الأخبار
أخبار إقليمية
أجهزة أمن حزب البشير تصطاد طائرا على عنقه جهاز إرسال
أجهزة أمن حزب البشير تصطاد طائرا على عنقه جهاز إرسال



قالت إنه يستخدم في عمليات التجسس
11-01-2013 04:16 PM

القاهرة"غربة نيوز"

اعلنت بعض وسائل الاعلام السودانيه يوم الجمعة، أن الأجهزة الأمنية بولاية النيل الأبيض- وسط السودان- اصطادت طائرا على عنقه جهاز إرسال يعمل ضمن منظومة متصلة بالأقمار الصناعية، غالبا ما تستخدم فى عمليات التجسس.

واضافت ان قيادات أمنية بولاية النيل الأبيض قولها"، إن مزارعا يمتهن مهنة الصيد بضواحى الولاية استهدف طائرا معروفا بين المواطنين يطلق عليه طائر "اللقلق" وإصابة وعندما هم بأخذ صيده شاهد أن هناك جهازا مستطيل الشكل أبيض اللون مثبت فى عنق الطائر، فقام بإخطار الأجهزة الأمنية بذلك.

وكشفت الأبحاث التى أجرتها المعامل الجنائية على الجهاز بأنه من نوع يسمى "منصة الإرسال الطرفية" ويستخدم فى منظومة التتبع عبر الأقمار الصناعية، وفيه وحدة للطاقة ووحدة للإرسال الصوتى المصنوعة من مواد تقاوم العوامل الطبيعية والصدأ.

ويمثل الجهاز -حسب الفحوصات- وحدة متكاملة للالتقاط والاتصال، وفى مقدرتها تكبير الصوت وتحديد حركة الطائر، وشرعت الأجهزة الأمنية فى تحريات واسعة حول الطائر الذى يعتقد بأنه يستخدم فى عمليات التجسس


تعليقات 67 | إهداء 0 | زيارات 10407

التعليقات
#816294 [الطريفي زول نصيحة]
5.00/5 (1 صوت)

11-02-2013 05:59 PM
ههه خبر لذيذ .....أجهزة امنية بتاعت الساعة كم ياخي ....أول حاجة الطائر لقاهو مزارع صدفة ...وين دور الأجهزة هنا ؟ صدفة فقط ....بعدين هي جات على الطائر ...البلد مستباحة أسرائيل تضرب فينا كل يوم وتمرق والخبر نسمع بيهو في الجرائد البرة ...لانو الأجهزة الأمنية عندها فرمالة واحدة : إلتماس كهربائي ....غايتو اجهزة السجم دي فالحة في التعدي على المواطنين العزل فقط ...قومو لفو ....


#816280 [ود الريف]
0.00/5 (0 صوت)

11-02-2013 05:31 PM
(وشرعت الأجهزة الأمنية فى تحريات واسعة حول الطائر الذى يعتقد بأنه يستخدم فى عمليات التجسس)... يا فرحتي!!!! ياخي البلد قاعدة في السهلة يتجسسوا على شنو؟؟ شوفوا لينا موضوع تاني!


#816049 [المتجهجه بسبب الانفصال]
5.00/5 (1 صوت)

11-02-2013 12:15 PM
الله اكبر والعزة للسودان ،، ربنا يوفقكم من نصر الي نصر لقهر اعداء الاسلام ،، سيروا الي الامام وكلنا خلفكم


#816035 [محايد]
5.00/5 (3 صوت)

11-02-2013 11:55 AM
الطائر الغبي ما تكتك مواعيدو كويس ،،، المفروض يجي مواعيد صلاة العشاء والكهرباء تكون قاطعة ويطفئ نورو ،،،، كان هسه قلب الحكومة ومسك البلد ،، خسااااارة


#816000 [المأفون]
4.00/5 (1 صوت)

11-02-2013 11:26 AM
كدي في الأول اصتادو تجار البنقو


#815991 [كلكلى]
0.00/5 (0 صوت)

11-02-2013 11:14 AM
بعض الحيتان بأعالى البحار وأمام شاطى البحر الاحمر بها اجهزة من النوع دة للدراسات العلمية والتتبع .لازمكم غواصات !!


#815944 [more]
4.50/5 (2 صوت)

11-02-2013 10:10 AM
ياحكومة الحمير............هاهاهاي. .....في حاجة اسمها علماء احياءوطبيعا بدروس في ظواهر هجرة الطيور... ععععععوككككك امحومد دحن اء نافع اء دكتور التعافي اء دكتور مصطفى اء باشمهندس عوض........ماسمعتو بكلام ده هههههههههههه


#815941 [ابومروان]
4.75/5 (3 صوت)

11-02-2013 10:08 AM
ياعماشة انت تيارة ماتشوف تيرة تشوف


#815858 [محمد شرف]
5.00/5 (2 صوت)

11-02-2013 08:15 AM
يا أُمَّةً ضَحِكَتْ مِن جَهْلِهَا أمم ( الطيور ) !!!!!!!!!!!!!!


#815797 [الحركة السودانية للحرية والعدالة]
4.00/5 (1 صوت)

11-02-2013 03:14 AM
يظهر الجماعة تخلوا عن الدفاع بالنظر وقرروا استخدام التكنولوجيا والمعامل والتحليل، تاني ما حا يتجرأ أي عصفور دخول الحدود السودانية أو انتهاك السيادة الوطنية.


#815770 [خبير الاعواد]
4.00/5 (1 صوت)

11-02-2013 01:56 AM
ههههههههههههههههههه ايا اخوانا ديل ناس قاعده فى السهله ساي ياخ ..

ان لله وان اليه راجعون .. والله الواحد ما عرف يضحك ولا يبكي .. ديل بشر ديل
علم تك .. اخلاق تك .. فهم تك .. سرقه ونصب ودجل باسم الدين متفوقين


#815761 [الحقيقة مرة]
5.00/5 (1 صوت)

11-02-2013 01:34 AM
عاجل: ورد من المصادر بتاعتنا انو هذه الطيرة الخاينة تشادية الاصل ولها علاقة بالجبهة الثورية وفلول الشيوعيين والعلمانية وكانت تتامر مع المعارضة لقلب نظام الحكم وكانت تقوم بتصوير المواقع السرية لمنصات الدفاع بالنظر واماكن احتشاد قوات التحرير في حلايب وشلاطين وذلك اثناء قياما بمهمتا الاساسية وهي الطيران حول القصر الجمهوري عشان اعرفو مقاس بشة لاغتيال الرئيس بعملية التكة المسمومة اثناء القاء احد خطاباتو الجماهيرية الحماسية وكان المخطط سينجح لولا يقظة كلاب الامن ولا نقول الا حسبنا الله ونعم الوكيل


#815752 [متسكع]
5.00/5 (1 صوت)

11-02-2013 01:10 AM
نضحك مما نسمع

انتو ما سمعتوا ولا ماشفتوا طائرات التجسس يدون طيار

نتوا ماشفتوا حشودكم في جبال النوبة مصورة بالاقمار الصناعية

انتو ماشفتوا فعلاً شفتوا الطائرات الاسرائيلية تسرح وتمرح 2000 كيلوفي سماء السودان الطاهر

بس شفتو طيره واحدة من ملايين الطيور وكمان بها جهاز تجسس

انتو قايلننا طيور ولا شنو


#815744 [Ali saleh]
4.00/5 (1 صوت)

11-02-2013 12:36 AM
الخوف هسع تعملوا لينا موضوع وتجيبوا لينا هوا مع دول العلماء الثبتوا هذه الجهاز على الطائر. والحكاية مش ناقصة. مقاطعات وحقوق حيوان والذي منه. الفينا مكفينا.


#815741 [القام دابو]
4.00/5 (1 صوت)

11-02-2013 12:31 AM
يا جماعة الحكومة بعد احداث سبتمبر اصبح رصيدها بين البسطاء صفر فاختلقت هذه الروايه لتوحى للناس ان البلد مستهدفة وطبعا الكثير منا فارغين ونصدق مثل هذه الروايات الساذجة ونشغل اانفسنا بعيدا عن مشاكلنا الاساسيه مثل الغلاء وكيفية اسقاط النظام وهلم جرا


#815736 [امير]
4.00/5 (1 صوت)

11-02-2013 12:15 AM
يا جماعة ما تتكلموا ساكت تتبع بتاع ايه وناشيونال جيوغرافيك بتاعة اية الطائر دة قبضوه قبل المغرب يعني الواطة مضلمة وكان طافي نور يبقى جاسوس ولا ما جاسوس
الفشل كل يوم يشهد الفشل


#815724 [فُرص مُتاحة]
4.00/5 (1 صوت)

11-01-2013 11:57 PM
اللقلق غلطان ثم غلطان يا عبدالرحيم حسين
المهم
من اول الشخيط نقول : اول انجاز على مستوى الدفاع الجوي (يعني يسجل لكم في صحيفتكم) .


#815723 [طيرة جاسوسة]
4.00/5 (1 صوت)

11-01-2013 11:53 PM
ياأخوانا الكلام دهـ صحى صحى والطيرة دى جاسوسة قديمة !! وأنا عندى صاحبى قال شافها بتطير جمب دكان سادومبا بتاع البنشر ,, حتى كمان قال كلبم هوهو فوقا !!! والشىءال دسوهو منكم ناس الحكومة إنو الطيرة دى بتتكلم لغة ما مفهومة (ما لغة طير ) وكان عاينوا ليهاشديد فى عيونابتغمز للزول ال بعاين ليها دهـ بمنتهى قلة الأدب فى حركة مقصود منها زعزعة الثقة بالنفس !!!
غايتوا بس نقول للأخوة إنهم يكثروا من الدعاء للمولى عز وجل ويسألوهو النصر على الطيور الإسرائيلية دى (الله يكفينا شرها ) !!
وياطير يا ماشى لى أهلنا ,,,, بسراع وصل رسايلنا


#815717 [Game over]
4.00/5 (1 صوت)

11-01-2013 11:35 PM
والله نحنا مع الطيور الجاسوسة الما بتعرف قدرها السيئ بجيبا السودان!! وهذا إنذار قوي لكل الطيور المهاجرة، أجهزتنا الأمنية مفتحة وما داقسة أحفظي دمك!!


#815691 [موسى السودانى]
4.47/5 (7 صوت)

11-01-2013 10:50 PM
عليكم الله خلونى نضحك شوية....ها ها ها ها والله فضحتونا وشرطوا عينا عديل انتو ما بتشوفوا قناة عالم الحيوان او الناشيونال جيوقرافى ، هو انحنا عندنا شنو عشان يتجسسوا لينا .
اوﻻ الموسم شتا يا جماعة وهو الوقتالذى تهاجر فيه الطيور من دولة ﻻخرى او من قارة ﻻخرى و كما ذكر كثير من اﻻخوة فالموجود على عنق الطائر ما هو اﻻ جهاز تحديد مواقع جى بى اس يستخدمه العلماء لتحديد مسارات الطيور واماكن هجرتها و فى السابق كانت توضع حلقات معدنية على عنق الطائر عليها رقم مسلسل ورقم هاتف ومع ثورة التكنولوجيا استعيض عنه بالجى بى اس .
فالتجسس اصبح علم يدار بالتكنلوجيا وليس الطيور و التى ﻻ يستطيع اى كان ان يتحكم فيها من الزمان و المكان وهما اهم عامﻻن للتجسس ، ومسالة الطائر دى لو جبتو ليكم شافع من شفع اﻻسبيس تون كان وراكم بدل ناس المعامل ديل


#815686 [nagatabuzaid]
3.50/5 (3 صوت)

11-01-2013 10:42 PM
دعاء المظلومين على الامنجية اصابهم الجن الكلكى عدييل بقوا يقابضوا ويساككوا الطيور اللهم اجعلهم لود ابرق ساكين وللحمام مطاردين يكونوا يا ربى الشفع الشايلين النبل حايمين بالشوارع بفتشو ا عن الطيور الجواسيس ؟؟


#815671 [fass]
4.00/5 (1 صوت)

11-01-2013 10:17 PM
يا اخوان ما تجحدو بانجاز المزارع
مش كدا وبس
وبعدين الابيض ما في ازمة اضاءة
مش كدا وبس
الطير دا جاء بالنهار
مش كدا وبس
الطير مدخليين في مؤخرتو جهاز تحكم لتوجيه الطائر
وصوﻻ للابيض
مش كدا وبس
نشكر المزارع على حسن سلوكه


#815670 [اوكامبو]
5.00/5 (1 صوت)

11-01-2013 10:15 PM
عليك الله منو الزول الماعندو شغلة و داير يتجسس عليكم؟ البلد زى الكتاب المفتوح و إسرائيل داخلة خارجة على قولة عادل إمام


#815668 [ابوكروكرو السام]
5.00/5 (2 صوت)

11-01-2013 10:13 PM
هسى عليكم الله الطيرةمنو المسكوه ولا الحكومة؟


#815662 [الجوفي]
5.00/5 (2 صوت)

11-01-2013 10:03 PM
حسب تحليل والي الخرطوم الطائر ده ابو مركوب جاي من الهلالية وبوصل معلومات للحام عشان يجيء الساعة 12:00 ليلا يشتغل ويعمل شرارة


#815660 [محمد سريف]
5.00/5 (1 صوت)

11-01-2013 10:01 PM
أبو الزفت دا الشغل .. عبد الرحيم ظلمتوه ساكت ياهو قبض الجاسوس وغالبا ابن الكلب دة حيكون اسرائيلي ... المهم سيتعرفون على هوية هذا الطائر غدا عندما ينطق .. وحيطلع الطير ومعاه عبد
الرحيم في التلفزيون ليبشروا الشعب السوداني الفضل ... الله أكبر الله أكبر


#815656 [ابو ]داليا]
3.50/5 (3 صوت)

11-01-2013 09:51 PM
والله نحن مع الطيور الما بتعرف ليها خرطه ولا فى ايدها جواز سفر نمشى فى كل الدروب الواسعه ديك والرواكيب الصغيره تبقى اكبر من مدن رحم الله الاستاذ القامه مصطفى
العالم الغربى خلوه دوله الامارات العربيه دى عندها برنامج تتبع للطيور عبر الاقمار الاصطناعيه واليكم الرابط التالى ياوهم عشان ما توهموا نفسكم زياده وتوهمونا معاكم

ولو عايزين زى ده بس ادخلو العالم الافتراضى ده تلقوا العجب علم عقليتها دايما موسوسةاعوذبالله

مره فى مطار الخرطوم واحد مريض قلب عنده جهاز مربوط فى جسده لتنظيم ضربات القلب الوهم ديل شكوا فيه


#815629 [Ali Taha]
0.00/5 (0 صوت)

11-01-2013 09:16 PM
ابوجهل الجهالة التخلف عوير ابله غبي .....كلها مجتمعه لاتعليق نحن في العصر الحجري


#815604 [هبوب الليل]
4.00/5 (3 صوت)

11-01-2013 08:37 PM
هو عليكم الله التجسس داير ليه طيرة ولا حمام زاجل؟؟؟ المعلومات بتخرج من داخل المكاتب عديل واحينا توديها الحكومة عديل بطيارة خاصة تبعثها اجهزة الاستخبارات ....
وبعدين اعرقوا حاجة السودان دا مخترق من مفرق رأسه الي اخمص قدمية لدرجة ان بعض اجهزة الاستخبارات عجزت عن الشغل لكثرة توفر المعلومات الواردة والمتبرع بهاوالطالعة بأسباب سذاجة المسؤلين ...


#815603 [ود الجد]
3.00/5 (2 صوت)

11-01-2013 08:37 PM
جهاز يستخدم لرصد هجرة الطيور قال تجسس قال


#815601 [محمد سريف]
4.00/5 (3 صوت)

11-01-2013 08:36 PM
خطيرين والله . عفارم عليكم مسكتو جاسوس ... بكرة حيطع لينا عبد الرحيم ماسك الطيرة .. جاتكم نيلة


#815564 [سايكو]
0.00/5 (0 صوت)

11-01-2013 07:38 PM
و الاخطر من كده كمان قالوا الطائر دا كان بنشر في الشذوذ الجنسي بين طيورنا المسلمه و كمان مدمن خمر و مخدرات !!!!!
علي العموم عاش خاين و مات كافر


#815556 [طارق الباز]
4.00/5 (3 صوت)

11-01-2013 07:25 PM
متخلفين الحكاية بقت أقمار صناعية تكشف النملة فى كيلومتر مربع وكمان قال جهات مختصة فحصت الجهاز!!!! يأخى أنتو لسع ما عرفتوا مصنع الشفا ان ضرب كيف جايين تتفاصحوا فى صقر شايل جهاز تتبع لغرض علمى


#815553 [ود الشريف]
2.50/5 (3 صوت)

11-01-2013 07:23 PM
. الطيرة دي دخلت بدون جواز !!!! انا ليهم بقول كلام دخلوها وصقيرها حام .....
غايتو مسكينة رقبة الطيرة نهايتا حلة بدون بصل والجهاز الفي الرقبة لناس الجهاز عجبي ..


#815545 [Omer]
3.88/5 (4 صوت)

11-01-2013 07:08 PM
ياناس الدفاع بالنظر عليكم الله ماتحرجونا وتشمتوا فينا الناس طائر شنو في عصرنا هذا يستخدم للتجسس , الشي المضحك ان الطائر المسكين تم اصطياده من قبل مزارع (بختك يامزارع لانك نجحت في نظرية الدفاع بالنظر وسوف يتم ترقيتك مع نقلك الي ساحل البحر الاحمر حتي تكتشف الاف 16 ) . عموما هذا النوع من الطيور او الاجهز يستخدم لتتبع رحلة الطيور المابتعرف لها خرطة وهو عبارة عن جهاز جي بي اس من دون ماتزودا الموضوع وتعملوا فيها دفاعاتكم بالنظر ناجحة .


ردود على Omer
United States [عمدة] 11-01-2013 09:57 PM
ها...ها...هاااااااااااااااااااا
ضحكتنى يا عمر ديل عالم موهومين وعندهم هوس لأنهم كلهم جواسيس ولسه ما بعرفوا ال (GPS). تلقى الجماعة بتفرجوا فيه ومانعين الكلام قريب منه.


#815543 [أبو مونتي.]
2.75/5 (4 صوت)

11-01-2013 07:04 PM
خلاااااااااااااااااص
ياليابان هههههههههههههه.


#815523 [طائر اللقلق]
3.00/5 (3 صوت)

11-01-2013 06:38 PM
(وشرعت الأجهزة الأمنية فى تحريات واسعة حول الطائر الذى يعتقد بأنه يستخدم فى عمليات التجسس).. ان شاء الله (ينطق) غير كده ما أظن عندكم قدره على معرفة حقيقته ورغم انه المرجح دا شغل علماء حماية بيئة او دراسات علمية لكن نحن دولة الاتجاه الواحد (أمني) ومافي..


#815522 [محمد جبره]
3.00/5 (3 صوت)

11-01-2013 06:36 PM
جهل مركب وكلام يدل على ضيق الافق هناك برنامج فى قناةnational geographic channel هذا البرنامج عن انواع الطيور والزواحف والحيوانات
النادره حيث حيث يقوم العلماء بصيد السلالات النادرة ليتم الكشف عليها للتآكد من سلامتها وتحصينها ضد الامراض التى تفتك بها وامراض غالبا ما تكون معروفة
للعلماء ويتم ربط مثل هذه الاجهزة والتى هى بالفعل اجهزه اتصال لكن ليست لغرض تجسس كما يصفه حزب البشير الجاهل انما هى اجهزه خاصة يستطيع العلماء
من خلالها تحديد مكان الطائر وفى اى موسم تهاجر من موطنها الاصلى وفى اى موسم تهاجر عائده وبهذه الاجهذه يستطيع العلماء معرفة الحاله الصحيه للطائر
او الزاحف او الحيوان تنقل اجهزة الاستشعار المثبتة بجسم الطائر او خلافه الاشارات الالكترونيه عبر الاقمار ليتم ترجمتها الى معلومات يستفاد منها فى عمل
دراسات على الطائر او الزاحف او الحيوان فى ما يخص الحاله الصحيه وموسم التزاوج والخ العلم تتطور بعدين السودان يعد سماء مفتوحة تماما لاتحتاج لاى
نوع من التكنلوجيا المتطوره يعنى بالدارجى كده البساط احمدى والدليل معروف للكل والطائرات الحربية اتخذت من الاجواء السودانية محطات استجمام، صدقونى احنا
قاعدين ساكت.


ردود على محمد جبره
United States [هدهد] 11-01-2013 10:42 PM
يا شيخ جبرة ديل بخافوا من الظل طائر شنو يكون وسيط تجسس !!؟؟ هذه دراسات على هذه الطيور تجريها الدول والمختصين فى هذه العلوم لكن الخوف خلاهم يقولوا تجسس .


#815521 [الماعاجبو العجب ولا....]
4.50/5 (8 صوت)

11-01-2013 06:32 PM
يا شباب الراكوبة ما تعملوا لينا من الحبوب بتاعة البنقو بتاعة ناس الأمن قبب!ديل ناس شغلانيتهم الفبركة والكذب الصراح وتحويل الضب ألى حيوان كاسر يقوم بضرب المحولات الكهربائية فيحيلها ألى رماد بى ضنبو بس والطيرة المسكينة (إبو الرهيو) شايلة فى ضهرها محطة أقمار صناعية ومش بس وأعادة بث وتصنت وتضخيم صوت وساوند سيسم ولا بسة سيستم ! ديل عالم عايشين فى الأوهام ومن تقارير الوهم بيطلعو قروش متلتلة (مأمورية ألى منطقة القبض على وحدة التنصت ،تحليل الجهاز بواسطة الأشعة فوق الضوئية بمختبرات الجوكس والهوكس بكينيا والتذاكر والعودة والطائرات المستأجرة و....هلمجرا )وكل سنة وتزدادوا هبالة . حللو الخبر قبل ما تنزلوه بقيتو زى ناس عفاف شاش ولا أم قماش الله يدينا خيركم...


#815515 [ابو حسن]
3.00/5 (3 صوت)

11-01-2013 06:22 PM
هم بجسسوا على شنو البلد مكشوفه


#815507 [ساب البلد]
3.00/5 (3 صوت)

11-01-2013 06:12 PM
ناس وهم تجسس شنو وكلام فارغ هي عايزة تجسس الطيارات الاسرائلية بتضرب عينك يا تاجر في بورتسودان و الخرطوم بلد سايبة.. دي اجهزة لمراقبة هجرة الطيور ورصدها ما اكتر ولا اقل .. قال تجسس قال


#815506 [تجانيي المعراقي]
4.00/5 (1 صوت)

11-01-2013 06:11 PM
ده ما جهاز إرسال بس ده كادوك من نوع أبوطيارة من جماعات الأنقاذ لتطيير بعضهم البعض وفقا للمصالح ( دجالين ناس أبو عفين ) ضد سحرة على عثمان ياله من فيلم لا يدركه الشعب السوداني المسكين ؟؟؟؟؟؟


#815505 [ممكون وصابر]
2.50/5 (2 صوت)

11-01-2013 06:11 PM
ههههههههههه انتهينا من مرحلة الدفاع بالنظر ودخلنا مرحلة الدفاع بالصيد . ,,,و نحيي المواطن على اهتمامه وربنا يكفينا كل شر يا رب .


ردود على ممكون وصابر
[كاك] 11-02-2013 12:41 AM
وانت الصادق الدفاع بالنبلة


#815492 [saleh]
2.00/5 (3 صوت)

11-01-2013 05:53 PM
هناك مراكز ابحاث في كثير من الدول اامتقدمه علميا تعمل في مجالات مختلفه من ضمنها دراسة ورصد الحيوانات وهجرتها ومعرفة عاداتها واين تذهب في فصول السنه الاربعه, ومثل تلك الاجهزه معروفه تماما لأي شخص متابع لمثل هذه الاشياء وهي لا تقتصر علي الطيور وحدها بل علي كل انواع الحيوانات والهدف في النهايه تقديم خدمات علميه تفيد الانسانيه ، منطقيا لا تعتمد جهه تجسسيه علي طائر او حيوان طليق في الفضاء او البريه في عمليه الغرض منها الحصول علي معلومات تجسسيه وهناك امكانيات افضل واضمن مثل رصد الهواتف وتصوير الاماكن المستهدفه بواسطة الاقمار الصناعيه ثم شراء المعلومات من مصادرها مثلما يحدث في كثير من دول العالم الثالث .
عندما يفكر المرء بما تفعله الطغمه من ضحك علي عقول البسطاء بنشر مثل هذا الخبر للايحاء باهميتهم واستهداف الدول الكبري لهم يصيبك الغثيان لعلمك بأنهم يتبرعون بالمعلومات الاستراتيجه لمن حولهم بمقابل او مجانا وما مستندات ال WikiLeaks ببعيده عن اعين المهتمين بالشأن . عموما هذا الخبر لا يساوي قيمة الوقت الذي اهدر في كتابته .


#815480 [خط هيثروا]
3.00/5 (2 صوت)

11-01-2013 05:41 PM
يا وهم يتجسسوا علي شنو إلا علي سجم رمادنا هو نحن عندنا حاجة ما معروفة


#815476 [عمر الفاروق]
3.00/5 (2 صوت)

11-01-2013 05:36 PM
جهل مركب أولا مفروض يمسكوا الزول الجاب الطائر دا ويتربسوا في الحراسة سنة علي الأقل لأنو حمار وما بفهم أنو في أنواع من الطيور يمكن تنقرض بي فعلتوا دي الشي الثاني أغلب هذه الطيور تهاجر من بلد لآخر وبنسبة مليون في المئة حماية الحياة البرية في دولة من الدول قامت بتركيب جهاز تتبع في عنق الطائر لمعرفة مراحل حياتية او طريق هجرتوا للمساعدة من انقراض هذا النوع من الطيور ولازم الجهاز يكون فيهو كل الأشياء ابمذكورة في تقرير المعامل الجنائية لأنو جهاز تتبع عن بعد وبحسب الاتفاقيات العالمية مسموح لجمعيات حقوق الحيوان وحماية الحياة البرية تركب اجهزه من هذا النوع ونحن مافي العصر الطباشيري عشان التجسس يكون بالطيور الغير ممكن تمر مرور بمكان استراتيجي او مكان مأهول بالسكان حتي لأنها طيور بربه يعني عمرها كلو في الخلا يا طيور أنتو


#815473 [Abukandaka]
3.00/5 (2 صوت)

11-01-2013 05:24 PM
هذة من بوادر الجهل في السودان الناس بهتم بالطيور والحيوانات في الدولة احسن باهتمامكم بالانسان نفسه.ولذا ربما هذا الطائر من الطيور القابل لانقراض ولذا يتم متابعته من قبل المهتمين بالامر .عندكم شنو يتجسسوا عليكم.هذا استخفاف للشعب السوداني ويستحق ذلك.


#815470 [Mohaned]
4.00/5 (3 صوت)

11-01-2013 05:21 PM
تاني رجعو لموضوع الصقر الاسرائيلي...و الله جنس محن..
الواحد ما عارف يضحك ولا يبكي


#815465 [عبدالرحمن]
3.00/5 (3 صوت)

11-01-2013 05:08 PM
حتى الطيور لم تسلم منهم ٠٠٠
وسيله أخري للدفاع هي النباله حيث يتم توريغها علي العساكر بعد ان تلتقط أنظارهم الأهداف ٠٠٠
يوم سيقتص الله عر وجل للطاىر من البشير


#815451 [الزول الكان سمح]
3.00/5 (8 صوت)

11-01-2013 04:53 PM
دى أجهزة بيضعوها العلماء لتبع هجرة الطيور والحيوانات عبر العالم يا حيوانات ..والصحفيين والناس الماعندهم شغلة ديل أنا أنصحهم لرفع معرفتهم العلمية متابعة قناة أبو ظبى ناشيونال جيوغرافى عشان تانى ما يتعبونا ببث مثل هذه الترهات ولبرمجة القناة على التلفزيون:

التردد 11804 أفقى(H) على قمر عربسات....اتكم البلاوى هو عندكم شنو عشان يتجسسوا عليهو
التردد 12226 أفقى(H) على نايلسات


ردود على الزول الكان سمح
United States [jackssa] 11-01-2013 08:37 PM
والله فعلا يا الزول السمح .أى دوله دايره معلومة عليمك الله الحكومة براها بتوديها وببصموا عليها بالعشرة وبالمقابل طبعا؟؟ لان السودان كله في المزاد والما يشترى يتفرج.

[دا كلام ما صاااااح] 11-01-2013 08:19 PM
ماهو الداعى لأى دولة ان تضع جهاز تجسس على طائر لايمكن التحكم فى تحركاته ؟؟
الموضوع علمى بحت لأنه هناك مائة طريقة وطريقة لجمع المعلومات


صحافة اخر زمن

European Union [ود المكي] 11-01-2013 07:33 PM
محقاُ ( الزول الكان سمح ) ، فهي أجهزة لمتابعة هجرة الطيور - خاصة الطيور المهددة بالأنقراض - تقوم بها جماعات حماية البيئة والداريسين وكذلك الجامعات لمعرفة سلوك الطيور وعامة الحيوانات المهددة بالأنقراض ، وهم يدرسون العوامل التي تؤدي الي نقصان عددها وتهديدها بالأنقراض .

United States [دكتور تروتا] 11-01-2013 06:55 PM
اخخخخخخخ من الأمة الطير ديل خلو الطائر يروح زي ما قلت دي تجارب علمية حتى يمكن يحدد من خلالها توقعات المناخات وووووو الخ

United States [كع كع كااااااااااع] 11-01-2013 06:53 PM
ههههههههههههههههههههههههههههههه كلام صااااااااااااح 100%
دي اجهزة قياسات علمية يعضها علوم الحيوانات على الحيوانات والطيور بصفة عامة لحساب قياسات محددة بالنسبة للكائن الحي الذي يحمل هذا الجهاز ويعمل الجهاز على تسجيل المعلومات وبواسطة جهاز الإرسال الموجود عليه اتوماتيكياً يقوم بارسال المعلومات للعلماء أصحاب هذا الجهاز .. ولا عقلة له بأمن البلد ولا غيرو ..
وناس الأمن اي شيء ينطوا فيهو يقول تجسس ومعظم ناس الأمن يادوووووووب يكونو ثانويين لو ما كانوا خريجين ابتدائي
والحكومة يعني خلااااااااااااص مقفل على البلد لما يجسسوا عليها بالطيور .. ما البلد مفتوحة والسماء كلو أقمار صناعية وكاميرا في الفضاء الخارجي بتصور بوضوح شديد وبدقة عالية جداً وهناك مليون جهاز تجسس تستخدم وغير معروفة .ههههههههههه
وفي أنفسكم أفلا تبصرون .. كيف ضربت اسرائيل مصنع اليرموك .. وكيف ضربت رجل القاعدة بسيارة في طريق بورتسودان .. وكيف وكيف .. إلخ
معظم ناس الحكومة شايلين شهادات دكتوراه في العلوم النظرية ساااااااااااي ..
ولكن ما فيهم علماء تقنية الكترونية أو علماء كيميائيين أو بيولوجيين ..

[دولة] 11-01-2013 06:48 PM
لا وقال. شنوا. أدوها للمعامل الجنائية ويا سلام عليها. من معامل حيث. أجرت. تحلايلاتها. وعرفت انها. أيش. وايش. ،،،. بإسلام. علي. النجاح. والفلاح ،،. شفتهم. كيف. مجتهدين. ،،. برافوا. خلاص. اكتشتفتوا. الذرة ،،،. والله. احرجتونا مع. العلماء. المجتهدين. الذين. يهتموا. بالطيور. والحيوانات. مثل. اهتمامهم بالإنسان ،،


#815443 [احمد محمد]
4.75/5 (3 صوت)

11-01-2013 04:42 PM
كل شئ جائز طالما نظريتنا الدفاعيه بالنظر!!!!!!!!!!!!!!!!!!!!!!!!!!!!؟
أين وزير دفاعنا ووجهاز مخابراتنا،أم إنهم فقط يفلحون كبت المظاهرات السلميه والأصابات الموفقه
في المقتل للأطفال الغضض العزل...اللهم بعظمة هذا اليوم نسألك اللطف


#815440 [السر جبارة]
4.50/5 (5 صوت)

11-01-2013 04:38 PM
يعنى معقولة السودان وصل لهذه الدرجة من الجهل تجسس شنو الاحتمال الاقرب يكون طائر مرصود من قبل حماة البئية للدراسة وقد جاء من دولة مجاورة اذا لم يكن يعملون فى السودان. بعدين هناك عملاء على مستوى رئاسة الدولة يعملون لمصالح اجنبية وتنظيم الاخوان المسلمين تنظيم مخترق ولديهم الكثير من العملاء داخل التنظيم على المستوى العالمى او السودانى. لفترة طويلة ترسل تقارير عن اوضاع سودانيين واجانب مقميمين بالسودان بواسطة الحكومة الى جهات اجنبية.


ردود على السر جبارة
United States [الـســيــف الــبــتــار] 11-01-2013 05:53 PM
علماء الحياة البريه هاجروا الى خارج الوطن و لم يتبقى الا الرمم و اخوان الشواطين المنشغلين بحصاد السحت وتقاسم خيرات البلاد و العباد ؟
لك الله يا وطــنــى .

United States [FILA] 11-01-2013 05:16 PM
كلامك صاح ناس جهالا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة