الأخبار
أخبار إقليمية
قيادي في تحالف المزارعين يطالب مدير مشروع الجزيرة بالاستقالة
قيادي في تحالف المزارعين يطالب مدير مشروع الجزيرة بالاستقالة
قيادي في تحالف المزارعين يطالب مدير مشروع الجزيرة بالاستقالة


11-18-2013 06:46 AM

الجزيرة –عزمي عبد الرازق

طالب إبراهيم محيي الدين القيادي في تحالف مزارعي الجزيرة والمناقل، عثمان سمساعة مدير مشروع الجزيرة بتقديم استقالته فورا على خلفية زراعة تقاوي قمح صنف (إمام) الفاسدة الموسم الحالي، وقال إن المدير منوط به حماية وتأمين الموسم الزراعي وضمان نجاحه، ونادى بتقديم المتورطين في الصفقة الفاشلة إلى محاكمة عادلة، ولفت إلى استيراد مبيدات فاسدة من قبل بمليارات الجنيهات.

ووقفت (اليوم التالي) ميدانيا على حجم الخسائر في أقسام المشروع أمس (السبت)ولاحظت النمو الضعيف لتقاوي القمح بالقسم الشمالي وعدم نموها تماما في مناطق أخرى، وحصلت على عينة من التقاوي الفاسدة.

وقال القيادي في التحالفإن البذور الفاسدةمخزنة منذ 2008م وقال إنها لم تخضع للفحص عبر مؤسسةالبحوث الزراعيةبرغم زراعتها في مساحةأكثر من ألف فدان تكلفة الفدان الواحد منها(4) آلاف جنيه، وحمّل محيي الدين البنك الزراعي تكلفة الخسارة وتكلفة تمويل تقاوي الموسم الجديد كاشفا عن أن البذور البديلة تم جلبها من وادي حلفا مشيرا إلى أن الفترة لا تحتمل تجريب بذور جديدة وأنه حالفشلت هي الأخرى فإن وقت الموسم المتبقي لا يكفي لإنجاح القمح.

وأشار القيادي في تحالف المزارعين إلى أن البذور الفاسدة اشتراها البنك الزراعي من شركةمملوكة لشخص مهم -رفض تسميته.

وفي السياق عبّر مزارعون بالجزيرة عن سخطهم واستيائهم الشديد وطالبوا باهتمام الدولة بالزراعة وإعادة المشروع سيرته الأولى

اليوم التالي


تعليقات 8 | إهداء 0 | زيارات 1477

التعليقات
#831231 [عبيد الله]
0.00/5 (0 صوت)

11-19-2013 11:49 AM
والله ياجماعة لو رجعتوا كل الحاجات التي كانت شغالة زمان لطبيعتها لاستمرت تعمل كما هي مثلا نظام الري في مشروع الجزيرة ونظام الادارة يرجع زي زمان والتعليم يرجع زي زمان ترجع حنتوب ووادي سيدنا وخور طقت زي زمان وترجع السكة حديد زي ماكانت زمان .انتو الحاجات دي سويتوها انتو؟ ابدا انتو بس خسرتوها الناس العملوها قالوا طريقتها كدى انتو خلوها زي ماقال الخواجة واشربوا من لبنها وبس .


#830457 [abu khaled]
0.00/5 (0 صوت)

11-18-2013 07:52 PM
هذه مشكلتنا نحن السودانين نطالب الفاسد بالاستقالة بعد ان كنز المليارات ولا نطالب بإعدامه او حتى سجنه وماذا يستفيد المزارع الفلبان الذي رهن حواشته لكي يقتات ابنائة وهل شعارهم الزراعة بترول السودان لازال قائم في ظل نطام فاسد متعفن


#830095 [mohd malik]
0.00/5 (0 صوت)

11-18-2013 01:50 PM
نحن قلناها من زمان مع المتعافـــى تانــــى زراعــه مافـــى

انا مزارع ابن مزارع نطالب ارجاع نظام مشروع الجزيرة القديم

المدير - الباشمفتش - المفتشين - الصمد - الغفير بصلاحيته الذى لايسمح

لام مزراع بالاقتراب من الترعه واى مويه فى الشارع العقاب فورا ونظافة الحواشه

وكنسها بعد جنى القطن والكثير الكثير الله يرحم ذلك الزمن الجميل

وللمرحوم ( مشروع الجزيرة ) الرحمه والثبات عند الحساب


#829997 [aldufar]
0.00/5 (0 صوت)

11-18-2013 12:37 PM
يا جماعة جيبوه واقتلوه فقط دا الحل الوحيد عشان يكون عظة لغيرة من المدراء لهذا المشروع ، وعشان تاني ما يجبو للمشروع زول خيخة مثل هذا المدير .

لو دا حصل اعملو الدايرنه فيه لانه بكون طابور خامس ومجند لتدمير الفضل من المشروع .


اعلموا يا اهلنا في الجزيرة ان الحكومة قاصدة تدمير المشروع باي شكل مرة جايبين سمسار واخير سم الساعة من اين ديل من الطابور الجديد والصف الثاني من الكيزان الجابوهم اغنوا قبل ماتطير الحكومة مثل اخونا بلسان كل مرة جايبين واحد من تحت عشان اغنى من المواطن المسكين ، وهؤلاء هم الكيزان التحت بدأوا يظهروا وهم جالسين خلف الستارة بطلعوهم حبة حبة .


الله ادمركم يا كيزان .


#829898 [عزة]
0.00/5 (0 صوت)

11-18-2013 11:15 AM
الشخص المهم هو المتعافن الله لاتاجرك ابوك كان رجل صالح يا ضاحك بلا سبب


#829892 [حليل زمان]
0.00/5 (0 صوت)

11-18-2013 11:12 AM
مشروع الجزيره كان يعيش كل الشعب السودادني والفدان كان ينتج انتاجية عاليه

والمحالج ليها موسم كبير بعد اللقيط والمزارعين كانوا يعد الحساب النهائي يزوجوا

الشباب ويطهروا الصبيان ويشتروا الثلاجات ويمشوا الج والعمره اما الان في زمن الكيزان

ماقادرين يعملوا اي حاجه بلا سمساعة بلا ساعة بلا متعافي ولا مريض ؟ لابد للناس

يطلعوا ويهبوا هبة رجل واحد لتغيير النظام الحاكم والذي اوصل السودان ومشروع

الجزيرة والخطوط السودانيه والبحرية والسكة حديد ومشاريع الحرقه ونور الدين ومشاريع

النيل الابيض والصح والتعليم وحتي كرة القدم لا حول ولا قوة الا بالله


#829827 [بديري]
0.00/5 (0 صوت)

11-18-2013 10:43 AM
كلام طيب اصلا انحنا عندنا اسماء مميزه مابتلقاها في اي عصر من عصور البشريه .
الاستقاله تتم في دول لديها نظام اداري علمي ومتين وحيوي بمعني ان الوزير يكون ملم بالخطوط العريضه من الوكلاء والمدراء الفنين. هذه المنظومه فقدت من بعد نظام مايو؟؟
استقاله تعني شي في اوروبا او علي اقل شي في مصر المجاوره لانها تحتفظ بنظام اداري فعال رقم انه دقه قديمه علي قولهم.
سم ساعه ولا اب كريق ولا تور بره دي فواخير ملانه حصي كان شلتها تكشكش وكان خليتهاتعشعش
الله يرحم السودان الكان زمان وناس السودان الان.


#829678 [صديق]
0.00/5 (0 صوت)

11-18-2013 08:50 AM
أولا اسمه سم ساعة يعني سريع القتل للناس وما بال محصول والقمح ومشروع الجزيرة ويجب عليه ان يقدم استقالته فورا وبدون احراج حتى لا يحصل مالا يحمد عقباه للمزاعين.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة