الأخبار
أخبار إقليمية
سعر خيالي للبنزين وغاز الطبخ..نظام البشير : زيادات جديدة في المحروقات وبقية السلع الاستهلاكية في الفترة القادمة
سعر خيالي للبنزين وغاز الطبخ..نظام البشير : زيادات جديدة في المحروقات وبقية السلع الاستهلاكية في الفترة القادمة


11-05-2013 04:12 AM
اعترف وزير المالية في بيانه أمام المجلس الوطني أمس عن الوضع الاقتصادي الراهن بتزايد الإنفاق الحكومي لتغطية متطلبات الأمن والدفاع. وقد بلغت المصروفات الفعلية بحسب بيان الوزير 24.5 مليار جنيها بنسبة (106%) من الاعتماد النسبي وذلك لإرتفاع الصرف على الدفاع، مشيراً أن تحويلات الولايات خلال الفترة يناير- سبتمبر 2013 بلغت 5 مليار جنيهاً.

وحول زيادة الأسعار قال الوزير في بيانه أن العام القادم 2014 سيشهد التنفيذ الكامل لحزمة الإصلاحات الاقتصادية لتقليص عجز الموازنة، ومن ضمنها زيادة ضريبة أرباح الأعمال من 2% إلى 3% وزيادة رسم الدمغة والمساهمة الوطنية وإخضاع سلع أخري لضريبة الرسم الإضافي وفرض ضريبة إنتاج قدرها (10%) على السلع وتعديل ضريبة الوارد لمجموعة من السلع ،بالإضافة لرفع أسعار الوقود تدريجياً لتواكب السعر العالمي الذي حدده البيان ب ـ(40)جنيهاً لجالون البنزين و(27)لجالون الجازولين و(90) جنيهاً لغاز الطبخ. وتعليقاً على ما أثاره الوزير صرحت مصادر اقتصادية لـ (الميدان) بأن النظام وفي سياق بحثه عن تمويل آلته العسكرية يعتزم زيادة المحروقات البترولية في العام القادم بنسبة (100%) للبنزين والجازولين وبنسبة (260%) لغاز البوتجاز؛ مما يعني المزيد من الغلاء وتفاقم الضائقة المعيشية، متوقعاً أن النظام لا يجد غير الجبايات والرسوم بديلاً في ظل إنهيار القطاعات الإنتاجية كافة وتدني إنتاج البترول معتبرة أن الاقتصاد يمضي بسرعة كبيرة نحو الهاوية .

الميدان


تعليقات 59 | إهداء 0 | زيارات 18114

التعليقات
#819235 [Ammar]
5.00/5 (2 صوت)

11-06-2013 12:33 AM
التحديات الداخلية نتجت عن تزايد الإنفاق الحكومي لتغطية متطلبات الدفاع عن الوطن الله يسألك صرفتو شنو في حماية الوطن و كلو اصبح متقطع حتت قوات خليل دخلت لغاية الخرطوم ولا جهاز رصد ذلك التحرك الطيارات الاسرائيليه بتجي و تضرب جوه الخرطوم والوزير بالنظر اقصد وزير الدفاع يعترف في التلفزيون للملأ بشح الامكانيات و ان الرصد يتم بالنظر فقط الجبهه الثوريه دخلت لغاية وين احداث النيل الازرق وووو. و بعد ده كلو تقول لي تزايد الانفاق الحكومي للدفاع عن الوطن. اسألك سؤال و ارجو لو اي زول يجاوب آخر اجتماع للاتحاد الافريقي علي كرتي و رفاقه سحبو كم مليون دولار من بنك السودان حتى يتم دفعها كرشاوى لبعض القاده الافارقه من اجل التصويت بالانسحاب من المحكمه الجنائيه حتى تتم حماية الرئيس من مواجهة امر المحكمه الجنائيه و الموضوع بعد دفع القروش طرشق وما نجح و القروش راحت نص رشاوى و نص للجيوب يعني زيادة الانفاق في الفسادو ممكن اقو العباره بطريقة ذكر الحقيقه (التدهور الاقتصادي نتج عن تزايد معدل الانفاق على مخصصات الوزراء و المسؤلين و عن الصرف الخرافي في غير موضعه و السبب الاكبر والاهم الفسااااااااد المالي و المال المنهوب من حق الوطن). اللهم يا كريم برحمتك يا عظيم نسألك رد الظلم و هلاك الطغمه الحاكمه الفاسده من رأسها لي ساسها


#819230 [سودانى فقط]
0.00/5 (0 صوت)

11-06-2013 12:25 AM
الواحد موظف تبع المرضى عنهم بيصرف راتب (500 الف جنيه) فى الشهر وبينزل ليهو حافز (10 مليون جنيه) والشعب جيعان لكنوا جبان


#819204 [علم العالم وتوج نفسه ابا لكل الثورات الشعب المصري!!]
0.00/5 (0 صوت)

11-05-2013 11:18 PM
نحنه فشلنا في نزع حكومة عمر بشة المكنكشة خوفا من للاهاي!!خاصة بعد عمايل الاماراتيه وزنقتم لودالوزير وقبلها تنزيل الجوكر والاطاحه بكيزان مصر!! مما جعل المخارجة لجماعتنا صعبة!! وفلل النخيل وجميرة حلم لن يتحقق!! وقروش لندن التي يرسلها الجماعة تحت تحت عن طريق السماسرة غير مضمونة !!! فلم يبقي غير الكنكشة في الداخل!! فالمالزيين امرهم بيد اليانكي ويوم واحد بيسلموا اموال الجماعة!!! اها دي ورطتنا الكبري!! فالكديس اصبح مزنوق داخل الجدران الاربعة!!!57


#819198 [ثوراتى]
0.00/5 (0 صوت)

11-05-2013 11:11 PM
والله ان تو العزيز الجبار خلاص كرهكم ورفع م‎ ‎نكم رحمتو تانى تذيدو البنزين تذيدو الكهربا تذيدو المويه تفصلو الجنوب تقتلو النوبه تبيد‎ ‎و الفور تفتنو المسيريه والسلامات تمشو الحج تستغلو الصادق والمرغنى للموت الثوره يعنى مهما عملتو خلاص ربناماعندو ليكم شئ لانكم كذابون ومغتصبون وقاتلون ومنافقون قطر السعوديه الامارات إيران لو ادوكم مليارات الدولارت برضو حايكون الحال فى حالو لانو مافى بركه‎
‎‏


#819179 [abusafarouq]
5.00/5 (2 صوت)

11-05-2013 10:55 PM
ننتظر بالين رؤسنا لغاية السنة الجاية ويزيدو جالون البنززين 40جنيه ويرفعو كل شيىء ضريبة وإرجاع المساهمة الوطنية للمغترب .ووينو الوطن البساهمو ليه ده ما نشترى حمير للمواصلات ونترك العربات لموظفين الحكومة لمدة شهر واحد بس نعتبرها أجازة سنوية نوقف جميع مشتقات البترول ونرجع للطبخ بالحطب والفحم وروث البهائم كما كنا زمان نخلى الحكومة دى تأكل وتشرب بنزين ولا يحرقونا بيه نرتاح بالمرة .اللهم أنزل على أهل الانقاذ صائقة وضائقة وجائحة قوية من السماء لاتبقى لاتذر تأخذ أهل الانقاذ ويرتاح منهم شعب السودان يارب دى بلد مهزلة ماتمشو بسلامتكم لو ما قادرين على المسؤلية معقول حرامى يكون أمين ويحافظ على وطن أين خطط التنمية المستدامة الكانت موجودة لصالح المواطن زمان بغير الجبايات هل الحكومة أعتمدت على جيب المواطن فقط فى عيشتها والتخلى عن كل مسؤلياته تجاه الوطن والمواطنين والبشير صدق فيما يقول يموت الثلث ويعيش الباقى المهم يحكمو البلد بأى طريقة . لكننا نقول الجماعة قالو الروب عديل أمورهم توقفت وأنسدت عليهم كل الطرق والسبل لم يبقى الا قتل الشعب والاستمرار فى السلطة على جماجم أهل السودان.
خلاصة الموضوع الحكومة خصخصة وباعت كل مؤسسات وممتلكات الدولة المدرة للأقتصاد السودانى والمعتمد عليها فى الدخل القومى للبلاد وأصبحت الحكومة فى السهلة من أى مورد للدولة ويتخبط دى الحقيقة المرة ..


#819176 [ياسر عبد الوهاب]
5.00/5 (1 صوت)

11-05-2013 10:53 PM
يا اخوانا مشكلتنا اننا ما قاعدين نسمع كلام الإقتصادي الدكتور عمر القشير..الزول ده كان عوير بقي مشير...في تطور اكتر من كدا...؟؟
وزير دفاعو ريالتو سايله...وبتاع الإستثمار دلاها...ونائبو طه..ال..... بي خراها...اما وزير ماليتو عيونو بي قضاها..ونافع كمل السفاها...
اليكم اسماء العشره المبشرين بالنار ...
عمر
علي
بكري
نافع
عوض
علي
حسن

اميين
ربيع
عبد الرحيم

عارفين ما كتبته اسماؤهم كامله ليه ؟؟؟ لاني ما متأكد!!!!


#819158 [المانجلك]
5.00/5 (2 صوت)

11-05-2013 10:32 PM
ياناس الراكوبة رجاء احداث قفذة نوعية فى المعارضة الالكترونية والتركيذ على واقع السلطة المنهارة ومحاصرتها من كل النواحى.
1- نريد معلومات عن شركات القطاع الخاص والتجار التابعين للحكومة خاصة الصرافات والتحويلات حيث تعتمد عليهم الحكومة حاليا" فى توفير العملة الصعبة مثل دهب شل فى عمارة محمد حسين بامدرمان.
2- سر الاهتمام القطرى بالسودان خاصة اقليم دارفور.
3- الاهتمام بالشباب
وشكرا


ردود على المانجلك
United States [atil say] 11-06-2013 12:31 AM
هاك معلومة
اكبر كبري اسمة "ابراهيم بلة مكاوي "
ابنة محمد متزوج بنت على عثمان محمد طة
وهو متزوج اربعة نسوان واحدة منهم اخت الطاهر ايلا
هويمتلك مجموعة ضخمة من الابراج بالرياض وعندة شركة مقاولات يقوم بتنفيذ كافة الطرق والكباري بكردفان ودارفور وبورسودان ثورتة لا تقدر بثمن


#819154 [ابو كريم]
0.00/5 (0 صوت)

11-05-2013 10:23 PM
منو القال الشارع مايطلع... كيف يطلع ؟؟!! ....وانتو زعلانيين لييييه الناس راضيين طالما هم ساكتيين مش بقولوا السكوت علامة الرضا ؟؟؟!!!!!! ديل مخدريين بشنو مامعروف؟؟!!
هذا زمان المهازل زمان الاسياد والعبيد

الثورات لم ولن تأتي بالتمنيات (( ﴿إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم )) والمقصود مابأنفسهم هنا في الآية الكريمة اي الخنوع والاستسلام والذلة اللظالم المتجبر
ربما السبب في ذلك ان كثير من الناس لايعرفون سوف هذا النظام سوف تتغير احوالهم 180 درجة !!!!!!!


#819152 [عصمتووف]
0.00/5 (0 صوت)

11-05-2013 10:22 PM
ان شاء الله يحصل المليون للجالون واقعدوا اشتكوا والحيطة القصيره الكمساري افرغوا غضبكم فيه يلا حلال ليكم السرقة والدعارة واللواط والسطو لدرجة القتل المساجد لن تنفعكم ولن تمطر لكم ذهبا كما يوعدوكم بالابتلاءات حلو شعر راسكم والعب يا بخيت


#819106 [على احمد موسي]
5.00/5 (4 صوت)

11-05-2013 09:31 PM
وسخ .. يا أمة ضحكت من جهلها الأمم .. بعد شويه الحكومة حا تخلى الشعب بالملابس الداخلية و حا تملصة منو ..


#819048 [ahmed]
5.00/5 (1 صوت)

11-05-2013 08:34 PM
كلامكم بقي كتير وبكاكم كتر القطاص كلامها واضح العايز يخارجهم يطلع الشارع مش تتكلموا وتشتكو اماان تصمدو في منازلكم حتي يتوفاكم اللة جوعا ومرضا


#819041 [عباس]
5.00/5 (1 صوت)

11-05-2013 08:23 PM
شعب جبان شعب جبان شعب جبان شعب جبان


#818984 [abu khaled]
0.00/5 (0 صوت)

11-05-2013 06:54 PM
ياجماعة الزول دة سبتوه وهل هذا شكل وزير مالية الزول والله فلكب عديل كدة واحد امسكه اقول ليه خلاص الشعب وصل الحديدة وطلع زيته وبنزينه يعنى الجلد مع العظم ومما الزول جاء الوزارة دي جاب الكج واعتقد ان ما يعرف رماد خشمه في الاقتصاد والمحاسبة وخلى يحاسبنا دخلنا ومنصرفنا كم والبسرقوه كم والبشير + اللمبي + علي محمود = شعب بريالة والضرب في الميت حرام ياحرامية يا أولاد الكلب


#818954 [اشرف ابراهيم]
0.00/5 (0 صوت)

11-05-2013 05:28 PM
بارك الله فيك ود ابو عنجة شكرا على التصحيح


#818937 [سلوى بوتيك]
4.75/5 (3 صوت)

11-05-2013 04:58 PM
مين قال لسكم الشعب جبان أرجو منكم مشاهدة فيديو المناضل ضلاح داؤد وهو ستكلم عن شباب عُزل أرغموا رجال الأمن على الهروب بأسلحتخم ، وأنصتوا لهذا المناضل الذى فقد يده من قيل والآن بترت ساقه وهو يقول بان الجولة القادمة هى الأسوأ ولم أر في كل الثورات استبسال وجسارة كؤلاء الشباب الذين يمقتون اكيزان .. أنهم لم يخربوا ولم يحرقوا .. شاهدوا الفيديو الخطير.
http://www.alrakoba.net/news-action-show-id-122339.htm


#818934 [ممكون وصابر]
5.00/5 (2 صوت)

11-05-2013 04:55 PM
البهائم ديل ما فيهم زول قارئ اولى اقتصاد في اي جامعة يقول ليهم الحل في التنمية والانتاج مافي الضرائب ورفع الأسعار ,,,, وأكيد طبعاً حاسب لينا سعر البرول العالمي بالسوق الاسود ما حاسبه بسعر الدولار الحكومي في البنك ,, ودعم الالة العسكرية للأسف تم به قتل اولادنا في شوارع الخرطوم ومدني وسنار ونيالا وعطبرة وغيرها من المدن التي ثارت على النظام .


#818895 [صلاح خضر عثمان]
5.00/5 (2 صوت)

11-05-2013 04:01 PM
والله والله والله غير مالشعب دا يطلع الشارع ويعمل على اسقاط هذة العصابة لن تتوقف هذة المهازل ، واصلوا الحكاية بقت موت موت اخير الناس يموتوا بالرصاص بدلا عن الموت السريرى فى البيوت لان ماتفعله هذة العصابة الان هو الموت بعينه للشعب السودانى


#818882 [مستاء]
3.25/5 (3 صوت)

11-05-2013 03:37 PM
بسم الله الرحمن الرحيم
الزبير أحمد الحسن
وزير المالية السابق
وزير الطاقة السابق
رئيس القطاع الاقتصادي بالمؤتمر الوطني السابق
رئيس لجنة الشؤون المالية بالبرلمان حاليا

بالخبرة فى كل المناصب أعلاه دعونا نرى خططه الاقتصادية وبدائله فى عام 2011 وما تحقق منها فى 2102 ومازال يعتلى المناصب المرتبطة ارتباطا وثيقا بالاقتصاد.

بصفته رئيس القطاع الاقتصادي بالمؤتمر الوطني فى يناير 2011 ( أى بالعربى الفصيح أنه واضع سياسة الحزب الحاكم وبالتالى سياسة الحكومة فى كل ما يتعلق بالاقتصاد) .
فى حوار معه بصفته رئيس القطاع الأقتصادى أجرى الصحفى سنهورى عيسى حوار معه نشر بالصفحة الاقتصادية الرأى العام الصادرة بتاريخ 30 يناير 2011 ، أقتطف منه أجابته لسؤال الصحفى سنهورى عيسى عن بدائل سد العجز الناتج من فقدان عائدات البترول بعد 6 أشهر (فى يوليو 2011 )من تاريخ الحوار . لنجد أن كل البدائل اصبحت صفرا وما زال المؤتمر الوطنى وكل كوادره التى تتبادل المناصب المرتبطة بالاقتصاد تكذب على نفسها أولا وعلى المواطن ثانيا.

أكد السيد رئيس القطاع الأقتصادى جاهزية حزبه ببدائل لسد العجز. أنقل بالنص أجابته وسأقوم بالتعليق لاحقا على كل بديل من بدائل رئيس القطاع الأقتصادى (وهى بدائل الحزب الحاكم ولا يملك سواها) .
أجابة السيد الزبير منقولة بالنص :
(هنالك عدة بدائل لتعويض الفاقد من ايرادات النفط فى مقدمتها مزيد من انتاج النفط بالشمال،ومراجعة برنامج النهضة الزراعية واهدافه التفصلية والتركيزعلى زيادة انتاج الحبوب الزيتية،والتوسع فى انتاج السكر بانفاذ العديد من المشروعات ضمن خطة السكر القومية التى بدأ العمل فى تنفيذها باقامة مشروع سكرالنيل الابيض، وقفا، ومشكور، والنيل الازرق، وتطوير قطاع الثروة الحيوانية وصادراته، والتوسع فى مجال المعادن بالتنقيب عن الذهب والحديد والنحاس عبر التنقيب الاهلى والترخيص للشركات فى مناطق الانتاج الكبير والاحتياطى، وتصدير الخدمات خاصة الخدمات الصحية والتعليمية والخبرات الفنية فى مجال النفط لدول الجوار او جنوب السودان _ على غرار_ ما يحدث فى الاردن من تصدير للخدمات الصحية، بجانب تشجيع صادرات الصمغ العربى،والتوسع فى انتاج القطن الذى تشهد اسعاره عالمياً الآن ارتفاعاً ملحوظاً ويتوقع ان يتواصل الارتفاع خلال السنوات الثلاث المقبلة.
هل يمكن ان يكون الذهب بديلاً ايرادياً للنفط ويسهم فى سد عجز الموازنة.؟
الذهب يمكن ان يسهم فى زيادة موارد البلاد من النقد الاجنبي فقط لكونه مملوكاً للقطاع الخاص،وبالتالى عبر زيادة الانتاج والتصدير سيسهم الذهب فى زيادة موارد النقد الاجنبى ،ولكن سد عجز الميزانية يمكن ان يتم عبررفع كفاءة التحصيل الضريبي والجمركى ومنع التهريب، كما ان تخفيض الرسوم الحكومية سيزيد الايرادات العامة للدولة.
هنالك من يرى أن الشراكة مع الجنوب يمكن ان تكون بديلاً للنفط خاصة وان الجنوب يحتاج للموانئ للاستيراد والتصدير .. ويرى هؤلاء ان البديل يكمن فى انشاء منطقة حرة بين الشمال والجنوب فى مدينة كوستى .. ما تعليقك..؟
نعم : من بين البدائل أيضاً اقامة شراكة حقيقية مع الجنوب خاصة فى مجال النفط وتقديم الخدمات،واقامة (منطقة تجارة حرة بكوستى) لتخدم الجنوب وتؤمن احتياجاته مع الاستفادة من ميناء كوستى الجاف،وميناء الحاويات والنقل النهرى والسكة الحديد باتفاقيات ثنائية وشراكة حقيقية تخدم مصالح الطرفين .
وماذا عن تشجيع الاستثمار.. هل سيكون الاستثمار بديلاً للنفط فى مرحلة ما بعد الاستفتاء برأيك..؟
الاستثمار من أهم أولويات المرحلة المقبلة بعد ان شهدت قطاعات عديدة جذباً للاستثمارفى الفترة الماضية من بينها قطاع الاتصالات والبنوك والصناعة ،وهنالك فرص للاستثمارالاجنبى المباشريمكن ان تصبح بديلاً للعون الخارجى اوالاجنبي الذى تغيرت معاييرمنحه فى عالم اليوم .
ولكن مع توقف عائدات النفط فى التاسع من يوليو يصبح المطلوب ايجاد بدائل جاهزة لتعويض الفاقد الايرادى للنفط .. برأيك ما البدائل الجاهزة لتعويض ذلك..؟.
هنالك بدائل جاهزة ستدخل فى الميزانية لسد عجزها بعد إنتهاء الفترة الانتقالية لمرحلة ما بعد الاستفتاء فى يوليوالمقبل فى مقدمتها زيادة النفط المنتج بالشمال بارتفاع انتاج حقل بليلة من (70) الف برميل يومياً الى (100) الف برميل يومياً،ودخول حقل الراويات جنوب كوستى لدائرة الانتاج مما يغطى الاستهلاك المحلى والتصدير،وتصديرالذهب الذى سيزيد موارد النقد الاجنبى،ورفع كفاءة تحصيل الرسوم والضرائب والجمارك،ومنع التهرب،بجانب تخفيض الرسوم الحكومية من اجل زيادة نسبة تحصيل الايرادات.)
أنتهى النقل .

البدائل حسب تصريح الزبير أحمد الحسن بالنص والتعليق عليها :

البديل الأول :
مزيد من انتاج النفط بالشمال

التعليق:
بالدليل القاطع ما زال (مزيد من أنتاج النفط) حديث يلوكه وزير الطاقة ووزير المالية والقائمين على الشأن الأقتصادى, جعجعة بدون طحين.

البديل الثانى :
ومراجعة برنامج النهضة الزراعية واهدافه التفصلية والتركيزعلى زيادة انتاج الحبوب الزيتية .

التعليق :
(1) فى ندوة عن النهضة الزراعية حدد مدير مشروع الجزيرة فى 2011 أن المطلوب لصيانة واعادة تأهيل قنوات الرى بالمشروع مبلغ 850 مليون دولار . فى يناير 2012 صادق وزير المالية على محمود على 100 مليون جنيه ( أقل من 30 مليون دولار بالسعر الرسمى وقتها) لصيانة وأعادة تأهيل قنوات الرى , أى المبلغ المصدق يعادل فقط 5% من المبلغ المطلوب لقنوات الرى. السؤال هل يمكن تصديق فرية أن تكون هناك زراعة ونهضة زراعية فى اكبر مشروع معول عليه للمساهمة بنسبة عالية لسد العجز أن يقوم بواجبه دون رى وماء؟؟
(2) قبل أيام أعترف أمين حسن عمر بأن هناك فجوة غذائية فى الحبوب فى دارفور ( ومعروف أن كلمة فجوة هى أسم الدلع للمجاعة).
(3) فرية الحبوب الزيتية تؤكدها الفجوة الواقعة فى زيوت الطعام.


البديل الثالث :
والتوسع فى انتاج السكربانفاذ العديد من المشروعات ضمن خطة السكرالقومية التى بدأ العمل فى تنفيذها باقامة مشروع سكرالنيل الابيض، وقفا، ومشكور، والنيل الازرق.

التعليق :
فضيحة سكر النيل الأبيض أمام ممثلى 56 دولة من الدول الأسلامية هى الدليل على الفرية. والمولى عز وجل وحده يعلم متى يعمل مصنع سكر النيل الأبيض ناهيك عن بقية مشاريع الزبير أحمد الحسن.

البديل الرابع :
وتطوير قطاع الثروة الحيوانية وصادراته.

التعليق :
وزير الدولة للثروة الحيوانية عند مناقشة الموزانة فى ديسمبر 2011 أشترط صراحة داخل البرلمان أن بأمكان وزارته تحقيق الأرقام المستهدفة أذا قامت وزارة المالية بتوفير أحتياجات وزارته. السؤال هل تم توفير أحتياجات وزارة الثروة الحيوانية؟؟؟ أذا تم توفير ميزانية لهذه الوزارة فأنها لن تكون أفضل حالا من صنوها مشروع الجزيرة والذى تم توفير 5% فقط من أحتياجات أعادة تأهيل قنوات الرى وهى عمد الزراعة.

البديل الخامس :
التوسع فى مجال المعادن بالتنقيب عن الذهب والحديد والنحاس عبرالتنقيب الاهلى والترخيص للشركات فى مناطق الانتاج الكبير والاحتياطى .

التعليق :
فى نوفمبر وديسمبر صرح وزير الدولة للمعادن ومحافظ بنك السودان أن أنتاج الذهب من يناير 2011 الى أول أكتوبر 2011 بلغ 45 طنا وسوف يصل الرقم الى 60 طنا بنهاية ديسمبر 2011.
فى أفتتاح مصفاة الذهب فى 13 مايو 2012 صرح السيد بدر الدين محمود نائب محافظ بنك السودان بأن المتوقع أنتاجه من الذهب بعد أفتتاح المصفاة 60 طنا فى 2012 . وكذب بأن أنتاج عام 2011 بلغ فقط 24 طنا ( الخبر نقلته قناة الشروق فى 13 مايو 2012 ) .
بدون مصفاة تم أنتاج 60 طنا فى 2011 وبعد توقيع 50 عقدا للتتنقيب فى يوم مشهود , رقم الأنتاج لم يبارح مكانه وتكلفة المصفى أهدار للمال العام وعقودات الـ 50 شركة لم تشكل أى أضافة للرقم المتوقع أنتاجه .


البديل السادس :
تصديرالخدمات خاصة الخدمات الصحية والتعليمية والخبرات الفنية فى مجال النفط لدول الجوار او جنوب السودان _ على غرار_ ما يحدث فى الاردن من تصدير للخدمات الصحية .

التعليق :
(1) تصدير الخدمات الصحية : خلو ارفف الصيداليات وحادثة ولادة سيدة على ضوء الموبايلات فى مستشفى سوبا الأسبوع الماضى أكبر دليل لعائدات الزبير أحمد الحسن المتوقعة.
(2) تصدير الخدمات التعليمية : ندوات وسمنارت تدهور التعليم فى السودان أكبر حافز لأستيراد الخدمات التعلمية وصرف أموال عليها بديلا لتصدر خدمات تعليم الزبير أحمد الحسن وتحقيق عائدات منها.

البديل السابع :
تشجيع صادرات الصمغ العربى،والتوسع فى انتاج القطن الذى تشهد اسعاره عالمياً الآن ارتفاعاً ملحوظاً ويتوقع ان يتواصل الارتفاع خلال السنوات الثلاث المقبلة.

التعليق :
(1) أخرجت المنافسة مصدرى الصمغ العربى السودانيين نسبة لزيادة تكلفة السلعة نتيجة الجبايات والضرائب وتحصيل المحليات ونقاط البوليس , وربنا يفرج كربتهم حيث أنهم يرزحون تحت وطأة البنوك الممولة.
(2) القطن : سبق وأن كتبت الكثير عنه. وما لى ألا أن أذكر أن مشروع الجزيرة فشل فى رى 165 ألف فدان فى العام السابق وحسب المعطيات الحالية على الأرض ومعرفتى الشخصية أن المساحة التى سوف تزرع ويتم ريها سوف لن تتخطى مساحة العام السابق بأى حال من الأحوال ( ممارسات الأدارة وشركة الأقطان هى الحصيلة المتوقعة مزيد من الفساد والأفساد ومزيد من فقد ثقة المزراع فى الحكومة) . والمزراع حر فى أختيار محاصيله للزراعة بموجب قانون مشروع الجزيرة لعام 2005 .

البديل الثامن :
سد عجز الميزانية يمكن ان يتم عبررفع كفاءة التحصيل الضريبي والجمركى ومنع التهريب، كما ان تخفيض الرسوم الحكومية سيزيد الايرادات العامة للدولة.

التعليق : تحت وطأة الأزمة سوف لن يتمكن ممولى الضرائب من دفع ما يعادل ما تم دفعة كضرائب فى العام السابق. أما العجز فـ (جلقبة ) الحكومة لسد العجز من رفع الدعم على المواد البترولية هو أفضل تعليق للسيد الزبير وحزبه الحاكم.

البديل التاسع :
من بين البدائل أيضاً اقامة شراكة حقيقية مع الجنوب خاصة فى مجال النفط وتقديم الخدمات،واقامة (منطقة تجارة حرة بكوستى) لتخدم الجنوب وتؤمن احتياجاته مع الاستفادة من ميناء كوستى الجاف،وميناء الحاويات والنقل النهرى والسكة الحديد باتفاقيات ثنائية وشراكة حقيقية تخدم مصالح الطرفين .

التعليق:
شراكة الزبير الحقيقية مع دولة الجنوب تمخضت فى قولة السيد على عثمان النائب الأول لرئيس الجمهورية فى عدم السماح لـ (شق تمرة) بالمرور. وقفل صقور المؤتمر الوطنى للحدود.


البديل العاشر:
الاستثمار من أهم أولويات المرحلة المقبلة بعد ان شهدت قطاعات عديدة جذباً للاستثمارفى الفترة الماضية من بينها قطاع الاتصالات والبنوك والصناعة ،وهنالك فرص للاستثمارالاجنبى المباشريمكن ان تصبح بديلاً للعون الخارجى اوالاجنبي الذى تغيرت معاييرمنحه فى عالم اليوم .

التعليق :
أحتل السودان درجة أقل من الدرجة ( C ) حسب التصنيف العالمى للأقتراض والأئتمان , هذه الدرجة تقف سدا منيعا للأقتراض , أم مناخ الأستثمار فالميدان ليس صالحا للمستثمرين الأجانب تهدده الأزمة الأقتصادية والأزمة السياسية والأزمة الأمنية ناهيك عن نشر غسيل الفساد والمفسدين.


لا أعتقد أن السيد الزبير أحمد الحسن ولا المؤتمر الوطنى يملكون بدائل جديدة ألا بيع الأراضى والتى دق جرس دلالها لمصر والسعودية والبقية قادمة. وما زالت كوادر الحزب الحاكم تتبادل المناصب المرتبطة بالأقتصاد.

نسأل الله التخفيف والهداية


#818880 [حد بيعرف احسن م الحكومه!!]
0.00/5 (0 صوت)

11-05-2013 03:35 PM
" من حقيبة الذكريات" رغم انو ما حدش بيعرف احسن م الحكومه ألأ ان حل المشكله ألأقتصاديه ما اظنّو يتوجد!! قولو ليه؟ الحل كان عند المرحوم البروف م. ه. ع. (الله يرحمو ويغفرلو) فقد صرح "فى ساعة تجلّى" فى ايام الديموقراطيه التالته "الواقعه" (زى ما كانو بقولو اهل اثينا وسبارطه) ..صرّح ان حل المشكله ألأقتصاديه عندو وهو عارفو لكن ما حيقولو!! البروف المرحوم م. ع. ك. (الله يرحمو ) التقى البروف صاحب التصريح ذات مساء واستحلفه بالله ان يفك طلاسم مشكلة ألأقتصاد السودانى ويجزيهو الله خيرا (بالمناسبه فقد قيل ان المرحوم المحتفظ بسر خل المشكله ألأقتصاديه كان ايام دراسته الجامعيه من الموكلين بقراءة سورة "العصر" فى نهاية الاجتماعات ..لكن - الله يرحمو - البروف برضو رفض ألأفصاح عن حل المشكله ألأقتصاديه... رحم الله كل من انتقل الى رحاب ربه ..بس يا حسره المرحوم ظل يحتفظ بالحل الى ان رحل معاه الى دار الخلود والقرار ..


#818834 [كالو]
5.00/5 (6 صوت)

11-05-2013 02:09 PM
شعب يخاف الموت يجب ان يعيش مهان للابد


ردود على كالو
United States [المستوفي] 11-05-2013 04:34 PM
كلامك صاااااااااااااااااااااااااااااااااااااااااااااح

United States [سوداني ود بلد] 11-05-2013 03:21 PM
ياكالو الشعب السوداني ما بخاف الموت ولا بيقبل المهانة ومهما طال الظلام فلابد لليل أن ينجلي ومهما طال القهر فلابد للقيد أن ينكسر.


#818824 [Anonymous]
0.00/5 (0 صوت)

11-05-2013 02:01 PM
بنك الراجحى منع تحويل بالعمله الصعبه للبنوك التأليه

بنك ام درمان الوطنى
بنك الشمال
بنك التضامن الإسلامى
بنك الخرطوم
الشعب السودانى الا يخم و يصر حتى البلوفه الخارجية ح تقفل


#818800 [ابوعبدالرحمن]
4.00/5 (4 صوت)

11-05-2013 01:36 PM
انا لله وانا اليه راجعون ..انا لله وانا اليه راجعون ..اللهم اجرنا فى مصيبتنا واخلف لنا خيرا منها .


#818783 [تينا]
0.00/5 (0 صوت)

11-05-2013 01:18 PM
لطفك يا رب العالمين . المضحك يوم أمس فى شريط الأخبار فى واحدة من تلفزيوناتهم كاتبين وزير الماليه دعا كبار وفطاحلة الاقتصاديين لمؤتمر الايام الجاية ليتناقشوا ويحلوا له مشكلة التدهور الاقتصادى . نان يا وزير الهنا بعد ايه تدعيهم للمؤتمر دا الفطاحلة ديل من زمان ما موجودين وزول شغال بيهم مافى تعوسوا فى عواستكم براكم لما خلاص خربت وجلستو على تلها جايين الأن تنادوهم ؟؟ خلاص خربت وشيلو شيلتكم


#818775 [عدو الكيزان]
5.00/5 (1 صوت)

11-05-2013 01:10 PM
يعني منتظرين لحدما يجوا يدفونكم وبس ؟؟ تستاهلوا أكتر من كدة ياشعب ياجبان .


ردود على عدو الكيزان
United States [سوداني ود بلد] 11-05-2013 03:22 PM
إن من يصف شعبه بالجبن هو عدو لشعبه وليس للكيزان.

[عبد الله] 11-05-2013 03:16 PM
وانت قاعد تسوى شنو ما تمرق

[عبد المنعم احمد] 11-05-2013 02:58 PM
كلامك صيحيح يا عدو الحرامية نحن شعب جبان مادام فينا من يقول ماهو البديل لعمر البشير بما فيهم الصادق المهدي كأن عمر البشير وحَد السودان بعد انفصاله عام1955م وحرر حلايب وشلاتين وأنشأ مطار في مشروع الجزيرة لتصدير الانتاج بعد ان جعل البشير مشروع الجزيرة سلة غذاء العرب!!!!!!استغفر الله العظيم وأتوب اليه ...وبعد أن مدَ خط سكة حديد بدارفور لتصدير النحاس واليورانيوم ومدَ خط انابيب الى المحيط الاطلسي لتصدير بترول غرب السودان الى الغرب وجعل دار فور وجنوب كردفان والنيل الازرق جنان الله في أرضه اما كفانا ذل ومهانة ان نعيش من فضلات دول العالم من اغاثتها شئنا ام أبينا الواقع المر أما كفاناذل والكيزان من اجل لقمة الأكل اجبرو عفافتنا على...... استغفر الله العظيم واتوب اليه ... وفي الرياضة احرز الهلال كأس ابطال افريقيا ثلاث مرات والمريخ ثلاث مرات ومريخ الفاشر كأس الفدرالية مرة وهلال كادقلي مرتين ورقينا للمركز 15 في ترتيب الفيفا شهر اكتوبر2013م بعد ان هزمنا بتسوانا 4/. وحجزنا مقعدنا في كأس العالم في البرازيل وصنفونا في المركز AAAاقتصاديا وللأسف الشعب السوداني عجز في إقناع البشير في الترشح للمره الرابعة حتى يواصل مسيرة التقدم وحتى يفتتح وكالة الفضاء السودانية وبدء العد التنازلي لإطلاق مكوك الفضاء لحمل ارواح السودانين الى الرفيق الاعلى وهو يزفهم الى الجنة زمرا .وفي الختام اختم بهذا الدعاء اللهم يا من ز دت حجم امين حسن عمر بعد عجوف وملأت وجه احمد على جنيف وبدنه بعد ضعف وشحوب أمد اللهم في عمر البشير حتى تخرج الشمس من مغربها ويصافح المسيح الدجال ويفتتحاء معا مطار الخرطوم الجديد بامدرمان اللهم امين.


#818760 [saifeldin]
0.00/5 (0 صوت)

11-05-2013 12:53 PM
﴿إِنَّ الَّذِينَ آَمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدّاً ﴾ وقال رسول الله صلي الله عليه وسلم (( مَثَلُ المؤمنين في تَوَادِّهم وتراحُمهم وتعاطُفهم: مثلُ الجسد، إِذا اشتكى منه عضو: تَدَاعَى له سائرُ الجسد بالسَّهَرِ والحُمِّى ) اين انتم من هذة الأية والحديث وتدعون الاسلام حروب اغتصاب قبلية سخيفة معيشة ضنك ﴿ إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعاً ﴾ هذة الآية تنطبق عليكم آهل الإنقاذ0 الاسلام السياسي حرام والدليل علي ذلك قول رسول الله صلي الله عليه وسلم " يَأْتِي فِي آخِرِ الزَّمَانِ قَوْمٌ حُدَثَاءُ الْأَسْنَانِ سُفَهَاءُ الْأَحْلَامِ ، يَقُولُونَ : مِنْ خَيْرِ قَوْلِ الْبَرِيَّةِ يَمْرُقُونَ مِنَ الْإِسْلَامِ كَمَا يَمْرُقُ السَّهْمُ مِنَ الرَّمِيَّةِ لَا يُجَاوِزُ إِيمَانُهُمْ حَنَاجِرَهُمْ فَأَيْنَمَا لَقِيتُمُوهُمْ فَاقْتُلُوهُمْ فَإِنَّ قَتْلَهُمْ أَجْرٌ لِمَنْ قَتَلَهُمْ يَوْمَ الْقِيَامَةِ . اقتلوا السفهاء تجار الدين عديمي الضمير مفارقين الجماعة مشعلين نار القبلية


#818742 [اسماعيل العباسي]
5.00/5 (1 صوت)

11-05-2013 12:27 PM
الله لا كسبكم، لا خير ولا عافية


#818733 [مدحت عروة]
0.00/5 (0 صوت)

11-05-2013 12:11 PM
انا عندى اقتراح لحل مشكلة الانقاذ الاقتصادية !!!
ليه ما البحرية السودانية تشتغل زى قراصنة الصومال ويحتجزوا البواخر ويطلبوا فدية وبالطريقة دى الخزينة تتملى دولارات ويجدوا تمويل للجيش لمواصلة الحرب داخل السودان اما حلايب والفشقة هسع قوات الصيادلة والبياطرة محاصرين المصريين والاحباش لاسترجاعهم الى حضن الوطن وقريبا ستنضم ايهم كتائب الاطباء البشريين والزراعيين!!!!!!!!!!!!!!!!!!!


#818725 [الاسواء من ديك العده !مرض الشيزوفرنيا الذي اطبق علي البلاد و]
0.00/5 (0 صوت)

11-05-2013 12:00 PM
من اجل اقامة دولة الخلافةالر اشدة النقية!لابد من التخلص من الفقراء و المعدمين و الترلات التي تعوق المشروع ا لحضاري !!! ويصبح الوطن خالصا لمنسوبي الوطني ولاثرياء الانقاذ والشكش فقط والماعجبو يطلع راسو وسيتم بعثه للاخره والتعجيل باقامة المشروع الحضاري!!! فكما صدح بها كبيرهم الساحر قبل ان ينقلب السحر عليه الاكل والشربو الزيادات من توافه الامورف ي ظل المشروع الاعظم ودولة الحضارة او الحقارة لاحقا المزعوما قامتها علي مايتبقي من ارض السودان!! وقد اعدوا بدائلهم الجاهز في دبي وماليزيا للركون اليها بعد اتمام التدمير الذاتي للدولة وتسليمها للعدم في خالة توقفالا مر عقابا من رسول الله في الارض لكل الكفرة والمارقينال ذين لايقدرون عظم مشروعهم!!!psychopathic!!


#818722 [عمك تنقو]
5.00/5 (4 صوت)

11-05-2013 11:58 AM
طالما الشعب راضى بالذل والهوان يبقى خلاص المشكلة وين ،،وابشركم ايضا بزيادة تعريفة الكهرباء ايتداء من اول العام القادم انشاءالله ،،هو انتو عايزين الناس ديل يحكموكم مجانا ولا شنو مالازم ياخدو حقهم ياجماعة ،،،شعب جاحد دايرين تاكلوا الهوت دوق ده ساااااااااااااكت كده ما لازم تدفعوا


#818720 [انصاري مضايق]
5.00/5 (1 صوت)

11-05-2013 11:57 AM
بالله كلموا الصادق المهدي وقولوا ليه ان الجماعة ديل حايفقروا السودانين قبل ما يسمح للانصار بالجهاد ضد الحكومة الظالمة دي


#818717 [فكرى]
0.00/5 (0 صوت)

11-05-2013 11:51 AM
الآن أطلقت الأنقاذ الكيماوى السياسى للحفاظ على نفسها بعد إن إستنفدت كل الأستراتيجيات والخطط التى وضعها الخبير الأمنى الأجنبى الذى أرهق خزينة الدولة كما المليشيات لهذا الأمر مقابل الإنفراد بكل ما هو سودانى


#818712 [هيثم]
5.00/5 (1 صوت)

11-05-2013 11:49 AM
إرحموا من في الأرض يرحمكم من في السماء


ردود على هيثم
United States [ود الدلنج] 11-05-2013 12:37 PM
يا هيثم يا أخوي هؤلاء نزعت الرحمةٌ من قلوبِهم من زمان . فلا تتوقع منهم إلا الشر . ربنا يكفينا شرهم . والله ما عافين ليهم أي مصيبة أوقعوها علينا لا في الدنيا ولا الآخرة


#818711 [نشكر المواطن عمر حسن بشة!علي سياسته الحكيمة والتي ستؤدي لهجر]
4.88/5 (5 صوت)

11-05-2013 11:47 AM
سير سير يالبشكير نحنه معاك لغاية مانطير!!!!


#818693 [فهيمه]
1.00/5 (1 صوت)

11-05-2013 11:37 AM
خليهم يرفعوا لسه مادام هم وأولادهم ما شاعريه بالغلاء خليه يحرق الشعب الفضل مادام ساااكت يحسوا بيهو كيف يغور في ستين داهيه شعب جبان


ردود على فهيمه
United States [سوداني ود بلد] 11-05-2013 03:28 PM
مافي واحدة فهيمة تنعت شعبها بالجبن.


#818683 [بديري]
5.00/5 (1 صوت)

11-05-2013 11:20 AM
السلام عليكم
سودانى مهموم على الاخر كلامو صاح
السعر 40 جنيه للجالون دا معناه 5 دولار لجالون البنزين بسعر دولار السوق السود
سعر جالون البنزين من حولنا 0.7 دولار السعوديه و3.2 دولار اغلا سعرفي دول غنيه ودخل الفرد عشرات دخل المواطن السوداني.
اللهم ؟؟؟والله اعلم احتمال دولار الحكومه 15 جنيه ودولار السوق الاسود8 جنيه بمعني الحكومه بتدعم الدولار.
ببساطه السلطه المتنفذه ومدراء الادارات ناس بسيطه وما مواكبه للتطور الاقتصادي البسيط ومبادي التجاره .
كل عام ترزلون


ردود على بديري
[omda] 11-05-2013 01:46 PM
كلامك صاح يابديري الجالون هنا في امريكا ب 3:20 دولار يعني ماحصل 4 دولار خليك من 5


#818677 [اشرف ابراهيم]
0.00/5 (0 صوت)

11-05-2013 11:11 AM
لماذا هذا الإصرار العجيب على مواصلة القوم الضغط على هذا الشعب المغلوب على أمره وقدأوصلنانافع وجماعته وعلي عثمان وجماعته وكبيرهم البشير وجماعته (ناس شمال الجيلي) بأن صرنا اغراب والله في بلدنا (وانا من الجزيرة على فكرة) فما كنا نعرف هذا الغضب الذي في صدورنا الان فلقد بلغ الأمر منتهاه فالقوم قد
- تقاسموا بينهم السلطة بالحق الإلهي وصرنا بين المرافئ نبحث عن لقمة عيش
-هم وأبنائهم سرقوا قوت الشعب باسم الشركات والشراكات مع المستثمرين والعطاءات والمنظمات الخيرية والتسهيلات البنكية ونسوا أن لهذا الشعب رب حرم الظلم وجعله محرما بين الناس ونسوا حديث بن اللتبية ودعاء رسول الله صلى الله عليه وسلم بأن يشق على من شق علي امته ممن ولي امرهم.
- استعلى القوم بإنتمائهم الجهوي ونسوا قول الله تعالى (إن اكرمكم عند الله اتقاكم)ووالله لافضل لهم على احد من خلق الله إلا أنه كبر سيوردهم جهنم بإذن الله( لا يدخل الجنة من كان في قلبه مثقال ذرة من كبر )وتقاسموا الغتائم ونسوا أن الارض لله امر ربنا فيها بالقسط , وصاروا لايبطلون باطلا ولا يحقون حقاونسوا حتى مرجعيتهم التي جاءوا منها واساءوا للإسلام أيماإساءة وصار الهم عندهم السلطة والمال فبئس قادة القوم هم ولا استثني منهم أحدا فالساكت عن الحق شيطان أخرص.
- أتساءل فقط عن النظام الإداري من الولايات والجيش الجرار من الدستوريين والتنفيذيين الذين أثقلوا كاهلنا به الا يستطيعون منه فكاكا وصار كعجل السامري إتخذوه وكانوا ظالمين.
_ تفشت الرشوة وعن المحسوبية حدث ولا حرج ويئس ابناؤنامن وظائف البنوك والخارجية والمالية والوظائف التي على شاكلتها كما يئس الكفار من اصحاب القيور واصبحوا يقبلون ادنى الوظائف ,
وتفشت والرذيلة وأماكنها وصارت خمس نجوم والكل يعلم فأين حمية القوم .
كتب علينا عواجيز ادمنوا الفشل وكما قال صلاح محمد ابراهيم رحمه الله من أين جاء هولاء
-قضايانا ومشاكلنا تحل برزق اليوم بلا رؤية شاملة, ورحم الله التعليم الحكومي ومشروع الجزيرة ومصانع النسيج وهذا غيض من فيض اللهم تبنا اليك فأرفع عنا هؤلاء . *


ردود على اشرف ابراهيم
[حمدان ابو عنجة] 11-05-2013 01:01 PM
كتب علينا عواجيز ادمنوا الفشل وكما قال صلاح محمد ابراهيم رحمه الله من أين جاء هولاء

كلامك طيب وجميل وعليه الاجماع


لعل التصحيح اللازم لقائل العبارة (من اين حاء هؤلاء) هي لكاتبنا الكبير العالمي / الطيب صالح


#818675 [radona]
5.00/5 (1 صوت)

11-05-2013 11:11 AM
كما وسبق وان كتبنا لاكثر من الف مرة ولاباس ان نعيد ماكتبنا عسى الله ان ينير ظلام العقول وينور البصيرة اللهم امين وهو كالاتي :
الاقتصاد السوداني يعاني من الانهيار التام نتيجة اصابته بالمرض الهولندي اللعين ونتج ذلك عن الصرف البذخي اللامحدود على حكومة مترهلة وجيوش جرارة من الدستوريين لايعلم عددها الا الله وذلك بعد ذهاب جنوب السودان ببتروله نتيجة لنيفاشا المشئومة التي وقعها السودانيون بمنتهى البلاهة والغباء وكانت نتيجتها انفصال جنوب السودان بمعظم الثروة البترولية التى كانت تضيع ايراداتها بصرفها على وزراء ودستوريي النظام الحاكم وعقد التراضيات السياسة .. ما علينا فقد وقع الفاس الراس ونحن بصدد الاصلاح وهو كالاتي :
اولا يتم اعاده هيكلة الحكومة الى مادون 20 وزارة و6 اقاليم للحكم وتخفيض رواتب ومخصصات وحوافز الدستوريين بنسبة اكثر من 75% وتخصص لكل دستوري سيارة واحده من صنع جياد السودانية ويمنع الحج والعمرة والعلاج والتعليم بالداخل والخارج على نفقة الدولة بتاتا
ثانيا تقديم قضايا الفساد للعدالة الناجزة مثل شركة الاقطان وسودانير وسودان لاين والتقاوي والمبيدات الفاسدة والحج والعمرة والاوقاف ووزارة الرعاية الاجتماعية وجوكية البنوك ومن يقف خلفهم والوزراء والمسئولين الذين يجنبون الايرادات ويطردون المراجع العام من مراجعة حساباتهم والذين يحصلون اموال خارج اورنيك 15 او بنموذج منه ...الخ
ثالثا اعلان العفو العام عن متمردي دارفور والنيل الازرق وجبال النوبة واعلان حكومة انتقالية وتشكيل مجلس رئاسي من ستة اعضاء لكل اقليم عضو وعلى راسه الرئيس البشير واطلاق الحريات دون قيد او شرط لممارسة العمل السياسي ومن ثم كتابة دستور دائم للسودان ومن ثم تجري الانتخابات في جو نزيه ومعافى
رابعا تجميد كل القرارات الاقتصادية وكل القوانين المحلية الخاصة بالجباية حتى يعود المزارعين لمزارعهم والرعاة الى مراعيهم والصناع الى مصانعهم لكي يتعافى الاقتصاد بالانتاج وليس بالضرائب والمضاربة بقرارات خرقاء في السلع المعيشية الاساسية ولان هذا ليس علاجا عرف بين الامم للمرض الهولندي والانهيار الاقتصادي
واتحدى كائن من كان من اقتصاديين وسياسيين ان يعيبوا شيئا من هذه الوصفه وبالله التوفيق


ردود على radona
United States [يــــلّا ... الــلِّـي بَـعــدُه ..!] 11-05-2013 05:46 PM
كلامك كله سمح ومقبول

بس طبزته بان البشير مازال رئيساً

يعني عايز البشير يخفض ليك رواتب ومخصصات الوزراء والستوريين؟ كان كده خُم وصُر..!
منتظر البشير يحارب الفساد ويرجع لينا تاني العمل بــ ارنيك 15 ؟
كان كده خُم وصُر..!
وخم وصر لو منتظر البشير ينصف ليك ناس النيل الازرق وجبال النوبة ودارفور.

بلاوي السودان ومشاكله دي كلها سببها "البشير" .. وبعد كل هذا راجي منه صلاح؟


#818672 [الغريب]
4.00/5 (2 صوت)

11-05-2013 11:07 AM
يابلادي الجاكي جاكي حكومة جبهة ولا بسة كاكي شعب ............. جداد يكاكي


#818671 [القطرى]
5.00/5 (1 صوت)

11-05-2013 11:06 AM
يا أخوانا مش كلام الوزير كان انو سعر الجالون بعد رفع الدعم المزعوم حايكون ثلاثين جنيه ...بقى كيف أربعين جنيه ولأ دعم ولاية ساكت....على العموم جشع الجماعة ديل هو من سيرديهم الى الهاوية انشاء الله بعد أمر الله طبعا...


#818656 [ameer]
0.00/5 (0 صوت)

11-05-2013 10:44 AM
لا حول ولا قوة الا بالله يا جماعة يا جماعة احنا في البعض من المناطق في الاقاليم حتى الان نستخدم حطب الوقود النباتي لا تلاجة لا كهرباء لا شارع ظلط لادفايات البرد بس اكتر شئ اثرت فينا من السياسات الاقتصادية سعر برميل الجازولين . من الجازولين بنزرع الحبوب الخضروات وعلف المواشى والاضاءة بس للاسف ما كنا عندنا علم بان اهل العاصمة والمدن وصلوا الى هذا المستوي الرفيع من الكماليات الحياتية هذا بالاضافة الي المستلزما ت العلاجية وتكاليف شرائها لذا اظن ان عجلة البلاد من حيث العدالة في التنمية السلبي ة العكسية تسير بمتولية هندسية نحو الخلف متمنيا ان يصل الجميع الى ركبنا الحالي والبدءفي مسيرة الاتحاد والخدمات من نقطة الاصل(0،0). والان اظن ان موسم زراعة اقوى سلاح
يهدد امن الشعوب قد اتى ، الا وهي موسم زراعة القمح؟ شدو الرحال يا شباب العمارات والمنشية بسنة زراعية واحدة في اجواء الولاية الشمالية بالتعاون مع مجالس الادارات الاهلية حتى لكي لا تفقدوا القمح عصب حياتكم بدلا من الغاز .


#818640 [كاتوحة]
5.00/5 (1 صوت)

11-05-2013 10:27 AM
هم الكبار ديل ما يشتغلوا بنص راتب وبدون مزايا دعماً للأقتصاد ولا بدون راتب لانه ما محتاجين ابداً... قال كبار قال؟!.. جاتكم كاتوحه تهوي بكم في وادي سحيق....!!!


#818626 [العجب]
5.00/5 (4 صوت)

11-05-2013 10:13 AM
انشاء الله الحكومة تركبكم اكتر واكتر ..... المواطن **** ويستاهل اكتر ..السكوت علامة الرضا.......الناس مبسوطة ياابوي .......خلي يبقي الجالون بي 100 كان بنزين كان جاز. انشاء الله. ........نحنا مرتاحين يا انقاذ كتر الف خيركم وربنا يجازيكم خير عننا. ومامحتاجين لي اي حاجة


#818617 [الغريب]
5.00/5 (3 صوت)

11-05-2013 10:03 AM
الله ينتقم منك ياعمر القشير انت والطغمة الفاسدة الله يلعنكم يا أولاد العاهرات كرهتونا البلد ياحرامية عليكم اللعنة يافجرة ياكفرة يازناديف.


#818614 [خزي وعار]
0.00/5 (0 صوت)

11-05-2013 10:00 AM
الناس جيعانةوبتموت في المستشفيات وما قادرة تسدد فاتورة الدواء والعيشة صعبة والشعب هاجر لإيجاد لقمة عيش في دولة آخرى ,,,,,,
وكل ذلك والحكومة مازالت تنفق المليارات على الدفاع والأمن,,,,,,,,,,,,,,
والله العظيم القلب كان فيه شكك في الحكومة أنها طيبه وممكن بعد السوتوا في شعبها تصلح الحال ,,,,,
لكن كده بالوضع الراهن وسوء الوضع الإقتصادي مع إستمرارية دعم الدفاع والأمن بالعتاد والمرتبات مهوله تدفع من جيب المواطن وخيرات البلد وكل الصلاحيات من ضرائب تفرض على المواطن الذي يدفع من أجل إزلاله وإستعباده,,,,,,
مصير كل ظالم متكبر مستبد جبار هي الخزي والعار,,,,,,,,,,,,
فالخزي والعار لحكومة تنهب الناس وتتعلل بالدولار
البلد مليانة وما محتاجة لا لي دولار ولا ناس الدولار
الكلام دا قولهو لكل من فقد عقله وأصبح حمار ..
حكومة لها الخزي والعار.....
حكومة لها الخزي والعار.....
حكومة لها الخزي والعار.....
حكومة لها الخزي والعار.....
حكومة لها الخزي والعار.....


#818586 [بت الخرطوم]
5.00/5 (1 صوت)

11-05-2013 09:29 AM
وقال شنو فى الزيادة المهببة للاجور خلاص لغائها وانتهى الامر خارج النص اطالب الاستاذ جبرا ان يلغى الكسرة الثانية توجيهات رئيس الجمهورية لانو زيادة المرتبات توجيهات الرئيس ووزير ماليتو ما عايز ينفذها برغم من ضالتها قياسا بالزيادات التنفذت والمراد تنفيذها


#818568 [المشتهى السخينه]
5.00/5 (3 صوت)

11-05-2013 09:15 AM
ولماذا الصرف على حروب خليفة المسلمين الاعرج المهزومه ؟ اين انتصر جيش المشير ؟ حتى ان الرئيس الدائم استورد من الخارج المرتزقه( القوات الخاصة ) والحقها بجهاز الامن ..هؤلاء مرتباتهم بالدولار .هل يعلم الجيش والشرطة ان معركتهم القادمة ستكون مع القوات الخاصة( المرتزقه ) داخل الخرطوم ؟ الرئيس الدائم يخاف حتى من ظله ويخاف زوال ملكه واهانته وارساله لسجون لاهاى او حشر العود .. خيارين احلاهما مر ..


#818551 [ss]
5.00/5 (4 صوت)

11-05-2013 08:59 AM
اللهم من اراد بنا خير فيسره له ومن اراد بنا شر فدمره واجعل كيده في نحره.


#818536 [ودالشريف]
5.00/5 (1 صوت)

11-05-2013 08:49 AM
مصيبتنا في جهل هولاء واهتمامهم بشركاتهم وادارة اموالهم الخاصة ونسيان واجبهم في ادارة البلاد ماترتب عليه سقوط كل اساسيات الاقتصاد السودانى الزراعة الثروة الحيوانية الغابات الصناعات التحويلية ادى لانهيارها تماما وهذا سبب انهيار الاقتصاد وهولاء الجهلة اعتمدو في ميزانيتهم على الجبايات وهذا يؤدى لمزيد من الانهيار في الاقتصاد المنهار اصلا لا حل غير كنس هولاء المفسدين تجار الدين


ردود على ودالشريف
[حمدان ابو عنجة] 11-05-2013 01:06 PM
هل هم مؤهلين لادارة البلاد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#818532 [ود على]
5.00/5 (5 صوت)

11-05-2013 08:45 AM
المشكلة فى الناس الكبار انا ما عارف عاجبهم الوضع دة ولا خايفين ولو خايفين خاشيفين من شنو وعلى شنو هم كبار واقرب للموت الواحد مفروض يموت شريف افضل من الجبن لاكين البكرة فى الشباب وانحنا ما بنسكت وتانى ح نطلع الشارع


ردود على ود على
United States [ehsan salih] 11-05-2013 11:11 PM
ده كلام شنو يا أبو الفهم .


#818531 [ود جبل حلة]
5.00/5 (5 صوت)

11-05-2013 08:45 AM
مش في واحد شافو في المنام بصافح النبي؟
معناتو الزول مبروك وواصل خليهو يرفع يديه بفاتحة تحل مشكلة العباد من معضلة المحروقات


#818511 [silk]
4.75/5 (5 صوت)

11-05-2013 08:27 AM
الزيادات والجباية..أساس الاقتصاد السودانى وليس الإنتاج والتدوير ..وهذا ماطبع وتطبع عليه إقتصاديو وسياسيو السودان ..ضيقى الأفق..محدودى التفكير ..بل ينعدم لديهم فى معظم الأحيان حتى أضحى عهد الهؤلاء.. عهد عدم التفكير والتكفير ..كفرنا بقدراتكم لادارة البلد ..طائفيون ..وعسكر ..ومتأسلمين ..والفشل فى دفع الانتاج والتخديم المرتبط بالإنتاج(ليس العسكرة وأجهزة الدولة الطفيلية المترهلة من ضمنها.بل هى معوق رئيسى )والجباية شكلت سبب أساسى للثورة المهدية.(لم تكن من مناهج دراسة الامام السندكالى بأكسفورد وحانات لندن. ولم يستوعبها العسكر برتبة الحقير ..سئ الذكرالمقبور نميرى ومحولجى السياسة سوار التبن.. وبرميل الروث الراقص البشير..وبالتالى ..توسعو فى الجباية وتبرير الزيادات..وفى أجهزة القهر المرتبطة بها..جهاز المغتربين ..ديوان الزكاة والحج الخ القرف والمزابل...وبدلا من تشجيع الإستثمار فى الزراعة والرعى والصناعة والتعدين وعموم قطاعات الإنتاج ومظلات الحياة الكريمة..عسكرو المجتمع وتوسعوا فى أجهزة القمع والجباية من جيش وأمن وشرطة إلى آخر القرف والمزابل ..المطلوب حلها بل حرقها بنار الانتفاضة المستدامة .. وبناء الضرورى . .منها ولنا عودة.. وثورة حتى النصر . ولنرفع شعار حواشة ومسكن أو زريبة وبهائم ومسكن لكل سودانى عوضا عن العسكرة والبطالة.وبيع الوطن..نحن رفاق الشهداء ..الصابرون نحن ..الفقراءنحن ..الميشرون..


#818502 [الجمبلق]
5.00/5 (1 صوت)

11-05-2013 08:21 AM
لا حل الا الموت اصلا كدا كدا ميتين خلينا نموت بشرف. ما فى اكثر من كدا وشكرا.


#818478 [التجاني بشير]
5.00/5 (1 صوت)

11-05-2013 08:03 AM
لا لا لا الحكاية فيها انة لامعقول الحكاية فيها انا في عملاء متحكمين في الدولة خبروا الطريق الذي يثير الناس ويودون لقيام الثورة والفوضي حتي يتثني لهم تقسيم البلد _انه الثعلب اليهود علي طه وزبانيته؟؟؟وااين تذهب اموال التجنيب اذا؟؟؟


#818474 [محمد عبدو]
5.00/5 (2 صوت)

11-05-2013 07:56 AM
اللهم من اراد بنا خير فيسره له ومن اراد بنا شر فدمره واجعل كيده في نحره...
الي متي يا حكومة الانقاذ؟ الي متي تستمرون في زيادة المحروقات والاسعار في كل السلع؟ الي متي ستظلون علي كرسي الحكم؟ من قمنا ما سمعنا انو السودان وضعو الاقتصادي تحسن كل يوم في تتدهور خاصة مع حكومة الانقاذ.....زمان سمعنا انو البترول طلع والوضع سوف يتحسن لكن من طلع البترول المشاكل زادت والحروب زادت وغلاء المعيشة زاد ليه كل هذا؟
وين البترول الحقيقي وهو الزراعة التي كان يعتم عليها السودان وهي مصدره الرئيسي ... اين شعار ناكل من ما نزرع و نلبس من ما نحصد....!!! أين مشروع الجزيرة الآن؟


ردود على محمد عبدو
United States [كاكا] 11-05-2013 11:02 AM
لماذا لا يعلن هولاء الطغمة فشلهم وتنحيهم عن الحكم ؟؟ فشل في كل القطاعات السياسية والاقتصادية والاجتماعية وتدمير شامل للصحة والتعليم والاخلاق ،، جبايات ورسوم ومكوس حولت حياة لاشعب لجحيم؟؟ ماذا بقي رفع ليد الحكومة من كل شئ ما عدا سلخ لاشعب. ما هذا؟؟ ماذا بقى لكم لتحكموا غير الكذب.. معروف إن الفطامة صعبة فأفعلوها يا وهم لكي تتجنبوا مصير القذافي في الدنيا وعذاب الله في الآخرة،، كسرة: جعلتم اسم السودان مهزلة بين العالمين وأضحكتم مذيعات الفضائيات عليكم من سذاجتكم وكذبكم؟؟ فماذا بقى لكم من الخجل..


#818454 [سوداني ود بلد]
0.00/5 (0 صوت)

11-05-2013 07:29 AM
حاء في الخبر أعلاه "اعترف وزير المالية في بيانه أمام المجلس الوطني أمس عن الوضع الاقتصادي الراهن بتزايد الإنفاق الحكومي لتغطية متطلبات الأمن والدفاع"

لا يمكن تقليل هذا الإنفاق علي أمن النظام الحاكمم وبالتالي عدم تحميل المواطن مزيد من الأعباء والزيادات في الأسعار من غير إيجاد حلول سياسية عاجلة مع كافة القوي المعارضة وبسط الحريات كاملة بما فيها حق الإعتراضات السلمية والتوافق علي التداول السلمي للسلطة وانشاء سلطة انتقالية تتفق عليها غالبية القوي السياسية ذات الوزن تكون من مهامها إقرار دستور يلبي متتطلبات الجماهير وهذه القوي السياسية والأشراف علي إجراء إنتخابات حرة نزيهه بدا من إعداد كشوف الناخبين مرورا بعملية التصويت وحتي إعلان نتائج الإنتخابات .


#818435 [ندمان و سافٍّي التراب]
5.00/5 (2 صوت)

11-05-2013 06:53 AM
هل يحق لي و أنا الجاهل بظاهرالأمور ناهيك عن بواطنها ان اتوهم ان زيادات اسعار البترول السابقات واللاحقات سببها الظن بأن الزيادة ستؤدي الى تقليل الأستهلاك بدرجة كبيرة لتُبقي قدر من ال ١٥٠٠برميل للتصدير وعودة البتروجنيه و الخمج أو انعاش الحلم بالدخول في منظمة أوبك كما زعموا بالأمس؟ لا استبعد حين يمتزج الجهل بالسذاجة يتمدد الوهم بلا حدود..


#818433 [بت السودان]
5.00/5 (4 صوت)

11-05-2013 06:52 AM
سمعنا هذا من قبل ,,,وقيل ان هذه الزيادات هى الجرعه الاولى من العلاج ,,,وبعدها حيكون العلاج الكيماوى ويقصدو المرحله القادمه ... طالما هو cancer لماذا لا يكون العلاج بالاستئصال!!!! .... يجب التاكد من صحة الخبر حتى يقف الجميع وقفه واحده للعلاج الناجع باذن الله


ردود على بت السودان
[مهاجر] 11-05-2013 02:41 PM
فعلا لا علاج الا الاستئصال طبعا ديل خايفين من المحاسبة الشعب السوداني اولا والجنائية الدولية ثانيا يجب الاعداد جيدا لانهم لايهمهم ولو ابادو كل افراد الشعب الشرفاء.

European Union [سودانى ندل] 11-05-2013 08:46 AM
انتهى العلاج .انتظروا الموت وياليته يكون رحيما اقراوا الفاتحة على السودان ال كان وترحموا عليه ربما يتقبل منكم ربكم


#818431 [صابرين]
5.00/5 (2 صوت)

11-05-2013 06:48 AM
اللهم ارفع غضبك عنا و لا تولي علينا من لا يخافك و لا يرحمنا ..

عجبت ممن سلطهم الله علينا لعذابنا و دمار البلد لا انقاذه .. و قتل كل من يقل لا للظلم و الطغيان .


#818425 [الحريه قبل الخبز احيانا]
5.00/5 (5 صوت)

11-05-2013 06:35 AM
ابشروا ياشعب السودان خليكم ساكتين طالما وقفتم المظاهرات وظللتم في خنوعكم لهؤلاء السفله
علينا ان نلبس الطرح والله النساء ارجل منا
لاحل الا الموت لنا او لهم


ردود على الحريه قبل الخبز احيانا
European Union [الدبلماسى] 11-05-2013 11:22 AM
النساء ليسوا كالرجال ولكن تفشى الاستقطاب و الجهوية والقبلية والعنصرية البغيضة شق صف الشعب وركنه للاستكانة بالاضافة للتغزيل من السيدين المعارضين واستغفال الناس بالدين كمخدر طبيعى لقتل الهمم والثورة - عندما ابيد اهل دارفور ظل الناس يتفرجون وعندما يقصف اهل النيل الازرق وكردفان , يباركون -وعندما وصل مجازر النظام قلب الخرطوم بدأوا يتباكون

United States [سودانى مهموم على الاخر] 11-05-2013 08:43 AM
هذه اول مرة واحد سودانى يقول الحق النساء فى السودان افضل من الرجال مئات المرات وهذا يعطينا الامل فى اجيال قادمة افضل من الجبناء الحاليين 0نحن السودانيين اوطى واخس شعب فى الوجود .نحن السودانيين اقل دولة افريقية مجاورة لنا استباحت ارضنا وسماءنا وسوف تستبيح شرفنا فى قابل الايام اصبحنا اضحوكة العالم احيانا اقول لنفسى ياليتنى لم اكن سودانيا لان رجال بلدنا اصبحوا مثل النسوان حتى وان لبسوا الطرح فانهم غير مقبولين الافضل لهم ان ينتحروا ويهجروا هذا البلد ويذهبوا الى الحبش ليكونوا خداما لهم ويتركوا لنا هذه الارض فنحن اولى بها منهم اذهبوا ايها السودانيين النسوان الى الجحيم يا شر البشر على وجه البسيطة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة