الأخبار
أخبار إقليمية
الجيش الحكومي يعلن استعادة السيطرة على منطقة بجنوب كردفان..قيادات «الجبهة الثورية» يطالبون الاتحاد الأوروبي بالضغط على الخرطوم
الجيش الحكومي يعلن استعادة السيطرة على منطقة بجنوب كردفان..قيادات «الجبهة الثورية» يطالبون الاتحاد الأوروبي بالضغط على الخرطوم
الجيش الحكومي يعلن استعادة السيطرة على منطقة بجنوب كردفان..قيادات «الجبهة الثورية» يطالبون الاتحاد الأوروبي بالضغط على الخرطوم


11-21-2013 06:00 AM
لندن: مصطفى سري
أعلن الجيش السوداني طرده قوات «الجبهة الثورية» المعارضة من بلدة (كالنج) بجنوب كردفان، في وقت طالبت فيه قيادة «الجبهة الثورية» الاتحاد الأوروبي بلعب دور في الحل الشامل للقضية السودانية، وممارسة الضغوط على الخرطوم لكي تتعامل بإيجابية مع الوضع الإنساني المتدهور في مناطق الحرب.

وقال المتحدث الرسمي للجيش السوداني، الصورامي خالد سعد، في بيان رسمي، أمس، إن القوات المسلحة قامت بتحرير منطقة (كالنج) في ولاية جنوب كردفان، وطردت ما سماه فلول عناصر «الجبهة الثورية» منها. وأضاف أن المتمردين كانوا يتخذون من المنطقة قاعدة لهم يشنون منها هجماتهم على القرى الآمنة في استهداف للمدنيين وممتلكاتهم، وأن الجيش الحكومي قام بهجوم كاسح على المنطقة واستولى على الأسلحة والذخائر بعد أن فر المتمردون وخلفوا وراءهم أعدادا من القتلى.

من جهة أخرى، دعا وفد قيادات «الجبهة الثورية» حكومات الاتحاد الأوروبي وبرلمانه إلى إلزام الحكومة السودانية التعامل بإيجابية، وبشكل عاجل، مع الوضع الإنساني المتدهور في مناطق الحرب (شمال وجنوب كردفان والنيل الأزرق ودارفور). واتهم قادة «الجبهة الثورية»، في اجتماعهم مع برلمان الاتحاد الأوروبي بمدينة ستراسبورغ، أمس، الخرطوم بأنها وراء تدهور الأوضاع الإنسانية لإصرارها على منع وصول الإغاثة إلى المتضررين في منطقتي النيل الأزرق وجبال النوبة، وإصرار النظام على مواصلة الحملة العسكرية على تلك المناطق، إلى جانب تأزيم الوضع الأمني بسبب فشل البعثة المشتركة للأمم المتحدة والاتحاد الأفريقي في دارفور (يوناميد) في حماية المواطنين من هجمات الحكومة وميليشيات (الجنجويد) التابعة لها في الإقليم، المضطرب منذ أكثر من 10 سنوات.

ودعا الوفد في مؤتمر صحافي الاتحاد الأوروبي للضغط على الحكومة السودانية لوقف الحرب والاتجاه نحو السلام الحقيقي والجاد والشامل، الذي يحدث التغيير الديمقراطي الجذري في السودان. وطالبت «الجبهة الثورية» حكومات الاتحاد الأوروبي بتبني خطة الحل الشامل والكامل، علاوة على دعوة الاتحاد لتبني مبادرة لإقامة مؤتمر عالمي في الموضوع الإنساني في السودان.

وناشد وفد قيادات «الجبهة الثورية» الاتحاد الأوروبي إلى ضرورة العمل والتأثير لتعيين مراقب خاص لحقوق الإنسان تابع للأمم المتحدة في السودان. ويشار إلى أن الجبهة طرحت في هذا الاجتماع الحل السلمى للمشكلة السودانية كخيار أفضل للسلام، وعرض الوفد فيلما خاصا يظهر قصف طائرات سلاح الجو السوداني قرى منطقة برام في السابع عشر من نوفمبر (تشرين الثاني) الحالي.

الشرق الاوسط


تعليقات 9 | إهداء 0 | زيارات 7583

التعليقات
#834165 [بوالمحضار]
4.50/5 (2 صوت)

11-21-2013 05:29 PM
لما تنعصرو تقعدوا تكوركوا كاك واي هوي احقني يا خواجه خلاص تاني خواجي عندو قروش امها ليكم مافي والشعب الاوربي الان يعاني شديد وضاغط علي حكومتوا من لا ترسل ولا حبه فوله لاي تمرد في اركان الكون خصما علي علاج الخواجات وزمن الترويقه والرويقه النقنقه ولي شوفو ليكم قطر سلام الحقوا قبل ان تصبحوا عاله اكثر مما انتم عليه


#834101 [عثمان حمد]
5.00/5 (1 صوت)

11-21-2013 04:21 PM
الجبهة القاتلة لن تستطيع الانتصار على الجيش السودانى ولو حاربت 100 عام ولو ما عارفين
اسألوا الحركة الشعبية وناس سلفاكير واكيد عرمان يعلم ذلك لكنه رجل يحب الحروب ومحب
لتقسيم السودان وعسى ولعلى يظفر بجزء من السودان ويتولى الحكم عليه ويصبح رئيس دويلة


ردود على عثمان حمد
[الغريب] 11-21-2013 10:31 PM
!!!!!!!!!!!!!!!!!!!!!!!!!


#833972 [مراقب]
2.66/5 (7 صوت)

11-21-2013 02:31 PM
مركز جنوب كردفان الاعلامي
عااااااااجل اليوم قوات الجبهة الثورية تستعيد السيطرة على كالنج
الحركة الشعبية والجيش الشعبى لتحرير السودان-شمال
(SPLM/A-N)
مكتب الناطق الرسمى
التاريخ: 21/11/13
قوات الجبهة الثورية تستعيد السيطرة على كالنج
أستعادت قوات الجبهة الثورية السودانية من الجيش الشعبى لتحرير السودان-شمال بولاية جنوب كردفان/جبال النوبة صباح اليوم 21/11/013 على قرية كالنج بمحافظة رشاد بعد ما اجبرت قوات ومليشيات المؤتمر الوطنى على الفرار منها و التى دخلتها يوم 20/11/013 تحت غطاء قصف ثقيل بالمدافع وبالطائرات لاهداف مدنية وقد اشتبكت معها قوات الجيش الشعبى التى حضرت من مواقع اخرى لنجدة وحماية المدنين لان هذه القرية لم تكن فيها اصلا معسكر لقوات الجبهة الثورية وتم تدمير واحد عربة لاندكروزر محملة بالدافع واقاع خسائر كبيرة فى صفوف قوات العدو، الان الجيش الشعبى يسيطر على القرية بشكل كامل وسوف تواصل مطاردة القوات والمليشيات الفارة حتى معسكراتها وما بعدها.
___________
القائد العام للجيش الشعبى لتحرير السودان الفريق/مالك عقار والفريق/عبدالعزيز الحلو رئيس هيئة اركان الجيش الشعبى والرفيق/ياسر سعيد عرمان الامين العام للحركة الشعبية وقيادة الجبهة الاولى اللواء/ جقود مكوار واللواء/عزت كوكو يهنئون ضباط وصف ضباط وجنود الجيش الشعبى وكل قوات الجبهة الثورية بالانتصارات الكبيرة والقوية على قوات ومليشيات نظام مجرمى الحرب والابادة الجماعية والتطهير العرقى ويؤكدون على وقوف الحركة الشعبية والجيش الشعبى لتحرير السودان مع نضال الشعوب السودانية المختلفة فى قضاياها العادلة والنضال مستمر بوسائله المتنوعة لاجتثاث هذا النظام من جزوره وتاسيس دولة قائمة على حقوق المواطنة المتساوية واحترام حقوق الانسان وكرامته.
أرنو نقوتلو لودى
الناطق الرسمى باسم الحركة الشعبية والجيش الشعبى
لتحرير السودان –شمال


#833847 [الطريفي زول النصيحة]
4.00/5 (5 صوت)

11-21-2013 01:02 PM
يا الله جابو و الله انت ما عارف حاجه ساكت هل تعلم انه السكن البتتكلم عنه ده خصما على حقوق الضباط البتتكلم عنهم ديل و الله انا بعرف انه في ضابط نزلوا معاش برتبة العميد ليهو 30 سنه خدمة ما خلى مكان في السودان ده ما اشتغل فيه عارف حقوقه كم؟ فقط 130الف جنيه عليك الله هسه حقوقه دي بتجيب ليه قطعة ارض ساكت خلي بيت و العلاج المجاني البتتكلم عنه ده ما برضو خصما من المرتبات ده اذا في علاج اصلا لا في ادوية ولا اخصائيين عشان تقابلهم انت عارف انه الناس المافي الشرطة مستقيدين من المستشفى ده اكثر من ناس الشرطةانت قايل الحكومة دي بتدعم الشرطه ؟ عارف مرتب اللواء ما فايت الالف جنيه و الله كمية الاستقالات ما تتخيلهاوكمية الاستياء وسطهم شىء مبالغ فيه واذا كان في مجموعة زي ما انت قلت مستفيده من أي امتيازات فهي مجموعة بسيطة و هم اصلا اما ابناء وزراء او مسؤولين بالدولة يعني ما فيهم واحد اغبش وشدوا حيلكم و الله يجي يوم ما تلقوا ليكم شرطي واحد شغال لانه كل الشرفاء الدايرين ياكلوا الحلال في طريقهم لترك العمل عشان كده احسن كل واحد يجهز ليه بندقية و لا عكاز و لا ساطور عشان يحرس نفسه عشان لمن تتعصر من النيقرز ولا جاك حرامي ما تكوريك تقول يا بوليس الحقني وما تتخيل كلامي ده ونسه و الله دي حقيقة حتشوفها قريب اذا استمر هذا الوضع.


ردود على الطريفي زول النصيحة
United States [شروني] 11-22-2013 04:49 AM
اولا تحية لكل الشرفاء من ابناء وطني, الذين يتحرون الحلال, في هذا الذمن الصعب, نسال الله السلامة, ويالطريفي,قول النصيحة الجد, ولاتمنن, لانو الجندي, يبذل نفسه رخيصة من اجل الوطن, والواجب, والناس عندها حق لمن تشوف اللواءالمرتبو مافايت الالف جنية, يمتلك عمارة و اوعمارتين, كيف دي فسرها لينا,من حق الناس ان تسال, ومن حقكم ان تجيبو,في زمن سيدنا عمر رضي الله عنه لمن اعتلي المنبر بثوبين, سالوه, وقالوا لاسمع ولاطاعة حتي تجيبنا من اين لك هذا, وانت كضابط شرطة حالك اقضل من غيرك, مواطن, يصرف 600 جنية, ماعندو سكن مجاني زيك, وداير يتعالج, ويدفع ايجار,ومدارس,وكلو واشربوا, ووو, ولله لو صام الشهر كلوا مرتبوا, ما مكفيه, ولكن بعد ده ممكون وصابر, وحامد وشاكر الله, وبعد ده كله هو البدفع مرتبك , والمواطن الشريق لايمننن علي الشرطي او الجندي الشريف, لانه يقدر تضحياته, وما تجي انت تمنن, وتقول احسن الواحد يجهذ شنو وشنو من النيقروز,وياخي الزيك احسن يمشي ويجي غيرو, وحواء ولاده, لان شرف الجندية لايدانية شرف, ولايقابلها مقابل مادي, مهما ضئل اوعظم,(((وللاوطان في دم كل حر يد سلفت ودين مستحق)))), وانت لسه مطلوب دين من المواطن السوداني, فلا تمنن ولاتستكثر عليه قيامك بواجبك


#833830 [مهاجر]
0.00/5 (0 صوت)

11-21-2013 12:50 PM
سئمنا من هذا المسلسل .


#833651 [عطوى]
5.00/5 (2 صوت)

11-21-2013 10:49 AM
يا ناس الجبهة الثورية خلاص ملينا ومافيش اكعب من كدا وحددو رايكم بوضوووح وصراحة يا تصقطو النظام دا بالقوة عديييل كدا ذى بقية الثوار فى سوريا او ليبيا او ... يا فكونا من الفلم الممل دا وخلونا نتوكل نشوووف لينا حل تانى يا الواحد يتكزن يا يشووف لية جنسية تانية ؟؟

قد يسال احدهم ويقوول انت حارس شنوو وتعال قاتل مع الناس ولية مستنى الناس يقفاتلو بدااالك ؟؟؟


ايووه انا مستعد وغيرى كتييرين مستعديين بس انتو اطلعوو لينا من الجبال ووديان دارفوور دى ودخلو لينا الشغل جوه الخرطووم واقلاها وصلو لينا كوستى او وحتشووووفو الناس يخشو ولا لا ؟؟

بس كلامكم صراحة (محبط) ؟؟؟


واقووول بصراحة السلاح العند حركات دارفور + الحركة الشعبية يسقط عشرة نظام ذى بتاع الكيزان ديل بسسسسس ااااااااااخ منكم ...


اعملو نداء ووواضح وصريح يا مع الجبهة الثورية يا مع الكيزان والعنصريين ؟؟ ومفيش حل فى النص والعاجبو عاجبو والماعاجبو (يندرش بس ماممكن الناس تتعزب كدا لمتييين ياخ ناس بتموت تحت الاقصف الجوى وناس بتتعزب تحت الغلالء الفظيع والحكومة بسبب اعلامكم الضعيف (حتظل تغالط فيكم ليوم الدين وتدعى بانكم من يقتل المدنيين) ؟؟؟ طيب شنوو الحل يالعالم ؟؟؟؟



يا ولعو لينا الدنيا دى ناار حمرا يا اتخارجو وخلونا وباقو ذى سيدى الصادق والرغنى فاوضو نظام بستهلك فى الوقت ولا يهمة شيىء طالما الخرطوم امنة ؟؟؟؟؟


#833625 [مجدي دارفوري]
5.00/5 (1 صوت)

11-21-2013 10:35 AM
العصر بجيب الزيت


ردود على مجدي دارفوري
United States [مراقب] 11-21-2013 02:50 PM
أعجبني · · مشاركة · 11 · منذ 9 دقائق ·
Arnu Lodi
الحركة الشعبية والجيش الشعبى لتحرير السودان-شمال
(SPLM/A-N)


مكتب الناطق الرسمى
التاريخ: 21/11/13
قوات الجبهة الثورية تستعيد السيطرة على كالنج
أستعادت قوات الجبهة الثورية السودانية من الجيش الشعبى لتحرير السودان-شمال بولاية جنوب كردفان/جبال النوبة صباح اليوم 21/11/013 على قرية كالنج بمحافظة رشاد بعد ما اجبرت قوات ومليشيات المؤتمر الوطنى على الفرار منها و التى دخلتها يوم 20/11/013 تحت غطاء قصف ثقيل بالمدافع وبالطائرات لاهداف مدنية وقد اشتبكت معها قوات الجيش الشعبى التى حضرت من مواقع اخرى لنجدة وحماية المدنين لان هذه القرية لم تكن فيها اصلا معسكر لقوات الجبهة الثورية وتم تدمير واحد عربة لاندكروزر محملة بالدافع واقاع خسائر كبيرة فى صفوف قوات العدو، الان الجيش الشعبى يسيطر على القرية بشكل كامل وسوف تواصل مطاردة القوات والمليشيات الفارة حتى معسكراتها وما بعدها.
القائد العام للجيش الشعبى لتحرير السودان الفريق/مالك عقار والفريق/عبدالعزيز الحلو رئيس هيئة اركان الجيش الشعبى والرفيق/ياسر سعيد عرمان الامين العام للحركة الشعبية وقيادة الجبهة الاولى اللواء/ جقود مكوار واللواء/عزت كوكو يهنئون ضباط وصف ضباط وجنود الجيش الشعبى وكل قوات الجبهة الثورية بالانتصارات الكبيرة والقوية على قوات ومليشيات نظام مجرمى الحرب والابادة الجماعية والتطهير العرقى ويؤكدون على وقوف الحركة الشعبية والجيش الشعبى لتحرير السودان مع نضال الشعوب السودانية المختلفة فى قضاياها العادلة والنضال مستمر بوسائله المتنوعة لاجتثاث هذا النظام من جزوره وتاسيس دولة قائمة على حقوق المواطنة المتساوية واحترام حقوق الانسان وكرامته.
أرنو نقوتلو لودى
الناطق الرسمى باسم الحركة الشعبية والجيش الشعبى
لتحرير السودان –شمال


#833576 [مهمش]
0.00/5 (0 صوت)

11-21-2013 10:00 AM
انتو مع التفاوض و لا اسقاط النظام .
ارسو ليكم علي راي يا ناس الجبهة الثورية.


ردود على مهمش
United States [الربمكي] 11-21-2013 12:47 PM
متى ولماذا خرج د. خليل من المؤتمر الوطني
متى ولماذا خرج د. غازي من المؤتمر الوطني

[IBN ALKHARTUM] 11-21-2013 10:39 AM
يا أخوي دا حال كل السياسيين حكومة أو معارضة, ما تفهم ليهم مبدأ ولا أصلاً عندهم أي مبدأ, والأوطان يرفعها شعوبها وليس حكوماتها أو معارضة أو دولة أجنبية.


#833553 [مدحت عروة]
5.00/5 (1 صوت)

11-21-2013 09:44 AM
بعد اكثر من 24 سنة من حكم الانقاذ بدل ما الخبر يكون الجيش يطرد المصريين والحبش ويسترد حلايب والفشقة الجيش يسترد كالنج وابوزبد؟؟؟؟؟؟؟؟؟؟؟؟؟؟
يا جماعة ده كلام شنو ده؟؟؟؟؟؟
مفروض ناس الانقاذ الانقلبوا على الشرعية واستخدموا السلاح ضد الدولة فى 30 يونيو 1989 يكونوا عملوا استقرار سياسى وحكم مدنى وبتوافق وتراضى جميع اهل السودان مش حكم بفكر وآيديولوجية الاسلامويين وفرضه بالقوة عشان الجيش بعد داك يضرب اى زول يحارب الشرعية المتفق عليها من جميع اهل السودان ويكون جيش محترف همه الاول هو حماية الشرعية وحدود واراضى الوطن وليس حماية جماعة او حزب واحد!!!!!
لكن فاقد الشىء لا يعطيه هم اصلا انقلبوا على الشرعية وعلى اجماع اهل السودان فمن غير المعقول ان يردوا الشرعية او يعملوا لتراضى ووفاق وطنى بل حرب واقصاء حتى آخر نفس!!!!!!!!!!!!
انتو الجيش السودانى ده مافيه واح زى السيسى بتاتا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ردود على مدحت عروة
[القادم احلي] 11-21-2013 12:57 PM
ويمكن القول بأن القطاعات العسكرية في كثير من دول العالم الثالث يُعاد إنتاجها على هيئة جماعات وظيفية ُجنِّد أعضاؤها من داخل المجتمع. ويتم عزل هذه الجماعات عن طريق المزايا والرموز المختلفة، بل يتم أحياناً عزل هذه الجماعات داخل أحياء سكنية متميزة تتمتع بعدد من الخدمات، وقد تُخصَّص مستشفيات ومدارس مقصورة على أعضائها وعلى أولادهم. وبعد إنجاز عملية العزل، يصبح للقطاع العسكري وقيادته "مصالح" مختلفة عن مصالح المجتمع، ومن ثم يكون بوسع هذه الجماعات أن تنظر لهذا القطاع بشكل محايد، ويكون بوسع القوى الأجنبية أو النخب الحاكمة أن تُوظِّف هذه الجماعات لصالحها. كما يمكن لهذه الجماعات أن تسيطر على المجتمع وتديره لصالحها وتصبح مثل المرتزقة والمتعاقدين الغرباء رغم أن خطابها السياسي قد يكون قومياً وثورياً واشتراكياً.

عبد الوهاب المسيري -موسوعة اليهود واليهودية والصهيونية - المجلد الأول" الاطار النظري"

United States [الله جابو] 11-21-2013 11:10 AM
يامدحت يا اخوي اذا كان النظام فر لضباط الجيش والشرطة والامن السكن الفاخر في شكل تجمعات سكنية
بعيدا عن الاختلاط بالمواطنين عشان ما يعرفوا معناتهم ولا يكون هناك تفاكر ونقاش في التدهور الحاصل في حياة الناس بل موفرين ليهم العلاج والتموين من المواد الغذائية . انا بعرف في اطباءخريجين جدد تم استيعابهم في الشرطة ( مستشفي الشرطة ) تم ارسالهم ليتخصصوااكتشفوا اهلهم ان هنالك حصة تمونية شهرية من المواد الغذائية عليهم استلامها عبارة عن جوال سكر كبير (50) كيلوا , جركانة زيت كبيرة , رطل شاي , 5 كيلو عدس , كيلوا طحنية وصابون وخلافه . هذا غيره من علاج مجاني واجنحة للضباط خاصة من دون الجنود والعساكر اضافة الي المرتبات الما خمج واذا واحد تم اعفاءه من الخدمة اصغر واحد فيهم ( رائد بس ) يحصل علي 300 الف جنية فوائد ما بعد الخدمه فلا تتوقع ان يكون هناك سيسي بينهم لانهم كلهم ام سيسي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة