الأخبار
أخبار إقليمية
صحفي يواجه عقوبة السجن 11 سنة
صحفي يواجه عقوبة السجن 11 سنة
صحفي يواجه عقوبة السجن 11 سنة


10-29-2013 06:21 AM

الخرطوم: محمد الفاتح همة

يواجه الصحفي بصحيفة (السوداني) خالد أحمد عقوبة تصل لمدة(11) سنة، في قضية الاتهام بجريمة نشر إلكتروني، والتي رفعت ضده من قبل القوات المسلحة. وقال الصحفي خالد أحمد أنه تلقى أمر تكليف بالمثول أمام محكمة حقوق الملكية الفكرية بالخرطوم(2) صباح الخامس من نوفمبر المقبل للمثول أمام المحكمة في التهم المنسوبة إليه من قبل القوات المسلحة، والمتمثلة في المادة (159) إشانة السمعة والمادة (160) الإساءة والسباب والمادة (56) إفشاء المعلومات العسكرية والمادة (62) إثارة الشعور بالتذمر وسط القوات المسلحة والمادة (60) نشر أخبار كاذبة، والتي تصل مجمل العقوبات فيها إلى(11) سنة سجناً أو الغرامة والجلد، ونفى خالد التهم الموجه إليه، وأكد أنه لم يكتب التقرير المنسوب إليه الذي نشر في المواقع الالكترونية على الانترنت، في شهر مايو الماضي، ويمثل هيئة الدفاع مجموعة من المحامين برئاسة كمال الجزولي والمعز حضرة. ويذكر أن نيابة الجرائم الموجهة ضد الدولة كانت قد حققت مع الصحفي خالد عقب نشر تقرير يتحدث عن الأوضاع العسكرية في منطقة أبوكرشولا، إبان هجوم الجبهة الثورية للمنطقة، بالتزامن مع زيارة رئيس هيئة الأركان المشتركة السابق عصمت فتح الرحمن.

في سياق متصل، استدعت لجنة مساءلة ومحاسبة الصحفيين باتحاد الصحفيين الصحفي بهرام عبد المنعم للمثول أمامها، دون توضح أسباب. وقال الصحفي بهرام إن لجنة محاسبة الصحفيين استدعته للمثول أمامها دون توضح الأسباب، وأشار إلى أن التحقيق ربما يتعلق بالسؤال الشهير الذي وجهه في المؤتمر الصحفي لوزير الداخلية ووالي الخرطوم عقب الاحتجاجات العنيفة التي شهدتها العاصمة بعد زيادة أسعار المحروقات، الذي اتهم فيه بهرام المسؤولين بالكذب بعد حديث المسؤولين عن مقتل العشرات من المحتجين برصاص مجهولين.

الميدان


تعليقات 9 | إهداء 1 | زيارات 9750

التعليقات
#813255 [زاهراحمد]
1.00/5 (1 صوت)

10-29-2013 11:13 PM
يعنى هم حيفعدوا المدة دى كلها وهل لمن تطلع تجد السودان انا متاكد حتلقى السودان اتباع


#813184 [macroo]
0.00/5 (0 صوت)

10-29-2013 09:11 PM
مين يجيب رابط الخبر الاصلي الودا الصحفي لل 11سنه دي


#813170 [الحقيقه حارة]
3.00/5 (1 صوت)

10-29-2013 08:47 PM
الحكومة دي ما بقدره لها ناس المعارضه ولاناس فى الخارج لا صحفين ولا كل الاحزاب القديم والجديد ولا جن غير الشعب الناس مايمشى شغل ولا شئ لوموت نحنا ما ميتن اصلا وعصيان شامل واى منطقة يقتالو كبير الكيزان ماف حل غير كداوموت داخل العاصمه ويوما يسموا عضو ميت ومخطوف وناس المسطتيعين يدعوا الشباب فى الاحياء الطرفي لان هم من اشعلو الثوره والدعم يصل يصل انا نشاط وعارف كتير يعنى شنو مناطق طرفية الثورة لاتموت حتى ولو متنا نحنا ادعو الشباب ونظموا الصفوف فى الميييييييييييييييييدين


#813097 [باسطة]
0.00/5 (0 صوت)

10-29-2013 05:49 PM
لماذا تصرون على الكذب ؟؟ لماذا تصرون على الكذب ؟؟ لماذا تصرون على الكذب ؟؟؟؟

يا شاب يا شجاع
يا اللوزير لساع
يا أب لساناً ضراع " مش في الطول القصد في القوة"

إنت تستاهل 11 نوط شجاعة على صدرك ممهورة بشعب السودان


#813071 [تينا]
0.00/5 (0 صوت)

10-29-2013 05:10 PM
الله كريم عليه يفك محنته ويفرج كربته . يا ((( قنقليس ))) يا اخوى بالرغم من انو المجال ما مجال ضحك لكن ردك لاخونا ((( الجاغريو ))) ضحكنى لما دموعى سالت الله يجازى محنك خليتنا نضحك بعد الغم الفينا من الأخبار البنقراها دى . يديكم العافية انت والجاغريو . تحياتى لكما


#812800 [الجاغريو]
0.00/5 (0 صوت)

10-29-2013 12:19 PM
الولد دا لابس شنو في إيده العسراء دي؟!


ردود على الجاغريو
United States [Zingar] 10-29-2013 06:07 PM
سوف أنحدر لمستوى الحمير عشان أخاطبك يا الجاغريو الأستاذ خالد مش الولد لابس طوق نحاس لتخفيف آلآم رطوبة المفاصل.
بالمناسبه لو مفتكر دمك خفيف إنت غلطان

United States [باسطة] 10-29-2013 05:37 PM
هل تعلم أيها الجاغريو أن بعض الأطباء ينصحون بلبس أسورة النحاس للنواحي الصحية و يمكنك أن تستفسر عن هذا الأمر

United States [قنقليس] 10-29-2013 03:01 PM
يا خي انت زول فارغ، هسع دا كل المرقت بيهو من الموضوع، لا بس شنو؟ يا خي هو حر يلبس ما يلبس ، جاغريو قال، والله الجاغريو الصحي صحي كان قرأ كلامك داالا تشوف ليك بلد يمرقنو ليك كرعيك،،،، ولي علمك اللابسو دا "إستكة" مربوط فيها "فلاش" لو بتعرف الفلاش يا جاهل عالم طافية في الهواء،،،، من اين ياتي هؤلاء ،،،الله يغيظكم

European Union [القام بي ليلو] 10-29-2013 01:43 PM
لابسلو نحاسة رأيك شنو فوقا ويعني خليت كل الموضوع بقيت علي دي بس خليك راجل موضوعي والشاب في محنة أصمت أو قول خير.


#812601 [أســامة الكردي]
5.00/5 (4 صوت)

10-29-2013 09:26 AM
يا شعب مات كمدا ... أطلع كفاكا سكوت

بالجوع حتلقى الموت ... و بى غيره برضو تموت

موت فى سبيل حقك ... و اصبح شهيد وطنك

اكرم تموت واقف ... من ان تعيش مذلول

ويوم ما يجيك الموت ... ما تلقى حق كفنك

وطنك صبح مبيوع ... وقولك صبح ممنوع


كلمات الأستاذة الجسـورة :
سـمية هـندوسـة


#812571 [ehsan salih]
5.00/5 (3 صوت)

10-29-2013 08:33 AM
يا زول ما تخاف خليهم يحبسوك 11 سنة لو ضامنين إنهم يقعدوا سنة واحدة بعدين يحبسوك يجيبو ليك الرغيف و يأكلوك من وين مش ميزانيتهم الخربانة و خزينة الدولة خاوية على عروشها و كلاب الأمن و الحاشية تزداد سَعْراً (من مرض السعر) يوماً بعد يوم أنا بقترح إنهم يسجنو الشعب السودانى كله لأن الشعب كله شتهم و لعنهم عينك عينك و لا عينك فى الفيل و تطعن ضله.


ردود على ehsan salih
[nagatabuzaid] 10-29-2013 10:11 PM
سلمت استاذ اسامة الكردى وسلمت المناضلة سمية هندوسة كلماتها ذكرتنى بعد عيد الاضحى ذهبت قريبة لى لشراء زبادى العلبة الكبيرة فوجدتها وصلت 14 الف ويوم وقفة العيد اشترتها ب 11الف ( انا ما بفهم حكاية الجنيهبتاعهم ده ) فابدت دهشتها فقالت لها البائعة فى البقالة ( تطلعوا الشارع تموتوا بالرصاص ) فردت قريبتنا احسن اطلع الشارع اموت شهيدة الوطن ولا اموت بالجوع فطيسة البطن
المعلقة الكريمة احسان صالح ما حيجيبوا ليهم الرغيف لكن حيجى وزير المالية العواسة يشد صاجوا وسط السجن وهو عواس جنس عواسة ؟؟ وسواط عصيدة تمام ما شفتيه عاس السودان وساطواكيف ؟

United States [واحد] 10-29-2013 09:54 AM
اقتراح يسجنو الشعب كلو ما عملي , اقترح يسجنو الصادق


#812569 [.]
4.49/5 (9 صوت)

10-29-2013 08:31 AM
هي وين القوات المسلحة دي ؟؟؟ الناس ديل عايشين ميتين نحن نسيناهم زمـــــان،،، يعنى لا عدو خارجي احتل ارض حركها و لا عدو داخلى يبطش و يقتل أهاليهم مثل الجراد حركهم ,,,, يحركهم مقال لصحفى الوحيد ..... الإستحوا ماتو.... و مافي داعى كذبنا على نفسنا كثير و نحن نعرف الحقيقة ... الحقيقة المـــره انو مافي جيش سوداني


ردود على .
United States [مدحت عروة] 10-29-2013 11:34 AM
والله تعليقك صاح وفى محلو وفى التنك !!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة