الأخبار
أخبار إقليمية
سفارة السودان : السعودية إعتذرت عن إستقبال إشراقة
سفارة السودان : السعودية إعتذرت عن إستقبال إشراقة
سفارة السودان : السعودية إعتذرت عن إستقبال إشراقة


11-16-2013 01:23 PM

الجريدة: الخرطوم: وليد النور
كشفت سفارة السودان عن اعتذار السعودية من استقبال وزيرة العمل بسبب انشغال وزارة العمل السعودية بتصحيح أوضاع الوافدين، إلى ذلك برأت سفارة السودان بالرياض السودانيين من المشاركة في أحداث منفوحة الأخيرة، وأقرت بوفاة المواطن عبد المنعم محمد طلحة، وقالت إنه مقيم مع أسرته ولا علاقة له بالأحداث، وكشف سفير السودان بالرياض عبد الحافظ إبراهيم عن عودة ۱۰,٥۰۰ شخص إلى البلاد عقب قرار المملكة بتصحيح أوضاع الوافدين، وأعلن عن وجود ۱٦۰ آخرين لم يتمكنوا من العودة، فضلاً عن حصر ٤۰ شخصاً في السفارة، وأوضح أن السودانيين المتعاقدين بالمملكة بلغ ( ٥٦۰ )، وأقر سفير السودان بالرياض بصعوبة تقديم رقم حقيقي لغير المقيمين، مشيراً إلى أن السفارة على اتصال مع وزارة العمل السعودية لتذليل الصعاب التي تعترض المقيمين غير القانونيين، واعتبر أن المهلة التي منحت كانت كافية. وفي السياق ذاته أكد الأمين العام لجهاز السودانيين العاملين بالخارج كرار التهامي وجود أعداد سماها ب(المخفية) لم تظهر تقدر أعدادها ما بين ۲۰۰ إلى ۳۰۰ ألف، موجودون في المملكة يمثلون مهنيين وأطباء، وكشف عن وصول ٥۳ ألف شخص خلال الفترة من أول يناير وحتى أكتوبر من العام الجاري وامتدح الإجراءات التصحيحية الأخيرة، وقال إنها تأتي في صالح الجهاز، وزاد لو كان بمقدورنا لصححناها، وحذّر كرار من تكرار نفس الأخطاء عبر ما يسمى بالتأشيرة الحرة، وأوضح أن الجهاز يعمل مع شركاء دوليين لإعادة إدماج العائدين في المجتمع وعبر عن قلقه اتجاه قضية تعليم أبناء العائدين الذين لم يدخلوا المدارس رغم بلوغهم سن المدرسة، واتهم كرار أساتذة بجامعة الخرطوم بوقوفهم عقبة أمام دخلول طلاب (التميز) من أبناء المغتربين كلية الطب على الرغم من استيفائهم كافة الشروط عبر مكتب القبول واجتيازهم لامتحان القدرات، وهدد بمقاضاتهم عبر أولياء الأمور، وقال «يجب أن يؤخذ الحق ولو كان في براثن أيّ شخص»

الجريدة


تعليقات 39 | إهداء 0 | زيارات 19287

التعليقات
#829677 [تهراقا]
0.00/5 (0 صوت)

11-18-2013 08:48 AM
لم يحدث أن كتبت في أي وسيلة أعلامية قبلا ولا أحب الحديث وهنا يكمن قمة الكارثة بنا نحن السودانين ويبدو أن الأثر الصوفي ترك أثرة حتي في زهدنا في الحديث وقول الحقيقة مع أن ما نملكة من فكر وثقافة ليس بقليل مما ترك المجال للسفهاء للتقدم وقيادتنا .أذكر تماما الوزيرة اشراقة وهي زميلة لنا بالجامعة لم تكن ترقي ولا حتي الحزب الذي تنتمي الية الي اي مستويات الفكر والحوار وكنا نعتبر ان اي دخول في حوار معهم مضيعة للوقت أي بصراحة كنت اتجنب مقابلتها والنقاش معها وانتم اليوم تستغربون من عدم مقابلة الوزير السعودي لها(يا امة ضحكت من جهلها الامم) . ما هذا الوهن الذي اصابنا ؟ هل هذة من حفيدات الكنداكة التي كانت تفرض شروط للصلح مع روما وكان أسمها موازيا لاسم القيصر في ذاك الزمان كلا والف كلا . اترحم علي كاتبنا العظيم المرجوم الطيب صالح واعيد تساؤلة من أين أتي هولاء وأنا علي يقين تام بأنة يعلم الاجابة ولكنة تركها لكل واحد منا ليسأل نفسة هذا السؤال المحوري لفهم تاريخنا وهويتنا وثقافتنا وكيف ومن أين ولماذا تسرب اليها كل هذا العفن الكامن في ثنايا جفرافيا وتاريخ المنطقة وتاوثقافتها وبكل صراحة اعني بالمنطقة الجوار العربي .


#829030 [الزعيم]
0.00/5 (0 صوت)

11-17-2013 03:08 PM
هي ليه ماشية السعودية وعشان تعمل شنو....السعودية اقرءت نظم وقوانيين لمعاجة اشياء داخلية تخصها وتنظيم سوق العمل وما الي ذلك نحن ايه دخلنا نتعامل مثلنا مثل كل الجنسيات التي تقيم داخل السعودية ..وبلاش الحركات التي لاتودي ولاتجيب وبلاش نظام الاستجداء التي ادخلته حكومتنا من ضمن طبايعنا..كل واحد صحح وضعه خير وبركة وربنا يوفقه خلاف ذلك يتحمل نتيجة تراخيه ومايلوم الا نفسه...وقصة فتح استقدام عمالة نسائية من السودان اتمني ان يكون الكلام ده كلام جرائد فقط باختصار نحزر مجرد التفكير في مثل هذه المواضيع بالنسبة للمراة السودانية فانها ليس ارض او حدود ليتم التفاوض فيه ياحكومتنا المامعروف الي اين تقودنا.. انهاالام والاخت والزوجة وبنت الاهل..ويااخ ابولكيلك راجع نفسك والكلام الذي كتبته في امهاتك واخواتك وزوجتك ان كنت متزوج وان كت سوداني اصلا..وتحياتي للاخت تينا ولجميع حرائر بلدي


#828913 [المجبور علي الغربة]
0.00/5 (0 صوت)

11-17-2013 01:27 PM
الروووووووووووووووووب


#828901 [طائر الهوى]
0.00/5 (0 صوت)

11-17-2013 01:20 PM
لسان حالها يقول( ياشماتة أبلة طاظة فيه )


#828550 [تينا]
0.00/5 (0 صوت)

11-17-2013 09:00 AM
ياسيد ((( زول عربى ))) انتا باين عليك تبع الحكومة وما عايز زى الكلام دا يمسها قلت الخبر لا ذكرتوا السعودية ولا السودان . الخبر طلع نقلا عن عكاظ أما السودان يعنى دايرين يعلنوا لينا طوالى ههههه .عمرى ما اتنكرت لأحد ما حصل نزل خبر عن السعودية وعلقت فيهو الا شكرتهم وطريتهم بالخير لأنى بأمن بأن من لا يشكر الناس لا يشكر الله فهمت لكنى بقول الحقيقة فى هذا الموقف لا أرضى لبنات بلدى شغالات خارج السودان أما تفسيرك لكلمة ملكة اليمين بالتفسير الحرفى لها فأثبت أنك أكبر سطحى وليس أنا لأنك لا تعرف الكناية بربك هل فى زمننا هذا يوجد شيىء اسمه ملكة يمين بمعناها الحرفى ؟؟ وكلامى هذا ليس سمع كما قلت وكما وصفتنى بأننى قابعة فى منزلى ولا أختلط بسودانيين ولا سعوديين ههههه الما بعرفك بجهلك يا سيد شفت بعيتى شغالة جارتى مواجهانى الباب بالباب وكيف كانت تعامل وحتى صديقتى سعودية حكت لى عن معاملة جيرانها لشغالتهم وكانت زعلانة جدا وما حكته شغالة جيران صديقتى السودانية يحير وكثير .وكلامى الذكرته لاأظلم كل السعوديين لكنك لا تستطيع نكران سوء المعاملة وحتى السعوديين نفسهم ما ناكرين هذا الكلام ودونك اندونيسيا وقفت استقدام شغالاتها وحتى المشكلة ناقشوها فى التلفزيون وذكروا أن الكثيرين يعاملوهم معاملة سيئة يعنى الكلام ما من عندى زى ما قلت .قلت الأصلا كتبت الكلام شتمت السعوديين طيب أنا لو كنت عايزة أشتم السعوديين ماكنت أكتب شتيمتها لكنى نقلت فقط ما يخصنا نحن وأثبت لى أنك تبع الحكومة بدليل هجومك لى وهذا اسلوبكم مذلة النساء بدليل الأخ أبو أحمد منزل نفس الخبر بحذافيره يعنى فيه شتيمة الكاتبة ومع ذلك لم تهاجمه وهاجمتنى أنا وهذه حيلتكم تحقير المرأة ولوكنت حاقدة زى ما بتقولوا انت وابولكيلك طيب تفسروا ردود واراء بقية الاخوة الأفاضل العقبوا على كلامى بشنو برضو حاقدين ؟؟
كان ممكن توصل كلامك بأسلوب مهذب وبدون شتائم واساءات لكن مشكلتكم بس الواحد فيكم يجى داخل الراكوبة وقافلة معاهو والتقول شارب ليهو حاجة وبس ينزل ليك فى الناس شتايم واساءات ما عارفة انتو اتربيتو وين ؟؟ عموما انا نزلت الخبر الوصلنى لمصلحة الجميع الفهم خير والمسطح وفاقد تربوى زيك أقول ليك انتا وابو لكيلك عليكم الله أول ما يبدأ التقديم قدموا وسفروا أخواتكم وامهاتكم زاتهم ولو متزوجين كمان رسلوا زوجاتكم يجن يشتغلن شغالات هنا بالنسبة ليكم عادى طال ما دا اسلوبكم فى الكلام النقة فى شنو ؟؟


#828474 [samid]
0.00/5 (0 صوت)

11-17-2013 04:03 AM
صراحه لو السعوديه بالجد قرار الخدامات السودانيات دا جادي , انا اعتبرهم ناس ما محترمين , يعني عادي هسع بكره نمشي نخت ليهم اعلانات عاوزين سعوديات خدامات هيرشونا بالكيماوي والله , بس بيني و بينكم ما اعتقد انه في قرار ي دا لانه مستحيل الكلام دا , لو كان في طلب خدمات كان طلبوا من مصر من زمااااان او كان طلبوا من السورين لانه وضعهم تحت و بناتهم حلوات , عشان كدا اتاكدوا ميه ميه انه القرار دا كذب


ردود على samid
United States [ابوريتاج] 11-17-2013 09:06 AM
يا سيدى نحن اصبحنا ملطشه


#828458 [مجنون]
0.00/5 (0 صوت)

11-17-2013 02:05 AM
كرار التهامي هو نفسه..مقيم اقامه حره.....


#828435 [ابوقنبور]
0.00/5 (0 صوت)

11-17-2013 01:13 AM
الوزيرة ما خسرانة ، اتسّوقت وإتبضّعت وشالت الهدايا ، وإتفسحّت ، ومشت (عمرة) .. مجاااااااااناً .

.. الزيارات تقوم بتنسيقها السفارة والوزارة قبل تحرّك المسؤل وليس بعد وصوله ، ولا انا غلطان يا جماعة ؟؟؟؟
في بلادنا كل شئ جايز .. ارسل الجماعة (رئيس) البلاد (خفيه) داخل طائرة تأجير لحضور مناسبة في بلد آخر .


تعيش تشوف ..


ردود على ابوقنبور
United States [بكري الصائغ] 11-17-2013 06:49 PM
أخوي الحبيب،
عماد عثمان - جدة،
(أ)
سلامي الحار، وسعدت بالزيارة وبالتعليق الجميل.
(ب)-
وابث تعليق كتبه اأخ ابوقنبور وشارك به في موضوع اخر جاء بموقع "الركوبة" الموقر تحت عنوان:( سفارة السودان : السعودية إعتذرت عن إستقبال إشراقة)...

ابوقنبور:
الوزيرة ما خسرانة ، اتسّوقت وإتبضّعت وشالت الهدايا ، وإتفسحّت ، ومشت (عمرة) .. مجاااااااااناً...الزيارات تقوم بتنسيقها السفارة والوزارة قبل تحرّك المسؤل وليس بعد وصوله ، ولا انا غلطان يا جماعة ؟؟؟؟ في بلادنا كل شئ جايز .. ارسل الجماعة (رئيس) البلاد (خفيه) داخل طائرة تأجير لحضور مناسبة في بلد آخر.
تعيش تشوف ..

[omer] 11-17-2013 09:17 AM
وما تنسى الوزيره حصلت لها سفريه وبدل سفريه قبل الاطاحة بها فى التغير الوزيرى الجديد


#828409 [موسى عثمان]
5.00/5 (1 صوت)

11-17-2013 12:07 AM
الدنيا دوارة كم سوداني عمل علاقة غير شريفة مع الخدم في الغربة

من( هنديات - فلبينيات - حبشيات وووووووو نفس الطريقة مصير

السودانيات حتكون في السعودية ) الله يستر الحقوا بناتكم بسرعة74


ردود على موسى عثمان
[امبده اميدة] 11-17-2013 02:50 AM
يا موسى عثمان أعقل وقول بسم الله ، فأل الله ولا فألك . هذا الكلام لا يأتي إلا من نفس مريضة تعاني من مركب نقص حاد في الشرف والاخلاق . با أخي قول خيراً أو أصمت . عالم جاهل ومريض عافانا الله وحفظنا من كل شر .


#828403 [عود القذافي]
5.00/5 (1 صوت)

11-16-2013 11:55 PM
علي النعمة انا في بيتي ما استقبلك خلي السعودية


#828376 [gasim]
0.00/5 (0 صوت)

11-16-2013 11:12 PM
الخبر لم يزعجنى بقدر ما اغضبنى وانا لم انزعج لانى اعرف السودانيين الاصيلين لن يرسلو فتاه ولو بالغلط لوحدها ولكن اخشى ما اخشى ان توافق وزارتنا على هذا الطلب الرخيص والمصيبه ان يستغله من دخلو للسودان من دول الجوار والذين مسبقا استخرجو وثائق سودانيه يمكن ان يشكلو اساءه كبيره لنا فهم يحملون وثائق سودانيه بسبب الفوضى العارمه التى ضربت بلادنا والرشاوى والله يكضب الشينه
شمال وشرق ووسط وغرب كلنا دم واحد تجمعنا عزه النفس ولن نرضى ولو نموت جوع ان نترك حرماتنا تباع بريال
المراءه السودانيه رغم ما لحقها من عنت الدهر فهى الماس فلن تباع بريال او دولار


ردود على gasim
European Union [موسى عثمان] 11-20-2013 12:26 AM
أخي العزيز الا تعلم أن وصول اكثر من 500 ممرضة في الكويت

بدون ازواجهن ولسة كمان حتشوف وحتسمع يا Gasim

European Union [DR SAMI ALI] 11-17-2013 02:17 AM
انت رجل فاهم


#828363 [تينا]
0.00/5 (0 صوت)

11-16-2013 10:49 PM
أخى الفاضل ((( أمجد مى توو ))) أشكرك على كلامك الطيب وصدقت والله ومشكلتى ايى زول بسوى ليهو راس وقعر اسوى شنو طبعى كدا هسا زى ابو ((( ابو لكيلك ))) دا يقولو عليهو شنو باين عليهو عايش فى كوكب اخر قال الآسيويات عندهن قوام ههههه سبحان الله كلهن بلا استثناء قصار ولو جيت للسماحة استغفر الله بس ما بنتكلم فى خلقة ربنا الشيىء الوحيد البوافقك فيه البياض صحيح دا الشيىء الوحيد الممكن يتفوقن بيهو علينا ويااخوى بشوف نفسى فى المراية ورضيانة بيخلقتى ومبسوطة منها أصلى ما بجحد نعمة ربى على الشنا البتقولا دى الا كان فى بيتك انتا نحمد الله ما بنعرفا وكان ممكن تتكلم باسلوب احسن من الكتبتو دا شنو كل عفن وليهو شمام والله العفن دا ما شفنا الا كان عندكم انتو غايتو اضطريتونا نتكلم كلام عمرنا ما بطلع من أفواهنا شيل منك عقدة الدونية احسن ليك .


#828358 [جقرورو]
5.00/5 (1 صوت)

11-16-2013 10:33 PM
إشراقة شنو؟! رئسك ما استقبلوه يستقبلوكي إنتي


#828333 [Amjad Me too]
0.00/5 (0 صوت)

11-16-2013 09:38 PM
نفسي اعلق وماقادر احس انو الكلام طار من راسي بالجد خبر صادم ويبعث علي القلق والله نموت ونندفن تحت التراب ومااشوف سودانية تمتهن كرامتها وتشتغل خادمة والله ماتغربنا الا لاجل الاخت والام والخالة والعمة نلاقي مانلاقي من تعنت وصفاقة من بعضهم ولكننا نصبر ونكظم الغيظ لاجلهن ولأجل راحتهن وكرامتهن ونحن ليس كمن يهدر كرامته لاأجل المال. نحن نرتقب ماذا سيكون رد حكومتناالبائيسة التي جعلت منا ملطشة بين العالمين.
الفاضلة (تينا) ماتحرقي دمك واعصابك وهوني عليك والبقولو ليهو سمين يقول امين هههههه ناس ابو لكيلك ماعارفين حاجة والله... تحياتي


#828248 [تينا]
5.00/5 (1 صوت)

11-16-2013 07:04 PM
الاخوة الأفاضل ((( سمبلة وكان زمان وفاتمون ))) الشكر الجزيل لكم على التعقيب . اخوانى انها اخر المهازل وصحيح كلامكم اللوم الأكبر يقع على حكومتنا لولا عمايلا ما اتجرأ وزير العمل السعودى لهذا القرار وكمان قلتو من زمن القصة دى موجودة وبعلم أزواجهم وأهلهم والله قمة المهازل الحكومة دى موديانا ليوين ؟؟ يا أبو لكيلك أترضى لأمك أو أختك تكون ملكت يمين هنا هذا ما نسمعه عن الخادمات الاسيويات من هذا المنطلق حزنت على مصير اخواتى السودانيات وليس من منطلق حقد كما تقول والحمد لله نفسى لا تعرف الحقد أبدا والتعليقات دائما هى التى تعكس النفوس المريضة بالحقد كتعليقك عندما تقول لى مرطبه فى السعودية يا مرتاحة وباين الحكاية دى من بدرى مضايقاك واليوم وجدت لك شيىء تتنفس من خلاله الله أكبر عليك اتحسدنى فى راحتى سبحان الله والكلمة . اذا كانت فرص استقدام السودانيات أيى مهنة أخرى غير الشغالات لكنت من أوائل المشجعين لكن أن تكون المهنة شغالة هذا ما لا أرضاه لبنت بلدى من ما نسمعه عن أوضاع الشغالات هنا . أسأل الله أن يشفيك لأنك باين ممكون شديد من مرض الحقد والحسد .تحياتى واحترامى لكم اخوانى سمبلة وكان زمان وفاتمون وكلماتكم الطيبة تعكس أخلاقكم الفاضلة .


ردود على تينا
United States [زول عربي..] 11-16-2013 11:55 PM
السيده تينا افلهم من تعليقك انك تعيشين في السعودية ، ومع هذا تذكرين ان السعوديين يعاملون الشغالات كملك يمين يعني ان تعمل عبدة غيرحرة وهذا وايم الله كذب وافتراء وتعدي منك وهو ايضا استخفاف بالاخوة القراء واستغباء لهم وانتي في الواقع من ينطبق علية هذا الوصف"الغباء" فقد كانت مصادرك انك سمعتي او كما يقول الناس هنا وهذا يكفي لاقول انك انت الحاقدة للاسف بدون وعي وترددين كما الببغاء ما يقولة الناس واجزم انك لو كنت في السعودية فانت قابعة في منزلك لا تختلطين في المجتمع السوداني او حتى السعودي وان اختلطتي وسمعتي اي كلام اخذتية كحقيقة واقعة والدليل اشاعة فتح باب الاستقدام للشغالات من السودان فكاتبة المقال الاساسي كان مصدرها التويتر وكلام الناس ولم تقصر هي في مقالها الاصلي فقد ذكرت السعوديين ان السودانيين كانوا يطعمونهم ويشربونهم ويعلمونهم وكان السودانيين مثل المصريين والسوريين يبعثون المحمل للسعوطيبن الفقراء المتسولين كما ذكرت الكاتبة نقلا عن احد الكتاب السودانيبن ايضا لم تقصر الكاتبة الاصلية في تبيان قلة اصلها وسذاحة تفكيرها واحساسها بالدونية والضعف والهوان ، وانت اصبحت مثلها تماما ، ولم نسمع نحن من جهه سعودية او سودانية رسمية شيئ من هذا القبيل ، لكنها النفوس المريضة اعاذنا الله واياكم منها ...

[ابولكيلك] 11-16-2013 10:07 PM
يا بنت الناس عليكى الله اقيفى امام المراية وشوفى بى عيوتك ...ايه المقارنة بين الاسيويات والسودانيات فى الشكل والخلقة و اللون ( ابيض طبيعى من غير كريمات وحقن ) والشعر والقوام ...لا اقصد الاستهزاء ابدا ويشهد الله على ذلك ..فكل السودانيات اخواتى ولكن ارادة ومشيئة الله عز وجل ولا اعتراض على حكمه... فشكل السودانيات وهيئتهن الظاهرية أقرب للرجال منه الى النساء مهما تجملن باطنان الكريمات ...وهذه ميزة فى صالحهن بفضل الله.. فلا أعتقدأبدا ان هنالك رجل من السعودية او دول الخليج ولو كان متخلف عقليا أو حتى بيتعاطى المهلوسات سيفكر فى ان يقترب من واحدة سودانية ولو بالخطاء ..بل انهم يدعون لنا بالصبر عليكم وعلى قضاء الله ومشيئته....اللهم لا اعتراض على حكمك ...( وكل عفن ليهو شمام )..


#828191 [Elobaidi]
4.00/5 (1 صوت)

11-16-2013 06:16 PM
تمام يا طاقم السفارة من سفيرها لغفيرها، وما كان تعتذروا من اصلوا. فالوزيرة إشراقة من "المؤلفة قلوبهم" وحزبها من الأحزاب التى "توالت" ولهذا يجب أن يفهموا ويعرفوا عاقبة النفاق.

أما إن كانت الست الوزيرة من "البدريين" أو حتى من صلب التنظيم، كأخوات نسيبة؛ ونسيبة بريئة منكم براءة الذئب من دم سيدنا يوسف إبن يعقوب (عليهما السلام)... فمؤكد كان الإستقبال غير، ولا مو هيك !!!


#828189 [الخمجان]
4.98/5 (9 صوت)

11-16-2013 06:15 PM
دى الشلاقة الكتلت اشراقة


#828172 [مغيوظ]
5.00/5 (3 صوت)

11-16-2013 05:55 PM
عهد الذل والاذلال احرجتونا واهنتو ومرمطو كرامة وسمعة السودان الارض


#828154 [مشروع حضاري]
0.00/5 (0 صوت)

11-16-2013 05:25 PM
والله انتي لا تحلي ولا تربطي ولا حتى الدقير رئيسك لا يحل ولا يربط انتو عبارة عن (احزاب الجير) احزاب ملحقة بحزب المؤتمر الوطني المؤتمر الوطني عينكم عشان يجير الحيطان حقت المؤتمر الوطني ويحاول يطفى نوع من الشرعية على حكومته المغتصبةبالانقلاب والمعدلة بالانتخابات المزورة ولو كان مقتنع بالانتخابات ما كان في داعي يجبيكم اصلا طالما هو يقول انه حاصل على الاغلبية.
وقبل ما تمشي تحلي مشكلة العاملين السودانيين في دولة اجنبية شوفي العاملين السودانيين بالداخل الذين فصلهم المؤتمر الوطني من وظائفهم للصالح العام ولا قالو البيت محروس وستو تكوس .. اسي لو وزير العمل السعودي قالك يااختي حلوا مشكلة الناس الفصلتهم الحكومة تقولي شنو؟ ولا كالعيس في البيداء يقتلها الظمأ والماء فوق ظهورها محمول مش نقال


#828138 [تينا]
4.75/5 (3 صوت)

11-16-2013 05:10 PM
مقتبس من رسالة طويلة جاءتنى على الواتساب . تناقلت وكالات الأنباء خبر أن وزارة العمل السعودية فتحت باب الاستقدام للعمالة المنزلية من السودان كدولة جديدة بعد أن تعذر جلب العمالة المنزلية من 3 دول كانت تصدر العمالة للمملكة وذلك بعد الاقبال السعودى الكبيرعلى استخدام خادمات من اثيوبيا وكينيا والرواتب تتراوح بي 800 - 1000 ريال سعودى. ظل السودان يوفد للمملكة العلماء والأساتذة والآلاف من الأطباء والمهندسين والقانونين والمحاسبين والزراعيين والبياطرة والاقتصاديين وغيرهم من مختلف الكفاء التى ساهمت وتساهم فى بناء التنمية والنهضة السعودية. كان السودان يرسل للمملكة ( المحمل )وكسوة الكعبة المشرفة . حوش على دينار فى جدةمثال واحد فقط يشهد على ذلك وكان السودان يرسل للمملكة الغذاء من لحوم ومحاصيل زراعية وعسل وسمن ويوفر الماء ( ابار على )فى المدينة المنورة تشهد على ذلك .السلطات السعودية تعلم علم اليقين علم السودانيين وكفاءتهم وأخلاقهم وعزتهم وأدبهم وعطاءهم بغير حدود تعلم عبقرى الفيزياء محجوب عبيد والعلامة البروفيسور عبد الله الطيب والدكتور جعفر شيخ ادريس والاختصاصى عبد الله عشميق وغيرهم من الاف النابهين .اليوم السلطات السعودية تعلن استقدام حرائر السودان للعمل خادمات فى المنازل السعودية تلك اساءة غير مسبوقة فى علاقات البلدين. تلك اساءة لا يمسحها الا السحب العاجل والاعتذار العلنى . المرأة السودانية التى تحتل مكانا عاليا فى وجدان شعبها أصبحت انسانا بلا عزة ولا كرامة وسلعة تجارية ضئيلة القيمة وخادمة مبتذلة رخيصة يتم شحنها للتصدير تنتظرها المكانس والمكاوى وغسل الأطباق فى المنازل السعودية ( وما خفى أعظم ) وهذه من عندى. على وزارة الخارجية السودانيةاستيضاح سعادة السفير السعودى فى الخرطوم عن تلك الاهانة لشعب السودان عن ذلك الخبر الذى جرح فى الصميم كرامة كل مواطن ومواطنة سودانية . عليهم ان كانوا لا يعلمون أن الملك فهد رحمه الله كان تلميذا فى بخت الرضا بالدويم عليه أن يعلموا أن حفيدات الأبطال والعلماء والشهداء والعظماء فى كل ركن من اركان السودان. عليهم أن يعلموا أن السودانيات نخلات باسقات فى افاق العزة والكرامة والصون .خلال الاف السنين ما عرفت السودانيات خادمات وحاضنات واماء ولن يأتى يوم يفرط فيه أخوات البنات ومقنع الكاشفات وخال فاطنة والمامون على بنوت فريقو . لن يفرط السودانيون الذين هم عند عروضهم لئام وجبارين لن يفرطوا فى عزة بت ملوك النيل ليعبث بها سماسرة المتاجرة بالبشر . يلا يا حكومتنا نشوف كيف حاتتصرفى مع الموضوع دا


ردود على تينا
[تيراب] 11-16-2013 10:29 PM
قالوا الراتب 800 حتي لوفي مضروب في 2 +1000 مش عايزين مشكرين ...

United States [Fatmon] 11-16-2013 06:50 PM
مع الرقاص كلو جائز وإنشاء الله تقيف علي خدامات وبس والقال ليك منو انو ما من زمن طويل العديد من السودانيات خدامات وكمان بأقل مرتبات ومرات كمان هي وبعض أفراد أسرتها والعديد من المقيمين في جعبتهم الكثير من القصص العجيبة خدامات وحنانات

United States [كان زمان] 11-16-2013 06:16 PM
أشاركك كل كلمة غيورة و تعتصرنى الحرقة والألم و لكنني أتذكر قصة اسلام سيدنا عمر رضي الله عنه.
و ليس لناأدني حق في عتاب الإخوة السعوديين و لنا كل الحق في مساءلة من فتح أبواب الوطن لتصدير عاملات المنازل و من أدخل الناس في هذه الغيبوبة و أغرق الناس في لجة الضياح حتى صاروا يتشبثون بكل شيئ.

لك كل التقدير

United States [ابولكيلك] 11-16-2013 06:03 PM
وايه المانع انها تشتغل ( شغالة وخدامة ) فى المنازل ؟؟ مش أحسن من تبيع شاى على قارعة الطريق فى بلدها ويطاردوها ناس الكشة والمحلية ويغتصبها العساكر ( بتاعين بلدها) فى نص النهار ..((راجعى مئات المقالات بهذا الخصوص فى صحيفة الراكوبة )) ...الكيزان احتكروا الوظائف لمنسوبيهم فقط وضيقوا على بقية الناس ...لذلك هى فرصة لكل ستات الشاى وبائعات العرقى وبائعات الهوى ( ******** ) انهم يتخارجوا من السودان ويتحصلوا على فيزا بمسمى ( عاملة منزلية ) ..على الاقل حايستلموا رواتبهم بالعملة الصعبة وينفعوا نفسهم واهلهم ....ويرطبوا ويرتاحوا زيك كده فى السعودية يا مرتاحة ..ام انك حاقدة بس زى الكيزان وما عايزة رحمة الله تنزل على الناس ؟؟

United States [سمبلة] 11-16-2013 05:38 PM
يا ست تينا العيب ما في السعودية العيب فينا نحن اللي رخصنا روحنا ، هل تعلمي ان يوجد عدد كبير من المغتربين السودانيين في المملكة يدخلوا زوجاتهم الي المملكة كعاملات منزليات، لم ارغب في قول غالبية حتي لا اهاجم ولكن اعرف عدد كبير وكبير جدا منهم يفعلوا ذلك .


#828135 [عبدالله]
4.00/5 (3 صوت)

11-16-2013 05:05 PM
عاملة كده ذى الدجاجة الحاضنة ليها بيض - السعودية ما بتستقبل حريم - مفهوم يابلهاء ؟


#828133 [ساب البلد]
0.00/5 (0 صوت)

11-16-2013 05:05 PM
من لم يتعظ ب (ارجع ترجع مكلبش) فلا واعظ له ههههههههههههههه


#828126 [ابو محمد]
4.00/5 (1 صوت)

11-16-2013 04:59 PM
منقول (كتبت ابتسام الزاكى) - استقدام عمالة منزلية (خدم) من السودان- لابد من وقفة قويةلعدم حدوث مثل هذه الكارثة التى يخطط لها اخوان الشيطان فهى تمس عرض كل سودانى شريف . الى المقال:-

تناقلت وكالات الأنباء خبر أن وزارة العمل السعودية فتحت باب الإستقدام للعمالة المنزلية من السودان، كدولة جديدة، بعد أن تعذَّر جلب العمالة المنزلية من (3) دول، كانت تصدِّر خادمات إلى السعودية. وذلك بعد الإقبال السعودي الكبير على استخدام خادمات من أثيوبيا وكينيا. وأضاف الخبر أن رواتب الخادمات المنزليات تتراوح بين 800-1000 ريال سعودي.
ظلّ السّودان منذ إعلان المملكة العربية السّعودية يوفد إلى المملكة السعودية العلماء والأساتذة في كلّ المراحل من مرحلة الأساس إلى الجامعات فيرفع من جهالات السعوديين ويعلمّهم حتي اللغة العربية. لم يشهد السودان أستاذ لغة عربية واحد جاء من السعودية إلى السودان لتعليم السودان اللغة العربية. بل العكس صحيح. ظل الأساتذة السودانيون يعلِّمون السعوديين اللغة العربية في المدارس السعودية في الحجاز (المنطقة الغربية) ونجد (المنطقة الوسطى) و (المنطقة الشرقية). لم توفد السعودية إلى السودان طوال تاريخها طبيباً أو مهندساً أو زراعياً أو بيطرياً أو أستاذاً جامعياً ، بينما ظلّ السودان منذ قيام المملكة السعودية يوفد إلى السعودية الآلاف من الأطباء والمهندسين والقانونيين والمحاسبين والزراعيين والبياطرة والإقتصاديين وغيرهم من مختلف الكفاءات التي ساهمت وتساهم في بناء التنمية والنهضة السعوديّة. كان السودان يرسل إلى السعودية (المحمل) وكسوة الكعبة المشرفة. حوش علي دينار في (جدَّة) مثال واحد فقط يشهد علي ذلك. كان السودان يرسل إلى السعودية الغذاء واللحوم والمحاصيل الزراعية والعسل والسَّمن. يرسل حتى حملات مكافحة الجراد الصحراوي. كان السودان يوفِّر الماء للسعودية. (آبار عليَّ) في المدينة المنورة تشهد على ذلك. السلطات السعوديَّة تعلم علم اليقين عِلم السودانيين وكفاءتهم وأخلاقهم وعزتهم وأدبهم وعطائهم بغير حدود. تعلم عبقري الفيزياء محجوب عبيد والعلامة البروفيسور عبد الله الطيب والدكتور جعفر شيخ ادريس والدكتورة سعاد الفاتح واختصاصي جراحة القلب عبد الله عشميق، وغيرهم من آلاف النابهين. لقد كتب مؤرخ السودان الجليل محمد صالح ضرار في كتابه (تاريخ سواكن) أن السعوديين كانوا في ستينات القرن التاسع عشر متسوِّلين شوارع مدينة سواكن. لكن السودان خفض لهم جناح الذل من الرحمة فآواهم وساواهم بمواطنيه، ليصبحوامن بعد من أصحاب الأموال. غير أن تلك السلطات السعودية اليوم آثرت أن تعض اليد السودانية التي امتدت إليها بالإحسان، لتعلن استقدام حرائر السودان للعمل خادمات في المنازل السعودية. تلك إساءة غير مسبوقة في علاقات البلدين. تلك إساءة لا يمسحها إلا السَّحب العاجل والإعتذار العلنيّ. المرأة السودانية التي تحتل مكاناً عالياً في وجدان شعبها، أصبحت في نظر السلطات السعودية إنسانا بلا عزة ولا كرامة، وسلعة تجارية ضئيلة القيمة وخادمة مبتذلة رخيصة يتَّم شحنها للتصدير، تنتظرها المكانس و (المكاوي) وغسل الأطباق في المنازل السعودية. لقد قتل الفارس الشاعر عمرو بن كلثوم الملك عمرو بن هند عندما (استقدم) أم ابن كلثوم، لتعمل خادمة عند أمه.على وزارة الخارجية السّودانية استيضاح سعادة السفير السعودي في الخرطوم سعادة السيد/ فيصل معلا عن تلك الإهانة السعودية لشعب السودان، عن ذلك الخبر الذي جرح في الصمّيم كرامة كل مواطن ومواطنة سودانية. خبر أن وزارة العمل السعودية فتحت باب استقدام حرائر السودان للعمل خادمات في المنازل السعودية. واضح أن وزير العمل السعودي من نسل أولئك الذين هم أشدّ كفراً ونفاقاً، من نسل هؤلاء الأعراب الذين حملهم حمار النوم من الحقب الصحراوية السحيقة إلى القرن الواحد والعشرين، هؤلاء الأعراب إن كانوا لا يعلمون أن الملك فهد كان تلميذاً في المدارس السودانية في بخت الرضا بـ(الدويم)، عليهم أن يعلموا أن حفيدات المك نمر، حفيدات الملكة أماني شاخيت (الكنداكة)، حفيدات الأبطال والعلماء والشهداء والعظماء في كل ركن من أركان السودان، حفيدات مهيرة بنت عبود، حفيدات (بنات جابر)، حفيدات (شغبة المرغومابية)، حفيدات (بت مسيمس)، على هؤلاء الأعراب أن يعلموا أنَّ السودانيات، نخلات باسقات في آفاق العزّة والكرامة والصَّون. خلال آلاف السنين ما عُرفت السودانيات خادمات وحاضنات وإماء. ولن يأتي يوم يفرِّط فيه (أخوان البنات) و (مقنع الكاشفات) و (خال فاطنة) و (المأمون على بنوت فريقه) ،لن يفرط السودانيّون الذين هم عند عروضهم (لئام وجبَّارين)، لن يفرطوا في عزَّة (بت ملوك النيل) ليعبث بها سماسرة المتاجرة بالبشرمن أمثال وزير العمل السعودي. لو قبض الشعب السوداني اليوم على هذا الوزير الجبان، الذي أصدر ذلك القرار المهين، قرار استقدام حرائر للعمل خادمات في البيوت السعودية،لو قبض عليه لألبسه (رحطاً) و (بلوزة) و (سكيرت) و (توباً) ولرقَّصه في الميادين العامة، قبل أن يرسله إلى بيت أمه. لأن هذا القرار المعيب الذي يسيء إلى السودانيين، لا يصدره في حق السودانيين، شعب العزة والرجولة والكرامة، إلا اشباه الرجال.


#828116 [القعقاع الفي القاع]
5.00/5 (3 صوت)

11-16-2013 04:44 PM
بالله رفضوا يستقبلو إشراقة؟ أها الفراش و بيت البكا وين ؟؟ تستاهلي و الله يا بتاعت " ذهاب البشير معناهو ذهاب الحضارة" أها يلا السعوديين وروك يعني شنو طردة البشير و يعني شنو طردتك يللا بالله أمشي إشتكي للسفاح


#828086 [رانيا]
5.00/5 (8 صوت)

11-16-2013 04:04 PM
مافي مخ . . هم ما إستقبلوا رئيسك حيستقبلوكى انتى? ياجماعة افهموا وما تبقوا لواييق الناس دى ماعايزاكم . .


#828076 [جنوبي]
4.99/5 (9 صوت)

11-16-2013 03:51 PM
هسي فييييييي ذمتك دي يا اشراقة كان مشيتي تعزي جيرانك بعد ستة شهور من العزاء في واحدة فيهن بتبكي معاكي ؟ انتي كنتي وين من بداية المهلة ليه ما جيتي نسقت معاهم ؟
سفيه السودان بالرياض يومتا لما سألوهو عن الدولة حتعمل شنو مع العائدين ؟ قال : والدولة مالا ومالهم مش براهم طلعوا من السودان ؟
بالله ده سفير ده ولا سفيه ..!
عجتني يتهم اساتذة بجامعة الخرطوم دي !! يعني الادارة ما عندها مانع ولا كيف يعني ؟


#828051 [محمد عبد المجيد]
1.00/5 (1 صوت)

11-16-2013 03:15 PM
عفوا وعذرا .. ما حدث شئ طبيعي جدا جدا .. وتحصل كثير بين الدول .. فأرجو ثم أرجو لا تخلطوا العسل بالبصل ,, والجرجير بالمناكبر .. فاذا كنتم كذلك فعليكم السلام ورحمة الله وبركاته ..


#828049 [الصلاحابي]
4.50/5 (2 صوت)

11-16-2013 03:14 PM
بخصوص القبول بجامعة الخرطوم لازم يتم تقيمها من جديد
هنالك ظلم لطلاب الشهادة السودانية بسبب قبول الشهادات الغير سودانية بمعيار ظالم واكبر مثال انو طالب الشهادة السودانية الحاصل على 91% لا يستطيع دخول كلية الطب جامعة الخرطوم
ونفس الطالب لو جلس لامتحان الشهة العربية والقدرات يحرز الاول
ناهيك عن الفرص الممونحة للقبول الخاص


ردود على الصلاحابي
United States [الصوت] 11-16-2013 10:39 PM
انت قديم يا اخوي .... انا شخصيا اعرف طالب ابن صديق لنا درجاته في اختبارات القدرات والتحصيلي
كانت متدنية مما حرمه من دخول الكلية التي يريدها في السودان ..اعاد السنة بالسودان .. وعلى الرغم من انه ولاول مرة في حياته يمسك كتاب مدرسي سوداني فهو الان بطب الخرطوم وعلى وشك التخرج

United States [ابكر] 11-16-2013 07:24 PM
هسع ناس نافع و علي عثمان الخربوا السودان شهادة عربية و لا سودانية

[ابو محمد] 11-16-2013 04:29 PM
دا كان زمان دى الوقت خريج الثانوى لايستطيع التحدث والكتابة باللغة العربية دعك من الانجليزية مع العلم ان مناهج ومقررات الشهادة العربية تفوق في جودتها وتطورها المناهج بالسودان بمئات السنين الضوئية.والسمعة التى اكتسبها التعليم في السودان انتهت وحاولوا اصلاح ما تم تخريبه لان الدنيا ماشة لى قدم ونحن ماشين لى ورا بمقارنات غير منطقية


#828041 [عنقالي]
5.00/5 (1 صوت)

11-16-2013 03:06 PM
"وأقر سفير السودان بالرياض بصعوبة تقديم رقم حقيقي لغير المقيمين، "
بكل بساطة من نظام المغادرة في الخرطوم والميناء البحري عدد الذين سافروا سوءا عمرة أو زيارة ولكن غير موجودين في نظام العودة أو الدخول. معقولة دي صعبة يا سعادة السفير الهمام!!!!


ردود على عنقالي
United States [سمبلة] 11-16-2013 05:43 PM
مش كده عليك الله يا عنقالي وتقول من قلة الكتابة عملوا ليهم ترابيزة بعد جوازات الدخول عشان يكتبوا تاني ،، بتكتبوا في شنو الله يكتبكم مع الاموات ،
دايرين زول يورينا الناس البكتبوا بعد جوازات الدخول ديل تبع منو وبكتبوا في شنو هو مش ختم الدخول وانزاله في الكمبيوتر كفاية ولا هنا كمان بيشكوا في بعض وخايفين زول يدخل يوريهم نجوم الظهر


#828032 [السنجاوي]
5.00/5 (3 صوت)

11-16-2013 03:01 PM
الفهم قسم يعني ده وقت زيارة ؟؟؟
ياخ الواحد لمن أكون عايز أزور واحد في بيته بتحين الفرصة المناسبة
فما بالك بزيارة عمل ؟؟
إن شاء الله أكون استوعبتوا الدرس؟؟


ردود على السنجاوي
United States [جدودنا زمان] 11-16-2013 04:42 PM
اجابة واعية و في مكانها يا سنجاوي
شكرا لك


#828009 [تينا]
4.00/5 (3 صوت)

11-16-2013 02:40 PM
أوعا تكونى جاية ليموضوع استقدام الشغالات السودانيات بركة الاعتذروا ليكى . يا ويلكم لو فتحتوا لينا موضوع استقدام الشغالات دا ساعتها حتكون نهايتكم الحتمية كفانا ذل ومهانة اخرتا خدم برا السودان ؟؟


#827998 [عثمان]
0.00/5 (0 صوت)

11-16-2013 02:24 PM
رجعت السودان ولا كلمة ما قالتها وقالوا زعلانة حردت الغداء . بي يالطيف حنسوها شربت ليها فنجان جبنة .


#827988 [عنبر عمر الطيب]
5.00/5 (2 صوت)

11-16-2013 02:14 PM
هنالك كليات طب في الاقاليم ممكن تستوعب ابناء العائدين من السعودية ولكن في ( الجميلة ومستحيلة ) لا والف لا .


ردود على عنبر عمر الطيب
United States [عصام] 11-16-2013 04:07 PM
أيها المتخلف .. إذا كانت الجامعة دي حقت أبوك تعال أمنع أبناؤنا ...
أولاً أفهم الكلام جيداً ...القبول للطلاب المتميزين وليس للعائدين فقط
وحتي العائدين لماذا لايشملهم القبول ..ولا الجامعة دي مفتوحة للعرب المهجرين فقط !!
للعلم هنا في جامعاتنا من دخل بالواسطة وإستمر في الدراسة رغم رسوبه لأنه مؤتمر وطني
رأسك مالك تطلع في كتيبه جهاديه مع أهبل الجزيره ومضيع مواطنيها..حتي تنظف موادك وتعود متسخاً بالذنوب نظيفاً علي الورق ...حسبي الله ونعم الوكيل
(قال جميلة ومستحيلة) قوم لف ..

[كاك] 11-16-2013 03:36 PM
ضحكتني بالجملية مستحلية انت عايش في ياتو قرن دي الخرابة والقرافة هل تعلم انو كلية الطب بها 25% من المقاعد قبول خاس بصرف النظر عن النتيجة وتقول مستحيلة عند فلوس الجملية والمستحيلة تحت الجزمة

United States [مهاجر] 11-16-2013 03:27 PM
المستوي هومن يحدد . اين يدرس الطالب واعطوهم فرصة ياماحاتري عباقرة .


#827986 [عثمان]
5.00/5 (5 صوت)

11-16-2013 02:12 PM
مسكينة كرشوها وما عبروها شوفوها زعلانة كيف . ام كضيمات .


#827976 [الصليحابي]
5.00/5 (7 صوت)

11-16-2013 02:01 PM
تستاهلوا أكتر من كدا ، إن شاء الله تلقو دائما مثل هذا الذل والمهانة ، كما أذليتوا الشعب السوداني الغلبان واهنتوه . يا حرامية يا تجار الدين يا قتلة يا كضابين ..


ردود على الصليحابي
United States [ابونديبو] 11-16-2013 05:24 PM
التعليق حلو بس جاء بقلم واحد للأسف (صليحابي)

United States [الغريب] 11-16-2013 02:34 PM
تستاهلوا أكتر من كدا ، إن شاء الله تلقو دائما مثل هذا الذل والمهانة ، كما أذليتوا الشعب السوداني الغلبان واهنتوه . يا حرامية يا تجار الدين يا قتلة يا كضابين ..

أحلى تعليق !!


#827975 [abusafarouq]
5.00/5 (6 صوت)

11-16-2013 02:00 PM
عنترية فى الفاضى من المدعو كرار التهامى من متى كنت حريص على مصلحة المغترب كل عمرك فى جهاز المغتربين لاتنظر الا جيب المغترب خم بعد الان مغتربين وترحلو من أين لك الجبايات أحسن مشو السودان وأستراحو من ظلمك وظلم الكفيل وظل الكفيل أخف من ظلم التهامى البدفع أجبارى وغصب.


#827968 [عصمتووف]
5.00/5 (3 صوت)

11-16-2013 01:54 PM
انتي ما هينة لكن هوينة في نظرهم لو كان وزيرا اندونيسي وباكستاني ولا فلبيني لتم استقبالة خاصة لو كان وزيرا غربيا مع انني لم اسمع لحتي الان بوزير عمل او ثقافة غربي لا يوجد عمل لدينا وزيران وزير لا توجد ثقافة واعلام لدينا وزارء ليس لدينا كورة في وزير شباب كيف المفارغات لو تعلمون نحن في حوجة لوزارة تعاون كما كانت في عهد نميري


#827951 [عزة]
5.00/5 (3 صوت)

11-16-2013 01:36 PM
السعودييين ما فاضيين للخرابيط دى
دايرين تمشوا عدل فكوا درب ايران والشيعة
سودانى غيور


ردود على عزة
United States [taluba] 11-16-2013 04:58 PM
ماهو الفرق بين الشيعه والسنه؟ كلهم من بني ادم ومؤمنون بالله سبحانه وتعالي.

United States [مهاجر] 11-16-2013 03:28 PM
التقرب لايران والشيعة من اكبر مساوي الانقاذ.


#827945 [دي مش العينت اخوها مدير لمكتبها]
5.00/5 (10 صوت)

11-16-2013 01:33 PM
تكون عايزة تمشي باب شريف تشتري الملايات والتياب ...
لا خلقة ولا اخلاق
السعوديين ديل ركبوا ليكم وش القرد افهموها وما تحرجونا مع الناس ...
بشة مش جابوا بالكشة انتي الموديك شنو تاني تتلصقي


ردود على دي مش العينت اخوها مدير لمكتبها
United States [quickly] 11-16-2013 08:37 PM
والله ركبو ليهم وش كلب عديييل ,,,,,زي ما قلتا باب شريف تبضع وتستف الشنط وتعمل ليها عمرة بقروش السحت وترجع

United States [ابونديبو] 11-16-2013 05:26 PM
ما تكضب ياخ بشة جابوه لأنو كتر من أكل الكبسة بالرز وغلبو الجري عشان كده جابوه راجع...

United States [الماعاجبو العجب ولا....] 11-16-2013 03:12 PM
العاقل من أتعظ برئيسه !(أرجو أن تقرأ بالسودانى مش بالمصرى يا أولاد الهرمة. )



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة