الأخبار
أخبار إقليمية
عبد الرحيم حمدي يدعو لاستقطاب الدعم الخارجي فى مجال صناعة القاطرات
عبد الرحيم حمدي يدعو لاستقطاب الدعم الخارجي فى مجال صناعة القاطرات
عبد الرحيم حمدي يدعو لاستقطاب الدعم الخارجي فى مجال صناعة القاطرات


10-30-2013 06:17 AM
(سونا ) دعا وزير المالية الأسبق والخبير الاقتصادى عبد الرحيم حمدى لاستقطاب شركات دولية وبنوك كبرى مثل البنك الاسلامى والبنك الافريقى والتعامل معها بنظام (البوت ) فضلا عن إدخال آليات حديثة من بلدان لديها إمكانيات ضخمة فى مجال صناعات القاطرات مثل روسيا والصين .
وشدد حمدى فى ندوة عن ( مستقبل السكة حديد فى السودان) نظمتها الهيئة امس الاثنين على ضرورة التعامل مع السكة حديد بتفكير وآليات جديد واعادة الثقة فى هذا القطاع الحيوى .
وفى السياق اقر مدير عام الهيئة المهندس مكاوى محمد عوض بتدهور قطاع السكة حديد نتيجة عدة عوامل على رأسها الحصار الامريكى الاوربى مما أدى الى توقف دخول القاطرات وقطع الغيار من تلك البلدان ليكون البديل قطع غيار غير اصلية فضلا عن هجرة الكوادر المدربة والمؤهلة مع حدوث صراع سياسي داخل الهيئة أسهم فى تردى قطاع السكة حديد .
ولفت مكاوى الى ان توقف تكملة مشروع البنك الدولى أدي الى تراجع أداء السكة حديد وزاد مكاوى ان ادارات الهيئة اضطرت لبيع اصولها ومخزونها من المواد الخام لسداد استحقاقات العاملين بها مشيرا الى ان الهيئة إستعانت بالقطاع الخاص كواحدة من الخطوات الاصلاحية التى بدأت فى تنفيذها لجهة إعادة قطاع السكة حديد للعمل مرة اخرى مشددا بان قطاع السكة حديد لا يقل أهمية عن قطاع النفط موضحا ان الهيئة شرعت فى إعادة تأهيل عدة خطوط منها خط الخرطوم بورتسودان بطول (800) كلم وبكلفة تبلغ (500) مليون دولار فضلا عن إعادة تأهيل خط بابنوسة نيالا بطول 357 كلم بكلفة تقدر بنحو 330 مليون دولار منوها للانتهاء من اعداد الدراسات الفنية والاقتصادية لمد شبكة السكة حديد للمدن السودان الرئيسية وعواصم الولايات وتقدر تكلفتها بنحو (50) مليون دولار حيث ينتظر ان يجد المشروع ممولين خلال الفترة المقبلة .


تعليقات 16 | إهداء 0 | زيارات 2022

التعليقات
#814009 [مواطن]
0.00/5 (0 صوت)

10-30-2013 10:11 PM
أها ده أغبى واحد فيهم أنتجته الانقاذ!!


#813999 [الحادب]
0.00/5 (0 صوت)

10-30-2013 09:56 PM
مكاوى دا منو اوع يكون بتاع الكهربا دا تمساح كبير من زمن الكهرباء دا الجاب المحولات الغير مطابقة للمواصفات من الصين وكمان قالوا جاء عشان يطور السكة حديد وكمان جاب صينيين كتار شئ فلنكة وفنيين صينيين والغالين هم مساكين السكة حديد والصينيين قاعدين ساى يقبضوا فى الدولارات ساى ويهدر فى مواردالبلد وكمان جايب ليهو ناس من الكهرباء لتطوير السكة وهم لا يفهموا طظ من سبحانالله فى السكة حديد بس يقبضوا فى الملايين وينظروا وفيهم واحد اسمه ابراهيم فضل دا انا بعرفه منظراتى كبير لا يحل ولا يربط ولا يفهم شئ عن السكة حديد. حليل السكة حديد وحليل مهندسين السكة حديد الزمان الكان يهزوا ويلزو


#813869 [حاقد]
0.00/5 (0 صوت)

10-30-2013 06:37 PM
ما كنت وزير ماليه ما عملت الاستقطاب دا ليييه يا ابو حليب


#813865 [ما سودانى ولا حاجة....]
0.00/5 (0 صوت)

10-30-2013 06:30 PM
هو القطر يشيل شنو ؟؟؟ ويوديهو وين إلا يشيل ناس موقف (كركر) يوديهم موقف شندى(مكاتب الأمن) يعذبوهم زيادة ويجيبوهم راجعين لموقف شرونى .والخبير الخطير بكبر فى العمولة بتاعتو بهناك ناس أسامة عبدالله (عديل العبيط)فى السدود وما شابه سدو عليهو السكة وبى هناك أخوان (الدلاهة البشير) حابسين الدرب ما بخلو ساقطة،البلد بقت ضيقة القال ليك أعملها مثلث منو؟؟ وسعها الألأه يوسع ليك ود اللحد.


#813802 [أبو الزينة]
5.00/5 (2 صوت)

10-30-2013 04:56 PM
الله لا يبارك فيك يا من غطست حجر البلد أمشي أغرب عن وجهنا جائي تنظر من بعيد..حسابك جائي صبرك يا أبوحليب.


#813784 [ود الحاجة]
5.00/5 (1 صوت)

10-30-2013 04:35 PM
( الاختشوا ماتوا) بأي صفة يدعوا هذا المدعو عبدالرحيم حمدي شركات دولية وبنوك كبرى مثل البنك الاسلامى والبنك الافريقى , فالمعروف ان هذه الهيئات تتعامل مع حكومات او شركات و لا تتعامل مع اشخاص

لماذا لم يقم حمدي بهذه الدعوة عندما كان وزيرا و لماذا اصر على بيع ممتلكات الشعل للصوص باسم التخصيص؟


#813695 [kafoury]
0.00/5 (0 صوت)

10-30-2013 02:31 PM
الرئيس البشير قال لعبدالرحيم حمدي ساخر بعد ان فشل في جميع المخططاط الاقتصادية ...انت عبد الرحيم دمرت اقتصاد السودان بهذا الشكل واذا كنت اسمك عبد الجبار ح تعمل شنو ..؟؟؟؟


#813670 [مهاجر]
0.00/5 (0 صوت)

10-30-2013 02:02 PM
الاستاذ/ عبد الرحيم حمدي بعد ان عومت الجنيه السوداني وشيعته الي مثواه الاخير ماذا تريد منا بعد .


#813607 [صلاح كوكو]
5.00/5 (1 صوت)

10-30-2013 12:36 PM
ياعمنا الخببير العالمي يامن افشلت كل شئيء بالسودان مشروع الجزيرة

بنك العمال شركة الصمغ العربي وين ماتدخل يدك ونفسك تنعدم العافية

ثم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#813586 [اسلامى غير مخضرم]
3.00/5 (2 صوت)

10-30-2013 12:21 PM
القطار عشان ينقلوا بيها شنو ؟؟؟؟ بنقو مثلا؟؟؟ وووووين الانتاج عشان نجيب ليهو قطار؟؟؟انتو اصلا كسرتوها ليه من الاول؟؟؟؟؟ يا عبدالرحيم حمدى قوم لف يلفك عجل قطر يا رب العالميييين


#813543 [ود احمد]
5.00/5 (1 صوت)

10-30-2013 11:23 AM
هذا اللا حمدي هو سبب بلاوي الاقتصاد السوداني عندما جاءت فكرة تحرير الاقتصاد عاندوا المجتمع الدولي وحرمهم هذا العناد من الدعم ثم حرروا الجنيه السوداني ظنا منهم انهم سيبنون دولة دون تعاون الاخرين معهم هذا الرجل هو سبب بلاوي الاقتصاد السوداني ولا نريد منه نصائح ويجب ان يحتفظ بنصائحه لنفسه اما السودان سطينيه قوم ليسوا كشاكلة الانقاذ الذين دمروا البلد والان يزرفون دموع التماسيح على وطن اصبح معزولا دوليا واقليما


#813538 [mohd]
5.00/5 (1 صوت)

10-30-2013 11:15 AM
اي صناعة واي قاطرات يا خبير الشئوم والفساد
واين هي السكك الحديدة
دا مشروع نهب جديد واقتراض مليارات وسرقتها كعادتك

انت تقترح والوزير ينفذ ويجي يقاسمك والبشير قاعد طرطور يجعجع في المكرفونات ويكذب ويرقص؟

لعنة الله عليكم اجمعين


#813482 [خالد]
5.00/5 (1 صوت)

10-30-2013 10:28 AM
دعا وزير المالية الأسبق والخبير الاقتصادى عبد الرحيم حمدى

هذا الرجل يجب ان يحاكم لا ان يستمع له - خبير اقتصادي - كيف يوصف بهذا الوصف عراب الانقاذ
هذا افشل رجل دعى الى سياسة السوق الحر في بلد جل موارده زراعية - ثم تم تدمير المشاريع الكبرى لمصلحة من ؟؟؟؟
للمعلومية الرجل يعيش خارج السودان منذ عقود هو واسرته .

اما تدهور قطاع السكة حديد وما ادراك ما السكة حديد فتم تشريد الكوادر الفنية والمهندسين بدعوى انهم يساريين والجميع يشهد بذلك تم تدمير السكة حديد ومدينة عطبرة التي عرفت منذ دخول الانجليزي السودان بانها من كبرى المدن حيث الورش والمسابك والعمال المهرة .
كل ذلك تم بايد حكومة المؤتمر الوطني .
لا مستقبل للسكة حديد فى وجود امثال حمدي وهؤلاء
ولفت مكاوى الى ان توقف تكملة مشروع البنك الدولى أدي الى تراجع أداء السكة حديد -
لن يحكمنا البنك الدولي اليس هذه شعارات الانقاذ ؟؟
اذا تحدثت في اي موضوع اي كان تجد هذا التناقض ؟؟؟؟


#813472 [كاكا]
0.00/5 (0 صوت)

10-30-2013 10:15 AM
الكذب والدغمسة كانا وما زالا هما منهج هذ الجماعة وعلى رأسهم الكذاب الأكبر الأشر البشير ، كلام وحكي وخم في الناس وكأنهم استولوا على السلطة بالامس فقط ودائماً حديثهم وعود وسراب للاستمرار في الكنكشةاولنهب والسرقة وتفادي المحاسبة الدنيوية ولإذاقة الشعب الأمرين وشظف العيش ، دمروا التعليم والصحة والخدمات والبنية التحتية ورفعوا ايديهم عن كل ما تقدمه الدول المحترمة وغير المحترمة لمواطنيها وفرضوا عليناالجبايات والمكوس المنهي عنها شرعاً ورفعوا الجمارك والضرائب والقيمة المضافة والدولار وأحالوا حياة الأسر لجحيم ودمروا مستقبل أطفالنا وحقهم في وطن ينعم بالتطوروالنمو ويتبجحون ويتاجرون بالشريعة التي لن تصبح عاصم لهم بعد انكشافهم،أنرظر لهذه الجملة لتضحك على من يظنون بنا السذاجة (وزاد مكاوى ان ادارات الهيئة اضطرت لبيع اصولها ومخزونها من المواد الخام لسداد استحقاقات العاملين) ومتى تبيع الإدارات الحكومية أصول الدولة لصرف المرتبات إلا في عهد القوي الأمين الحرامي الذي لا يخاف الله.. عالم قذرة بصحيح..


#813459 [الزول الكان سمح]
5.00/5 (1 صوت)

10-30-2013 10:03 AM
هههه...نضحك مما نقرأ...هو الزول ده عايش وين...قطارات...قطر يفرمك


#813456 [Khalid Bahri]
4.25/5 (3 صوت)

10-30-2013 09:59 AM
مين المجنون اللي يجي يعمل اي شئ في السودان؟؟؟
الشركات الاجنبية اللي بتجي عشان تستثمر وتشتغل بفلوسها!!! ما قدامهت الا البروقراطية القاتله دون اي اعتبار لمصالح البلد... كل واحد عايز يعرف "حقي كم؟؟"
بدون الخوض في تفاصيل... التجربة بتتطلب مني الشجاعة ان احزر اي شخص سوداني او اجنبي من الدخول في اي محاولات عمل.... النتيجة النهائية!!!!!! ممكن تتوقعها من الان
مافي فايدة الي ان يتغيير النظام وياتي نظام جديد يقر بالطرق الفاشلة التي عممها الاخوان الحراميه... وينشر نظام محاسبة الموظف علي الاداء...
وربنا يجيب الخير لبلدنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة