الأخبار
أخبار إقليمية
تفاصيل جديدة في قضية طالبة أبو حمد
تفاصيل جديدة في قضية طالبة أبو حمد
تفاصيل جديدة في قضية طالبة أبو حمد


11-22-2013 10:42 AM

حرزت مباحث شرطة ولاية نهر النيل حذاءً للمتهم، عثر عليه بمنزله، وعليه آثار دماء يعتقد أنها دماء بشرية، وأنها تحديداً دماء المجني عليها. وكانت الشرطة قد عثرت على الحذاء عقب قيامها بتفتيش منزل المتهم لتتم إحالته للمعامل الجنائية لمطابقة عينات الدماء على الحذاء، مع عينات دماء المجني عليها، وأضافت مصادر أن المتهم يواجه تهمة السرقة في بلاغ تقدمت به إحدى السيدات في مواجهته، بعد أن تعرفت عليه وادعت أنه قام بسرقة أشياء من منزلها بأبو حمد. ويذكر أن الشرطة أوقفت المتهم عقب ارتكابه للجريمة وفراره، حيث ضبط بمنطقة خلوية واتضح فيما بعد أنه يعمل في شركة تحصيل وتأمين بالمحلية، وتجدر الإشارة إلى أن الحادثة التي خلفت احتجاجات واسعة وأعمال شغب بالمنطقة؛ تعود تفاصيلها إلى أن مخموراً تسور سور المدرسة التي بداخلها داخلية للطالبات، وحاول المتهم الاعتداء والتحرش بطالبة تدرس بالصف الثالث الثانوي، إلا أنها قاومته ورفضت طلبه وتعاركت معه، في محاولة لدفعه عنها والابتعاد عنه، إلا أنه أخرج سكيناً سدد بها طعنة للطالبة التي سقطت أرضاً مضرجة بدمائها، وفرّ المتهم إلى جهة غير معلومة.

السوداني


تعليقات 9 | إهداء 0 | زيارات 10791

التعليقات
#835672 [جرارتوبو]
0.00/5 (0 صوت)

11-23-2013 01:42 PM
الفى الدهب ديل جاين يعيشو ويترزقوا الله ماجاين عشان بناتكم بعد ما افقروهم الجاين من عندكم ياجوع ياهاجري دياركم يانزحين ثزكروا الماسكين البلد ديل منكم تزكرو انوا كان عندنا لم الواحد فينا عندو ديك ماشى سوق يبيعوا بفرضو عليه جبايه افقرا الديار والعباد الله يفقرن ؟


#835280 [ودالباشا]
0.00/5 (0 صوت)

11-23-2013 01:50 AM
يعنى قبضوا المجرم ولا لسه هذا ما يهمنا حتى ياخذ جزاءه اما عينة الدم والمعامل الجنائى والحذاء وقصة السرقة دى نحنا لا تفيدنا الا تكونى عايزين تورونا انكم شغالين وتخدروا الناس ولا الراجل تطلع من اهل التمكين ياما عندكم عرض


#835058 [حامد يونس محمد]
5.00/5 (1 صوت)

11-22-2013 09:04 PM
اسمع يا ‏mohd‏ الدهابة الفي الطواحين ديل الواحد منهم بيشغل عشرين فرد من عواطلية ابوحمد المطعم البياكل منو و القهوة البنوم فيها و النادي البشاهد فيهو و ذاد الخلا و الموية و معدات التنقيب عن الذهب و العربية البسافربيها للخلا ووو كلها استثماراخرج ابوحمد من غياهب النسيان و جعلها من اغني المحليات في السودان و في السابق قبل الدهب و الدهابة كنتم تجبرون القطار علي المبيت في ابوحمد لتبيعو للمسافرين الفول و الطعمية و في النهاية تتهموا الدهابة بالاغتصاب و انا بأكد ليكم جميع الدهابة ذهب رنين الذهب بعقولهم و لا وقت لديهم للتفكير في النساء و انا نفسي دهابي عتيد لم افكر يوما في ذيارة ابوحمد و في كل سفرياتي لابو حمد لم اغادر موقف البصات و لا شبر من البص السياحي لاقرب هايس او بوكس متوجه للطواحين و اذا كان فهمك طرد الدهابة الي ولاياتهم فنفس الحال ينطبق علي جميع الرباطاب فيجب طردهم من جميع ولايات السودان الفضل الي ابوحمد بعد ما اتفضحتوا و طلع المغتصب واحد منكم


#834987 [تينا]
0.00/5 (0 صوت)

11-22-2013 07:28 PM
يا ((( سامو وفركتو ))) ليه طوالى بس جارين لاساءتنا وشنو يا فركتو هم متعودين دى ؟؟ قالوا ليكم الزول يعمل فى شركة تأمين وتحصيل منو البشتغل فى شركات التحصيل غير الكيزان ؟؟ وحتى ممكن يكون واحد من جماعتهم ولا مننا وجابو ختوهو فى راسنا مافى داعى ليكلامكم دا .


#834791 [mohd]
5.00/5 (1 صوت)

11-22-2013 02:01 PM
اسمعوا يا ناس لا طواحين لا اجرام ولا حكومة


كل ناس ولاية يحافظوا على ولايتهم ويطردوا اي زول من ولاية ثانية خارج الولاية

كمان جابت لها اغتصاب وسرقات بعد سرقة ذهب المواطنين واراضيهم

يلا الجايي من الغرب يمشي الغرب والجايي من الشرق يمشي الشرق والجايي من الخرطوم يمشي خرطومه والجايي من الجزيرة يمشي جزيرته دي بلد مصيرها التفكك بلد فاشلة


ردود على mohd
United States [سعيد حسبن على] 11-23-2013 12:50 AM
يامحمد الجزيرة البتتكلم عنها دى كانت عايشاك وعايشة سودانك وناسك ناس الشمالية كانو شغالين غفراء فى المكاتب وفى الترع البركة الفى الدهب الخلاك تتكلم وانا قزم ﻻنك تتطاول على من كانوا يرفدون ميزانية الدةلة بى 80% وده كلو من الجزيرة اكيييد انت خريج الاساس مابتعرف الجزيرة كويس ووريتنا والله العشر قام ليهو شوك لكن....


#834777 [تينا]
0.00/5 (0 صوت)

11-22-2013 01:45 PM
لما قريت العنوان فرحت قلت خلاص المجرم امكن قصوه عدييييييييل اذا بى اتفاجأ العثور على حذاء وما ادراك ما حذاء عليكم الله كان غلبكم ما فى داعى للاثارة ساكت عالم عجيبة .


#834763 [samo]
0.00/5 (0 صوت)

11-22-2013 01:27 PM
يعنى ناس الطواحين طلعوا مظلومين والزول من ناس البيت


ردود على samo
United States [فركتو] 11-22-2013 05:56 PM
الزول منهم وفيهم دايرين بس يلفو ويدورو عشان يلبسو الجريمة لواحد برئ
وهم متعودين لذلك شابكننا دهابة دهابة في الفاضى ساكت


#834674 [الخفسو]
0.00/5 (0 صوت)

11-22-2013 11:49 AM
يا جماعة القصة الحقيقة شنو؟؟؟

مش قالوا المتهم بطعن الطالبة من الدهابة ، فقامت الإحتجاجات وتم إخراج سوق الذهب خارج المدينة؟؟

طيب ... هل قصة السرقة والتعرف على السارقة من سيدة أخرى الحذاء والدم على الحذاء وشركة تامين وتحصيل وووو... لنفس المتهم

إذا كانت هنالك تفاصيل جديد نرجو المواكبة لأنها أخبار إجتماعية مهمة ومؤثرة على المجتمعات


#834649 [الزول الكان سمح]
0.00/5 (0 صوت)

11-22-2013 11:23 AM
يا ناس راعوا في ما يأتى بعد حروف الجر عندما تكتبون...هؤلاء دمروا كل شئ فى البلد ومن ضمنها التعليم...


ردود على الزول الكان سمح
European Union [الزول الكان سمح] 11-22-2013 03:06 PM
يا [زول وبس]

الأسماء الخمسة ( أبٌ ،اخٌ ، حمٌ ، فو ، ذو) ...فهمت أنت!!!!!

United States [jangy] 11-22-2013 02:46 PM
وحمد دا كان شنو مش ولد ابو والابو مثل الاخو من الاسماء الخمسة وللا الاساتدة(نقط الدال) الدرسونا زمان كانو صينيين وصلهم العلم من جزيرة العرب افتونا يا ناس ابوك اخوك فوك حموك دو مال(نقط الدال عشان الكى بورد ناقص)

United States [زول وبس] 11-22-2013 11:49 AM
تكتب أبو ولا تتأثر لأنها اسم علم وليس من الأسماء الخمسة.فهمت؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة