محطات ملونة
محطات ملونة


11-16-2013 11:09 PM
*قال الأستاذ القدير بابكر الصديق منتج برنامج نجوم الغد بالنيل «لا أشجع أنصاف المواهب على الظهور في البرنامج» وهذا كلام صحيح، وبرنامج نجوم الغد خرّج 18 دفعة لم نسمع فيهم واحد ضعيف وغير قادر على العطاء حتى في التصفيات الأولى والبرنامج خرج نجوماً متلألأة في سماء الأغنية السودانية، واستطاع بابكر الصديق أن يشحن الشباب بالمفهوم الجيد للغناء ويدربهم على الموسيقى والأداء الصحيح وسلامة الصوت عبر عازفين متخصصين.التعامل الراقي الذي تعامل به بابكر الصديق مع الفنانة الصغيرة فهيمة يؤكد أنه مربي ويتعامل مع الأمور بصورة صحيحة وليس بردود الأفعال.
*لحق الأهلي مدني بالموردة وخرجت الفرق العريقة من دائرة الضؤ وقفز أهلي عطبرة رغم قلة الأمكانات ومريخ الفاشر لدائرة الضوء لأن الكرة لا تعرف الأسماء بل تتعامل بالأداء في الملعب والإصرار نحو بلوغ الهدف..والي الجزيرة سبباً في هبوط الأهلي العريق وكان سابقاً سيد الأتيام وحالياً سيد الأطيان من الآن أصر على أن يلعب المريخ العريق في الطين والوحل مجاملة للهلال وإصابته لعنه المريخ ومشكلته قابل المريخ في نهاية المطاف.
*الهلالاب يتباكون على هبوط الموردة أكثر من أهل الموردة وعوضية سمك وحنان ترك..
لأن الموردة كانت صديقة للهلال تفتح شباكها له بمناسبة وبدون مناسبة حتى في عهدها الذهبي..عمر بخيت طالب الرئاسة بالتدخل في هبوط الموردة ولم يقل أهلي مدني وأهل الهلال يتعاملون بالفوضى لأن الرئاسة لا تتدخل في قوانين الكرة والموردة هبوطها شأن يخصهم والهلالاب هزموا الموردة بالحكم ولم يحتج لاعبو الموردة ولا جهازهم الفني.
* الهلال سيلاقي جلاده أهلي شندي في المحطة الأخيرة والمريخ سيلاقي مريخ الفاشر القوي والمحترم وعندما فشل الهلالاب في عبور المريخ للمركز الأول حرشوا إدارة أهلي مدني لشكوى المريخ في أكرم بإعتباره تحرش بلاعبي نيل الحصاحيصا، وهذا الأمر سيضحك لاعبو الأهلي في إدارتهم إن أقدمت على هذه الشكوى الغريبة..أكرم لم يطرده الحكم ولم ينذره والشجار بعد نهاية المباراة ولا علاقة للحكم به فكيف يكسب الأهلي هذه النكتة البايخة.وعلى إدارة الأهلي ان تستمر في فراش العزاء وتستقبل المعزين والكشف أفضل أن لا يضيعوه في شكوى فالصو وإذا كانوا يملكون مصاريف الشكوى ما كان سينهزموا 6 صفر من الهلال المهلهل.
*إعلام الهلال قال الإدارة تحتاج لمبلغ 12 مليار جنيه لمقابلة التسجيلات القادمة ومن سيدفع هذا المبلغ الله أعلم !!
هذا المبلغ يمكن أن يدفعه سلك في المريخ ؛لذلك اللاعب العاقل لا يمكن أن يذهب للهلال والتسجيلات السابقة أموالها لم تدفع بعد، والكل حردان ولاعبو المريخ استثمروها ودرَّت ارباحاً طائلة ..حدي يشعر بالسعادة يمشي يختار الهلال؟!

الوطن


تعليقات 12 | إهداء 0 | زيارات 5991

التعليقات
#829606 [مافى داعى]
0.00/5 (0 صوت)

11-18-2013 04:20 AM
يا عادل انته فايتة فيك رضعة وناقص كالسيوم عرفناك امل دى مالة


#829233 [basha]
0.00/5 (0 صوت)

11-17-2013 06:45 PM
موضوع ميه الميه بس الهلالاب ديل يراحه عليهم ديل برضو اخوانا.
36


#829187 [مجنون]
0.00/5 (0 صوت)

11-17-2013 05:45 PM
و الله يا احمد المك خسارة ,,


#828787 [abu khaled]
0.00/5 (0 صوت)

11-17-2013 11:41 AM
هذه السندريلا شاهدت لها لقاء وهي عندها مشكلة في النطق فكيف تغني وياحليل الفن السوداني وياحليل عشة الفلاتية وام بلينة وفاطمة الحاج ويا حليل السودان كله


ردود على abu khaled
United States [جركان فاضى] 11-18-2013 10:27 AM
ما ياسر تمتام كانت مشكلته اكبر فى النطق وهو حاليا من افضل الفنانين


#828754 [عبداللطيف]
4.00/5 (1 صوت)

11-17-2013 11:19 AM
ده شنو الشتل ده ياناس الراكوبه مين اسم الكاتب بعدين الاخبار الهايفه دى الناس تستفيد منها شنو


#828745 [عباس]
0.00/5 (0 صوت)

11-17-2013 11:15 AM
قبل ايام كتب وراق عن مباراة المريخ والنيل وماصاحبها من اشاعات فرحتم وهللتم .اليوم بقى كلام ركيك .اثبتوا ايها الصفراب .


#828678 [عادل]
0.00/5 (0 صوت)

11-17-2013 10:33 AM
انا بحب حلة كوكو جدا جدا جدا ( فهمتوا حاجه من كلامي ؟ )


ردود على عادل
United States [؟] 11-18-2013 12:17 AM
شنو يا عادل ويا امل... مافهمنا حاجة شنو انت تجدع باص وهي ترجع ليك الحاصل شنو؟؟ حرقتوا روحنا بلعزكم دا وموافقة وانت بتسأل من رأيها الحاصل شنو... نجيب المأذون ونجي ولا انا مسطح لسه

[امل] 11-17-2013 05:20 PM
مواااااااافقة هههههههههههه

European Union [بيكانتو] 11-17-2013 02:51 PM
حله كوكو و جبل اولياء

[عبدو] 11-17-2013 01:13 PM
انت مسخرة...........اما بخصوص السندريلا كما سماها الاخ فقد وصف صوتها احد النقاد بانه كالستارة
الشايلا الهواء.

United States [عادل] 11-17-2013 01:03 PM
طيب رايك شنو يا أمل ؟؟؟

United States [امل] 11-17-2013 12:04 PM
انا فهمتك يا شقي هههههههاي


#828655 [كاكا]
5.00/5 (1 صوت)

11-17-2013 10:17 AM
ما سام الكاتب، فكتباته قمة السذاجة والتفاهة والسطحية ،، :ل عيش على حساب الهبل ،، غايتو ،، قال صحفي قال.. أستغفر الله..


#828634 [محمد مطر]
0.00/5 (0 صوت)

11-17-2013 10:03 AM
ده موضوع فني ولاكورة مافاهم اى حاجة


ردود على محمد مطر
United States [جعفر النميري] 11-17-2013 03:54 PM
يا خوي دي وضعنا بقى كده لازم نتشايَل ونشيل في المُخلاية أكثر من حاجة لأنه ناس الانقاذ ما خلٌّوا فيها حاجة ولازم نوفِّر المساحات!! فعلاً كلام غريب من موضوع بابكر صديق إلى هبوط موردة (عوضية)وأهلي (سنطة) وربك يستر من هبوط الدورة الدموية.. ولسع ح تشوف أكثر من الـ7 عجائب ..


#828596 [ابو ياسمين]
5.00/5 (1 صوت)

11-17-2013 09:40 AM
كلام فاضي وموضوع ركيك ويفتقدالكثير


#828585 [كمال الشناوي]
0.00/5 (0 صوت)

11-17-2013 09:31 AM
والله انهيار الكورة في مدني جزء لايتجزأ من الانهيار الكامل للسودان يعني شنو لو هبطت الموردة والاهلي مدني والسودان كلو هابط واذا كان رئيس الدولة بقر على قتل المتظاهرين من الاطفال والنساء عشان طالبوا بالتغير الاتي قريبا والله ياناس الكورة قمة الانصرافية وكمان رئيس الاتحادبتاعكم معتصم جعفر والمالي اسامه عطا المنان الحرامي الكبير والله يا عمر بخيبت انا قائلك لاعب كورة فهمان ومثقف لكن طلعت ماسوره كبيرة يا إنصرافي


#828536 [زرياب]
0.00/5 (0 صوت)

11-17-2013 08:48 AM
مع الأسف الشديد أهدرت وقتي في قراءة موضوع **** لا يرقي لمستوي قارئ (واعي ) لأن الهلال والمريخ هما قطبي الكرة السودانية واختلال الموازين في أي منهما هو تدهور للكرة السودانية أكثر مما هي عليه الآن والسبب صحافة لا ترقي لمستوي الحدث وكتاب يكتبون كل بقيمة ما يناله من ......؟؟؟؟
صحيفة الوطن وعمنا الراحل المقيم سيد أحمد الخليفة كانت صحيفة لها مجدها وتاريخها ... ولكن برحيله تغيرت المفاهيم والرؤي للصحيفة.. حتي الكتاب اشعر بأنهم يسعون وراء ( الظروف ) للكتابة عن الفريق الخصم وهم كثر في صحافة السودان .. وحقيقة هبوط الموردة كان مؤلماً لان الموردة فريق من فرق المقدمة ولسنوات طوال .. لكن الكرة تعطي لمن يبذل الجهد والعرق ...
بالمناسبة ما صحة ما يتداوله الناس عن فيتامين سي استاد الحصاحيصا.... وادارة اتحاد الكرة بالحصاحيصا لم نسمع لها صوتاً ويقال انهم مريخاب ... أفتينا أيها الصحفي الهمام عن هذا الأمر لأن الأمر يخص المريخ الكيان والفريق العريق بقياداتها علي الأقل السابقة بدل أن تكتب عن قوة مريخ الفاشر ( ولا نقصد التقليل من شأنهم) (والمريخ سيلاقي مريخ الفاشر القوي والمحترم ) ماذا نفهم من هذه العبارة ...
علي العموم ارجو أن يرتقي كتابنا لما هو مفيد للكرة السودانية وأن يتركوا القيل والقال للحريم... ويكتبوا عن كل ما هو مفيد للكرة السودانية وأن يبعدوا عن إرضاء إدارات الأندية علي حساب القيم والمثل العليا للرياضة ولأندية القمة التي أوشكت أن تكون أندية غُمّة.. دون النظر في زيادة توزيع الصحيفة علي حساب المثل والقيم ... لأن الصدق وحده هو من يزيد توزيع الصحف .... وبالله التوفيق.....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة