الأخبار
أخبار إقليمية
والي الخرطوم الخضر : (30) % من سكان الخرطوم نصيب الفرد منهم (10 ) سيارات
والي الخرطوم الخضر : (30) % من سكان الخرطوم نصيب الفرد منهم (10 ) سيارات
والي الخرطوم الخضر : (30) % من سكان الخرطوم نصيب الفرد منهم (10 ) سيارات


11-21-2013 04:41 PM
الخرطوم : شاذلي السر
أقر والي الخرطوم د. عبدالرحمن الخضر بوجود تمايز طبقي بولايته ، مشيرا الى ان 70% من سكان العاصمة يعتمدون على المواصلات في تنقلاتهم مقابل 30 % فقط من السكان يتمتعون بركوب الفارهات ، لافتا الى ان هذه الفئة تمتلك (700 ) ألف سيارة بواقع عشر سيارات للفرد الواحد ، وأكد الخضر خلال احتفال تدشين بداية العمل في محطات القطار المحلي أمس (الأربعاء ) عزم الولاية وضع حد لأزمة المواصلات المستفحلة بالعاصمة ، مشيرا الى ان القطار يسهم في تحقيق نوع من الانفراج ، مؤكدا دخول القطار نطاق الخدمة في أواخر العام القادم وقال ان المشروع يبدأ في مرحلته الأولى بـ(6) قطارات بحمولة (200) راكبا للقطار تربط بينها أربعين محطة موزعة على مدن الولاية الثلاث ، وأوضح الخضر ان تكلفة المشروع بلغت (78 ) مليون دولار بتمويل وتنفيذ شركة نوبلز ، وكشف الخضر توصل الولاية لاتفاق مع بنك السودان المركزي بشأن تمويل مشروع تمليك بصات المواصلات بالولاية ، وقال ان بنك السودان وافق على تقديم المصارف التجارية التمويل للمتقدمين للبصات للحصول على التمويل دون تقديم ضمانات مالية .

الاهرام اليوم


تعليقات 30 | إهداء 0 | زيارات 8199

التعليقات
#835353 [مغتربه ومكتويه بنار البلد]
0.00/5 (0 صوت)

11-23-2013 05:26 AM
يا كرم الله ما ترد لينا على الجربوع ده الصقر المطرود والحرامى الكبير


#834493 [غلبان]
0.00/5 (0 صوت)

11-22-2013 07:35 AM
الناس ديل كانو حاسدين ناس الحافلات فى رزهم و مفتكرنهم خامين القروش قامو عملو بصات الوالى و لقوها ضاااااااااربة و ما قدر اطماعهم و الان القطر ابو 78 مليون دورار دا حيكون مشروع فى الورق او بتكلفة 3 مليون دورار و الباقى طبعا حيوزعوهو للمساكين


#834466 [ود الحله]
0.00/5 (0 صوت)

11-22-2013 03:06 AM
يا عم الوالي
والله بالغته ... ما ال 30% ديل انتو وجماعتك .... مراح عربات


نفسي اشوف لي وطني ولا جبهجي ***** كده زينا


#834437 [zoo]
0.00/5 (0 صوت)

11-22-2013 01:23 AM
القطار يسهم
هو قصدو حايطحن ميزانية المواطن الاصلا طاحننها التلاته فى الميه وال27 من التبع من الشعب الشغالين خدم تحت رجليهم


#834405 [عصمتووف]
0.00/5 (0 صوت)

11-22-2013 12:02 AM
ومن خلق تلك الطبقة وترك طبقة المنبوذين لله والزمن الحل في تطبيق الاشتراكية نتقاسم معكم نساوانكم بمنازلكم وسياراتكم و اولادكم نتركهم لكم لا يلزمونا ابناء الضباع نحن مسالمون طيبون لا نغدر ولا نعض زي ما قال وردي عشان نبني اشتراكية ونرفع رايه هم خلوها لعنة الله عليكم كنت احفظ هذا النشيد واردده نسيتو والاغرب لحنة وكلماتة في لساني لكن ناسي الكلمات الله يرحمك وردي وكمال الجزولي


#834392 [محاسب]
0.00/5 (0 صوت)

11-21-2013 11:32 PM
لا يا عزيزي الموضوع كالتالي:
عمك ده متعود على الخم !
قول لي كيف ؟
أولاً : هو عاوز يوهم ليك الناس أنو جماعته ، المتعاونين مع الاحتلال الاخواني للسودان عددهم كبير ونسبتهم تبلغ 30% من سكان الولاية! وحاول بي حركة بهلوانية يدي ليك الموضوع مصداقية بأن كشف حقيقة مشكوك فيها بأنهم -أي جماعتوا- كل واحد فيهم عنده 10 عربات مجموعهم 700.000 سيارة.
المصيبة الكشفها الزول ده وهو لا يدري أن مجموع قوات الاحتلال الاخواني لا تزيد عن 70 ألف شخص فقط في السودان، بي الخم !لانهم متركزين كلهم في الخرطوم.
يعنى نسبة الكائن الاخواني المحتل من عدد سكان السودان تبلغ 70,000/34,000,000 يعني 0.002% من السكان، ده لو صدقنا أنو سكان السودان 34 مليون وكل واحد فيهم يوم القيامة جاي شايل أصبعو لي عمر البشير زي ما هو قال، وعشان كده جاب زي الزفر ده والي علشان جزء من الاصابع دي تتوزع عليهم!
طبعا الموضوع ده ممكن البحث يطول فيه لاكثر من 700,000 صفحة!
يجيك عبيط عبد الراضي يقول ليك جينا بأغلبية في الانتخابات!
أي صاح 0.002% دي أغلبية عربات واموال خيرات البلاد، حقتهم ملك حر، بي قانون الاحتلال الاخواني !


#834380 [موسى عثمان]
0.00/5 (0 صوت)

11-21-2013 11:11 PM
السيد الوالي تحية لكم جميعاًاخي آسف ولكن مما جئت انت

تقول حنصلح المواصلات كم مرة غيرت موقف المواصلات في الخرطوم

كم بص نزلت وكم بص سحبت من الشارع انك لم تقدم اي شئ للمواطن


الله يسامحكم ويسامح الجميع


#834349 [مجنون]
0.00/5 (0 صوت)

11-21-2013 10:22 PM
يعنى العندهم 10 سيارات ديل عاجبنك يا خبل شوف الفى اطراف العاصمة المالاقين رغيف حاف زبالة والى ساذج


#834348 [ودالباشا]
0.00/5 (0 صوت)

11-21-2013 10:20 PM
دو دو دو دو توووووت اركبوا اركبوا مشكلة المواصلات اتحللت


#834337 [ياسر عبد الوهاب]
5.00/5 (1 صوت)

11-21-2013 09:46 PM
لزومو شنو الاحتفال والتدشين والقطر ما حيصفر الا بعد سنه..


#834300 [ممكون وصابر]
5.00/5 (1 صوت)

11-21-2013 08:18 PM
30% سيارات + 70% مواصلات + 80% دواب = 100% ,, ما تستغربوا ده كوز بليد بحل في مسألة رياضيات .


#834298 [ابوطارق]
3.00/5 (2 صوت)

11-21-2013 08:16 PM
هذا يعني أن 70% من سكان العاصمةيحتاج للدعم من رفع الدعم عن المحروقات البترولي !!!!! ؟؟؟؟؟


#834290 [أبومونتي.]
5.00/5 (1 صوت)

11-21-2013 08:04 PM
قطركم،،،ده بدخن؟


#834288 [quickly]
5.00/5 (1 صوت)

11-21-2013 08:00 PM
عبدالرحمن الخضر ولا الخبـــل؟!


#834283 [sadig abddallh]
5.00/5 (1 صوت)

11-21-2013 07:56 PM
for how long u want to stay in ruling this stupid country!


#834282 [Zingar]
5.00/5 (2 صوت)

11-21-2013 07:53 PM
أنا عايز عجله بس يا خضر الحاوى..بلاء يخم اهلك.


ردود على Zingar
[الغريب عن وطنو] 11-22-2013 03:45 AM
شكلك كده من ناس بونا الحنونة يا زنقار هههههههههه


#834250 [المشتهى السخينه]
5.00/5 (1 صوت)

11-21-2013 07:11 PM
ياناس ياشر كفايه ار .. كل العربات الفارهة الحايمه وسط الخرطوم هى عربات الاجهزة الامنيه المستورده والمحليه والمؤتمر الوطنى وابناء وزوجات المسؤولين وشيوخ هيئة علماء السودان وتستهلك اكثر من 70 % من الوقود ..


#834240 [الزول الكان سمح]
5.00/5 (1 صوت)

11-21-2013 06:58 PM
بالله شوف الصفاقة بتاعت ود الخِدِر..يركبون الفارهاااات ..فوق معاناة الشعب المُكِد لتوفير لقمة العيش لأطفاله الذين ربما يحظون بوجبة واحدة فى اليوم عند رجوع عائلهم فى المساء بعد خروجه مع نباه الصبح.. مثال ذلك الرجل الذى إنتزعت منه كشكو وطفشت أولاده الله يطفش أولادك ويكون الجزاء من جنس العمل


#834227 [سوداني ود بلد]
5.00/5 (7 صوت)

11-21-2013 06:44 PM
جاء في الخبر اعلاه "اقر والي الخرطوم د. عبدالرحمن الخضر بوجود تمايز طبقي بولايته ، مشيرا الى ان 70% من سكان العاصمة يعتمدون على المواصلات في تنقلاتهم مقابل 30 % فقط من السكان يتمتعون بركوب الفارهات ، لافتا الى ان هذه الفئة تمتلك (700 ) ألف سيارة بواقع عشر سيارات للفرد الواحد"
يا عبد الرحمن الخضر كيف عملوك والي وانت تجهل مبادي علم الحساب , فحسب تصريح منسوب لك فإن عدد سكان ولاية الخرطوم اكثر من 6 مليون نسمة و30 % منهم يعني 1,800,000 نسمة فإذا كان لكل من هؤلاء 10 سيارات فعدد السيارات من المفترض يكون 18,000,000 وليس 700,000 اليس كذلك ام ان لناس الانقاذ علم حساب آخر غير الذي تعلمناه في المدارس ؟


ردود على سوداني ود بلد
United States [Mustafa Tageldin] 11-22-2013 12:32 AM
الراجل ده ما بليد لكن كضاب, هسي يا اخوانا تلتين ف الميه دي معناها تلت سكان الخرطوم و الكلام ده ما ممكن يكون حاصل لأنه نسبه الفقر اكتر من 90%, بعمليه حسابيه بسيطه بافتراض عدد السيارات ده حقيقي النسبه ممكن ما تتجاوز 1-2 %

United States [ابكرونا] 11-21-2013 10:43 PM
عملية رياضيه فى محلها .. شكرا على التعرية .

European Union [طول النظر] 11-21-2013 09:54 PM
الزول دا ما بليد فى الحساب وولكن يعانى من تخلف عقلى ويمكن معرفته
من شكل رأسه فجبهة الراس اصغر من بقية الجمجمة مما يؤدى لضمور
فى المخ وصغر محجر العيون الذى يسبب طول النظر، والمصاب به
يجد صعوبة فى الرؤية القريبة والقرآءة . يبدو ان معالجة ضعف نظره
لم تتم فى وقت مبكر وتم اكتشافها مؤخرآ فبدأ يلبس نظارة ذات عدسات
محدبة.

[عابر] 11-21-2013 09:31 PM
والله الواحد بقى ما عارف زاتو .. ياربي حمار الوالي ولا الصحفي ولا مباديء الحساب الدرسناها في الابتدائي دي كلها كلام فارغ ولا الحساب ذاتو غيروهو ؟؟
apart from this والله العظيم العظيم الوالي ده بكرهو اكتر من نافع ولبشير .. الزول ده بيضة ازلية .. شخصية تافهة بشكل غير عادي .. مابقدر اعاين في كرشو دي نهائي .. ومرات بشوفو خول خول ..
لا حولااااااااااااا
الزول ده اشنى واتفه واعرص من الفلس .. كوم براهو


#834221 [نبض التعب]
5.00/5 (1 صوت)

11-21-2013 06:41 PM
و .. (زيّ الحال ده يوم لا كان لا حصل
والبال إشتعل
(السكّة حديد يا عمّو "القطر"
يا عبدالرحيم قدامك قطر
السكّة الحديد قدامك خطر
و .ز سال الدم مطر
وطارت دمعتين وإنشايح وتر
يا طاحن الخبر ما بين الفضاء ومُرحاكة القدر
الشِهدِوا الدموع والدع الهدر
"إيدهم" في التراب و"العين" في القطر
عارفين الحصل .. عارفين في حذر
الخبر اليقين بوّخ إنتشر
أطفال القرى وعمال الحضر
أدّوهو الطيور ودّنو البحر
إنصاعد سحاب وإندافق مطر
عم عبدالرحيم في الشارع عصرْ
لي تالا"اليسار" مُتفادي الكجر
دورية الكجر
عربية الكجر
جفّلتْ الحمار وطوّح زي حجر
وعم عبدالرحيم إتلافا القطر
فتّاح يا عليم سال الدم مطر
جرتّق بالتراب
منشور بي كتاب
وماهية شهر
مفتاح أب غُراب ،وأورنيكين سهر
جمب لِبدة حمار مقطوعين ضهر
عم عبدالرحيم يا "كمين بشر"
صحّي الموت سلام .. ما يغشاك شر!.

رحم الله الشاعر الفذ محمد الحسن سالم حميد والفنان القامة مصطفى سيد أحمد وهما يعطران حياتنا بهذا العمل الفني الخالد والرفيع والذي لم أجد أفضل منه للتعليق على ما تقيأ به عبدالرحمن الخضر قاتل شهداء هبة 23 سبتمبر المجيدة.


#834220 [محمد علي]
4.50/5 (3 صوت)

11-21-2013 06:40 PM
حسبي الله ونعم الوكيل فيك


#834210 [المولود]
5.00/5 (2 صوت)

11-21-2013 06:29 PM
الوالي العجيب 700الف سيارة كلهم سيارات نقل اما السيارات الفارهة علي حسب كلام الوالي هي السيارات الكورية يعني فارهة عندنا التوسان استغفر الله العظيم من اين اتي هولاء


#834193 [عدو الاسلامويين المفسدين]
5.00/5 (1 صوت)

11-21-2013 06:10 PM
ومن المتسبب في هذا التميز الطبقي ... اليست هي افاعيلكم الخرقاء
ولكم يوم ان شاء الله ... واني لارى الدماء بين العمائم واللحى


#834183 [الفي الضلمه محدر]
5.00/5 (1 صوت)

11-21-2013 05:54 PM
Metro Khartoum Project is coming Yahooooooooooooooooooooooooooooooooooo
heay you be wakeup wake up , it is meter wa Kartoon don't dream to much


#834175 [مكرووووب]
5.00/5 (1 صوت)

11-21-2013 05:44 PM
ليكم الله


#834171 [مكرووووب]
5.00/5 (3 صوت)

11-21-2013 05:36 PM
قطر عجيب


#834167 [الهوساوي]
4.75/5 (4 صوت)

11-21-2013 05:30 PM
شكلو الجماعة كانوا زمان بيتاجروا في السيارات و هسع مع غلاء البنزين و قلة السيولة بقت تجارة تعبانة ففكروا في القطارات


#834143 [Garfan]
4.94/5 (14 صوت)

11-21-2013 05:07 PM
السؤال للوالي الهمام -كم عدد اللذين ينتسبون للمؤتمر الوطنى من ال30% هذه ?? الانقاذ هي المسؤوله من هذا التميز الطبقى الصارخ ....خاصة بعد التمكين ...لعل هنالك فقط اقل من 1% منهم مغتربين قادرين !!!!


#834142 [برعي]
4.98/5 (10 صوت)

11-21-2013 05:07 PM
قطار يخمكم يا سجم


#834140 [حيرتونا]
4.99/5 (13 صوت)

11-21-2013 04:59 PM
يعنى يا الوالى يامفتح تحل المشكله بالقطر وعايز تمسك الناس الباصات هههههههههه خليك ماسك البصات وبيع لينا القطر


ردود على حيرتونا
United States [خبير الاعواد] 11-21-2013 07:58 PM
هههههههههههههههههههههههههههههههههههههههههههههههههههههههه

United States [جنوبي] 11-21-2013 07:32 PM
هههههههه والله صدقت ..

United States [عنيد] 11-21-2013 05:41 PM
ههههههههههههههههههههههههههههههه بيع القطار دى حلوه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة