الأخبار
أخبار إقليمية
ضبط ابن والٍ بدارفور و(30) شاباً وفتاة في حفل (دي جي) بالـخرطوم
ضبط ابن والٍ بدارفور و(30) شاباً وفتاة في حفل (دي جي) بالـخرطوم



10-24-2013 05:11 AM
الخرطوم
بدأت أمس بمحكمة النظام العام بالخرطوم شرق، محاكمة ابن والٍ بدارفور و(30) شاباً وفتاة، في عدد من من الاتهامات، تتضمن الأفعال الفاضحة ومقاومة الشرطة، واستعمال القوة الجنائية، ويواجه أحدهم تهمة السكر بجانب المادة (5) من قانون النظام العام المتعلقة بإقامة حفل دون تصريح.
وكانت قوة من شرطة أمن المجتمع قد دهمت ليلة أمس الأول حفل (دي جي) أقيم بصالة أفراح بشارع (مدني ـ الخرطوم) أحياها فنان (دي جي) معروف، تم إحضاره من دبي، ووجدت الشرطة اختلاطاً بين فتيات وشباب داخل الصالة، وبعض الفتيات يرتدين زياً قصيراً فاضحاً، وعثرت الشرطة على أفلام فاضحة في موبايلات بعضهم، وأوقفت (22) شاباً و(8) فتيات بعد مقاومة، ونشب خلاف بين الشرطة وابن الوالي الذي رفض الانصياع للشرطة والصعود إلى (البوكس)، معللاً بأنه صاحب منصب دستوري.
هذا وقد استجوبت المحكمة أمس الشاكي والشهود، وينتظر استجواب المتهمين اليوم، وتتراوح عقوبات التهم الموجهة للمتهمين بين السجن ستة أشهر مع الغرامة، أو الجلد والغرامة.

المجهر


تعليقات 33 | إهداء 0 | زيارات 9212

التعليقات
#809105 [دارفورى]
0.00/5 (0 صوت)

10-24-2013 11:54 PM
ياولدى اتق الله . حاشية أبوك فى دارفور (بيبخروا فى أبوك حتى لا تشتم فيه رائحة الفساد , وانت (تفسى) حتى انطبق عل23يكم المثل القائل: يبخروا فيها وهى .......
الله يرحم ناس دارفور
ملحوظة :جاء التعليق بناء على تأكيد احد القراء بان الوالى هو كبر والإبن هو محمد (يسلم نبينا) ولم يترك شاردة او واردة الا احصاها.دمتم


#809089 [سوداني نزيه]
0.00/5 (0 صوت)

10-24-2013 11:27 PM
ههههه انا زاتي والله حسيت انو حيكون ود كبر لانو متاثر بنيلي والنقرز حقين امريكا من ايام الجامعه بناطلينو ناصله بورا وكلها جنز فضفاض..اتخيلو في بيتو عندو غرفه جزم كامله نظام رفوف وكلها ماركات عالميه بتديك احساس انو خاشي بوتيك ووقتها سايق عربيه حرم ماشفتها في حياتي الا في لعبه نيد فور اسبيد حقت البلي استيشن مشى قالينا جابه من دبي كلفت معاهو 250 مليون والعجب وقتها الدولار كان ب2ونص تقريبا..غايتو لك الله ياوطن


#808989 [عباس]
5.00/5 (1 صوت)

10-24-2013 09:21 PM
كلابهم دستورية اعملوا حسابكم لو في واحد رمى كلب بحجر او عصى لو عضاك مل تسالو لانه كلب دستوري


#808969 [ابو البــــــــــــــنات]
5.00/5 (2 صوت)

10-24-2013 08:57 PM
ديل برضو ضحية تجويع الحكومه ياود الهدى


#808951 [اب عاج]
0.00/5 (0 صوت)

10-24-2013 08:22 PM
الحكومة كان بامكانها التستر عليهم بحكم الحصانة وكده .. وهذا المفروض يحصل لانه الدولة ما فيها قانون بحاسب المسئولين وابناء المسئولين .. لكن عايزين يروكوم حاجة واحدة بس هي ان الفساد موجود ابيتم ام رضيتم(نحن كده) وهذه واحدة من ادوات اذلال الشعب لكسر ارادته والعجيب في الامر ان الحكومة تستخدم في ذلك فئات معينة ولو ان هذا حدث من ابناء الجاز او نافع لما تجراء احدا من الاقتراب منهم لان حصانتهم درجة اولى (خط احمر) ولا يمكن ان يستخدموا كأدوات سياسية .. دي الماسونية الانقاذية .. اذا بحثت عنهم في المساجد تجدهم واذا بحثت عنهم في بيوت الخمارات والدعارة ايضا تجدهم .. كيف تفسرون ذلك .. اترك الاجابة لكم


#808942 [Amjad]
0.00/5 (0 صوت)

10-24-2013 07:56 PM
منصب دستوري!!!! السودان أصبح بلد الغرائب والعجائب ولا أعجب من أن ياتي شخص بعضمه وجلده (مافي شحم ولا لحم) ويقف أمام موظف المعاشات ويطلب منه أن يأتي بشهادة حياة!!! يعني مثلا الواقف قدامك دا شبح ولا بضاعة صينية مقلدة ياأبن العم . ياراكوباب أود أن اشاطركم واشارككم بقصة حدثت معي العام الماضي حيث حزمت حقائيبي وتوجهت لوطني وبلدي السودان لقضاء ألاجازة بين الاهل وألاصدقاء وكنت أمني النفس أن لا يعكر صفو هذه الاجازة شيء أبدا حتي أذا صفعني أحدهم علي خدي الايمن بديهو الايسر طوالي ومعاهو ابتسامة كمان تحاشيا للمشاكل والنرفزة ، كانت لدي مشكلة صغيرة في جواز سفري ذلك الجواز الذي يطرني للذهاب للسفارة كل عام ويحلبون ماأملك ومالاأملك المهم المهنة في الجواز لم تكن مطابقة لشهادتي التي أفنيت فيها جل شبابي ذهبت لما يسمي بالقضائية ووجدت ضابط برتبة ملازم يقوم بتخليص معاملات الناس ويعلم الله من ماشفتو قلبي أباهو وقفت في الصف وكنت أتمتم وأتحصن بأية الكرسي والمعوزات والاستغفار حتي يعدي هذا اليوم علي خير، وصلت وأمسك بالاوراق يقلبها يمينا وشمالا شوية يعاين في الورق وشوية يعاين لي المهم في ألاخر قال لي مافي تعديل مهنة( شكلوا مااستلطفني ) فسألت ليه ياجنابو اوراقي مكتملة وموثقة وكل شيء تمام رد بعنجهية يازول مافي تعديل وماتكتر كلامك وخلينا نشوف البعدك!!! المهم زعلت من الطريقة والاسلوب قلت ليهو انت ماأديتني اجابة مقنعة ليه المنع ومين اللي منع وهسي أنا اعمل شنو؟ المهم قال لي يازول أنت معطل الناس أمشي من هنا قبل ماأتخذ فيك اجراء قانوني وتاني مهنتك دي لما تموت ماتعدلا!! بعدها تحركت وكان لي قريب من جهابزة المشير الامير البشير وهو صاحب رتبة وماكنت لاحتاجه لولا البروقراطية والتعالي في التعامل مع المواطنين المهم رويت له كل ماحدث وطلب حضوري لمكتبه وأرسل احد الاشخاص وأحضرو الملازم فلما راني أصبح يعتزر ويتعلل بانني لم اعرفه بانك قريبي وانني من طرفه في تلك اللحظة ركبت مكنة قريبي صاحب منصب دستوري أنا زاتي هسي دستوري وأتفشيت واتفلهمت واتفاصحت واتجدعت في الراجل لما رضيت من نفسي .. المهم قلت لقريبي قسمتم السودان اجتماعيا وقبليا جعلتم الناس شيعا منهم الكوز ومنهم الجك ومنهم الطشت زاتو.... طبعا أنتهرني وقال يازول ماتتكلم في السياسة قلت له طبعا فهنا يمكنك ان تقتل وتنهب وتسرق وتكون حرا طليق ومافي احد يقول ليك تلت التلاتة كم لكن تتكلم في الكيزان فأنت الطابور الخامس والمتأمر مع اليهود وووو....
ألان في وطني ان لم تكن كوزا او تعرف كوزا فحتما ستموت من العطش .
دستوري+ دستور+ مدستر+ بشير الحبشي+ الخواجة= نده للشيطان والجان والاخوان وياحكومة الدستوريين وابنائهم يعفو ويرضو.
تعريجة:-
الفاضلة (تينا ) تحياتي لك وعيدك مبارك وكل سنة وانتي طيبة وربي يحقق جميع الاماني الهينة والقاسية


#808940 [مواطن غلبان]
0.00/5 (0 صوت)

10-24-2013 07:50 PM
كتلوا اولاد الناس في المظاهرات بدم بارد و ما ربوا اولادم يعني الواحد ما فادر يدي ولدو كف لكن عندوا الرصاص اسهل في قلوب وعقول اولاد الناس المربيين والشجعان


#808667 [تينا]
5.00/5 (2 صوت)

10-24-2013 02:31 PM
((( معللا بأنه صاحب منصب دستورى ))) ؟؟ سبحان الله يعنى الناس ديل أولادهم وأهلهم ونسابتهم وحتى جيرانهم بيجاه الملوك يلوكوا ؟؟ يا حليلكم يا أهل السودان الفضل المساكين حقوقكم ضايعة فى حاجات فارغة وانتم الضروريات فى تلتلة لكن ربنا موجود .


#808658 [عارف]
5.00/5 (2 صوت)

10-24-2013 02:22 PM
هذا الصائع تزوج من احدى بنات الاسر المحترمة جدا وتحمل الجنسية البريطانية وانجب منها طفلة وذهب بها الى الفاشر وهنالك ضربها واهاهنها
وهربت البنت الى اهلها بالخرطوم ومنها الى بريطانيا وهنالك ارسل والده الهمبول كلاب السفارة الى الزوجة بغرض تهديدها وسحب البنت منها ولكنهانسى انها تحمل جنسية دولة لا تعترف الا بالحقوق
وكانت زوجة كبر هى الامر الناهى فى كل هذه القصة
كبر لا قادر تربى
ولا قادر تدير
الله يمرقك من موسى هلال
كلكم الى مذبلة التاريخ


ردود على عارف
United States [الصادق صديق الصادقين] 10-24-2013 11:54 PM
وريتنا حاجة!!!!!


#808606 [مهاجر]
5.00/5 (1 صوت)

10-24-2013 01:41 PM
طبعا الكبار مشغولين باللهف وتكويش الفلوس عشان كده ما عندهم وقت للتربية .


#808583 [كتمت]
5.00/5 (1 صوت)

10-24-2013 01:22 PM
ود الوالي دفعوهو تلتمية جنيه غرامة بسبب تهديدو لضابط الشرطة باقي. المواد من لبس خليع وسكر حصانة والدو شفعت ليهو
ما تنسو يا جماعة هى لله


#808530 [العمده]
5.00/5 (2 صوت)

10-24-2013 12:39 PM
هذا الخبر صحيح 100% وابن الوالي هذا محمدابن الوالي المنافق عثمان كبر والي شمال دارفور قبض ومعهم فتيات عاهرات واولاد شواذ وجميعهم في حالة سكر واعمال مخلة بالاداب والحياء وحسب التحريات قاموا باحضار الفرقة الموسيقية من دبي بمبلغ 290 مليون .. هذا من اموال الغلابة والارامل والمشردين في معسكرات النازحين والايتام الذين يفتقدون لابسط مقومات الحياة الادمية وهذا الابن المدلل له شركة خاصة في ماليزيا وله عمارة من 4 طوابق وراكب سيارة v x r وسيارة اخري مارسديس موديل 2012 ...وبرضوا يقولوا في تقشف وماخفي اعظم


ردود على العمده
European Union [أزمة الخبز] 10-24-2013 02:47 PM
قبض ومعهم فتيات عاهرات واولاد شواذ = تلتمية جنيه غرامة
إحتجاجات أزمة الخبز = بالهروات والغاز المسيل للدموع


قاموا باحضار الفرقة الموسيقية من دبي بمبلغ 290 مليون
أزمة الخبز


قاموا باحضار الفرقة الموسيقية من دبي بمبلغ 290 مليون
أزمة الخبز


قاموا باحضار الفرقة الموسيقية من دبي بمبلغ 290 مليون
أزمة الخبز


#808443 [ود الدلنج]
5.00/5 (1 صوت)

10-24-2013 11:20 AM
إذا كان ولد عوض الجاز شال (10مليون دولار ) وسافر بيها دبي ، ومعاه تفويض من بنك السودان ، فنتوقع أن يقول ابن الوالي أنه صاحب منصب دستوري . ما أصبح عندنا في السودان في عهد الإنقاذ الدستوري يوزع حصانته على كل من هو مقرب منه فما بالك بإبناءه . إذا كانت زوجة الرئيس تستخرج جوازات دبلوماسية لمجموعة من الشماسة من حولها يتجولون معها في أسواق الدنيا ! فكيف ما يقول ولد الوالي أنا صاحب منصب دستوري .
بعدين فهمونا يعني شنو حفلة (دي جي) يعني ديك وجدادة ولا يعني شنو والله العظيم ما عرفها مع أني متخصص في اللغويات والمصطلحات العلمية والفنية . والله دي ما سمعت بيها قبل كدة . وأوع يكون مقصود بيها حفلات أولاد الأمريكان طلاب الثانوي التي يقموها في بيوتهم حفلات المجون الصاحبة التي يصورونها في أفلامهم ، والتي فيها السكر والمخدرات والدعارة وعبادة الشيطان والشذوذ وغيرها من فسوق وفساد أخلاق؟ لو بقت دي جي هي المذكورة على الدنيا السلام . شوف الفرق بين من يقتل وهو يرتدي هدوم المدرسة وبين من يقيم مثل هذه الحفات أي مورد يرده الاثنين؟ الحمد لله والعياز بالله من .....!!!!!!


ردود على ود الدلنج
European Union [tejani] 10-24-2013 07:50 PM
دى جى هى اختصار ل disck jocky و الباقى عند بت امدرمان

[بت أمدرمان] 10-24-2013 04:51 PM
دى جى يعنى واحد قدامه جهاز إسمه ميكسر بيشغل عليه أغانى لفنانين مختلفين، مافى فواصل بين الأغانى ، يعنى حكاية مستمرة عشان الرقيص ما يقيف. حكاية مكسنة الأغانى دى عندها زول متخصص بعملها بسموه دى جى و بقى فى نجوم كبار عالميا بعملوا الحكاية دى و أسعارهم عالية جدا بالرغم من إنهم مجرد مشغلين لأغانى الغير، عشان كددة قال ليك تكلفة جيبتهم من دبى كانت 290 مليون، و دقى يا مزيكة فعلا

United States [ابو الطب] 10-24-2013 04:37 PM
دى جى تحريك ومزج الاغانى التى توجد على الاسطوانات بصورة احترافية حفلة بدون فنان

United States [لتسالن] 10-24-2013 03:47 PM
* بما(أني متخصص في اللغويات والمصطلحات العلمية والفنية) فيجوز لي ما لا يجوز لغيري أن أكتب عامدا (العياز بالله).


#808430 [مشتهيك انا يا بلد]
0.00/5 (0 صوت)

10-24-2013 11:14 AM
دى جى جابوهو ناس البشير مع الهوت دوغ
الله يدقدق اول شنو بس


#808414 [الحقيقة]
0.00/5 (0 صوت)

10-24-2013 11:00 AM
قاعدين يقلعوا الموبايلات في أقسام الشرطة وينزلوا فيها أفلام وصور اباحية عشان يحاكموا الضعفاء وفي أقسام الشرطة في أي دولة حاجة اسمها الحرز يعني يتم حفظ الأشياء بعد تحريزها وتشمع ولا تفتح الا يوم المحكمة عن طريق القضاي لكن في السودان أي شرطى لو عايز ينتقم أو يبتز أسهل وسيلة تنزيل الصور في الموبايلات ...


#808399 [abu khaled]
0.00/5 (0 صوت)

10-24-2013 10:45 AM
التسوي قريض تلقى في جلده ودي من اموال السحت والحرام وربنا ينتقم منهم كمان وكمان


#808384 [البزقلى]
0.00/5 (0 صوت)

10-24-2013 10:35 AM
)، معللاً بأنه صاحب منصب دستوري.

حتى أبن الوالى صاحب منصب دستورى ؟؟ سبحان الله وتلقاه بيأخذ مرتب برضه ,, والله دى أكبر مصيبه ,, أى واحد شغال في منصب أولاده عندهم جوازات دبلوماسيه ,, ومناصب دستوريه ,, بالله في فساد أكثر من كده؟؟؟؟؟؟؟؟؟ لاحول ولاقوة الابالله


#808364 [اب غزالة]
0.00/5 (0 صوت)

10-24-2013 10:19 AM
يا عمك عمر البشير اقرأ الراكوبة يا حبيبى


ردود على اب غزالة
[بت أمدرمان] 10-24-2013 04:53 PM
و كان قرا؟ ولاشى إنت قايل الحاصل دة هو ما عارفه؟ و الله عارف اى حاجة عامل شلاليفو الكبار ديل الورموا من أكل حقنا.الله يورينا فيه يوم


#808293 [كوكو]
0.00/5 (0 صوت)

10-24-2013 09:15 AM
؟؟؟؟؟؟؟؟؟؟؟؟؟؟؟؟؟؟؟؟؟


#808282 [البشير دفع الله]
0.00/5 (0 صوت)

10-24-2013 09:07 AM
هي ذاته الولايات الأنشطرت زي الاميبيا دي ما عرفنا عددها كم زي الوزراء ( الما معروف عددهم كم )وزراء اتحاديين ووزراء ولايات ووزراء دولة بالوزارات ومش عارف شنو بشنو .
لكن واحد من احتمالات
اما يكون الاولاد القبضوهم في الحفل دا , زوبعة في فنجان وعاوزين يلهو بيهم الناس عن ضنك المعيشة ومواصلة التظاهرات لأنها ما أول ولا آخر حفلة من النوع دا وبحضور ابناء مسعولين .
أو يكون تصفية حسابات مع الوالي ( الما معروف لحدي هسع هو منو ) كورقة ضغط عليه أو لتأديبه في أمر بعرفوه الكيزان براهم زي تصفية الحسابات مع البلدوزر بتاع بورتسودان نائب رئيس المؤتمر الوطني , لأنو الفالتين من الكيزان ( اسكت ما تعدش ), بس شقي الحال هو البقع في القيد
أو حيتم اطلاق سراح ابن الوالي ومحاكمة بقية المقبوض عليهم , ومنع الصحافة من تداول الموضوع .

والسلام على من اتبع الهدى

وهي لله هي لله


#808265 [locolo]
0.00/5 (0 صوت)

10-24-2013 08:47 AM
بتاع المنصب الدستورى ده آكيد حيكون ولد كبر والى شمال دارفور ... هذا زمانك يا مهازل فامرحى ...


#808263 [salhajsasa]
0.00/5 (0 صوت)

10-24-2013 08:45 AM
اقتباس وتعليق

هذا وقد استجوبت المحكمة أمس الشاكي والشهود، وينتظر استجواب المتهمين اليوم، وتتراوح عقوبات التهم الموجهة للمتهمين بين السجن ستة أشهر مع الغرامة، أو الجلد والغرامة.

وتتراوح عقوبات التهم الموجهة للمتهمين بين السجن ستة أشهر مع الغرامة، أو الجلد والغرامةاومخارجة بن الوالى لانه ابن لاحد آله الحكم فى السودان .... تفوووووووووووووووووووووووووووووووووووووووووووووووووو عليكم


#808261 [صاحب منصب دستوري]
0.00/5 (0 صوت)

10-24-2013 08:44 AM
صاحب منصب دستوري؟!!ما زي د. سمر ميرغني واستاذة رانية مأمون والشباب الما عارفين اهلهم للان هم وين، على أساس (المنصب الدستوري) يفعل ما يشاء هذا هو غاية ما ورثه وفي الضيق ويباس الريق الحاصل في دارفور خاصة والناس في معسكرات وموت دفع كم مليون ايجار صالة وفنان من دبي.. وثق يا تاريخ ليكم يوم قريب .. اللهم بجبروتك وقوتك أرنا فيهم يوماً قريباً


#808249 [تنقل]
0.00/5 (0 صوت)

10-24-2013 08:28 AM
أبوك الوالي بكون تمومة جرتق ياولدي..بس العايز اعرفو ديل بشيلوا تلفونات الناس ليه ويفتحوها كمان والله أنتو بس.......


#808246 [Salim]
0.00/5 (0 صوت)

10-24-2013 08:25 AM
يدوهم سلطة يحولوها فساد ما يدوهم يحولها حرب في إيه ؟؟


#808236 [حاتم أب تفة]
0.00/5 (0 صوت)

10-24-2013 08:18 AM
صاحب منصب دستوري..!!
طالما أبن الوزير يُكتب في جوازه وفي خانة المهنة "ابن وزير".. فعادي أن يكون ابن الوالي صاحب منصب دستوري..!!


#808232 [عصمتووف]
3.00/5 (1 صوت)

10-24-2013 08:15 AM
الشائهين المنحرفون من يسمون انفسهم بقادة الدولة يرفع اصبعة مهللا ومكبرا يريدون تطبيق شرع الله في خلقة وبالاكراة ويصفوننا بالعلمانين اعداء الله في الارض والواحد بيته فااااااااااكي يا تري كيف حال زوجاتهم هل خانن وهل يمارسن الحب خارج نطاق الحياة الزوجية مع الحرس او الخدم ام السواقين اما الشباب او في بعضهم يتبادلون الزوجات والبنات الجمل ما بشوف عوجة رقبتو احكمو بيوتكم بالاول وطبقوا في شرع الله قبل الشارع


#808213 [محمد علي]
0.00/5 (0 صوت)

10-24-2013 07:56 AM
انا ما فاهم( د جي) الحمد لله رب العالمين


ردود على محمد علي
[ديامي قديم] 10-24-2013 09:03 AM
DJ is a person who plays records and comments on them
على ما اعتقد أن الدي جيه هو الشخص الذي يقوم بتشغيل اسطوانات الديسكو والتعليق عليها أثناء الغناء والرقص

United States [salhajsasa] 10-24-2013 08:47 AM
ياحماده د= معناها دجاج و جى= معناها جداد انشاء الله تكون استبينايافردة


#808204 [شمبات]
0.00/5 (0 صوت)

10-24-2013 07:51 AM
ياتو قانون فى الدنيا بسمح بتفتيش التلفونات؟؟؟؟؟!!!!
سودانا فوق
عاش حزب المؤتمر اللاوطني الحاكم


#808176 [ديامي قديم]
4.00/5 (1 صوت)

10-24-2013 07:10 AM
بس ابن الوالي دة أوع يفكوه بالواسطة ويروحو فيها أولاد المساكين ... لذا نتمنى العدل في هذه النقطة فيما يتعلق بتنفيذ الأحكام


#808174 [omda]
0.00/5 (0 صوت)

10-24-2013 07:08 AM
ياجماعة د.جي معناها شنو والله طولنا شويه من السودان وماعارف المصطلح ده معناه شنو


ردود على omda
European Union [ahmed] 10-25-2013 02:36 AM
الركة في عم جوجل

[كاره الكيزان محب السودان] 10-24-2013 09:22 AM
يا عمدة هاك التعريق التالي من الموسوعة الحرة (Wikipedia)


ال دي جي هو اختصار لكلمة دِيْسْكْ جُوكِيْ (بالإنجليزية: (Disc Jockey) - بالإنجليزية: (DJ) ويقصد بها مقدم الأغاني المسجلة أي الشخص الذي يتولى اختيار وتقديم الأغاني والألحان المسجلة مسبقا لمجموعة من الناس يُسمون الجمهور. ومقدمي الأغاني مقسمون عادة إلى مجموعات وفئات مختلفة فمنهم مقدمي أغاني الراديو (بالإنجليزية: Radio DJs) يقومون بتقديم الأغاني على إذاعات الراديو المختلفة، ومقدمي أغاني النوادي (بالإنجليزية: Club DJs) يقومون بتقديم الأغاني في النوادي والبارات وصالات الرقص والحفلات المتنوعة، ومقدمي أغاني الهيب هوب (بالإنجليزية: Hip Hop DJs) يقومون بتقديم الأغاني من نمط الهيب هوبوينوعون في ألحانها وأغانيها وهم الذين عادة ما يرافقون مقدمي ومضيفي البرامج والأمسيات أو الحفلات بحيث يسدون الثغرات والفواصل أثناء التقديم أو يجارون المضيف في تقديمه للبرنامج. و بدأ ظهور مقدمي الأغاني أوائل القرن العشرين بعيد اختراع الفونوغراف ومهنة تقديم الأغاني تتطلب عادة الموهبة والعلم في آن واحد كما ويمكن دراستها في الجامعات والمعاهد والمدارس الموسيقية [1].و من أشهر مقدمي الأغاني على الصعيد العالمي دي جي تييستو "tiesto" هولندي الأصل [2][3]وعلى الصعيد العربي دي جي سعيد مراد.

[ديامي قديم] 10-24-2013 09:00 AM
DJ is a person who plays records and comments on them
على ما اعتقد هو الشخص الذي يقوم بتشغيل اسطوانات الديسكو والتعليق عليها أثناء الغناء والرقص

United States [oskar] 10-24-2013 08:55 AM
دي جي جهاز تشغيل شرائط كاسيت وسيدهات والله اعلم

United States [salhajsasa] 10-24-2013 08:48 AM
ياعمودى د= معناها دجاج و جى= معناها جداد انشاء الله تكون استبينايافردة


#808170 [ابومرام]
0.00/5 (0 صوت)

10-24-2013 06:59 AM
وقال انه صاحب منصب دستوري؟؟؟؟؟؟؟؟؟؟؟؟؟؟ وينك ياحاج بشة تشوف المهازل الحاصلة دي قال منصب دستوري والله لو سالوه يعني شنو منصب دستوري يكون ماعارف يكون ابوه قال ليهو اذا وقعت في ورطة قول ليهم انك صاحب منصب دستوري يعني اصحاب المناصب الدستورية لا يطالهم القانون ؟؟؟؟؟؟؟؟؟؟؟؟


#808166 [محمد]
1.00/5 (1 صوت)

10-24-2013 06:48 AM
هكذا هم حكام السودان آلان لا يلدون الا فاجرا كفارا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة