الأخبار
أخبار إقليمية
الفنان نزيه: وضع الصحافة منحدر.. والرقابة بلغت الحلقوم
الفنان نزيه: وضع الصحافة منحدر.. والرقابة بلغت الحلقوم
الفنان نزيه: وضع الصحافة منحدر.. والرقابة بلغت الحلقوم


خيار "الثورية" يقترب والكاريكاتير في قبضة الظلاميين
11-23-2013 08:30 PM
الخرطوم: عثمان شبونة

وصف الأستاذ نزيه حسن عثمان الأوضاع الصحفية في السودان بالمنحدرة؛ وقال رسام الكاريكاتير المعروف إن الواقع الصحفي يسير نحو هوة أشد سحقاً.. وأبلغ في حديثه لـ(الراكوبة) عن عمليات (طمس) وتزييف للحقائق طالت رسوماتهم التي لا تتجاوز التعبير عن واقع موجود على الأرض يتراوح مشهده ما بين الكارثي والمأساوي والسيئ؛ مضيفاً: لا تستطيع الفرشاة التعبير عن الحقيقة كاملة؛ وإن عبّرت عنها تجابه بالخنق المتعمد؛ ودلّل على الخنق بكاريكاتير نشر اليوم في صحيفة (الأهرام اليوم) تم حذف اسم وزير المالية من التعليق المصاحب له؛ رغم عدم مساسه بـ(الأمن الوطني). إلى ذلك قال بعض الصحفيين إن رقابة رؤساء التحرير المأمورين من قبل أجهزة القمع بحزب البشير مسؤولة عن تخريب يومي يطال الإعلام والمجتمع والسياسة؛ ولا منجاة من هذا الكابوس إلاّ بـ(مكنسة) تطيح بالكل المتعفن حسب وصفهم. وحين سألتهم الراكوبة: كيف تتم الإطاحة بالنظام والميدان هادئاً؟ أجاب بعضهم بالقول: واقعياً لا أمل في الكتل التي تمارس الابتزاز السياسي أو خيانة الجماهير بتحالفاتها الظاهرة (والمندسة) مع النظام؛ وإن المعارضة بشقها التقليدي وخصوصاً حزب الصادق المهدي انحطت ودخلت سوق العار من أوسع أبوابه؛ وأمّن هؤلاء بأن خيار (الجبهة الثورية) يجب أن يقترب أكثر من وجدان الشعب؛ بالإضافة إلى حراك الشباب الذين يكتوون بجحيم النظام ولا حزب يجمعهم سوى (المعاناة).
إلى ذلك أجرت (الراكوبة) استطلاعاً حول ظاهرة (شطط الإنقاذيين) وانحطاط خطابهم الإعلامي (دون رقيب).. التفاصيل لاحقاً.


تعليقات 4 | إهداء 0 | زيارات 4826

التعليقات
#836154 [طلحة الشفيع]
5.00/5 (1 صوت)

11-23-2013 11:47 PM
رحم الله الفنان عزالدين عثمان وأقول له صادقاً ياهذا أن ريشتك وإسلوبك قد لطشته من عميد فن الكاريكاتير عزالدين عثمان وأنت نسخة تايوانية تُقلّد عزالدين .. أمشى أول حاجه كون ليك استايل بتاعك بعدين تعال في اتكلم عن فن الكاريكاتير .. ..
و هذا الصحفي الذي اجرى معك اللقاء ونصّبك استاذاً... الصحفي الحقيقي ياخي هوالذي يقيم الفن والفنانين وليس من طرف وعلى حساب شيلني وأشيلك ... أتحداك أن تذهب إلى شيخ الصحافة السودانية الأستاذ محجوب محمد صالح وأساله عن هذه الخطوط المسروقة تتبع لمن؟ وماهو صاحبها الحقيقي أقسم لك بالله سيقول لك عزالدين عثمان ..
مفلسون حتى الثمالة من مطربين ببغاوات الى أشباه فنانين وصحفيين ، لقد قتلتم في الناس روح الابداع .


ردود على طلحة الشفيع
[بعشوم] 11-24-2013 04:48 PM
انتا زعلان مالك ؟!
وعثمان شبونة كمان عندك فيهو راي ؟!
سرقة ، وشيلني واشيلك !! ده شنو ده ؟؟
ديل ناس مناضلين وبحاربوا في حكومة السجم والرماد دي بأدواتهم البعرفوها ، انتا وين نضالك ؟؟ قاعد بس لي انتقاد الناس بدون أي رؤية ؟؟ يعني لا تطقع ولا تجيب الحجار ؟؟!
اعوذ بالله

United States [لبيب] 11-24-2013 09:38 AM
تكون بالغت عديل كده لو كنت يا طلحه مفتكر في زول من فناني اليوم الكركاتيريين بشبه نزيه وحتى بجي بي جنبو في ناس عملين فيها بتاعين كراكتير وهم بتاعين رسم تشكيلي وفي ناس تفرد لهم صفحات وصفحات في الجرايد وهم جريده حائط مدرسيه كتيره عليهم - لكن نزيه لو رسم كركتير بدون تعليق فقط بضحكك وبنقد ليك الوضع لله دره وانت الله يديك العافيه راجع كركتيرات نزيه وكان ما عجبوك راجع حسك الفني

United States [توتو] 11-24-2013 08:55 AM
كاك. كاك. الناس في شنو

European Union [عبد الحميد عبد الله عبد الحميد] 11-24-2013 05:32 AM
ياطلحه المشكله وين لما يكون نزيه من مدرسه عزالدين في الخطوط مادام ليهو تعليقاتو التي تؤاكب الاحداث .يعني عصام محمد نور مافنان عندما قلد الكاشف.اما عثمان شبونه لو كان الصحفيين في مستوي كتاباته الجريئه لكان صحافتنا اصبحت عالميه


#836104 [صالة المغادرة]
0.00/5 (0 صوت)

11-23-2013 10:07 PM
حسبنا الله ونعم الوكيل لقد صار حزب الامة ملطشة وزى ما قال عادل امام فى مسرحية شاهد ما شافش حاجة الرايح يضرب وللجاى يضرب للبشومة وللبنية والستات تزغرد والعيال الصغيرة تجى من تعمل من وراى حاجات عجيبة وتجرى وده كلو يرجع للمواقف الرمادية ولعنة الله على كل من ساهم وساعد عصابة الرقاص فى اختراق هذا الحزب الذى كان عملاقا ومصادما وذو باس والان اصبح العوبة فى ايدى الفريق المزيف المدعو صديق اسماعيل ومساعد الرقاص كبير العزابة سمو الامير عبد الرحمن ورحم الله الرجال الذين ضحوا بدماءهم واسترخصوها فى سبيل الوطن الذى كان جميلا وكبيرا وسمحا ومتسامحا يسع الجميع ولعنة الله على عصابة خلفاء ابليس فى الارض الذين ارتكبوا من الجرائم والجرائر والموبقات لو طلب من ابليس ان يقوم بفعلها تملكته الحيرة والدهشة .


#836073 [ود امدر]
1.00/5 (1 صوت)

11-23-2013 09:09 PM
الا الجبهة الثورية دي شوفو لينا موضوع تاني


ردود على ود امدر
United States [ما مرتاح ....وما مرتاح] 11-23-2013 10:46 PM
اها الهوت دوغ كيف؟


#836071 [nagatabuzaid]
5.00/5 (1 صوت)

11-23-2013 09:09 PM
اسكتى يا حرمة ما تثكلى


قاشر محمود الوزير العواسة قال ليكن عوسن واكلوا عيالكم كسرة بموية من الصباح خلوهم يتجوغروا ويمشوا المدرسة يعنى شنو اقسمت احداهن ان هناك اطفال مدارس يسفوا التراب ويشربوا الموية يعنى بتغزو بالطين ما نحن مخلوقين من طين وراجعين للطين ويردمونا بالطين وحكومة المتاسلمين عايزانا من ناحية دينية وغذائية طينية نكون جاهزين ليوم الدين بحياة كلها طين اللهم طين حياة قاشلر محمود وكل الانتكاسيون المؤتمرجية بجدادهم وفراريجهم وعيالهم اجعلهم فى جهنم خالدين انهم اهل المشاءمة ان شاء الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة