الأخبار
أخبار إقليمية
قضية الأقطان: المتهمون باعوا (15,336,696,75) يورو في السوق الأسود
قضية الأقطان: المتهمون باعوا (15,336,696,75) يورو في السوق الأسود
قضية الأقطان: المتهمون باعوا (15,336,696,75) يورو في السوق الأسود


دار أبوك كان خربت
10-22-2013 08:27 PM
الخرطوم: رقية يونس
كشف المتحري في قضية الأقطان، العقيد شرطة عوض الكريم المبارك، عن إقرار المتهم الثاني في التحريات، بأن مبالغ تعلية الفواتير البالغة (15,336,696,75) يورو، بيعت في السوق الأسود، وتم تحويلها إلى عملة سودانية، باتفاق بينه والمتهم الأول.
وأكد المبارك خلال إدلائه بإفاداته أمام قاضي محكمة الخرطوم شمال أمس، أن مبالغ تعلية الفواتير الخاصة بالمدخلات الزراعية، التي استوردتها شركة الأقطان، دخلت في حساب شركة متكوت، وتمت باتفاق ثلاثي بين المتهم الأول والمتهم الثاني ورئيس اتحاد المزارعين، بغرض سدِّ نفقات الترحيل والتخليص للبضائع المستوردة. وأقرّ المتهم الأول والثاني خلال يومية التحري، بأنهما قاما بالاتفاق على مخاطبة بنك النيلين لعمل محفظة لتمويل موسميْ القطن 2011م و2012م، بشهادات إنجاز صورية لشركة الأقطان، وأشار المبارك إلى أن تمويل المحفظة لم تستفد منه شركة الأقطان، بل دخلت كل المبالغ المالية لحساب شركة متكوت.

السوداني


تعليقات 18 | إهداء 0 | زيارات 6281

التعليقات
#808111 [خلود بلود]
0.00/5 (0 صوت)

10-24-2013 02:38 AM
الكيزان ديل اسوأ من اليهود لا حول ولاقوة الا بالله لو حكمونا يهود بنى قريظة بخافوا الله فينا اكتر من الجبهجية


#807806 [غغف]
0.00/5 (0 صوت)

10-23-2013 07:12 PM
تابعو الفضيحة الان هناك تقديم في شركة الاقطان لمنصب الرئيس ونايبه وتقدم العديد من اصحاب الكفات والخبرات والمشهود لهم بالشرف والنزاهة ولهم شهادات عليا وخرة في مجال الاقطان لن يعينيهم وسيعينو اشخاص لا علاقة لهم بالاقطان وكل خبتهم علاقتهم بالمتعافي وانتماهم للموتم الوطني


#807637 [فرح الغلابة]
0.00/5 (0 صوت)

10-23-2013 04:30 PM
ديشااااااااااااااااااااااااك وتقولو لي السودان عندو ديون داه براه بيسدد دين البلد


#807607 [عبد الولي]
0.00/5 (0 صوت)

10-23-2013 03:45 PM
شركة الأقطان أحد أدوات تدمير مشروع الجزيرة
إرجاع الأموال قبل الشنق أو الإعدام
في حالة أنه المبالغ حولت لأقاربهم خاصة الأبناء والزوجة
يحاسبو الأبناء و الأمهات من أين لكم هذا
المصدر أما بيع مخدرات أو غسيل أموات أو إعتراف أنه أموال شعب


#807596 [ahmedali]
5.00/5 (2 صوت)

10-23-2013 03:21 PM
ياجماعة هل تملككم الجن الحكومة كلها حرامية ومجرمين وقتلة واين القضاء الذي تتحدثون عنه اذا كان العوير الاهبل المجرم المطلوب محليا ودوليا علي راس هذه الزبالة

يااخوانا يرحمك الله قوموا الي ثورتكم وخلونا النكنس هؤلاء الحثالة القتلة المجرمين

مافي عفو ومافي قانون مع هؤلاء القتلة العين بالعين والسن بالسن

كل من اجرم او استفاد او تعاون مع هذا النظام المجرم مسجل وسياتي يوم الحساب سريعا باذن الله

الثورة مستمرة ومنتصرة باذن الله


#807566 [دنقس راسك انت سوداني]
0.00/5 (0 صوت)

10-23-2013 02:55 PM
هذا اعتداء ضخم لايمكن ان يتم دون مسانده وتمرير الرئيس وبنك السودان


15 مليون يورو يااولاد الهرمه؟

وينك يابشه ياكذاب؟


#807519 [مدحت عروة]
4.00/5 (1 صوت)

10-23-2013 01:57 PM
ما اصلا الانقاذ ما دولة مؤسسات الاسلامويون الاوغاد استولوا على السلطة وبقوا يتصرفوا فى البلد كانها حقت ابوهم الوظايف الجيش الامن الشرطة العملة وزارة المالية الجمارك الاعفاءات الشركات كل شىء ويجوا يخدعوا الجهلة والغوغاء بالدين والشريعة والاسلام وهم منهم براء براءة الذئب من دم ابن يعقوب ويجوا كمان يشنقوا الناس فى العملة مع انهم ما سارقنها بل ملك لهم!!!!!
الانقاذ ما دولة مؤسسات بل دولة عصابة استولت على مقدرات البلد وعملتها كانها ملك لها!!!!
لكن يا سودانيين الله فى وهسع زى ما بقول ليكم دايما قاعدين يادبوا فيهم فى مصر مهد هذه الحركة الواطية الحقيرة لانهم اصلا ما عندهم ادب ولا اخلاق والدور جايى عليهم فى كل الوطن العربى!!!!
والله يا السيسى ارجل منك الله ما خلق فى الوطن العربى رجل والرجال قليل اديهم بالجزمة التى هى مقامهم!!!!!!!!!!!!!!!!!!!!!


#807511 [حديد]
0.00/5 (0 صوت)

10-23-2013 01:49 PM
هولاء عصابة وجريمة منظمة (اسرق وادعم الموتمر الوثنى وقاسم كبار القعده والباقى اعمل بيه وجاهات واستقطب شوية ضعاف نفوس لخدمة الموتمر وانت من الاخوان(الكيزان) الواصلين.يظهر ديل ماقسموا للمؤتمر واخوان الريس .......ماتوا بيها براهم
والمسالة من اوله همبته جاءو على ظهر الدبابه
الدولة والنظام والشفافيه والوطنية في منطقهم غائبة
ديل ناس فقه الستره والغايه تبرر الوسيله الغايه اصبحت مفضوحه
افسدتم حياتنا.....وافسدتم اخراكم ....(وقد خاب من حمل ظلما)
ولن تفلتوا من القصاص
والثورة مستمرة
المجد والخلود للشهداء
والحرية للمعتقلين وللشعب السوداني الابي
العار والموت للقتلة


#807476 [ابو مازن]
0.00/5 (0 صوت)

10-23-2013 12:57 PM
جماعة الاقطان ديل باين عليهم اخلتفو معاهم ولا ما اكلو معاهم ابو العفين . لان الموضوع وصل النيابة والتحقيق من الممكن ان يكونو كبش الفداء لجيع سرقات الحكومة ويكونو هم من باعو خط هيثرو التابع للخطوط السوادنية وهم من سرقو قروش الزكاة والضرائب وقروش البترول وباعو مشروع الجزيرة و باعو الذهب وقامو بتخريب الخدمة المدنية وتشريد كبار ضباط الجيش والشرطة واكلو قروش الادوية والعلاجات لمرضى الفشل الكلوى والسرطان وسرقو شروق الجبايات وحق النفايات وسرقو عرقنا لمدة 25 سنة
كل شى جااااااااااااااائز


#807429 [سيمو]
5.00/5 (1 صوت)

10-23-2013 11:54 AM
السؤال من هو المالك لشركة متكوت؟؟؟؟؟؟ ولماذا هذه الشركة تحديدا؟؟؟ الإجابة سيفسر الكثير،،


ردود على سيمو
[ana] 10-23-2013 09:47 PM
يا اخواننا ماهو اسم المتهم الاول واسماء بقية المتهمين

United States [حيدر م] 10-23-2013 02:40 PM
شركة مكتوت شركة مملوكة لابن المتهم الاول وكل القضية تدور حول اموال تؤخذ من الدولة فيحولها الاب الى شركة الابن وشركة الابن تقوم بالواجب داخل وخارج السودان وفى النهاية شركة الابن تورد لشركة الاب والدائرة تدور والشعب السودانى مسكين


#807388 [AMJAD]
5.00/5 (3 صوت)

10-23-2013 11:21 AM
الامور واضحه انو النظام فاسد و عشان يقعد فى الحكم لفترة طويله غض الطرف عن عضويته فى نهب المال العام حتى لا يكونوا معارضين له و لما تسرق سوف تخاف التغيير و سوف تحافظ على هذا النظام الذى اتاح لك الفرصه لتسرق , عضوية النظام كلها تم شرائها من خلال بنك فيصل الاسلامى و اى واحد دخل تنظيم الاخوان للفلوس و ليس لله


#807373 [ادروب]
5.00/5 (2 صوت)

10-23-2013 11:08 AM
امثال حرامية شركة الاقطان لا نقبل فيهم اقل من الاعدام في ساحة عامة . اتمني من القضاء ان يقول كلمتة بشجاعة وازا لاتوجدمادة تحكمهم اتركوهم للشعب ؟؟؟؟؟؟؟؟؟؟؟؟؟؟


ردود على ادروب
[cour] 10-23-2013 05:54 PM
واللة يا ادروب طلعت اطيب منى ديل اقصى عقوبة ليهم يمكن واللة اعلم حفظ سورة البقرة وتقصيد المبلغ لمدة 100 سنة مثلا . قال شنق قال يشنق مجدى والطيار ومحمود محمد طة


#807356 [zoul]
5.00/5 (1 صوت)

10-23-2013 10:49 AM
في النهاية تتم تسوية ويطلق سراحهم بقرار رئاسي زي بتاع قوش وود ابراهيم والتسوية تتم بارجاع المبالغ التي نهوبوها في الزمن داك وقد تضاعفت لديهم عشرات المرات وما فارقة معاهم


#807346 [ابو انس]
5.00/5 (1 صوت)

10-23-2013 10:43 AM
الله جازيهم الحراميه لماذ لايظر اسماء الحرامية


#807292 [ابو العباس]
5.00/5 (3 صوت)

10-23-2013 09:50 AM
يا جماعه الحاصل شنو فى البلد؟؟؟ اى واحد يلقى فرصه عايز ينهب؟؟ نحن عايشين وين وماهذه الثقافه الجديده انهب واهرب؟؟ اين التربيه الوطنيه اين العفه والنزاهه اين القيم السودانيه الاصيله؟؟؟لماذا ماتت الفضيله وحلت الرزيله؟؟ لماذا توارى افاضل الناس وظهر الحراميه والنهابين ؟؟؟ ماذا اصابنا؟؟هل هو مخطط مقصود منه خراب السودان وافراغه من كوادره؟؟ لكن هذا زمانك يامهازل فأمرحى


ردود على ابو العباس
United States [محمد علي عبد الله علي] 10-23-2013 12:28 PM
من أمن العقوبة أساء الأدب ... هكذا دوماً نقول ولا يترك الحب على القارب .. ولا يولى الأمر لغير أهله .. هل شحت أرحام السودانيات أن يلدن الأخيار ؟؟؟؟؟؟


#807249 [mohd]
5.00/5 (4 صوت)

10-23-2013 09:12 AM
جاتك يا سفاح القرن (البشير) مقشرة

وجابوا لك دليل الفساد

ورينا حتعمل شنو ؟

يا الدلاهة


#807244 [Mustafa]
5.00/5 (3 صوت)

10-23-2013 09:08 AM
والله ياجماعة الاعتداء على المال العام يعتبر افساد في الارض,في جريمة اكثر من تدمير البنية الحتية للبل,وناس اللاقطان حقوا يصلبوهم ويعلقوهم في ميدان عام,ويعتبروا سابقة قضائية لباقي الجماعة المفسدين واتمنا من الله ذلك.


#807222 [صبرى قليل]
5.00/5 (2 صوت)

10-23-2013 08:39 AM
تركت التعليق هنا نسبة لأنني قص أصبت بمتلازمة مرضية تسمي الضغط انفعالي او الضغط لأسباب غير معروفة حير جميع حكماء البالطوا الابيض ،الا بعد جهد مضني سالي احدهم من ما أدعك عيوني في الصباح الباكر حتي مغيب الشمس ،ولما جات نقطة بفتح الركوبة عند الساعة الثامنة صبحا وحتى العاشرة ومن الثالثة عصرا حتى العاشرة مساء هنا رجع الطبيب الي الخلف وتنهد وقال الحمد لله الوصلتني بدري شوية ،شوف ياابني اكبر غلط انك ان مفروض تكون محصن ومسترخي عشان تقدر تتحمل اخبار زي دي وناس الراكوبة ديل يعملوا ليك شنو يعني، دي الاخبار الماشة اليومين ديل وهم دائماً يحاولوا جاهدين انها تراعي صحة المواطن ومرات بحزروا الزول بقولوا مرضي السكري والضغط يبتعدون اهاا أنتو دابة كدا بتبقي ليكم لذيذة وبتخشوا تقروا ،وبعد داك بتجونا تتبكوا ،الراكوبة سوت لي والركوبة ماخافت الله فينا ، عشان كدا الخبر الفوق دا انا هسة قريتي ومشيت فيهو ساي لكن اقول ليكم شئ خائف أطب ساكت ،وخشيت في حالة اسمها متلازمة التوهان ودى غضب مع ضحك مع سوية حسبلة (يعني حسبي الله ونعم الوكيل)



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة