الأخبار
أخبار إقليمية
وصول الرؤوس الجديدة لسكك حديد السودان
وصول الرؤوس الجديدة لسكك حديد السودان
وصول الرؤوس الجديدة لسكك حديد السودان


11-21-2013 06:27 AM
عبد العزيز الننقة

سكك حديد السودان (المخضرمه) نري بعض بريق لهب جمرٍ يتمارا لنا من تحت الرماد
والرماد الذي اعني رماداً صنعه "عنيةً" وعن قصد بعض ابناء جلدتنا ، واولاد البلد ، وياللإسف ، فالوطنين هم من هدموا بينما بني وحافظ وأوصلنا هذا الارث التليد اولاد العم سام .. نحن "أهله" من نخرب ، ونفرتق ، ونجعل كل صاموله في مكان ونبيع ما نستطيع ك خرد ، ونجلب ما يمكن جلبه ، ونبيع ونهدي "نتصرف فيه كانه مال ابينا وامنا إهداءً وفرزعه" ونختلس ونغتصب ونسرق و.... هؤلاء نحن اهله واصحاب الوجعه .. بينما المستعمر هو من جاءنا به حديده حديده ، وعربه عربه .. وصاموله صاموله ، وكل ذره من تدريب ومن علم ومن كفاءه ولبنة بناء هو من نفخ جمرها وتعهدها حتي نمت واثمرت وصارت فاتنة القارة السمراء وهي من تميزنا "في مجالها" دون كثيرين كانوا .. وللاسف اقول كانوا واصك اسناني فيها .. كانوا خلفنا .
لا .. لا .. لا تقولوا لي وما المستعمر ؟؟ ولماذا فعل ما فعل !!؟
ادري انه مستعمر ويعمل لصالحه وما فيه الخير لفترة بقاءه في البلد .. ولكن .. ألسنا اهل البلد ؟ وما يفعله ألا يحق لنا الاستمتاع به والمحافظه عليه وتنميته بقدر وطنيتنا ، وحجمها وحجم استفادتنا منه ومقدرتنا علي المحافظه علي ذاتنا ومكتسبات الوطن !!.
السكه حديد فطمنا حوجتنا لها في مرحلة الرضيع من توفت والدته وهو في مرحلة تمام عامه الاول او بعده بقليل .. وتباكت رغبة وفقداننا للارضاع في كل مفاصل وجسد الحوجة للتنمية والنمو .
ومشروع الجزيرة حق لنا ان نبكيه عوانس وربات حجول ما دمنا لم نستطع المحافظة عليه كرجال .
وريادتنا في القطن ، وفي الصمغ ، وفي وفي وفي و....
والسكة حديد الان قد (واقول قد) تلسع من يدخل يده في الرماد بعض حرارةٍ وجمرٍ هبد .. وقد وهذه الاحتمالية لم تاتي الا من لدغنا من ذات جحور الغدر والخيانة ولملمت الامانة علي قدر الجيوب والكومنشات والمصالح الضيقة لبعض الشخوص المستامنين علي الفعل و... وفشل المشروع بسبب التلاعب في كذا وفي الكمية وفي "المتريال" والجودة والدولارات وغيره .
ومكناة غسيل الكلي .. تبوظ قبل ان تكمل غسلةً واحده لشخص واحد
وجهاز شنو ما عارف لذات المصير
وطائرات الصين من تهبط وادي سيدنا ولا تطير ثانيةً ولا تعانق الاجواء
و....
و.....
ولكل هذه المخاوف التي صارت جزءً لا يتجزأ من أحلام باكرنا وتفاصيل يومنا ننظر بكل الفرح والتهيب لغد السكة حديد
ننظر لبعض الاعمال التي انتظمتها مؤخراً كتوسيع وتجديد القضيب والعربات والجرارات و... وتخرج من تفاصيل يومنا ابتسامةٌ مكتومه
ونسمع ونتسمّع عن ما يحدث داخلها من نشاط وبعض اعمال اداريه يقودها مكاوي (الباشمهندس) ويصيبنا الفرح المكتوم ببعض الشهقات التي يشبهها البعض بالضحك والاخر بأجناس انفعالاتٍ اخري لكنها ليست البكاء .. لان بكاءنا علي السكة حديد قد اكتمل بدر تحجره في الماغي منذ زمن .. وتحجر
والرؤوس الحديثة تصل .. وتصل بعد جحافل التطلع لغدٍ زاهر عند بوابات الخروج للعلن فينا و... ويبتسم اليوم .

- - - - - - - - - - - - - - - - -


تعليقات 17 | إهداء 0 | زيارات 6120

التعليقات
#835515 [عبد العزيز الننقة]
0.00/5 (0 صوت)

11-23-2013 11:05 AM
سلام وتحايا علي كل المتداخلين
الماده اليوم منشوره بصحيفة (الوان)


#834428 [متفائل]
0.00/5 (0 صوت)

11-22-2013 01:02 AM
الله يرحم الناس القاطعة والناس الراكبة و الخ دا ماحيخلي زول وبكره نقرا في الراكوبة الله يستر


#834326 [ساب البلد]
4.00/5 (1 صوت)

11-21-2013 09:09 PM
القطارت الحديثة سرعتها 350 كم في الساعة الياباني و الفرنسي 470 كم في الساعة..الجديد بتاعنا 100 كم في الساعة .. يعني سافروا بالبصات احسن ليكم


#834308 [asd]
5.00/5 (1 صوت)

11-21-2013 08:36 PM
قطار الانجليز يعمل منذ الاستقلال ودا حيوصلكم الاخره


#834305 [أبومونتي.]
5.00/5 (2 صوت)

11-21-2013 08:32 PM
أنا،،،خايف القطار ده،،،يكون
جاري بسرعة 300ك وحرامية الخرده
سرقوا خطوط السكه حديد لبيعها خرده
زي ماحصل قبل كده،،،شوفوا حجم الكارثه
ربنا يستر.


#834276 [كوز كنافه]
4.00/5 (1 صوت)

11-21-2013 07:45 PM
ده ماسورة بكرة يبقي ذي بصات الوالي والمهم السمسار يقبض حقه وحق السمسرة ومافي كوز او موظف بيعمل شي لله كدي اي والله اي كوز قبض وبكرة يقولون ليك نغير سيستم السكة حديد حتي تبقي ذي الانجليزي او الفرنسي او الامريكي او الصيني المهم يسجو يلكو كدي عشان السمسرة


#834237 [انقادى سادر فى فساده]
5.00/5 (1 صوت)

11-21-2013 06:57 PM
تلاقيط الكوش الصينية
صرنا خقل تجارب لبنى الاصفر


#833969 [متسكع]
4.00/5 (1 صوت)

11-21-2013 02:30 PM
ياجماعة المطقع ده كان شغال في ياتو بلد

اوع يكون بهية زى بصات والي الخرطوم

ده بكم مليون دولار يا السمسار

والله زمن العجائب

نعيب الزمان والعيب فينا


#833963 [احمد]
4.50/5 (2 صوت)

11-21-2013 02:16 PM
ياناس افهموا الانقاذ دى جات لعمل عظيم يتمثل فى محو اثار الاستعمار من سكه حديد ومشروع جزيره وخدمه مدنيه وغيرها من اثار المستعمر تكبيييييييير.


#833790 [قطر الهم]
4.00/5 (1 صوت)

11-21-2013 12:25 PM
خلونا نصدق الصورة
انشاء الله بس شهرين
بعدهـ اليبقى ماسورة
القصه مافى الرأس
القصة مقطورة
لالا القضيب ضيق
ياخ دة ما الموضوع
البستم الموضوع
خاص بى دولة المشروع
بالاى خلينامن بستم
وانت متين بقيت تفهم وتتكلم
ماسامع
انو اللجنة فى التقرير
اقيف اقيف اقيف
انا الموضوع دة خليتو!!!!!


#833786 [ود العقاب]
5.00/5 (2 صوت)

11-21-2013 12:23 PM
هذه بشائر الخير والبركة , اللهم اجعل بلدنا آمنا من كل الفتن .


#833722 [ابورده]
4.00/5 (1 صوت)

11-21-2013 11:48 AM
نامل ان يكون الجدادالالكتروتى صادقين فى نعليقاتهم بدون خجل عن التنميه والتطور
وبكر احلى واجمل وانضر ياسوداننا برغم من قساوة المحن (هم المعارضه الخائبه) ( لعمرك ما ضاقت بلاد باهلها ولكن اخلاق الرجال تضيق )


#833720 [موسى محمد]
0.00/5 (0 صوت)

11-21-2013 11:46 AM
القطر دا واقف في التراب ساى ولا شنو؟؟؟
بالله دا قضيب ولا حبل عشميق مدفون في التراب؟؟؟


#833711 [ابو محمد]
5.00/5 (1 صوت)

11-21-2013 11:42 AM
ودا قطر شنو الجاي مطفق من بلدو تقول مسوينو في المنطقة الصناعية امدرمان .. الله استر ما نتخوزق فيهو زي ما اخوزقنا في الحاجات التانيه


ردود على ابو محمد
United States [الطريفي زول النصيحة] 11-21-2013 04:26 PM
ده قطر صيني (made in china) وانت عارف انه الصينيين بتاعين كراكيب ساكت بيصنعوا ليك قدر قروشك يعني (قدر ظروفك) و كدا. غايتو نصيحتي ليك ما تركب القطر ده يمكن يتهلهل و هو جاري تلقى نفسك تحت سكته.


#833694 [عزة]
0.00/5 (0 صوت)

11-21-2013 11:28 AM
مضروبـــــــــــــــــــــــــــــــــــــــــــــــــــــــــــــــــــــــــــة


ردود على عزة
United States [النجمى] 11-21-2013 12:13 PM
دى مشى مضروبة دى خردة


#833663 [abu khaled]
0.00/5 (0 صوت)

11-21-2013 10:56 AM
ياحليل السكة حديد والصنفور لما كان بتغني بها الشعراء والمغنون والقاطرات دي سوف تطلع ماسورة ولان تعودنا علي المواسير وتكثر التبريرات الارضية غير صالحة والوقود غير مناسب للقاطرات مثل المطاحن مع قمح السودان وتذكروا كلامي دة كويس وقولوا ابو خالد ما قال وانت شيلو جيبو يالقطار (السودان)


#833637 [الفي الضلمه محدر]
4.00/5 (1 صوت)

11-21-2013 10:43 AM
Chinase , tomorrow will Broke



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة