الأخبار
أخبار إقليمية
ولاية الخرطوم تعلن زيادة أسعار الخبز وتخفيض أوزانه
ولاية الخرطوم تعلن زيادة أسعار الخبز وتخفيض أوزانه
ولاية الخرطوم تعلن زيادة أسعار الخبز وتخفيض أوزانه


الرغيفة زنة (120) بخمسمائة جنيه
11-21-2013 09:24 AM
الجريدة: الخرطوم: حوازم مقدم
اعلنت ولاية الخرطوم عن زيادة أسعار الخبز لتصبح رغيفتان زنة (120) بجنيه، ثلاث (رغيفة) زنة (80)جرام بجنيه واربع رغيفات زنة (60) بجنيه واعتبرت ولاية الخرطوم هذه الزيادة مهمة لثبات اوزان الخبز ولضمان عدم التلاعب في اوزانها وقال ممثل والي ولاية الخرطوم ورئيس قطاع الاقتصاد بوزارة مالية الخرطوم عادل عبد العزيز في المؤتمر الصحفي الذي عقده أمس بمناسبة زيادة اسعار الخبز قال إن الزيادة التي صادقت عليها حكومته جاءت بعد الورشة التي نظمها اتحاد أصحاب المخابز وحماية المستهلك والتي اقرت بدورها بهذه الزيادة لضمان عدم التلاعب باوزان الخبز ، مشيراً إلى أن الوالي سيصدر قرارات صارمة ملزمة وقانونية ضد اي تلاعب في الاوزان ووصف عبد العزيز ظاهرة صفوف المواطنيين امام المخابز بالمؤسفة مقللاً في الوقت زاته من كون الصفوف ناتجة عن زيادة في اسعار الدقيق أو شح فيه وأكد عن اكتمال كافة المعالجات الفنية والادارية المتعلقة بالدقيق .
الجريدة


تعليقات 25 | إهداء 0 | زيارات 8303

التعليقات
#834721 [يوسف البشير]
0.00/5 (0 صوت)

11-22-2013 12:38 PM
يا ناس خافوا من الله الرغيف بقى طبقات عرف الشعب الرغيف شن دخلوا


#834418 [عابر]
0.00/5 (0 صوت)

11-22-2013 12:22 AM
دي شعب رجاله ممكن يموتو من الجوع في بيوتهم وقبل ما يموت هو يشوف أهله جعانين وعي
أنين لانه ماتت النخوة فينا ولأنه خائف يطلع الشارع يمكن كان يموت بشرف بس أهله يرفعو رأسهم بفخر بدل ما يكون جنبهم جبان وما قادر يعمل شي ان الموت الذي تغزون منه انه أتيتكم بس انت لتعمل الفرق ان تكون قاءب حاضر خير من حاضر بلا معني


#834310 [asd]
5.00/5 (1 صوت)

11-21-2013 08:40 PM
الدوام لله رجعنا للبدايه


#834277 [انصاري]
5.00/5 (2 صوت)

11-21-2013 07:48 PM
شريعة ...شريعة.. ولا نموت.. الإسلام قبل القوت..." رغيف شنو" الإسلام قبل الرغيف"...


#834205 [حمدالنيل]
0.00/5 (0 صوت)

11-21-2013 06:23 PM
تستاهلو لانو خليتو اكل الكسرة وبقيتو تاكلو فى الرغيف الكلو مرض وبرومات بوتاسيوم وربنا بحبكم عشان كدة حقو تمتنو عن الرغيف بتاع الفرن وتعملو قراصة وعصيدة وكسرة وفطاير بالمنزل وما اجمل اكل البيييييييييييييييييييييييييييييييييييييييييييييييييييييييييييت



بالهناءءءءءءءءءءءءءءءءءءءءء


#834025 [khalil]
0.00/5 (0 صوت)

11-21-2013 03:13 PM
طريقه عمل الرغيف البلدى بدون إستعمال الفرن:
__________________________________________
يا جماعة عمل الرغيف فى البيت بالطوة او الصاج سريع وغير مكلف ....... قمح من الطاحونة ونزيد ليه دقيق عيش مبشور لو ما عايزين القشرة الصحية ...... وترك العجين يخمر شوية بعد اضافة الخميرة وقطعه وهاكم عشرات الطرق لعمله بالطوة

...



..


حتى لو ما زبط من مرة واتنين الثالثة بتزبط .......... وممكن نستعمل البدائل ,,, ما فى احسن من كده وعلى الاقل 30-50% من اليكرهو العواسه حايحبذوا العمل ده


ردود على khalil
European Union [ود امدر] 11-21-2013 08:13 PM
والطوة داير الغاز -- والغاز داير البترول -- والبترول داير الجنوب -- والجنوب فرتق خلاص والخلاص عند الرقاص والرقاص دايس وما شغال بي زول ملعون ابوك بلد حكومة حرامية وشعب جبان


#833997 [رانيا]
0.00/5 (0 صوت)

11-21-2013 02:47 PM
إمممم يعنى عملوها . .


#833865 [فرح الغلابة]
0.00/5 (0 صوت)

11-21-2013 01:17 PM
الف الف مبروووووووك اكلنا مما زرعناه الشعب السودان يويد في الانبياء من المهدي والميرغني والترابي ولم يتعظو من مجاعة 1306 هجرية وتاني جابو حكم الاسلام مره طائفية ومره عسكره وكلهم بمايرضي الله ولنشر قيم الاسلام السمحه ههههههههههههه اها هاكم الاسلام داه لابد من الديمقراطية العلمانية


#833859 [حريف ما لاقي]
4.50/5 (2 صوت)

11-21-2013 01:13 PM
المرة الاولي لما الحكومة زادت سعر البنزين كانوا بيوهموا الناس وبيتكلموا عن السياسة التقشف الحكومي والترهل والبنزين زاد وزاد معاو الترهل الحكومي والمرة التانية زيادة المرتبات مع زيادة البنزين وكذلك زاد البنزين وما شفنا اي زيادة والليلة اللعبة في زيادة الرغيف وغدا حاجة تانية ... الملخص بصراحة نحن شعب هايف يحسن الكلام الفارغ والجدال دون الفعل (يعني نفاخين)... نحن شعب جبان ومنافق وكسلان... والحكومة بكرة اذا قالت في فنقيس للشعب الناس ختسرع براها وتقول خلونا ننتهي سريع ونرجع نشوف اعمالنا ...


#833831 [عدو الاسلامويين المفسدين]
0.00/5 (0 صوت)

11-21-2013 12:52 PM
لك الله يا شعبنا الصابر
لك الله يا سوداننا الحبيب
اللهم اليك نشكو ضعفنا وقلة حيلتنا وهواننا على عصابة الكيزان الاخوان المجرمين
اللهم عجل برحيلهم وخلص بلادنا من جرائمهم
اللهم اجعل هذه الزيادة في الاسعار شرارة تضرم نار الثورة من جديد
هبوا هبوا يا خير اجناس الارض و يا اطيب الشعوب
نحن السودانيين وكفى


#833825 [shah]
0.00/5 (0 صوت)

11-21-2013 12:47 PM
أمد الله فى عمرها و متعها بالصحة كانت الكنداكة فاطمة أحمد إبراهيم أيام حكم نميرى عندما ترى الرجال يقفون صفوفا لشراء الخبز تنهرهم قائلة : يا رجال ما تشدوا حيلكم.


#833780 [الدقرى]
0.00/5 (0 صوت)

11-21-2013 12:21 PM
اعتدلو وساوا الصفوف يرحمكم الله , ان الله لا ينظر للصف المعوج .


#833751 [الدقرى]
0.00/5 (0 صوت)

11-21-2013 12:01 PM
اعتدلو يرحمكم الله


#833706 [مسكين]
5.00/5 (1 صوت)

11-21-2013 11:39 AM
لماذا ترتفع أسعار الخبز ويضج الناس معاناة في هذه الدولة الرسالية؟ من الذي أغضب الإله ليجوع المؤمنين ويشبع الكفار؟!!!


#833696 [وليد]
5.00/5 (3 صوت)

11-21-2013 11:30 AM
انا بس عايز اعرف الخضر ده سوداني ولا مستثمر اجني بدرجة والي


ردود على وليد
United States [ابوزول] 11-21-2013 01:48 PM
هو منافق وحرامي
يقولون ان سياسة رفع الدعم لا توثر علي المواطن العادي
ويصرح النافق الخضر اكثر من مرة بانه لا زيادة في اسعار الخبز
هولاء القوم فقدوا مصداقيتهم.....ولكن نحن نستاهل لاننا حريم ..تركنا مثل هولاء اللصوص التحكم في قوتنا وقوت ابناءنا....


#833684 [مهدي إسماعيل]
5.00/5 (4 صوت)

11-21-2013 11:20 AM
الفكرة الشيطانية كالتالي؛ تعويد وترويض المواطن على شراء رغيفتين بجنيه واحد، ثُم بعد فترة تخفيض وزن الرغيفة تدريجياً من 120 جرام إلى 80 جرام ثُم إلى ستين جرام، وهكذا يستقر السعر عند شراء رغيفتين زنة كُل واحدة 60 جرام (أي فعلياً رغيفة واحدة زنة 120 جرام بجنيه واحد)وهو السعر الحقيقي للرغيف في عهد الإنقاذالغيهب.

يا لكم من شياطين، ويا لنا من مُغفلين


ردود على مهدي إسماعيل
United States [مسكين] 11-21-2013 12:37 PM
وهو كذلك!

European Union [امبرمة] 11-21-2013 12:34 PM
و الله يا مهدي يا اخوي اسمع كلامي دا كويس
بعد شوية رغيفتين كل واحدة زنة 60 جرام بواحد جنيه دي تشوفها حلم حلم و تكوس ليها كواسة ما تلقاها
اه زول المسألة بايظة خلاااااص
الجوع الجوع جااااانا
خزنوا قوتكم زي النمل
انا بديت اخزن بشوية شوية


كسرة
خصمتكم بالله يا ناس الراكوبة نصيحتي دي لو ما خليتوها تشوف النور


#833677 [omda]
5.00/5 (3 صوت)

11-21-2013 11:11 AM
بكره العيشه تبقى بى جنيه ده كلام جميل ان شاء الله تبقى بى عشرة عشاااااااااااااااااااااااان نحنا نستاهل


#833676 [ضل الدليب]
5.00/5 (2 صوت)

11-21-2013 11:11 AM
نحنا ولاد الريف ما بناكل الرغيف وعايشين بالعصيدة واكل التفاتيف
يا اهل الخرطوم اليلة مافى رغيف اطلعوا الشارع وخلو البلد ترجف
الخرطوم خرب والناس واقفة رصيف الما بقتلو المرض لا بد يموت بالسيف


#833665 [مهاجر]
5.00/5 (1 صوت)

11-21-2013 10:57 AM
لعنة الله عليكم والناس والملائكة اجمعين .. اللهم ارنا في افراد عصابة المؤتمر الوطني عجائب مقدرتك


#833646 [سوداني حر]
5.00/5 (1 صوت)

11-21-2013 10:47 AM
حتى وهم في الحكم يستعملون سياستهم القزرة وهي الاحتكار وافقار السوق من المواد وبعدها يفرضون ما يحلو لهم من اسعار ،،، إن حياة المفسدين والفاسدين تسير كما هي لا تتغير ولا تتبدل ،،، ونسأل الله أن ياخذهم اخذ عزيز مقتدر ولا يزر فيهم ومنهم أحد إنه ولي ذلك والقادر عليه .
لله درك يا وطن


#833634 [جنوبي]
5.00/5 (1 صوت)

11-21-2013 10:42 AM
ههههههههههه عليك الله يا الخضر تم جميلك ووزع لينا موازين كمان عشان نشيلا معانا لما نمشي الفرن !!!
انتو الناس ديل زمان قالوا لينا ( تحرير ) السوق ولآ ( تهرير ) ..


#833586 [ود المك]
5.00/5 (1 صوت)

11-21-2013 10:10 AM
مبروك , ولادة متعسرة , وجنين مشوهـ , ومااااااااااااااااااابحلكم.


#833578 [جنرال زمان]
5.00/5 (2 صوت)

11-21-2013 10:01 AM
يعني الفهم شتو نفس الوزن لفئات مختلفة .
بعدين انتو ما قدرتو تراقبوها زمان حتراقبوها اسي .
الخطوة دي فقط حتزيد من حنق المواطن وبعد دا المواطن ما حيعمل حاجة حيشتري وخشمو عندو .


#833542 [عمر البدوي]
5.00/5 (1 صوت)

11-21-2013 09:39 AM
هل يصنع الخبز من العنب والتفاح ام من دقيق القمح يا عالم


#833535 [aldufar]
4.00/5 (2 صوت)

11-21-2013 09:35 AM
على الشعب في كل ربوع السودان الحبيب الخروج للشارع فوراً وعدم القبول باي زيادات جديدة .



مظاهرات حدها الركب كل اطياف شعبي المقهور



يا حزني على شعبي يموت على رصيف الانتظار .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة