الأخبار
أخبار إقليمية
مؤشرات حادثة أبوحمد
مؤشرات حادثة أبوحمد
مؤشرات حادثة أبوحمد


11-12-2013 08:20 AM
حالة الغضب التي سادت منطقة أبو حمد بولاية نهر النيل عقب الإعتداء على إحدى الطالبات في داخلية، تكشف مدى الحنق في صدور المواطنين من تجاهل السلطات لقضاياهم المتعلقة بالأمن والبيئة واستغلال الثروات.

موقف المواطنين الغاضب لاينصب على وجود مجموعة من المنقبين عن الذهب، إنما هو موقف موجه ضد التسيب الأمني والسياسي الذي باتت تعيش فيه الولاية، والتي أصبحت مقصداً للمنقبين عن الذهب بعد أن أفسحت السلطات المجال أمام التعدين الأهلي دون وضع أي ضوابط بقصد استغلال هؤلاء المواطنين الذين لم يجدوا أمامهم سوى التوجه صوب مناطق التعدين رغم قسوة الظروف بحثاً عن فرص عمل بعد أن أغلقت أمامهم الأبواب.

تلك الحادثة ليست معزولة من مشاهد اجتماعية وأمنية باتت تسود في مواقع التعدين وتعبر عن نفسها في عمالة الأطفال، وحوادث النهب الذي يقع بأحدث الأسلحة وأخطرها عن طريق عصابات محترفة للجريمة إضافة إلى الدمار الذي يلحق بالبيئة والموارد والاستغلال غير المقنن للثروات، سلطة الانقاذ لم تتردد في أن تستغل المواطنين وتستخدمهم كقرون استشعار للكشف عن مواقع الذهب، ومن ثم تأتي مرحلة الشركات الكبيرة بامكانياتها الوافرة، حيث سيتم استبعاد الفقراء لصالح المستثمرين الجدد. وعلى ذلك فان مواقع التعدين ستشهد المزيد من مظاهر التغيير عل المستوى الاجتماعى والأمني .

الموقف الواضح الذي اتخذه مواطنو أبو حمد يكشف عن وعي بإبعاد التغيير الذي تشهده المنطقة الآن وآثاره في المستقبل، ومن أسف أن الطالبات سيدفعن الثمن على المدى القريب بانقطاع الانتظام في السكن في الداخلية، مما قد يؤثر على استقرار الدراسة.

حقيقة أن الأمر لا يهم المواطنين بالمنطقة لوحدهم، بل يهم كل المواطنين السودانيين، حيث تشهد مختلف المناطق زحف دائم على مواقع التعدين دون أن يشاورهم أحد ودون أن يكونوا على إطلاع بكل تفاصيل عمليات التنقيب التي تجري في أراضي ولاياتهم، وهنا لابد من الوعي الكامل والتمسك بالحقوق وتظهر الحاجة للعمل المنظم ضد انتهاك الحقوق وضد حالة السيولة الأمنية، وندعو لتعزيز حالة المقاومة المستمرة لكل مظاهر الإنفلات الأمني بالضغط على السلطات لتوفير الحماية للمواطنين ،فكل الموارد الآن موجهة لبند الأمن والدفاع وحماية السلطة لا الشعب .

الميدان


تعليقات 16 | إهداء 0 | زيارات 10996

التعليقات
#825151 [ابن الشمال]
0.00/5 (0 صوت)

11-13-2013 01:04 AM
عليكم الله الاغتصاب دا شنو وهل في ثقافه زي دي عندنا في مجتمعنا بتاع الجلابه في علاقه غير شرعيه لكن الاغتصاب دا ثقافه جديده ماسمعت بها في حياتي وهل الاغتصاب الذي يدعونه في دارفور قام به الجلابه اشك في زلك واتمني المعارضه تعمل قناه عشان الناس تشوف المعارضه بتاعت النت دي بتقول في شنو والناس دي في راسا شنو ياخي انا بعد دخلت النت حتي فتحت وبحاول افتح عيون الناس واجد لامبالاه كبيره والجلابه ديل مابصحوا الا بعد ياتيهم الاجرام في بيوتهم ثم ينوموا تاني هولا السياسيين محسوبون علينا ولكنهم مرضي بحب السلطه منذ المسمي بالمهدي الذي اعده دجالا ليس الا ومحب للسلطه الذي جلب شعوب غرب افريقيا الي ارضنا وزرع هذا السرطان في ارضنا وحتي هذه الحكومه


#825058 [ادم صالح]
0.00/5 (0 صوت)

11-12-2013 10:44 PM
بسم الله الرحمن الرحيم اللهم احفظ السودان من كل الفتنة


#824858 [كوز معفن]
0.00/5 (0 صوت)

11-12-2013 07:23 PM
عليه نطالب وفقا للتعليقات والتعليقات المضادة السابقة بالاتي :

1- اي زول قاعد في ولاية ما ولايتو يرجع فورا
2- اي زول متزوج من ولاية تانية يطلق مرتو ويتقاسموا الاولاد(إن وجدوا) بالتساوي
3- اي زول ما من ولاية نهر النيل (مهد الدهب) واستطاع ان يتحصل على دهب في الفترة السابقة ، عليه ارجاع الدهب فورا او ارجاع قيمته
4- اي زول راجع لولايته وفي طريقه مر بولاية اخرى ، عليه دفع رسوم عبور ، ويكون زمن العبور في حدود الساعتين والا سيتعرض للمسائلة القانونية
5- كل التجار الذين كونوا ثروات في ازمان غابرة او ازمان حالية في ولاية ليست ولايتهم ، عليهم ارجاع تلك الاموال
6- على لاعبي اندية الممتاز الذين يلعبون لاندية لا تنتمي الى ولاياتهم تقديم استقالاتهم فورا (وخصوصا النوبة)
7- على كل ولاية عمل دوري محلي خاص بها ... بلا دوري ممتاز .. بلا قرف
8- على كل واحد ان يستمع فقط لفنان ولايته ...ومن يُضبط وهو يستمع لفنان من ولاية اخرى ، يغرم الف جنيه
يتبع .......... بعد ما افضى شوية


#824818 [المهاتما]
0.00/5 (0 صوت)

11-12-2013 06:54 PM
لكم الله ابناء عمومتا في ابوحمد ربنا ينصركم


#824801 [تينا]
5.00/5 (1 صوت)

11-12-2013 06:39 PM
يا ((((عشماوى باشا ))) انت من اسمك دا يا اخوى باين عليك مصرى واستفدت من خمش الدهب من ولايتنا وكمان دخلتوا لينا التهاب الكبد الوبائى لأنو أصلوا ما كنا بنعرفو قبل تعدينكم دا وجاييى تخمنى وتقول لى الرباطاب والشايقية والجعليين استضفتوهم تجار فى دارفور وكردفان لمعلوميتك الرباطاب قليل جدا منهم الذى يشتغل بالتجارة معظمهم فى مناطقهم يشتغلون بالزراعة والأكثرية استوطنوا أمدرمان من بدرى وكانوا يبحثون عن التعليم مش التجارة .أما حكاية ما حنستفيد من السكن ولا التجارة دى اذا جاءت الشركات الأجنبية ضحكتنى أظنك قايل أبوحمد بيوتها فلل مثل الخرطوم وبتدخل عائد فى السكن يا اخوى دى من المفروض يقولوا عليها مهمشة صحى ثرواتها تنههب وأهلها مستشفى زى الناس يعالج ليهم الكبد الوبائى ما عندهم أخير لينا تجينا الشركات الأجنبية لأننا ما عبطا بنعرف كيف نستفيد ونشيل حقنا منهم مش زى هسا على حس فتحوها للسودانيين أصبح حتى الأجانب مثلكم يخموا ما وكالة من غير بواب وحكاية استضافتنا فى كردفان ودارفور احترمنا البلد ما اتجرأنا ونطينا لاغتصاب الطالبات . خلاص العترة بتصلح المشية وبنعرف بعد كدا نفيد ولايتنا من خيراتنا بدل تخمها الحكومة والأجانب .


ردود على تينا
United States [nagatabuzaid] 11-13-2013 01:07 AM
سلام عليك يا تينا بالله انت رباطابية ؟؟ انا مارباطابية لكن جيرانى واصحابى وحبايبى رباطاب ومن اعز الاعزاء انا بحب كل السودان الا الزول الكعب


#824734 [mahjoom]
3.00/5 (1 صوت)

11-12-2013 05:30 PM
لو استثمر لصوص الانقاذ نقود النفط لانشئوا شركات تعدين محترفة ولوظفت الاف خريجي الجيولوجيا وغيرهم بدلا من التخلف التعديني الحالي الضار بالبيئة والانسان ومن حق ابوحمد ان تثور فهم قوم امنون اصابهم الرعب مما هو ات فالانقاذ قامت لهدر القيم السمحة التي تربينا عليها وتعمل بكل وسعها لتحويلنا الي ليبريا او سيرليون لتحكم في ظل الفوضي،فالانقاذ لا اهل لها رغم محاولتهم جرنا في خطي عنصريتهم


#824616 [المامون النور]
5.00/5 (1 صوت)

11-12-2013 03:36 PM
والله ياناس دا كلام يمرق المرارة برة ..نحن من خلقنا في المنطقة دي لاسمعنا بي زول اغتصب ليهو بت ولا حاول يغتصب ولاسمعنا بي زول نهبوهوا في الشارع ولا زول ماشي في الشارع وخايف من تلاقيهو حاجة المنطقة دي من كترة ماامان حيوان متوحش مابلاقيك عشان تخاف منة ...تمشي بالليل وبالنهار دون وجل ..الله يجازي الدهب الجاب لينا كل المصايب .... لكن والله نحن قادرين نطرد اي دخيل والله الواحد فينا يساوي الاف ..وبنحزر لو ما كل دخيل مشي اهله ومنطقتنا نضفت زي ماكانت نحن عندنا كلام كتييييييييييير ولتحزر الحكومة غضبة الحليم.....؟


#824615 [alaa]
0.00/5 (0 صوت)

11-12-2013 03:36 PM
اها الحكايه بقت واضحه بعد دا .
زمان حمابةالاعراض كانت مناالاولوبات.
لانه الحكومه من اصل!! اهل!!! الشعب؟؟؟؟؟؟؟؟؟؟؟؟؟؟؟؟؟.
انعدمت الغيرة والعياذة باللة؟؟؟؟؟؟؟؟؟؟؟


#824577 [quickly]
5.00/5 (3 صوت)

11-12-2013 02:53 PM
الحادث هو طالبة في مدرسة داخلية تعرضت لمحاولة الاغتصاب فدافعت عن شرفها بكل قوة فقتلها المغتصب بعد ما يئس من النيل منها ثم لاذ بالفرار؟؟؟؟؟؟؟؟؟!!!!!!!!!!!!
*****************************

والله نحن في الولاية الشمالية من ابو حمد الى حلفا ,,, الحاجة الوحيد الباقية لينا هي نعمة الامن والحمد لله هل يعلم باقي اهل السودان ان في الشمالية مافي واحد بشيل سكين في ضراعوا ولا ساطور ولا حتى عصايا؟؟,,, لأننا ناس مسالمين بطبيعتنا والامن والامان صفتنا منذ قديم الزمان وحتى البجينا زائر او عابر سبيل او حتى طالب رزق بنعتبروا ضيف علينا وواجب علينا ان نعامله معاملة الضيف كل من اقام بالمنطقة او مر بها يعلم ذلك جيدا الا الخطوط الحمراء ,,,, و ماحدث الآن في ابوحمد مؤشر خطير جدا ويدق ناقوس الخطر لما هو آت فيما يحدث في مناطقنا الآن من تفلت امني جراء هجرة هؤلاء الذين اتوا من بقية مناطق السودان للبحث عن الثروات الكامنة من الذهب في مناطقنا بدون رقيب لا حسيب ولانعلم ان كانوا هم سودانيين او حتى من دول مجاورة كتشاد واثيوبيا او غيرها في ظل الفوضى الحاصلة وضعف الحكومة , المهم انهم غرباء عن المنطقة ومجهولي الهوية نحذر كل من تسول له نفسه بزعزعة الاستقرار في مناطقنا او التعرض الى اعراضنا بناتنا وابنائنا
******************************
ونحذر ونحذر ونحذر ,,, حكومة الخرطوم الخايسة الخائبة من التخاذل والتهاون في حفظ الامن وهي من اقل واجباتها توفير الحماية للمواطنين ضد الغرباء عن المنطقة او مجهولي الهوية الذين يهددون الاسر والعوائل في المنطقة والاسوف نكون مضطرين الى حماية انفسنا من هؤلاء وسوف ترون العجب العجاب فيهم مالم تراه عين او تسمع به اذن وحكومة ضعيفة لاتقوم بأقل واجباتها سنلفظها الى الابد ونحمل السلاح ضدها


#824498 [ابن الشمال]
5.00/5 (1 صوت)

11-12-2013 01:07 PM
الحقوا البلد ياناس طال الزمن اوقصر الحكومه حتفوت لكن البلد دي منذ الاستقلال تجنست فيها قبايل كامله وبعضهم الان في حركات التمرد ياخوانا الحبش مابنكروا اصلهم وكانوا كميات ورجعوا لكن الكارثه غرب افريقيا مابرجعوا تاني ولو لدينا بترول السعوديه لكن يستفيد منها شي ارحمونا البلد ضاعت الحقوا البلد


ردود على ابن الشمال
[عشماوي باشا] 11-12-2013 02:42 PM
يا بنجوز الشمال , السودان من حوالي 35 السنة الهجرة فيهو عكسية الا من الاثيوبيين و الإرتيريين و شكلك كده من ناس بحر دار ا أو أهل تسني
ما سمعت بالزول القال ( أنا جعلتي)


#824431 [تينا]
5.00/5 (3 صوت)

11-12-2013 11:48 AM
الأخ ((( عشنا وشفنا ))) ممكن تورينى فتنة شنو الأنا فتنتها ؟؟ بعدين كلكم كنا بنعلق معاكم لمشكلة السودان كلها لكن لما تجى المشكلة على أهلكم لو علقنا تاكلونا بسنونكم عمرى ما جبت سيرة أهلى أول مرة أعلن عن قبيلتى ونحن من زمان مظلومين لكن الآن فات الحد وكلكم ما بترضوا فى أهلكم ما تمثلوا انكم مصلحين لابد من وضع نهاية لهذا العبث فى ولايتنا وكت الحكومة مهمشانا .


#824403 [nashaby]
5.00/5 (1 صوت)

11-12-2013 11:16 AM
الحادث هو إنفجار لمرارات مكتومة ومكبوتة منذ سنين نتاج إهمال الحكومة الإتحادية وحكومة ولاية نهر النيل لمطالب أهل الولاية المنطقية العادلة وذلك منذ تنفيذ سدً مروى ومشكلة المناصير والتهجير والتعويضات ثم ظهور كميات من الذهب بمنطقة الرباطاب والهجوم الكاسح لمنقبى الذهب بداً من أجهزة الكشف اليدوى المحمولة على الأكتاف مروراً بتواجد الشركات الكبيرة التى تمتلك معدات حديثة تستطيع أن تغوص فى الأعماق وستخرج بتقنيات متطورة.
كل هذا الذى ذكرناه كان بداية للإحتقانات والغبن والضيم الذى يشعر به مواطن المنطقة علما أن التعداد الأخير للمنقبين الذين غزوا المنطقة يتعدى (15 ) ألف نسة من جنسيات أجنبية وسودانية من الشرق والغرب والشمال والوسط وكل بيئات السودان المختلفة الأمر الذى غير فى بيئة المنطقة من حيث طريقة التعامل والمعاملات إذ أن أى فرد من هؤلاء أتى للمنطقة بثقافة تخص بيئته التى أتى منهاوهذا ماشكل ضغطا عاليا على مواطنى المنطقة فى ظل إهمال الحكومات لهذه المتغيرات من النواحى الأمنية والإجتماعية .
وأضيف على ذلك أن موارد المنطقة من عائدات الذهب تستنذفها حكومة الولاية والمحلية دون تقديم مقابل خدمى فى الصحة والتعليم والأمن والبنية التحتية كاالكهرباء والطرق ومياه الشرب.
الحادثة التى أثارت المواطنين هى تهجم شخص من هؤلاء الوافدين على داخلية بنات محاولاً إغتصاب إحدى الطالبات التى قاومت المعتدى حتى قام بطعنها وأخرج أحشاءها من بطنها وولى هارباً.
ملحوظة أنا مواطن عادى لاأنتمى لأى جهة سياسية أو حزبية.؟


#824388 [تينا]
5.00/5 (1 صوت)

11-12-2013 11:06 AM
يا أخونا ((( القادم أحلى ))) قلت النساء تم اغتصابهن فى دارفور ... الخ ولم يسأل عنهن أحد يعنى هسة أهلنا الرباطاب فى أحد سأل عنهم ما ياها دى ولايتهم مستباحة من كل الناس بما فيهم الأجانب وثرواتهم بتتسرق قدام عينهم من الأجانب والحكومة ولا سألو أحد لمن جابت ليها كمان نطيط داخليات البنات دا غير الكبد الوبائى ولما كتر عليهم الظلم وانتفضوا ضربوهم بالرصاص الحى . وصدقنى لو الذهب دا فى ولاية تانية ماكان فى زول ما من الولاية بدخل يعدن لكن أهلى طيبين خلوا كل من هب ودب دخل . ولو بقت الحكاية مقصودة من الحكومة زى ما قلت يكون كويس عشان تتفرز الكيمان ويتعرف الأجنبى من ود البلد وما يستباحوا أهلى بالشكل دا. نحن هنا لما كنا بنعلق ما كنا بنفرز المصيبة دى فى دارفور ولا ولا فى الشمالية ولا غيروا لكن صراحة زعلتونى يا المسمين نفسكم مهمشين حسيت من تعليقاتكم كأنكم شمتانين على أهلنا دى مصيبة كبيرة يا ناس اذا بتعارضو صحى وجهوا معارضتكم للحكومة مش ليمهمشين أكتر منكم أخير انتو الاعلام بتكلم عنكم حصل سمعت بمظالم الرباطاب وأمراض الكبد الوبائى عندهم فى الاعلام ؟؟ ما عارفين نلاقيها من الحكومة ولا منكم لكن الله كريم علينا .


ردود على تينا
[عشماوي باشا] 11-12-2013 02:49 PM
يا التينة خليك رصينة

اهلك الرباطاب و الشايقية و الجعليين عاشوا منذ عشرات السنين في دارفور و كردفان و عملوا في التجارة و تكسبوا و لم يقم احد بمضايقتهم لانهم ليسوا من اهل المنطقة و بعدين الاجانب الي بتتكلموا عنهم ديل دخلوا بتواطؤ مع الحكومة
و خلي بالك لو المساكين القاعدين ينقبوا عن الذهب ديل مشوا ستاتي الحكومة بشركات اجنبية و ما حتشموا انتم ريحة عائدات الذهب بعد كدة يعني ما حتستفيدوا من السمسرة و لا من السكن و لا التجارة و لا يحزنون


#824349 [القادم احلي]
5.00/5 (1 صوت)

11-12-2013 10:34 AM
الاف النساء تم اغتصابهن في دارفور والنيل الازرق وجنوب كردفان ولم يسال عنهم احد المسالة جنائية في المقام الاول وتقصير الدولة في حماية المواطن هي التي تؤدي الي حدوث مثل هده الجرائم.لكن دعونا ان ننظر لهدا الحدث من زاوية اخري الا يمكن ان يكون هدا الحدث مدبر ومقصود من الدولة لاجل تفريغ مناطق الدهب من كل الشباب الدين وجدوا من التعدين التقليدي مفرا لهم من الفقر والحوجة من اجل جعلهم وقودا للحرب في الهجوم الصيفي الدي ينوي المؤتمر الوطني القيام به نسبة لانه حسب التقارير الامنية واعتراف وزير الداخلية في البرلمان ان الشباب هجروا الاجهزة الامنية واقبلوا علي التعدين والعمل بمناطق الدهب ادا هي خطة مدبرة ولها مابعدها والايام القادمة سوف تكشف المستور. (ياشباب استعدوا كشات الالزامية حاتقوم عن قريب).


ردود على القادم احلي
United States [شايقى] 11-12-2013 03:56 PM
يا خوى بلا بطيخ معاك .. نحنا ما كان عندنا وسخ زى ده فى مناطقنا لغاية ما جونا حثالة البشر و نفايات المجتمع الاسمهم الدهابة ديل .. خربو مناطقهم و حرقوها بالتمرد و الحروبات و كمان جو علينا باوساخهم و جرايمهم العفنة دى .. آآى عايزين نفرغها .. لو ما فرغتها الحكومة انحنا بنعرف نفرغها منهم كيف


#824312 [تينا]
5.00/5 (1 صوت)

11-12-2013 10:10 AM
والله مساكين أهلى الرباطاب عندكم التهميش العلى أصولوا ولا من الليلة ولا من امبارح وزول جايب خبركم مافى والمصيبة عادنكم من المرتاحين مع الحكومة مع انو حالكم يغنى عن سؤالكم ولايتكم دخلها كل من هب ودب وحتى الأجانب وبلوكم بمرض الكبد الوبائى الذى يحصد فيكم من مدة ولا حد بجيب سيرتكم والعالم كلها مع الحكومة تسرق فى دهبكم وانتو ياحليلكم ما منعتو زول ولا قلتو شيىء مخلنهم وصابرين وولايتكم كانو الناس كلهم أهل وبعرفوا بعض وما كان فى أيى عادات دخيلة عليكم الآن حتى الأمن انعدم عندكم وكمان حصلت نطيط داخليات البنات والحكومة بس همها تجيب شركاتها وتسرق دهبكم بعد كده لا تسكتوا أبدا لازم تضعوا حد للمهازل دى وتانى أيى زول يدخل ولايتكم لازم يتعرف جاييى من وين ولازم الحكومة تشوف ليكم معالجة سريعة لموضوع الكبد الوبائى دا ولازم تزيحوا كل الكرور من شرطة وأمن وخلافه وترجعوا زى ما كنتوا حاكمين نفسكم بينفسكم وما كانت فى أيى مشاكل وفوق دا كلو تانى ما يدخل أيى أجنبى يعدن عندكم ويسرق ثرواتكم وكمان ينقل ليكم الأمراض التى لم نسمع بها الا بعد دخول التعدين وربنا ودعواتى معاكم أهلى الطيبين المسالمين المقهورين المظلومين المهمشين صحى صحى الرباطاب .


ردود على تينا
United States [quickly] 11-12-2013 07:54 PM
وشرطة الولاية يجب ان تطهر من الغرباء عن المنطقة ويكونوا فقط من ابناء المنطقة والمعلوم ان حادثة كجبار الشهيرة في المظاهرة السلمية والتى راح ضحيتها اربعة من شبابها الذين قتلوهم بكل غيلة وحقد عساكر جاءوا بهم من خارج مناطق اخرى ولن نسكت عن المطالبة للقصاص منهم الى ان تقوم الساعة

United States [عشنا وشفنا] 11-12-2013 11:07 AM
ما هكذا تورد الابل يا اختاه !!

الفتنة نائمة لعن الله من ايقظها .


#824264 [ELSHAFYA A.ALI]
0.00/5 (0 صوت)

11-12-2013 09:26 AM
يعني يا ناس الميدان ما تعرفوا تصيغوا خبلا بطريقه
تعطينا معلومه...ما هو الحادث اصلا؟؟


ردود على ELSHAFYA A.ALI
United States [quickly] 11-12-2013 08:05 PM
الاصح انو يذكر نص الخبر الاول كاملا وبعدين يتبعوهوا بالتعليق او التحليل لانو ماكل الناس تابعوا الخبر لحظة وقوعه ,,,,, وياناس الميدان انتو شكلكم بقيتوا زي الانتباهة والاخبار المبتورة

European Union [الغاضبة] 11-12-2013 01:33 PM
لانك مش متابع الاخبار او الحاصل، الميدان علقت في كلمتها على خبر نشر من قبل ولم تنقل خبر (خبلا)....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة