الأخبار
أخبار إقليمية
الحاج ساطور يسخر من المتظاهرين ويصف دعاة التطبيع مع واشنطون بـ"الطوابير"
الحاج ساطور يسخر من المتظاهرين ويصف دعاة التطبيع مع واشنطون بـ"الطوابير"
الحاج ساطور يسخر من المتظاهرين ويصف دعاة التطبيع مع واشنطون بـ
تصوير الاستاذ عباس عزت


قال : لو طبعنا مع أمريكا لكنا الان فى مرحلة الـ(كنتاكي) لكننا لن نفعل ذلك ونحن أحياء
10-27-2013 01:00 PM
الخرطوم - وجه النائب الثاني للرئيس السوداني الحاج آدم يوسف انتقادات جديدة للمتظاهرين الذين احتجوا الشهر الماضى على الإجراءات الاقتصادية الأخيرة كما شجب بقوة الأصوات المنادية بالتطبيع مع الولايات المتحدة الأمريكية ووصفهم بـ"الطوابير" ، منوها الى ان الخرطوم لم تبادر بالقطيعة وان واشنطن بدأت بفرض العقوبات على السودان.

وانضم آدم دون ان يدري للساخطين على حديث الرئيس البشير عن "الهوت دوغ" الذي فجر احتجاجات واسعة بالبلاد وقال ان تطبيع العلاقات مع أمريكا ما كان ليوصل السودان إلى مرحلة التقدم الحالية حسب قوله- وأضاف "لو طبعنا لكنا الان فى مرحلة الـ(كنتاكي).

وقال ان استسلام الخرطوم ورفعها الراية البيضاء كان سيفتح شهية واشنطن لتطالب بالمزيد واستدرك " لكننا لن نفعل ذلك ونحن أحياء ، وسخر المسؤول السودانى من الاحتجاجات ودواعي نزولهم الى الشارع ، وقال إن الناس يقابلون ما فعلته الحكومة بـ"النسيان" داعيا الشعب الى مقارنة حاله الراهن بما كان عليه قبل عشرين عاما.

وأضاف ان "الإنقاذ" نهضت بمشروعات الطرق والكبارى والبترول والذهب وأضاف خلال تدشين شركة صحارى لإنتاجها من الذهب بمنطقة الباوقة بنهر النيل السبت "من هنا نضرب المثل ونقدم نموذج الشباب المنتج"، ودعا الذين يشكون من العطالة لمغادرة المدن والتوجه لمواقع الإنتاج، ودعا الإعلام لرفع الهمة ، بدلا عن بث ما اسماه "الحديث المثبط" .

وقال الحاج ادم متهكما ان المواطنين فى بعض المناطق طفقوا يخرجون الى الشارع حال انقطع الكهرباء لثلاث ساعات، بينما كان التيار الكهربائى ينقطع عنهم لثلاث اشهر وأضاف "هناك من لم يرى الكهرباء منذ ثلاثة قرون".

واستهجن نائب البشير اتهام حكومة الإنقاذ بتدمير السودان وتساءل قائلا: "هو الدمار ده شنو؟"، وقال أنه قبل الإنقاذ لم يكن هناك سوى كبري وحيد في عطبرة ، لكن اليوم توفرت الكباري في أكثر من مكان واردف "في المتمة كان هم الهيئة الشعبية محصور في تطوير المعدية ".

وطالب ادم بترشيد استخدام الكهرباء في المنازل، وتابع "نحنا ما بندي كهرباء لمكيف ومافي زول ما عندو دخل أو وسيلة يجي يفتش عن الكهرباء" ، مضيفا "الكهرباء العندنا للمشاريع الزراعية والإنتاجية".

وقال إن ولاية نهر النيل تعتبر الرائدة في مجال الاستثمار، مشيراً إلى أن هناك ولايات تنفر المستثمرين بفرض الرسوم والجبايات، واتهم مواطنين بمضايقة المستثمرين بتمسكهم بالأراضي، وطالب بمنح المستثمرين الأراضي مجاناً.

و قال وزير المعادن كمال عبد اللطيف، فى ذات الاحتفال إن وزارته تهدف إلى إنتاج 23 معدناً يعتبر الاقل قيمة بينها ، معلنا الاتجاه الى زيادة عمليات البحث العلمي واستكشاف المعادن، وإعداد معلومات حديثة إضافة إلى استقطاب شركات من إيران وروسيا واستراليا والصين وجنوب إفريقيا ودولا اخرى.

واعلن الوزير الشروع عمليا اعتبارا من اليوم الاحد فى مشروع خارطة البشير لمسح مليون و(300) ألف كيلومتر بحثا عن المعادن. وقال ان العاصمة البريطانية ستشهد اليوم انطلاق ورشة تضم خبراء من هيئة المساحة البريطانية وهيئة البحوث الجيولوجية السودانية توطئة لانطلاق مشروع البشير.

وأعلن عبد اللطيف أمس عند تدشين إنتاج شركة صحارى لإنتاج الذهب بصحراء بيوضة شمال غرب مدينة الباوقه، بطاقة إنتاجية تصل الى 1 طن نهاية العام الحالي، وترتفع الى 2 طن بنهاية العام 2014 إن عدد الشركات سيبلغ نهاية العام 2014 (12) شركة يمكن أن تنتج (20) طنا ذهبا بنهاية العام 2014.

وجرى خلال الاحتفال التوقيع على اتفاقية امتياز بين وزارة المعادن وحكومة ولاية نهر النيل ، و أعلن مدير شركة صحارى للتعدين حسين حاج علي تبرع الشركة بسبيكة للشعب السوداني تزن (10) كيلو جرام من الذهب تقدر قيمتها بحوالي (500) ألف دولار للشعب السوداني، تسلمها نائب رئيس الجمهورية الحاج آدم يوسف، مؤكدا التزام شركته بإنفاذ مشروعات البنية التحتية بالولاية.
سودانتريبون


تعليقات 51 | إهداء 0 | زيارات 4380

التعليقات
#812109 [تينا]
0.00/5 (0 صوت)

10-28-2013 04:33 PM
صدقت أخى الفاضل ((( محجوب معنى ))) فعلا القادم معايرتنا بالتحلية وأضيف ليك بعد الام على حايعايرونا بالكريم كراميل . سبحان الله أصبحنا أضحوكة وبايه بالأكل . تحياتى


#811820 [مدحت عروة]
0.00/5 (0 صوت)

10-28-2013 12:11 PM
اهم مشاريع الطرق والكبارى والذهب والبترول ولا مشروع الاستقرار السياسى والدستورى البيجيب التنمية المستدامة ويوقف الحروب ويجلب الامن؟؟؟؟؟
يا جماعة معقول ده كلام يصدر من نائب رئيس؟؟؟؟؟؟؟؟
لا حول ولا قوة الا بالله العلى العظيم!!!!!
هسع ياسيد الدول الكبرى فى السياسة والاقتصاد والعلوم والتكنولوجيا بدوا بالتشطيب ولا بالاساس اللى هو البناء السياسى والدستورى ؟؟؟؟؟
وبالمناسبة يا نائب الرئيس المعلومة دى ما دايره ليها زول فاهم شديد فى السياسة اى واحد ريالتو كابة عارف هذه الحقيقة وهى ان الامم تبنى اولا بالبناء السياسى والدستورى!!!
يعنى هسع امريكا بعد حرب الاستقلال بدات بالمؤتمر الدستورى فى فيلادلفيا ما قدرت تعمل طرق او كبارى او سدود او تطلع بترول او تعدن للذهب؟؟؟؟؟؟؟
بالله عليكم يا ناس الراكوبة مالينا حق نكون فى ذيل الدول وصرنا مضحكة للشعوب؟؟؟؟؟؟؟؟؟؟؟؟؟؟؟


#811585 [عزومة البخيل!!!البيعيرك بها ويخليك ذليل!!]
0.00/5 (0 صوت)

10-28-2013 08:42 AM
ات الناس ديل مزلوعين!!! ماكان عندهم جداد بحمرو ساي!!!هو الكنتاكي ده شنو دحين ماجداد محمر!!حتي دي شايفنه جديده!!!ياخي قول اكلتونه هوت دوق!! يعني علي وزنها بعد كده هاك دق!! يعني اكله وبعدين تجويع ليوم الدين!!! اها ناس شيخ زايد واولاد سعود يقولوا شنو للسعوديين!!!! اكلناكم البيتزا والكاكه والافوكادو !!!حنوديكم الغابة!!!


#811521 [جيت ومالقيت]
0.00/5 (0 صوت)

10-28-2013 02:50 AM
ﻭ ﺃﻋﻠﻦ ﻣﺪﻳﺮ ﺷﺮﻛﺔ ﺻﺤﺎﺭﻯ ﻟﻠﺘﻌﺪﻳﻦ
ﺣﺴﻴﻦ ﺣﺎﺝ ﻋﻠﻲ ﺗﺒﺮﻉ ﺍﻟﺸﺮﻛﺔ ﺑﺴﺒﻴﻜﺔ ﻟﻠﺸﻌﺐ ﺍﻟﺴﻮﺩﺍﻧﻲ ﺗﺰﻥ (10)
ﻛﻴﻠﻮ ﺟﺮﺍﻡ ﻣﻦ ﺍﻟﺬﻫﺐ ﺗﻘﺪﺭ ﻗﻴﻤﺘﻬﺎ ﺑﺤﻮﺍﻟﻲ (500) ﺃﻟﻒ ﺩﻭﻻﺭ
ﻟﻠﺸﻌﺐ ﺍﻟﺴﻮﺩﺍﻧﻲ، ﺗﺴﻠﻤﻬﺎ ﻧﺎﺋﺐ ﺭﺋﻴﺲ ﺍﻟﺠﻤﻬﻮﺭﻳﺔ ﺍﻟﺤﺎﺝ ﺁﺩﻡ ﻳﻮﺳف


بس أدونى أجمل تعليق بالله للكوبليه ده اخ يا مرارتى


#811512 [عمدة]
4.00/5 (1 صوت)

10-28-2013 02:27 AM
من طرائف الكيزان أنهم قادوا أول اضراب فى تاريخ جامعة الجزيرة بسبب الباسطة. كانت تقدم فى سفرة الجامعة يوميا مع العشاء ورأت عمادة شئون الطلاب تخفيضها لاربعة مرات فى الاسبوع فأغلق الكيزان الجامعة بسببها


#811502 [محجوب عبد المنعم حسن معني]
0.00/5 (0 صوت)

10-28-2013 01:13 AM
خلاص يا شباب اعتقد من بكرة لاذم يبدأ المسؤولون الكلام عن التحلية العلموها لينا كمان وابدأ ليكم انا بأم علي


#811461 [ابو ]داليا]
5.00/5 (1 صوت)

10-28-2013 12:11 AM
من هنا نضرب المثل ونقدم نموذج الشباب المنتج"، ودعا الذين يشكون من العطالة لمغادرة المدن والتوجه لمواقع الإنتاج، ودعا الإعلام لرفع الهمة ، بدلا عن بث ما اسماه "الحديث المثبط" .
من لم يمت بالرصاص مات فى مناطق انتاج الذهب الاشاعه لتفريغ المدن من الشباب الغاضب عليهم مع تفشى كل انواع الرزيله فى تلك المناطق والله الحبشيات ستات الشاى فى مناطق الدهب تفتكر انك فى الديم وكله بسبب سماسرة المؤتمر الوثنى البطنى الاوباش البنقو العرقى واشياء اخرى ولا ماكده يافاطمه شاش


#811437 [كاره الكيزان]
5.00/5 (1 صوت)

10-27-2013 11:39 PM
أي شيطان يتحدث وكأن السودان ملكه وهو الآمر الناهي .. من أنت ؟ حتى تتحدث باسم شعب يبغضطم ويكرهكم ويتمنى زوالكم في كل لحظة أيها النكرة


#811412 [ود احمد]
4.00/5 (1 صوت)

10-27-2013 11:13 PM
احي نبض التعب على هذا الكلام الجميل الم اقل لكم ان سودان الميتقبل سيريم خريطة مستقبله جيل غير ملوث مثل هؤلاء الملوثين وقد بدت تتكشف اقنعتهم ومن كبار قياداتهم مثل المنشق عتبونتي الذي قال ليس هناك حركة اسلامية ومن قبلها قال شيخ النفاق ليس هناك حور عين اذن ماذا تبقى للانجاس الا مغادرة كراسي الحكم وترك البلاد والعباد يصرفوا امورهم فان مدتهم الافتراضية قد انتهت هؤلاء جهلاء لا يعلمون ماذا يقولون من هوت دوق الي كنتاكي ابقوا رجال اعملوا مزرعة واحدة من مزارع كنتاكي انتم الذين دمرتم مشروع الجزيرة هذه من ابتكاراتكم ايها الخونة العملاء الجهلاء وانتم من علامات قيام الساعة لان الامر اسند لغير اهله مع ان الشعب لم يأت بكم ياخفافيش الظلام انا مستغرب كم الشعب السوداني صبور لقد صبر عليكم كثيرا لكن اتقوا غضبة الحليم اذا غضب ولا نامت اعين الانجاس


#811399 [عصمتووف]
5.00/5 (2 صوت)

10-27-2013 10:56 PM
واخيرا وبعدين معاك يا ظق الجداد لو لا امريكا والغرب لكنت حائم عاريا في وديان الفور امريكا كما تزعمون جعلتكم تبيعون خطوط السكك الحديد وسودانير بحجة الاسبيرات امريكا طيرت صوابكم وجعلتكم تدمرون مشاريع بلدكم الاقتصادية والصناعية هذا الجهلول لا يدري البركة في الاخوان اتوا به للخرطوم واندهش بما شاهده لو يدري كان المواطن في الخرطوم وغيره من مدن المديريات وليس الولايات كانو يلبسون من لندن وجنيف وتحوم في شوارع الخرطوم العربات الناش الناش الناش شيفرولية وج م سي ولاندروفرات والرينجر والمرسيدس والحاغوار وغيره من السيارت الاوربية الفاخرة كانوا ياكلون الضان لحم البقر كان عيبا وهو يدل علي شخصية الواحد بانه بخيل وطماع لكن كان لا يمر اسبوع والا دخل بيتة كانوا يدخنون سجائر البينسون والدنهل وزنوبيا والبائب (الكدوس) هل الباشا زار يوما شارع الجمهورية مطاعم الغار والاتينية وكوبا كوبانا والجي بي وباباكوستا وغيره كنا اغنياء واعزاء ودواليبنا فل اوبشن الـ(كنتاكي). والبيتزا والهوت دوق نعم كنا نسمع بها لكن ملاح تقلية بقراصة احلي من البتزا الهوت احلي منة اللقيمات الكنتاكي احلي منه لوبا بمصران عفن وهي ليس من فضلة خيركم ولا من اموال اهاليكم حتي تعيرونا بها اتفة صائع صانع يشيد ناطاحات ببلدي مش عواليكم ده لولا المؤتمر ما كنت تسكن حي المطار والله العظيم هناك لا تدخلة ولا تشتغل بة غسال عربات ولا مكوجي ولا غسال هدوم ولن يقبل بك احد وش اجرام فيه ملامح لصوصية وانتهازية وانبطاح انت لا تسوي شئ غير انسان حقير خدمتك الظروف والصدفة واصبحت تتجدع في الكلام بدون رابط وبدون ادب وتهذيب انت فاقد لكل شئ ولديك دكتوراة في شنوا لا نعرف الا في الصفاقة والتفاهة وعدم الحياء انت لا وزن لك ولا حجم مجرد باعوضة مزعجة فقط يا نذل


ردود على عصمتووف
United States [Abu] 10-28-2013 09:25 AM
Dear عصمتووف. I had the thought previously that I am the most disgruntlement Sudanese with this mob, but sure after I saw your comment to this nitwit speech felt a bit relived! Your word indeed has rejuvenated me. Certainly I do wonder if this dullard had the chance to read comment, will he be able to comprehend it, or even to envision what you have described into your comment. These mob members all are just a by-product of dysfunctional families; bearing devious genes emulated all evil deeds anyone could imagine. Unfortunately we are only people in this world to wedge with such breed {sure I am not going to call them humans} they are sure anything except humans. If I may, the only disagreeable point between us will be about USA. Sadly this strain is been created and nourished by the American, and the way I see it, if not because of the American this filthy regime would have not lasted by all means. Ironically all the gang members are Ph.D.’s holder and funny the key persons in this mob are American educated {exclude the biggest idiot for sure} so if you look it from a different angle you will undisputable realise all that was not a mere coincidence? Still I believe you have brought up a funny question, which sure many of us, anxiously looking for an answer for it? In what field this nitwit have got this Ph.D.??????

United States [مواطن] 10-28-2013 04:02 AM
لا ياشاطر امريكا هي الداعم الرئيسي للكيزان

فهؤلاء السفلة ليس الا عصابة ليست لديهم وطنية ولامباديء همهم الاكبر المنفعة الشخصية اتت بهم الماسونية منذ ايام الزعيم الراحل الترابي

بعد ان قام نميري بالغاء اتفاقية النفط مع الامريكان والمتمثلة في شركة شيفرون فكان لابد امريكا ان تتصرف حيال ذلك الامر

وكما قامت امريكا بقتل الملك فيصل رحمه الله بطريقة غير مباشرة ، قامت ايضا بالنظر الى اقرب شخص مؤثر على النميري وكان الترابي مستشارا له في ذلك الوقت ودعمته بالمال للتحكم باقتصاد البلد .

وموضوع اختلاف الترابي والبشير دي مسرحية مايصدقها الا الساذجين .
انظر لحالهم جميعهم يحملون جوازات تلك الدول وجنسياتها

اتمنى ان يكون لديكم بعد نظر وهذا الكلام موجه لجميعكم دونما فرز والله من وراء القصد.


#811394 [منار]
0.00/5 (0 صوت)

10-27-2013 10:44 PM
معذورين يا آدم .. أصلكم دخلتوا القصر جعانين و مقطعين .. فباتت أحلامكم هوت دوغ و بيتزا و كونتاكي ..


#811331 [عبد القادر على]
0.00/5 (0 صوت)

10-27-2013 08:57 PM
حديث **** لايتوخى احترام الشعب السودانى وهو ليس حديث رجل دولة او سياسة ووتعودنا من الانقاذ المن على الشعب السودانى فى الاكل والطعام .. .. لانهم فى الاساس عديمى الاصل ومن اسر مفككة ورزيله وعندما جائوا للسلطة صار همهم الاغتناء وامتلاك العمارات والانغماس فى الفساد باسم الدين ... يتوجس من الكنتاكى ... سبحان الله نحمدلله لو وصلنا لمرحلة الكنتاكى وبالتالى لوصلنا الى حقوق كملة للانسان وللحريات ولديمقراطية التى نراها فى امريكا ام الديمقراطيات فى العالم ,... والانقاذ لهثت ووسطت الجميع لتحسين علاقاتها مع امريكا .. التى كانوا يهددونها بالعزاب .. واستعانوا جتى بمكاتب العلاقات العامة ليصلوا للبيت الابيض .. ..

الدهب البيبشرنا به هذا المجرم ... مكانه هو جيوبهم مثل عائدات البترول وهى 80 مليار لا يعلم احد اين مشت ؟؟؟

الان فقط تزكرت تصريحات القذافى ومسئوليه فى ايامهم الاخيرة .. ..


#811311 [ernesto]
0.00/5 (0 صوت)

10-27-2013 08:19 PM
رائع جدا يالحاج كنتاكي وايضا نصل للمرحلة الجمس و الكابرس و الشفرليت و الفورد الكروان
شكرا للتطبيع يا حاج كنتاكي


#811289 [Morgan]
4.00/5 (1 صوت)

10-27-2013 07:37 PM
الناس دي مشكلتها شنو مع الاكل ... عالم زباله


#811282 [Abu Suliman]
0.00/5 (0 صوت)

10-27-2013 07:21 PM
Kentucky and previously hot dogs and pizzas .Now we know ,our leaders think through their stomach


#811273 [الزول الكان سمح]
0.00/5 (0 صوت)

10-27-2013 07:00 PM
يا أخونا والله إنتو دايماً تعملو للزقان ملاعق..حاج ساطور ده قاعد ساااااى


#811267 [ود احمد]
0.00/5 (0 صوت)

10-27-2013 06:54 PM
انتم موض تطبعو مع الامريكان انتم عملاء الامريكان من حيث لا تدرون من فصل الجنوب وجعل الوحدة غير جاذبة من رفع سعر الصرف من اعطى الامريكان كنزا من المعلومات ابن حربها على الارهاب كانت طائرة السي اي ايه تاتي وتقل رئيس المخابرات ليدلى بامعلومات نعم نحن نريد ان نبني علاقات مبنية على المصالح الاقتصادية وليس هناك اي مانع في ذلك اما انتم فاشعتم الكراهية بين البشر وربنا قال لتتعارفوا اما انتم فمريضين فكركم يقوم على العداء والكراهية حتى رئسك امريكا ما اعتطو تأشيرة لانه مطلوب دوليا و


#811256 [كاك]
0.00/5 (0 صوت)

10-27-2013 06:32 PM
نحنا ما بندي كهرباء ///// من انت حتي تدي ولا ماتدي اوع تفتكر الكهرباء حقت ابوك يا الهارب من العدالة انت نسيت نفسك صدق من سماك ساطور


#811223 [ابو الخير]
0.00/5 (0 صوت)

10-27-2013 05:44 PM
انت يا حاج ساطور تركت حزب الترابي عشان الراحات والكنتاكي
اتحداك ارجع حزب الترابي عشان تجوع
اضحك على المغفلين
تبني في القصور وتضرب المكبفات الاسبليت وتقول ما بتطبع
الشعب المسكين ذنبه شنو
يعاني بسبب جعجعتك وجعجعة نافع
بالله عليكم حلو عن سمانا


#811187 [ضهبان]
0.00/5 (0 صوت)

10-27-2013 04:50 PM
انتو يا جماعة .. الانقاذ بتجيب المعتوهين ديل من ياتو مصحة ؟ ؟ كي نقفلها و نرتاح ...


#811178 [Elobaidi]
0.00/5 (0 صوت)

10-27-2013 04:39 PM
والله صدق من اسماك الحاج ساطور وصدق الرسول الكريم عليه افضل الصلاة وأتم التسليم والقائل: "إذا وسِد الأمر إلى غير أهله فانتظروا الساعة".
حسبنا الله ونعم الوكيل فيكم يا حزب الشيطان "الأخوان المنافقين". وحقيقة لا ننكرها أنكم تجيدون لعب ادواركم القذرة والمرسومة بذكاء - إجادة تامة ومتقنة. كل له دور ينفذه كلببغاء ودون نقاش، وذلك كلما طغت على الأخبار رائحة فساد او جريمة او خلاف ، ينبرى احدكم بالتعليق على موضوع مغاير تماماً للحدث بعد ان يتلقى الأوامر بذلك (عن طريق الثريا).
لعنة الله تغشاكم، والله المنتقم الجبار وحده قادر أن يعريكم ويفضحكم "إن بطش ربك لشديد"
اللهم اجعل كيدهم فى نحرهم، وبأسهم بينهم شديد، وشتت شملهم ومزقهم شر ممزق ولا تذر منهم أحداً، وأرنا فى الكيزان ومن والاهم من الأحزاب بمختلف تسمياتهم يوماً أسوداً كيوم إرم وعاد وثمود .... اللهم آمين، يا مجيب دعوة المظلومين ... وآخر دعوانا أن الحمد لله رب العالمين


#811167 [الجمبلق]
0.00/5 (0 صوت)

10-27-2013 04:30 PM
شكلو عايز يغشنا عشان نسميه بعد دا الحاج كنتاكى حيث انها اكثر ظرفا من ساطور لكن تلقاها فى الغافل الحاج ساطــــــــــــــــــــــــــــــــــوــــــــــــــــــــــــــــــــــــــر.


#811124 [ali alfred]
5.00/5 (4 صوت)

10-27-2013 03:51 PM
واحد يابانى فال للسودانى نحنا اغبى واحد عندنا بصنع كمبيوتر السودانى قال ليهو:نحنا اغبى واحد عندنا ببقى رئيس أو نائب للرئيس.


ردود على ali alfred
European Union [remo] 10-27-2013 08:26 PM
حلللللوووووووووووووووووووووووووووة


#811120 [ساب البلد]
4.00/5 (1 صوت)

10-27-2013 03:42 PM
الحاج كنتاكي اجهل من مشي علي اتنين .. كل ما اسمع اسمو اتذكر (اعلان متهم هارب) و12 بلاغ ضده .. عجائب اخر الزمان يطل علينا امثال هولاء ليتحدثوا في شوون البلاد والعباد .. هناك فقط الجزء الاخير من نبوة المفكر محمود محمد طه و سوف يقتلعون من الارض اقتلاعا (نحن في انتظارها)


#811110 [ود كركوج]
0.00/5 (0 صوت)

10-27-2013 03:31 PM
اخخخخخخخخ...عاهرات مايعرف زورً بالانقاذ اصبحوا كالببغاوات يرددون اسطوانة الطرق والكباري وكانهم يمتون علي الناس بما بني بمالهم. ثانياً، هذه الطرق والكباري تم بناؤها بالدين بعد ان سرقوا وبددوا عائدات البترول في قمع مواطنيهم. ثالثا، العديد هذه الطرق والكباري كان "مضروب" وانهار ما انهار منه وساء حال الاخر. اتحسبوننا اغبياء مثلكم. عليكم اللعنة جميعا ونسأل الله ان يقتص منكم في الدنيا قبل الاخرة.


#811104 [عمدة]
0.00/5 (0 صوت)

10-27-2013 03:21 PM
أشباه رجال و (دشنين) وكمان وقحين. محمد معانا ما تغشانا.


#811089 [نبض التعب]
0.00/5 (0 صوت)

10-27-2013 03:08 PM
هذا المجرم الهارب الذي فجأةً وفي غمضة عين تحوّل لـ( تائب حاكم ونائب ) صار يهزئ هزيان منْ زارته أنثى الأنوفيلس ويردد كلاماً لا يعرف مآلاته وإنتهاءاته!! .. لماذا كل قيادات حكومة (الألغاز) صار مجمل حديثها مُرتكزاً على السدود والكباري؟ .. لماذا إصرارهم على قياس خيبتهم وفشلهم طوال عقدين ونصف بالطعام الأمريكي المُبتكر والمُخترع بعقول يهودية؟ .. هل إقتصر تطور (إبن العام سام) على الكنتاكي والهوت دوغ فقط ، أم تعدى ذلك لمراحل متقدمة لن نحقق نحن ولو 1% منها حتى لو بعد مائة عام؟ .. ومنْ غيرهم الكيزانيون منْ لهث وجريّ حتى حفيت قدماه لإسترضاء أمريكا وكسب ودِها؟! .. لقد إبتلانا الله بشرزمة ما كانت تحلم بإدارة (صندوق ختّة) كالذي يديرنه أمهاتنا وأخواتنا وزوجاتنا في الأحياء الشعبية العفيفة والنبيلة ، وتساءل المجرم التائب والنائب قائلاً: (هو الدمار ده شنو؟) .. وبدوري أقول له أن الدمار تمثّل في أسميتموه إعادة صياغة الإنسان السوداني والذي أفضى لإنسان آخر متجرّد من الأخلاق والقيّم والأعراف والشهامة والنُبل والكرامة والأنفة والكبرياء والإعتداد بالذات ــ وهذا الإنسان قطعاً ليس بإتسان السودان وإنما هم عضوية حزبكم البطني ومليشياته الدموية القاتلة وعلمائمكم العملاء التنابلة ــ الدمار يا حضرة المجرم الهارب والتائب النائب جعلتوه يتمدد في كل شبر من أرض الوطن بدءاً من الدمار الكبير المتمثّل في فصل الجنوب عن الشمال ، الدمار يتبدى في الحروب التي أشعلتمموها في دارفور وجنوب كردفان والنيل الأزرق .. الدمار يتمدد في فسادكم وإفسادكم ونهبكم لأموال الشعوب المغلوب على أمره 25/صفر!! .. الدمار يا (غبي) يكمن في كذبكم وإفككم على الناس مع كل يوم جديد تشرق شمسه .. الدمار يا هارب ويا تائب ويا نائب عنوانه أنتم يا قتلة ويا سفلة .. وباكر ضواي .. وبالجد: الكيزان تنظيم أكثر من وسخان!!.


#811082 [المتجهجه بسبب الانفصال]
4.50/5 (2 صوت)

10-27-2013 02:56 PM
"هناك من لم يرى الكهرباء منذ ثلاثة قرون".

ده منوا العايش ثلاثة قرون والكهرباء نفسها لم تظهر قبل ثلاثة قرون يا ابقرون حيث تم اكتشافها عمليا في عام 1801م عندما عرض الفيزيائي الإيطالي إليساندرو فولتا جهازه البدائي أمام نابليون بونابرت في باريس بموجب دعوة قدمتها له الأكاديمية الفرنسية للعلوم.

المسئولون في المؤتمر الوطني فقدوا المنطق ،، البشير جاء يكحلها عماها قال دارفور فيها جن ،، والحاج آدم قال في ناس ليهم ثلاثة قرون ما شافوا الكهرباء ،، وكلام الحاج آدم صاح لأنو الاسعاف الفي الصورة فوق لو طبعنا مع امريكا كان حايكون واقف وما شغال وكان حايكون مطفق ووسخان ،،لكن الحمد لله بسبب عدم التطبيع الاسعاف شغال تش وبسبب عدم الكنتاكي في السودان امريكا حاتنهار وتسقط الا اذا طلع واحد من الحزب الديمقراطي ورفع مذكرة اصلاح للحزب ودعا لحزب جديد ولجنة الحزب فصلتوا لانو ما التزم وقعد زولا ًبجم ،،،


#811078 [ahmed]
0.00/5 (0 صوت)

10-27-2013 02:52 PM
اريد ان اعرف ما هو معيار التنمية في بلد ما ؟؟؟ هل هو كباري ؟ او طرق؟
شابكننا التنميه التنميه والمضي قدما ف مشاريع التنميه والدهب والبترول . طيب وين قرووووش البترول دي ما شفناهو والله .. من المعلوم ان المعايير التي تقاس بيها التنميه ف الدول هي اربعه اشياء اساسيه والحمد لله الاربعه ما عندنا وهي الاقتصاد البنيه التحتيه التعليم والصحه وكلها الانقاز دمرتها وكيف اقولو تنميه وكيف الاهبل المتخلف الحرامي المغضوب عليه الحاج ادم اقول (هو الدمار دا شنو؟)ياخ انت ود حرام يا الحاج ادم مستهبل ول بتستهبل علينا الدمار واضح دمرتو التنميه الاقتصاد البنيه التحتيه التعليم الصحه دول العمود الفقري للدوله وبعد دا تقول الدمار دا شنو لا عليك الله بعد كدا تعالو اهدمو بيوتنا فوق لي راسنا توووووف عليك وعلي يومك وعلي امثالك يا ابن الكلب يا فقير ي جعان ي مقطع اللهم ارينا فيهم يوما اسودا يا رب العالمين


#811075 [malla]
0.00/5 (0 صوت)

10-27-2013 02:47 PM
تاني حاج كركور ولا ساطور قال ما بندي كهرباء لي مكيف بنديها فقط للمصانع يعني فلل كافوري والمنشية دي شغالة على الطبيعة يا راجل يا منافق 0 بالله الواحد اذا كان فعلا دكتور حقو يخلي الشمشرة وكثير التلج 0 يخس استحي على دمك اذا فضل ليك دم يا ثقيل


#811067 [عد الفرسان]
5.00/5 (2 صوت)

10-27-2013 02:43 PM
( كما شجب بقوة الاصوات المنادية بالتطبيع مع الولايات المتحدة الامريكية و وصفهم بالطوابير ) ..

بالتالي يكون البشير _ علي عثمان _ نافع _ كرتي .. جميعهم طوابير للهثهم المتواصل لارضاء ماما اميريكا و الجري وراء التطبيع معها .. لدرجة فصل الجنوب .. و ربنا يستر علي دارفور و البقية ..


#811058 [سيمو]
5.00/5 (1 صوت)

10-27-2013 02:35 PM
خريج كلية الهندسة جامعة الخرطوم أبام جميلة ومستحيلة وأستاذ فى نفس الكلية ويقول إنو البعض ما شاهد الكهرباء قبل ثلاثة قرون؟؟؟ هو كان فى كهرباء فى العالم كلو قبل ثلاثة قرون؟؟؟ والله ما كان فى إلا البرق،،،

عجب عجايب،،، القلم ما بزيل بلم،،،


ردود على سيمو
United States [cour] 10-27-2013 10:29 PM
معليش سامحو بقى عم ساطور قصدو ثلاثة عقود


#811053 [انساني سوداني]
0.00/5 (0 صوت)

10-27-2013 02:30 PM
دا انسان بكاكي في الزمن الضايع !!


#811049 [emad alawad]
5.00/5 (1 صوت)

10-27-2013 02:28 PM
500 ألف دولار أضيفوها للقائمة السابقة .. ياحليلك ياوطن ماليك وجيع

اللهم أرنا فيهم عجائب مقدرتك يارب العالمين

اللهم أحصرهم عددا ودمرهم مددا وتغادر فيهم أحدا

وحسبنا الله ونعم الوكيل


#811040 [موسى الضو]
5.00/5 (1 صوت)

10-27-2013 02:20 PM
يادجالين التطبيع مع أمريكان انتو لقيتوهو وقلتو لا ؟؟؟؟ ليل نهار قاعدين تطالبو بالتطبيع مع امريكا وتجتهدوا في تلبية مطالبها وهي تتمنع وتصدكم... حقو تكونو صادقين مع انفسكم اول شيء وبعدين طبعو ان شاء الله مع اسرائيل نحنا مستفيدين شنو من الفلسطينيين؟؟؟؟؟ قطر يكشكم


#811035 [أبوعلي]
4.00/5 (1 صوت)

10-27-2013 02:14 PM
قرد الطلح دا ينطّط طوالي الحاصلو شنو؟


#811018 [افريقى]
5.00/5 (1 صوت)

10-27-2013 01:49 PM
إنتو الأهبل ده لسه عايش ؟ حكم والله لكن الحاج ساطور يصرح ويتكلم فى إمور الشعب تانى فضل شنو عليكم الله الواحد يعيش عشانوا


#811015 [الجزار]
5.00/5 (1 صوت)

10-27-2013 01:44 PM
يا راجل ده انتو حفيتوا وراء التطبيع لدرجة التوقيع علي نيفاشا .. و بعد ذلك رفضت امريكا بوضع شرط جديد للتطبيع و هو حل أزمة دارفور .. أولي بك الصمت يا متشرد و خليك مع الهوت دوغ ..

قال كنتاكي .. قال .


#811011 [ود الساترة حالا]
5.00/5 (1 صوت)

10-27-2013 01:41 PM
الهضربة الكتيرة من كلام الحاج أدم ما عندي عليها تعليق....بس ياناس شركة صحاري نصف مليون دولار كان تتبرعوا به لمرضى الكلي وأجهزة الغسيل....الحاج أدم ما محتاج للقروش دي ولّا شنو؟؟؟؟؟


#811009 [الساكت]
0.00/5 (0 صوت)

10-27-2013 01:38 PM
لحاج ساطور تتكلم كأنو راميك جميل!!! بالله إنت أستاذ جامعي؟ حقو يكتبوا عليك أستاذ جامعي


#811004 [بتاع بتتييخ]
5.00/5 (1 صوت)

10-27-2013 01:31 PM
يعنى معنى كلامك دا انو المواطنين هو البحولو دون الاستثمار بتمسكم باراضيهم
ولازم يدوها ليهم مجانى
هو في كلام طير ف يالباقير اكتر من كدا ؟


#811002 [حيرتونا]
5.00/5 (3 صوت)

10-27-2013 01:29 PM
أعلن مدير شركة صحارى للتعدين حسين حاج علي تبرع الشركة بسبيكة للشعب السوداني تزن (10) كيلو جرام من الذهب تقدر قيمتها بحوالي (500) ألف دولار للشعب السوداني، تسلمها نائب رئيس الجمهورية الحاج آدم يوسف.... بختك يالحاج... السبيكة دي الشعب ما حيشوف منها غير الخبر القريناهو دا..


#810999 [Khalid Ahmed]
5.00/5 (2 صوت)

10-27-2013 01:27 PM
ههههههههههه....الزول دا مانصيح؟....شكلو مريض نفسيا....قال المواطنين يعرقلون المستثمرين والله كلام مؤسف جدا ان يقوله هذا المسؤل اللامسؤول....


#810996 [سن ألفيل]
5.00/5 (1 صوت)

10-27-2013 01:25 PM
تصريح من اجل التصريح هؤلاء هم قادة الانجاس من اهل الانقاذ لا توجد لديهم عقول او ادنى فكرة عن السياسة هم كالحيوانات يأكلون ويشربون ويتبرزون فقط


#810990 [من تل ابيب]
5.00/5 (1 صوت)

10-27-2013 01:19 PM
علاقاتكم مع امريكا أقوى من علاقاته مع خلفاعها انتم تتاونون بالباطن ونحن نعرف جيدا ولكن لو هب الريح الامركان يباروكوا لينا


#810983 [الاغبش]
5.00/5 (1 صوت)

10-27-2013 01:11 PM
والسبيكة سلمت للتمساح لبلعها وهى عبارة عن رشوة مقنعة والمقصود منها تقديم مزيد من التسهيلات للشركة وليس دعم للشعب السودانى


#810979 [sasa]
5.00/5 (2 صوت)

10-27-2013 01:08 PM
شحدت الله تكاكى جدادة يالحاج ساطور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة