الأخبار
منوعات سودانية
أسرة تهجر منزلها خوفاً من الجن وتعرضه للبيع بثمن بخس!!
أسرة تهجر منزلها خوفاً من الجن وتعرضه للبيع بثمن بخس!!



10-29-2013 05:57 AM
كرري - علي بلدو

فرت أسرة - عائدة من الاغتراب - بجلدها من منزل اشترته بحر مالها، بما يربو على النصف مليار جنيه، وذلك بمدينة كرري.
وقد أرجع رب الأسرة هذا التصرف لوقوع أشياء غريبة ومريبة داخل المنزل، منها اشتعال الأضواء من تلقاء نفسها، والتلفاز كذلك.
وقال إنهم استعانوا بأحد الشيوخ فقال إن البيت مسكون، ونصح الأسرة بضرورة الرحيل (قبل الارتحال بغضبة الجن) - على حد تعبيره.
هذا وقامت الأسرة بعرض المنزل بسعر بخس لمن يرغب، أملاً في إيجاد زبون، ولا يزال البحث جارياً

المجهر


تعليقات 28 | إهداء 0 | زيارات 8871

التعليقات
#817594 [baraka]
0.00/5 (0 صوت)

11-04-2013 09:22 AM
كلكم تهضربو ساي هسه الواحد فيكم لو جابوهو ساعه واحده مايقعدها. والله انا شفت قصر لاحد الشيوخ في الدوحه ساكنو جن ناس البيت رحلو خلوهو ليهو ولحدي هسه قاعد وكم مره جيت بعندو فاااضي. وسعرو اقل شي 3 مليار دولار


#813480 [تجانيي المعراقي]
0.00/5 (0 صوت)

10-30-2013 10:25 AM
الناس ديل ما سمعو بشيخ أبو دجانة قاهر الجن العلوي والسفلي الإتصال بالرقم0909670919 إن شاء الله هيهنأوا بمنزلهم من دون شك seiously


#813316 [هشام]
0.00/5 (0 صوت)

10-30-2013 01:29 AM
المعوذتين وتلاوه القرآن وبعداك كف للجن من الناحيه اليمني وكف من الناحيه الشمال

امه مستنكحه سااااي.


#813291 [غيور على بلده]
0.00/5 (0 صوت)

10-29-2013 11:59 PM
ده كلام كويس عشان يكون عبرة للناس ومايتركو المنازل خالية من غير بشر
احسن ان يسكنو انسان مسكين على الأقل يحرس البيت من شياطيين الإنس والجن


#813272 [nagatabuzaid]
0.00/5 (0 صوت)

10-29-2013 11:35 PM
سلام يا تينا انت امدرمانية ؟؟؟؟


#813269 [ود الدلنج]
0.00/5 (0 صوت)

10-29-2013 11:33 PM
في الغالب يكون الشيخ الذي استعان به صاحب المنزل (دجال) وكضاب لأنه المسألة ليست معقدة حسب الخبر الجن الساكن البيت لم يفعل أكثرمن فتح الإضاءة وتشغيل التلفزيون . إمكن الشيخ لو قرأ بعض الآيات من القرآن الكريم ممكن تكون حل ناجع للموضوع كله بدل ما يخسر الراجل نصف مليار جنيه . أو ننصح صاحب المنزل بتشغيل سورة البقرةوسورة يس باستمرار في المنزل لعدة أيام. ويفضل أن تكون القرراءة من قبل أهل البيت ، وإن شاء الله بعدها تنعم الأسرة في بيتها هنية .


#813174 [عمر]
0.00/5 (0 صوت)

10-29-2013 08:54 PM
ههههههههههههه اسم الراجل منو وتلفونوا عشان نشترى البيت افيدونا اخر زمن جن بيتفرج بالتلفزيون نايل سات ولا هوت بيرد


#813125 [سعد الرشيد]
4.00/5 (1 صوت)

10-29-2013 07:15 PM
ماوجدت كلاما انفع وافيد ك كلام اخى ابو ساره جزاك الله خير ياابو ساره


#813033 [Dongola]
5.00/5 (1 صوت)

10-29-2013 04:31 PM
كل واحدعايزأفوز بالصفقه دون تقديم اي حلول لهذه الاسره فالمطلوب حلول وليس شراء


#813008 [متاعب]
0.00/5 (0 صوت)

10-29-2013 04:09 PM
اتصل الطيب الشعراوي وطالب بيت للايجار حتى لو مسكون بأي سعر مستعد لأنو شايل عفشوا في كاروا وحايم


#812990 [Momp]
0.00/5 (0 صوت)

10-29-2013 03:45 PM
لا يوجد جن يطرد الناس من سكنها . الجن يملك القصور والفلل ولا يحتاج لبيت في كرري .


#812966 [تينا]
5.00/5 (1 صوت)

10-29-2013 03:17 PM
لكن الله اعلم البيت دا يتباع لأن أيى شخص يسمع بقصتو حيخاف وما حيشتريه ودونكم البيت الجميل ذى الطوابق الذى يقع فى بداية كوبرى شمبات من ناحية الملازمين من سنين عديدة مهجور ولا أحد يقربه بسبب أن به جن كذلك بيت ناصية جميل فى شارع الموردة بأمدرمان يحكى عنه أهل الحى قصص عن الجن . التحصين مهم لكل البيوت وقراءة سورة البقرة خاصة مهمة شديد .


#812939 [صالح]
4.00/5 (3 صوت)

10-29-2013 02:49 PM
يا اخوانا الامر واضح ويبدو لي ان هذا البيت معلقين فيهو صورة البشير والحل بسيط شيلوا صورة الحيوان دا وارموها في اي زبالة و سيرحل معها الجن طوالي !!!!!!!!


ردود على صالح
[بت أمدرمان] 10-29-2013 04:42 PM
أنا يتخيل لى العكس، يكون البيت ما فيه صورة القشير. لو ختوها الجن حيخت ديله فى سنانه و يقول يا فكيك


#812807 [توتا]
0.00/5 (0 صوت)

10-29-2013 12:25 PM
ورونا مواصفات البيت دا والسعر المطلوب كم ؟ والباقي مقدور عليهو


#812773 [حلفاوى]
4.72/5 (9 صوت)

10-29-2013 11:58 AM
انتو اضعو عليه لافته مكتوب فيهادار الموتمر الوطنى حيهرب بجلده طوالى صدقونى ديل مش الجن يخاف منهم ابليس زاتوبيهرب منهم..


#812715 [موسى الضو]
5.00/5 (1 صوت)

10-29-2013 11:10 AM
اصلو مع الجن لتفاهم مثلاً ادوهم الشجرة على ان يتركو لكم باقي البيت او اسكنو انتو في الشجرة وخلو ليهم باقي البيت


#812709 [ابوسارة]
5.00/5 (5 صوت)

10-29-2013 11:01 AM
الجن موجود حقيقة. و هو يسكن البيوت و يسبب لأهلها الأذي. و قد يصيب الأنسان و يسبب له الضرر. و قد يكون هذا البيت مسكون بالجان حقيقة. طرد الجان من البيت يكون بتلاوة القرآن و بالذات سورة البقرة. جاء في الأثر أن البيت الذي تقرأ فيه سورة البقرة لا يدخله شيطان مدة ثلاثة أيام.
إذن عليكم بتحصين بيوتكم بالذكر و هو قراءة القرآن و أذكار الصباح و المساء و أذكار دخول البيت و الخروج منه. و كل الأذكار التي ينبغي علي المسلم أن يرددها في يومه و ذلك لإتقاء الشيطان و عين الإنسان و إتقاء الحسد. كل هذه الشرور موجودة و لا يعالجها غير القرآن و الدعاء و إقتراب المسلم من ربه.
حدث مثل هذا وقع في بلدنا في دنقلا منذ سنين طويلة. حاول الناس إخراج الجان بطرق عديدة, لكنهم فشلوا. و أخيراً هداهم أحد الشيوخ إلي قراءة سورة البقرة, فكان أن توقف قذف الحصا في داخل البيت و كفي الناس شر الجان.


#812649 [mohd]
5.00/5 (8 صوت)

10-29-2013 10:12 AM
دا جن ما عنده موضوع يخلي بلاد العالم دي كلها ويقعد في السودان؟


#812645 [Fato]
5.00/5 (1 صوت)

10-29-2013 10:10 AM
أعملوا حسابكم يكون ده من جماعة جن الأنقاذيين زى ما شردوا المواطنيين السودانيين من بلادهم عايزين يطفشوكم من بيتكم واكيد يكون أبو الجاز وأبو وجه مسرطن أو نافع الما نافع.قراءة القران كاملا بوضع مسجل وشريط قران كامل يوميا يطرد أبو الجن حتى لو كان مؤتمر وطنى.لا تفرطزا فى بيتكم.


#812641 [ahmmed]
4.79/5 (6 صوت)

10-29-2013 10:05 AM
السعر البقيف عليهو البيت ده،اخر سعر فوقو عشرة مليون،،وسكن مجاني في بيتي ليهم لمدة ستة اشهر،،واقسم صادقا،،ادوني تلفونهم ياناس وممكن ابدلهم بي بيت جيد جدا،الناس ديل ما استعجلو انا مستعد،،وانشاء الله اكون فيه ملك الجن زاتو انا حاادفع سعره الحقيقي.


#812628 [فوز]
0.00/5 (0 صوت)

10-29-2013 09:50 AM
السعر كم ؟؟


#812603 [محمد علي]
4.50/5 (4 صوت)

10-29-2013 09:28 AM
نامل عرضه علي المؤتمر الوطني ليكون دارا لهم


#812599 [الشايل المنقة]
5.00/5 (1 صوت)

10-29-2013 09:23 AM
...انا لو محلهم بجيب كمرات صغيرة تحت البنفسجية وفى جميع اركان البيت داخل وخارج ,فرصة عشان الواحد يشوف اشكال اخواننا من الجن ديل عاملة كيف,,,,,جن اخر زمن ومستنكح ,داير يسكن ملح..!!


ردود على الشايل المنقة
European Union [Sudani] 10-29-2013 11:14 AM
معقولة يا الشايل منقتو حايم لسة ما شفت الجن
الحاكمنك ديل شنو - ديل ما يهم زاتو
هههههه

United States [سودان العز] 10-29-2013 09:56 AM
الشايل المنقة ده يكون جن كوز عشان كده عايز يسكن ملح


#812593 [شمهت و حنوب فى محنة]
0.00/5 (0 صوت)

10-29-2013 09:11 AM
الزبون هو الجن نفسه يا عالم اصحوا ده عهد التكنولوجيا حيث صار التشغيل من بعد اسهل تقنية حتى اطفال الخليج يستطيعوا تجميع اليات تعمل من على البعد ما تفرطو في بيتكم و تخلوه لجنى البشر هو في جان اكثر من تلاميد الانقاز


#812583 [حواتي]
5.00/5 (7 صوت)

10-29-2013 08:56 AM
ورونا البيت البي سعر بخس ده .. والله لو كان ساكن فيهو ابليس أبوقرون ذااااتو ما عندي مشكلة .. ياخي أول مرة أسمع في السودان بثمن بخس دي .. كل حاجة هنا غالية


#812576 [عايد]
0.00/5 (0 صوت)

10-29-2013 08:46 AM
انا عايزة البيت بس المواصفات والسعر


#812574 [ابو فاطنة]
5.00/5 (2 صوت)

10-29-2013 08:39 AM
السوداني كلما تعرض له مشكلة يفشل في ايجاد تفسير لها يهرول لما وراء الطبيعيات!!! لو كل البشر بكفروا كدا لما كانت الاكتشافات,اشتعال الاضواء و التلفاز من تلقاء نفسها اية علاقته بالجن؟يكون دا جن فاضي شغل...ههههههههههههه


#812567 [سجمك]
0.00/5 (0 صوت)

10-29-2013 08:22 AM
انا عايز اشتري بي كم؟؟؟؟؟؟؟؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة