الأخبار
أخبار إقليمية
رقابة ألكترونية على سيارات المغتربين
رقابة ألكترونية على سيارات المغتربين
رقابة ألكترونية على سيارات المغتربين


11-08-2013 07:45 AM
الخرطوم: رحاب إبراهيم
شرع جهاز تنظيم شؤون السودانيين بالخارج وهيئة الجمارك السودانية في وضع ترتيبات مشروع الرقابة الالكترونية للاجراءات الجمركية للمغتربين ،فيما يتعلق باجراءات السيارات.
وقال د. كرار التهامي الأمين العام لجهاز المغتربين لدى لقائه بمكتبه وفد هيئة الجمارك السودانية بقيادة اللواء شرطة عبدالحفيظ صالح علي نائب المدير العام للهيئة أن الغرض من المشروع هو وضع العلاج الناجح والقانوني لحالات التزوير في أوراق السيارات التي يستوردها المغتربين من الخارج في حال عودتهم النهائية، كما يسد الثغرات أمام«السماسرة» ويتيح فرصة انسياب الإجراءات المتعلقة بهذا الغرض بسهولة ويسر دون أي عوائق في حال اكتمال الأوراق الثبوتية وصحتها، ودعا التهامي إلى دراسة المشروع وفق رؤية مشتركة لمعالجة الأمر لمصلحة الوطن أولاً ، ثم مصلحة السودانية بالخارج.
إلى ذلك ،ابان سعادة اللواء عبدالحفيظ أهمية المشروع والجوانب الفنية المتعلقة به وبرمجة الأوراق المطلوبة ألكترونيا داخل الشبكة، والمتمثلة في الرقم الوطني للمستفيد وشهادة البراءة التي تفيد بأن العربة مستخدمة لصالح المستفيد شخصياً والتي يتم استخراجها من سلطات الدولة التي يقيم بها المغترب وشهادة إلى من يهمهم الأمر «الجمارك، جهاز المغتربين» وشهادة التسفير معتمدة وموثقة من وزارة الخارجية أو السفارة السودانية لدى دولة الاغتراب مبينا أن هذه الخطوات تثبت الحق الكامل للمغترب وبصورة قانونية صحيحة .
هذا وقد أكد الجانبان حرصهما الكامل على انفاذ المشروع بالصورة الكاملة والعاجلة التي تثبت حقوق المستفيدين من السودانيين بالخارج وسلامة إجراءاتهم.
الوطن


تعليقات 18 | إهداء 0 | زيارات 7030

التعليقات
#821939 [aborashid]
0.00/5 (0 صوت)

11-09-2013 02:11 PM
والله انت جابوك فجعة بقيت اكبر وجعة
وبعدين ياخي انت حتفعيه من الجمارك ما حتاخدها مضاعفة انت مجرد
انك ح تديه استثنا من الموديل فقط !!!
بعد تعب السنين والضرائب والزكاة ووووو..... مستكترين عليه هكره يرفع بيها
كرعينه . اتقو الله وارحمو الناس شويه الله لا رحمكم


#821713 [more]
0.00/5 (0 صوت)

11-09-2013 08:24 AM
حسبناءالله ونعم الوكيل فيكم. ...................................
...............................................


#821675 [يونس]
0.00/5 (0 صوت)

11-09-2013 02:52 AM
الا كان نحن فارات الا بنجيب سيارات الا جراءات دي شوف اهبل زيكم يجي البلد بس سيارة


#821611 [زاير]
1.00/5 (1 صوت)

11-08-2013 11:38 PM
ياخى ماكل المغتربين عندهم سيارات فى دول الاغتراب ولاعندهم رخصة قيادة ولا عندهم سيارة مسجلة فى مرور كيف تفرض عليهم لازم تكون مسجلة باسمة ياخى انا عايز اشترى سيارة اعيش بيها واللة اركبهاكيف تفرض على شروط تعجيزية


#821412 [النورس]
5.00/5 (1 صوت)

11-08-2013 05:01 PM
( والمتمثلة في الرقم الوطني للمستفيد وشهادة البراءة التي تفيد بأن العربة مستخدمة لصالح المستفيد شخصياً والتي يتم استخراجها من سلطات الدولة التي يقيم بها المغترب وشهادة إلى من يهمهم الأمر «الجمارك، جهاز المغتربين» وشهادة التسفير معتمدة وموثقة من وزارة الخارجية أو السفارة السودانية لدى دولة الاغتراب )
هذه اجراءات طاردة للعودة الى ارض الوطن اكثر مما هو طارد ,يجب حل جهاز تتطفيش المغتربين فورا


#821364 [ود نيالا]
0.00/5 (0 صوت)

11-08-2013 03:22 PM
يعني محكوم عليك الموديل الجبتو للابد حتي لو ما عجبك عايز تغيرو بعد كم سنة مالكم كيف تحكمون ثم انه اجراء طبيعي وامتياز منحتموه انتم فلمادا التقييد


#821353 [Mohammed]
0.00/5 (0 صوت)

11-08-2013 03:07 PM
نهر النيل
عاشق السودان
**************
احل الوحيد لمشاكل كل السودانيون والامثل الناجع هو تصفية كل رموز اولاد الافاعي وبعدها لكل مقام مقال .
الثورة ستندلع مرة اخرة اكثر إشتعالا.


#821338 [silk]
5.00/5 (2 صوت)

11-08-2013 02:44 PM
هذا الجهاز القمعى والمخصص للجباية وإضطهاد المغتربين. يجب النضال لكنسة وحله ومحاسبة منسوبيه أسوة بأجهزة القمع الأخرى ..وإعادة الجمارك إلى الطابع المدنى. وتكون الجباية بدون مغالاة وتعسف وتميز ..لماذا تدخل سيارات بدون جمارك تحت لاوحة (إستثمار ) وعموها..
أيها المغتربون روحا وبدنا أنهضو ضد الظلم منذ شمولية سئ الذكر الغاير نميرى مرورا بفترة بعشوم السياسة .النرجسى. الحداث الماسواى .السندكالى .وأد الانتفاضات .الصادق المهدى وإلى عصر الظلم والظلام والافك والكاذبان الترايى والبشير .تحدوا النظام والظلم برفع القضايا بالتمييز ضدكم فى محاكمهم الفاشلة وأرفعو أصواتكم ليسمعها العالم .وأضمروا محاسبة كل من سن عليكم الضرائب الجائرة والغير مبررة ومعايير القبول بالجامعات لإبتزازكم ومن تعسف فى تطبيقها من الموظفات والموظفين الحاقدين دوما عليكم.داخل السودان. وفى المهجر .وأبذلو جهدا لحل جهاز المغتربيين ومحاسبتهم لتطبيق سياسة الحلب المستدامة. والمطالبة ببناء أجهزة تتبنى الإغتراب كصناعة. تؤهل القادم الجديد وتحافظ على حفوق ومكتسبات وتأمين القدماء -بائعى الأعمار خارج أسواق الوطن الضائع الممزق . وإلى أن ياتى التغيير المنشود بإذن الله ..أكررأنهضوا وتحدو وإتحدو ضد الظلم والظالمين شمولين متأسلمين أو طائفيين ..أظهروا خالص إحتقاركم لهم وتوعدوهم بالإعدام بصقا وإحتقارا ....(الضريبة) التاخدكم ونسلكم متأسلمين. وطائفين .وعسكر..كما أخذت التركية الاولى .. إلى مزبلة التاريخ وثورة حتى النصر ..نحن رفاق الشهداء ..الصابرون نحن..
24/1/2013


#821294 [بدون اسم]
2.00/5 (1 صوت)

11-08-2013 01:40 PM
مهما كثرت الاجراءات او تعقدت فهناك طرق لتجاوزها او الالتفاف حولها عشان كدة من الافضل اصدار قانون واضح وبسيط يحدد الموديلات التي يمكن استيرادها بدون تحويل عملة اجنبية والرسوم الجمركية بصرف النظر عن صفة المستورد مغترب اوجن ازرق


#821285 [salah El hassan]
5.00/5 (3 صوت)

11-08-2013 01:32 PM
كل قانون يصدر من جهاز المغتربين او المالية او الجوزات يكون الهدف الاساسى منه رسوم جديدة وعبء اضافى على المغترب !!!


#821266 [الجوكر]
5.00/5 (3 صوت)

11-08-2013 01:00 PM
شهوادة البراءة -وشهادة إلى من يهمهم الأمر «الجمارك، جهاز المغتربين» - وشهادة التسفير معتمدة وموثقة من وزارة الخارجية أو السفارة السودانية لدى دولة الاغتراب .

أبشروا يا مغتربين بثلاثة مشاريع جباية جديدة - بالاضافة الى الضرائب والرسوم الحالية - يعنى حتدفع قدر ثمن عربيتك - و يا كرار التهامى الله يكرك بجرار و يرميك فى المزبلة مع أسيادك السفلة الأبرار .


#821255 [الزول الكان سمح]
5.00/5 (1 صوت)

11-08-2013 12:37 PM
المغتربين ذاتهم ما عندهم قدرة على السيارات البقت جماركها 300% الرقابة أفرضوها على سيارات الحكومة وبيقى زيتها فى بيتها..أو ساراتها فى قراشاتها


ردود على الزول الكان سمح
United States [مظاليم الشعب] 11-09-2013 12:32 PM
الدنيا دي غريبه سبب الاذي من اقرب الاقربين ليك ... الحكومة السودانية تركب هنا


#821249 [اسامة زهيري]
5.00/5 (2 صوت)

11-08-2013 12:27 PM
مبرووووووووووووووووووووووووووووووك لوزير الحرامية ( اسف اقصد وزير المالية ) دخل جديد وكمان بالريال والدولار اه بس المهم تتفقوا الياخذ الصرفة الاولي منو


#821239 [mohammad saad]
5.00/5 (1 صوت)

11-08-2013 12:16 PM
ياخونا ما تخلوا العالم في حالها حسبي الله ونعم الوكيل !!!!!


#821226 [مشروع حضاري]
5.00/5 (1 صوت)

11-08-2013 11:58 AM
اليومين دي كرار التهامي ما عنده شغل لانه ما في مؤتمر ولا سفرة للخارج لحضور مؤتمر الهجرة .. كيزان كلكم ما عندكم غير التضييق على عباد الله
وناس الجمارك عندهم خطة لزيادة الجمارك مع الزيادة العامة دي عشان كدا اقرب طريق هو المغتربين لأنوا ما في زول سائل فيهم .. واقول الغربة ستطال الجميع عشان كدا اعملوا لمثل هذا اليوم


#821194 [تعقيد وتضيق]
5.00/5 (1 صوت)

11-08-2013 11:24 AM
ياخي اي حاجة بتعمل لولوة وتعقيد وتضيق على المواطن استخدمتوها كرهتونا بتفكروا كيف انتم بعدين مصلحة المغترب شنو وهو جاء نهائي يعني اصبح مواطن عائد . خليه يستمتع بعربته ولا يبيع الخروج النهائي إذا ما قادر يرجع بعربية يبيع التصريح اللي اصلا من بنات افكاركم وتعقيداتكم وما منه فائدة غير التعب وراء استخراجه ...


#821189 [الفدائي]
5.00/5 (2 صوت)

11-08-2013 11:18 AM
هم المستفيدين ام انتم؟ والله هذة حكومة شيطانية تعرفون كيف تأكلون اموال الناس بالباطل
ويمدهم في طغيانهم يعمهون


#821077 [عنيد]
5.00/5 (3 صوت)

11-08-2013 08:36 AM
مبروك رسوم رقابه الكترونيه جديده



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة