الأخبار
أخبار إقليمية
نزوح اكثر من ثلاثه الف مواطن بولاية النيل الازرق الي معسكر كبرى خمسه للاجئين بدولة اثوبيا.
نزوح اكثر من ثلاثه الف مواطن بولاية النيل الازرق الي معسكر كبرى خمسه للاجئين بدولة اثوبيا.



10-25-2013 08:07 PM
نزح اكثر من ثلاثة الف مواطن من مناطق قيسان والقري الواقعة بمحلية قيسان وجبال الانقسنا بولاية النيل الازرق، الي معسكر كبرى خمسة بدولة اثيوبيا, بسبب الحرب الدائره بين الحكومة السودانية والحركة الشعبية قطاع الشمال وذلك خلال فترة عيد الاضحي المبارك .

وقال السكرتير العام للاجئيين السودانيين بمعسكر كبرى خمسة للاجئين احمد الجمري في تصريح لسودان راديو سيرفس يوم الجمعة من المعسكر، بان 3 الف لاجئ وصولوا الي المعسكر فى الاسبوع الماضى وان هنالك اعداد كبيرة اخري مازالت عالقة بالغابات في الحدود بسبب هطول الامطار ووعورة الطريق. وقال " مع العيد ده طوالي نزوحوا لينا اكثر من ثلاثة الف مواطن الأن و في ناس عالقين في الغابات لسه وهم ساعين يدخلوا المعسكر, لكن العربات ما بتقدر تدخل هناك عشان ترحلهم , والناس ديل باطفالهم تعبانين وجعانين" وأضاف "الناس القدروا مرقوا من هناك هم هسع وصلوا الي معسكر كبري

خمسة وفي ناس لسه في منطقة بقولوا ليها تيمينه. العربات ما قدرت تصلهم بسبب الامطار الغزيره الناس لسه في الغابات و بيعانوا من نقص في الادويه والاكل"

وتوقع الجمري بأن يصل عدد اللاجئين الجدد الي 5 الف لاجئ مضيفاً بانه سيتم توزيعهم على معسكرات تنقو وكبري خمسة وبمبسي .

وتشير تقارير الامم المتحده لشؤون اللاجئين بإثيوبيا بان عدد اللاجئين السودانيين الفارين من المناطق الحدودية بولايتي النيل الأزرق وجنوب كردفان الى معسكرات اللاجئين في غرب إثيوبيا وصل الى أكثر من اثنين وثلاثين ألف لأجيء.

سودان راديو سيرفس


تعليقات 1 | إهداء 0 | زيارات 1777

التعليقات
#809782 [مدحت عروة]
0.00/5 (0 صوت)

10-25-2013 10:53 PM
يا ناس الجبهة الاسلامية القومية ما فيكم واحد يعمل انقلاب ويوقف هذاالعبث البتقوم بيه الديمقراطية الثالثة بقيادة الصادق المهدى:
الجنوب انفصل والحروب بقت فى الشمال واللاجئين بقوا من الشمال داخل وخارج الوطن والزراعة انتهت والجنود الاجانب ملو البلد ومجلس الامن مطلع كذا قرار فى السودان ورئيس الوزراء الصادق المهدى مطارد من المحكمة الجنائية الدولية.
نريد من الجبهة الاسلامية عمل انقلاب لانقاذ السودان من حكم الصادق المهدى!!!!!!!!!
اتو مش الحاكمنا الصادق ولا انا ما جايب خبر ساكت؟؟؟؟؟
اصلى انا يادوب صحيت من نومة كده فى كهف من الكهوف من اول يونيو 1989 ويادوب صحيت من النوم!!!!!
كسرة: انتو حسن البنا وسيد قطب ديل لو ابواتهم اليوم داك ناموا ساكت ما كان افضل للاسلام والمنسلمين؟؟؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة