنوبك الكتيرة دي امشي هناك اقعد وسط اهلك المقاطيع ديل - حسبنا الله ونعم الوكيل عليك ربنا ياخدك ويريحنا منك تعبتنا ودمرتنا وشردتنا وافقرتنا وطلعت ميتين اهلنا اخ اخ اخ اتفووووووووووووووووووووووووووووووووووووووووووووووووووووووو على وجهك البائس ده


#803262 [السروجى]
0.00/5 (0 صوت)

10-18-2013 05:38 PM
يجب عليه انه انتهى كرئيس وفقد الشرعيه داخليا وخارجيا.....


#803177 [المر]
0.00/5 (0 صوت)

10-18-2013 02:00 PM
مكروه من دول الخليج كلها لوقوفه مع شيعة ايران لعنهم الله - خايفين يجيبوا لينا زواج المتعة كمان -
ووقوفه هذا اضر السودان ضررا بليغا ، سياسة غباء .


#803077 [IIbrahim kaoussa]
5.00/5 (1 صوت)

10-18-2013 11:05 AM
انا كنت بعمل في المراسم في رئاسة الجمهورية واعرف جيدا موقع كبار الشخصيات والوفودالمرافيقة .
وانا استغرب كيف يسمح لهذا الرئيس السوداني بان يجلس بقرب امير بدلا من الجلوس بجوار الرئيس البئيس اكيستاني او التركي . اذا كان لديه ذرة وطنية بمقدوره ان يرفض هذا الاجتماع . هذا الرئيس لا يهمه سوي سلطتة في بلده ولا يعرف الدبلوماسية علي الاطلاق وشكرا .


#802951 [SESE]
5.00/5 (2 صوت)

10-18-2013 04:19 AM
بقدر المسافة في المجالس تكون المكانة في قلوب اصحاب المجالس وقد حان لهذا الاهبل ان يعرف اين موقعه بين رؤساء الدول اينما حل.......

كيف يحترم رئيس يقبل بتقسيم بلده على رأسه وهو جالس على كرسي الحكم لا بل طفق يقتل شعبه بالرصاص مثل الكلاب لمجرد انهم قالوا له ضرنا الجوع وذلك يكفي يا عمر.....!


#802947 [امل]
5.00/5 (1 صوت)

10-18-2013 03:33 AM
قد يكون هذا الشخص صاحب رؤية سابقة زمانها ومخه مليان فعلا وقد وقد لاكن الشاهد أن وجود ابناؤه في الحكومة ضيع القضية. آمل منه أن يسدر ابنتهل. الدكتورة مريم وينأى بنفسه عن الساحة وعن المعارضة ككل.


#802933 [امل]
5.00/5 (2 صوت)

10-18-2013 02:25 AM
ده شئ طبيعي ومتوقع لااه اى انسان عادى بيهزؤه بما فيهم احمد ادم الممثل المصرى السخيف وغيره كتير والسفير حقنا مبسوط منهم وما عمل قيمة لا لبلده ولا لشعبه ولا لرئيسه التعبان فما بالك بملك وامراء المملكة ايش جاب لجاب فرق شاسع. . .


#802931 [ام حقين]
5.00/5 (2 صوت)

10-18-2013 02:16 AM
عندما توفى الشيخ زايد الله يرحمه جاء البشير للعزاء فاستقبله فى المطار الشيخ سلطان القاسمى حاكم الشارقة والكل وقتها مشغول بالحدث الاعظم والموقف كان موقف حزن يعم كل دولة الامارات والدول العربية والاسلامية فى مثل هذا الظرف تمسك بحجة البروتكول فى الاستقبال وغضب ورفض الذهاب الى مكان العزاء الرسمى ورجع من مسجد الشيخ زايد الى الطائرة مباشرة ورفض ايضا حضور الافطار الرمضانى ..
فتم حذف صورته ايضا فى الصحافة الاماراتية التى ما توقعت ان يحدث ذلك من البشير وعوضا عن ذلك نشرت صور الصادق المهدى والسيد احمد الميرغنى اللذين شاركا فى العزاء
ولم تكن هذه هى المرة الاول فهو متعود على حذف الصورة .. للاسف يكون رئيس السودان بهذا المستوى والتعامل معه يكون بردود الافعال


#802884 [abou donia]
1.25/5 (5 صوت)

10-17-2013 11:02 PM
صراحةً مشاركات وتعليقات **** بتفاهة الثقافة التي سيطرت علي مثقفي هذا الزمان أنا لا أدري هل النيل من رئيس الدولة بعبارات الشتم والسباب واللعنات والسخرية هل يحلحل معضلات ومشاكل الدولة السودانية ؟ وهل بفهمكم وقناعاتكم الضحلة تعتبرون أن شخصية عمر البشير تقع عليه المسؤلية وباقي التكوين الحكومي غير معنين ؟ إنتبهو لغلكم وحقدكم تعمي أبصاركم وتفقدكم ثقة الناس فيكم .


ردود على abou donia
[الـســيــف الــبــتــار] 10-18-2013 10:51 AM
الله اعينك يا دنيا على ابوك المبرمج ومسيس و مسير ولا يتظر الا بعيون المفسدين و لا يتحدث الا بلسان ابو العفين و لا يكتب الا بمداد و رؤيا المتابلسين ؟
السودان كوطن و دولة عربيه افريقية ذات شأن فى المحيط الاقليمى و العربى و لنا مواقف و اسهامات فى الساحه السياسيه و الدبلوماسيه و يكفى أن تم اللقاء بين زعيمين عربيين فى الخرطوم فى وقت فيه كان العرب كافة فى حاجه الى التوحد و توحيد الوقف من أجل مواجهة العدو الاسرائيلى وأمريكا والغرب ؟
المحجوب عليه الرحمه رئاسة الوفد و غادر الى السعودية و التقى المرحوم الملك فيصل عليه الرحمه وكيف كان حرارة الاستقبال و كرم الوفادة ولم يرفض طلبهم و حضر الى الخرطوم و بحكمة قادتنا وما يكنه لهم العرب و الافارقليمىة من محبه و تقدير خرجت الجماهير لاستقبال ضيوف القمة بحرارة الهبت المشاعر و ماجت الطرق و الشوارع بالجموع الهادرة من المطار الى القصر وتحقق فى هذا اللقاء المصالحه بين السعوديه حكومة و شعبا و مصر حكومة و شعبا وهذا للتاريخ ومسجل بحروف من ذهب فى سجل الجامعه العربيه وللاجيال القادمة .
ماذا وجد هذا البعير الذى دمر الوطن و المواطن و خسرنا كل دول الجوار و المحيط الاقليمى و الدولى و اصبح السودان دولة معزولة كما هو معزول عنقائمة الشرف و رؤساء الدول الذين قدموا لاداء فريضة الحج لهذا العام ؟
هل لك اجابه ايها المنتفع من اخوان الشواطين و تنعم بما يغدقه عليك من مال الشعب لكى تقف مناكفا و مشاكسا و مخالفا و محاولا تضليل الاخرين و التشكيك فى وطنيتنا ؟
عليك بالاكثار من الشراء من سنلء مول عسى و لععل ان تجد لك ربع كيلو مخ جداد بلدى وارد مزارع البعير او اخوته لكى يصاب بالعمى الابدى و الصمم الذى لا علاج له لحين قطع لسانك .

United States [صالة المغادرة] 10-18-2013 10:22 AM
فى حاجة لازم تفهمها يا ابو دنيا الرقاص لايستحق ان يجد من السودانيين اى احترام او تقدير لانه اهان اهل السودان ومرغ انوفهم فى التراب بتصرفاته الرعناء واقواله البلهاء وافعاله الخرقاء وكل صباح جديد نسمع ونرى منه الغرائب والعجائب فقد اصبح هذا الدحش الاخدر كما يقول اهلنا فى الجزيرةسبة فى وجوهنا ووصمة عار فى جبيننا انظر الى هروبه من نيجيريا وزنقته فى رحلة العودة من الصين واخيرا طرده من الاجواء السعودية بعدان ضحك عليه محمد عطا ومسطول ديمة وقبل كل ذلك ماذا فعل لاهل السودان عندما خرجوا مستنكرين غلاء المعيشة والفقر والمسغبة الم تقتلهم عصابات الرقاص بكل وحشية ذهب الى الحج وترك امهات الشهداء يتذوقن العيد بطعم الحنظل وهن يذرفن الدموع والدماء حزنا ولوعة على فقد فلذات اكبادهن ونسال الله ان لايتم تسليمه الى لاهاى لاننا نريد ان يقتص منه الشعب السودانى ليكون عظة لغيره من المغامرين.

[SESE] 10-18-2013 03:41 AM
نعم البشير وحده يتحمل كل المسئولية بصفته الرئيس صاحب الكلمة الاخيرة في اي موضوع يخص وحدة وامن البلد وكل الذين من حوله يعتبرون تحت امرته وليس لديهم كلمة تمشي عليه لذلك هو وحده يتحمل ما جرى للسودان وهو يتحمل المسئولية التاريخية لما يجري لباقي السودان لأنه هو الذي استن مسألة تسليم المفتاح لكل من اراد تكوين دويلة على حساب السودان والمصيبة ان كان ذلك بمحض ارادته وان لم يكن بمحض ارادته فتلك مصيبتين.....

لو كان البشير يوم احس بالمؤامرة على السودان رجع الينا كشعب امده ب 3 مليون من ابنائه لكنا افتيناه في الامر ولكنا وقفنا معه وممدناه بعشرة مليون آخرين مهرا لوحدة السودان...لو كان البشير يوم احس بالمؤامرة على وحدة السودان لبس الكاكي ودخل القيادة العامة واختار 15 من الضباط الصغار لتسيير الامور وارسل كل المدنيين الذين من حوله الى حبال المشنقة لكنا صفقنا له ووقفنا معه لآخر رمق في حياتنا حتى نفدي السودان من التقسيم ولكنه اختار الوقوف الى صفوف الخونة والمرتزقة والعملاء امثال خاله الطيب مصطفى وابن عمته كمال عبيد والقزر الكبير على عثمان والمعفن نافع وآخرين يعلمهم هو كما نعلمهم نحن ايضا فقدموا وحدة السودان في طبق من ذهب للطامعين المتربصين بوحدة السودان منذ زمن بعيد ولم ينالوا مرادهم في كل العهود السابقة إلا في عهد الخائبين الذين تولوا امر الوطن في الزمن الردئ......

نعم البشير وحده يتحمل المسئولية كاملة ومصيره يسأل عنها حيا او ميتا لو دافعت عنه انت أو دافع عنه كل المغفلين الذين لا يعرفون معنى وحدة وامن الوطن وساعة السؤال لا محالة آتية ولو طال الزمن وما بقي رحم حواء السودان ينجب الاولاد فلا بد يأتي ولد يسأل البشير وكل الذين من حول البشير عن ما فعلوا بالسودان والايام قادمة والحبل على الجرار......

United States [ابن السودان] 10-18-2013 12:47 AM
Abou Donia
نعم عمر البشير تقع عليه المسؤولية بالدرجة الأولى.. والذي يهمنا هو عمر البشير لأنه الرأس المسؤول عن كل الجرائم التي حدثت في بلادنا ولا زالت تحدث.
وقناعاتنا ليس ضحلة بل انت الضحل وكلامك ضحك لأنك تدافع عن قاتل يا مجرم وانت مثله تماما لذلك غاظك عملنا الذي نقوم به وهو رصدنا لأمثالك وانت تعيشفي الولايات المتحدة الامريكية والله لو رحلت الواق الواق ما حا نخليكم لان دماء شهداءنا لن تذهب هدرا.

United States [بشة عاق والدينه] 10-17-2013 11:33 PM
يا ابو دنيا ... بشبوشة عاق والدينه الدق امه خسارة يكون رئيس السودان ولو بالانقلاب .. دا مجرد زول حرامي **** عوير وهطلة .. وليه يوم وحايتذل ويتهان .. قتل الناس وعذبهم وانفصل دنوب السودان واقتصاد السودان انهار .. لازم يلقى عقابه ولو هو محظوظ يمشي لاهاي يتحاكم مؤبد في السجون الباردة ..


#802851 [ابو الطيب]
5.00/5 (1 صوت)

10-17-2013 09:54 PM
ياخ الذليل ده اهانا اهانه والله العظيم حرام يكون الشخص ده رئيس الشعب السوداني العظيم الأبي يمثله واحد ما عندو كرامه يطردوه من نص الطريق ويمنعوه يعبر بلدهم يقوم يجي ويزورهم تاني في بيوتهم عديم الإحساس يا .. والله العظيم لو ما الراكوبه دي متنفس لكل الشعب السوداني وبكل مستوياته العمرية والله كان تستاهل يا .. ألفاظ من العيار التقيل. بربك روح وريحنا منك ولأنك أصلك حتغور حتغور بالله وفر لينا باقي الدماء الفضلت دي يا سفاح وإلا سيهون كل غالي ونفيس في سبيل هذا البلد وهذا الشعب الكريم الطيب العزيز القوي


#802832 [عصمتووف]
3.00/5 (2 صوت)

10-17-2013 09:05 PM
المصدر صحيفة سودان تربيون
حاتمنا البشير بدلا ان يبحث مصالح شعبة مع الاعلي شأنا ورفعة ويجالس العظماء الذين تركوا بصماتهم في شعوبهم وغيروا مجري تاريخ اوطانهم ولديهم تاثير دولي ومحلي ويتعلم منهم نراه يجالس قليلي الحيلة والعطاء الاقل شانا وسمعة ياخذون ولا يعطون شروي نقير اااااااااه من غلبي

******************************************

الخرطوم 17 أكتوبر 2013 ـ وعد الرئيس عمر البشير بدعم الانتخابات المقبلة في غنيا بيساو ، في وقت اطلع على الخطة التشغيلية لحج 1434هـ، في المجالات كافة، ووجه بعثة الحج السودانية ببذل الجهود لتوفير أفضل الخدمات للحجيج ليتفرغوا للعبادة وأداء مناسكهم بيسر وسهولة.


الرئيس السوداني عمر البشير
واستمع البشير إلى شرح قدمه الأستاذ الفاتح تاج السر وزير الإرشاد والأوقاف، خلال لقائه بقصر الضيافة بمكة ، حول تفاصيل الخطة التشغيلية لموسم حج هذا العام في مجالات السكن والإطعام والمشاعر المقدسة في كلا من منى وعرفة، والخدمات التي تم تقديمها للحجاج في المدينة المنورة ومكة المكرمة، والتفويج بين المشاعر المقدسة وتفويج العودة، والجهود المبذولة لتطوير الخدمات المقدمة للحجاج هذا العام.

وقال الشيخ المطيع محمد أحمد السيد المدير العام للإدارة العامة للحج والعمرة رئيس مكتب بعثة الحج السودانية في تصريح لـ(سونا) عقب اللقاء، أن رئيس الجمهورية وجه بعثة الحج ببذل أقصى الجهود لتوفير خدمات مميزة للحجاج السودانيين في كل المناحي حتى يتفرغوا لإتمام مناسكهم، مشددا على ضرورة تأمين تفويج العودة بدقة، مضيفا أن الحج يسير حتى الآن وفق الخطة الموضوعة، وكل الحجاج يتمتعون بصحة جيدة ويأدون مناسكهم بيسر.

والتقى البشير الاربعاء ، الرئيس المورتاني محمد ولد عبد العزيز ، ورئيس جمهورية غينيا بيساو بمانويل ناماجو كل على حدا في قصر الضيافة بمكة في إطار لقاءت رئيس الجمهورية برؤساء الدول الإسلامية في الحج هذا العام.

وبحث البشير مع الرئيسين العلاقات الثنائية وسبل تعزيزها في اطار الاتحاد الإفريقي ودعم خططه وأهدافه لجهة تطوير الدول الإفريقية.

وتناول لقاء البشير بولد عبد العزيز علاقات البلدين في المجالات كافة خاصة الاقتصادية والتي تضم المجالات الزراعية والتصنيع الزراعي، وصناعة السكر. وحضر اللقاء الوزراء وكبار المسئولين المرافقين للرئيسين

واستمع رئيس الجمهورية إلى شرح من الرئيس الغيني حول العملية الانتخابية المزمع إقامتها في بلاده العام المقبل، طالبا الدعم من السودان لقيام الانتخابات ونجاحها.

من جانبه أكد المشير البشير موافقة السودان لدعم انتخابات غينيا بيساو ووعد بتقديم كل ما يعين على نجاح هذه الانتخابات لاجل تقدم غينيا وتعزيزا للعلاقات بين الدولتين، وتم الاتفاق على التنسيق بهذا الشأن بين الأجهزة المعنية في السودان وغينيا بيساو.


#802824 [ساب البلد]
0.00/5 (0 صوت)

10-17-2013 08:39 PM
يا جماعة انتو فهمتوا غلط البشير ما ظهر في الصورة التانية عشان مشي يلفض ( يتف ) السفة


#802821 [Al-Shaygi]
5.00/5 (1 صوت)

10-17-2013 08:27 PM
غايتو لو كان عنده كرامة كان يحرد الحج ويرجع...


#802816 [ساب البلد]
4.00/5 (2 صوت)

10-17-2013 08:22 PM
لست رئيسي you are not my president


#802804 [kola]
5.00/5 (1 صوت)

10-17-2013 07:48 PM
والله الزول دا دني دناوة!!!!


#802784 [abir tariq]
3.00/5 (2 صوت)

10-17-2013 07:03 PM
يا جماعة الصورة براها معبرة عن الحاصل شنو وما دايرة خرمجتكم الكتيرة ده السعوديين بالمناسبة بقصدوا اى حاجة بعملوها وما زى ما نحن مفكريين انها جات عفوا لانو فى حاجة اسمها المراسم وده رسالةواضحة شديد يا عمو عمر تجاهك والناس ديل ادوك قدر قيمتك وقاصدينها وانا متابع لانك انت يا عوير قاعد تستقبل امير من الدرجةالثالثة جمب باب القصر وانا شوفتها كم مرة فى التلفزيون وكمان مبتسم الحمد لله الضوقوك درس فى المزلة..اه لوتشوفهم استقبلو ريس مصر الموقت قبل العيد كيف وحا تعرف الفرق شنو وقدر شنو...وسير سير يا بشير فى طريق المزلة


#802776 [AburishA]
4.50/5 (5 صوت)

10-17-2013 06:46 PM
هو الحمد لله ما ختوه في الصف التاني وراهم !!!
انا متخيل الرئيس بقول في نفسو: رئيس تركيا ورئيس باكستان ديل أجانب وأنا وولي العهد
الحالة(ون)!!!! قال ود العباس قال !!!!


ردود على AburishA
United States [قرف يقرفك] 10-17-2013 09:46 PM
الله انت ما جزمة ومعفنة عباس يخكم انت والبشير


#802766 [باقر الحمدابي]
3.50/5 (3 صوت)

10-17-2013 06:06 PM
الله يخرب بيتك يا لص , انا مشرد بسببك


#802748 [ود كترينا]
3.00/5 (2 صوت)

10-17-2013 04:47 PM
***ياجماعة ماتفهمو غلط!!! الراجل ده كلما السعوديين يقبضو فى الكشة ويودو الترحيل ويرجعو السودان...تاااانى يلف ويجيهم راجع...رجعو طيارتو ...تانى رجع ليهم!!!هسع يومتها بعد ما خلاااااص باعبود وصلت جدة ووقفت...السعوديين لقو مندسى بين خرفان الصادر!!!...رجعوهو ورجعو الخرفان كووووولها!!!
*** الجماعة السعوديين لما تعبو منو ...اعتبروهو من (آل البيت)!!!...مش كده وبس بل من العائلة المالكة ذااااتها...أبو الزفت!!!...فترتيبو فى تولى العرش السعودى ح يجى حسب القعده...أفهموها!!!!!


#802741 [ود كترينا]
3.79/5 (6 صوت)

10-17-2013 04:32 PM
*** استغفر الله العظيم...من كل ذنب عظيم!!
*** فى الصورة...الرؤساء الضيوف عبدالله غول التركى وميمون حسين الباكستانى... كل واحد خاتين جنبو تربيزة وفها موية بيضااااااء وبااااااردة !!!
***زولنا ده...ياكافى البلا...لاتربيزة بيمينو ولا شمالو ...ولا حتى كباية موية...والله حقارة...لكنو بعد ده كلو أريتو يفهم الدلوكة ده!!!...هسى لما بكلموهو ح يقول ...ما الجماعة السعوديين معتبرين الخالة واحدة وأنا ماضيف عندهم!!!طبعا ده بعد ما يحفظها ليهو أمين الفكر والثقافة بالمؤتمر الوطنى أمين حسن عمر صاحب مدارس كامبريدج العالمية والتى يديرها خاله صلاح عبد العزيز!!


ردود على ود كترينا
[المهندس سلمان إسماعيل بخيت على] 10-17-2013 07:47 PM
زولنا صايم والصورة دى فى يوم عرفه ماتحرجونا - لكن احرامو وينو - لا دى بس فاتت على


#802718 [ايو يزن]
0.00/5 (0 صوت)

10-17-2013 03:38 PM
قالو زمان في دكتور قانون سوداني ما بحب الكلام الكتير والكلام غير المفيد اطلاقا وللدكتور اصحاب فاهمين وضعه تماما وبيجو يجلسوا زي ساعة كده معاهو في الكراسي بره لزوم التحية وانه راجل كبير لازم يزوروه وما بيتكلموا معاهو كتير ابدا -يوم جاهم ضيف جلس معاهم شوية لقي الجماعة ساكتين عاوز يحرك الموضوع قام قال (( يا جماعة الدنيا حر, موش ؟ )) ما حد رد , بعد شوية كبوله شاي قال :(( أأأأأه ,, رائع ))ما حد عشموا , افتكر انه غير مرؤغوب فيهو , نفص صلبه وقام شتت ,,,,,,,,, الجماعة لمن عاوزين يمشو الدكتور قالهم (( بلاهي الزول الثرثار دا تاني مايجي )) افتكر دي بيتبقي علي البشير


#802714 [Morgan]
2.00/5 (3 صوت)

10-17-2013 03:32 PM
شكله عندوا اسهال


#802691 [كسار الثلج]
2.88/5 (6 صوت)

10-17-2013 02:51 PM
دا راجل عديم كرامة. صدقني ما فارقة معاهو طالما أنه هو رئيس وينهب في الفلوس.


ردود على كسار الثلج
[سوداني] 10-17-2013 04:16 PM
ياجماعة الراجل عندو مشكلة انجليزي والروساء ديل كلهم انجليزي وعشان مايحرج الشعب السوداني قعد ليكم بالجنبة


#802683 [mohd]
3.97/5 (9 صوت)

10-17-2013 02:39 PM
اصابك دعاء المظلومين يا سفاح القرن

كرهك من بالداخل ومن بالخارج

فتش نفسك كان باقي لك شوية دم تتخارج به

لعنك الله

في ذل اكثر من كدا حتى من الصورة يشيلوك برة وفي الاجتماع خاتنك طرف وخاتين العجم ومهتمين بيهم يا ذليل يا حقير يا لص يا واطي يا سفاح
لعنة الله عليك


#802665 [أبو أحمد]
3.00/5 (3 صوت)

10-17-2013 02:09 PM
ترتيب هؤلاء الرجال من ناحية بروتوكولية- حسب الصورة - كالآتي :
1- ولي العهد السعودي
2- الرئيس التركي
3- الرئيس الباكستاني
4- الامير خالد الفيص - أمير منطقة مكة المكرمة
5- الامير خالد بن فهد بن خالد . ليس لديه منصب واضح ولكنه مرافق شخصي لولي العهد السعودي
6- الشخص الجالس على يمين الامير خالد الفيصل ولم تظهره لنا الصورة
7- عممر البشير !!!!!!!!!
والموضوع لا يحتاج الى تعليق ...................................


ردود على أبو أحمد
United States [الشغلة مقصودة] 10-17-2013 09:49 PM
بعد عمر البشير في الرئيس المرويتاني على ما اعتقد.. ولم تأخذ صورته في الأصل لانك المقصود من المعمعمة دا كلها عمر البشير


#802655 [AbuIslam]
2.50/5 (4 صوت)

10-17-2013 01:47 PM
عمر الفانوس
تعرفوا الفانوس؟
من هو الفانوس ؟
عمر البشير قاعد قعدت الفانوس


#802648 [AbuIslam]
2.69/5 (5 صوت)

10-17-2013 01:41 PM
مش الحمد لله ما جاه مركوب من السودانيين العاملين بالقصر كما حصل لمساعدة الا ان المكان له احترامة والامير ولي العهد لو احترمه وتقدير وباحترامة نقبض الجمر ونحترم ضيفة حتى ولو كان عمر البشير


#802644 [متحيرة]
2.75/5 (7 صوت)

10-17-2013 01:36 PM
البشير من يومو رخم واصلو ما بتراد زول لا عندو حضور ولا عندو نخوة ده شنو ده !!! لاطعم لا لون لا رائحة وسط الرجال عواليق كمان فاتح نفسو للرئاسة!! غايتو بالغ الترابي في اختيارو .. ده ونسة خمس دقايق الزول ما بستحملا معاه لمن 25 سنة تملل الما بيمل ... بالغ الشعب السوداني في الصبر زي ما بالغن زوجاتو الاتنين ديل


#802633 [Abu Somaiah]
0.00/5 (0 صوت)

10-17-2013 01:19 PM
الشرق الاوسط لها نسختين في الانترنت واحدة قديمة والثانية جديدة يا ابو سمية

www.aawsat.com


#802616 [عماد الغبشاوي]
3.88/5 (6 صوت)

10-17-2013 12:37 PM
سيادة الرئيس مش لوحجيت لو رحلت معك الكعبة الي الحرطوم سوف تطاردك دعوات الشعب السوداني وامهات الشهداء


ردود على عماد الغبشاوي
[الـســيــف الــبــتــار] 10-17-2013 09:25 PM
الحج ولا كان اكل المصحف ورقه ورقه و جالس بين الركن اليمانى و الحجر الاسود قاتل الروح الا القصاص فى الدنيا و الاخرة حساب عسير .


#802611 [Osama]
3.00/5 (4 صوت)

10-17-2013 12:32 PM
سبحان الله يمهل ولا يهمل ربنا يريد يشوفنا فيه سلسلة من الزل والاهانة له واخرتها لاهاي اخر. والحلقة رقم ٣ بدت. نرجي ونشاهد.


#802607 [المهندس سلمان إسماعيل بخيت على]
4.44/5 (16 صوت)

10-17-2013 12:22 PM
نحن لمان كان عندنا كلمة أسمها ( نحن ) جبنا فيصل آل سعود وجمال عبد الناصر للخرطوم وصالحناهم وخرج العرب من الخرطوم باللآت الثلاثة ومن الخرطوم خرطوم الأزهرى والمحجوب بدأ الترتيب لحرب أكتوبر
إكتوبر مش إنجاز مصرى خالص
إكتوبر روحها سودانية
وتمويلها ودعمها اللوجستى سعودى
وخطط لها ونفذها بإمتياز المصريون
لو لم تجمع الخرطوم بين فيصل آل سعود وعبد الناصر لما وجدت مصر عمقها الإستراتيجيى فى المنطقة العربية
وأى شخص ينكر حق السودان والسعودية فى حرب إكتوبر يكون مكابر وناكر


ردود على المهندس سلمان إسماعيل بخيت على
European Union [الفقير] 10-18-2013 01:12 PM
الأخوان خالد و الباشمهندس

في البدء كان قصدنا إبراز مآثر شعبنا ، و أشرت للحشود السودانية التي خرجت (طوعاً) مؤيدة و مساندة لناصر بعد النكسة ، و مؤيدة ايضاً لمصالحة فيصل و ناصر و توحد العرب . مما يعني أن الشعب السوداني في ذلك الوقت (عهد ديمقراطي) كان ملماً بالأحداث السياسية التي تدور ، و كان سباقاً . و لأن الغرب كان يكره عبد الناصر و يعاديه ، و لأن تحرك الشعب السوداني كان نابعاً من إرادة شعبية خالصة (أول بادرة من نوعها)، إمتصت توابع و سلبيات النكسة ، و حولتها إلى روح مقاومة أدت إلى بث الروح في الزعيم الراحل عبد الناصر و ما تبعه من ترابط الصف العربي ، و نصر أكتوبر .

و المغذى كان ، إثبات أن الأخوة السعوديين (أكثر الشعوب التي لا تنسى أفضال السودان) ، يعلمون أن تعاملهم مع سئ الذكر (وتوابعه) ، إنما يفرزون بين ذلك و الشعب السوداني ، و يعلمون أن هذا التعامل لا يسئ للشعب السوداني ، بل يصب في إتجاه تقدير إرادتنا الشعبية الرافضة لهذالنظام (الغريب عن مثلنا و تقاليدنا) .
أما ما أشرتما إليه :
لا خلاف أن المحاربين السودانيين كانوا من اشجع و أكفأ المقاتلين (بشهادة الجميع ، و بشهادة المراسل الحربي الملازم وقتها تشرشل) ، و كان رأي الأمير عثمان دقنة ، أن جيش الإنجليز أعداده كبيرة و مسلح بأسلحة و عتاد حديث ، و أن المواجهة معه نتائجها ليست في صالحهم (ميزان القوى) ، و إقترح على الخليفة تقسيم الجيش إلى محموعات قتالية صغيرة و شن غارات على الجيش الإنجليزي/المصري ، و بهذا يقلل خسائر قواته (أو تكاد لا تكون هناك خسائر) ، و في نفس الوقت يكبد الجيش الغازي خسائر كبيرة ، لأنه بهذا الأسلوب من الحرب (إغارات و حرب عصابات) ، سيكون الجيش الغازي هدف سهل (لكبر حجمه و إنعدام قدرته على المناورة أو الإختباء) ، و القوات الغازية لا تقاتل في أراضيها على عكس قواتنا (الروح المعنوية) ، كما أن الغارات الفجائية المتواصلة ، ستخفض الروح المعنوية للقوات الغازية ، و كذلك سهولة قطع خطوط إمدادهم ، مما يعني إضعافهم و حصارهم -
الخليفة و بعض بطانته لم يستحسنوا راي الأمير دقنة ، و قرر أن يقاوم بأسلوب المواجهة الشاملة ، معتمداً على قوة بأس المقاتلين السودانيين و تفانيهم و إخلاصهم - و بالطبع لم تكن هذه الخصال لتجدي نفعاً مع قوة النيران الحديثة (أستخدم رشاش المكسيم لأول مرة) .

و أنوه بأن أتيام الرشاش المكسيم ، كان معظم أفرادها لجنود من أصول سودانية !!!

United States [خالد] 10-18-2013 04:36 AM
المقصود هو الامير عثمان دقنة الذي كر محور من الجيش الانجليزي المصري واقع بهم الكثير من القتلي بأسلوب اثار إعجاب الموءرخين الإنجليز فهرب بعض الجيش الراجل قبل ان تدكه مدفعية الإنجليز وهذا الموقف مسجل بالوثائق البريطانية بل ان الملكة في رحلة لها الي السودان أرادت ان تزور الامير دقنة لتحييه علي شجاعته بل ان القائد الانجليزي الذي قبض عليه قام بتأدية التحية العسكرية لاميرنا راجع الوثائق البريطانية يا باشمهندس ان تتهكم علي تاريخنا وغناء و أناشيد وردي وتحياتي

[المهندس سلمان إسماعيل بخيت على] 10-17-2013 08:11 PM
الأخ الفقير التاريخ لايقرأه من عاشوه
يعنى تاريخ المهدية لم يكتب إلا بعد زوال المهدية بسنين ومازال يكتب وينقح للوصول للحقيقة
تاريخ الجماعة ديل حيكتب بصورة أدق واشمل من الطريقة التى كتب بها تاريخ السودان القديم وتاريخ المهدية والسبب واضح
أن كل أحداث مآسى الأنقاذ مدونه ومحفوظة فى حواسيب ذات ذاكرة دقيقة وبنسخ عديدة منتشرة فى جميع أرجاء المعمورة
عندك تاريخ المهدية تضمن أكاذيب دونت على شكل أغانى
كرري تحدث عن رجال كالأسود الضارية
خاضوا اللهيب وشتتوا كتل الغزاة الباغية
ما لان فرسان لنا بل فر جمع الطاعبة

ودا كلام خطأ وخطأ كبير وتزوير للتاريخ
هم فعلا خاضوا لهيب لا أحد ينكر ذلك ولكن لم يشتتوا كل الغزاة وإنما إحترقوا كلهم بنيران الغزاة
ومافيش طاغية فرً نحن نعرف التاريخ جيدا من فرً هو قائد جيوش المهدية الخليفة عبد الله التعايشى هرب ولحقوه فى أم دبيكرات نزل من حصانه وجلس يصلى لحد ما حصلوه وقتلوه

أغانى وردى كلها كذب وتزوير للتاريخ - أولادنا الصغار بيفتكروا نحن هزمنا الإنجليز وشتتنا جيوشهم وأن كتشنر باشا هرب

أخى فقير
ستأتى أجيال سودانية صادقة أمينة غير متأثرة بما تأثر به السابقون وستعيد كتابة التاريخ السودانى من جديد وما سيكتب عن عهد عمر البشير سيخضع للمقارنة لسوء حظه مع عهد عمر بن الخطاب وعهد عمر بن عبد العزيز
البعض يلقب أمير المؤمنين عمر بن عبد العزيز بالخليفة الخامس
وكما إختار التاريخ لعمر بن عبد العزيز لقب الخليفة الخامس
سيجد عمر حسن أحمد البشير لقباً يتناسب وعطائه
وما رضيناها ليك جلستك فى الطرف كده وأهل السودان كانوا دائما فى المقدمة
لكن البستوى كريت تلقاه فى جلده
فقير قال التوضيح مهم
يافقير لو أنت كتبت اى كلام توضيحى ينبرىء لكن ألف منافق وأرزقجى ومنتفع من النظام يقدد وينقد كلامك
لكن بعد زوال النظام تختفى الأرزقية ومنافقى النظام لأن علاقتهم بالنظام علاقة مادة متى ما إنقطع المدد لازوا بالصمت
عشان كده أتركوهم فالتاريخ كفيل بهم

European Union [الفقير] 10-17-2013 04:40 PM
يا باشمهندس ، كل عام و أنتم بخير

قصدكم إبراز أن السعودية تحترم شعبنا و تقدر عظمته ، و أيام عزته و كرامته ، و إنها ترد لشعبنا مكانته .

و تؤكد أن هذه العصابة لا تمثلنا بشئ .


الإعلام الخارجي ، و الأجيال الجديدة ، قد لا تتذكر أن الجماهير السودانية الحاشدة في اغسطس 1967 قد غيرت أحداث التاريخ في العالم .

و يا لها من ايام .

التوضيح مهم يا باشمهندس .


#802606 [بت حبوبتها]
2.75/5 (5 صوت)

10-17-2013 12:18 PM
البشير يطنطن براهو "أنا جيت هنا عشان اتبهدل ؟ الله لا كسبك يا بكري, أستاهل انا السمعت شورتك المهببة دي, قال أجي وألقي كلمة ..أنا جيت وألقوني بعيييد !"


#802604 [راشد]
3.00/5 (3 صوت)

10-17-2013 12:16 PM
مسكين عمر البشير فسيظل في هذا الزضع مهمش!! وسيظل يركض خلف هذا الموقع المهمش فلا بديل له


#802593 [ابواحمد]
4.50/5 (10 صوت)

10-17-2013 11:55 AM
اللهم اجعله مذموما مذلولا ذليلا في الدنيا والاخرة


ردود على ابواحمد
[حنين] 10-18-2013 10:07 AM
اللهم امييين ببركة هذه الايام المباركات ان تستجيب يارب العالمين دعاءنا


#802583 [قاسم]
4.44/5 (6 صوت)

10-17-2013 11:38 AM
رئيسنا دا عبيط واهبل وما بيحس ، مش لو قعدوه بعيد لو قعدوه في الارض ما فارقه معاه بلاء ياخدك انت وحوش بانقا يا عوير


ردود على قاسم
European Union [الفقير] 10-17-2013 04:44 PM
رئيس الجبهجية فقط ، لو سمحت

هو نفسه يعلم تماما إنه لا يمثل الشعب السوداني


#802579 [السودان أولاً]
4.00/5 (4 صوت)

10-17-2013 11:30 AM
هههههههه في زول بقعد واتونس مع زول مطلوب دولياً وهارب من العدالة الدولية ... وزول متطفل وبفصيلة دم بقرية ولا يعرف الاسلوب المناسب للحديث والتخاطب كرئيس دولة مع الغير .. وهذا واضح جلياً من خلال خطابات هذا الرجل في المنصات السودانية


#802576 [عصمتووف]
1.00/5 (2 صوت)

10-17-2013 11:24 AM
راجع ايميلك يا عصمتوف


#802573 [القعقاع الفي القاع]
3.38/5 (4 صوت)

10-17-2013 11:21 AM
التحية لجريدة الشرق الأوسط على الصورة الحقيقية


#802544 [مراقب]
3.00/5 (5 صوت)

10-17-2013 10:21 AM
ما اوجع الشعب السوداني الذي دائما ما يضع البشير نفسه وامور بلدهم موضع الهمبول في سوق تمبول يمكن ان يُباع ويُشترى بابخس الاثمان


#802530 [ابوزر]
4.00/5 (8 صوت)

10-17-2013 09:48 AM
ههههههههههههههههههه ابحث عن فضولي


ردود على ابوزر
European Union [ود بادي] 10-17-2013 10:36 AM
ان شاء الله يكون عرف قدر نفسه ومستواه , اسد علي وفي الحروب نعامة,,, حتى النعامة ذاتا تخجل منو , خليك من السعودية الرقاص حتى في بلاد الرقيص ما مرغوب فيهو


#802526 [عوض ياسين]
3.63/5 (8 صوت)

10-17-2013 09:45 AM
الزول ده بقى عولاق ورمة عديل وما بيخجل وما عندو دم ولا كرامة. زول غريب فعلا والله إبتلانا بيهو . الواحد ما كان قايلوا بقري للدرجة دي


#802524 [ali alfred]
4.00/5 (6 صوت)

10-17-2013 09:35 AM
محزن و مخزي ما نحن فيه الآن!! السفاح محل سخرية وكراهية وأزدراء من كل البشر


#802515 [كرار]
4.00/5 (8 صوت)

10-17-2013 09:13 AM
المصيبه مش مقارنته برئيس تركيا وباكستان!!!!! المشكله وضع بعد الأمير خالد بن فهد بن خالد،، وهذا بروتكوليا لا يصح.
يا ناس كفايه مذلة ومهانه.... والله اى رئيس في العالم ما كان قبل بهذا

ارحمنا يا أبو قلبا ميت
والله هذا الرجل فير نظرة العالم للشعب السودان

روح بلا يخمك



ردود على كرار
[الجوكر] 10-17-2013 01:58 PM
يا كرار السعوديين قصدوا يفهموه وضعه الحقيقى فى الهامش لكن الرجل التيلة لا يفهم،،

ودى المناظر بس وياما حاتشوفو فضايح جاية زى كل صباح جديد،،


#802513 [maha bit samira]
4.00/5 (6 صوت)

10-17-2013 09:10 AM
ان يجلس السفاح ركن شئ والشئ الاخر لاحظ للغة جسم الامير مقرن بن عبدالعزيز والذى جعله حظه العاثر يجاور السفاح فى المجلس...زاحى منو عديل والصورة لاتوضح انه كان مندمجافى حديث جانبى مع الباكستانى, يعنى الحركة مقصوووووودة...


ردود على maha bit samira
United States [ابوالتيمان] 10-17-2013 02:14 PM
والله يامها اختى العزيزة سبقتينى فى الحتة دى تسبقى للخير دائماً يارب الراجل فعلا ماشى منو كانو جربان


#802510 [ابوعديلة]
4.50/5 (8 صوت)

10-17-2013 09:00 AM
من يهُنْ يسهل الهوان عليه ما لجرح بمَيْتٍ إيلامُ.


#802506 [انين الصمت]
3.00/5 (2 صوت)

10-17-2013 08:51 AM
قاعد منطط عيونو ذي المزرور ... لانو مكروة ومنبوذ .. انشاء الله دايما كورنه وورا الناس يا حقير.. لانك مرمطه شعبك ووعدتو بالقتل ونفذته وقلته لعساكرك اي طلقة ما تطلع فشنك بس في المليان قتلته زهرة شبابنا في الطرقات وفي وضح النهار والله احسن منك التتار..ربي ينتم منك في الدنيا قبل الاخرة


#802500 [Hashim]
4.38/5 (6 صوت)

10-17-2013 08:41 AM
زول ماعندو احساس
اعوذ باالله
انشاء الله اخر حج ليك يا مجرم


ردود على Hashim
European Union [قرفة] 10-17-2013 12:39 PM
ههههههههههه مشير جوة البلد وملازم (ركن ) خارجه من أين أتى هذا التمبريلي الاهبل ؟


#802498 [wad aljazira]
5.00/5 (2 صوت)

10-17-2013 08:31 AM
هو طبعا بكون فرض نفسو دا المكان المناسب ليهو على هامش الجلسة التسوى كريت فى القرض تلقى فى جلدها


#802497 [أبو عبدالله]
5.00/5 (7 صوت)

10-17-2013 08:31 AM
إلى خادم الحرمين الشريفين ...
الملك عبدالله بن عبدالعزيز آل سعود ، ملك المملكة العربية السعودية ...
حفظه الله و رعاه ..
إلى حامي حمى مقدسات المسلمين و أمينها ..
إلى راعي المسلمين جميعا في مشارق الأرض و مغاربها ...
أنتم لكم القول الفصل في تحديد مواعيد حجنا و صيامنا ..
أنتم لكم القول الفصل في استقبال ضيوف الرحمن و الذين يأتون من كل فج عميق ليشهدوا منافع لهم تلبية لدعوة ربانية لكل من استطاع إليه سبيلا ..
تنظمونهم و ترعونهم و تطعمونهم و تسقونهم ماء زمزم بأيديكم الكريمة و أيدي شعبكم ، و ليس بيد غيركم ..
و تشرحون لهم و تدلونهم إلى اتباع المناسك الحقة و الصادقة لله وليس غيركم .. و هذا تفويض إلهي لكم و لشعبكم الكريم ...
و أنتم تحملون أمانة كبيرة و عظيمة و يثق فيكم الجميع في كل كلمة تقولونها و لم يكن تحرك والدكم عليه رحمة الله إلا أمر رباني أراد الله أن يعز به المسلمين جميعا و ليس بلادكم وحدها .. و قد حصل هذا في تعمير بلادكم و تقدم شعبكم ليعيش حياة كريمة و امتدت أياديكم لتشمل رعاية كافة المسلمين في كل بقاع الأرض ..و قد هيأتم و عمرتم بيت الله الحرام بهذا المشهد العظيم الآن ... وعظمتم قبر رسول الله ( صلى الله عليه و سلم) و عمرتم مسجده و مدينته الشريفة حتى صارت منارة تشع نورا .... تهفو إليها النفوس و تمتد إليها الأعين بفضل رعايتكم و جهدكم الذي لا ينكره إلا أعمى بصيرة .. وهذه أمانة و عبء ثقيل سهرتم عليه أنتم و شعبكم الكريم ...
فيا خادم الحرمين الشريفين و راعي المسلمين جميعا ... نحن شعب السودان المجاور لبلادكم .. كما تعلمون ذلك ... و تعرفوننا منذ قديم الزمان و تعرفون أخلاقنا و مدى تمسكنا بديننا و عقيدتنا الاسلامية ...
فقد ابتلانا الله بجماعة ضالة و مضلة و منافقة جعلت من الاسلام مطية و لباس كذب يتدثرون به ليجلسوا على رقابنا طوال 24 عاما عجافا .. من قتل و بطش و تعذيب حتى حلت الكارثة بنا الآن و يريدون تحميل شعبنا كل أخطائهم طوال 24 عاما ... وحتى اليوم فإنهم يقتلون أطفالنا و نسائنا و رجالنا و يعتقلون دون فرز أفراد شعبنا في هذه الأيام الحرم ...التي حرم الله فيها قتل الأنفس ... لا يهمهم كم قتلوا قبلا في شرقنا و غربنا في شمالنا و جنوبنا .... باسم الدين و الدين منهم بريء .. . نحن نستحي أن نقول لكم كل شيء ... فأنتم تعرفون ذلك و أكثر ...
ونحن لا نطالبكم أن تقتصوا لنا منهم ... فشعبنا قادر أن يقيم عليهم الحد و حكم الله في السودان في الأيام القادمة .. ولكننا نريدكم أن تنصحوه و تهدوه إلى الطريق القويم .. فقد بح صوتنا من ذلك ...
فقد كره كل الشعب هذا البشير و عصابته و من لف حوله و شعبنا يريد القصاص منه اليوم قبل الغد ..
و الآن لديكم حاجا و محرما و يلبس لباس الكذب حتى على الله .. بعرق شعبنا و يديه ملوثة بدماء شعبنا و القتل و التعذيب
فهل عندما نطالب بكرامتنا و كرامة أهلنا .. نعتبر مخربين ؟؟
فهل عندما نطالب بالعدل فهل نحن ملحدون ؟؟؟
فهل عندما نطالب بحقوق شعبنا و مال شعبنا .. فهل نحن قطاع طرق ؟؟
لقد كنا في مقدمة الدول العريبة و الاسلامية و الآن نحتل الموقع الأخير فهل نحن متربصون ؟؟؟
فما هو الشيء الموجود .. حتى نخربه ! بل وما هوا لشيء المقصود حتى نتربص له !!
انصحوه و اهدوه أن يسلم نفسه ليحاكم هو و عصابته و من لف حولهم و نرحب بقضاة و علماء المملكة العربية السعودية ليشهدوا محاكمتهم في السودان بالعدل ... فنحن من جربنا الظلم و القهر يستحيل أن نظلم غيرنا .
عشنا طوال حياتنا في أمن و أمان على اختلاف تنوعنا و ثقافتنا التي ورثناها عن أجدادنا منذ قديم الزمان ... و كنا مسلمين و مؤمنين من قبل أن يأتي لنا الترابي و البشير و عصابتهم ...
عاش أجدادنا القدماء و ماتوا على الاسلام الذي تربوا عليه فهل نحن ملحدون ؟؟ و مساجدنا و دور العبادة الأخرى تمتد على مساحة مليون ميل مربع ...
و حتى هذه الأرض لم تسلم من عمائلهم المنكرة ففقدنا ثلثها بسببهم فهل نحن مخربون أو قطاع طرق .
أنصحوه عله يهتدي و ينصاع لأمر الله و هو أمر الشعب بأن يذهب هو و جماعته عن السودان ملعونين من كل شعب السودان
و الله ولي التوفيق
بأسم شعبنا البطل ...
بأسم شهدائنا الأبرار ......
وجرحانا الذين لم تجف دماءهم ...
و بأسم المعتقلين و المعتقلات و الذين يعذبون في سجون النظام
و نحن على أستعداد لتقديم مليون شهيد و حتى النصر و عاش السودان حراً مستقلاً




بعثت هذه الرسالة إلى سفارة المملكة بالخرطوم و نرجو من الإخوة المقيمين في السعودية أرسالها للديوان الملكي بالسعودية


ردود على أبو عبدالله
United States [صالح عام] 10-17-2013 11:59 AM
شكرا يا ابو عبد الله والله ما قصرت وليس لى تعليق بعد


#802485 [محمد]
3.00/5 (4 صوت)

10-17-2013 08:02 AM
هذا دليل واضح علي قرف السعوديه من هذا الارجوز الراقص البشكير الذي قتل شعبه بدم بارد كأنه يلتهم ساندوتش من الهوت دوق


#802482 [المهدي]
4.00/5 (10 صوت)

10-17-2013 07:58 AM
في جريدة الشرق الأوسط اليوم البشير خارج الصورة
out of the picture


#802480 [zangazanga]
4.00/5 (3 صوت)

10-17-2013 07:53 AM
السفاح خارج الشبكة ما معاهم ولا شنو ماقدامو طاولة لاورد يستاهل ..


#802467 [السم الهارى]
3.00/5 (2 صوت)

10-17-2013 07:04 AM
يعنى شنو ؟ عليكم الله خليكم ناس واقعيين . وانقلوا لنا مايفيد القارى!!! ماذا يعنى لو جلس الشبير يمنى اويسرى او جاور من يتوسط القوم؟ هل ينقص ذلك من قدرة ؟ او يقدح فى رئاستة لنا ؟ شئنا ام ابينا فهو الرئيس الذى يجلس الان بإسمنا وينطق بإسمنا فى المحافل الدولية !! فقط نر منكم نشر مايفيد القارى.


ردود على السم الهارى
United States [نعم لنداء الواجب] 10-17-2013 11:56 AM
انتو دائماً كدا ما بتفهموا ومودننا في ستين داهية ،، يا أخي يا كوز المقصود إنه لماذا اختفى رئيسك هذا في الصورة الثانية (صحيفة الشرق الأوسط) مع إنها نفس الصورة التي ظهرت في الصحيفة الأولى،،،، عالم وهم

United States [الـســيــف الــبــتــار] 10-17-2013 11:28 AM
ليس العبرة فى الجلسه يمنة او يسره المهين لرأس نظام اخوان الشواطين المدعى العروبة و الحاكم الذى أتى ليطبق شرع الله فى السودان و فى بلد تطبق الشريعه على اصلها بالرغم من وجود بعض السلبيات فى التطبيق و هذه لا تهمنا كثيرا فى الامر ؟
بالنظر الى الجلسه و تجد رأس النظام الشيطانى فى ركن قصى والذين حضروا بدعوه من خادم الحرميين الشريفيين اطال الله فى عمره و جعله ذخرا للمسلمين وسندا وجدوا كل الوفاده و الاحتفاء و مقربين من السلطه ومرافقة بوفد من كبار الامراء وهذا البعير الاتى متحديا الجميع لاداء فريضة الحج ليس طلبا للمغفرة او اداء شعيرة او تلبية للمنادى فى الناس ؟
منع من عبور الاجواء و اتى اليوم لزيارة البيت ولا يستطيع اولى الامر منعه من الحضور ؟
وهذا هو دابه دائما يتصرف كالطفل لينال مبتغاه بالعافيه او العناد او تخطىء الحدود بعنجهيه و جهل ؟
هذا هو راس النظام الذى دمر الانسان و السودان و الحمد لله ولاة الامر فى السعودية و العالم يعلمون علم اليقين بأن السودان وطن فيه رجال ذو شأن و خبرة و فطنه و حكمه وما هو ال ناقص عقل و دين ولص بشهادة و مجرم سفاح ومنتهك لابسط حقوق الانسان التى كفلها له الشرع والدستور و ميثاق الامم المتحده واتفاقية جنيف ؟
من ترك داره قلا مقداره والاحرى به أن يختلى و يحاسب نفسه اولا و يقيم فعاله و خصاله وما وصلنا اليه لعقدين من الزمان وهو على سدة الحكم الله اسد نفسه هذا الارعــن .

United States [الماعاجبو العجب ولا....] 10-17-2013 11:15 AM
دة بالنسبة ليك أنت كزول ما عندك دراية بمعنى كلمة السيادةوما يصاحبها من (بروتوكولات)وليه هو العلم؟ وأيه هو النشيد الوطنى؟ ما هى حسب تصنيفك ما قطعة قماش (لاحظ نفس الفهم عند البشير لما خلى علم السودان فى جوبا)دى أشياء بتمثل الدولة .حتى هذاالشخص (الخرعة) يمثل السودان وليس أحتجاجنا على خراعته بل أحتجاجنا على أّلا يزج بأسم السودان فى مثل هذه المآزق.أحسن يترمى هنا فى حوش بانقا ويرعى وسط غنمو ومافى زول سألو. لكن الهبالة الزايدة من اللازم بتأذى ما تبقى لنا من صورة وأحترام لدى الآخرين.بعدين وينها المحافل البينطق فيها أنت أظنك طولت من متابعة الأخبار!!

United States [اوكامبو] 10-17-2013 10:42 AM
وهذا ايضا يفيد القارىء و يشفى صدورنا عندما نعلم و يتأكدلنا كل يوم مدى الإنحطاط الذى و صل اليه بما كسبت يداه و الله لولا الحياء لقامت السعودية بطرد هذا اللص السفاح الحقير شر طردة.

و بالفعل صدق فيهم قول الشاعر محمد الحسن أبنعوف فى مسدار الأحرار حين قال (بقيتوا علينا أسود إلا برا نعاج) فعلا هم فى الخارج نعاج بل أحط من الذباب و ذلك جزاء من يهين شعبه و يحط من قدره و ينهب موارده و يقتله بالرصاص الحى فى و ضح النهار لمجرد التظاهر و الإحتجاج اللهم ذدهم هما و غما وذلة و إحتقار فملايين الدولارات التى نهبوها لا تعوض لحظة عز واحدة ينظر بها الآخرون تجاهك.

إن كنت معجب بالبشير و تعترف به رئيسا فهذا شأنك و الطيور على أشكالها تقع و لكن السواد الأعظم من شعبنا لا يعتؤفون به و لا يتشرفون بقاتل و سارق للسلطة و المال

حقيقة لا نستطيع ان نفهم لماذا الاصرار على الحج كل عام؟؟ ربما صور له جهله و عبطه ان كثرة الحج تمحى ذنوبه و ربما أفتى له بذلك علماء السلطان فى مسجد كافورى الذى بنى بأموال المعدمين و المحتاجين


#802462 [yasir]
3.00/5 (3 صوت)

10-17-2013 06:50 AM
أموت ركن وأزرع قطن..الله لينا يا رطب الجنينه
ظاهر عليها كانت شديدة بتاعت صباح الليلة


#802453 [ابومونتي.]
4.00/5 (10 صوت)

10-17-2013 06:28 AM
قاعد ,,,زي الضبانه في اللبن
وطن كبييييييييييير ورئيسه عووووووير .


#802452 [ما مرتاح ....وما مرتاح]
5.00/5 (2 صوت)

10-17-2013 06:21 AM
GAME OVER!!!!


#802450 [abusafarouq]
5.00/5 (5 صوت)

10-17-2013 06:14 AM
السفاح وضع فى مكانه المناسب عار على أى رئيس يجاوره لأنه منبوذ داخليا وعالميا مايستحى على نفسه من أى أحراج له وللأخرين يلخبط ويسىء لبلده وشعبه فعلا غبى لايستوعب الدرس هكذا رئيس يحكم السودان يحتمى بنفسه من الجنائية الدولية يطلب منهم يترجو أمريكا ودول الغرب ليعفو عنه وهو الذى لن يتورع قتل الناس فى أى لحظة فى الصورة حواجز وتتاريس كى لا يتحدث مع رئيس فى أى موضوع تخص البلاد والشعب ومصر يكون رئيس بأى طريقة موقع وكرسى مختار له بعناية يريد أن يظهر فى الاعلام من يرى الصورة أنه غير مرحب به فى بلاد الحرمين الشريفين البلاد الذى فتح له حنجرته فى أحسن مستشفياته بعد ما شفى ترك خلفه برازه المنتن على سرير مشفاه إنه لناكر للجميل متخفبا ليعبر أجواء من أحسن إليه دون إذن أهله . من المعقول والاحترام كمسلم تتعدى حرمة بيوت الاخرين الدخول والخروج بدون إذن أهل الدار . أوامر الاسلام أن تستأذن أهل البين بالدخول وإذا قيل لك إرجع فرجع لكنك تنضبط وأنت تنتهك حرمة البين الذى أحسن إليك دون إذن أهله وتنطرد كالكلب بعد كل هذا لن تستحى على نفسك وفضح شعبك تجلس معهم كالأرنب الوضيع وأنت أجرم خلق الله فى الارض فى سفك دماء المسلمين فى السودان.اللهم اللهم نجنا من هذا المجرم السفاح وأرنا فيه عجائب قدرتك وجبروتك يارب العالمين أميييييين ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة