الأخبار
منوعات سودانية
أب يحلق شعر ابنته (صلعة) بسبب الكريمات!!
أب يحلق شعر ابنته (صلعة) بسبب الكريمات!!



11-25-2013 03:30 AM
أم درمان - منى ميرغني

قام رجل بحلق شعر ابنته (صلعة) بسبب استعمالها كريمات تبييض البشرة، وذلك بمنطقة غرب الحارات في أم درمان. وقالت مصادر - إن الأب كان قد حذر ابنته الطالبة الجامعية من استعمال الكريمات، وعندما رفضت الانصياع لأوامره قام بحلق شعرها (صلعة) كتهديد أول.. وتوعدها إذا لم تتراجع بمنعها من الدراسة. وأضافت المصادر أن الطالبة دخلت في حالة نفسية سيئة.

المجهر


تعليقات 26 | إهداء 0 | زيارات 3925

التعليقات
#838260 [sama]
0.00/5 (0 صوت)

11-25-2013 11:12 PM
بس قصة حلق الشعر دى قاسيه شويه الموضوع ما بيصل الدرجة دى و التفاهم فى مثل هذه الاشياء ضرورى كان ممكن تنتحر او تتسبب فى اذى لنفسها و يندم الاب حيث لا ينفع الندم


#838058 [شمال و جنوب فى محنة]
5.00/5 (1 صوت)

11-25-2013 07:19 PM
يا جماعة لو نحن بنلدهم عشان نستعبدهم احسن ما نلدهم بالمرة و الهى دي لو بنتى لنصحتها بان تختار الكريمات التى تناسب بشرتها و نصحتها باحسن النصائح التى دفعتنى للزواج بامها بس نحن شعب متخلف لا يعرف حقوقه او يعرفها ويضحى بها خوفا


#837915 [ناصح]
1.00/5 (1 صوت)

11-25-2013 04:54 PM
في إعتقادي الشخصي ان سبب ذلك هو القنوات الفضائية وما بها من نساء فاتنات تحاول فتياتنا التشبه بهن ..... نصيحتي للبنت السودانية خليك زي ما إنتي وعليك الرضى بخلقة الله لك ...


ردود على ناصح
European Union [جاك سبارو] 11-25-2013 10:22 PM
السبب ليس القنوات ...السبب ه ان اغلب رجال السودان يفضلون ذوات اللون الفاتح !!!


#837914 [ساب البلد]
5.00/5 (1 صوت)

11-25-2013 04:54 PM
ننصح البنات باستخدام المواد الطبيعية كما كان تفعل اماتنا و حبوباتنا وتجنب المواد الكيميائية بما فيها من ضرر و خصوصا الصباعات لانها لاغراض علاجية قبل ما تكون تجميلية....


ردود على ساب البلد
United States [باقان اموم] 11-25-2013 08:02 PM
والله حرام على الاب الجاهل ده ....هو اخواتنا السودانيات ديل بى شعرهم القصير ده ( من الاضان ولى فوق )و بى اشكالهم الشينة دى يسدوا النفس ويجيبوا للواحد اكتئاب مزمن...هسه البنت المسكينة دى من وين تلقى ليها عريس وهى صلعاء وشعرها المحلوق عايز ليهو على الاقل عشرين سنة عشان يظهر تانى .......


#837908 [طائر الهوى]
0.00/5 (0 صوت)

11-25-2013 04:45 PM
سنين يقول ليك التدخين مضر بالصحة ولا احد من المدخنين اقلع بسبب التحزير .الحل بسيط امنع الاستيراد والتصنيع إن ثبت الضرر .


#837895 [الخير عز]
0.00/5 (0 صوت)

11-25-2013 04:25 PM
كان يشلخا مطارق


#837853 [تينا]
0.00/5 (0 صوت)

11-25-2013 03:46 PM
الاخوة بالراكوبة . تحية طيبة . عندما دخلت راكوبتكم العامرة لأتنور واتثقف واتسلى وأفرح وليس من أجل أن ازعل واتنكد ولا أن أحيل الموقع للملاسنات والنكد ولكن هذا المدعو ((( أنا ))) لاحظت أنه يحب أن ينكد حياتى وأصبح يدخل فقط ليرى أماكن تعليقاتى ويعقب على بتعقيبات تعكر صفو حياتى وتصيبنى بالصداع وأصبح مستقصدنى دون بقية النساء ولا أدرى ما السبب مع انى لم أغلط فيه أبدا وانا من طبعى لا أعقب كثيرا وان عقبت الا بالخير وليس بالشر الا لمن يبدا بالشر يعنى لا أغلط على أحد ولكن الذى يغلط على لا أستطيع أن أصمت وصراحة تعليقاته أتعبتنى لانها مقصودة فأرجو منكم رجاء خاص لا تنشروا منه أيى تعليق يخصنى لأنه يتعبنى وخاصة هذه الأيام أنا مريضة ورغم ذلك أدخل الراكوبة لأعرف الأخبار وأضحك واتسلى ولكن أجد منه تعليق يزيد مرضى . أرجوكم ثم أرجوكم أن تحجبوا أيى تعليق منه يخصنى حتى لو فيه خير لأنه أصبح مصدر توتر لى . مع خالص شكرى وتقديرى واحترامى لكم .


ردود على تينا
[ماجد] 11-25-2013 05:27 PM
يا تينا الل هو تغيير الاسم المستعار ....امكن عنده موقف مع واحدة تحمل هذا الاسم..


#837815 [تينا]
0.00/5 (0 صوت)

11-25-2013 03:12 PM
انت يا المدعو ((( أنا ))) شايفاك محرووووووووووووووق منى وجنك بس تدخل وما بتعرف تكتب تعليقات بس تترصد لى وتعقب زى تعقيبك البشبهك دا وهسى فى سيدات علقن بس طوالى جارى لى انا ليه ؟؟ الحركات بتعرفا انت وما أنا بدليل خوفك من تعليقات الرجال وتجرى تعقب على . مووووووووووووووت بيغيظك يا عدو المرأة


#837689 [موسى محمد]
5.00/5 (2 صوت)

11-25-2013 01:11 PM
هذا رجل متخلف، فالكريمات أصبحت في عصرنا الحاضر من ضرورات المرأة ومسلتزمات جمالها وزينتها، وكل النساء في العالم يستخدمن الكريمات بمختلف أشكالها إبتداءً من الدهون والزيوت البلدية وإنتهاءً بآخر صيحات الموضة في مجال الكريمات، لذا كان على هذا الأب - وبما أن إبنته في الجامعة ولم تعد صغيرة - أن ينصحها ويرشدها لمضار الكريمات التي تباع عشوائياً ويساعدها بقدر الإمكان في توفير مستلزمات الزينة التي تناسب عمرها وتناسب المؤسسة التعليمية التي ترتادها، أما حلاقة رأسها صلعة فهي ليست حل لأنها لم تستخدم الكريمات في شعرها، وإن كان يرى ضرورة معاقبتها في مكان إستخدام الكريمات المنهي عنها فكان عليه أن يسلخ وجهها لأنه هو العضو المعني بالإستخدام.


#837669 [البزقلى]
0.00/5 (0 صوت)

11-25-2013 12:50 PM
غايتو أنا بعرف واحد بنتو حملت سفاحا ,, سايقها من يدها ,, ومن دايه لى دايه عشان يطلع الجنا ,,, شوفوا الفرق بالله ,,,
غايتو أنا مستد أناسب هذا الرجل الغيور ,, وأتزوج بنته ,, وعاوزها بى صلعتها ,, ولو موافق يقول موافق ,, تلقانى جنبو تانى يوم إن شاء الله
بس يرورينى ساكن وين وأنا بكمل الباقى


#837668 [سالم السالم]
0.00/5 (0 صوت)

11-25-2013 12:50 PM
يا اخوان ما تفهمو الموضوع غلط الخبر قال (يحلق شعر ابتنه) ما قال (راس ابنته)..
هو يا جماعة حلق ياتو شعر؟؟؟؟ افيدونا أثابكم الله


#837575 [صديق]
4.00/5 (1 صوت)

11-25-2013 11:58 AM
الشرع قال لا يتم طاع الوالد الا اذا امر بمعصية وهذا الاب لم يأمر بنته بمعصية ويجب ان يكافأ لان الاوجه السودانية كلها اتغيرت وبقت بيضاء وبعد شوية بجي فيهن السرطان الما خمج ويخيلهن اضارن من الشمس.


#837565 [سوداني]
5.00/5 (1 صوت)

11-25-2013 11:51 AM
تمام 100% . طيب البيحلق الحكومة صلعة منو؟


#837529 [hashim gebreel]
5.00/5 (1 صوت)

11-25-2013 11:16 AM
يجوك ناس حقوق المرأة يقولو ليك عنف اسري وووووووووووووووووووووووو وتقوم الدنيا وتسوء العلاقة بين الاب والابنة وتتفكك الاسرة .................. ياناس ده نوع منن الادب القاسي عندمما يقع المحظور تحت بند الاصرار والترصد ................... ارجل راجل في زمن قلت فيه الرجالة


#837514 [المنغولي الغبيان.]
0.00/5 (0 صوت)

11-25-2013 11:06 AM
راجل عوير ودلدول ساكت
البنيه تزين عشان تلقا ليها عريس
تجي تحبطها وتبشتنها وتقتلها معنويا.


ردود على المنغولي الغبيان.
United States [silk] 11-25-2013 12:38 PM
أحتمال العريس وارد ولكن هناك أمل الشباب فى الإختيار لبرامج الأغانى المتعددة ..أوالشاشات الفضية للفضائيات..ما كلها سرطان فى سرطان...


#837507 [ابو محمود]
2.00/5 (2 صوت)

11-25-2013 11:02 AM
والله راجل ويا ريت كل الاباء يعملو كدا


#837501 [المتغرب الأبـدي]
5.00/5 (1 صوت)

11-25-2013 10:59 AM
الشعر سينمو بلا شك .. ولكن لماذا هذه القسوة من الأب تجاه فلذة كبده ؟؟
وكيف سيواجه نظراتها بقية عمره عندما يتذكر أنه حلق رأسها من قبل ؟؟


#837466 [محمد خليل]
4.00/5 (1 صوت)

11-25-2013 10:36 AM
تستاهل قليلة الحيا، ليه ما تسمع كلام أبوها مش طاعة الأب واجبة عليها و تترك استعمال هذه الكريمات الضارة بالبشرة و بعدين بناتنا ديل ما عندهن عقول؟ لقد ثبت أن هذه الكريمات ضارة تماما و يمكن أن يؤدي استعمالها الى ما لا يحمد عقباه، ثم ان الجمال هو الجمال الطبيعى و جمال الروح و الأخلاق هذا هو التاج الحقيقى على رؤوس بناتنا، أما التجلبط بهذه الكريمات فهو مجرد قلة حيا ليس الا.


#837462 [عابد مختار المختار]
3.00/5 (1 صوت)

11-25-2013 10:34 AM
عفارم عليك يكفى فقط مراقبة اهل بيته لانه الراعى ومسئول عن رعيته ويا ريت كل ولاة الامر مثلك ابتدأ برئيسنا


#837353 [ali taha]
5.00/5 (1 صوت)

11-25-2013 09:19 AM
هذه جريمه شنعاء
الاب يجب ان يعاقب
ويجب ان نستنكر فعله
وليس التهليل


ردود على ali taha
European Union [ali taha] 11-25-2013 05:51 PM
حرام دي بنيه بتحاول تتجمل بوسائل مباحه
الشعرداير سنين عشان يرجع ذي اول
ودي فلذه كبدوا ليه يشوها ذياده علي الكريمات
انت ماعندك حق محاكمه الناس بالذات الميتضعفين
دي تكون بقت بعاتي عديل

United States [البعاتي] 11-25-2013 10:16 AM
بالله عليك كيف يحاكم ....حقا راجل ونص والحق يكافأ


#837295 [تينا]
1.88/5 (4 صوت)

11-25-2013 08:33 AM
هههههههههههههه عرفتا ليها والله يا ريت كل الآباء يعملوا زيك تانى لومونى كان فى واحدة اتجلبطت .


ردود على تينا
European Union [راجل] 11-25-2013 07:29 PM
اعملي حسابك

European Union [ali taha] 11-25-2013 05:53 PM
اللهم لا شماته

European Union [أنا] 11-25-2013 12:51 PM
تلقاك اتجلبطي لمن زهجتي ، سيبي الحركات دي


#837290 [بيكانتو]
5.00/5 (1 صوت)

11-25-2013 08:29 AM
ده خبر ولا شمار
ولو خبر كدى اعملى إحصائية
ولو شمار عـــأدى ما هنايه برضوا


#837259 [ام سامي]
3.00/5 (2 صوت)

11-25-2013 07:47 AM
تستاهل حلق صلعه ولا سرطان 0ياريت الاباء يتشددو في الاشياء دي لانها مضرررررره


#837253 [نوارة]
2.50/5 (3 صوت)

11-25-2013 07:34 AM
هههههههه والله راجل


#837244 [مريود]
3.00/5 (3 صوت)

11-25-2013 07:14 AM
تدخل في مية حالة ليش ما تسمع كلام أبوها وخصوصا لم يأمرها بشئ خطأ.


#837237 [ود الجزيرة]
3.00/5 (3 صوت)

11-25-2013 06:50 AM
الأب راااااجل و دا نوع الرجال النادر في السودان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة