الأخبار
منوعات سودانية
عيشة الدلاليّة: الحمد لله.. الحال مستورة ونسوان كتار ما بيدّوني حقي
عيشة الدلاليّة: الحمد لله.. الحال مستورة ونسوان كتار ما بيدّوني حقي
عيشة الدلاليّة: الحمد لله.. الحال مستورة ونسوان كتار ما بيدّوني حقي


11-21-2013 11:54 PM

دردشت معها - أماني خميس

أم لولد وبنت.. بدا اهتمامها بتربيتهم هو الشغل الشاغل في حياتها، والأهمّ بالنسبة لها، "عشان ما تحتاج لي زول" كما تقول.. فكرت أن تكون (دلاليّة حلّة).. المسألة في غاية البساطة؛ يكفي إعداد شبكة زبونات من داخل حيّها والأحياء المجاورة.. عيشة التي ابتدرنا الحديث بصددها قبل قليل بدأت بالرّيحة السودانيّة وطّورتها وانطلقت من حجر الطير.. أدناه محاور ونسة خفيفة معها على هامش السوق.

* ليه اخترت مهنة الدلاليّة؟

- أولادي صغار وفضّلت أن أضع كل تركيزي في تربيتهم وتعليمهم وبديت بالأرياح النسوية السودانيّة، وبعض الـ(شباشب) وأرياح البخاخ.

* أسعارك نار زي حال البلد اليومين ديل؟

- هسة يا بتّي الأسعار ولّعت، لكن قبيل كنت بشتري الأرياح كلها في حدود (100) جنيه، وبعمل الرّيحة.. كنت ببيع فتيل الجرسلين بـ(4) ألف زمان، وهسّة الفتيل بقى بـ(10) لأنّو الأرياح غالية، وبقيت بعملها بالطلب، لأنّها ما بتغطّي.

* والشباشب؟

- كنت بشتري الشبشب بـ(15) وأبيعو بـ(20) زمان، وهسة بقى الشراء بـ(20) والبيع في حدود (30) لغاية (25)، والبخاخ كان بـ(12) وببيعو بـ(16)، والآن بقى بـ(20) وأبيعو بـ(25).

* اشرحي لينا طريقة البيع كيف؟

- البيع بالتقسيط المريح، وأنا ما بحدّد زمن معيّن، لكن بعض النساء بتدفع خلال الأسبوع، وبعض منهنّ خلال شهر وشهرين، وبعد مرّات بتكون الواحدة ما عندها القسط الأوّل بتساهل معاها حتّى تدفع المبلغ في الزمن المناسب مع ظرفها، يعني لما أستلم كلّ المبالغ للبضاعة الموزّعة ممكن بعد أربعة شهور.

* وكل النسوان بيلتزمن بالدفع ولا كيف؟

- فيهن الما بتدفع وبتشيل بضاعة كتيرة وبمشي ليها مرّة واتنين وتلاتة، بعد داك بوقّف التعامل معاها، وكتار بيعملن كدا، بقيت لما أجيب البضاعة بباري بي بعيد لحدّي ما أكملا ولما يسمعوا بيها أنا بكون خلّصتها.. يا بتّي ما بقدر أقوليهم ما بدّيكم، لكن لما أقول ليهم انتهت مافي مشكلة، وبقول المرّة الجاية، وكدا أنا شغالة معاهم، وفي مرات بصارحهم بالمتأخرات وبقوليهم العفو والعافية.

* الطلبات شكلها كيف؟

- أنا أصلا بتعامل مع محل في سوق ليبيا.. باخد منهم البضاعة وبوزّعها في الحلّة، وبتكون في طلبات محدّدة بشيلها منهم.

* طيّب غير حجر الطير وود حبشي تاني بتمشي وين؟

- البضاعة بحملها للداير في الحلّة والمناطق المجاورة، بمشي ود حامد والقلعة والحواويت والشطيب والكمر، دي المناطق في حدود تجارتي.

* بتغطّي معاك؟

- الحمد لله.. الحال مستورة.

االيوم التالي


تعليقات 1 | إهداء 0 | زيارات 1574

التعليقات
#834555 [العلماني]
0.00/5 (0 صوت)

11-22-2013 09:48 AM
يا أماني خميص بصراح إنت مطرطشة في راسك .
الناس في شنو و الحسانية في شنو .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة