الأخبار
أخبار إقليمية
سامية هباني : أعلن إنسلاخي من عضوية الحركة الاسلامية
سامية هباني : أعلن إنسلاخي من عضوية الحركة الاسلامية
سامية هباني : أعلن إنسلاخي من عضوية الحركة الاسلامية


منع رزق وهباني من دخول إجتماع حركة حزب البشير
11-02-2013 12:40 PM

الخرطوم: خالد الفكي
اعلنت عضو شوري الحركة الاسلامية القيادية بالتيار الاصلاحي للمؤتمر الوطني سامية هباني انسلاخها من عضوية الحركة، وقالت - ان مسببات قرارها ترجع لعدم قدرة الحركة الاسلامية على اتخاذ قراراتها، واضافت" انا خلاص ماعضو حركة اسلامية لانها باتت جهاز حكومي ولاتقرر فى شؤونها لوحدها، "، واعابت سامية وبشدة منعها من حضور اعمال شوري الحركة الاسلامية والذى تختتم فعالياته اليوم (السبت)، بحجة مناقشة تقرير عن اصلاحيي المؤتمر الوطني الذى صدر بحقهم عقوبات وهي من ضمنهم، ولكن سامية قالت انها عضو منتخب للشوري ولايوجد سند قانوني يمنع دخولها، وعّدت القرار ظالم، وقالت:

(يتم مناقشة قرار محاسبتنا وكان من باب اولي حضورنا للاستماع لوجهات نظرنا)، بالمقابل استنكر نائب الامين العام السابق للحركة الاسلامية القيادي بالحراك الاصلاحي للمؤتمر الوطني، حسن رزق منعه من حضور اعمال شوري الحركة الاسلامية ، وابلغ رزق -- ان الدعوة وجهت اليه مع التأكيد على الحضور بيد انه فؤجي عند وصوله الباب الخارجي لمقر الاجتماع منعه من الدخول ، واضاف" اتصلت على نائب رئيس الشوري عبدالله سيد احمد الذى بين لى مسببات المنع على اعتبار صدر بحقي توصية بالفصل من المؤتمر الوطني ويجري مناقشة تقرير المحاسبة، واكد رزق ان الشوري ليس من حقها المنع ، مؤكداً انه مازال عضو بالحركة الاسلامية ولم يتسلم اي قرار بالفصل منها، واردف قائلا" قرار المنع غير صائب وجائر"، لافتا الى ان مناقشة امر الاصلاحيين وهم غائبين ليس من باب العدالة ، وتابع( من يدافع عننا والاخرين موجودين بكامل عضوية المكتب القيادي، مشيرا ان اهم شئ فى الدين الاستماع الى راي الاخر وليس الحجر عليه،

ولكن رزق قال ان القرار ليس بيد شوري الحركة الاسلامية انما بيد الهئية القيادية العليا التى تضم الرئيس ونوابه وامين الحركة ونوابه بجانب قيادة المؤتمر الوطني، ولم يستبعد ان يكون قرار المنع طال غازي بجانبه بالاضافة الى الذين تم تجميد نشاطهم التنظيمي بالوطني مؤخر

الاهرام اليوم


تعليقات 42 | إهداء 0 | زيارات 8578

التعليقات
#816675 [الكردفاني العدييييييييييييل]
0.00/5 (0 صوت)

11-03-2013 09:07 AM
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........
اللهم عليك بهم جميعا............... اقطعهم .....تك.... ولا تبقي منهم احدا...........


#816565 [نزار عوض]
5.00/5 (1 صوت)

11-03-2013 01:14 AM
يا جماعة الخير قصة الإنسلأخات والإستقالات دى واضحه وضوح الشمس جزء خرج على حسب خطةالحزب لاداة مهام محددة وجزء خرج عشان يغطى عليهم وجزءخرج عشان ينظف وسخة ويتوب وعشان ما تختلط علينا الاجزاء نرميهم كلهم فى مزبلة التاريخ


#816559 [nagatabuzaid]
0.00/5 (0 صوت)

11-03-2013 01:11 AM
اين موقع كمال رزق ( شقيق حسن رزق ) من الاعراب ؟ تصحيحى مجرور ولا مطرود منصوب بالفتحة


#816526 [سامي]
0.00/5 (0 صوت)

11-03-2013 12:15 AM
ياجماعة انتو مارقين ليه صبرتوا الكثير ولم يبق الا القليل اصبروا على القليل


#816525 [بشير برير]
0.00/5 (0 صوت)

11-03-2013 12:14 AM
يابت شيخ العرب حمدالله على السلامة والعرجاء لمراحا فلقد كنتي تنتمين الى منظومة لاتشبهك ولاتشبه تاريخ اسلافك الناصع


#816519 [مشروع حضاري]
5.00/5 (1 صوت)

11-03-2013 12:00 AM
يفترض وانت برتبة دكتورة ان تعرفي هذه النتيجة قبل 24 سنة وهي نتيجة معروفة وطبيعية يا دكتورة وقد توصلنا اليها من اول يوم وصلت فيه الانقاذ الى السلطة بل اصدقك القول لقد توصلنا الى هذه النتيجة من اول يوم تكونت فيه ما يسمي بالحركة الاسلامية في بلد اسلامي ومعروف ان اجتماع الحركة الاسلامية كان اجتماع مصلحي وعدم فهم للأسلام نفسه.. اضف ان الحركة الاسلامية افسدت الاخلاق وقسمت الناس شيع واحزاب واحتكرت السلطة بل كانت ممارستها ايام نميري وايام الديمقراطية كلها تنم عن سلوك غير اسلامي بل كان سلوكها هو ان الغاية تبرر الوسيلة حتى لو كانت الوسيلة مكروه شرعا او حرام فعلا واي حزب يقصر الاسلام على حركة محددة فقط دا معناه قصور في فهم الاسلام او صاحبه معلول النية اي بنية فاسدة.
فالحركة الاسلامية تأسست لإحتكار الخطاب الإسلامي واحتكار الاسلام عن طريق الايحاء للغير انهم غير مسلمي اذن اسم الحركة الاسلامية فيهو كراهة ثم جاءت افعالهم ايام نميري وايام الديمقراطية..
ولكن مرحبا بك دكتورة في دنيا النور والحرية


#816512 [النورس]
0.00/5 (0 صوت)

11-02-2013 11:57 PM
ياجرح مليون عام دارت عليك الدوائر , مع الاعتذار للفنان المرحوم صالح الضي


#816499 [عبدالله ابوشوره]
5.00/5 (1 صوت)

11-02-2013 11:44 PM
ما في السودان ليست حركة اسلامية انما عصابة مافيا استحلت دماء الشعب بتجهيله


#816474 [ما قلتو نوبة]
4.00/5 (1 صوت)

11-02-2013 11:06 PM
سبحان الله يمهل ولايُهمل والجاي كتتتتتتتير ..... السويته فالاحزاب زمان وسواه الناس بايعاز منكم ومباركتكم الكريمة والناس الشلتوهم للصالح العام بتذكروا الكلام ده ؟؟؟؟.... اهه جايكم يوم الحساب والله لتتذوقون مرارة التهميش وانحسار الاضواء وعربات التموين بتاعت كل شهر و و و و و يا ربي كيف حاتسحتملوها؟؟؟؟!!!!!!!!! والله كم من عيون دمعت وكم من بيوت قفلت وكم من جائع نام على لحم بطنه وانت بتبلعوا في حبوب عسر الهضم والحرقان من الشبع الزائد كل جااااااي

وانتو قايلين ده الانشقاق الاخير ؟؟؟ بعد انشقاق غازي ومجموعته انشق بروف زين العابدين وجماعته
ولسه الجاي أنيل وحقو الشعب السوداني يقيف متفرج براااااااكم بتقلبوا الحله على وجوهكم القبيحة واحد بيتهم التاني وبيقول ليه انت سموك صلاح دولار وواحد بيتهم التاني بيقول ليه انا اشك في زمتك وامانتك؟؟؟فكيف اقيف امام لجنتك؟؟؟
ارجو الراجيكم والجماعة قاعدين في ازربيجان نافع وجماعته عيونهم متعبة من السهر والهم وسرحانيين التقول داقينهم؟؟؟ والله انا خايفهم يطلبوا حق اللجوء السياسي ويقعدوا وما يجوا تاني!!!!
فكرة غريبة ولكنها ممكن تكون متوقعة

انا المحيريني غازي في كفه وهويدا اخته في كفة تانية ولا واحد قدر يقنع التاني طيب حاتقنعوني انا كيف؟؟؟ ما بتلما معاكم الا في حواء وادم والله المعادلات دي غريبه حلوها يا جماعة عشان عاوز انوم؟


#816406 [ودالدخري]
5.00/5 (1 صوت)

11-02-2013 09:16 PM
والله الحاجة بتقول كلام زي الفل


#816396 [ابونديبو]
5.00/5 (1 صوت)

11-02-2013 08:50 PM
قدم صلاح قوش كشفاً بالمفسدين الي الرئيس عمر البشير وعندما قرأه وجد فيه اشقائه وزوجته وبقية
افراد اسرته ...هنا نظر عمر الي قوش ثم أشار بأصبعه نحو عين قوش والتي بها ( حول) وقال له بالفعل
لو مافي فساد هل كان في شخص برتبة لواءأعمي ......


#816393 [abdallah]
0.00/5 (0 صوت)

11-02-2013 08:48 PM
اللهم اجعل كيدهم في نحرهم يارب تنتقم من كل واحد دمر البلد


#816388 [انساني سوداني]
0.00/5 (0 صوت)

11-02-2013 08:39 PM
بالله سيبونا من سخف الكوزات ديل ,, كلهم قالب واحد انسلخوا ولا اضبحوا
يعني ياداااب عرفتي يا سامية هباني!!! قدمي اعتزار كبير وعريض للشعب السوداني
والتحقي بصفوف المعارضة ودا برضوا مابعفيك عن السؤال يوم السؤال ؟؟؟؟؟؟؟؟؟؟؟؟


#816372 [هوج الرياح]
0.00/5 (0 صوت)

11-02-2013 08:17 PM
هم عارفنكم ما فيكم { التكتح }


زماااااااان الترابى قال ـ ومادا يعرف غازى عن السودان ؟


وناس رزق ديل ، يشوفو ليهم { رزق } غير خزينة المؤتمر الوطنى

والهبانية دى تمشى تفتش اههلها الصامدين فى حزب الامة ـ وقت تهلك امشى اهلك

والقلم البيشطب يا جماعة عند زول اسمو نافع والراجل دا يا اخوة قطيم بشكل غير متصور

اى شخص ما عندو {ضهر } ينشطب وفى قول يتجلد

{ تشربو شاهينا يا ناس رزق وتكسرو كبابينا }

وهـــــــــــــــــــــــــاك الطرد دا


#816347 [mohd]
0.00/5 (0 صوت)

11-02-2013 07:35 PM
اللهم اجعل كيدهم في نحورهم واجعل بأسهم بينهم شديد

المنافقين الفاسدين


#816340 [لن ترتاحوا يا لصوص]
0.00/5 (0 صوت)

11-02-2013 07:19 PM
كلكم شفتو افلام مافيا المخدرات ..طبعا لو فى واحد عميل لهذه المافيا وتم اكتشافه انه يخونها او يحاول الهروب منها براكم شفتو طريقة اعدامه بتتم كيف ..العصابة الاسمها المؤتمر الوطنى المتدثرة بثوب الاسلام هى العصابة وانتم الهاربون منها ..شد حيلك والله معاك ..يا ملك الموت ضوق الموت ..!!


#816296 [adil a omer]
5.00/5 (5 صوت)

11-02-2013 06:01 PM
وحتنسلخى بى ديانا ولا بالليزر !!

لا النبى ما تستقبلى المسلمين حيتيتموا بعدك والاسلام حيندثر

وحتخلينا برانا مع حسبو نسوان !


#816290 [ابو ابراهيم]
5.00/5 (2 صوت)

11-02-2013 05:53 PM
يا حراااااااااااااااام يا اخواننا دي بت شيخ قبيله وعمده وناظر !!!!!!!!! والله ناس الشوري ما ليهم حق ما حفظوا المقامات....!!!!علي اقلاها العشره القديمه...والله ما عندهم زوق ولا عشره....هي الغبيانه ما عارفاهم عايزين يزلوهاومعاها المايتسماش داك....سبحان الله مقلب الاحوال...وجنت علي نفسها براقش....والله العظيم انتهي عهد (عفا الله عما سلف)(وديل نسوان يا جماعة الخير)الحساب ولد


#816288 [السر جبارة]
5.00/5 (1 صوت)

11-02-2013 05:53 PM
اتخارجى بعيد من المؤتمر الوثنى ياهبانية اهلك اولاد بلد فقد اصبح الوثنى وكرا" للقتلة ومغتصبى النساء والحرامية ولن يمر وقت طويل حتى تذبح هذه البهائم. لا اعلم من اين اتى هولاء الحفاة العراء ولكن صدورهم تحمل حقدا" على هذا الوطن.


#816285 [عميد(م) د.سيد عبد القادر قنات]
4.25/5 (3 صوت)

11-02-2013 05:41 PM
سلام أستاذ حسن رزق ، سلامأستاذة سامية هباني

ربع قرن من الزمان مضي دون أن تعطوا الشعب السوداني فرصة واحدة ليناقشكم فيما تفترفوه بحقه،
ألم تكونوا جزء أصيل في هذا النظام؟ أين أنتم من تلك المجازر والحروب والتدهور الإقتصادي والفشل السياسي وقرارات الأمم المتحدة وبيع مؤسسات الدولة وهي رابحة وإستيلاء البعض علي إمكانيا الوطن وأنتم تنظرون ولا تحركون ساكنا ولا تتركون المواطن ليتحدث ؟؟؟ جاء الآن الدور عليكم لتذوقوا مرارة الحرمان والقهر والظلم والإستبداد،،، أرجعوا إلي بارئكم وإستغفروا وتوبوا وأعلنوها للشعب السوداني جهارا نهارا وتحللوا من ما إرتكبه أخوانكم علي مدي ربع قرن من الزمان وبعدذلك ربما يغفر لكم الشعب،،، وقف ملك المغرب يعتذر لمواطنيه عن سياسة والده،،، فهل تملكون الشجاعة لتعتذروا للشعب السوداني عن تلك الفترة؟؟؟


#816274 [سوداني جبان]
0.00/5 (0 صوت)

11-02-2013 05:23 PM
الصورة المنشورة هي ل قمر هباني ( الامين العام السابق لمجلس الامومة والطفولة ) وليس لسمية هباني وان كانتا بنات عم في النسب والتنظيم ارجو تعديل الصورة


ردود على سوداني جبان
United States [انساني سوداني] 11-02-2013 10:36 PM
ادارة الراكوبة ماعايزة تطمم بطنا,,, اخير بت عمها دي
كفاية بطننا طامة زي التقول حامل !

[أسامة] 11-02-2013 05:31 PM
يا أخوي ديك شكلها كرية، أخير المعفمة دي


#816245 [Elobaidi]
5.00/5 (2 صوت)

11-02-2013 04:29 PM
تنسلخى ماشة وين، اليس الخروج عن الحاكم "حرام" وكذلك مفارقة الجماعة لا تجوز !!!
بعد كده إلا تنضموا للجبهة الثورية ... ولن يقبلوكم، ولكن شيخكم (العراب) أمر بقبول توبتكم عندما
ترجعوا وتؤدوا فروض الطاعة والولاء وتسبحوا بحمد شيخكم، فأنصحك بأن تتحولى للشعبى أنتى ومن معك من المنسلخين وبذلك إحتمال تلقوا ليكم فرقة تأكلوا منها مزيداً من السحت.
نسأل الله الكريم أن يسلخ جلدكم وأن يجعل بأسكم بينكم شديد، وأن يمزقكم شر ممزق ... لعنة الله عليكم جميعاً
وطنى وشعبى .... وصدق الطيب صالح (رحمه الله)فى مقولته: "من أين أتى هولاء ؟؟؟"


#816241 [Ahmed]
0.00/5 (0 صوت)

11-02-2013 04:16 PM
قال جاءر قال ضوقوا شوية ظلم يا عواليق


#816230 [سوداني ود بلد]
5.00/5 (1 صوت)

11-02-2013 04:03 PM
الحكومة = الموتمر الوطني = الحركة الاسلامية, يعني قوة ثلاثية علي وزن دعاية صابون البودرة" نظافة بياض توفير" وكلو زيتنا في بيتنا وانتو مالكم ياحساد؟


ردود على سوداني ود بلد
United States [ياسر المريود] 11-03-2013 04:12 PM
كلامك فارغ ولا يستحق الرد عليه.

!!!!!!!!!!

!!!!!!!

!!!

؟

[المتحزم] 11-03-2013 12:48 AM
ياخوي انتا ماتحرف الدعايات القوه الثلاثيه دي دعايه مبيد حشري اظنو بف باف نحنا نستاهل وقبل
كدي قلتوها للجنوبيين واسه جاتنا في رقبتنا


#816227 [Mubarak Abdelkerim]
5.00/5 (1 صوت)

11-02-2013 03:56 PM
Dear Samia
I KNOW YOU VERY WELL,IT IS TOO LATE TO GET AWAY FROM THIS RULING JUNTA
ANY WAY ALL THE BEST
BUT WHAT ABOUT THOSE WHO WERE KILLED SINCE THE EARLY 1990's


#816207 [مدحت عروة]
5.00/5 (1 صوت)

11-02-2013 03:12 PM
حركة اسلامية شنو فى مجتمع مسلم يريد من سياسييه و احزابه ان تصلح له حاله فى التعليم والصحة والتنمية الزراعية والصناعية والطرق والابحاث وهلم جرا؟؟؟؟؟؟
استغلال الاسلام فى العمل السياسى انا بعتبره عهر ودعارة سياسية بامتياز!!!!!
وبعدين يا بت هبانى ما خلاص الحركة الاسلاموية انكشفت واتعرفت وبانت عورتها وكذبها وتدليسها!!!!!
وتاتى ما تستاهل الا البصق فى وجهها وضربها بالجزمة القديمة وهو ما تستاهله وعافى منك يا الشعب المصرى والسيسى دنيا واخرى!!!!!!!!!!!!


#816198 [نبض التعب]
0.00/5 (0 صوت)

11-02-2013 02:57 PM
(مشيرا ان اهم شئ فى الدين الاستماع الى راي الاخر وليس الحجر عليه) .. طيّب يا (شيخ) حسن رزق إذا كان سماع الرأي الآخر هو أهم شئ في الدين فلماذا ظللتّ صامتاً طوال عقدين من الزمان على (حرمان) حكومتك من إسماعها صوتنا؟ .. ألم تكن الأمين العام للحركة اللاإسلامية بولاية الخرطوم؟ .. فهل سمحتّ يا (شيخ) لواحد من (الرعيّة) بالجهر برأيه المُغاير لرأيكم ورؤاكم؟ .. ألم يكن موت الملايين بأيديكم في الجنوب ـ قبل الإستقلال ـ ودارفور وجنوب كردفان والنيل الأزرق والخرطوم والجزيرة والشمالية سببه رفضكم وتعنتكم وإصراركم على عدم سماع صوت الآخر؟! .. لا تنه عن خلق وتأتي مثله .. عار عليك إن فعلت (يا شيخ) عظيم.

وطالما ،ت عضو بالحركة (الماسونية) اللاإسلامية فعلام هذا البكاء والنحيب؟ .. إلام إزعاجنا بصراخكم المقزز وكلامكم المُقرف؟ .. يا رزق .. الرزق علي الله .. وللا أقول ليك: (كابس البشير وإشتغل رقّاصة) ..!!.


#816196 [ahmed]
5.00/5 (1 صوت)

11-02-2013 02:54 PM
وانني ما كنتي عارفة من زمان . يادوبك ع عرفتي


#816192 [لن ترتاحوا يا لصوص]
3.00/5 (1 صوت)

11-02-2013 02:47 PM
(( مشيرا الى ان اهم شئ فى الدين الاستماع الى راي الاخر وليس الحجر عليه،))
يا رزق ..ديل ما جماعتك وانت اعرف الناس بهم لو كان بعملوا بتعاليم الدين او حتى بعرفوا الدين !
ديل أسوأ من ما تتخيل والدين عندهم مجرد شعارات للكسب الدنيوى وخداع البسطاء ..وانت عارف كل دة بس ما متوقع يعاملوك زى باقى الشعب ..
كنت داير احكى ليك شوية عن الفساد والتعذيب والقتل والاغتصاب ..لكن انت عارف حتى ال 10 مليون دولار السرقها عمار عوض الجاز ومن قتل المتظاهرين انت عارفهم ... بس الدين بطالبك وانت رايت اكثر من منكر ان تغيره بلسانك ..فبيدك لا تستطيع !!! ودة امتحان لك ولبقية الاصلاحيين لو كنتو ناس اصلاح حقيقة اكشفوا الفساد واسماء اللصوص السرقوا وقتلوا الشهداء ..الخ الفساد ..


#816191 [الصلاحابي]
5.00/5 (1 صوت)

11-02-2013 02:47 PM
هي ما تنسخ الا بعد ما منعوها من دخول الاجتماع

هذا لعب عيال وفي العيال حرامية ولا يخافوا الله


#816187 [محمد سريف]
0.00/5 (0 صوت)

11-02-2013 02:41 PM
بالله منعوك يا سامية ما عندهم حق .. بالله فيم يعني الشعب السوداني منعكم أو السماح لكم


#816180 [senjack]
0.00/5 (0 صوت)

11-02-2013 02:39 PM
عبد الله سيد احمد نائب رئيس مجلس الشوري؟؟؟؟؟ الرماد كال حماد ياسبحان الله وياسودان عليك السلام


#816177 [tata]
0.00/5 (0 صوت)

11-02-2013 02:35 PM
رجرجة ودهماء...قربت يابشه


#816156 [كبسول]
5.00/5 (1 صوت)

11-02-2013 02:12 PM
اهم شي في الدين الاستماع لرأي الاخر.......متي كُنْتُمْ تستمعون لرأي الاخر وإلا يا دوب عرفتم الدين......بلاء يخمكم ويريحنا


#816149 [خالد حسن]
0.00/5 (0 صوت)

11-02-2013 02:08 PM
حركه اسلاميه لشنو ؟ نحن كفار
مثل هذه التسميات فيها تمييز وعنصريه وبغيضة
الاحزاب يجب ان تؤسس علي برامج لخدمة الوطن والمواطن وليس للمزايده علي الاسلام ومنو حايطبق الشريعه ومنو الحايحكم بشرع الله وغيرها من شعارات ثبت فشلها خلال حكم الاسلامويين خلال 25 سنه .. فلا الشريعه طبقت ولا حُكِم فينا بما انزل الله .. فما الجدوي اذن من وجود احزاب دينيه تفسد اكثر مما تصلح وتشوه الدين اكثر مما تطبقه فتسرق وتفسد وتقتل باسم الله
لسنا ناقصي دين ولا احد وصي علي ديننا
واخيرا سنحاسب كل اسلاموي علي حكم الانقاذ
ليس في شرعتنا عفو عما سلف بل قصاص من كل كوز


#816147 [أحمد يوسف حمد النيل]
5.00/5 (1 صوت)

11-02-2013 02:07 PM
اعلنت عضو شوري الحركة الاسلامية القيادية بالتيار الاصلاحي للمؤتمر الوطني سامية هباني انسلاخها من عضوية الحركة، وقالت - ان مسببات قرارها ترجع لعدم قدرة الحركة الاسلامية على اتخاذ قراراتها، واضافت" انا خلاص ماعضو حركة اسلامية لانها باتت جهاز حكومي ولاتقرر فى شؤونها لوحدها، "

من زمان و نحن بنتكلم ما بتسمعوا كلامنا .. هذه عقلية الاسلاميين من فقد مصلحة أو منصب يقول هذا الكلام , زي الكديس لما ما يلحق اللحم الفي (المشلعيب) يقول عفن. طيب انتو عضو (شنو) يعني ضاعت المصالح و ذهب الولاء انهم قوم ينافقون.


بالمقابل استنكر نائب الامين العام السابق للحركة الاسلامية القيادي بالحراك الاصلاحي للمؤتمر الوطني، حسن رزق منعه من حضور اعمال شوري الحركة الاسلامية ، وابلغ رزق -- ان الدعوة وجهت اليه مع التأكيد على الحضور بيد انه فؤجي عند وصوله الباب الخارجي لمقر الاجتماع منعه من الدخول ، واضاف" اتصلت على نائب رئيس الشوري عبدالله سيد احمد الذى بين لى مسببات المنع على اعتبار صدر بحقي توصية بالفصل من المؤتمر الوطني ويجري مناقشة تقرير المحاسبة، واكد رزق ان الشوري ليس من حقها المنع ، مؤكداً انه مازال عضو بالحركة الاسلامية ولم يتسلم اي قرار بالفصل منها، واردف قائلا" قرار المنع غير صائب وجائر"، لافتا الى ان مناقشة امر الاصلاحيين وهم غائبين ليس من باب العدالة.

كما يقول الشاعر أحمد شوقي:

أحلال على بلابله الدوح *** حرام للطير من كل جنس

الجزاء من جنس العمل , ذوقوا الاهانة كما اهنتو الشعب السوداني 24 سنة, ديل جماعتك الماأخلاقية قاصدين يذلوك عشان ما تطلع من بيت الطاعة الانقاذية المتسخ.


#816144 [شمال و جنوب فى محنة]
5.00/5 (1 صوت)

11-02-2013 02:03 PM
ما في السودان ليست حركة اسلامية انما عصابة مافيا استحلت دماء الشعب بتجهيله وبزرع الوهم و الخرافة و استقلال جهل العامة و العيب فينا نحن الجالسين خلف الكى بورد هسع الواحد لو قال الشيخ فلان منافق او حرامى او مجرد بستغل البسطاء تقولوا ليه بنفخك ما ديل نحن العاملين فيها جهابزة و مثقفين


#816140 [MOHAMMED ADAM]
0.00/5 (0 صوت)

11-02-2013 01:58 PM
الزولة دي مرقت من الاسلام ولا رجعت الي الاسلام؟ افتونا...


#816139 [تنقو]
0.00/5 (0 صوت)

11-02-2013 01:58 PM
بعد التوبة و الإنسلاخ عليك بالإغتسال سبعة مرات قبل الخروج إلى الشارع


ردود على تنقو
[سامي] 11-03-2013 12:17 AM
رحم الله العم الاستاذ/ عثمان تنقو وشخصية عمك تنقو ايام الزمن الجميل .

[ALIIIIIIIIIIIIIIIIIIIIIIIIIIIIIIIIIIIII] 11-02-2013 08:53 PM
نسيت تقول ليها واولاهن بالتراب

United States [julgam] 11-02-2013 06:59 PM
وأخراها بالتراب


#816119 [الاكسومي]
5.00/5 (1 صوت)

11-02-2013 01:36 PM
يعني ساميه هباني وحسن رزق مناضلين ديل اسوا كيزان مروا عبر التاريخ
ونحن كشعب سوداني لايهمنا صراعكم في شي مايهمنا محاسبتكم جميعكم اي شخص شارك مع هولاء القتله يجب محاسبته من خفير جامعه امدرمان الاسلاميه حتي رئيس الجمهوريه


#816108 [الغريب]
0.00/5 (0 صوت)

11-02-2013 01:20 PM
اللهم اجعل كيدهم في نحرهم وزلزلهم ولا تبقي منهم أحداً يالله ياعلي ياقوي


#816094 [Saeed]
5.00/5 (1 صوت)

11-02-2013 01:07 PM
ما كان معاكم صلاح دولار لينصحكم من عدم المجيء لأنه لدغ من قبل في أحدى احتفالات ثورة الانقاذ.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة