الأخبار
منوعات سودانية
اشتباك عنيف بين (بنات عمومة) بسبب شاب !!
اشتباك عنيف بين (بنات عمومة) بسبب شاب !!



11-08-2013 06:07 AM
أم درمان - علي بلدو

نشبت مشاجرة عنيفة بين ثلاث (بنات عمومة)، تدعي كل منهن الارتباط بشاب!!
وكانت الفتيات قد ذهبن للمشاركة في حفل زواج بامتداد الثورة أمس الأول، وأثناء تناول الغداء دار نقاش بينهن حول أحد شباب الأسرة، ويبدو أن كل واحدة من جانبها متعلقة به عاطفياً، ليتطور بينهن النقاش إلى اشتباك بالأيدي والأقدام، مصحوباً بصياح النسوة في المكان! وقامت بعض الحاضرات باستدعاء الشرطة التي قامت باقتياد المتشاجرات إلى القسم ودونت في مواجهتهن بلاغات تحت المادتين (142) - الأذى - و(69) - الإخلال بالسلامة والطمأنينة العامة ـ وتم الإفراج عنهن في وقت لاحق بالضمان العادي لحين الفصل في القضية أو تسويتها ودياً.

المجهر


تعليقات 15 | إهداء 0 | زيارات 5601

التعليقات
#821842 [مرور سريع]
0.00/5 (0 صوت)

11-09-2013 12:00 PM
هههههه الغريبة مافي ولا بنت واحده علقت في الموضوع الظاهر انو الكلام ما عجبهم لكن ده الواقع اقبلو بيهو


#821807 [عطوى]
0.00/5 (0 صوت)

11-09-2013 11:17 AM
1/هو عوده الناس لتفضيل ذواج الاقارب بسبب شقين شق بسبب الظروف الاقتصادية القاسية ؟ وشق بسبب عوده الناس للجهوية والعنصرية مما جعل زواج بن العم والخال فى اولويات البنات عكس المرات الفاتت .. ؟

يعنى البنات مش بيقدرو يجازفو مع شاب غريب والشاب الغريب ايضا تحت مراقبة بنات العم ؟؟ لذك فرص الزواج من شاب غريب اصبحت شبة عسيرة جدا بسبب تربص بنات العم او بنات الاهل بصورة عامة ؟؟ فالشاب المسكين اول ما يسمعو بية بجخز عشان يتزوج (تتفتح علية جبهات عديده وتدخلات من هنا وهناك وضغووط غريبة وكلها محاولات فردية اواجتهادت منهنا وهناك حتى يصبح صراح بين الفتيات من جهة والامهات من جهة اخرى ؟؟؟ يعنى باختصار اول ما يسمعو فلان بفتش فى عروس تتدخل كل الجهات فى محاولة لاقناع العريس المرتقب بباختيار العروس منهم اى بنات العم من جهة والاخووال من جهة والخالات من جهة والاعمام من الدرجة التانية من جهة وعييييييك والله دا حقيقى حقيقى ..
والمؤسف فى وسط هذا الصراع بتضيع حبيبة القلب التى قد تكون اخترتها عن قناعة وحب وتضيع منك حبيبة العمر وسط (حوافر) بنات العم والخال وغيرهم من تربطك بهم صلة قربى والسبب حسب ارايهم (الاولوية) وتضيع منك حبيبة العمر للابد اااااااااااااااخ ..

اما من يتهمون الشاب بانة هو السبب فهذا هراء البنات هن من يتخيلن اشياء لا وجود لها ابدا احيانا احداهن تفاجائك بانك قد وعدتها ؟ ولن تجد تفسير لهذا الموقف غير بانة اوهاااام ومعروف عن البنات يتعلقن بالاوهااام ..


#821622 [Dr. Georgette]
0.00/5 (0 صوت)

11-09-2013 12:10 AM
الموية غرف والرجال خطف


#821585 [تلقاهو مبسوط ومنفوش]
0.00/5 (0 صوت)

11-08-2013 10:54 PM
الغريب انو الشاب بيكون مبسوط وفرحان.. ديل الثلاثة عندهن نقص في شخصيتهن والولد نفسه لانو دا من النوع اللي بيكون ممسك دي حبل ودي حبل ودي حبل والغريب أنه من ابناء الاسرة يعني البنات قريبات ليهو.. دا مسوي كدا في بنات العائلة في الشارع بيكون مسوي شنو..

هن زاتن لو عاملت حساب لاسرهن ولاولياءولو بخجلن وبختشن وعاملت حساب لرجال الاسرة ما كان بتصرفن هذا التصرف


#821577 [ابوكلام]
0.00/5 (0 صوت)

11-08-2013 10:43 PM
الواد اظنو بشبه مهند ولا عندو فكي كارب


#821554 [Amin]
5.00/5 (2 صوت)

11-08-2013 10:05 PM
حقيقة قد أثلجتم صدورنا بهذا الخبر

كنا نظن وبعد تمدد واندياح النساء في كل الساحات والمحافل
وامتلاكهم ناصية العلم وتقدمهم في الجامعات والكليات الرفيعة وسوق العمل
أن أسهم الرجال قد هبطت وأن الصراع من أجلهم قد إنصرم وولى زمانه وأن زمان الاستغناء عنهم قد لاح


ولكن يا مولاي لك الحمد والشكر

له منا التحيات العاطرات ودمت (مديدة حارة)

وربنا يحفظك من كيدهن والعزيز والسجن


#821399 [كركاب]
1.00/5 (1 صوت)

11-08-2013 04:28 PM
ههههه والله بختك يا ابو الشباب الجكس يموت من اجلك
لكن الفكى بتاعك شكله كارب ادينا تلفونه هههههه 3 يا مفترى .
دق سدرك وعرسهم كلهم مرة واحده.وممكن اى واحده تجى شايله شيلتها
والله حا تجدع جديع


#821374 [ساب البلد]
0.00/5 (0 صوت)

11-08-2013 03:37 PM
صدقت يا قدال حينما قلت
بنوت بتجري
على الخطاطيب الخطاطيف
البتجرح ..
والعريس نجماً بعيد


#821365 [abuomer]
4.00/5 (3 صوت)

11-08-2013 03:25 PM
جاء في تسهيل الزواج قول نبينا الكريم:اذا جاءكم من ترضون دينه و خلقه فزوجوه,الا فتكن فتنة في الارض و فساد كبير...هذا العراك من الفساد الكبير, ان تقطع الارحام في التنافس على شاب!!!و الله لو ظن الحاكم (الحكومة) هي غير مسئولة عن تسهيل الزواج و تيسره فهي مخطئة و خاطئة..يجب التدخل فورا لمنع كل المظاهر التي تجعل من الزواج صعب المنال.اذ لا يعقل في دولة تدعي الاسلام ان يدفع العريس الملايين للحناء و الكوافير و ملايين اخرى لقاعة المناسبة و الفنان و العشاءو ملايين اخرى في طقوس لا تسمن و تغني من جوع..اذا رضيت اي حكومة بمثل هذا العبث و البذخ فكأنها تشجع الانحراف و علاقات ما قبل الزواج و الزيجات الباطلة و المنحرفة من عرفي و خلافه و كأنها تقول للشباب فرجوا على انفسكم بالعلاقات المحرمة حتى يتيسر لكم الزواج..و الله العظيم الفطرة السليمة تأبى ان يبلغ الرجل او المرأة الثلاثون و الاربعون دون زواج...قليل جدا جدا من يصل هذه السن و لم يقع في الحرام,اضف الى ذلك الانعكاسات النفسية و الاجتماعية السالبة من جراء الكبت الجنسي,العنوسة او البورة...الله الله يا ولاة الامور على الشباب,اتقوا الله فيهم,سوف يسألكم الله عنهم. الا هل بلغت,اللهم فأشهد


#821282 [اوجلان]
0.00/5 (0 صوت)

11-08-2013 01:26 PM
البورة مرض عضال انتشر فى ربوع السودان ومن الصعب التعافى منه لان الشباب فضلوا الهجرة الى الخارج والزواج من الاجنبيات والاقامة معهن الى الابد فى بلاد المهجر


ردود على اوجلان
[ود تلودي] 11-08-2013 08:34 PM
الكلام دا كيف يا اوجلان - انت جادي ولا بتمزح


#821279 [سمسم]
0.00/5 (0 صوت)

11-08-2013 01:22 PM
يا جماعة البنات ديل ليهم حق يتشاجروا و يضربوا بعض - لأن الفتاة التى تلقى عريس فى الزمن العلينا ده أصبح زى اللى أنفتحت ليها ليلة القدر والبورة حارة والله .


#821253 [مريود]
0.00/5 (0 صوت)

11-08-2013 12:35 PM
ياجماعة أدونا معاكم كلمة.


#821208 [خجاج الكيزان]
0.00/5 (0 صوت)

11-08-2013 11:40 AM
قمة قلة الادب . هذا شباب المشروع الحضارى . اذا كان رئيسهم ارقص في الهينة والقاسسية البنات اعملو شنو مالازم احصل كده شى طبيعى


ردود على خجاج الكيزان
United States [ود ادم] 11-08-2013 07:10 PM
يا اخي كرهتونا الكيزان والجبهجية وكرهتونا السودان؟؟؟اي حاجة واي موضوع مدخلين لينا فيهو ك..... الكيزان الكلاب ياخ ما ممكن تكونوا للدرجة دي والله اظن لو في كلب عض ليهو كلب تاني تقولوا السبب الكيزان يا اخ ما ممكن؟؟؟؟؟


#821190 [كجيك]
0.00/5 (0 صوت)

11-08-2013 11:20 AM
لرجال اصبحو سلعة نادرة بعد نفاد الكمية في الجنوب ودار فور وكردفان و النيل الازرق


#821174 [Mohamed]
0.00/5 (0 صوت)

11-08-2013 11:03 AM
ههههههههههههه الشرطة ما بيخجل يفتح بلاغ زي دا الإخلال بالسلامة والطمأنينة العامة

إذن الشعب يرفع بلاغ للشرطة لأنهم اهل الفوضي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة