الأخبار
أخبار إقليمية
تجدد الأحداث بين أهالي أحياء أمدرمان القديمة وشيخ الأمين
تجدد الأحداث بين أهالي أحياء أمدرمان القديمة وشيخ الأمين
تجدد الأحداث بين أهالي أحياء أمدرمان القديمة وشيخ الأمين


11-16-2013 11:02 AM
الجريدة: أمدرمان: محمد فايت
تجددت الأحداث بين أهالي أحياء أمدرمان القديمة وشيخ الأمين أمس، حيث خرج المواطنون عقب صلاة الجمعة في تظاهرات حاشدة، مطالبين بإيقاف نشاط زاوية شيخ الأمين التي سبق إيقافها بقرار قضائي عقب أحدات مماثلة، فيما رفع المتظاهرون لافتات تنادي بإيقاف نشاط الشيخ وإغلاق مسيده وترحيله إلى مكان آخر خارج الحي.
في الأثناء وصل إلى مكان الحدث وكيل نيابة أمدرمان برفقته رجال الشرطة في محاولة لتفريق المحتجين الذين رفضوا فض الاعتصام بحجة مشروعيةمطالبهم، وأكدوا أن معتمد أمدرمان على علم بتجمعهم السلمي.
الجدير بالذكر أن شيخ الأمين قد دون بلاغاً ضد أحد شباب الحي اتهمه بإشانة السمعة بموقع التواصل الاجتماعي (الفيس بوك) وأودع الحبس منذ الأربعاء الماضي بنيابة جرام المعلوماتية، وفشلت كل المساعي لخروجه بالضمان.

الجريدة


تعليقات 43 | إهداء 0 | زيارات 13413

التعليقات
#829260 [كمال عبده]
0.00/5 (0 صوت)

11-17-2013 07:25 PM
بالمناسبة..
عاوز أذكر جميع المتداخلين...
الانقاّذ ما زالت تحكم السودان يا مناضلى الكيبورد..
و جالون البنزين بقى 21 جنية..
و الغلاء بيطحن فيكم..
و فى اكتر من 250 تم اغتيالهم فى احداث سبتمبر و مافى زول فيكم عمل حاجة...

ياهو دا حالكم..مفيش فايدة...


#828858 [صلاح محجوب]
0.00/5 (0 صوت)

11-17-2013 12:29 PM
أم درمان بلد الثقافة لا نقول إلا من اين أتى هؤلاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#828773 [عباس]
5.00/5 (1 صوت)

11-17-2013 11:30 AM
دا حال الصوفية من قديم ما تمسكوا في محمد الامين كلهم سواء عباد قبور وتقديس للشيوخ ولا ننسى تقديس الانصار للمهدي واحفاده والاتحاديين للميرغني واحفاده الجهل يعم كل السودان وليس ام درمان وحدها .


#828711 [سودانيه]
3.00/5 (2 صوت)

11-17-2013 10:55 AM
عرفنا الاول ده ببوس يد الشيخ المزعوم لكن التاني ده بعمل للأول شنوووووو


ردود على سودانيه
United States [alhaj alsedique] 11-17-2013 06:48 PM
دى طريقة سريان المدد


#828462 [ود البطانة]
5.00/5 (1 صوت)

11-17-2013 02:39 AM
ربنا ما سلط عليكم البشير والكيزان من فراغ ...كيفما تكونو يولي عليكم ...


#828294 [quickly]
5.00/5 (2 صوت)

11-16-2013 08:25 PM
دا ياهو المحايتو ببسي وحيران جكسي ؟؟!!! ,,,, هههههه محن واحن والله
ياخى تعرفوا هؤلاء 24 عاماً كانوا يمارسوا فقط تجهيل الشعب السوداني ؟؟؟!!!!! ,,,,,,, ياخي اصبح في كمية جهل ماعادية في السودان !!!!!!!
الله لاكسبكم ولا بارك فيكم ياحكومة الانقاذ الوثني مافي اي انقاذ في البلد الا للوثنية فقط


#828255 [إن جاءكم فاسق بنباءٍ فتبينو]
0.00/5 (0 صوت)

11-16-2013 07:22 PM
وَرَفَعَ أَبَوَيْهِ عَلَى الْعَرْشِ وَخَرُّوا لَهُ سُجَّدًا ۖ وَقَالَ يَا أَبَتِ هَٰذَا تَأْوِيلُ رُؤْيَايَ مِنْ قَبْلُ قَدْ جَعَلَهَا رَبِّي حَقًّا ۖ وَقَدْ أَحْسَنَ بِي إِذْ أَخْرَجَنِي مِنَ السِّجْنِ وَجَاءَ بِكُمْ مِنَ الْبَدْوِ مِنْ بَعْدِ أَنْ نَزَغَ الشَّيْطَانُ بَيْنِي وَبَيْنَ إِخْوَتِي ۚ إِنَّ رَبِّي لَطِيفٌ لِمَا يَشَاءُ ۚ إِنَّهُ هُوَ الْعَلِيمُ الْحَكِيمُ؟؟؟؟

يا جهل ليس هذا من الشرك


#828224 [كجن الفن الدلنجاوي]
5.00/5 (5 صوت)

11-16-2013 06:45 PM
(لا تعظموا بعضكم كالاعاجم) ورب الكعبه لو كان متفقها في الدين لما قبل هذا التصرف والانحطاط من هولاءالعطاله اي دين هذا يجعل هذا سيدا وذلك عبدا له ياشيخ الامين وزبانيته اتقوا الله في انفسكم وان العزة لله جميعا ياشيخ الامين وبطانته اليس فيكم رجل رشيد : لايخدعنك الشيطان كما خدع فرعون حتي ظن انه اله وتذكر قوله تعالي { ولقد جئتمونا فرادي كما خلقناكم اول مره} توبوا الي الله جميعا قبل ان ياتي هادم اللذات.-


#828183 [مالك الحزين]
5.00/5 (4 صوت)

11-16-2013 06:10 PM
تناقلت وكالات الأنباء خبر أن وزارة العمل السعودية فتحت باب الاستقدام للعمالة المنزلية من السودان كدولة جديدة بعد أن تعذر جلب العمالة المنزلية من 3 دول كانت تصدر العمالة للمملكة وذلك بعد الاقبال السعودى الكبيرعلى استخدام خادمات من اثيوبيا وكينيا والرواتب تتراوح بي 800 - 1000 ريال سعودى. ظل السودان يوفد للمملكة العلماء والأساتذة والآلاف من الأطباء والمهندسين والقانونين والمحاسبين والزراعيين والبياطرة والاقتصاديين وغيرهم من مختلف الكفاء التى ساهمت وتساهم فى بناء التنمية والنهضة السعودية. كان السودان يرسل للمملكة ( المحمل )وكسوة الكعبة المشرفة . حوش على دينار فى جدةمثال واحد فقط يشهد على ذلك وكان السودان يرسل للمملكة الغذاء من لحوم ومحاصيل زراعية وعسل وسمن ويوفر الماء ( ابار على )فى المدينة المنورة تشهد على ذلك .السلطات السعودية تعلم علم اليقين علم السودانيين وكفاءتهم وأخلاقهم وعزتهم وأدبهم وعطاءهم بغير حدود تعلم عبقرى الفيزياء محجوب عبيد والعلامة البروفيسور عبد الله الطيب والدكتور جعفر شيخ ادريس والاختصاصى عبد الله عشميق وغيرهم من الاف النابهين .اليوم السلطات السعودية تعلن استقدام حرائر السودان للعمل خادمات فى المنازل السعودية تلك اساءة غير مسبوقة فى علاقات البلدين. تلك اساءة لا يمسحها الا السحب العاجل والاعتذار العلنى . المرأة السودانية التى تحتل مكانا عاليا فى وجدان شعبها أصبحت انسانا بلا عزة ولا كرامة وسلعة تجارية ضئيلة القيمة وخادمة مبتذلة رخيصة يتم شحنها للتصدير تنتظرها المكانس والمكاوى وغسل الأطباق فى المنازل السعودية ( وما خفى أعظم ) وهذه من عندى. على وزارة الخارجية السودانيةاستيضاح سعادة السفير السعودى فى الخرطوم عن تلك الاهانة لشعب السودان عن ذلك الخبر الذى جرح فى الصميم كرامة كل مواطن ومواطنة سودانية . عليهم ان كانوا لا يعلمون أن الملك فهد رحمه الله كان تلميذا فى بخت الرضا بالدويم عليه أن يعلموا أن حفيدات الأبطال والعلماء والشهداء والعظماء فى كل ركن من اركان السودان. عليهم أن يعلموا أن السودانيات نخلات باسقات فى افاق العزة والكرامة والصون .خلال الاف السنين ما عرفت السودانيات خادمات وحاضنات واماء ولن يأتى يوم يفرط فيه أخوات البنات ومقنع الكاشفات وخال فاطنة والمامون على بنوت فريقو . لن يفرط السودانيون الذين هم عند عروضهم لئام وجبارين لن يفرطوا فى عزة بت ملوك النيل ليعبث بها سماسرة المتاجرة بالبشر . يلا يا حكومتنا نشوف كيف حاتتصرفى مع الموضوع دا


#828173 [عبد الله]
5.00/5 (4 صوت)

11-16-2013 06:01 PM
قال اشانة سمعة قال!!!!
ياخي الصورة الفوق دي براها توديك في ستين داهية ...


#828168 [لاظوغلي]
5.00/5 (3 صوت)

11-16-2013 05:53 PM
يا أخوانا دا اسمه شيخ الجكسي ال محايته ببسي وحجابه جلاكسي
أتباعه كلهم جكس رهيب جدا وأولاد حناكيش ونسوان كدا من شاكلة نسوان أب جويلي اتمسحوا ومرقوا
والغريبه فيهم أساتذة جامعات ، ولما يجي من المطار بجي راكي بورش فورويل ويمشي قدامه رجل
شــرطه بي موتر ومشغل السارينا لحدة ما يصل أمدرمان ، ناس التلفزيون هم اللذين لمعوهو لأنهم
عملوا معاهو سهرة كاملة قبل كدا وجابوا عدد من أتباعه ومنهم أساتذة جامعة أنا حضرت السهرة دي
يا دوبكم الليله اكتشفتوهو


#828163 [الغريب]
5.00/5 (6 صوت)

11-16-2013 05:46 PM
الحمد لله أنني لا أسجد إلا لله


#828159 [omali]
5.00/5 (4 صوت)

11-16-2013 05:40 PM
دي زول دجال


#828114 [ahmed//]
5.00/5 (5 صوت)

11-16-2013 04:44 PM
من هو الشخ محمد الأمين / السودان اصبح هملة / كل واحد عندو شوية ذكاء سوى ليهو تكية وجمع البسطاء حوله / اذا هو ولى صالح وخارق للعادة خلى يشوف لينا وضع البلد ده ووضعها وحالها ماشى لوين / بدلا من ملاحقة شباب الفيس بوك ابدا ماعهدنا اوليا صالحين بهتمو بالصغائر لهذا الحد/ قال اشانة سمعة ياراجل ..


ردود على ahmed//
United States [الحقيقة مرة زي الدواء] 11-16-2013 05:58 PM
دا بيسموه شيخ الامين الحيرانو جكسى ومحايتو بيبسى - يعني شيخ موديل 2012 - دا واحد من المنتجات الثانوية للمشروع الحضاري


#828101 [امدرماني]
5.00/5 (5 صوت)

11-16-2013 04:19 PM
رجل وهم ومافون عايز الناس تركع ليه ...رجل عادي كبقية البشر ياكل وينام ويمشي في الاسواق ويتغوط ويتناسل زيو زي اي بشر ......بلاش افك معاه ومعاكم يا مريديه ....البلد ما فيها حكومه اهيب بسكان بيت المال وامدرمان عموما ان يقلعوه ويطردوه خارج امدرمان ويعلقوه في شجره ....بلا دجل وشعوذه ده لو كان في المملكة كان قصوا رقبتو


#828084 [محمد]
4.75/5 (3 صوت)

11-16-2013 04:02 PM
[ ( وإذ قالت أمة منهم لم تعظون قوما الله مهلكهم أو معذبهم عذابا شديدا قالوا معذرة إلى ربكم ولعلهم يتقون ( 164 ) فلما نسوا ما ذكروا به أنجينا الذين ينهون عن السوء وأخذنا الذين ظلموا بعذاب بئيس بما كانوا يفسقون ( 165 )

في تقصير في الدعوة الى الله


#828070 [برير اسماعيل يوسف]
0.00/5 (0 صوت)

11-16-2013 03:42 PM
هذه قضية الهدف من ورائها صرف الناس عن القضايا الجوهرية و المحورية و التي تهم جميع أهل السودان الفضل ، لذلك يجب على أهل ام درمان القديمة و الجديدة معا العمل على ازالة الكابوس الأكبر ، نظام الكيزان ، ومن ثم يمكن لهم العمل معا في بقية القضايا .


#828045 [kafoury]
5.00/5 (2 صوت)

11-16-2013 03:10 PM
والله العندهم اعتقاد بالكجور ما بسجدوا بهذه الطريقة ؟؟؟؟؟


#828036 [إن جاءكم فاسق بنباءٍ فتبينو]
2.75/5 (5 صوت)

11-16-2013 03:03 PM
التصوف هو من أدخل ووطد الدين الإسلامي في السودان وأمدرمان أصلها منطقة تصوف منذ نشأتها لذلك نقول للوهابية وما تبعهم من المتخلفين أنتم يجب ان تتركوا هذه البلدة الطاهرة وشيخ الأمين يعد من أهل امدرمان الحقيقين. ولا يمكن ان يتركها للوهابيةالمجسمة ويجب على الإنسان أن يفكر فيما يقول قبل ان يسب شيخ الأمين وأن يعرف أسباب هذه الفتنة وهل الذين خرجوا مواطنين ام مجسمة وشكرا


ردود على إن جاءكم فاسق بنباءٍ فتبينو
United States [الكردفاني العدييييييييييييل] 11-17-2013 10:34 AM
ان الاسلام جاء ليخرج الناس من جميع انواع العبودية.... لغير الله .... ويجعل علاقتهم بربهم وخالقهم مباشرة........... فلا احد قاصر او عاجز او غير مؤهل ..... للاتصال بالله خالقه موجدة ..... والمسلم.... يتصل بربه.... مباشرة بلا حواجز في اليوم.... والليلة..... بالله اخرجونا من اطار ( يااااااااااا شيخ..... انا اريد..... بعدين امييييييييييييين)..... مافي مشلكة ان المسلم يطلب من اخيه...... الدعاء ولكن ان ..... تصل الدرجة الى درجة التقديس والتبرك.... وتزكيته باعتبار ان له مكانه...... عند الله....... فهذا هو خطأ اساسي في الجماعة المتصوفة.... عافانا الله وعلينا ان ..... نقيس تصرفات كل انسان وفق الشريعة ..... لا وفق الهوى والمحبة... هدانا الله والجميع لما فيه الصواب والسداد والتوفيق.............

[عباس] 11-16-2013 05:33 PM
يارجل تمسك بكتاب الله وسنة رسوله وكل ذلك صار متوفر والحمد لله زمان ماكان فى مصادر الواحد يأخذ منها امور دينه عشان كدة لجأ الناس الى الشيوخ وغيرهم ولكن الان كل شئ والحمد لله متوفر الاحاديث الصحيحة وشرحها وكذلك القران وتفاسيره المختلفة متوفرة لماذا تلجا الى المشكوك فيه وتترك الغير مشكوك
فيه صدقنى والله تمسك بكتاب ربك وسنة نبيك وسوف تفوز الفوز العظيم سنة الرسول صلى الله عليه وسلم فيها كل شئ فيها الاذكار وفيها الاوراد الثابته عن الرسول صلى الله عليه وسلم انترك هذا ونلجأ الى ما الفه بعض الناس حرام تترك اذاكار الرسول صلى الله عليه وسلم واوراده وتلجأ الى اوراد الغير اللهم هل بلغت اللهم فشهد .

United States [الشيخ عقلاني] 11-16-2013 04:56 PM
دعك من هذا السفه , ما يقوم به شيخك هذا هو لعب و لهو و ليس تصوفا و لا اسلاما و الارض كلها لله و خليك من امدرمان لانك ما بتعرف تاريخ امدرمان


#828025 [المتجهجه بسبب الانفصال]
4.00/5 (1 صوت)

11-16-2013 02:55 PM
لاحول ولا قوة إلأا بالله ،، أصبح الدين مطية للتجهيل والاستغفال بدل الانعتاق ،،،


#828011 [ود امبده]
0.00/5 (0 صوت)

11-16-2013 02:44 PM
الخلفي دا بشحن من ألف أمر ولا شنو


#827987 [سودانية]
5.00/5 (3 صوت)

11-16-2013 02:13 PM
يا ناس امدرمان اطروده وكل المشركين المعاه هسي في زول بسجد لغير الله الواحد القهار وكمان شباب والدجال منبسط من عملهم قمة التخلف والانحطاط حسبي الله ونعم الوكيل


#827983 [ساب البلد]
5.00/5 (5 صوت)

11-16-2013 02:09 PM
هؤلاء هم عبدة الحلوة ههههههههههه


ردود على ساب البلد
United States [البعاتي] 11-16-2013 05:05 PM
جبتها من الاخر...


#827978 [nom]
5.00/5 (6 صوت)

11-16-2013 02:02 PM
شرك اعوذ بالله والله حكومة بعيدة كل البعد عن الدين والاسلام استغلوا الدين وركبوا فى السلطة لو فى غيرة من حكومة السجم دى كان الصعلوك الاسمه اللمين مش الامين كان يكون فى اى زريبة مربوط زى الكلب عذب ودارو عذاب شماسة وصعليك وصعلوقات قافلين الشارع وسجاير وقلت ادب وعلى مرئه الحكوممة وبرضوا البشير يعوعى ويغش الناس ويقول شريعة ازالكم الله واتى بخير منكم وابرك


#827973 [Amin]
4.00/5 (4 صوت)

11-16-2013 01:59 PM
يا شيخ الأمين

لقد تزايدت أعدادكم ومن الواضح أن هذه الأعداد أصبحت تسبب
ضغطاً على الحي الصغير و سكان المنطقة

وبغض النظر عن من إتفق أو إختلف معك في طريقتك

فالمنطق يقول أن ترحلوا بنشاطكم إلى مكان أرحب يسعكم ويسع من حولكم


#827971 [ابو عزة]
5.00/5 (10 صوت)

11-16-2013 01:58 PM
يادووووب عرفنا انو الله غضبان على البلد دي ليه، شي حكم كيزان وشي سيول وأمطار وشي معيشة ضنكة

اللهم لا تعاقبنا بما فعل السفهاء منا.


#827967 [ود على]
5.00/5 (1 صوت)

11-16-2013 01:52 PM
خلى يقعد يدجل لما نجيه واللى يركع ليه كمان


#827952 [kKambalawi]
5.00/5 (2 صوت)

11-16-2013 01:39 PM
أنا لست من أم درمان, ولكني حزين لما يحدن من هذا الآفة الدجال الآمين, والذي أصبح عجينة عكننة ومثير للفتن وتخريب العلاقات الراسخة بين أهالي أمدرمان , لابد من وقفة صلبة لترحيله بعيداً, حتي يحافظ الناس علي علاقاتهم الأسرية.


#827943 [الزول الكان سمح]
3.00/5 (10 صوت)

11-16-2013 01:32 PM
ظل الترابى يحرض النميرى بتكفير الأستاذ محمود محمد طه لإقصائه حتى تم إعدامه وخلت الساحة لمن يسمى بالشيخ وحاك المؤامرات حت أطاح بالنميرى وجاء بزمرته الفاسدة وفعل مافعل..

يعدم مفكر إسلامى فى قامة محمود محمد طه ويترك هذا الدجال المشعوذ لينشر فكره بين الناس

لعنة الله على الترابى ومن والاه


#827942 [forawi]
5.00/5 (4 صوت)

11-16-2013 01:31 PM
ده دين حسي ولاستعباد ياقوم افتونا في النوعية دي ياناس صورة مخجلة واللة


#827919 [تينا]
5.00/5 (7 صوت)

11-16-2013 01:13 PM
معقول الصورة دى فى القرن ال 21 ؟؟ الله المستعان .


ردود على تينا
United States [الحقيقة مرة زي الدواء] 11-16-2013 06:00 PM
دا بيسموه شيخ الامين الحيرانو جكسى ومحايتو بيبسى - يعني شيخ موديل 2012 - دا واحد من المنتجات الثانوية للمشروع الحضاري


#827890 [samid]
5.00/5 (4 صوت)

11-16-2013 12:40 PM
يا حماعه ده شنو دا اللي في الصوره دا , شنو الفرق بين الصوفيه و الشيعه


#827889 [Ali Seedoo]
5.00/5 (3 صوت)

11-16-2013 12:39 PM
What is going on here, please! could someone tell us, if all donnot mind


#827877 [عمر]
5.00/5 (1 صوت)

11-16-2013 12:29 PM
يعني ناس الإنقاذ ديل لو ما خلو الأمين يسرح ويمرح يكونو ناس دين وفعالم فعال صالحين ذي ما قال هاشم صديق...لكن الاتنين خصما علي الدين والزمن زمن انحطاط والفرج قريب انشاء الله


#827871 [حموري]
5.00/5 (5 صوت)

11-16-2013 12:17 PM
عليكم الله عاينوا الصوره الفوق دي إستغفر الله العظيم ، والله حي بيت المال ليهم حق يهاجموا الزول دا .


ردود على حموري
United States [KOUDI] 11-16-2013 03:22 PM
وكمان في بيت المال هههههههههههههههههه امانه انو راجل ناس بيت المال قاعدين وين الشباب


#827863 [الهادى]
3.00/5 (3 صوت)

11-16-2013 12:03 PM
على الحكومة ان تضرب بيد من حديد هؤلاء الدجالين الذين انتشروا كماالسرطان فى كل القرى والمدن حتى يتفرق ضعاف النفوس ( ولا اقول ضعاف الايمان ) لانه اصلا لا ايمان لمشرك لاعمالهم


#827862 [سودانى مفجوع]
5.00/5 (2 صوت)

11-16-2013 12:03 PM
والله ياجماعة هذا الامين الذى يدعى المشيخه ماهو الا مسخ وامداد لقوم لوط ان الدين عند الله الاسلام يجب الانعترف باى طريقه من الطرق الصوفيه او اى شكل من اشكال التحزب الاسلامى هنالك كتاب الله لم يغادر صغيره ولا كبيره وسنة رسول الله وكفى


#827856 [مسلم غيور]
4.50/5 (3 صوت)

11-16-2013 11:57 AM
أتسأل بحسرة أين هي هيئة علماء السودان مما يجري بزاوية هذا الشيخ الجاهل الذي يعمل علي تشوبه الدين وتضليل كثير من الشباب الجهلة ( دينيآ ) و جرهم بعيدآ عن أصول الدين الشرعية ؟ ؟ ؟
أم ان مشروعهم الحضاري ( ثقافي ) ليس الا .. يعمل علي هدم الدين كما بشرنا البشير نذير السؤ !!!


#827855 [عمار النار]
5.00/5 (2 صوت)

11-16-2013 11:56 AM
بالله ده مش آخر الزمان رجل عمله واضح فيه الفسق والتجمعات المشبوهة وأنواع غريبة من البشر أصحاب ما يسمي البرجزة والاسكير العالي أي أبناء الطبقات العالية من طفيلين وخلافه وأول مرة في حياتي رجل دين كما يدعي يبتسم حينما يبوسون أياديه المريدين الذين يريدون في ذات الوقت وهذا زمانك يا مهازل فامرحي في زمن الكيزان اختل الميزان والقيامة قرررررربت ألحقوا أنفسكم يا مسلمين


#827850 [أبو محمد]
5.00/5 (1 صوت)

11-16-2013 11:47 AM
يامعلقين الراكوبه مالكم ساكتيين ومادايريين تكتبوا عن موضوع الدجال الأفاق الأشر ربنا يريحنا منو بموته ولا بلوه تخمو ولا خايفين يصيبكم مكروه لو إتكلمتوا والله إنها لعقائد خربه تخاف من بشر لا ينفع ولا يضر.


ردود على أبو محمد
United States [سودانى مفجوع] 11-16-2013 03:10 PM
يااخ ابومحمد نحن والحمد لله لانخاف غير الله ونتمنا ان نلاقى هذا الفاجر وجه لوجه لامن خلف شاشات الكمبيوترحتى نعرفه بأن الله حق وهو الوحيدالذى يجب ان نسجد له .(انظرللصوره حتى ترى حجم الماساة انهم شباب وفى الغالب متعلمين وخريجى جامعات هذا من نتاج حكم الانقاذالفاسد المفسد لانقدر الا ان نقول اللهم عليك بهذا النكره المعتوه اللهم خلص المسلمين منه ومن امثاله ومن هذه الحكومة التى تساند مثل هاؤلا وكفى


#827845 [انقادى سادر فى فساده]
4.50/5 (3 صوت)

11-16-2013 11:35 AM
يااخوانا بطلو بوس الايادى وقومو شوفو ليكن شغلة
وهكدا تدهور الانتاج فى بلادنا المنكوبة
الاسلام صلاة وصوم وشهادة الا اله الاالله ولازكاة وحج لشعب فقير معدم
وقال تعالى فانى قريب اجيب دعوة الداع ادا دعان
ولا حاجة لنا لوجود هؤلاء النصابين


#827840 [العيساوي]
5.00/5 (3 صوت)

11-16-2013 11:28 AM
هؤلاء الذين اتخذوا أولياهم أرباب من دون الله


#827835 [حامد يونس محمد]
5.00/5 (6 صوت)

11-16-2013 11:24 AM
انظروا الي الصورة ..انظروا الي الدراويش ركعا سجودا لبشر مثلهم ياكل الطعام و يمشي في الاسواق و يتغوط و يتناسل و يمرض و يموت ..هذا هو الشرك عينه .. يا اهالي امدرمان اخرجوا هؤلاء المهرطقين من دياركم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة