الأخبار
أخبار إقليمية
غياب وزير اتحادي عن العمل لعدة أشهر دون أسباب
غياب وزير اتحادي عن العمل لعدة أشهر دون أسباب
 غياب وزير اتحادي عن العمل لعدة أشهر دون أسباب


11-19-2013 07:46 AM

:الخرطوم: أسامة عبدالماجد

ظل وزير الدولة بوزارة الثروة الحيوانية والسمكية مبروك مبارك سليم ظل غائباً عن مكتبه لفترة اقتربت من الستة أشهر دون أسباب معلومة، وأشارت ذات المصادر إلى وجود مبروك بمسقط رأسه بإحدى ضواحي ولاية كسلا قبل عيد الأضحى وحتى الآن، وبحسب المصادر فإن سليم ترك المنزل الذي كان يقيم فيه بالمنشية بالخرطوم وانتقل إلى مزرعته الخاصة بشرق النيل، وأكدت المصادر نفسها عدم وجود خلاف بين الوزير والحكومة وظل يبدي رضاه عن اتفاق سلام الشرق بصفته الأمين العام لجبهة الشرق، يذكر أن مبروك يعد من أثرياء السودان ولديه علاقات خارجية واسعة خاصة بدول الخليج وكانت تربطه علاقة شخصية بالرئيس الليبي الراحل معمر القذافي وكان عضواً بالمجلس الوطني عن دائرة كسلا الغربية ممثلاً للحزب الاتحادي، غادر بعدها الحزب وأسس قوة مسلحة.

اخر لحظة


تعليقات 18 | إهداء 0 | زيارات 5351

التعليقات
#832505 [ودابكريق احمد - الدوحة]
5.00/5 (1 صوت)

11-20-2013 11:19 AM
الدكتور مبروك مبارك سليم من شرق السودان وتحديدا من قبيلة الرشايده(سوداني100%) بس أستثمر في تدمير الإقتصاد الوطني ومنها على الذكر لاالحصر هر 1000ناقة (أنثى الإبل وليس الذكور)إلى دولة الإمارات عن طريق أريتريا /يعنى وزير ثروه حيوانية وعلى كيفي !!!!!! وحينها تم حجز الإبل وأحيل ملف القضية إلى محكمة المختصه بقضايا التهريب في كسلا ومن يومهالايعرف مكان الملف لاأحد مثل أمام المحكمه ولا الإبل إلى أين ذهبت
نحن لانقصد شخص بعينه ولكن المفسدين ومدمرين البلد حرثامثل المتعافي ونسلا مثل صاحبنا الوزيرأعلاه
تقاوي فاسده/ثروه حيوانيه مهربه للخارج وسلاح مغشوش مستورده وزيردفاعنا بالنظر


#832200 [adil a omer]
0.00/5 (0 صوت)

11-20-2013 03:36 AM
وكان بيصرف مخصصات وبدلات ؟؟ ده بيكون بيصرفوا ليهو بدل غياب


وده تبع اردوغان ولا غول

ومن اثرياء السودان دى يطرشنا ما سمعنا بيهو

يكون من اثرياء الدلوكه والحت !!


#832162 [أبو ليلي]
0.00/5 (0 صوت)

11-20-2013 01:07 AM
يكون راح عند سيده ومرشده إسياس لكي ينسق مع بعض تجارة الاعضاء البشرية في سيناء


#832039 [احمد]
0.00/5 (0 صوت)

11-19-2013 10:14 PM
السلام عليكم ..
اولا الوزير مبروك مبارك سليم من ابناء السودان فلا داعي للتعليقات السخيفه لانه سوداني ووزير دوله بغض النظر من اي قبيله ...


#832021 [نص صديري]
0.00/5 (0 صوت)

11-19-2013 09:57 PM
"ترك منزله بالمنشية وانتقل لمزرعته شرق النيل" وكمان من كسلا!!
والله ياجماعة مهدي ابراهيم ليه حق هو قاصد هذه المتعة


#831831 [حد بيعرف احسن م الحكومه!!]
5.00/5 (1 صوت)

11-19-2013 05:57 PM
اذا كان الراجل من اثرى اثرياء السودان وبيبدى رصاهو عن كووول عمايل الحكومه..والحكومه هى اللى ما حدش بيعرف احسن منها اكيد عارفاهو وين وبيعمل فى شنو.. "انتو يا ناس يا شرر موش احسن تبطّلو أرر" و"توسكوتو خااالص".. يعنى بقت على "المبروك ود المبارك السليم" شوفو ساكت تركيبة ألأسم..زمان قالو كان فى واحد اسمو "نادر فريد سيدهم"
وان جاز لنا ان نتساءل "مالم يا ود البونى الناس ما بيجيبو سيرة "البحر" .. موش فى واحد تانى اكبر من وزير دوله ..ومكتبو كمان فى القصر مع البشير ليهو "كمّين" شهر غايب فى الركايب .. فى مقر اقامتو .. قالو ملازم ابوهو لمّن يكمل فحوصاتو!! داحين عرفتوهو؟ ومالكم ما سالتو عن سبب غيابو يا ناس الله!!


#831591 [زكى]
0.00/5 (0 صوت)

11-19-2013 02:46 PM
ههههههه عند غرق اى سفينة الفيران اول من يهبط منها بحثا عن النجاء لمعرفتها بالخطر قبل وقوعه.. واذا كان الجو ممطرا والسماء ملبدة بالغيوم فانظر الى الارض وان لم تجد النمل يتحرك فتأكد انها سوف تمطر .. والله ينعل اليوم الجابكم يا كيزان ..


#831589 [زكى]
0.00/5 (0 صوت)

11-19-2013 02:45 PM
ههههههه عند غرق اى سفينة الفيران اول من يهبط منها بحثا عن النجاء لمعرفتها بالخطر قبل وقوعه.. واذا كان الجو ممطرا والسماء ملبدة بالغيوم فانظر الى الارض وان لم تجد النمل يتحرك فتأكد انها سوف تمطر .. والله ينعل اليوم الجابكم يا كيزان ..


#831481 [ابومحمد]
1.00/5 (1 صوت)

11-19-2013 01:48 PM
ده سوداني ولا من بلاد بره. ده اجنبي يفترض يروح لبلدو.انت السودان ده بقى همله ولا انا نايم


#831310 [mohd]
0.00/5 (0 صوت)

11-19-2013 12:17 PM
يذكر أن مبروك يعد من أثرياء السودان ولديه علاقات خارجية واسعة خاصة بدول الخليج وكانت تربطه علاقة شخصية بالرئيس الليبي الراحل معمر القذافي وكان عضواً بالمجلس الوطني عن دائرة كسلا الغربية ممثلاً للحزب الاتحادي، غادر بعدها الحزب وأسس قوة مسلحة

الرشايدة الفي السودان ديل كلهم بتاعين تهريب قال من اثرياء السودان علاقاته بدول الخليج لانه منهم وهم عارفين كدا كويس علاقاتنا مع دول الخليج ما دايرة واحد وسيط لانه في النهاية ولائه لاصله وليس لبلده

كمان اسس قوة مسلحة ؟

ديل وجودهم في السودان ما تم 100 سنة للان

ولم يكن نميري يعترف بهم اصلا وعندما عرضت عليه السعودية ترحيلهم الى السعودية نميري قال لهم زي ما جو داخلين يطلعوا يعني ما يشيلوا معاهم لا جمال لا اي شي جوا بهدومهم يطلعوا بهدومهم وهم رفضوا

جيتوا انتوا يا ولاد الحرام سويتوا لهم حزب وقوة مسلحة كمان ؟

طيب كيف البلد ما تنتشر فيها الحركات المسلحة والنهب اذا كان السلاح اصبح في يد كل من هب ودب ؟

واخرتها سنترحكم هذه الحركات بسلاحكم وحتشوفوا يا عديمي البصر والبصيرة والاخلاق


#831260 [البكري]
5.00/5 (1 صوت)

11-19-2013 12:02 PM
هذا غير دقيق الرجل مستاء من النظام ورجاله، وهو معتكف في منزله في كسلا منذ اكثر من عامين، ولا صلة له بمكتبه، واحيانا يسافر الى اسمرا حيث له منزل هناك


#831125 [mustafa]
0.00/5 (0 صوت)

11-19-2013 11:02 AM
والله الرجل من حقو يغيب ان شاء الله سنة لانه واحد من الوزراء المعيينين وبلا مسؤولية ولا مهام , كانو محاربين ووقعو اتفاقية السلام مع الحكومة واتعينو في مناصب وزارية لكن بدون مهام مجرد وزير دولة دون اي صلاحيات, فقط تم تعيينهم لايقاف تمردهم وليس حبا فيهم لانو حتى لو عنده فكرة سليمة ومفيدة في الوزارة عاوز ينفذها ممكن الحكومة تعترضو ان كان هذا يتعارض مع مصالحها الشخصية فلذلك الوزير نسى مكتبو وباشر حياتو كمواطن سوداني وليس وزير.


#831118 [عزة]
0.00/5 (0 صوت)

11-19-2013 11:00 AM
المخصصات الماصات دماء الشعب ماشه ولا يهمك طز فى الشعب


#831083 [مندكورو]
4.00/5 (1 صوت)

11-19-2013 10:41 AM
الراجل دا اساسا كان مغترب في السودان وشغال كويس في تجارة البشر اقصد كان فاتح مكاتب (استقدام واستخدام وكدا) وبحول امواله لي بلدو والامور زابطة معاهو وبعدين لمن لقي البلد الهامله دي والحكومة المابهمها سوي الكرسي والفوضي الحاصلة وخاف علي مصالحو قام عمل ليه مجموعة مسلحة من افراد الجالية وطالب (بحقو) في الثروة والسلطة وسمي مجموعته ( الاسود الحرة) عشان يفرزم من باقي (الاسود الماحرة) من بقية السودانييين واهو الحمد لله حقق غرضو وتاني ما شغال بيكم.


ردود على مندكورو
European Union [الاحمراني] 11-19-2013 09:38 PM
التشاديين امثال الزغاوة والفلاتة والحبش كانوا سودانيين واهل دارفور شنو علاقتهم بالبحر الاحمر قضية السودان سوف تحل بفصل دارفور ومن ينتمي لهم وكذلك الجبال والنيل الازرق ونحن في الشمال احرار ونعرف مصلحة البلاد ومن دمر البلاد هو الاستعمار لانة اضاف اقاليم عالة علي الشمال


#831043 [الدنقلاوى]
0.00/5 (0 صوت)

11-19-2013 10:24 AM
قمه التدهور الادارى ومحاباه دى قله أدب من الوزير وخوف من الحكومه ياحليل الخدمه المدنيه سبحان الله


#831019 [مدحت عروة]
5.00/5 (1 صوت)

11-19-2013 10:12 AM
هو من الكفاءات النادرة فى السودان ولم يعين وزير دولة عشان شال السلاح وبعد داك عمل اتفاق سلام بل عين لكفاءته الم تروا كيف طور الثروة الحيوانية وجعل صادراتها الى الخليج واوروبا بعشرات المليارات من الدولارات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حقا الانقاذ تعين الكفاءات وليس للترضيات وهلم جرا وبعدين الجماعة البعينوهم ديل ما بيشتغلوا بانفسهم بل بالقضية التى ثاروا من اجلها هسع ما شايفين ناس الشرق يرفلوا فى ثوب السعادة والهناء والنغنغة!!!!!!!!!!!!!!!!!!
هسع تضحكوا من تعليقى هذا ولا تبكوا وابكى بلدى الحبيب !!!!!!!!!!!!!!!!!!!!
الانقاذ دى حكومة حاجة تانية خالص ليست كعبود او النميرى او الحكومات الديمقراطية انها شىء مختلف انها الحركة الاسلاموية التى جعلت الوطن يفوق العالم اجمع فى الفشل!!!!!!!!!!


#830882 [سايكو]
0.00/5 (0 صوت)

11-19-2013 09:13 AM
رجل اعمال و لا تاجر سلاح ؟


#830834 [أبرسوة]
0.00/5 (0 صوت)

11-19-2013 08:43 AM
مبروك يا المبروك ، مش الماهية مستمرة


سد دي بي طينة و دي بي عجينة و ارقد رقادك ،


أصلا مافي حكومة عشان تقعد ليها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة