الأخبار
أخبار إقليمية
السيسي :انطلاق الملتقى الاقتصادى خطوة للاسهام فى علاج الاختلالات الاقتصادية
السيسي :انطلاق الملتقى الاقتصادى خطوة للاسهام فى علاج الاختلالات الاقتصادية
السيسي :انطلاق الملتقى الاقتصادى خطوة للاسهام فى علاج الاختلالات الاقتصادية


قال : هناك عجزا كبيرا فى الموازنة العامة وسط هوة كبيرة بين الايرادات والمصروفات
11-22-2013 11:53 PM
(سونا) اوضح الدكتور التجانى السيسى رئيس اللجنة العليا للمتلقى الاقتصادى الذى سيبدأ اعماله غد السبت أن الاقتصاد الوطنى يمر بمرحلة حرجة متأثرا بداية بفقدانه لجزء كبير من عائدات البترول بعد انفصال جنوب السودان أضافة الى تحديات ومتغيرات سياسية داخلية وعالمية استدعت عقد ملتقى اقتصادى فى محاولة لاقالة عثرة الاقتصاد ومعالجة الكثير من القضايا التى تمثل تحديات كبيرة له .
وأستعرض في برنامج (مؤتمر اذاعي) اليوم الاختلالات التى تعرض لها الاقتصاد السودانى أنه بعد انفصال جنوب السودان تعرض الاقتصاد السودانى الى هزات كبيرة بسبب فقدان عائدات النفط التى بلغت 70% من الإيرادات العامة للدولة واصبح واضحا ان هناك اختلالات كثيرة يواجهها هذا الاقتصاد وكان على الدولة التحرك لمواجهة هذا الامر فكان هناك البرنامج الثلاثى 2012-2014م والذي تبقى منه عام واحد .
وقال ان هناك خللا كبيرا فى الميزان التجارى بين ما نصدر و قيمته 3 مليار دولار و بين ما نستورد وقيمته 8 مليار دولار. مضيفا بان هناك عجزا كبيرا فى الموازنة العامة وسط هوة كبيرة بين الايرادات العامة التى تبلغ (21مليار) جنيه والمصروفات التي تبلغ (28 مليار ) جنيه اضافة الى تذبذب سعر صرف الجنيه السودانى حيث هناك فارق بين السعر الرسمى والسعر الموازى .


تعليقات 14 | إهداء 0 | زيارات 2126

التعليقات
#835771 [صلاح كوكو]
0.00/5 (0 صوت)

11-23-2013 03:26 PM
يا عم السيسي خليك من الكلام ده وأعمل ليك كم عماره كده ورصيد بنوك

خارجيه من صدفات الكويت وسيب الناس تعمل زي ماهي عاوزه ؟ ؟ ؟ ك : :


#835753 [ابو على النيل]
0.00/5 (0 صوت)

11-23-2013 03:08 PM
يالله دا الاكاديمى الاممى !!!! ياخى الكيزان ديل عندهم مقدرة عجيبة على تلطيخ اى شى يقترب منهم بالاوساخ و الافعال القذرة و المواقف المخجلة , انها قصة بائعات الهوى مع الشريفة , اذا تمنعت وابت عن ارضاء البدفع تظل بعيدة و منبوذة و فى ركن منزو من الماخور , اما لو اصبحت هينة و لينة و مطيعة و تفعل من سكات ما يطلب منها فيحق لها ان تفعل ما تشاء. لقد تاخرنا كثيرا فى بتر هذا العضو المريض و الفاسد من جسد الوطن.


#835572 [وليد]
0.00/5 (0 صوت)

11-23-2013 12:04 PM
لازم يكون في عجز في الموازنة يعني خلاص اجتهدت واخترعت الذرة مادام كل فيصيل في دارفور يدخل حضن الانقاذ يقبض الثمن كاش عدآ نقدآ والسماسرة يسمسروا والبسفو المال العام يسفو


#835471 [aboudonia]
0.00/5 (0 صوت)

11-23-2013 10:20 AM
هو ده كمان من وين جا ؟ ( ربنا لا تذق قلوبنا بعد إذ هديتنا وهب لنا من لدنك رحمةً إنك أنت الوهاب )


#835425 [ود البلد]
0.00/5 (0 صوت)

11-23-2013 09:35 AM
يا ربى السيسى ده الاخوان المجرمين مخططين ليهو شنو ؟؟؟؟
السيسى السيسى فى الزنقه دي ينفع شنو ؟؟؟
محتار جدا جدا


#835374 [الحاج]
0.00/5 (0 صوت)

11-23-2013 07:53 AM
الغرباوي خائن اهله وحزبه السابق
كلامك ده حتي الاطفال يعرفونه
قال انفصال الجنوب افقدنا 70%
جيب معاك قريبك عيسي ادم بتاع برجمان دبي عشان تحلوا للكيزان المشكلة الاقتصادية يا عملاء
مهازل اخر الزمن يا كبج


#835336 [ياسر عبد الوهاب]
5.00/5 (1 صوت)

11-23-2013 03:58 AM
يا اخوانا السيسي ده مش بتاع دارفور؟؟؟؟؟؟


#835329 [مهدي إسماعيل]
0.00/5 (0 صوت)

11-23-2013 03:48 AM
كم أحس بالأسف الشخصي على ما أصبحت عليه يا صديقي الذي كان؟!

ألا تدري يا دكتور علة الإقتصاد السوداني الحقيقية؟!

إقرأ مقال العم/ إبراهيم ممنعم منصور. :"غنها الحرب يا هذا".

كان الله في عون السودان عندما تخون النخب وتسقط المبادئ (وتيخشى مثلك من قول الحق)تحت سنابك (أو بوت السُلطة)/ ولقد صدق الطيب مًصطفى عندما وصفكم بالبهائم.



مهدي إسماعيل


#835323 [ابو الجود السوداني]
0.00/5 (0 صوت)

11-23-2013 03:36 AM
أكيد.. لن يتطرق هذا الملتقي وبروفسيراته ودكاترته الفاشلين الخائبين !!! الي اسباب هذه الهوة وهذا العجز بعلمية وحقائق ومصداقية وسيتغافلون السبب وسيقفزون بكل بلادة وغباء ودون حياء وبغش فاضح ليقولو للناس ان السبب ذهاب اموال البترول نتيجة الانفصال عن الجنوب!!!! فيا اغبياء السودان ذهبت اموال البترول فما الذي يجبرك ان تصرف اكثر مما تنتج وتدخل ...علما بان عامل الدرداقة في عمر 10 سنوات بسوق امدرمان يعلم انه لايستطيع ان يشتري ما يحلو له اذا كان ليس باستطاعته ان يدخل المبلغ المطلوب !!! اذن السبب الذي يجبرك ان تخلق هذه الهوة وبتعمد واصرار هو (الحرب العنصرية الحاقدة واستيراد السلاح والصرف الامني والته الحربية وحماية النظام الفاسد وفساد اهل السلطة وعائلاتهم وعضوية المؤتمر الوطني عصابة نهب الموارد وتعب وكدح انتاج الشعب المغلوب علي امره ونهب ما يدفع من ضرائب وجمارك والرسوم الباهظة .. و ما يدفعه المغتربين من ضرائب وذكاة ورسوم قهرا دون عائد...و ...و..... !!!) فهل هؤلاء بروفسيرات ودكاترة !!! هل هذا علم او علم سياسة او علم اقتصاد او علم. ادارة موارد اوا لدولة او علم أي حاجة ممكن تكون علم..!!! هذا غش العلم والنصب العلمي المهين ...هذا علم الكذب والاحتيال.. علم النفاق لاكل المال الحرام...علم الخائبين الفاشلين...!!!!


#835315 [الممغوص]
0.00/5 (0 صوت)

11-23-2013 03:17 AM
٢٥ سنه كل ما نقول ليكم عملتو شنو ؟ تقولوا شوارع زلط وكباري و٣ خزانات!!طيب اذا دا الحال ما تمشوا تطيروا راجيين شنو؟.مافي دوله بتديكم قروش .قطر راحت منكم والولد دا ما حيديكم التدعك خشمكم.حراميه معفنيين.والله نهايتكم قربت


#835302 [تكني كيكو آكا تمبوشا قيدى]
0.00/5 (0 صوت)

11-23-2013 02:39 AM
ما الجديد الذي تتحفنابه في اقتصاد السودان يا سيسي؟ تاني علق في رقبتك ملتقى اقتصاد السودان؟ اقتصاد السودان في غرفة انعاش وانت شاهد على ما تقوله, قول لينا الحل نحن ما دايرين التباكي.


#835268 [مواطن حائر]
0.00/5 (0 صوت)

11-23-2013 01:19 AM
*الراجل دا بلمعو فيهو شكلو موعود بمنصب في الحكومة الجاية


#835255 [كاك]
0.00/5 (0 صوت)

11-23-2013 12:58 AM
خايف تضيع الهبرة


#835224 [زول]
5.00/5 (2 صوت)

11-23-2013 12:09 AM
البعرفو حاجة واحدة انحنا كان على محمود دا خلا الوزارة بنضيع اكتر وزير فاهم مشاكل الاقتصاد وعمل كل ما يمكن والله كان مسك المالية وبنك السودان والتجارة مع بعض يمشي الاقتصاد دا زي الترتيب


ردود على زول
[ود البلد] 11-23-2013 09:36 AM
انته من الجماعة ولا شنو ؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة