الأخبار
أخبار إقليمية
إعلام وطني و..( كمان مهني )
إعلام وطني و..( كمان مهني )
إعلام وطني و..( كمان مهني )


10-19-2013 10:50 AM
الطاهر ساتي

(1)
:: لقد أفسدت حركات الجبهة الثورية على عاصمة البلد طعم العيد، إذ تلك الحركات هي التي زرعت المندسين والمخربين في صفوف المتظاهرين، ليقتلوا ويجرحوا ويحرقوا و(كمان يعتقلوا)..ولكن هيهات، فالشعب المؤمن بالشريعة ومشروعها الحضاري فوت بصدق إيمانه الفرصة على حركات الجبهة الثورية وعملائها وأذنابها.. والله أكبر، ولا نامت أعين الجبناء ..!!

:: وعليه، سيدي وزير المالية، بعد التحية و بالإشارة للموضوع أعلاه، أرجو من شخصكم الكريم التكرم بالتصديق لي بمليار جنيه بحيث تكون ميزانية مبدئية لصحيفة وطنية ورسالية تدافع عن البلاد و(مكتسبات الأمة)، وجزاكم الله خيراً.. مقدم الطلب، مخلصكم (ناشر مديون)

(2)
:: لقد إستغلت الفضائيات العربية أحداث ود مدني إستغلالاً خبيثاً ولم تعرضها بمهنية ونزاهة.. فالأحداث لم تكن تظاهرة شعبية، بل هناك فئة معزولة عن الشعب لم ترضها مجاهدات والي الجزيرة وأرادت أن تعرقل مسيرة التنمية في الولاية، وكذلك سعت إلى تدمير مشروع الجزيرة بعد الطفرة التي حققها في مجال الصادر الزراعي، ولكن جماهير الولاية الوفية حسمت هذه الفئة المعزولة..والله أكبر، والعزة للسودان ..!!

:: وعليه، سيدي وزير الخارجية، بعد التحية و بالإشارة للموضوع أعلاه، أرجو من شخصكم الكريم التكرم بتوظيفي بمنصب ملحق إعلامي بسفارة إحدى الدول الغربية حتى نتمكن من الدفاع عن بلادنا و مكتسبات الأمة (بشكل كويس)، وجزاكم الله خيراً..مقدم الطلب، مخلصكم (كاتب وضيع)

(3)
:: كما تعلمون أيها الناس، لم يتوقف الصراع في دارفور منذ عهد السلطان علي دينار، ويوميا تتصارع القبائل الدارفوية حول المراعي..وما حدث بنيالا جزء من هذا الصراع التاريخي حول المراعي، ولكن أعداء السودان بحولوا أحداث نيالا الى صراع سياسي لضرب (مكتسبات الأمة)، ولن يفلحوا في ذلك، فالأمة هناك ملتفة حول واليها الأعظم والمنتصر على كيد الأعداء..والله أكبر، والخزي والعار للأعداء ..!!

:: وعليه، سيدي وزير الإعلام، بعد التحية وبالإشارة للموضوع أعلاه، أرجو من شخصكم الكريم التكرم بتوظيفي مديراً بالإذاعة أو التلفزيون أو وكالة الأنباء حتى نؤدي واجبنا تجاه بلادنا وشعبنا (بشكل مؤسسي ومهني)، وجزاكم الله خيراً..مقدم الطلب، مخلصكم (إعلامي رخيص)

(4)
:: المراقب لمجريات السياسة العالمية يكتشف أن الدول الغربية تكيل بمكيالين في قضية الحريات وحقوق الإنسان، إذ هي لا تدين جرائم إسرائيل وأمريكا ولا تستنكر شمولية الأنظمة التي تربطها بها مصالح إقتصادية و تحالفات سياسية..ونحن من هذا المنطلق يجب علينا أن ننطلق ونكشف إدعاءات هذه الدول الغربية التي تستهدف بلادنا وإرثها الحضاري..وهي مسألة إنتقائية، وبحاجة الى حوار موضوعي وصريح ..!!

:: وعليه، سيدي مجلس الوزراء المؤقر، بعد التحية وبالإشارة للموضوع أعلاه، نرجو من فخامتكم التكرم بالتصديق لي بمليار جنيه لتأسيس مركز دراسات إستراتيجية يقارع الأفكار الغربية المناهضة بأفكار تستلهم حجتها من إرثنا وتراثنا ومشروعنا الحضاري، وجزاكم الله خيراً.. مقدم الطلب، مخلصكم ( مفكر إستراتيجي ذليل)

(5)
:: لايستطيع أي كائن من كان أن ينكر بأن معدل دخل الفرد قبل الانقاذ كان مائة دولار شهرياً ثم صار بعد الإنقاذ الف وخمسمائة دولار أسبوعياً باعتراف صندوق النقد الدولي..وممكن تمشي دنقلا في اربع ساعات وطبعا دي عجائب الدنيا السبعة، والآن ممكن آي زول يلبس الكرافتة ويأكل البيتزا الما كانت معروفة هي ذاتها شنو؟..ونحن رساليون ونفتح أبواب المشاركة للجميع ..!!
:: وعليه، سيدي مدير المؤسسة العظيمة، بعد التحية وبالإشارة للموضوع أعلاه، أرجو من شخصكم الكريم التعاقد معي ب (عقد خاص)، حتى اتمكن من بناء العمارة الرابعة واقترن بالزوجة الثالثة ونؤدي دورنا الوطني حسب متطلبات المرحلة الحرجة .. مقدم الطلب، مخلصكم ( خبير وطني غبي)

[email protected]


تعليقات 55 | إهداء 0 | زيارات 12854

التعليقات
#804977 [moonshussien]
0.00/5 (0 صوت)

10-21-2013 02:00 AM
لك العتبى ياالطاهر الساتي, واعتذر لك عن عدم قرائتي لمقالك الساخر المليئ بالمفهوم بتمعن وعمق واستعجالي في الرد بمجرد قراءة سطر او سطرين. تسلم ونرجوا المزيد يااصل بلادك.


#804970 [moonshussien]
0.00/5 (0 صوت)

10-21-2013 01:41 AM
ما رزق اليوم بيوم ! يا ارزقي يا فاشل, ولولا الجنجويد الجبتوهم كنا قرينا مقال تاني خالص! لك الله ياوطن من امثال هؤلاء الحثالة.


#804927 [louba]
0.00/5 (0 صوت)

10-21-2013 12:05 AM
التظاهرات التي يقوم بها اعداء الحرية والديمقراطية يجب ان تضرب بيد من حديد لانها تريد ايقاف المشروع الحضاري المفصلوا شيخهم العلمهم السحر لذلك لا مهادنة مع المتظاهرين اما اذا كانوا انقلابيين فهذا امر بسيط لانهم لايريدون
تغيير النظام ولا ضرب المشروع الحضاري ومثلهم الاعلى البشير فلكل ما ذكر ارجو من البشير تعييني
في وظيفة انقلابي برتبة ( عميد فاشل)


#804880 [الباشق]
5.00/5 (1 صوت)

10-20-2013 11:08 PM
سيدى سعادة وزير الطاقة ومفجر ثورة النفط الدكتور (؟؟؟مهندس؟؟؟) عوض احمد الجاز لا شك ان ما تناقلته مجموعات المرجفين والطابور الخامس عن توقيف نجلكم المجاهد عمار فى مطار دبى ومعه بضع ملايين من الدولارات لا يتعدى كونه اشاعات مغرضةلا تمت للواقع بصلة فالمجاهد عمار كان فى مهمة رسمية لابرام عقودات مع شركات نفط ماليزية والمبالغ التى بحوزته عرابين وكدة.
ونجلكم محمد ذهابه الى امريكا ليس لشراء منزل كما اشيع ولكن لجلب استثمارات وتعاقدات لشركة آرش العملاقةوفقكم الله وسدد خطاكم.

مهندس عاطل عاوز شغل ان شاء الله روم بوى


#804778 [مظلوم ادعو غلى الظالم]
0.00/5 (0 صوت)

10-20-2013 08:35 PM
ايها الساتي انا اريد ان اقراء هذا الموضوع ولكنى عرفت ما تقصد ليست هي الجبة الثورية بل هم كلاب الامن وخنازير الشرطة هم الذين فاموا بكل التخريب الذى حدث .الشعب فقد مصداقية النظام الحاكم والجاسم علي راس الشعب 25عام علي الكذب والنفاق لقد وعية الشعب الدرس تماما ولن ينجر وراء العاطفه مثل ماحدث ايام اوكامبو والجنائيه لقد وقف الشعب كله وراء الطاغية ام الان لاوالف لا اين الجبه الثورية واين مكانهافاذا كانت موجوده فعلا فانا سوف اكون اول المنضمين الى صفوفها تحيا الجبه الثوريه ويسقط النظام القاتل الفاشل


#804760 [Kano]
0.00/5 (0 صوت)

10-20-2013 08:14 PM
أخيرا يا ود سآتي


#804724 [abu khaled]
0.00/5 (0 صوت)

10-20-2013 07:13 PM
لقد حاول البعض تشويه صورة حرم رئيس الجمهورية و التشكيك في جائزة سيدة السودان الاولى السيدة/ وداد بابكروبان الجائزة مضروبة وانكار دورها في العمل الانساني في السيول ودعم النازحين واللاجئين ودعم الفقراء والمساكين اكلي الهوت الدوق والبيتزا وهنالك شبهة فساد من فبل السيد/ جمال الوالي وهولاء هم أعداء النجاح واتهام المسئولين بالباطل .
السيد/ وزير المالية المرجو تعيننا في القصر على وظيفة ممثل علاقات وجابي عمولات واعتماد عشرة مليون دولار لكي نقوم بدورنا الوطني وابراز انجازات ثورتنا ثورة الانقاذ ولا نامت عين الشعب


#804679 [محمد]
0.00/5 (0 صوت)

10-20-2013 05:43 PM
الـأرضُ تغطْتـ بالـتعبْ .


#804609 [مهاجر]
0.00/5 (0 صوت)

10-20-2013 03:39 PM
الي البيرقص ....... اتمني ان نفكر بجدية الانقاذ مزقت البلد وسرقت وكل مايخطر في البال من سوء ورغم ذلك استمرت 24 سنة لماذا ....السبب الاول ضعف المعارضة ...وثانيا عدم موضعيتها ارجوك راجع مايكتب في الراكوبة اكثر من20% منه سب فهل سيفد السب لتغير النظام اذا كنا لانقبل الراي والراي الاخر فسيستمر الكيزان في الحكم وسوف يدفع اهلنا الثمن ... واذا كان الكيزان قتلة ونحن نرفض ذلك فماذا نقول عندما قتلت الجبهة الثورية الابرياء في ابوكرشولا وغيرها اذا كنا سندفن رأسنا في الرمال سيطول ليل الظلم في بلادي .


ردود على مهاجر
European Union [الباشق] 10-20-2013 11:15 PM
مع انو الرد عليك خسارة كيلوبايتات لكن اقول ليك حاجتين :

لو كنت جداد الكترونى فموضوعك واضح ولا تعليق على ارائك.
لو كنت مواطن عادى ودا فهمك فاحب اقول ليك الجبهة الثورية حركة كفاح مسلح لو قتلت مدنيين اثناء عملياتها فهى مدانة ولكن ليست كالحكومة التى تقتل الصيدلى والعامل والمهندس والشماسى عشان قالو كلمة الحق


#804596 [نادر]
0.00/5 (0 صوت)

10-20-2013 03:19 PM
كفو,,,,,


#804552 [خليل عــــزة]
0.00/5 (0 صوت)

10-20-2013 02:15 PM
ده بالضبط الاعلام المهني الذي يطالب به المدعو الطاهر حسن التوم

مرضني مرض شديد ياخ الله يمرضو

غايتو لو قاصدم فشيتني ولو ما قاصدو برضو فشيتني ....

اضرب الأرزقي


سوال بالجنبة:

ساتن تود

ده شربوت دنقلا


#804466 [تنقو]
4.00/5 (3 صوت)

10-20-2013 12:25 PM
ها ها هه ، تقمصت شخصيات تمثل نماذج مختلفة أمثال الهندي عزالدين ، راشد عبد الرحيم ،محمد محمد خير ، خالد المبارك و ربيع عبد العاطي


#804402 [ام احمد]
5.00/5 (2 صوت)

10-20-2013 11:08 AM
عاوزه اشتغل فى اى قناة فضائية سوانية .بسال الطاهر ساتى عن قناة قلب وزير الاعلام ياربى دى القناة الدفع ليها ديوان الذكاة زماااان ولى يوم الليلة ماقامت ليها قايمة


#804400 [كاره الكيزان محب السودان]
5.00/5 (1 صوت)

10-20-2013 11:03 AM
شكرا الاستاذ/ الطاهر ساتي،

بهذا الموضوع الساخر اللازع، قد لخصت كل مجهودات إعلام الضلال في الدفاع عن حكومة الذل والعار.


#804367 [الجمبلق]
5.00/5 (1 صوت)

10-20-2013 10:01 AM
يكفينا انك سودانى حــــــــــــــــــــــــــــــــــــــــر رائع يا استاذ الطاهر ساتى


#804319 [ود البلد]
0.00/5 (0 صوت)

10-20-2013 09:00 AM
اين التخريب ؟؟
واين المخربين ؟؟
واين واين واين القانون ؟؟؟

ارحمونا ياخي
"القانون" ده اسم ّاّلة موسيقية


#804278 [علي سنهوري]
5.00/5 (1 صوت)

10-20-2013 05:59 AM
إرحتنا بها ........ هل يفهمها الخنزيثر وأسباه الرجال .حفطك الله


#804120 [مهاجر]
3.00/5 (2 صوت)

10-19-2013 10:02 PM
الي الثائر hassan فعل الكيزان انفضح امرهم اوافقك في هذا والجبهة الثورية ايضا امرها مفضوح لانها مبنية علي العنصرية البغيضة وكان اقلبهم مساند للجنوبين الي ان ضعفت الدولة بعد انتفاضة 1985 م مما مهد الطريق الي انقلاب الانقاذ وحلت بالبلاد كارثة من حروب وتمزق وفساد واليوم بتصرفاتها الطائشة بقتل الابرياء تزيد في عمر هذه العصابة وهم اساتذة في استغلال اخطاء الجبهة الثورية وتوظيفها لصالحهم ..وفي النهاية ربنا يولي من يصلح والبلد ليس فيها غير الكيزان والجبهة الثورية ..


ردود على مهاجر
United States [ما مرتاح ....وما مرتاح] 10-20-2013 08:53 AM
كااااااااك ....جدادة عايزة معط...احسن لك تهاجر للدكة عشان تاخد المعلوم
فهم ركيك ...فاقد تربوي.

[البيرقص ما بيغطي دقنو] 10-20-2013 04:13 AM
مهاجر

تاااااااااااااااااني جيت مهاجر جاي ؟

يازول بتهضرب في شنو؟

مرة تقول: (... والبلد ليس فيها غير الكيزان والجبهة الثورية)


ثم في تعليقك بالاسفل رقم #803723 [مهاجر] تقول:
(... ايهما اسوأ الكيزان ام الحبهة الثورية انا عن نفسي اعتبر الاثنين ان كل واحد اسوأ من الثاني).

يعني نسمع كلامك ده نموت من اليأس والاحباط وأنعدام الامل.


#804044 [البعير]
5.00/5 (1 صوت)

10-19-2013 07:48 PM
ياود ساتي كل سنة وانت طيب وربنا يحفظك ، الخبير الوطني ده غبي ونعجة ويستاهل الضرب بالكف الصباح والمساء أقال دخل الفرد 1800 دولار .


#803987 [جيت ومالقيت]
5.00/5 (2 صوت)

10-19-2013 06:25 PM
تسلم ياغالى مقالك بفش الغبينة وبطير النوم من ناس


#803938 [sanmka]
5.00/5 (3 صوت)

10-19-2013 05:33 PM
لسة الجمال فينا ،،،،،،والروعة فيكم،،،،،،، والخير في بلدنا،،،،،لك بالغ الشكر والإحترام


#803927 [أزرق]
5.00/5 (3 صوت)

10-19-2013 04:58 PM
شربوت العيد شكلو كان خطيييييييييييييييييير!!!!


#803916 [هميم]
5.00/5 (2 صوت)

10-19-2013 04:19 PM
لا يخفى عليكم سيدي مجلس الوزراء المؤقر ما قام به الجنجويد الذين أتيتم بهم من غربنا الحبيب من دور مقدر ومشهود في قتل الأبرياء العزل من الشباب والأطفال الذين كانوا يحتجون على رفاهيتكم مع بؤسهم وعلى نفاقكم مع رغبتهم في الكوادر الصادقة التي تحكم البلد وعلى شظف عيشهم مع الرخاء الذي تعيشون فيه، ولا يخفى عليكم أن الجنجويد ينفذون أوامركم وأوامر الرئيس بقتل ثلث الشعب السوداني لتنعموا أنتم ونظامكم بالأمن ولأن قتل ثلث الشعب يستغرق وقتاً طويلاً والثورة متوقعة في أية لحظة لأن هؤلاء الغلابى سيجوعون بعد قليل ويفضلون الموت بالجنجيود وقناصة الأمن وسلاح الدفاع الشعبي على الجوع ، فأتوقع أن يثوروا مرة وأخرى وثالثة، والجنجويد سيوفرون لنا مخرجاً من قتل المتظاهرين لأننا سنقول للناس أنهم تبع الجبهة الثورية ولهذا وبالإشارة للموضوع أعلاه، نرجوا من فخامتكم التكرم بالتصديق لي بثلاثة مليار جنيه شهرياً لبناء بيوت محترمة لهؤلاء الجنجويد حتى يظلوا قريبين منكم ومن مواقع تظاهرات المظلومين العزل وحتى يستطيع هؤلاء الجنجيود تنفيذ أوامركم بقتل ثلث الشعب مهما طال الزمن وحتى نوفر مصاريف لهم لأنهم حالياً صاروا يهاجمون الشباب في الشوارع المظلمة بغلاء الكهرباء ويقلعوا منهم الجوالات وما يحملونه معهم من قروش مخلصكم (مفكر إستراتيجي لسانو فالت)


#803895 [تينا]
5.00/5 (2 صوت)

10-19-2013 03:45 PM
راااااااااائع أستاذنا ساتى . صدق وأنا بقرأ فى مقالك كنت متخيلة نفسى بقرأ فى طلبات توظيف للعصابة هههههههه . نقشتهم تمام . تسلم اخوى


#803884 [ربش]
5.00/5 (2 صوت)

10-19-2013 03:29 PM
شغل نضيييييييف .


#803878 [لن ترتاحوا يا لصوص]
5.00/5 (2 صوت)

10-19-2013 03:24 PM
كفيت ووفيت واوضحت للناس ما ( خلف الكواليس ) وكيف ان ( الوضعاء واراذل البشر من انصاف الصحفيين والاعلاميين يكتبون ) للرضاء عنهم ومكافأتهم بالاستجابة للطلبات التى تقدم نظير كل مقال حقير ملء بالكذب وملفق بالعبارات التى يحبها اسيادهم


#803873 [هميم]
5.00/5 (1 صوت)

10-19-2013 03:15 PM
مكتسبات الأمة بتعريف المؤتمر الوطني هي ما سرقه وامتلكه المؤتمرجية من أموال وعمارات وفلل وسيارات ومكاتب في السودان وماليزا وبلاد أخرى وما دمروه من مشاريع ومصانع في السودان لكي يخرجوا أصحاب ههذه المصانع من السوق ويستودروا منتجاتها، أي باختصار، وبصيغة صحيحة: عندما يتكلم المؤتمرجية عن مكتسبات الأمة فتأكد أنهم يقصدون خسائر الأمة السودانية!


#803865 [القعقاع الفي القاع]
4.99/5 (9 صوت)

10-19-2013 03:08 PM
سيدي "أمير المؤمنين" أنا متأكد أن حجتك الأخيرة قد غسلتك من دماء ال200 شاب و عدت لنا عرياناً أكثر من ذي قبل، بناءً عليه أرجو تعييني مستشار تأصيل حتي أفصل لك الدين على مقاس أبو أهلك ذاتو


ردود على القعقاع الفي القاع
United States [زاهر المنصورى] 10-20-2013 12:27 AM
دى أحسن خاتمة، ههههههه

[shafie] 10-19-2013 08:03 PM
لك خالص التحايا فشيتني والله


#803824 [hassan seisi]
5.00/5 (2 صوت)

10-19-2013 02:17 PM
التحية ليك ود ساتي اضيف انا كمان للمقال الرائع: سيدي الرئيس البلاد تمر بمرحلة حرجة و إستهداف من قبل دولة الجنوب و عملائها و حركات دارفور و الجبهة الثورية من أجل النيل من عزتنا و كرامتنا لا لشئ الا لاننا طبقنا الشريعة الاسلاميةو حررنا المراة فاصبحت مشاركة في السلطة و محتشمة وتركت لبس الزي الفاضح(إستثناء المواطنة اميرة نموذجا) و منعنا الاختلاط في الحفلات(إستثناء حفلة الرئيس مع وداد بابكر) و أوقفنا تهريب الدولار بالنشط الى ديبي و القاهرة(استثناء عمار عوض الجاز) و دربنا الجنجويد على قتل المتظاهرين بعناية فائقة.
عليه ارجو من كريم سيادتكم تكليفي مسئولا بالامن الشعبي حتى نحافظ على مكتسبات الامة حسبنا الله و نعم الوكيل.


#803805 [عصمتووف]
0.00/5 (0 صوت)

10-19-2013 01:49 PM
قول الزوجة العاشره غير العرفي والمتعة وجهاد مناكحة وكل ماهو جديد في صرعات الجنس كل في النهاية يزيد عدد المسلمون تحت شعار اني مفاخر بكم الامم ولا ننسي تحرير فلسطين والقدس الشريف (هل فكروا في الحرم النبوي الشريف) هؤلاء هم المجددون الجدد وتبا لنا نحن الخوارج المتخلفين الذين ناكل باليد اليسري ونتكرع ولا ناكل مما يلينا


#803799 [محمد نور]
0.00/5 (0 صوت)

10-19-2013 01:39 PM
ياريت علي نفس المستوي يا استاذ ساتي تورينا تقارير الوزراء الدوريه


#803795 [معز محمود]
0.00/5 (0 صوت)

10-19-2013 01:32 PM
المرة دي شربوتك خمر شديد


#803788 [صالة المغادرة]
5.00/5 (2 صوت)

10-19-2013 01:27 PM
بس فى اضافة بسيطة يا ساتى وهى ان اسرائيل ظلت باستمرار تنتهك سماواتنا وتكسر كبرياءنا ونطالب مؤسسة الرئاسة منح ابو ريالة تفويض شامل للاحتفاظ بحق الرد دائما وتعيين عشرة الاف مجاهد لتطبيق نظرية الدفاع بالنظر الله يغطس حجرك يا اغبى وزير عرفته البشرية قديما وحديثا ومستقبلا.


ردود على صالة المغادرة
[راصد متابع] 10-19-2013 02:28 PM
وعليه وبالاشارة للموضوع اعلاه ارجو التكرم بالتصديق لمجموعة صيدليات علياء ب500 مليون دولار لشراء ادوية وبامبرز واولويز وكل عام وانتم بخير....


#803772 [كتمت]
5.00/5 (2 صوت)

10-19-2013 01:12 PM
ان ما اخاف الكضب الخبير دا ربيع رسيبشن


ردود على كتمت
[البيرقص ما بيغطي دقنو] 10-20-2013 03:57 AM
ربيع دي ما داعي ليها

رسيبشن كفاية


#803770 [أبو الفهم ذاتوووووووووو!!!!]
5.00/5 (2 صوت)

10-19-2013 01:10 PM
مقال مفهوم إلا للأغبياء ...(بس ) ساتي عايز يقول حاجة وعنده دلائل وإثباتات لكن في حاجة مانعاهو... خلي الموضوع لبعدين يا ساتي وكل شيء في وقته وسينكشف الأرزقية والمطبلاتية حتماً.


#803758 [lwlawa]
4.50/5 (4 صوت)

10-19-2013 01:01 PM
الرائع ساتي يبدو ان الجماعة لم يستطيعوا في فترة الايقاف عمل delet للاخلاق والامانة الصحفية، ولم يتمكنوا من اعادة برمجتك ومن ثم تركيب الشريحة الجديدة التي يريدون لك ان تعمل بها ..؟؟!!..لك التحية والتجلة.


#803726 [سمؤل]
5.00/5 (3 صوت)

10-19-2013 12:32 PM
هذا قلم رشاش تسلم ياحر


#803723 [مهاجر]
1.00/5 (1 صوت)

10-19-2013 12:26 PM
سؤال اريد الاجابة عليه ايما اسوأ الكيزان ام الحبهة الثورية انا عن نفسي اعتبر الاثنين ان كل واحد اسوأ من الثاني .


ردود على مهاجر
[البيرقص ما بيغطي دقنو] 10-20-2013 03:55 AM
بالله عليك ده سؤال يسأله زول رشيد وبالغ؟؟

ناس الراكوبة ديل كل يوم يكتبوا مئات المقالات (لمّن ضهرهم انحني) عشان يوضحوا للمثل نوعك ده.

شاحد ربي يركبك (جن) كمبودي لا بيعرف عربي ولا اسلام

عشان تبطّل الفصاحة .. والاسئلة البايخة

United States [من السودان] 10-19-2013 11:25 PM
الاجابة اسوا الكيزان بملايين المرات انا من الشمال ولو خيروني اختار الجبهة الثورية بلا تردد بديل للكيزان ممكن يا حريف اكون سوالك هو : اسوا الكيزان ولا السيدين في الحتة دي حقيقي ممكن نحتار !

United States [الفش غبينتو السيسي] 10-19-2013 09:45 PM
لا ردك الله من هجرتك ابدا ان كنت تقارن الجبهة الثورية بهؤلاء العابدين لعجل السامري

[hassan] 10-19-2013 05:35 PM
الكيزان وانكشفت عوراتهم كلها طيب قولينا حسب رأيك الاتوصلت ليهو ده الجبهه الثوريه سوءاتها شنو البتقارنها بي الكيزان .. منتظرين اجابتك عسي نتنور بدل ما نكون زي الاطرش في الزفه .


#803719 [الكردفاني العدييييييييييييل]
5.00/5 (2 صوت)

10-19-2013 12:25 PM
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........
اللهم عليك بعصابة الارجاس .... اقطعهم .....تك........


#803698 [اللورد]
5.00/5 (2 صوت)

10-19-2013 12:08 PM
أنت رجل فخر للبلدنا... نطالبك بخطوة اكثر جراءة يا ساتي ماذا لو تكون حاضرا يوم الأثنين 21أكتوبر في الميادين؟؟؟.. أو حتى الجمعة القادمة على حسب ما يدعو له ما تبقى خارج المعتقلات من تنسيقية التغيير ...


#803695 [lمعمر حسن]
5.00/5 (2 صوت)

10-19-2013 12:06 PM
روووووووووعة


#803690 [محمدين]
5.00/5 (2 صوت)

10-19-2013 12:01 PM
والله يا ود ساتى لى شهرين ما ضحكت إلاَ بعد قراية مقالك .. السودان لا زال بخيرو ما دام نحنا يا نا نحنا ...الضهرية ممكن أنوم مرتاح


#803684 [بكرى]
5.00/5 (2 صوت)

10-19-2013 11:53 AM
ابداااااااااااااااااااااااااااااااا
ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااع


#803669 [الجن الأرقط]
5.00/5 (2 صوت)

10-19-2013 11:39 AM
فقرى


#803668 [حمد انيل]
5.00/5 (4 صوت)

10-19-2013 11:39 AM
والله ماشا الله عليك يا ود ساتي.. أنت بصراحة تنفع في كل الفصول ولكل الظروف، يعنى مشكتلك بس ضميرك الحي هذا.. ولو قدرت تتخلص منه وتتبع طريق التملق والكذب فسوف يفتح لك ابليس خزائنه كلها وتنهمر عليك رحمة المؤتمر الوطني، كدي حوال تعال لي عشان اديك بعض الاعشاب المجربة في قتل الضمير، وبعدين يكون لي نصيب من ما تناله من اجر على ما ستكتب بعد موت الضمير من مثل هذه المقالات الوطنية المخلصة.
الله يجازييييييييييك خير طبعاً.
وكل سنة وانت طيب وقلمك سيف يقلم رقاب كلاب الانقاذ.


#803664 [ابو ]داليا]
5.00/5 (4 صوت)

10-19-2013 11:35 AM
كل سنه وانت اروع ود ساتى بس غندى طلب صغير حيث انى خريج قانون ولم اجد وظيفه فهل لى بتقديم طلبى من خلال طلباتك دى
كافه الحريات والحقوق مكفوله فى دولتناحسب نص الماوثيق الدوليه لحقوق الانسان فحريه التعبير مكفوله حيث ان الصحافه حرة والمواكب والتظاهرات وشتى انواع التعبير عن الراى لا تخضع لاى رقابه قبليه او بعديه ولا تتطلب اخذ الاذن اللازم من الجهات الامنيه وكذلك التنظيمات السياسيه من شده ما هى متاحه اصبح لكل خمسه اشخاص حزب لدرجه اننا اسميناها احزاب الفكه لكثرتها وان ما نص عليه قانون الاجراءات الجنائيه والقانون الجنائى من منع التجمعات غير معنيه به هذه الاجزاب انما قصد مواجهة المخربين والخارجين على ابناء شعبى عليه ارجو من سيادتكم تعينى وزيرا للعدل بدولتكم العامر لتفصيل التهم على المارقين ولا نامت اعين الجبناء


#803662 [الغاضبة]
4.50/5 (3 صوت)

10-19-2013 11:33 AM
مقال جميل وأجمل ما فيه الخطأ الاملائي المتعمد من الاستاذ الطاهر الساتي في كلمة "أرجوا" والذي تكرر في جميع الطلبات الموجهة من الخبير الوطني الغبي والمفكر الاستراتيجي الذليل والاعلامي الرخيص الخ... وما هو الا نتيجة السياسات التعليمية الغبية التي وضعها خبير غبي بالتأكيد...


ردود على الغاضبة
European Union [الغاضبة] 10-22-2013 02:02 PM
يا ناس الراكوبة لما يكون في خطا وتصححوهو قولوا للناس اننا صححناه مش تغيرهوها وتخلوا الجماعة يبهدلوني وفعلا كلمة "أرجو" كانت مكتوبة هكذا "ارجوا" واعتقدت انا ان الاستاذ الطاهر تعمد هذا الخطا لغباء المتقدمين لهذه الوظائف ودمتم ....

[الليل] 10-21-2013 12:48 AM
يافرحك ياغاضبه. ارجو صحيجة . وما قلتيه ينطبق عليك. ارجو مراجعة لغتك.

[أبو محمد الجابري] 10-20-2013 12:27 PM
إلى غاضبة: ما فيش أي خطأ إملائي في كتابة كلمة "أرجو" وهي فعل مضارع مرفوع بضمة مقدرة والفاعل ضمير مستتر تقديره "أنا" وأنت تقصدين إعفال ألف الجماعة في مثل: قالوا وفعلوا.. راجعي معلوماتك.. والسلام


#803646 [ابو الهول]
5.00/5 (3 صوت)

10-19-2013 11:24 AM
ود ساتي ...
كل سنة وانت طيب ...أو (كري آنج نلوي)
كدة مضبوط ..في التنك !!!


#803643 [habbani]
5.00/5 (3 صوت)

10-19-2013 11:22 AM
حلوة .. بس نسيت الوزير لأنه عاوز ليه شركة شركتين فى ماليزيا بالإضافة لزوجة ثالثة من البنك المتحرك لصاحبه عوض الجاز وأولاده


#803637 [الزول الكان سمح]
5.00/5 (1 صوت)

10-19-2013 11:19 AM
يا طاااهر

أقتبس من مقالتك فى الفقرة(2) النص:

فالأحداث لم تكن تظاهرة شعبية، بل هناك (((فئة معزولة عن الشعب)) لم ترضها مجاهدات والي الجزيرة وأرادت أن تعرقل مسيرة التنمية في الولاية

سؤأل....والفئة دى معزولة ليييييييييه؟؟


ردود على الزول الكان سمح
[البيرقص ما بيغطي دقنو] 10-20-2013 03:44 AM
عزلها ودالحرام

European Union [macroo] 10-19-2013 01:13 PM
عندما تذهب للدافوري متاخر يقولو ليك دي معزولة


#803630 [تور الجر]
5.00/5 (2 صوت)

10-19-2013 11:14 AM
ابدعت استاذنا الطاهر ساتي وأبنت ما يدور خلف كواليس السلطة الرابعة التي إن جاز التعريف والوصف الحقيقي انها السلطة اﻷولى إن كانت تؤدي دورها بشفافية ونكران ذات وتمسك بمبادئ الدور الذي تلعبه في كشف الحقائق وفضحها لممارسات السلطة الحاكمة من فساد حيث يمكن إسغﻻلها في تغيير الرأى العام ضد أو لمصلحة السلطة الحاكمة والذي يتوقف على هيئة تحريرها جزاك الله خيرا نرجو أن ﻻ تنقطع عنا بكلماتك الصادقة في هذا الزمن الذي اصبح فيه الصدق من السلع النادرة


#803629 [ود البلد]
5.00/5 (1 صوت)

10-19-2013 11:12 AM
اهـ يا ود ساتي
حلم الجعان عيش


#803628 [أبو أحمد - أبوظبي]
4.85/5 (8 صوت)

10-19-2013 11:12 AM
البشير يمتلك قدرات استثنائية ولا بد أن يترشح للانتخابات المقبلة والا ضاعت البلد وصارت صومالا آخر .... سيدي الرئيس بالاشارة للموضوع أعلاه, أرجو من سيادتكم التكرم بتعييني وزيرآ اتحاديآ , فخزنة بيتي صارت فارغة من العملات الاجنبية, بالاضافة الى أنني قد مللت من الوظائف التنظيمية ... مخلصكم لطفي المندي .. القيادي بالمؤتمر الوطني


ردود على أبو أحمد - أبوظبي
[المتجهجه الاممى] 10-19-2013 01:00 PM
تمام يا ابو احمد
تمبت الناقصة.


#803627 [خليل المرتغب]
5.00/5 (1 صوت)

10-19-2013 11:11 AM
شكلك يا ساتي نا سك ديل ما فهموك كويس لكن متى يفهموك ؟

بعد الثورة


#803617 [Fato]
5.00/5 (3 صوت)

10-19-2013 11:03 AM
فى الصميم يا ود ساتى والله عفيت منك.هؤلاء لا تنفع معهم ألا الدبابيس عسى جلدهم التخين ده يحس.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة