الأخبار
أخبار إقليمية
مُتعِّذب خالص..!!!
مُتعِّذب خالص..!!!
مُتعِّذب خالص..!!!


10-29-2013 11:27 AM
‎صلاح عووضة‎

* بعد (24) عاماً إكتشف غازي صلاح الدين أن الحزب الذي كان هو أحد رموزه يضيق بالرأي الآخر ولا يؤمن بالحريات!!!!..
* بعد أن لم يتبق من عمره سوى أقل من عام إكتشف أنيس منصور أن نافذة غرفته الخاصة تطل على النيل!!!!..
* بعد أن لامت آخرين كثيراً- الزميلة رشا عوض- على تسرعهم في الإنسلاخ عن حزب الأمة إكتشفت قبل أيام أن الحزب هذا يصعب البقاء فيه، فانسلخت!!!!
* بعد (42) عاماً من حكمه البلاد إكتشف معمر القذافي أن الليبيين هم (أبناؤه)- وقد أشرف على الهلاك- بعد أن كان يتساءل إلى ما بعد إندلاع ثورتهم ضده: (من أنتم؟!)!!!!..
* بعد (24) سنة من إخراطها في العمل التعبوي والتنفيذي تحت شعار (إعادة صياغة الإنسان السوداني) إكتشفت الوزيرة مشاعر الدولب أن الشباب السوداني (ضائع) وبـ(لا صياغة اصلاً)!!!!..
* بعد نحو ثلاثين عاماً من التحكم في مقاليد الأمور بتونس إكتشف بن علي- في الزمن الضائع- أنه (فهم) شعبه، وإكتشف شعبه أنه (لم يفهمه)!!!!..
* بعد (25) عاماً إكتشف معلمو آنيشتاين بالمرحلة الإبتدائية أن التلميذ الذي كانوا قد أوصوا بتحويله لمدرسة خاصة بالمتخلفين عقلياً هو صاحب (أكبر عقل) في العالم!!!!..
* بعد (15) عاماً من الإغتراب في إحدى دول الخليج إكتشف إبن عمتنا إسحاق- وقد عاد إلى البلاد بلا رجعة- أن (رأسه) الذي كان يشير إليه في عبارة (رفعوا راسنا فوق) قد إحتل موقعاً في مقولة أخرى هي (ما عارف راسو من رجليهو)!!!!..
* بعد عقود من كتم الحريات بدعوى (لا صوت يعلو صوت المعركة) إكتشفت كثير من شعوب العالم العربي إنه (ما من معركة ولا يحزنون)!!!!..
* بعد سنوات من تسخييره التلفزيون القومي- وقد كان مديراً له- في حث الناس على الإنقياد كما القطيع خلف الراعي أينما ذهب إكتشف الطيب مصطفى إنه (ليس خروفاً يتبع الراعي أينما ذهب)!!!!..
* بعد (خمس سنين عاشهم الحب)- إقتباساً من رائعة محمد الأمين- إكتشف الفيلسوف الوجودي سورين كير كيجارد أن الحب والفلسفة لا يجتمعان فتزوج الفلسفة عوضاً عن خطيبته ثم استلهم من دموع المحبوبة فكرة (عذابات الوجود)!!!!..
* بعد ثلاثين دقيقة قضاها صاحب هذا الباب في كتابة كلمته هذه إكتشف إنه (مُتعِّذب خالص)!!!!!

آخرلحظة


تعليقات 41 | إهداء 0 | زيارات 12222

التعليقات
#813965 [المشتهى السخينه]
5.00/5 (3 صوت)

10-30-2013 08:54 PM
بعد 15 سنة من مقولة سلم تسلم التى قالها الميرغنى .. اكتشف الشعب الفضل ان المقصود هو الشيك وليس السلطة ..


ردود على المشتهى السخينه
European Union [جمال ابونورة] 10-30-2013 10:35 PM
برافو عليك يا الـ (المشتهي الحقيقة). هذا هو الميرغني لمن لا يعرفه. ولا زالت شيكاته مستمرة. الدليل: المكتب القيادي لحزبه يقرر - لاحظ يقرر وليس يوصي، بخروج الحزب من الحكومة ويرفع الامر لـ رئيس الحزب لاصدار القرار. فإذا برئيس الحزب بدلا من اصدار القرار، يصدر تصريحا مباركا يقول فيه إن إبعاد الرئيس عمر حسن، يدخل البلاد في فوضي!!! هذا الرجل (شاذ أفقياً ودولاري رأسياً). كان الله في عون أتباعه، وزراء مواطنين بسطاء.


#813930 [الحقيقة مرة]
0.00/5 (0 صوت)

10-30-2013 08:16 PM
خلو الزول افضفض للشعب واعبر عن احاسيسو ومشاعرو المكموتة


#813871 [التائب الى الله]
4.00/5 (1 صوت)

10-30-2013 06:39 PM
وااناساعه كامله قاعد اقرا في متعزب خالص الردود في النهايه طلعت انا المتعذب خالص


#813819 [ابو احمد]
3.50/5 (2 صوت)

10-30-2013 05:24 PM
خلاص عرف انو الانقاذ في اخر ايامة عايز افلسع بس دا ما حا احصل اصلو حتي الناس الانضموا واغتنوا في الحكومة ما حا نسيبم يعني بعدين بنبدي قتل من كيزان الحي الا منتسبي الحكومة والدم بعد الانقلاب حااصل الركب بس ابقو جارييين


#813759 [مكى حسن محمد خير]
3.00/5 (1 صوت)

10-30-2013 04:08 PM
ضاقت المصالح وقلت المناصب هو أصل الراى والراى الاخر معدم عن الكيزان.


#813757 [عصمت الوكيل]
0.00/5 (0 صوت)

10-30-2013 04:02 PM
كلام الطير في الباقير يا ابو صلاح..ما فهمنا قصدك لان المكتوب نشك ان يكون كلامك..ما عودتنا علي مثل هذه الكتابات....


#813743 [الخال]
0.00/5 (0 صوت)

10-30-2013 03:45 PM
هذا رجل صادق وكان طوال فترته يحاول الاصلاح وراي ان الاصلاح من الداخل اسهل من يكون هو في الخارج وذلك ماراه من المعارضة وغيرهم ممن يحاولون النصح وكان يظن ان من في السلطة يمكن اصلاحهم والتاثير فيهم وتغيير شراهتهم للسلطة ولكنه في اخر المطاف وجد ان القابضين في السلطة عملاء لاسرائي ولا امل في اصلاحهم وهدفهم التضيق علي الناس حتي يكرهوا حاجة اسمها السودان وكل ركن يثير بنفسه ويطالب بتقرير المصير وتقسيم البلد_هؤلاء عملاء لاحبا في السلطة ولا المال وكبيرهم علي عثمان


#813688 [حسن سليمان]
5.00/5 (1 صوت)

10-30-2013 02:27 PM
على غازي ان يصلح نفسه الخربة بالكراهية والكذب والمتاجرة باسم الله مثله مثل شيخه لعنة الله عليهم جميعاً


#813666 [شمت]
5.00/5 (4 صوت)

10-30-2013 01:59 PM
ههههههههه اعتقد اني من القلايل الذين اكتشفوا عام 89 بان الشعب السوداني قطيع من النعاج تحكمه خرفان منذ الاستقلال وقرر الهروب من الزريبة منذ ذلك الحين والاستمتاع بالفرجة


ردود على شمت
[حنين] 10-30-2013 10:18 PM
وطني لكن !!!!!!!!!!!!


#813663 [ملاحيظ]
5.00/5 (3 صوت)

10-30-2013 01:56 PM
و بعد ثلاث أعوام من ذبحه ثورآ أسود ابتهاجآ بالاتفصال .. يخرج علينا الطيب مصطفي في مظاهرته ( المحمية ) من المسجد الكبير منددآ بالانقاذ و تفتيتها للوطن !!!!!


#813583 [anees]
5.00/5 (2 صوت)

10-30-2013 12:10 PM
بعد 2 دقيقه من قراءتى لعمودك ااكتشف انو ههههههههههههه لذيذ جدا والله كالعاده استاذ عووووووووووضه


#813570 [التويجري]
4.50/5 (2 صوت)

10-30-2013 11:56 AM
وبعد ده عرفنا انو الشعب السوداني فيهو عقول وعباقرة.بس للان ملقو فرصة عشان يقودوا البلد دي.ياناس نضرب للانجليز يجو يحكمونا تاني.ظلم القريب احر من الغريب


#813556 [ودعز]
5.00/5 (2 صوت)

10-30-2013 11:36 AM
بعد 24 سنة من الفشل و لسه فى ناس بيقولوا البديل منو


#813537 [kakan]
5.00/5 (2 صوت)

10-30-2013 11:14 AM
بعد اربعة وعشرين عاما قضيتها في مصارعة الكيزان اكتشفت ان حسدي المنهك بالضغط والسكري قد تاكل
وان الناس انفضوا من حولي لاني ماشي كداري ومفلس طوالي وشبه متسول وللاسف عندي احساس بان مصيبتنا اكبر مما اتخيل وان هناك خلل بنيوي في تركيبة المواطن السوداني لايمكن اصلاحه


#813491 [ابو الهول]
4.50/5 (2 صوت)

10-30-2013 10:37 AM
*******************************
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
اللهم سلط الظالمين على الظالمين
*******************************
ما يهمنا ما يقولون !!
ولن تخدعنا الالوان والاصباغ
كلهم راضعون من ثدي واحد
علينا تنظيم صفوفنا
ضد الظلم والطغيان


#813436 [عبد الواحد الميت من الاستغراب ولا معين!!]
5.00/5 (1 صوت)

10-30-2013 09:34 AM
يا ابو صلاح مافى مانع (تحسد) ومافى مانع (تتعذب خالص مالص!!) ومافى مانع..ومافى مانع..ألخ ..إلخ!! بس إياك..إياك ضميرك يتهبش؟!!..أو ينجرح وكفايه علينا(الجماعه القتلوا ضمائرهم وحنطوها ووضعوعها فى الفريزرات لتبقى ذكرى ومزارة لابنائهم وأحفادهم!!.


#813201 [zaki-zkawa]
4.00/5 (2 صوت)

10-29-2013 09:49 PM
هو بس في سؤال يا أستاذ؟؟؟؟؟؟؟
نحن ديل عندنا قنابير في راسنا ولا نحن مالنا؟؟؟؟؟؟؟؟؟؟؟؟؟؟
دا
سؤااااااااااااااااااال مهم
تاني الأهم من دا كلو الجقلبة والجِرسة في شنو>>>>>>>>>>
الفي السلطة والفي غيرا والكان فيها والخلاها::::::::::::
لا من يدنا ولا من يد الله بينجى:::::::::::::::
طال زمن ولا قصر ؟؟؟؟؟؟؟
بالحق والعدل والقانون والأهم عدم الإفلات من العقاب
كل روح برئية أزهقت...
وكل قطرة دم سالت.....
وكل صرخة ألم أطلقت...
وكل كرامة إنسان أهرقت....
وكل كتير مما هو مخذي وقبيح
ويعف لسان الحر عن ذكره
وكل كثير وقبيح ومخجل
وكثير.... وكثير.....




دا كشف حساب قاسي ودين تقيل ولازم يا (...) تدفعوا- ضاقت عليكم الأرض ونحن والله ليكم بالمرصاد- السَلطة دي يا يدفنوكم بيها ولا محل ما مشيتو- في الدنيا- دي أي جنسية الناس بقت عندها. وبالواضح- نقول- نحن- كشعب- لن ندعكم-
فخمو وصرو.
الله يلعنكم،،،


#813187 [سوداني متابع]
0.00/5 (0 صوت)

10-29-2013 09:14 PM
رسالة الي المتجهجه بسبب الانفصال :
أولاً شكراً علي هذا المقال الضافي . و أتفق معك في خصوصية من ذكرت , و لكنهم ايضاً لم يكن في استطاعتهم تقديم روشتة الحل المنتظرة من جماهير الشعب , و الدكتور جون قرنق هو اكثر من قارب في طرحه بتغير نهج و جذور التركيب السوداني , و لكن ما صعب عليه طرحه انه قادم من الطرف الاخر أو الطرف الذي هو أحوج لمبادرة تعديل وجهة المجتمع السوداني .
يؤخذ علي من ذكرت من الامثلة و غيرهم هو خلو طرجهم من بعد اقتصادي للحل ,و اعتمادهم علي ما هو حادث اصلاً , و هم ليسو الملامين و حدهم لفراغ وعي السودانيين من المخططات الاقتصادية , و كل الدول التي نهضت في العالم لم تنهض عبر برامج اخلاقية بل عن طريق استقرار اقتصادي . و هذه هي من اكبر مازق الاحزاب العقائدية مثل الاخوان المسلمين و المهدية و ما شاكلها, تفتقر الي خطط ملموسة للتنمية الاقتصادية , و تعيش في عالم من الرومنسية السياسية و تجرنا خلفها في غيبيات توردنا بها ما نحن فيه . انا لست شيوعياً و كذلك مهاتير محمد في ماليزيا أو اتاترك في تركيا أو كوريا الجنوبية او ..... الي اخر الامثلة .
اين يمكن ان تصنف دولة تحتل مساحة 20 % من مساحة افريقيا . و ما هي معطيات ميزاننا التجاري حتي مع الدول الافريقية و حتي التي هي أضعف منا ؟؟ . و من الذي خطط لنا اهدار مواردنا الزراعية لزراعة القطن و لمصلحة من و ما هي الخيارات البديلة , و هل الاصلح المحاصيل النقدية أم محاصيل الاستهلاك الحيواني و نصبح مثل هولندا ؟؟ . ما هو دورنا في الاتفاقات الاقليمية كاتفاقية مياه النيل و ما هي ارباحنا أو خسائرنا منها . و هل نستفيد من المسوحات الصحية و الجغرافية في افريقيا للتنبؤ بالكوارث و الاوبئة و الجراد أم اننا نتابع ما يجري في لبنان و بلاد واق الواق ؟؟ . نحن في حوجة ماسة للجلوس و مراجعة كل الثوابت اذا اردنا استمرار هذه الرقعة الجغرافية ( السودان ). و امامك الان كل دواعي الانفصال و التفكك مبنية علي ابعاد اقتصادية . و في قضايا الاوطان لا يوجد ما هو ممنوع من الطرح للنقاش و علي الجميع التفكير لايجاد الحلول .
الفقر هو سبب التشرد و الهجرات و الاغتراب و الدعارة و الامراض و الفساد و السرقة و الانفصال و كل ما يخطر ببالك من شنائع و فظائع اخلاقية او مجتمعيه.

يا أخي المتجهجه نحن مغيبون عن واقعنا عمداً و بفعل ايدينا , و كلنا مجهجهين منذ الاستقلال و ليس الانفصال .

مع محبتي ,,,,


#813161 [سوداني متابع]
5.00/5 (3 صوت)

10-29-2013 08:35 PM
بعد 44 سنة اكتشفت ان اكتوبر المزعوم هو اول مسمار في نعش السودان , و هو الركب الكيزان في راسنا من ديك و عيك


#813159 [المشتهى السليقة]
4.75/5 (3 صوت)

10-29-2013 08:31 PM
بعد 24 سنة من حكم المؤتمر الوطني .مازالت المعارضة غير قادرة علي مس شعرة من جلدة....


#813139 [ياسر عبد الوهاب]
5.00/5 (1 صوت)

10-29-2013 07:39 PM
بسبب المعايش او سمها اكل العيش..في بلد يحكمه البشير وجد اشرف كتاب بلادي-عووضه- ان لا مكان له الا اخر لحظة...


#813129 [الكوز الفى الزير التحت الراكوبه]
4.75/5 (3 صوت)

10-29-2013 07:20 PM
بعد 24 سنه قضيتها وانا جالس فوق غطاء الزير التحت الراكوبه وانا مربوط بحبل , أكتشفت أن الجالسين لا يشربون من الزير بل من جركانه تحت العنقريب ويستخدمون القرعه بدلا" عنى .


#813087 [ابو الفضل]
4.97/5 (6 صوت)

10-29-2013 05:35 PM
قراءة الواقع تبين بكل اختصار ان السفينة بدات تغرق ويريد الاخوانجية القفز منها باسرع مايكون
حتى يتم الطلاق بين العسكر الاخونجية والاخوان الاسلامويين وبالتالى تحميل الجرائم التى ارتكبت لعمر البشير وصقوره وتجهيز احزاب اخوانجية بدون عسكر حتى لايتم حرمانهم من العمل السياسى في السودان عندما تسقط الحكومة ويبداء عهد الديمقراطية في السودان وذلك على حسب دراسة قديمة لشعب السودان والذى يمتاز بالطيبة والعفو عما سلف. وسيكون الحزبين هما المؤتمر الشعبى --وحزب الاصلاحيين بقيادة غازى صلاح وعندما تبدا الانتخابات يتوحد الحزبان في حزب واحد قد يسمى حزب الاتحادالاسلامى بقيادة الترابى ويحدث هذا وفقا لجدلية تغيير الافعى لجلدهافى كل فصل سياسى.


ردود على ابو الفضل
United States [الكوز الفى الزير التحت الراكوبه] 10-30-2013 10:34 AM
يا أبا الفضل ستكون التوليفه مكونه من ( المؤتمر الشعبى + الاصلاحيين + كوادر الوطنى الحالى + منبر السلام + الطرق الصوفيه + كوادر منسلخه من الامه والاتحادى + السلفيين + مستقلين اسلاميين ) وستكون الخطوه الأولى على طريقه الترابى مسيره مليونيه تحت شعار ( أمان السودان ) وتوحيد أهل القبله ثم بعد ذلك صراع على الدستور / اسلامى / علمانى / ثم ينجح الترابى فى حشد الناس خلف الدستور ( الاسلامى ) ثم أنتخابات يفوز فيها هذا الجسم الجديد وعفا الله عما سلف .


#813060 [ساب البلد]
4.90/5 (10 صوت)

10-29-2013 05:01 PM
بعد 50سنة اكتشف الشعب السوداني ان السيدين يبحثون عن مصالحهم ومصالح ابناءهم فقط


#812997 [صالة المغادرة]
4.00/5 (3 صوت)

10-29-2013 03:57 PM
وبعد 24سنة يا عووضة انا اكتشفت احسن حاجة لاسقاط نظام الانقاذ الواحد يبقى مساعد رئيس ليخترق النظام من الداخل بس الواحد لازم يكون عزابى عشان يتفرغ للمهمة صاح .هاك الفريق صديق ده يا عووضة


#812994 [Yousif]
2.50/5 (2 صوت)

10-29-2013 03:50 PM
كلام في الصميم. يا اخ صلاح. أتذكر قبل 6 او سبع سنوات عند ما طرد من مستشاريه القصر قام بانتقاد الظام وكتبنا في وقتها عن عوده العي لهذا العتباني ولكن قامت الوساطات

وقعدت وصمت مره اخري والان بعد ان فصل وجرد من كل شئ يحاول في حركه مذبوح ان يدعي بطولات. في اخر مقال قال لا استبعد اعتقالي وفي هذه الحاله نطلب من نافع مخترع بيوت الاشباح

عندما يعتقله نرجوا ان يضعه في احد هذه البيوت لمده

اسبوع عشان يعرف بعد 24 سنه كيف كانو يعذبون البشر في تلك البيوت سئه السمعه


مع تحياتي


#812936 [هميم]
5.00/5 (4 صوت)

10-29-2013 02:48 PM
بعد 23 سنة اكتشف السودانيون أن الإسلاميين الذين يحكموهم وقد ساموهم سوء الظلم والضرائب والفقر والجبايات والمرض والفساد لا يمتون للإسلام بصلة وأن الفرق بين البشير وقذافي وبن علي وعلي عبدالله صالح - ومؤخراً "السيسي" لا يتعدى اللون


#812921 [اسمر جميل فتان]
4.50/5 (2 صوت)

10-29-2013 02:36 PM
والله صدقت يا عمو صلاح
وبالمناسبة دي انت وضعت يديك في الجرح السياسي السوداني انو ما في تحمل وتقبل للاخر يا انت معاي يا تقع البحر "وردلوب كده"!!!
امس بالاخبار سمعت انو بشه عاوز يعمل حوار مع الجبهة الثورية ومتمردي النيل الازرق ودارفور .... وبيني بين نفسي وجدت نفسي مستغرباً بقول هو الناس الكانو معاك عمرهم كله ما قدرت تتفاهم معاهم وطردتهم بالله عليك كيف حاتتحمل اراء اخري مضادة بنسبة تفوق 300% !!!! وعبدالواحد بيقول ليك عاوزين نعمل سفارة اسرائيلية في الخرطوم اهه زي يا عمو عمر حاتتفاهم معاه كيفن؟؟؟
كل ما اسمع واشوف الاخبار من هذه الشاكلة بتاكد تماما انو نحنا في سنة اولى سياسية وبدري علينا وبعيدين تماما عن الشفافية التي هي تعتبر حل لمثل هذه المشاكل وبرضو اذا ظهر اللصان ظهر المسروق!!!
وكما تدين تدان زماااااااااان لما تعاملتو مع الاحزاب بمبدأ فرق تسد وما في حزب سوداني الا ودخلتو وقسمتوه اقل شئ لثلاثة اجزء وانتقلتو الي البيوت وقسمتوها برضو الي اجزاء " شكلكم حاتشربوا من نفس الكاس !!!" هذه المرة وانتو قايلين ان التقسيم حايقيف لحد هنا؟؟؟ لسه الجاييكم أنيل من كده وان بقينا حيين حانشوف ولو متنا ما معافيين واهه فرصة نضمن حسنات قدام ان شاء الله!!!
في مبدأ بيقول اذا كان عدوي قوي فهذا يقويني!!! لو احتفظتم بالاحزاب السودانية مهما اختلفتم معاها فكريا كنت اصبحتم اقوي الان بالتجديد الفكري ...... اخخخخخخخخخخخخخخ
لسه لسه مازلنا في سنة اولي اللهم لطفك ورضاك عنا وازح عنا الغمة
آمين ... آمين ... آمين ... آمين
كسرة لطيفة وظريفة: بيقولوا ان حبوب المهدئات والمنومات والاكتئبااات (والاسهالات) انعدمت في عاصمتنا الجميلة المثلثة هههههههههه والله انا خايف الجماعة يقبلوا على البنقو وما شاببه وسلم لي على الاطباء النفسيين في امدرمان وما حولها


#812900 [تبآ للكيزان]
4.00/5 (2 صوت)

10-29-2013 02:18 PM
كتمت فى مكجر ولاية وسط دارفور بين السلامات والمسيرية .. السلامات جو بي أسلحة وعتاد لاقبل للعرب بها .. الجرحى والموتى كلهم مسيرية أكتر من 30 جريح وعدد المتوفيين كتار شديد ..


#812866 [بدرالنهار]
4.50/5 (2 صوت)

10-29-2013 01:37 PM
تائب وتاب ويتوب كلمات وتصريفها لاتليق ولاتنطبق علي من يكذب و كذب وكاذب وكذوب لان الإسلام كان أحد أدواته تطويعاً لخدمة سادته وابن أسرتة .


#812852 [karkaba]
5.00/5 (1 صوت)

10-29-2013 01:13 PM
ابدعت واللة سيد عووضة


ردود على karkaba
United States [جدادة ألكترونية] 10-29-2013 03:24 PM
ياخي (الله) وليس (اللة)


#812851 [omdurmani]
3.50/5 (2 صوت)

10-29-2013 01:12 PM
ما أروع كتاباتك ياخي


#812839 [صبري فخري]
4.50/5 (4 صوت)

10-29-2013 12:54 PM
بعد فترة تيقنا أن عووضة ليس بإنسان إنما هو الإبداع يمشي على رجلين. 0123652351


ردود على صبري فخري
United States [لتسالن] 10-31-2013 07:29 AM
عووضة أبدع فيما كتب لكن أخشي أنك لم توفق للإبداع في التعليق.


#812830 [jangy]
5.00/5 (1 صوت)

10-29-2013 12:49 PM
ود عيوضة سلامتك من العداب وكدى فشيت غبينة الجماعة لانهم وكما قال رئيسهم هم جايين عشان يهرو فشافيش بعض الناس واسال ناس امضبان على الكلام دا تلقاهم هسى بغنو ليك فى اغنية بلدياتك عدبنى وتفنن فى الوان عدابى وما ترحم دموعى ولا ترحم شبابى وخلينى فى شجونى الخ


#812816 [المتجهجه بسبب الانفصال]
5.00/5 (2 صوت)

10-29-2013 12:39 PM
إصلاحات غازي وأحزاب التغابي

بقلم المتجهجه بسبب الإنفصال:

ثلاثة لا أشك في وطنيتهم القحة وأنهم مفكرون لم يفهمهم أغلب الشعب السوداني الى اليوم: الشهيد محمود محمد طه، والشهيد الدكتور جون جارانج، والشهيد كجده غريب طوس الشريف حسين الهندي،، يمتاز ويتميز المفكر بخمسة أمور مبدئية (1) القلق الدائم والبعد عن حياة الترطيب، (2) الاصرار على المبدأ الأساسي لفكره (3) حب الحرية للغير كما يحبها لنفسه (4) الشجاعة والدفاع عن فكره مهما كان (5) ينسى قضاياه الشخصية وهموه الذاتية وتكون هموم شعبه هي الهاجس في صحوه أو حتى في عز المنام .... هذه السمات التي ذكرتها واكبت وجايلت الثلاثي السوداني الذي من بينهم من سبق زمانه ونبه وحذر من الساحق والماحق والبلاء المتلاحق الذي سيصيب البلاد فأصاب...

إن حزب الإصلاحيين الذي يود غازي صلاح الدين تأسيسه على غرار ما جرى في السياسة الإيرانية التي يحاول الانقاذيون تقليد أطرها سيزيد من الأزمة السياسية وتغبيش الوعي،، فالحركة الاسلاموية (الانقاذ حاليا) تريد أن تغطي على ما أرتكبته من جرائم وجنايات وجنح وتحاول بالابقاء في الساحة على حزبين فقط المحافظون والاصلاحيون، وهذه الفكرة لم تكن وليدة اليوم فالاسلاميون معجبون بنظامين رغم التظاهر بكراهية أمريكا هما النظام الحزبي الأمريكي (الجمهوريون+ الديمقراطيون) والنظام الحزبي الإيراني المنبثق من ولاية الفقيه (الاصلاحيون+ المحافظون).. الشاهد على ما نقول أدبيات الإسلامويون الذين كرر الكثير منهم فشل ديمقراطية ويستمنستر...

إن فكرة غازي في تكوين حزب جديد يركز على الاصلاح السياسي فيه تناقض كبير بين ما زعمته الحركة الاسلاموية في عهد انشاءها الاول بانها جماعة إصلاح إجتماعي وهذا هو أحد أركان الخلاف بينهم وبين جناح الصادق عبدالله عبدالماجد،، وللذين يقرأون كتب علم الاجتماع ونظرياته وارتباطه بالانسان يجد أن من اكثر الأمور صعوبة وتعقيداً هي عملية الاصلاح الاجتماعي،،، لذا لجأت الحركة الاسلاموية بقيادة الدكتور الترابي الى مزاعم ان الله ليزع بالسلطان ما لايزع بالقرآن فاذا بهم بعد 23 سنة في السلطة والقرآن في خبر كان،،، لم يقدم غازي كمفكر مزعوم في زمن ينعق فيه البوم نقداً ذاتيا شاملاً للمشكل السوداني بل ظل يراوح مكانه في ذات الاطر الإسلاموية التي هي أس البلاء،، بل لعل جرثومة الإصلاح بدأت بمناقشات بينه وبين نسيبه حسن مكي الذي قال له الترابي يوماً في مغالطة بينهما ((أمشي أقرأ أملأ راسك ده))،، كذلك أود هنا أن أنبه أن الانشقاق الأول بين الوطني والشعبي لم يكن أبداً خلافا وطنيا أو فكريا وانما خلاف شخصي لأن الترابي طوال فترة تربعه لقيادة المنشقين وغير المنشقين كان يزل هذه الاسماء التي يعتقد الناس أنهم مفكرون ذلة الكلب في الطاحونة حتى البروفيسور أبراهيم أحمد عمر وعلي عثمان وغيرهم من الاسماء التي تبدوا فارهة حصلوا على نصيبهم من التأنيب والزجر فتركزت في قلوبهم عكارة الانقضاض على شيخهم،، فتخيل يا محمد أحمد ياخوي كيف سنينك ضاعت في خلافات شخصية يظن البعض أنها في سبيل الوطن، والله يرحمك يا عمنا الحاج ودعجبنا الفي الفريق كنت الركيزة وعندو كلمة على الجماعة،،،

نعود لغازي المفكر المزعوم في بلد تركه المستنيرون وجلس على تله البوم وتفشت فيه ثقافة أمدلدوم،، في أحد اللقاءات كرر غازي أنه مفكر مرتين ولا يقول المفكر بذلك بل يترك الحكم لمن يقرأونه أو يسمعونه ولعدم وجود منتوج كتابي لغازي حتى يقرأونه ففقط من يسمعونه،، في قصة احتلال دار الهاتف ارسله زملاءه الذين أحتلوا دار الهاتف لجلب الفطور فهل عاد غازي إليهم ؟ فرضت رقابة قبلية على الصحف ورفعت ملفات فساد تزكم الأنوف ومورس التطهير العرقي في دارفور وفرض علي عثمان نفسه مفاوضا فردا في نيفاشا وعارض غازي بعض بنود نيفاشا فهل خرج من الجماعة؟ جلدت الفتيات بسبب ارتداء زي ليس فاضحا واعتقل اناس لمجرد آراءهم وهاجر عشرات الألوف من بني السودان وطوال هذه الاحداث ظل دكتور غازي لايراوح مكانه ؟ فلماذا يعترض الآن بالذات على قتل المحتجين؟ هل لأنه يؤمن بأن الحرية له ولغيره أم لأن سفينة الإنقاذ غاصت وتبالي بالرياح ويريد أن يبحث لهم عن جبل يعصمهم من الماء؟

للذين ينتظرون منفستو برنامج حزب الاصلاحيين القادم أؤكد لكم بأنكم لن تجدوه يختلف كثيراً عن المبادئ الأساسية للمؤتمر الوطني أو الشعبي حتى إذا قالوا أن حزبنا يفتح العضوية لغير المسلمين تهويما وتعويما،، فإذا وجدتم أن الشريعة الإسلامية المزعومة هي أساس الحكم فأعلموا أن الدكتور غازي نفخة كذابة أخرى من جلباب الاسلاموية،،،، والوطن يا هو التكية ،،


ردود على المتجهجه بسبب الانفصال
United States [الدنقلاوي] 10-31-2013 02:57 AM
الاخ المتجهجه - يقرأ معه - سوداني متابع، هذه كتابة مفيدة وتضع كثير من النقط على حروف الأزمة السودانية المتداخلة، أهم ما استوقفني فيها هو انه كانت لدينا في السودان زعامات "كان" يمكن ان تغير وجه البلد وتحديدا محمود محمد طه وجون قرنق، لكن الواقع المتخلف وتآمر القوى التقليدية المستفيدة من الأوضاع القائمة (طائفية +اسلام سياسي) إضافة لقوى إقليمية ودولية تحرص علي استمرار السودان في وضعية رجل افريقيا المريض ..كل هذا كتب نهايات فاجعة لتجربة الزعيمين ولم يكن غريبا ان يقتلا بتلك الصور المريبة، الأمر الآخر هو انه اي تجربة جديدة للحكم أو الاصلاح باسم الاسلام السياسي في السودان (من غازي أو من غيره)ومهما كانت ليبرالية شعاراتها وانفتاح دعايتها هي إعادة لاختراع العجلة ولن تقود إلا لتكرار المآسي... واتمنى أن تواصلا الكتابة بنفس اطول ولا يهم ان جاءت في خانة التعليقات أو الأعمدة في كتابة أفيد من 95% من الأعمدة التي نقرأها ودمتم

[المتجهجه بسبب الانفصال] 10-29-2013 11:42 PM
رد على سوداني متابع :

شكرا جزيلا على هذه المعلومات الرصينة التي اضافت لمعلواتي المتواضعة الكثير ،،،

[سوداني متابع] 10-29-2013 09:14 PM
رسالة الي المتجهجه بسبب الانفصال :
أولاً شكراً علي هذا المقال الضافي . و أتفق معك في خصوصية من ذكرت , و لكنهم ايضاً لم يكن في استطاعتهم تقديم روشتة الحل المنتظرة من جماهير الشعب , و الدكتور جون قرنق هو اكثر من قارب في طرحه بتغير نهج و جذور التركيب السوداني , و لكن ما صعب عليه طرحه انه قادم من الطرف الاخر أو الطرف الذي هو أحوج لمبادرة تعديل وجهة المجتمع السوداني .
يؤخذ علي من ذكرت من الامثلة و غيرهم هو خلو طرجهم من بعد اقتصادي للحل ,و اعتمادهم علي ما هو حادث اصلاً , و هم ليسو الملامين و حدهم لفراغ وعي السودانيين من المخططات الاقتصادية , و كل الدول التي نهضت في العالم لم تنهض عبر برامج اخلاقية بل عن طريق استقرار اقتصادي . و هذه هي من اكبر مازق الاحزاب العقائدية مثل الاخوان المسلمين و المهدية و ما شاكلها, تفتقر الي خطط ملموسة للتنمية الاقتصادية , و تعيش في عالم من الرومنسية السياسية و تجرنا خلفها في غيبيات توردنا بها ما نحن فيه . انا لست شيوعياً و كذلك مهاتير محمد في ماليزيا أو اتاترك في تركيا أو كوريا الجنوبية او ..... الي اخر الامثلة .
اين يمكن ان تصنف دولة تحتل مساحة 20 % من مساحة افريقيا . و ما هي معطيات ميزاننا التجاري حتي مع الدول الافريقية و حتي التي هي أضعف منا ؟؟ . و من الذي خطط لنا اهدار مواردنا الزراعية لزراعة القطن و لمصلحة من و ما هي الخيارات البديلة , و هل الاصلح المحاصيل النقدية أم محاصيل الاستهلاك الحيواني و نصبح مثل هولندا ؟؟ . ما هو دورنا في الاتفاقات الاقليمية كاتفاقية مياه النيل و ما هي ارباحنا أو خسائرنا منها . و هل نستفيد من المسوحات الصحية و الجغرافية في افريقيا للتنبؤ بالكوارث و الاوبئة و الجراد أم اننا نتابع ما يجري في لبنان و بلاد واق الواق ؟؟ . نحن في حوجة ماسة للجلوس و مراجعة كل الثوابت اذا اردنا استمرار هذه الرقعة الجغرافية ( السودان ). و امامك الان كل دواعي الانفصال و التفكك مبنية علي ابعاد اقتصادية . و في قضايا الاوطان لا يوجد ما هو ممنوع من الطرح للنقاش و علي الجميع التفكير لايجاد الحلول .
الفقر هو سبب التشرد و الهجرات و الاغتراب و الدعارة و الامراض و الفساد و السرقة و الانفصال و كل ما يخطر ببالك من شنائع و فظائع اخلاقية او مجتمعيه.

يا أخي المتجهجه نحن مغيبون عن واقعنا عمداً و بفعل ايدينا , و كلنا مجهجهين منذ الاستقلال و ليس الانفصال .

مع محبتي ,,,,

United States [hajsaror] 10-29-2013 03:12 PM
يامتجهجه؟ ارجو منك ان تكون من كتاب الاعمدة في الراكوبة لما لمسته من خلال مداخلاتك من فهم عالي واظنك وان بعد الظن اثم كنت منهم في يوم من الايام؟؟

European Union [MOHAMMED] 10-29-2013 02:43 PM
ذاك ما يجب ان يعرفه الجميع.

الفخص الدقيق بل الغوص عميقا لثبر اعماق هذا المارد القديم المتجدد القادم في شكل البشر.

اعينو المتجهجه بذبر الحديد حتي يجعل بيننا وبينهم ردما.


#812811 [Suadni11]
3.00/5 (2 صوت)

10-29-2013 12:34 PM
ويا عووضة نحن (كمان) كل يوم بنكتشف انك زول تمام وانك زى الدهب لا تصدأ وان النار ما بتزيدك الا لمعان. يديك العافية يا زول يا حقانى.


#812810 [Suadni11]
4.63/5 (4 صوت)

10-29-2013 12:31 PM
اكتشاف غازي دة يستحق عليه لقب كولومبس! مغقول زول يكتشف بعد ربع قرن مصايب وجرائم من قبل حتى ما يجوا الحكم؟ انا لو محله اخلى شغلة السياسة دى نهائى وارجع طبى، وتانى داير يشتغل عمل عام عشان تاني يكتشف شنو؟ عشان يجينا تانى بعد ربع قرن يقول لاولادنا والله انا اكتشفت وو.. فكونا من المسلسل التركى دة. ما دايرين اى دقن تانى.
دة زى اكتشاف الخريف البيجى كل سنة فجأة فى يوليو !؟


#812809 [ممكون وصابر]
4.25/5 (3 صوت)

10-29-2013 12:31 PM
زمان قالها ادروب بعد مرور عامعلى الانقاذ قال رجعونا محل ما انقذتونا ونحن بعد24سنة نقول رجعونا محل ما انقذتونا لما كانت الرغيفة بي12قرش يعين الجنيه القديم كان فيه 9رغيفات بالتمام والكمال ورطل السكر ب15قرش وقس على ذلك جونا ناس هي لله هي لله لا للسلطة ولا للجاه رفعوا الاسعر الى السماء وخلونا نزحف في الارض نشكو المسغبة


#812787 [اب غزالة]
1.00/5 (1 صوت)

10-29-2013 12:13 PM
خال تايوانى


#812769 [الصلاحابي]
4.50/5 (4 صوت)

10-29-2013 11:55 AM
بعد 24سنة اكتشف انه مخدوع
لها احتمالين
اما غبي
او مفتكر شعب السودان اهبل


#812749 [عبد التواب]
3.00/5 (2 صوت)

10-29-2013 11:36 AM
الراجــــل ، اكتشف انه مخدوع وتاب ، ورب العباد يقبل التوبة من عبادة، بس ياريت يا عووضة تكون توبة نصــوحــة مش ضحك علينا في الدنيا وضحــك على نفسة في الاخــرة يوم لا ينفعــة عمر ولا نافع ولا علي ............الخ


ردود على عبد التواب
[مهاجر] 10-30-2013 10:30 AM
للتوبة شروط فهل اوفاه الدكتور غازي وهل الدكتور غازي معترف انه كان مذنب ....لا اعتقد ذلك وانما يريد ان يدين الاخرين وحقيقة الجمل مابيشوف عوجة رقبنه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة