الأخبار
أخبار إقليمية
الجبهة الثورية ترحب بلقاء السيد الصادق المهدى فى مسعاها لتوحيد قوى المعارضة لاسقاط النظام
الجبهة الثورية ترحب بلقاء السيد الصادق المهدى فى مسعاها لتوحيد قوى المعارضة لاسقاط النظام



10-23-2013 06:05 PM
عقدت قيادة الجبهة الثورية اجتماعا لمناقشة اللقاء المرتقب مع رئيس حزب الامة السيد /الصادق المهدى والوفد المرافق له وتؤكد التي:
1/ الجبهة الثورية مع وحدة كافة قوي المعارضة لاسقاط النظام واحلال بديل ديمقراطي دون اقصاء لاحد من القوي الوطنية.
2/ لقاء السيد/ الصادق المهدي يجب ان يصب في تعزيز وتحقيق رغبة شعبنا في التغيير والوفاء للشهداء الذين سقطوا في المعارك المتصلة ضد نظام المؤتمر الوطني المجرم واخرهم شهداء انتفاضة سبتمبر واكتوبر المجيد.
3/ الجبهة الثورية ستعقد لقاءات لاحقة مع كافة القوي السياسية ومنظمات النساء والشباب و المجتمع المدني لاكمال وحدة المعارضة واسقاط النظام.

ابو القاسم امام
امين الاعلام والناطق الرسمي 23اكتوبر 2013


تعليقات 18 | إهداء 0 | زيارات 3105

التعليقات
#808146 [عادل الامين]
0.00/5 (0 صوت)

10-24-2013 06:40 AM
الجبهة الثورية دي من اتجازوت اسم الحركة الشعبية .ش ونيفاشا والقرار 2046 وبرنامج الامل بتاع انتخابات 2010 ودخلت معها حركات مشترزمة وعنصرية...بقى ما عندها فرق من الامام وكنكوجه...بتاع التراضي الذي تم به ذبح بقرة نيفاشا في مؤتمر صحفي معلن...والفرق بين "رؤية السودان الجديد"الاصل" ورؤية كنكوج الجبهة الثورية"الفجر الجديد"...وكنكوج الامام "التراضي الوطني"...هو الفرق بين ذكاء الراحل العبقري د.جون قرنق...والامام وجبهته الثورية..
واستمرار لاعادة التدوير التي دفع ثمنها الشعب السوداني عبر العصور-النخبة السودانية وادمان الفشل-
يا اخ اي زول ما عايز النظام ده-المؤتمر الوطني-يورينا اول حاجة موقفه من اتفاقية نيفاشا والدستور الانتقالي...ويطلع لينا خارطة طريق مكتوبة وموقوتة واضحة ونشوفا..وتحترم وعي وذكاء الناس...


#808103 [الحقيقة مرة]
4.50/5 (2 صوت)

10-24-2013 02:22 AM
قبل شهرين منعو وفد ممثلي المعارضة النزيهة من السفر للاجتماع بالجبهة الثورية رغم انهم ما كانو زعماء احزاب لكنهم بسمحو للصادق بالسفر للالتقاء و (التآمر) مع الد اعدائهم رغم انو زعيم اكبر حزب سياسي معارض ومصدر خطر مزعوم على النظام المعنى انو الصادق مسافر برضا بل وبتفويض من عمر البشير الشغال معاهو ولدو الكبير الما عوير لانو اساسا جزء من المنظومة الحاكمة في السودان يؤدي فيها دور المعارض ببراعة واقتدار سلبت عقول الدراويش والسذج على فكرة ما كل الكارهين الصادق شيوعيين او متحزبين اساسا ما نحن في الاغلب مواطنين عاديين بمارسو حقهم الفطري في رؤية الاشياء كما هي بدون استغشام واستيهام وخداع نفس


#808093 [محمد حسن أحمد]
0.00/5 (0 صوت)

10-24-2013 01:58 AM
الصادق المهدي خائن وعميل للمؤتمر الوثني كل همه تأمين بقاء إبنه في قصر الرقيص والدواسة والخيابة والخساسة واستمراره مساعد للخنزير الخائب الرقاص على أمل أن يحل محله في القريب وما يخيف الصادق المهدي أن الجبهة الثورية إذا ما نجحت في إسقاط النظام بالسلاح فإن أبنه لن يكون له وجود في السلطة القادمة وربما لايكون له وجود على وجه البسيطة فالصادق يعلم أن الجبهة الثورية كل قياداتها من أبناء الهامش وقطعا لن يكون لأبناء سادة الطائفية وجود بينهم


#808079 [ود الشيخ]
0.00/5 (0 صوت)

10-24-2013 01:10 AM
الجبهة الثورية لو تستمع لالصادق المهدى تكون تنفخ فى قربة مقدودة وتضيع زمنها ويطيل حكم البشير ل 24 سنة قادة ومن بعد ياتى التغير بموت كل من الصادق المهدى والمرغنى


#808036 [nagatabuzaid]
0.00/5 (0 صوت)

10-23-2013 11:59 PM
الجبهة الثورية بعد ترحيبها بلقاء الصادق المهدى ستكون الجبهة الفقرية واللقاء سيكون لتفتيت المعارضة وجهجهتها واللعب بيها ( ده ان كان توجد معارضة اصلا ) الصادق المهدى ما هو الا مريسيلة لتحقيق اهداف حكومة الولدين عبد الرحمن وبشرى


#808023 [د/ نادر]
0.00/5 (0 صوت)

10-23-2013 11:42 PM
سيتفق معكم اذا قلت ليه انت الرئيس وبعد ذلك سياتي الي الخرطوم ليقول للصحفين شيئا غير متفق عليه ولن يخلو من عبارات الجدلية والديلكتيك والصحوة التغيير وليس الاسقاط والمؤتمر الدستوري والجامع
يا اخي في تونس تم انتخاب جمعية تاسيسية وحتي الان غير قادر علي وضع الدستور وكذلك في ليبيا وكما تعلمون عارفين الحصل للدستور شنو في مصر لانو الكيزان يعرقلوا فيها لانهم اي الكيزان عمرهم لا بيعرفوا دستور ولا عايزيين دستور عايزين الشريعة عشان يلعبوا بالعبارات الفضفاضة ويفتوا حسب مزاجهم فقه الضرورة والقرض الحسن وتحليل الربا وجهاد النكاح وزواج المسيار................
هل يعقل الناس ديل يوافقوا علي دستور لا يمكن لعاقل ان يصدق ان الكيزان ممكن يعملوا اي دستور ويمشوا عليه


#808009 [ود الحله]
0.00/5 (0 صوت)

10-23-2013 11:30 PM
توحيد شنو وسجم شنو
نقه سااااااي في الفاضي والله انتو الضيعتونا وضيعتوه البلد دي
لو في سلطه بس في يد الواحد افرتك اي حزب واي رئيس حزب اجلده كل يوم 100 جلده صباحي
نفسي زول يقول لي الحزب الفلاني خدم البلد دي بي كده كلهم عبارة عن مصالح حزبيه وشخصية وركض خلف الكراسي
وووواخ يبلد


#807963 [ماهر]
0.00/5 (0 صوت)

10-23-2013 10:29 PM
يبدو أن الجبهة الثورية لا أمل ولا رجاء فيها هى الأخرى طالما أنها لازالت تراهن وتتعشم في ديناصور إحترق سياسياً منذ أمد بعيد، ووضح تواطؤه مع النظام للقاصي والداني وحتى للأطفال,


#807960 [ماهر]
3.00/5 (1 صوت)

10-23-2013 10:25 PM
معارضة فيها الصادق المهدي لارجاء منها ولا أمل فيها، الصادق سرطان ومعوّق لأى مسيرة ولأى عمل وطني مسؤول، لذا يجب عزله وبتره تماماً.


#807959 [تكني كيكو آكا تمبوشة قيدى]
0.00/5 (0 صوت)

10-23-2013 10:24 PM
افتحوا عينكم كويس من الثعلب المخادع المستعلي العنصري ود المهدي دي يا ناس جبهة ثورية


ردود على تكني كيكو آكا تمبوشة قيدى
European Union [الخزامى] 10-24-2013 08:41 AM
انك امرؤ فيك جاهلية ودا واضح من اسمك ممكن تشرح لينا معنى الجملة المكونة لاسمك دى معناها شنو؟ نحن كلنا نريد تخليص البلد من الخازوق الفيها ثم نرسى نظام ديمقراطى يساوى بين المواطنين فى الحقوق والواجبات.

[جابر جبرالله] 10-24-2013 01:38 AM
انت عنصريتك واضحة واعلم كل واحد فينا لازم يدلي بدلوه ما دام برضو البلد دي حقته !! بكلامك ده انت جاري وراء إقصاء البعض ولكن هيهات


#807874 [Mohammed Hago]
2.00/5 (1 صوت)

10-23-2013 08:49 PM
المثل السودانى يقول ( من جرب المجرب حاقت بيهو الندامه) والصادق مجرب الجماهير تريد اسقاط النظام والصادق يريد تسويه مع النظام لانهم ببساطه اولاد كار واحد لا فرق بينهم فنحن نريد سودان عداله ومساواه وحريه وهذا ما لايطيقه الصادق,, فهو يريد ويجيد القفز فوق كل المراحل لكى يثبت نفسه ووضعه وهذا لا يجيده الا فى وجود المؤتمر الوطنى..... اخيرا فكر فى بندقيه الجبهه عشان توصلو للكرسى..


#807857 [أبوديدى]
0.00/5 (0 صوت)

10-23-2013 08:22 PM
شكلو البيان ده حيحبطو ويخليهو مايسافر؟!!
وفى إعتقادى أصلا مسافر ﻹقناع الجبهه الثوريه بوضع السلاح والعوده للمشاركه فى الحكومه التى سيكون رئيس وزرائها بإتفاق سرى مع المؤتمر
الوثنى وكمان معاهو الديناصورمحمدعثمان الميرغنى؟!!
وجرت العاده كل مالناس تخطوا خطوه لﻷمام يجى (السيدان) بالنكسات والخذلان والتراجع تحت مبدأ وشعار(يافيها.... يانفسيها)؟!!
أكان للحكومه أوالمعارضه !!
ياناس الجبهه الثوريه أحرقوا هذين الكرتين مثل ماحرقتهما اﻷحداث
وحرقتهما جماهير الشعب السودانى وتعاملوا مع فصائل الشعب الحيه
وأتركوا اﻷصنام فهى رميم..


#807854 [الخمجان]
0.00/5 (0 صوت)

10-23-2013 08:17 PM
اها يا الشيوعيين راحت ليكم فى الموية الجبهة الثورية ترحب بالامام وتعتبره رجل وطنى ومعارض للنظام تانى ح تقولو شنو فى الكيبورتات؟؟؟؟؟
نصيحة للجبهة الثورية :
احزرو الشيوعيين وعلموهم سياسة كما علمهم الدكتور قرنق واتغدو بهم قبل ان يتعشو بكم
التحية للدكتور قرنق الذى لعب بعقول الشيوعيين وجعل اضحكومة فى الملعب السياسى
ركوع فاطمة احمد ابراهيم للحركة الشعبية لم يشفع للشيوعيين من ان يستقلهم قرنق اسوا استقلال


ردود على الخمجان
United States [أبوديدى] 10-24-2013 12:25 AM
خمجان الحزب الشيوعى تاريخه أعرق من تاريخ سيدك أبوكلام فى التحالفات السياسيه..
أنظر ﻷفعال أبو كلام فى اﻵونه اﻵخيره العامله زى
الديك المابعرف الوقت كلها خمجانه وخبث ومكيده للشعب السودانى؟؟!!

[ساب البلد] 10-23-2013 08:49 PM
يا ود انت اصلاحي ولا سائحون ؟؟.. شن جاب لي جاب الموضوع عن سيدك المهدي الغواصة الخاين ..قرنق ضحك علي سيدك علي عثمان خلاهو وقع الاتفاقية..


#807828 [عطيطو الاسوانى]
0.00/5 (0 صوت)

10-23-2013 07:41 PM
اية الفرق بين المؤتمر الوطنى والجبهة الثورية الكل يدعى احقيتة بحكم السودان ارى فشل المجموعتين فى حكم السودان . المؤتمر الوطنى عمل اخطاء كبيرة فى حق الوطن والموطنين . اما الجبهة الثورية فقد سفكت دماء كثيرة لذا ارى ان الجماعتين غير جديرين بحكم السودان فهم عملة ذات وجهين . ارى التغير يجب ان يتم بواسطة الشرفاء من الغالبية الصامتة والاجيال الحديثة من الطلاب والمراة والعمال والمزارعين والنخب . وابعاد كل من اجرم فى حق الوطن وخاصة عملاء الجبهة الثورية والمؤتمرجية . وبالله التوفيق .


#807826 [in coma]
0.00/5 (0 صوت)

10-23-2013 07:37 PM
almhdi like thim.its all about mony .


ردود على in coma
European Union [ساب البلد] 10-23-2013 08:53 PM
اكيد انت من ناس ثورة التعليم بروفسير ابراهيم احمد عمر .. انشاءالله الكتبتو دا ما يكون انجليزي؟


#807800 [Abdulla Eed]
5.00/5 (1 صوت)

10-23-2013 07:07 PM
هذه الثورات الخالدة والتنويرية العظيمة أنها لم تكن بهوية عرقية أو دينية، ولم تحمل طابعاً مذهبياُ، او إرثاً قروسطياً، ثورات على القيم والمفاهيم والعقول المتكلسة لم يتنطع لقيادتها الملتحون بجلابيبهم القصيرة الملوثة بزفر البداوة وعفن التعصب والكراهية والتمذهب الرخيص، وكان الكهنوت الديني الفاشي الرذيل الخبيث السرطاني المتشيطين، وبرموزه المتأبلسة والمتدورشة، والمختبئة خلف الغيب والأساطير والدجل والشعوذات من أولى أهدافها الثورية العظيمة.


ثوار خرجوا من تحت جلباب القرضاوي وجبة العرعور وعمامة ابن آل الشيخ، وتربوا في حضانات ومفاقس ومداجن الشيوخ النعاج رافعين يافطات الحروب الدينية والتصفيات المذهبية والتطهير العقائدي ضد الأقليات،


ان زمن الأيدلوجيات وفرض المعتقدات قد ولى وليعلم جميع منظري الأحزاب الحجريه الذين يحاولون سرقة ثمار الثوره ليؤسسوا ديكتاتوريه جديده ربما اسوأ من قبلها ان الحزب الوحيد الذي تنسب اليه هذه الثوره هو حزب الفيس بوك ....

مع الكلاب الوهابيين الانذال لا ينفع الا الرصاص ...



زمن المهمشين: لا صوت يعلو على صوت الصامتين!!!!


#807787 [ساب البلد]
5.00/5 (1 صوت)

10-23-2013 06:48 PM
ياها الخربت .. يا الراجينكم قنعنا من خيرها .. اكيد ح يعمل رئيس ..هوي يا ناس الجبهة الثورية ود المهدي غواصة وانتو عارفين كويس ؟


#807757 [بعشوم]
5.00/5 (1 صوت)

10-23-2013 06:19 PM
ناس لبجبهة الثورية مفتحين يا سيدي الامام ، حركاتك دي كلها فاهمنها .. عشان تكون عارف بس ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة