الأخبار
أخبار إقليمية
صحيفة تكشف أبرز ملامح التشكيل الوزاري
صحيفة تكشف أبرز ملامح التشكيل الوزاري
صحيفة تكشف أبرز ملامح التشكيل الوزاري
لعبة الكراسي


11-11-2013 08:39 PM
حصلت (السوداني) على أبرز ملامح التشكيل الوزاري المرتقب والذي سيشهد تغييرات كبيرة جداً في الطاقم الوزاري للمؤتمر الوطني.
وأبلغت مصادر مطلعة عن اكتمال المؤشرات الأساسية لإعلان الحكومة الجديدة والتي ربما بحسب ذات المصادر قد تحدث بها بعض المتغيرات أثناء المداولات.
وأبلغت المصادر أن أبرز المغادرين لمواقعهم وزير الدفاع الفريق أول عبدالرحيم محمد حسين، وسيكون بديله من المؤسسة العسكرية أو أحد المعاشيين، ووزير المالية علي محمود الذي سينتقل إلى وزارة الصناعة، وسيخلفه أمين الأمانة الاقتصادية بالمؤتمر الوطني د. حسن أحمد طه أو وزير الدولة بالمالية مجدي حسن صديق، ووزير الزراعة د. عبدالحليم المتعافي، وسيبقى وزير الكهرباء والموارد المائية أسامة عبدالله في موقعه وكذلك وزير النفط د.عوض أحمد الجاز. أما بخصوص الخارجية فهناك مشاورات للاختيار ما بين الوزير الحالي علي أحمد كرتي، وأمين العلاقات الخارجية بالمؤتمر الوطني بروفيسور إبراهيم غندور. وسيتم تعيين سناء حمد وزيرة للدولة بالخارجية.
وأشارت ذات المصادر إلى اتجاه لدمج وزارتي النفط والتعدين، وأكدت عدم وجود أي تغييرات على مستوى رئاسة الجمهورية حيث سيحتفظ نائبا رئيس الجمهورية ومساعداه بمواقعهم، وكذلك وزير الداخلية إبراهيم محمد ـ ومدير جهاز الأمن والمخابرات الفريق أول محمد عطا، ووزير الدولة بمجلس الوزراء محمد المختار.
وأبلغت المصادر أن شباب المؤتمر الوطني دفعوا بترشيحات أمس لنائب رئيس الحزب د.نافع علي نافع للمشاركة في التشكيل الحكومي المرتقب، والذي سيجيزه المكتب القيادي للحزب الأربعاء القادم.

السوداني


تعليقات 35 | إهداء 0 | زيارات 15353

التعليقات
#839167 [سالم]
0.00/5 (0 صوت)

11-26-2013 05:54 PM
دا تشكيل جديد يعني ياها نفس الوشوش ونفس البلاعين هه سيحتفظ بمنصبه يعني عملتو شنو أسامة عبدالله المدلع دا يعوس علي كيفو .


#829015 [لؤي تقلاوي]
0.00/5 (0 صوت)

11-17-2013 01:54 PM
سوف تصفو الليالي بعد كدرتها وكل دور اذا ماتم ينقل


#825203 [ود البلد]
0.00/5 (0 صوت)

11-13-2013 04:22 AM
اقترح تعييين السيسى المصري وزىرا للدفاع عشان ىنصف الشعب


#825077 [ام كرتبو]
0.00/5 (0 صوت)

11-12-2013 10:11 PM
الموضوع ما التشكيل الوزاري ولا مين الحا يعينوهو ومين الحا يغادر ...القصة انو الناس ديل كلهم من راسهم عمر البشير الرقاص والي آخر زول فيهم الفيهم اتعرفت وفهمهم كما خلاص يجب كنسهم فوراً الي اقرب كوشة بلا انقاذ بلا عفن


#824692 [ود الكوتش]
0.00/5 (0 صوت)

11-12-2013 03:50 PM
كله الا اللمبي ,,,شايلينه ليه بس!!! ده المنقا زاتها


#824516 [gmeel]
0.00/5 (0 صوت)

11-12-2013 12:26 PM
وينو التغيير هسي


#824448 [عادل]
0.00/5 (0 صوت)

11-12-2013 11:06 AM
يا سلاااااااااااااااااام تغيير تمام ،، ومن المتوقع أن يستمر التشكيل الجديد 24 عام وبعدها يتم التغيير تاني ،،، طيب ما كان من زمان تفكروا كده !!!


#824423 [هيثم]
0.00/5 (0 صوت)

11-12-2013 10:36 AM
يعني عملتو شنو يعني !!!!!!!


#824421 [اب غزالة]
0.00/5 (0 صوت)

11-12-2013 10:35 AM
يا عمنا عمر البشير دق الموسيقى العسكرية ادخل كل الجوطة دى السجون الى حين التحقيق معهم وعين حكومة عسكرية مؤقته وبعدين اعمل انتخابات حرة نزيهه بعد سنة اسمع كلامى دى يا حاج عمر والله ما عندك حل الا هذا الكلام توكل على الله وافعلها والله الشعب اقيف معاك صدقنى توكل على الله ولا تتوجس انا لك من الناصحين وسوف القاك يوما وتشكرنى على هذا الاقتراح المر لاغيره
دق الموسيقى ولا تخاف نحن معاك


ردود على اب غزالة
European Union [emad] 11-12-2013 01:38 PM
طيب لو عمك البشير عمل كده .. هو زاتو البيحاكموا منو يعني ولا انت متخيل هو برئ براءة الذئب من دم أبن يعقوب .. والله عمرنا مانقيف مع واحد مجرم قاتل سفاح يديه ملطخة بدماء الأبرياء من أبناء شعبنا من جنوب السودان مروراً بغرب السودان وشماله وشرقه وإنتهاءً بعاصمته


#824329 [مدحت عروة]
0.00/5 (0 صوت)

11-12-2013 09:21 AM
السودان محتاج الى تغيير سياسى وتوافق وتراضى ومكاشفة وطنية ختى يستقر ويعيش فى امن وسلام والشرطة والقضاء يطبقوا القانون والجيش يحرس حدودنا ومالنا ودمنا وممثلى الشعب يراقبوا الجهاز التنفيذى ويضعوا القوانين ويكون فى chek &balane بين السلطات الثلاثة التنفيذية والتشريعية والقضائية حتى لا تتغول سلطة على اخرى!!!!
لكن يكون فى تعديل وزارى شباب او كهول ده كله كلام فارغ وينم عن جهل سياسى او هم عارفين لكن ما عايزين الاحسن للسودان!!!!!!!!!!!!
ده مثل ما قال عادل امام فى شاهد ماشافش حاجة بالاضافة الى انها رقاصة هى بترقص يعنى !!!!!!!!!!!!!!!!!!!!
وابكى يا بلدى الحبيب لان عهد العمالقة السياسيين الوطنيين انتهى فى السودان وجونا ناس هى لله والعمالة للحركة الاسلاموية العالمية بت الكلب وبت الحرام وهم لا يعرفون الله ولا رسوله وارجعوا لتاريخ معاملتهم لاولاد البلد شماليين او جنوبيين او مسلمين او مسيحيين مما جو فى 30 يونيو 1989 وكيف يعاملوا شذاذ الآفاق من ناس الحركات الاسلاموية عرب او عجم؟؟؟؟؟؟


#824281 [sudani]
5.00/5 (2 صوت)

11-12-2013 08:47 AM
اقترح ان يبقى الوزير فى نفس مكانه القديم مع تبديل لافتة المبنى للوزارة الجديدة التى تم نقله اليها


ردود على sudani
United States [حسن محسن العديوى] 11-12-2013 11:07 AM
تعليقك جميل وشارب من موية النيل .يديك العافية .. وفعلاً الوظائف الدستورية اصبحت زى جمل العصارة يشيلوا الواحد وتلف الساقية ويجيبوه تانى .


#824191 [مجيب الرحمن]
0.00/5 (0 صوت)

11-12-2013 04:44 AM
كل الشعب دا قافل علي الجوكر ماتفتحوا تحرقوا الكوز دا


#824158 [الخرطومي]
0.00/5 (0 صوت)

11-12-2013 01:19 AM
السودان صار ملك لموتمر الوطني الفاسيد


#824153 [كسره بالهوت دوق]
0.00/5 (0 صوت)

11-12-2013 01:07 AM
هي الناس دي مفتكره انها حكومه عن جد يعني ؟ شنو المسميات الوزاريه الرهيبه دي وزير نفط وداخليه وتعدي نو رئيس جمهوريه يعني دي وزارات بتلقاها في دول محترمه ومنتخبه من قبل الشعب وبتخدم في الشعب وتنميه البلد . انتو ي سجم جيتو بانقلاب وفصلتوا البلد وفككتوا كيانوا الاجتماعي والثقافي وقتلتوا ابناءه جايين في الاخر تقولوا حكومه ؟؟؟ ,, احسن اسم ليكم هي العصابه مع اعتزارنا لكل العصابات في العالم لانهم اكتر شرف منكم . بس تقسيمتكم الوزاريه دي زي عزله الدافوري في رمضان . ليكم يوم كيزان.


#824147 [zaid]
5.00/5 (1 صوت)

11-12-2013 12:53 AM
مش اكان غيرتوا الكراسي, حتى لو قلبتو هوبة!! جاياكم الثورة جاياكم.


#824144 [الحارث]
0.00/5 (0 صوت)

11-12-2013 12:49 AM
دوررى بيجى متين و الخازوق ما يكون اسمى مكتوب
ادونا فرصة معاكم


#824127 [الرمنتـــــــوج]
5.00/5 (2 صوت)

11-11-2013 11:41 PM
أحمد وحاج أحمد.....


#824125 [احمدعبدالرحمن بابكر]
5.00/5 (3 صوت)

11-11-2013 11:37 PM
هههههه احمد وحاج احمد


#824093 [ابوايمن]
5.00/5 (2 صوت)

11-11-2013 10:53 PM
نوبة بدقو جان جنو؟ جان بكورك. وهو بكورك جان جنو؟ شان بدقو.


#824090 [نونو]
5.00/5 (1 صوت)

11-11-2013 10:52 PM
والله ياهو حاج ابكر زاتو


#824073 [ahmed//]
5.00/5 (2 صوت)

11-11-2013 10:23 PM
تمخض الجمل فولد بيضة/فاشلين/
ارجو ان يكون وزير الدفاع الجديد صاحب شخصية قوية حتى يجعل كيدهم فى نحرهم والسقوط على ايدهم بإزن الله اسأل الله ان يجرى الخير على يد وزير الدفاع الجديد ويضبض على الجميع فى اول يوم


#824066 [محمد خيرى]
5.00/5 (2 صوت)

11-11-2013 10:09 PM
هل هو تشكيل وزارى أم تنقﻻت وزراء ؟ وهل سيكون هنالك جديد فى كل أﻷحوال؟


#824060 [ابو مهند]
5.00/5 (1 صوت)

11-11-2013 09:54 PM
طيب وزير الري كمال علي محمد ده عند كم سنة في الوزارة ده بقي زي حق ابوه هو ربنا ما خلق ناس تانين بخلاف الجماعة القاعدين 24سنة ده والله هذا عيب كبير يوزعوا الكيك فيما بينهم والشعب يقيف في دور الفراجة والله نحن زاتوا كشعب وانا واحد منكم نستحق هذا الاستفزاز ده


#824054 [cour]
5.00/5 (1 صوت)

11-11-2013 09:39 PM
مشكلة البلد فى القصر وليست بمجلس الوزراء اللة يكون فى عونكم يا مساكين


#824049 [متسكع]
5.00/5 (1 صوت)

11-11-2013 09:33 PM
لا تغير سوى رحيلكم الى السجون ده الحد الذى نقبل يه


#824041 [عباس]
5.00/5 (1 صوت)

11-11-2013 09:22 PM
لو عمك الترابي جدع اتو البحصل شنو؟


#824037 [تينا]
5.00/5 (1 صوت)

11-11-2013 09:19 PM
عملت و شنو طيب شابكننا التشكيل الوزارى التشكيل الوزارى يعنى نفس لعبة الكراسى الفى الصورة دى . وعوض الجاز دا ما خلاص شبع هو وابناءه كفاه كنتوا تبدلوا كرسيه ليوزارة تانيه . الله المستعان


#824034 [radona]
5.00/5 (1 صوت)

11-11-2013 09:14 PM
واين التغيير الذي يتحدثون عنه
الافضل بقاء الحال على حاله
لافرق بين سعد وسعيد
فقط الجماعة يمارسون مسرحية ظنا منهم انها ستطفئ غضب الشعب المكبوت
على ايتها حال هذا ليس من ما يرغبه الشعب
وهذه اصبحت مكررة وممجوجة


#824033 [راجل رجالة]
0.00/5 (0 صوت)

11-11-2013 09:14 PM
شنو يعني تشكيل وزاري ما كلهم سوا مشى فلان وجاء علان نتمنا يقعد الوزير في البلد عشرة سنة حتي ينجز بالله عليكم كم وزير اتحادي مر علي السودان في عهد الانقاذ


#824030 [عصمتووف]
5.00/5 (2 صوت)

11-11-2013 09:11 PM
شباب المؤتمر الوطني دفعوا بترشيحات أمس لنائب رئيس الحزب د.نافع علي نافع للمشاركة في التشكيل الحكومي المرتقب، والذي سيجيزه المكتب القيادي للحزب الأربعاء القادم.

نشكرهم علي اعادة لعبة الفات الفات الفات في ايدينو 7 لفات في ادينو اعادوا لنا لعباتنا الشعبية القديمة هل سمع بها او مارسوها المؤملين المخدرين الذين يقتلون اهاليهم ويضربون بالسيخ والجنازير زملاء لهم وفي سنهم بالجامعات هل يعشمون بركوب قطارهم البخاري ولو تحت عجلات الحديد يتعلقون لو يعلمون بانها لا تساوي شئ غير زهق لارواحهم الرخيصة ذباب المؤتمر الوطني يحلق فوق الجيفة فهنيئا لكم بها لا تلزمنا


#824024 [ود أبزهانة]
5.00/5 (6 صوت)

11-11-2013 09:05 PM
دخلت نملة .. أخذت حبة و خرجت .. دخلت نملة .. أخذت حبة و خرجت .. دخلت نملة ..


#824020 [الجمبقلى]
5.00/5 (3 صوت)

11-11-2013 09:00 PM
ههههههههههههه هذه تغيرات ام خلط الورق وتوزيعه من جديد ،ياخى بلا تغيرات بلا بطيخ هذا لعب عيال

واستهبال لا اكثر ولا اقل


#824019 [الكاهلي]
5.00/5 (5 صوت)

11-11-2013 09:00 PM
وينا التغيرات الكبيرة دي ؟؟
انت بتغشوا على طراطيركم يا طراطير يا طير يا عفن تفوووووووووووووووووووووو


#824017 [fathi]
3.50/5 (2 صوت)

11-11-2013 08:58 PM
شهاب الدبن واخيه يحملان فارغة ومقدودة


#824007 [ابوزول]
5.00/5 (1 صوت)

11-11-2013 08:45 PM
يعني حيشكوا الكوشتينة ويوزعوها تاني
بس السوالاالمهم حيضيفوا الجوكر والا لا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة