الأخبار
منوعات سودانية
الفنان جمال فرفور المفترى عليه
الفنان جمال فرفور المفترى عليه
الفنان جمال فرفور المفترى  عليه


11-11-2013 12:40 AM
لماذا يتعرض صاحب الحنجرة الذهبية والغناء الجاد لتلك الحملات الجائرة
ما يهم الناس هو إبداع فرفور، وأما توجهاته الفكرية فهي تخصه شخصياً
ساءني ما يتعرض له حالياً الفنان جمال فرفور صاحب الحنجرة الذهبية والغناء الجاد الملتزم ونجم نجوم البرنامج الرمضاني الشهير (أغاني وأغاني)، حيث يتعرض الفنان فرفور لحملة شعواء من خلال شبكات التواصل الإجتماعي بسبب ما يقال حول آرائه وأفكاره ومواقفة السياسية خلال الأحداث الأخيرة، ورغم أن الفنان فرفور نفى في تصريحات نشرت مؤخراً كل الآراء السالبة التي قيلت في حقه إلا أننا نعتقد أن القضية الجوهرية تكمن في حق الفنان بأن يكون له توجه فكري وأيدولوجي باعتبارها حرية شخصية تخصه وحده، أما ما يخص الناس فهو إبداع الفنان وأعماله الفنية لأننا دفعنا ثمناً باهظاً ولفترات طويلة عندما حجبت سابقاً الأعمال الفنية للمبدع الراحل وردي وللفنان محمد الأمين والفنان الراحل مصطفى سيد أحمد والفنان أبوعركي البخيت.
وكذلك الشعراء محجوب شريف والقدال وحميد والمبدع هاشم صديق بسبب آرائهم وأفكارهم، ورغم أن مياهاً كثيرة مرت اسفل الجسر إلا أننا نلاحظ أن الكثير من المبدعين حجبوا أنفسهم مؤخراً، ومن هنا نناشد أبوعركي وهاشم صديق ومحجوب شريف والقدال وغيرهم بالتواصل مع الناس من خلال أجهزة الإعلام المملوكة للشعب، ونناشد شبابنا الناشط من خلال شبكات التواصل الإجتماعي بأن يكون المعيار الرئيسي في الحكم على المبدعين من خلال أعمالهم الفنية وليس من خلال أفكارهم وتوجهاتهم الفكرية والسياسية والأيدولوجية.
عبدالعزيز خلف الله أحمد
موجه تربوي
تعليم أم درمان/مرحلة الأساس

الوطن


تعليقات 46 | إهداء 0 | زيارات 10889

التعليقات
#829570 [مواطن سابق]
0.00/5 (0 صوت)

11-18-2013 01:49 AM
وهل الغناء او الفن عموما منفصل عن الفكر والسياسة يا طير انت؟
إلا اذا حدا يغني خارج واقع بلده ومجتمعه وقضاياه يبقى كلامك ممكن، وفي هذه الحالة بيكون عنده انفصام في الشخصية.
أخيرا لا يجب مقارنة جمال فرفور بوردي وعركي ومصطفى سيد احمد، حتى من ناحية المواصفات الفنية والموسيقية البحتة بعيدا عن المواقف السياسية والفكرية.


#824200 [عمدة]
3.00/5 (1 صوت)

11-12-2013 06:36 AM
موجهى اخر الزمان. أين هى أعمال فرفور وأين مبادئه القادينا بيها دى حتى تقارن بينه وبين العمالقة الذين ذكرت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موجه فنى بشوف بي (كراعو) والله دى عجيبة


#824163 [عنبر عمر الطيب]
4.00/5 (1 صوت)

11-12-2013 02:25 AM
يا استاذ يا كبير يا موجه يا فحيص ما لقيت اي موضوع عن التعليم المترهل والمنهج المتبلد والبنية التحتية للتعليم وبالذات في مرحلة الاساس ما لقيت اي خطا وانت الموجه والسادة المعلمون ( الله ) حدث ولا حرج من مخرجاتهم وسيادتك تجي تتكلم وتدافع عن واحد مهرج شكله عتالي وتدافع عنه والله عيب عليك وعلي المهنة الانت فيها والدرجة الوظيفية الانت عليها وفعلا هذا زمانك يا مهازل فامرحي


#824126 [كاره المتمردين وجماعة النهب والسلب]
0.00/5 (0 صوت)

11-12-2013 12:40 AM
كلامكم لا بودى ولا بجيب ومجرد فقاقيع من المؤخرات الخربة


ردود على كاره المتمردين وجماعة النهب والسلب
United States [ابومونتي.] 11-12-2013 09:28 AM
صدقني إسلوبك فرفوري بحت.


#824057 [ابومونتي.]
5.00/5 (1 صوت)

11-11-2013 10:49 PM
فرفور صوته من
فصيلة السخيليات
( سخيل )


ردود على ابومونتي.
[ابو الخير] 11-25-2013 05:27 AM
صدقت يا ابومونتي
فعلا سخل وعتود كمان


#823963 [عبير]
0.00/5 (0 صوت)

11-11-2013 09:00 PM
فرفوووور سقطت من تظري


#823904 [ابو قصي]
0.00/5 (0 صوت)

11-11-2013 07:31 PM
يا عمك خليك في الأساس أحسن ليك وتقيم فرفور ده خليهو لأنو والله مابتستاهل ينكتب عنه حرف واحد وسيبك من كلام المثقفاتيه وشوف رزق ولادك وهذا هو الهم


#823880 [ابوالنيل]
0.00/5 (0 صوت)

11-11-2013 06:53 PM
يا أستاذنا العزيز ..يا ليت فرفورك هذا تغنى للوطن ..يا ليته ردد شعرا يحكى فيه نضال و تأريخ وتطلعات شعبنا ..يا ليته صدح ولو بقصيدة واحدة لأى شاعر سودانى من بطن هذه الأرض يمجد فيها تأريخ وكفاح هذه الأمة العظيمة ولو بقصيدة واحدة بالفصحى ...والسودان غنى بهؤلاء ..منهم من غادر هذه الفانية ومنهم من لا يزال عطاؤه غير منقطع ..ومن المطربين من تغنوا لهذا الوطن الجميل ..منهم من ذهب لملاقات ربه ومنهم من لا يزال نهر عطائه العذب منسابا كنوافير البندقية ..إذا كان للفنان توجه فكرى وأيدولوجية معينة فيجب أن يكون من الذكاء بألا يتورط فيى تمجيد حاكم أو حزب أو جماعة ..شاعرنا العظيم الراحل تاج السر الحسن آثر الآنزواءوالأبتعاد عن أضواء الأعلام الزائفه وكان جل شعره وروائعه تقديسا وتمجيدا لوطنه ..وقد ذكر رحمه الله وعلل إبتعاده وتحاشيه لتلك الأضواء الزائفة لئلا يشك الناس فى أن يحسب لهذا النظام أو تلك الجهة ..وكان من الممكن أن يحظى بحظ وافر من المال ويعيش فى بحبوحة من العيش والسعة ..لكنه عاش فقبرا ومات عزيزا فى بيته المتواضع بالحاج يوسف ...هذا مثال واحد من مبدعى بلادى وهم كثر لا تستميلهم شهرة أو مال ولا يبيعون أنفسهم بحفنة مال ذاهبة ولو بعد حين ...


#823847 [خالد ساكت]
0.00/5 (0 صوت)

11-11-2013 06:01 PM
لابد من الانحياز لثورة الشعب واحترام دماء الشهداء والمصابين


#823804 [انصاري]
1.00/5 (1 صوت)

11-11-2013 05:22 PM
وهاشم صديق ومحجوب شريف والقدال وغيرهم بالتواصل مع الناس من خلال أجهزة الإعلام المملوكة للشعب، ونناشد شبابنا الناشط من خلال شبكات التواصل الإجتماعي بأن يكون المعيار الرئيسي في الحكم على المبدعين من خلال أعمالهم الفنية وليس من خلال أفكارهم وتوجهاتهم الفكرية والسياسية والأيدولوجية.
عبدالعزيز خلف الله أحمد
موجه تربوي
تعليم أم درمان/مرحلة الأساس

*** إنتي متأكد.. يا عبدالعزيز إنك موجه تربوي!!؟؟؟..إذن ما وجه المقارنة بين الثرى والثريا... يا راجل..يا..راجل.. دنيا دبنقا..

فكري.. أيدولجي.. دايلكيتك.. فرفور.. فرفورتيك..غندور..ومندور.. رحم الله مكتب تعليم أمدرمان..والشهيد عبد المنعم سلمان.. و محمد أحمد قاسم .. وخالد عمر الإمام..وغيرهم من الأساتذة العظام..قبل عهد موجهي أشياء من حولنا وطيرة ركت جنبنا.. في زمن التمكين.. والتوجيه..بفطور السمك..السبكي.. المجموع.. جنيه جنيه.. من قروش فطور التلاميذ.." لموحهين.. نجوم الغد!!؟؟"


#823773 [صالح على حمدين]
0.00/5 (0 صوت)

11-11-2013 04:31 PM
فرطور ده امنجى جندو جمال الوالى الراجل المهذب واشتغل معاه مدير العلاقات العامه والاعلام فى شركه افراس ودخل فى عملية وسخه مع اسياده عشان محمود يظهر فى برنامج اغانى واغانى بذلك الشكل الباهت وتم تركيز الكاميرا فى الحوت بطريقه اظهرته فى البرنامج وكانه به مرض او مدمن وكانت تلك الحلقات الباهته لمحمود فى اغانى واغانى وظهور لاشباه الرجال الفحيل وطه وفرفور


#823738 [ابوايمن]
3.00/5 (1 صوت)

11-11-2013 03:52 PM
فرفور وود البناء مرات بحس انو ساكنين فى اجهزة الا علام ياخى ظهور بطريقه مزعجه مفروضين على الناس الواحد لو فتح الحنفيه يجو طالعين مع المويه العكره دى ...عشان كده الواحد ترك نهائ القنوات السودانيه حتى تسترد عافيتها


#823719 [جاكوما]
0.00/5 (0 صوت)

11-11-2013 03:39 PM
اهههههههههها
ياخى قطعت مصارينى بالضحك . قال موقف فكرى !! فرفور؟؟

ياخى استغفر الله

فرفور دا كلمتين على بعض ما بقدر يقولن . خليك من جملة مفيدة
وكمان فكر ايدولوجى .. ها ها ها


#823656 [الزمن الجميل]
0.00/5 (0 صوت)

11-11-2013 02:43 PM
يا زول هه شن جاب لى جاب .... يووووع انا عايز اطرش .. آل ايه آل موجه تربوى آل اىه آل فرفور آل


#823628 [تنقو]
5.00/5 (2 صوت)

11-11-2013 02:14 PM
فرفور طولو طول النخلة و صوتو صوت السخلة ، منذ ظهوره و حتى الآن لم يقنعني أنه فنان ، إنه مجرد مطرب يردد أغاني الغير من عمالقة الجيل الماضي ، أغانيه الخاصة دون المستوى ..


#823606 [EDGAR]
5.00/5 (1 صوت)

11-11-2013 02:00 PM
لا يمكن أن تكون موجها تربوياً الا بقدر امكانية ان يكون فرفور فناناً.


#823517 [خجاج الكيزان]
4.75/5 (5 صوت)

11-11-2013 12:36 PM
والله انته ما تصلح تكون موجه تربوى في سوق ليبيا.الطيور على اشكالها تقع يا قرف


#823488 [silk]
5.00/5 (2 صوت)

11-11-2013 12:07 PM
أيها الموجه ..المو..وجه...نهديك حصة من إشراقات ..المعبرين عن مشاعر وأحاسيس المجتمع السودانى ..هل لدى ببغاؤك ..آسف مطربك ..صفحة فى كراسته مثلها ...ومن بعمل مثقال ذرة........ (أى المشارق كلمات: على عبد القيوم الحان واداء: محمد وردى ..رحمهما الله وأسكنهم جناته مع الأنبياء والصديقين.) أى المشارق لم نغازل شمسها* ونميط عن زيف الغموض خمارها* أى المشانق لم نزلزل بالثبات وقارها* أى الأناشيد السماويات لم تشدد* لأعراس الجديد* بشاشة أوتارها* نحن رفاق الشهداء* نبايع الثورة والداً وولدا* نبايع الشهيد القرشى قائداً* نبايع السودان منبعاً ومورداً* نحن رفاق الشهداء الفقراء *.نحن الكادحون الطيبون والمناضلون* نحن جنود الثورة التقدمية* نحن المثقفون الشرفاء* نحن النساء العاملات* ونحن أمهات الشهداء* اباؤهم نحن* اخوانهم نحن* اخواتهم نحن* صدورنا سراقة الكفاح* عيوننا طلائع الصباح* اكفنا الراية البيضاء والسلاح* نبايع السودان سيدا* نبايع الثورة والداً وولدا* يا أكتوبر الحزين يا طفلنا الذى جرحه العدا* ها نحن نصطفيك موعدا ومولدا* ها نحن يا حبيبنا الجريح نعيد مجدك القديم شامخاً ورائعا* فلتستريح على صدورنا ولنكتشف معاً دروبنا* نبايع السودان سيدا* نبايع السودان والداً وولد...


#823480 [ABU SHAWARIB]
5.00/5 (2 صوت)

11-11-2013 12:02 PM
عبدالعزيز خلف الله أحمد
موجه تربوي
تعليم أم درمان/مرحلة الأساس

انت يا أخينا يومك الكتبت وعامل فيها شجاع وكاتب اسمك وعنوانك ما لقيت موضوع واحد مهم ومسيطر على افكارك ( ان وجدت ) غير جمال فرفور؟!
بس انت أسألو ليه سموهو فرفور وياريت يصدق ويوريك ليه سموهو كده ( والباقى ثمو خيال )


#823476 [عتيق]
5.00/5 (4 صوت)

11-11-2013 11:59 AM
لم يسعفك توجيهك التربوي بان تنه عن خلق فرفور الخاطئ و هو يتغني للجلاد ( سير سير يا بشير ) بينما دماء ضحاياه من اليفع و الشباب لم تجف بعد بشوارع سبتمبر الدامية .


#823459 [ود البلل]
5.00/5 (3 صوت)

11-11-2013 11:37 AM
نوع هذه الحنجرة تسمى الحنجرة الجرسونية
ويستخدمها الجرسونات والكماسرة ليكون صوتهم مختلفا وعاليا وسط الزحام
أما من يستخدمها للغناء فعادة ما يكون عاطلوا الموهبة

والحنجرة الجرسونية لا تسطيع أداء الألحان الواسعة المجال من منخفض إلى عال مثل "أنشودة الجن" التي تشبر عليها في رمضان.

أما موضوع الفكر والآيدولوجية فهذه كثيرة شوية، خلونا في المعايش.


ردود على ود البلل
United States [الراجل] 11-11-2013 01:04 PM
كنت عايز اعلق لكن اكتفيت بتعليقك يس احب اضيف فى شى اسمو فن رفيع وفن غليظ وفرفور بصوته المسطح يمارس الفن الغليظ مسببا نوع من الاضطراب وليس التطريب وهو ظهر فى زمن الغفلة وكاتب المقال يجب علية وفورا الاعتزار لحشره فرفور وسط العمالقة الزى زكرهم ومقارنته بهم اما موضوع الامن وسير يا البشير فان الطيور على اشكالها تتفنقل واما موضوع الفكر والايدولوجية فهى ابيخ نكته اسمعها موخرا ومع احترامى الشديد لكاتب المقال اوصيك بالاستماع للعمالقة الزين زكرتهم وتركز معاهم وتنسى ظاهرة فرفور امكن ربنا يحسن زوقك الاستماعى

ده كله واكتفيت يتعليقك يا ود البلل. معليش لكن فى حاجات فى السودان تفقع المراة ال اية فرفور فنان ال


#823456 [اب غزالة]
0.00/5 (0 صوت)

11-11-2013 11:35 AM
كرهتك وتانى ما حاسمعك


#823417 [جون قرنق]
5.00/5 (2 صوت)

11-11-2013 10:59 AM
فرفور لم يكن مبدعا في يوم من الأيام ,, والفنان إذا لم يناصر بفنه الشعب , لايكون فنانا ,, ويكفى إنه إنضم لجهاز الامن وغنى للكيزان يعنى باع نفسه للشيطان ,, وتقول لى فنان وحنجره ذهبيه ,,,؟؟؟ الفن قضيه ومبدأ


#823414 [أبوفاطمة]
4.00/5 (5 صوت)

11-11-2013 10:58 AM
يا لسوء المقارنه ايها الموجه التعليمي (يعني ما استاذ بس) قوم لف يا موجه .
اتقارن عركي وحميد ومحجوب شريف ووردي الذي دفعوا حياتهم لهذا الوطن وانحازوا لشعبه بهذا القزم . تبا لك رونالدو فعلا تبا لك رونالدو


#823388 [كسره بالهوت دوق]
4.00/5 (3 صوت)

11-11-2013 10:34 AM
نحنا نستاهل اكتر من كدا , لانو اذا كان بلد مليانه قامات فنيه عاليه جدا امثال وردي و ود الامين و الجابري الخ ,, جعنا من هذا الفرفور فنان وكمان كاتب المقال سماوا مبدع بدون خجل , الزول ده غير الصراخ ما عندو شي زيو وزي ناس فلانه ديك ما فضل ليهو الا يمش نيجيريا بس علشان يبقي نجم ومبدع عن جد , واي زول بيسمع ليه ما عندو شغله ولا عندو علاقه بالفن السوداني . اذا سلمنا بفرضيه انو مبدع علي حسب كاتب المقال فعليه الانحياز الي الشعب وخياراته وترك التطبيل والغناء لهذه العصابه امه لشي محزن ان نراه يغني لبشبش بهذه الطريقه الغير مسؤله في حين انو هذا الاخير يقتل في الشعب بشتي السبل . اذا ما هو دور الفنان تجاه مثل هذه المواضيع الهامه ايها الكاتب ؟؟ قال دي امور شخصيه قال ؟؟؟ سيبو تلميع ربنا يهديكم


#823373 [ودالبلد]
5.00/5 (2 صوت)

11-11-2013 10:23 AM
يلا بلا لمة ، بلا ذهبية بلا المونيا ، ده كوز أمنجي (سغيل) ودمه بارد عاجباهو روحو بردد زي (الببغاء) أغنيات غيره . قال سير يا ريس سير ، السير (الليخنقك) أنت وسيدك ........


#823352 [ودبري]
5.00/5 (2 صوت)

11-11-2013 10:02 AM
أولاً أنا لا أجد في فرفور أي نوع من التطريب حيث أنه يصرخ بصوت حاد أحيانا يصل إلى درجة إيزاء السمع - أما من ناحية الأغاني فليست له أي أغاني تذكر بل أنه مقلد ومحاكي - وأخيرً أقول لصاحب المقال - الإنسان لا يتجزأ فهو قيمة فكرية وفنية وإنسانية- رغم قناعتي أنه لا فكر لفرفور - ثم أنك كيف تقارن بين مصطفى سيد - نحن مع الطيور - أبوعركي - اضحكي والمجموعة بفرفور حرام عليك .. معليش يا فرفور it is not personal, i have never seen you before personally, but this is the fact- ولكم جزيل الشكر


#823322 [يسقط البشير!]
5.00/5 (2 صوت)

11-11-2013 09:41 AM
لامقارنة على الاطلاق بين القامات الشامخة صاحبة المواقف امثال المبدعين ابوعركى البخيت ومصطفى سيد احمد وحتى الراحل محمود عبدالعزيز وبين هذا الطبال حارق البخور ضابط الامن المسمى جمال فرفور!!! حقيقة خيبة امل كبيرة فى هذا الشخص!! لكل انسان الحق فى تبنى اراءه ومواقفه لكن الفنان يعتبر ضمير الامة ومعروف عن الفنانين الانحياز للشعب لان الشعب والجماهير هى من صنعتهم وهى صاحبة الفضل عليهم! ويفترض فى الفنان الاحساس بمعاناة جماهيره والانقياد لرغبة الشعب لا ان يصبح بوقا وطبالا فى جوقة النظام واى نظام؟؟؟ نظام مدمر سفاح قاتل كل قادته مجرمون وملاحقون نظام اذل وافقر واضاع البلاد وشرد العباد! بعد كل هذا ياتى فنان الغفلة ليصبح ليس مؤيدا فقط(فهذا حقه) لكن يصبح ضابطا فى جهاز الامن القمعى المتسلط على رقاب العباد! جمال فرفور صار جلادا برتبة ضابط فى جهاز الامن القمعى فعليه تحمل كل اوزار قراره بل وربما المحاكمة مستقبلا! جمال فرفور تمخض فنك فولد فارا!!!! رحم الله القامة محمود عبدالعزيز اللذى اوصى الشعب بكل قوة (ابقوا الصمود ماتبقوا زيف... ابقوا الصمود ماتبقوا زيف)!!


#823318 [الحران]
5.00/5 (5 صوت)

11-11-2013 09:37 AM
الناس من زمان انو فرفور دا كوز و يقال انو عندو رتبه في جهاز الامن و مافي زول هاجمو ولا داس ليهو على طرف و لكن يجي في عز احداث انتفاضه سبتمبر و الشباب الاستشهدو فيها و كميه الدماء السالت يطلع لينا باغنيه (سير يا ريس سير) و ينطط و يعرض فيها و يستفز في الشعب السوداني و اهالي الشهداء دا بيبقى ما من حقو ولا يجي يبكي و يشكي انو بيتعرض لهجمه و شنو ما عارف.. بعدين العملاق وردي رحمه الله عليهو و محجوب شريف اطال الله في عمره لم يقفو يوما مع جلادي و قاتلي شعوبهم لذلك المقارنه هنا معدومه.


#823303 [عصمتووف]
5.00/5 (3 صوت)

11-11-2013 09:23 AM
ماذا قدم غير تقليد وتكرار اغاني الغير الحنجرة الذهبية لم تكرر بعد رحيل ابوداؤووووووووود والكابلي المهاجر هل انت موجة فني ولا تربوي والله استغرب


#823301 [سوداني]
5.00/5 (1 صوت)

11-11-2013 09:22 AM
ماذا إن وزع السمومعن طريق الإبداع الفنان الملتزم بقضايا الجماهير ويحمل هموم الجماهير هو الفنان الأصيل كيف احب فنان وامجدة وهو يدعم من يقتلني وافكارة اضهاد محبية وتجويعهم هل يستقيم هذا ياهذا


#823298 [المانجولك]
5.00/5 (3 صوت)

11-11-2013 09:17 AM
الراجل طلع امنجى ويقال ان له رتبة كما ان من النادر ان يقف الفنانون والمبدعين مع الطاغية والقتلة والحرامية. نحن نعلم ان هناك فنانيين تجبرهم الظروف للغناء للحكومة وهذا شيئ مفهوم وليس هذا حال فرفور فيبدو انه من سدنة الانقاذ. وبعدين البلد المافيو تمساح بيقدل الورل. بمهنية فنية اقول لك ان خامة الصوت ليست مهمة بالدرجة الاولى انما المهم توظيف هذا الصوت لتكتمل اللوحة الفنية. وتوظيف الصوت يعنى الكلمة واللحن والاداء المتناسق مع بيئة الاستماع والمستمعين. فلم يكن اسماعيل حسب الدائم مثلا بمستوى محمد وردى رغم انه يتفوق على وردى بجودة الصوت.


#823288 [مدني يااجمل خبر]
5.00/5 (1 صوت)

11-11-2013 09:04 AM
الشغلانة ياشاب ياراقي ليست في عملية حرب شعوا تشن على ذلك الفنان ولكنه ينتمي لجهاز امن الدولة المخرب لكل القيم الانسانية واستمراره كما زكرت في برنامج اغاني واغاني ليس بحكم ابداعة المميز على بقية ابناء جلده وانما بوظيفته الامنية المتحكمة في تحديد مسار هذا البرنامج ، حميد ومحجوب شريف من القامات الشعرية السودانية ، الا اننا لانجد مساحة لهم في برنامج اغاني واغاني ، وذلك لتحفظ السر قدور من فتح تلك الجبهة خوفا من هذا الفرفور


#823282 [فرفور الأمنجي]
4.50/5 (2 صوت)

11-11-2013 08:57 AM
ياخي إنت كمان ما تبالغ. عاوز تساوي ما تسميه فكر ايديولوجي بتاع فرفور بهاشم صديق و ابو عركي. يا خي ما تبطل عوارة


#823263 [ابو]
5.00/5 (4 صوت)

11-11-2013 08:36 AM
عليكم الله شوفوا الاهطل ده كاتب شنو دفع ليك كم عشان تجئ وتقول الكلام ده . وانته بتساوي محمد الامين ووردي بجمال فرفور ( غندور ومندور وفرفور ) كلهم شبه بعض
حسبي الله ونعم الوكيل !!!!


#823254 [ود الصول]
3.75/5 (5 صوت)

11-11-2013 08:20 AM
لا ننكر ملكة الصوت العذب التي حباها الله للمبدع فرفور .. الا انه أهمل تطوير نفسه كما الخالدين و اكتفي بالتقليد و أن يصبح ( حكامة ) لنظام الانقاذ الفاسد و دخوله عش الدبابير ( ميت من دخله و مولود الخارج منه )


#823247 [المتجهجه بسبب الانفصال]
5.00/5 (1 صوت)

11-11-2013 08:11 AM
ومن هنا نناشد أبوعركي وهاشم صديق ومحجوب شريف والقدال وغيرهم بالتواصل مع الناس من خلال أجهزة الإعلام المملوكة للشعب،

يا عبدالعزيز خلف الله موجه تربوي
تعليم أم درمان/مرحلة الأساس

أسأل العقد الفريد هذا لماذا لا يظهرون في أجهزة الاعلام التي قلت أنها مملوكة للشعب ثم أشرح لنا الخبر الاستباقي الذي كتبه جهاز الأمن عن لقاء فرد الامن المنشق مع قناة العربية وتم سحب عدد الصحيفة خوفا من الفضيحة ،، قال اجهزة الاعلام المملوكة للشعب أي شعب ،،،


ردود على المتجهجه بسبب الانفصال
United States [المتجهجه لأسباب أخرى] 11-11-2013 10:53 AM
ومن هنا نناشد أبوعركي وهاشم صديق ومحجوب شريف والقدال وغيرهم بالتواصل مع الناس من خلال أجهزة الإعلام !!! يا أخ عبدالعزبز لو بتفتكر انو تواصل الأساتذة ديل عبر الأجهزة ما مستحيل حقو تناشد كمان الأستاذين مصطفى سيد أحمد وحميد!!!!


#823240 [بلندية]
5.00/5 (2 صوت)

11-11-2013 08:02 AM
الاجهزة الاعلامية المملوكة للشعب تتعمد محاربة أعمال محجوب شريف و عركي و القدال و من يقولون للسلطان أنت أعور .. بينما تفتح أبوابها لمن يمجدونه و يتغنون باسمه شاكلة المداهن فرفور ..


#823234 [المارتن]
5.00/5 (2 صوت)

11-11-2013 07:54 AM
من الواضح تماما انك لا تعرف الفرق بين كلمه فنان وكلمه مطرب؟
من الواضح تماما انك لم تذكر كلمه واحده عن جرائم النظام وجهاز الامن الذي ينتمي اليه فرفور بحق الشعب السوداني
من الواضح تماما ان لك اسبابك الخاصه في كتابه مثل هذا الهراء في هذا التوقيت


#823229 [صلى على النبى]
5.00/5 (1 صوت)

11-11-2013 07:48 AM
فرفور ليس مبدعا حين يضع يده الملوثة بدماء شهداء سبتمبر كضابط من ضباط امن البشير على يد الطفاه ويسخر حنجرته المبيوعه على حساب الغلابه يا هذا


#823224 [abass]
0.00/5 (0 صوت)

11-11-2013 07:33 AM
غني فرفورك للقتلة والظالمين الفاسدين ودماء اطفالنا تسيل في الشوارع ,,,,فليذهب للجحيم هو وفنه ومن غني لهم وقد جني علي نفسه وفنه بنفسه وسيسال يوما وليذهب من الان الي مزبلة التاريخ هو وامثاله........


#823201 [خوجلى محمدنور]
0.00/5 (0 صوت)

11-11-2013 03:44 AM
الرائد او العقيد وانشاءالله يدوه لواء مابهمناابعد من سياسة الكيزان احسن ليك ولينا وجهاز الامن بين يوم وليله زائل والله مهما كبرتا فى نظرم اخرتك طلقه منهم دحين ابعد وخليك فى فنك ليفنوك


#823198 [دعوني اعيش!!]
0.00/5 (0 صوت)

11-11-2013 02:50 AM
مالناس كلهم او جلهم بيرضعوا من صدر غزية الانقاذ!! اشمعنا فرفور!! مالفيران الكبيرة ابان جبة وابان طرطور!! بيرضعوا ويحرقوا في البخور!!!!


#823196 [ود البقعه]
0.00/5 (0 صوت)

11-11-2013 02:44 AM
يا جماعه فرفور امنجى كبير والماعارف يعرف ومنو القال ليك انو اجهزة الاعلام مملوكه للشعب انت بتهظر ولا ماعايش فى السودان


#823193 [معقولة بس]
0.00/5 (0 صوت)

11-11-2013 02:31 AM
يعني( يحق ) للفنان بأن يكون له توجه فكري وأيدولوجي..
وفي المقابل ( لا يحق ) للناس انتقاد الفنان وفق لتوجهه الفكري و والأيدولوجي ..

( ((لا تخرج قبل ان تقول سبحان الله!! )) )


#823167 [سوداني]
5.00/5 (1 صوت)

11-11-2013 01:25 AM
الفن هو رسالة سامية وللفنان رسالة ورسالة كبيره ناحية الوطن والمواطنيين ومعتقدات واراء وفكرة وتصرفات الفنان هي جزء من فنه وكونو فرفور بتاعك دا بساند حكومة قاتله حكومة دمرت روح الانسان السوداني قبل موارده حكومة سرقت مال الشعب وجوعته ابقى هو فنان وسخ وكلب ومنتفع وببيع في فنو والفن ما صوت يا انت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة