الأخبار
أخبار إقليمية
إشراقة : مشاورات مع السعودية لإعادة العمالة السودانية المُرحلة
إشراقة : مشاورات مع السعودية لإعادة العمالة السودانية المُرحلة
إشراقة : مشاورات مع السعودية لإعادة العمالة السودانية المُرحلة


11-22-2013 10:50 AM

الخرطوم - نجدة بشارة

كشفت حكومة السودان عن مشاورات جارية مع حكومة المملكة العربية السعودية لإعادة استيعاب العمالة السودانية التي تم ترحيلها إلى السودان مؤخراً.
وأكدت وزيرة تنمية الموارد البشرية والعمل "إشراقة سيد محمود" - أن وزارتها تجري مشاورات مع حكومة المملكة السعودية لإعادة استيعاب العمالة السودانية التي تم إرجاعها مؤخراً في وظائفهم بصيغ قانونية ومحاولة تكييف أوضاعهم ليتسنى لهم العمل مجدداً بالسعودية.
وذكرت الوزيرة أن الوضع الراهن جاء عقب سفر بعض العمالة السودانية بـ (الفيزا) الحرة واستبدال الكفيل بالسعودية ، وأشارت إلى أن الأمر أدى إلى تعقيد أوضاعهم وعدم قدرتهم على التكيف مع قوانين وزارة العمل بالمملكة، مما أدى إلى ترحيلهم إلى السودان عبر وسائل السفر الاضطرارية .

المجهر


تعليقات 18 | إهداء 0 | زيارات 4173

التعليقات
#835529 [أنا]
3.00/5 (2 صوت)

11-23-2013 11:15 AM
والله المره المجلطة شعراته دي ما حتجيبه البر ابدا وبكرة تشوفوا


#835201 [wad somaeen]
3.00/5 (3 صوت)

11-22-2013 11:26 PM
بدل ماتفتشي ليهم فرص عمل تقولي يرجعوا تاني .. دا مشروع جديد اسموا الهجرة الاجبارية ولا شنو (يعني لازم المغترب يغترب الى الابد......). شوف الشارع مليان عمال اجانب ونحن السودانيون بحلم بالهجرة عشان نشتغل عمال (............) وبلدنا مليانة محلات اجنبية (محلات تركية ولبنانية وباكسنانية ومكوجية واسيو افريقية) يا ايتها الوزيرة الزاد كان ما كفى اهل الدار يحرم على......


#835098 [سالم السالم]
1.00/5 (1 صوت)

11-22-2013 09:53 PM
حي انا من بت الروضة دي ..والله حرررررررررررررررررررقت روحي


#835024 [عباس]
1.00/5 (1 صوت)

11-22-2013 08:17 PM
والله نستاهل ،الرجال كملو في البلد(بختك يا المانافع عيش حياتك)


#834956 [الكجاج]
0.00/5 (0 صوت)

11-22-2013 07:07 PM
ياوزيرة يا فاشلة عالجوا مشكلة الرغيف أولا وخلو عندكم كرامة ونحن الأوضاعنا مصلحة جايينكم نشوف الحرامية ديل حدهم وين الكلام دا قالوه الاثيوبيون قبلك بس عاوزين تتطفشوا الناس وتقعدوا إنتي واشاكلك في البلد


#834821 [فيفى]
0.00/5 (0 صوت)

11-22-2013 02:48 PM
بإجماعه الله يديكم العافية خففوا على البنيه شويه وركزوا على كلام سفير السودان بالسعوديه خلال برنامج حتى تكتمل الصورة ، الرجل اتضح انه حتى ما عارف عدد العماله السودانية ولا العدد المتوقع ترحيله ووالله حتى الطاهر مقدم البرنامج نفسه استحى على الرجال اشان كده نتمنى منكم ترفعوا العصا عن البنيه شويه لانه نحن السودانيين عادة مابنضرب المرأه طالما إنه لقينا راجل تتفشى فيهو ،،،،،،،،،،


#834779 [تينا]
5.00/5 (2 صوت)

11-22-2013 01:50 PM
اجى يا اشراقة انتى بتحلمى ولا شنو يختى ناس أبو يستقبلوك عديييييييل ماشين يعيدوا ليك المرحلين بيكلام عبر المراسلة ؟؟ اليومين دى شايفنك محاولة تجتهدى وكل يوم تظهرى لينا لكن بعد ما الفاس وقع فى الراس ما فى فايدة أرحمى نفسك احسن .


#834764 [رانيا]
5.00/5 (2 صوت)

11-22-2013 01:28 PM
انتى خليكى كده مع اوهامك ومع عالمك الخيالي الحالم . بتذكرينى بدعاية الشامبو العبيطة البتجى في إم بي سي والبت بتقول الحياة حتبآه حلوة اوى لو كل حاجة فيها بمبي . .


#834712 [bitalshaikh]
4.75/5 (5 صوت)

11-22-2013 12:29 PM
ههههههههههه.. حملة مدعومة من اعلى السلطات في المملكة لترحيل العمالة المخالفة.. تجي الوزيرة اشراقة تقول الكلام الساذج ده.. يازولة انتي الناس البزودوك بالمعلومات التي تبنين عليها تصريحاتك دي حقو تعيدي فيهم النظر..خاصة اذا كانوا في مكتبك.. ولا اقولك.. احسن بالمرة تعيدي النظر في نفسك ذاتو وتقللي من ظهورك الاعلامي اليومين دي لانه خصما عليك.. قال السعودية تعيد النظر في ترحيل العمالة قال..!


#834711 [jackssa]
5.00/5 (1 صوت)

11-22-2013 12:27 PM
والله يا نو ماتعرف وأمكن الأثنين معا ؟ دى حكومة خادم الحرمين أعتذرت من مقابلتها ؟ تبقا وين المشاورات تمت بالخرطوم .؟


#834705 [حسون]
0.00/5 (0 صوت)

11-22-2013 12:23 PM
يا حبيبتي مافي مسمي في السعودية او ما يسمي( فيزا حرة) كلام الاخوان صحيح هي اما اقامة او زيارة او عمرة فقط هو المعني انه الناس دي اشترت اقامات بحر مالها لمن وصلوا السعودية الكفيل بيقول ليهم شوف ليك اي شغل انا ما عندي شغل ويطر الواحد يدور علي وظيفة او بمعني اخر يعمل علي حسابه الخاص تحت اسم الكفيل وحسب الاتفاق مع كفيله يجدد كل سنة علي حسابه الخاص ؟؟؟


#834692 [ابو ماجد]
3.00/5 (2 صوت)

11-22-2013 12:11 PM
وأكدت وزيرة تنمية الموارد البشرية والعمل "إشراقة سيد محمود" - أن وزارتها تجري مشاورات مع حكومة المملكة السعودية لإعادة استيعاب العمالة السودانية التي تم إرجاعها مؤخراً في وظائفهم بصيغ قانونية ومحاولة تكييف أوضاعهم ليتسنى لهم العمل مجدداً بالسعودية.
المعروف لدى الجميع ان السعودية بلد يحترم القرارات التي يصدرها، فقد قررت ابعاد كا من لم يوفق اوضاعة من كافة الجنسيات لمدة عشرة سنوات، يستطيع بعدها ان يعود معزز مكرم للعمل مرة اخرى فيها، فكيف ايتها الوزيرة وانت لم يسمح لك بالدخول والتشاور مع وزارة العمل السعودية ان تاتي بكذا مشاورات.
عجبي!!!!
مقيم صحح اوضاعه


#834683 [aldufar]
5.00/5 (1 صوت)

11-22-2013 12:00 PM
ايتها الوزيرة الجاهلة بشئون العمل اعلمي بان ليس هناك حاجة اسمها فيزة حرة لاي انسان على وجة الدنيا ولا في العالم اجمع وبالاخص في دول الخليج ليست هناك حاجة اسمها فيزة حرة اصلا ، والكلام يتناوله الجهلاء فقط ، اما انت بحكم أنك وزيرة ولا نعلم كيف اتيت واين درست لتصلي درجة وزيرة بهذه السرعة لان عمرك لا يسمح لك بالتدرج في مراحل التعليم المختلفة لتكوني في تلك الوظيفة امكن اتو بك فقط كترضية من اتو بك بصفقة بخس والله يعلم لا ندري كيف وصلت لهنا كوزيرة للعمل .

والشيء العاوز اقول يا جاهلة انه ليست هناك حاجة اسمها فيزة حرة اصلا في قانون العمل عالميا .

هل يوجد في السودان فيزة حرة هل سمعت من العمالة الاجنبية التي تعمل لدينا هل لديها فيزة حرة.
الفيزا الحرة يعني شخص ليس لديه كفيل ممكن تكفله الدوله فقط. وهذا ليس موجودا في دول الخليج اجمع.

فكل التاشيرات في دول الخليج لازم تستخرج من وزارة العمل بعدها تمشي الخارجية بعدها تمشي لسفارة بعدها استلمها صاحبها عن طريق الوكالات المنتشرة جاهزة عن طريق السفارة في البلد المعنى بالتاشيرة .
ارجو ان لا تحرجينا امام دول الخليج وتتحدثي عن حاجة اسمها تاشيرة حرة اي تأشيرة لازم تكون مسجلة بعنوان كفيل معروف لدى وزارة العمل ومستوفي ان يمنح تأشيرة وتحت كفالته من يستقدم وتحت إمرته ليل نهار سمعتي يا وزيرة الهنا يا الجابوك ترضية او بطريقة أخرى.............. كفي عن الهرج في هذا الموضوع وتكلمي عنه بعد اطلاعك على الذين علقو على كلامك الفارغ الما مسئول والصادر من وزير ليس داري بعمله كوزير.


#834680 [المهاجر]
5.00/5 (1 صوت)

11-22-2013 11:59 AM
في السعودية مافي شئ اسمه فيزا حرة كل انسان مربوط بسيد حتى الدكتور والمهندس وحتى البروفسورات الموجودين في الجامعات...... فارجو ان لا توهمي نفسك كثيرا وكل انسان مشى السعودية عارف ومقتنع بالحاصل.


#834670 [الطريفي زول النصيحة]
5.00/5 (1 صوت)

11-22-2013 11:47 AM
دي احلام زلوط اقعوا الدهب ساكت .


#834667 [عبد الرحمن محمد ابراهيم]
0.00/5 (0 صوت)

11-22-2013 11:42 AM
ايها الوزيرة الفاشلة والتي تم تعيينك بهذا المنصب كنوع من الترضية او لاسباب نجهلها.............. لاتوجد بالسعودية فيزا حرة .......... لاتوجد بالسعودية فيزا حرة ... لايوجد شي اسمه فيزا حرة فمن اين لك بهذه المعلومات يا وزيرة الغفلة تفوووووووووووووووووو عليك وعلي من اتي بك لهذا المنصب( عقيد اح من ضحايا الصالح العام)


#834666 [عبد الرحمن محمد ابراهيم]
5.00/5 (3 صوت)

11-22-2013 11:41 AM
ايها الوزيرة الفاشلة والتي تم تعيينك بهذا المنصب كنوع من الترضية او لاسباب نجهلها.............. لاتوجد بالسعودية فيزا حرة .......... لاتوجد بالسعودية فيزا حرة ... لايوجد شي اسمه فيزا حرة فمن اين لك بهذه المعلومات يا وزيرة الغفلة تفوووووووووووووووووو عليك وعلي من اتي بك لهذا المنصب( عقيد اح من ضحايا الصالح العام)


ردود على عبد الرحمن محمد ابراهيم
United States [mohd] 11-22-2013 12:47 PM
في فيزا حرة يا عبد الرحمن انت شكلك مشيت قريب ، مسالة انك تشتري تأشيرة عمل بقروشك وتجي هنا تدور على عمل وكفيلك يطلع لك الاقامة ويقول لك روح اترزق ولما تجي تجدد اقامتك ياخذ منك الفين ريال او الف ريال على لاسنة دي اسمها فيزة حرة فهمت ام لا ، يعني هو يكون طلعها علشان يبيعها بعشرة ب 12 الف ريال باكثر باقل والهدف من ورائها البيع وغير البيع تجي كل سنة تدفع له الف او الفين وتشتغل في السوق (فيزة حرة الصفة وليست الاسم يا عبد الرحمن)

اما الوزيرة فيبدو انها لا تعرف عملها وشكلها ماسكة العصاية من نصها ، السعودية اعلنتها صريحة اي اجنبي حصل فرصة عمل خلال المهلة نجا من الترحيل واي واحد ما قدر يحسن وضعه يتخارج لانه بصراحة دايرين نشغل اولادنا السعوديين القاعدين عطالة باختصار دي سياستهم وهم احرار في بلدهم يطبقوا العايزنه اما انك تجي تترجيهم وتقولي ليهم شغلوهم معناها انتي وزيرة فاشلة وزيرة عمل بلا عمل

شكل ما قدرتي على التمكين الدمروا بيهو وزارة العمل وفرص العمل بقت للكيزان والانقاذية بس يا وزيرة الهناء

الوزيرة دي ما عارفة انه مكتب العمل حقها ببيع تاشيرات العمل لقطر باكثر من اربعين مليون جنيه!

كلكم وزراء فاشلين ولصوص وانتوا انفسكم لو لقيتوا تاشيرات عمل بتخلوها بلد الحرام والفساد والموبقات ديك وبتجوا يا من اهلكتم الحرث والضرع والزرع يامن استعبدتم الناس وذليتهم اذلكم الله في الدنيا والاخرة

European Union [خضر عمر ابراهيم] 11-22-2013 11:59 AM
يا اخوي ما تزعل. اصلها ما اغتربت ولا اشترت إقامة حرة لي زول
هي تقصد إقامة حرة ،،، وفي مفهوم اولاد المصارعين البيض فيزا حرة. ويقصدوا انو الواحد بتجيهو أوراق يمشي السفارة يأخذ الفيزا. وهو حر يمشي يشتغل ويقيم حر علي كيفو،،،
طبعا لازم الواحد ياخد فيزا من السفارة والفيزا حرة تقصد كدة ،، وهنا كلامها صاح عن فيزة الدخول ما مشروطة بي مدة معينة زي الزيارة،،،
فهمت؟


#834639 [No]
0.00/5 (0 صوت)

11-22-2013 11:15 AM
الوزيرة دي عبيطة ولا بتسطعبط


ردود على No
European Union [واحد تانى] 11-22-2013 12:43 PM
الاتنين ....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة