الأخبار
أخبار إقليمية
الأخضر دم الشهدا - استمع للقصيدة
الأخضر دم الشهدا - استمع للقصيدة
الأخضر دم الشهدا - استمع للقصيدة


10-20-2013 11:07 AM
الأخضر .. دَمْ الشُهَدَا


أرفَع دَعْمَك يا مَعْدُوم
وزيد في غَيِّك يا محروم
تِيْه و اتعَالَى بِيْ جَبَرُوتك
واحْمِي بِخُوفَك كُل بِيُوتَك
غَتّي بِعَسَسَك ضَيّْ الشمس
واسْرِق بُكْرَة بِظُلم الأمس
واحْلَم إنّك دايِم دُوم
أحلم و أحلم يا مَوْهُوم
--
أبنِي بِقُوتنا فَخَامة جَاهَك
ومِنْ أموالنا زيد أشْبَاهَك
قَتّل فينا بِدَعْوى الدِيْن
افتِي بَراكَ وقول آمين
ما حَتصِيبَك سُنّة الله
لا يَغَشَاك المُوت والعِلَّّة
ما إنت مَحَصَّن بالإيمان
وطُهرَك زايِدْ .. ما إنسان
و احلم إنك دايم دوم
أحلم و أحلم يا موهوم
--
أوعَك تَمْرُق مِن شُبَاكَك
أبْقَى مَكَانَك أرجَىْ الجَاتَك
دَمْ الشُهَدَا الفُوق حُرّاسَك
لمَّنْ يِلْهَب ويِحْرِق زَاتَك
عِزّ الشُهَدَا المَّا احسَاسَك
لمَّا يِطَهّر كُل أنْجَاسَك
--
أبقى مكانك و أرجى الجاتك
شعب الطِيْبَة الفِي هُوجَاسَك
سِيْلُو عَرَمْرَمْ يِنْسِف سَاسَك
شعب العِزّة الأهْلَك ونَاسَك
لا بِنْضَام لا بِبْقّىْ مّقَاسَك
--
"احنا مرقنا مرقنا مرقنا
ضد الناس السرقو عرقنا
احنا مرقنا مرقنا مرقنا
ضد الناس القتلوا ولدنا"
--
ابقى مكانك وشوف الفاتك
جيلاً شَايِل عّزّة في قلبُو
وحالِف إنّها تَبْقَىْ الأمْجَد
جيلاً أخْدَر نوّر وفَرْهَد
ما هامَّيُو لو كُلو اسْتشهَد
جيلاً راسِم دَرْبُو وعَارِف
إمَّا نعيش أو زَيّك يِقعُد
--
"احنا مرقنا مرقنا مرقنا
ضد الناس السرقو عرقنا
احنا مرقنا مرقنا مرقنا
ضد الناس القتلوا ولدنا"


عمر شمس الدين
10- 10-2013
[email protected]

....


تعليقات 0 | إهداء 0 | زيارات 2406


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة