الأخبار
منوعات سودانية
السمسار التجاني: الصحف الإعلانية تأثيرها بسيط علينا.. الناس أصبحوا يحفظون أموالهم بالعقارات بدل الذهب والسيارات،
السمسار التجاني: الصحف الإعلانية تأثيرها بسيط علينا.. الناس أصبحوا يحفظون أموالهم بالعقارات بدل الذهب والسيارات،
السمسار التجاني: الصحف الإعلانية تأثيرها بسيط علينا.. الناس أصبحوا يحفظون أموالهم بالعقارات بدل الذهب والسيارات،


تتراوح قطعة الارض في الشوارع الرئيسية والأراضي الاستثمارية بالازهري بين (مليار) إلى (مليار و700 جنيه)
11-18-2013 12:16 AM
رباب محمود

بلا مقدّمات؛ السماسرة بيضللوا في الأسعار؟

- كل زول وأخلاقو.. والناس الكعبين موجودين في كلّ المهن، ومهنة السمسرة يعمل فيها كثير من فئات المجتمع، ومن خريجي الجامعات، وأصبحت بالنسبة لبعضهم استثمارا.. بعض التجار دخلوا في تجارة العقارات لأن كثيرا من الناس أصبحوا يحفظون أموالهم بالعقارات بدل الذهب والسيارات، لأن أسعار العقارات في ارتفاع مستمر.

* نشوف بالأرقام لو ممكن؟

- مثلا منطقة الأزهري قطعة الأرض في التسعينيات كان سعرها يتراوح بين (400) إلى (900) ألف جنيه.. الآن أقل سعر لقطعة أرض درجة ثالثة (300) متر بمنطقة المرابيع الشرقية -(10)، (11)، (15)، (16)- يبلغ سعرها (400) مليون جنيه، أما مربعات (24)، (25) فأسعارها تتراوح بين (330)، إلى (450) مليون جنيه وتختلف أسعار القطع بالشوارع الرئيسية والأراضي الاستثمارية التي تتراوح بين (مليار) إلى (مليار و700)، أما قطع الأراضي المميّزة درجة أولى بالأزهري مربّع واحد فمن (800) إلى مليار، وبالنسبة لي...

* العمولة كيف؟

- عمولة السمسار بصورة عامة 5%، لكنه يأخذ دائما 2% مهما كانت قيمة المبلغ.

* طيب الصحف الإعلانية كيف مع شغلكم؟

- ممكن تكون أثرت، لكن تأثيرها لا يذكر، لأن أي زول يريد شراء عقار لابد أن يكون هناك ضامن للتاكد من ان الشخص الذي يريد الشراء منه يملك المنزل، والأوراق الثبوتية غير مزورة، عشان كدة السمسار تكون له معرفة بالمشتري أو صاحب العرض.. نحنا بتجينا عروض مرات ما بنشتغلا إذا ما عندنا خلفية عن الشخص، لذلك دائماً بنشتري من زول عندنا معاهو معرفة وتعامل، وأيضا معرفة مكان المشتري

اليوم التالي


تعليقات 13 | إهداء 0 | زيارات 7891

التعليقات
#831785 [منصور محمد صالح محمد صالح]
0.00/5 (0 صوت)

11-19-2013 05:09 PM
الأخت الفاضلة ،أتينا ،،والله انتي حقاً فاضلة ،مشكورا جداً لهذا التعليق ،بس دا كتير علينا جدا،،بس والله انتي أصيلة وبنت بلد وفيكي الصفات السودانية الأصيلة ،،شكرًا لجميع الأخوة المعلقين وأولهم الذين اتهموني بقبض الثمن !!!خاصة من اسمي الرباعي،،،عموما يجب التوضيح للأخوة المعلقين ،ليس كل من كتب اوعلق فهو مع او ضد،،يوجد هنا الكثير من الناس يعيشون من قبل ان يغادر البشير من حوش بإنقا الي الخرطوم !!!يعيشون في بلاد الغربة وحينما سمعو بثورة الإنقاذ ،،اعتقدو فعلا أتت لإنقاذ البلاد من الطائفية ،،مازال هولاء يدافعون عن الحكومة ،،من الصعب إقناع هولاء ،،!!!بعض المعلقين يسلقون الناس بالسنة حداد ،،،عندما قلت البشير رجل زاهد ولا يملك من حطام الدنيا الا دابته ومسكنه !!؟ رد علي احد المعلقين بقوله ،،،ومال كافوري دي بتاعت أبوك؟؟؟؟!!!!!!!!!!ضحكت كثيرا لتعليقه،،،وآخر قال لي يا منافق يانفعي جماعتك ح يستقبلوك في المطار بالرورود،،،وآخر قال كاتب اسمك رباعي عشان انت تكون معروف عندهم لزوم المعلوم!!!! اسمي سيظل رباعي ،،،وهو اسمي الحقيقي علي فكرة ولا أخشي في الله لومة لائم ،،،اخيراً ،،،تذكرة فقط ،،،ليس المؤمن بقطعان ولا بلعان ولا بالفاحش ولا بالبذي ،،،العبد لله منصور


#830776 [رياض]
0.00/5 (0 صوت)

11-19-2013 07:42 AM
والله التقيت بأحد الاخوان السودانيين باورلاندو بأمريكا وكنت هنالك بظروف عملي وينوي الزواج إرضاء لأهله وليس لديه منزل بالخرطوم فارسل الي والده ان يوافيه بالتقديرات اللازمة ببناء منزل عادي وحلف بالله بان التقديرات التي وصلته يمكن ان يشتري بها فيلا جاهزه باورلاندو تخيلوا //////////////اين الخلل؟


#830540 [مهاجر]
3.50/5 (2 صوت)

11-18-2013 09:49 PM
الترابي دخل الناس الجامع وادخل جماعته السوق .وعملوا فلوس بدون فكر اقتصادي فلوس عن طريق السلطة اعفاءات جمركية احتكار خلق ندرة في السوق بعد الاحتكار وافلسوا كل الرأسمالية الوطنية ولذا لم تذهب هذه الفلوس في الاستثمار الصناعي او الزراعي انما في النشاط الطفيلي والا لماذا تساوي قطعة ارض في الازهري مليار وهي منطقة غير نظيفة وملوثة البئة ولا تصلح للسكن الادمي .


#830405 [تينا]
0.00/5 (0 صوت)

11-18-2013 06:43 PM
أخى الفضل ((( منصور محمد صالح ))) لا عليك أخى الكريم صدقنى أنا كنت فاهماك وفاهمة نواياك الصافية والتزامك بدينك وكانت تعجبنى تعليقاتك نسبة لما فيها من أدب وكنت عارفة أنك بعيد من البلد ولسة تحمل أصالة نقاء وخلق وتدين أهلنا القديم ولأنك بعيد من البلد كنت تعلق على أساس انو لازالوا السودانيين بنفس الصفات الجميلة وتفتكر أن الحكومة بتحكم بشرع الله وكان الجميع يفتكرك تبع الحكومة لكنى كنت أعجب بتعليقاتك واليوم الحمد لله تعليقى لك نتيجته توضيحك لحقيقتك للكل لأنى كنت لاأرضى عندما تتم مهاجمتك .تحياتى


#830334 [منصور محمد صالح محمد صالح]
0.00/5 (0 صوت)

11-18-2013 05:30 PM
الحمد لله الذي ردنا الي الحق ردا جميلا،،، لقد خدعنا من قبل الذين رفعه شعار الدين والإسلام ،،فلقد اتبعنا مقولة من خدعنا في الله انخدعنا له ،،،لقد ،،،والله لقد كنتم جميعا محقون في تعليقاتكم ضد هؤلاء القوم المجرمون،،،وكنت مخطئا ،،،،اللهم سلط علي هؤلاء القوم مصيبة تأخذهم أخذ عزيز مقتدر،،،استميحكم جميعا العذر ،،،،وعندي الكثير سوف احكيه في الأيام القادمة ،،،،العذر لكم جميعا أخوتي الفاضل وشعبي الكريم،،،


#830191 [تينا]
0.00/5 (0 صوت)

11-18-2013 03:13 PM
يا المدعو ((( أنا ))) والله حرام عليك انت وكمان بتحلف تقول والله انتى شمشارة أنا خليتك بس لله الحلفت بيهو بالباطل دا . انتا مالك أنا فعلا افتقدت أخونا ((( منصور ))) لأنو تعليقاتو فعلا كانت بتلم الناس مش عشان تفكيرك المريض لأنو انسان تقى ودين وتعليقاتو كانت تنم عن حسن خلقو والناس كانو فاهمنوا غلط وأنا كنت معجبة بيتعليقاتو لأنى فهمتو صاح . انتا بتعلم بالنوايا سبحان الله . بالمناسبة انت الأكبر شمشار ونفسيتك مريضة ودائما مترصد لى ما عارفة السبب شنو وقبل كدا برضو وردنى منك تعقيب يشبة افعالك القبيحة دى وماقدرت أرد عليك أردعليك الحمد لله اليوم لميت فيك عشان تفك شوطى وتقعد فى علبك وكلامك كلو شين زى وشك دا بس طوالى جارين ليتخوين الناس وسبهم أعوذ بالله منك . وانت حارقك شنو اااااى أنا بحمد السلامة لأخونا منصور عودا حميدا أخى الفاضل منصور وانت موت بيغيظك . لك تحياتى واحترامى وتقديرى أخى الفاضل منصور .


ردود على تينا
United States [الطبري المعاصر] 11-19-2013 08:36 AM
لا داعي للحدة في الخلاف (شمشارة ) (تفكيرك مريض) (أكبر شمشار ونفسيتك مريضة) ونظرية المؤامرة (دائما مترصد لي) (كلامك شين زي وشك) !!! الاحترام المتبادل يعطي التعليقات نكهة ويدل على ذوق وثقافة المعلق.... وباركوها


#829883 [تينا]
0.00/5 (0 صوت)

11-18-2013 11:07 AM
أخونا ((( منصور محمد صالح محمد صالح ))) حمد لله على السلامة وينك اختفيت ليك مدة وحشتنا تعليقاتك الكانت بتلم الزباين . تحياتى


ردود على تينا
European Union [أنا] 11-18-2013 01:58 PM
والله انتي شمشارة جدا جدا يا تينا ياخ ما معقول ؟؟؟؟؟؟؟؟؟؟؟؟؟؟؟


#829867 [mhmd]
0.00/5 (0 صوت)

11-18-2013 11:00 AM
العندو قروش يستثمرها في الاراضي و بس


#829834 [Huyam]
3.00/5 (1 صوت)

11-18-2013 10:45 AM
كلها أرقام فلكية وفلوس مضغطوطة لاتساوي الحبر الذي طبعت به من المغفل والمجنون والأهبل الذي يشتري له قطعة أرض في أرض الأحلام والعصابات اللصوص ولو فرضنا جدلا لدي كل تلك القلوس المضغوطة التي لاقيمة لها لماذا إشتري في السودان الذي هرب منه كل الشرفاء وتركوه لعصابة الشاويش .. شفنا العجب... ماقيمة السودان حتى أشتري فيه قطعة بالمليارات ولماذا المليارات هل أراضي السودان الواسعة نضبت أم أمتلكوها كلاب الشاويش ... صدقوني لابد من التطهير وإبادة الفسدة اللصوص وإقتلاع المنازل والمزارع وإسترداد اموال الشعب المنهوبة فلنبدأ بحي ودبانقا في الخرطوم وطرد من فيه إلى قراهم لممارسة حياتهم الطبيعة مع الحمير والبقال كما كانوا لأنهم هم الخطر الحقيقي لأناس كانوا جوعى وفقراء فيجدون أنفسهم بين عشية وضحاها في أرقي أحياء العاصمة وليتهم كانوا بالحق وإنما بالباطل والمحسوبية تسهيلاً من أقاربهم من فسدة المؤتمر الوثني.


#829644 [مريود]
0.00/5 (0 صوت)

11-18-2013 07:41 AM
يا جماعة بالمناسبة دي الوادي (الأخضر ) كيف مربع 77 تحديدا.

قطعة للبيع حالا بغرض البناء . ولا أصبر شوية . من عنده معلومات ما يبخل.


ردود على مريود
United States [كوشن تود] 11-18-2013 06:26 PM
يا أخوي مريود أنا زرت الوادي المسمي زورا بالأخضر وهي رملة لا فيها شجر ولا يحزنون .

أنا ركبت باص حكومي من السوق العربي حتي الوادي مربع الصحفيين والباص اخد 80 دقيقة وفي العودة ساعة بالضبط .

تفصل مربع الوادي المسمي بالأخضر ( مربع المغتربيين ) عن مربع الصحفيين ردمية ترابية بأرتفاع مترين ( لا أعرف سبب هذه الردمية ولكن ربما لحجز السيل والمياه عن مربع الصحفيين ) .

مربع الصحفيين فيها موية وكهرباء ولكن مربع المغتربيين ما فيها أي أثر للحياة .

أنا الحمد لله عندي بيت في الخرطوم وهو من حصاد السنيين في الغربة ولولاه لمت فوق تلك الردمية

بسقطة قلبية وذلك عند زيارتي للوادي قبل اربعة اعوام .

بوضع السودان الحالي الوادي يحتاج ل10 - 15 سنة للتعمير .

نصيحتي للأخ المريود أن يشتري علي حسب جيبه ولو ما في طريق للجيب ألا الوادي الأخضر حاليا فعليك أن تشتري في الوادي ألاخضر وعندما يكون الجيب مليان بيع قطعة الوادي وأشتري في مكان أحسن .

اللهم أني بلغت أخي مريود والجماعة فأشهد .

United States [جركان فاضى] 11-18-2013 09:56 AM
كان فيها خدمات موية وكهرباء امسك فيها قوى ما بتلقى احسن منها


#829614 [منصور محمد صالح محمد صالح]
0.00/5 (0 صوت)

11-18-2013 05:44 AM
حرامية وسفاحين كلكم من بشير كم لغفيركم لسمساركم ،،،الحمد لله احنا برا البلد خلينا ها ليكم من زمان،،we l are left Sudan for ,,I hope the god kill all of you,


#829571 [ود الحله]
5.00/5 (1 صوت)

11-18-2013 01:49 AM
ليه .. اصلوه شنو
مجاور الكعبة ولا الرسول

اراضي ... يعني واطه ساي فاضيه ... والله لو شيلته الصبر وعندي مبلغ ذي ده الا امش اشارك بيكمهام في القصر حقه
ياخ مبالغات وخلع ... تعمل نفسيات عشرة الف ما عايزه تتلمه تقول لي مليار


ردود على ود الحله
United States [جركان فاضى] 11-18-2013 10:11 AM
اذا ما عندك منزل فى الخرطوم ونزلت اجازة مع الاولاد فالغرفة فى فندق درجة ثالثة مع الاعاشة لاتقل عن 400 جنيه...والشقة الرخيصة فى ام درمان 150 جنيه فى اليوم...مع الاكل تصبح 400 جنيه للاسرة..اما اذا ماقادر تجمع 10 الاف جنيه فابعد ردك من المدن واطفش بالخلاء


#829569 [ابو فاطنة]
3.50/5 (4 صوت)

11-18-2013 01:46 AM
تبا للاقتصاد المتخلف و المستثمر الاهطل الذي يجعل من العقار و الارض سلعة للمضاربة و جني الارباح,الاصل في الاستثمار العقاري هو خلق وحدات سكنية جديدة,بان يشتري المستثمر قطعة او قطع و يبنيها وحدات سكنية و ليس ان يشتغل بسياسة اشتري و خزن,العقارات في السودان اصبحت مثل الاوراق المالية!!! لكن العتب على الحكومة المتخلفة اقتصاديا التى سمحت للناس بدفن ملياراتهم في الارض و العقار,لا هي استفادت منها و لا الموطن استفاد منها ..تخيلوا معي لو دخلت هذه المليارات في استثمار حقيقي لانتاج سلع و خدمات,كم تستوعب من العمالة؟كم يكون نصيب الحكومة فيها من الضرائب؟كم تكون مساهمة ذلك في الاقتصاد الكلي؟؟لكن عندما يكون الاقتصاديين عندنا رواعية تكون النتيجة اقتصاد متخلف...عيب و الله ان يكون دخل المواطن في السودان من الاقل في المنطقة و تكون العقارات من الاعلى في العالم,زي المثل البقول عريان من تحت و لابس بدله!!,تخيل معي واحد راتبه او دخله الشهري 2000 جنيه سوداني و ساكن في بيت ثمنه 750 الف جنيه!!! معادلة لا مثيل لها


ردود على ابو فاطنة
United States [جركان فاضى] 11-18-2013 10:05 AM
كأنك لاتعرف السودان...وهل تسمى بيت قيمته 750 الف جنيه(750 مليون بالقديم) هل تسميه بيت؟...هذا المبلغ لايشترى ليك بيت فى الازهرى فى مربعات الدرجة الثالثة فما بالك بالدرجة الثانية والدرجة الاولى؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة