الأخبار
أخبار إقليمية
طبيب سوداني يرفض عرضاً مغرياً بايرلندا ويفضل العودة للسودان
طبيب سوداني يرفض عرضاً مغرياً بايرلندا ويفضل العودة للسودان



11-25-2013 07:57 AM
الخرطوم- فاطمة عوض

بالرغم من تزايد معدلات هجرة الأطباء لدول الخليج والدول الغربية لتحسين أوضاعهم المعيشية، آثر الدكتور " الصادق أحمد سعيد""عسكر" اختصاصي طب القلب والقسطرة الهجرة العكسية، رافضاً عرضاً مغرياً للعمل في كبرى المستشفيات في ايرلندا.

وفضل د. "عسكر" تقديم خدماته للمواطنين في السودان، مما حفز آخرين من الأطباء السودانيين في دول المهجر للعودة لبلدهم طبقاً لدكتور "الصادق". وقد احتفى أصدقاء الطبيب بعودته مساء أمس الأول بفندق (السلام روتانا)، ومنحوه جائزة (القلب الأبيض) عرفاناً بإنسانيته ووطنيته، والرجل معروف بخدماته ومساعداته لمرضاه ووقوفه بجانبهم ومتابعة حالاتهم بدقة. ويقول عنه د. "نزارخالد" طبيب بمستشفى الفيصل، إنه شخصية تتميز بمقدرات طبية وإدارية عالية جداً، فهو مؤسس لكثير من الروابط في كلية الطب جامعة الخرطوم سابقاً. وتخصص في طب القلب والقسطرة التي نبغ فيها نبوغاً عالياً أدهش العلماء في الغرب. وقُدم عرضٌ مغري لدكتور "الصادق" للعمل في وظيفة بأكبر المستشفيات الايرلندية، لكنه فضل العودة لبلده السودان بعد أن عمل بايرلندا (12) عاماً، وسيلتحق "عسكر" بمستشفى الشعب بالخرطوم و"أحمد قاسم" ببحري.

وقال العميد "أسامة محجوب"إنه زامل دكتور "الصادق" منذ عام 1997م في بداية العمل بحقل (هجليج)، مشيداً بمجهوداته العظيمة في تأسيس مستشفى (هجليج). من جانبه قال د. "الصادق" إن الدافع لعودته للوطن هو سعيه لخدمة أبناء بلده والبقاء قريباً من أسرته. يذكر أن المحتفى به عمل بمستشفى "نيوكاسل" بايرلندا وتخصص في علاج ضعف القلب والصمامات.

المجهر


تعليقات 43 | إهداء 0 | زيارات 10913

التعليقات
#845717 [Romario]
0.00/5 (0 صوت)

12-03-2013 04:53 PM
يا أستاذ واحد ساى أرحمنا من عدم فهمك لو سمحت الدكاترة و الكوادر المؤهلة كلها طلعت من البلد إنتا متأكد إنك عايش في السودان ؟!!


#838244 [ساب البلد]
0.00/5 (0 صوت)

11-25-2013 10:52 PM
احسن ليهو اروبا ما فيها قروش


#838224 [abdelaziim mekki]
0.00/5 (0 صوت)

11-25-2013 10:18 PM
وتخصص في طب القلب والقسطرة التي نبغ فيها نبوغاً عالياً أدهش العلماء في الغرب
يا سلام
اصبحنا أخطر من المصريين


#838031 [شمال و جنوب فى محنة]
0.00/5 (0 صوت)

11-25-2013 06:52 PM
ذكرتنى هذه قصة واحد من شرق اسيالافى في قرى السودان مدعى بانه من المؤلفة قلوبهم مرة على قرية يوم جمعة من شعبان و بعد الصلاة طلع المنبر و مد القرعة المهم الجماعة فيهم الخير لقطو ليهو الفيها النصيب و كان هناك رجل مسن كرهتو في الدنيا الصوم انتظر ليك الراجل في خشم الجامع قال يا ولدى دخلت جديد في الدىن واله لو عارف الراجيك بعد شهر الا ترجع لى كل زول قروشو و تتوكل اهلك
فدحين صاحبنا دة كان زول ضمير و اخلاق اخير ارجع من هسع


#837952 [Ahmed Jidi]
5.00/5 (5 صوت)

11-25-2013 05:38 PM
أحسن ترجع مالك ومال الغلبة
الطب في انجلترا وايرلندا مسؤولية ضخمة.أي خطأ تتم محاسبته بشدة وتتعرض لمحاسبات دقيقة.
لا بد من التدريب طوال الوقت وبصورة مستمرة لا تنقطع وكثير من الكورسات علي حسابك الخاص.
هناك مراجعة مستمرة لأدائك من قبل المقدم ومن قبل المجلس الطبي وعين الزملاء والممرضين عليك ومدراء الخدمة الصحية بشكل دوري.
هناك كل ثلاثة سنوات تقييم شامل (Appraisal)يعلق فيه مراضاك عن ادائك وشخصيتك وقدرة علي التواصل وثقتهم فيك وكذلك زملائل تكتبون تعليقات عنك وهم مسؤولين عن اي مجاملة او خطأ في التقييم وتعليقات الزملاء تشمل الممرضين والعمال حولك بالاضافة الي الاطباء هذا بعيدا عن روساءك. المجلس الطبي سوف لن يعيد تسجيلك للحق في ممارسة مهنة الطب مالم تقوم بملء التقييم الشامل هذا. وفي هذا التقييم الشامل يجب ان تعرض أداءك والدورات التدريبية التي دخلتها.
الطب في بريطانيا وايرلندا يشمل ليس المريض فقط بل اهل المريض ويجب ان تستشيرهم في كل كبيرة ويجب ان توضح لهم ما تريد
الطب في تلك البلاد اهم ما فيه هي الاستارة وجمع الاراء واقناع المهنيين الآخرين بالاجراءات والقرارات التي تتخذها.
اخطر ما فيه المحاسبة علي الخطأ واي خطأ يدرس بدقة وتحدد المسؤولية او حتي شبه الخطأ (near miss) ولا عذر.
هناك احصاءات دقيقة عن كل اخصائي ونتائح العمليات مربوطة بالسجل.
لا توجد عروض لافراد وانما هناك وظائف يعلن عنها ويتنافس عليها ولا يقدم احد لوظيفة مالم تعجبه شروطها.
لا وزير ولا مدير ولا قريب في المؤتمر والحكومة ولا رئيس ينفعك انت وكفاءتك وعلي الدنيا السلام
السودان مريح
اخنق فطس وادفن بليلك داك واليوم تم وربنا اراد
مالك ومال الهم وقلة النوم


ردود على Ahmed Jidi
[mak] 11-26-2013 08:20 AM
اسهل دولة في العالم يمارس فيها الطب هو السودان
اكثر بلد فيه اخطاء تشخيصيه هو السودان
والدليل لم نسمع بخطاء طبيب واحد في السودان
فقط اليوم تمه ٠وادفع قبل الدخول وادفع علشان تستلموا الجثمان
ولمحت مدير طبى في مستشفى بقلب الخرطوم بيحسب القروش من تحت الطوله
كانه فى سوق ٠وسبب دخولى له من اجل توقيع تامين صحى لخارج السودان
بحكم العلاج في تلك المستشفى ٠ لايوجد علاج فى السودان اسالوا اهل الفبور ان كانوا ينطقون


#837947 [omer]
4.00/5 (3 صوت)

11-25-2013 05:34 PM
يا جماعة ماتظلموا الراجل انا اعرفه معرفة حلة من اشطر الناس وفي نفس اللحظة شخصية مهذبة


#837911 [kokab]
5.00/5 (1 صوت)

11-25-2013 04:51 PM
اعرف طبيا تخرج من كلية الطب باحدى الدول المغاربية بدرجة مشرف جدا لبى نداء الوطن لعل وعسى ان يستفيد ابناء الوطن من تجربته الرائدة وها هو الآن يكمل سنته الرابعة في السودان دون ان يعين في اتفه مستشفى في السودان والسبب لانه ينتمي الى الوطن وليس الى الحزب الحاكم ..لان في زمن الكيزان حب الاوطان ليس من الايمان ..ولكي تحظى بوظيفة في ظل النظام الحاكم يجب ان تكون بهيمة والعهدة لخال الرئيس الطيب مصطفى وان قبلت بان تكون بهيمة فعليك ان تكون وسط القطيع لان كلاب الحر تأكل من البهايم الهامشية ...فيا ترى فالطبيب العائد هل سيقبل بان يكون من القطيع ام هو اصلا بهيمة من بهايم البشير ؟؟؟؟


#837909 [غايتو]
5.00/5 (1 صوت)

11-25-2013 04:46 PM
وليه روتانا / كان ممكن فى مستشفى القلب أو فى قريتهم أو حتى الجامعة . الموضوع غير طبيعى . غايتو دى فيها مبالغة من الاصدقاء


#837892 [طائر الهوى]
0.00/5 (0 صوت)

11-25-2013 04:24 PM
أفلح إن صدق .


#837889 [khalid mustafa]
5.00/5 (4 صوت)

11-25-2013 04:21 PM
كلام عجيب طبيب سوداني في ايرلندا قدمت له عروض مغريه للعمل في ايرلندا !!وفضل الذهاب للسودان

في دول مثل بريطانيا وايرلندا ليس هناك عروض مغريه بل راتب شهري حسب سنوات الخدمه واذا كان الطبيب مؤهل لفتح عياده خاصه لمعاودة مرضاه فهنا المحك لان بعض الاطباء نصيبهم من المرضي اكثر من غيرهم كما هو الحال في السودان

اتمني ان لا يصدق قراء الراكوبه الدعايه الاخوانيه الكيزانيه للمنتمين لهم


ردود على khalid mustafa
European Union [احمد علي] 11-25-2013 11:58 PM
بالمناسبه في حاجه غلط في الخبر ده , انا قاعد فتره طويله جدا في نيوكاستل , نيوكاستل دي مدينه كبيره ومشهوره لكن في انجلترا وفي واحده تانيه في استراليا , في ايرلندا في قريه صغيره جدا اسمها نيوكاستل ما فيها مستشفي زاتو , انا ما بشكك في الخبر ولا في انسانيه الطبيب ده بس الخبر فيهو خطا


#837869 [تينا]
0.00/5 (0 صوت)

11-25-2013 04:04 PM
مرحب بيك فى بلددك يا دكتور وخليك مع الفقراء فقط . واعمل حسابك من الحساد ما يلحقوك دكتور أبو سن . وما تطلع من الجماعة غايتو بنخت فيك حسن النية الى أن تثبت العكس والله يكضب الشينة .


#837835 [مواطن]
3.00/5 (2 صوت)

11-25-2013 03:31 PM
أبوكم لأابو الغل والحسد الفي قلوبكم

بدل ما تقدرو موقف الطبيب وتثنو عليه اغلبكم شايلين ومتخاملين عليه هل

وأنتو قايلين ربنا خاتي البشير يحكم لشنو

ماياهو من نيتكم وقلوبكم السوداء


#837831 [مواطن]
0.00/5 (0 صوت)

11-25-2013 03:29 PM
أبوكم لأابو الحسد الفي قلوبكم

بدل ما تقدرو موقف الطبيب وتثنو عليه اغلبكم شايلين ومتخاملين عليه هل

وأنتو قايلين ربنا خاتي البشير يحكم لشنو

مامن نيتكم وقلوبكم السوداء


#837721 [كابيلا]
5.00/5 (2 صوت)

11-25-2013 01:55 PM
إذا المرء لا يرعاك إلا تكلفا .:. فدعه ولا تكثر عليه التأسفا
ففي الناس إبدال وفي الترك راحة .:. وفي القلب صبر للحبيب ولو جفا
فما كل من تهواه يهواك قلبه .:. ولا كل من صافيته لك قد صفا
إذا لم يكن صفو الوداد طبيعة .:. فلا خير في ود يجيء تكلفا
انا اول مره اكتب هنا ولكن اري بعض الملاحظات هنا ولكن ارجو منكم تشجع كل من يريد العوده الى الوطن وعدم هزم الروح المعنويه .وارجو منكم ايضا عدم تشخيص الناس هذا كذا وهذا كذا وربما تجمعكم معاهو الايام وتعرفهو جيدا ولكم كل التقدير.

(اختلاف الرأى،هو فى الحقيقة ما يضفى على الحياة متعتها،ويجعلها مثيرة للاهتمام)


#837683 [abuahmed]
5.00/5 (1 صوت)

11-25-2013 01:04 PM
والله لم تكن به وطنية...فالوطنية لاتحتاج الي اعلان أو احتفال بفندق روتانا...وياريت يكذب حديثنا يوكون مع المواطن الغلبان...ديل جايين يكنسوا المال فليس في أوروبا مال ..أي نعم الحياة جميلة و ممتعة ولكن لايمكن ان تكنس من الاموال مايجعلك من الأثرياء عبر الوظيفة...كم طبيب سوداني بايرلندا؟ كم عدد الأثرياء منهم ؟ و ماه حجم ثراءهم؟ 00فكونا ياناس من الوطنية الكاذبة هذي...ولك يابلادي المجد و الخلود


#837662 [موسى محمد]
1.00/5 (1 صوت)

11-25-2013 12:45 PM
دا واحد شبعان وطاردو البرد، لكن صدقوني سيصبح قريباً حاله كحال د. أبو سن آخر تلتلة ومحاكم وإتهامات لا يعلمها إلا الله.


#837629 [ابوشنب]
5.00/5 (4 صوت)

11-25-2013 12:24 PM
(وتخصص في طب القلب والقسطرة التي نبغ فيها نبوغاً عالياً أدهش العلماء في الغرب)..يا سلام..ولماذا يندهش علماء الغرب وهم من إخترعوا الطب الحديث بما فى ذلك القسطرة ؟..ثم ماهو الشيئ الذى يمكن أن يفعله الطبيب (المدهش) بالقسطرة فيجعل المراقبين بيما فيهم (علماء الغرب) يندهشون..

كلام ملتًق الغرض منه الاعلان عن القادم الجديد..


#837613 [عباس التحت اللباس]
0.00/5 (0 صوت)

11-25-2013 12:19 PM
ههههههههه يكون شريك مامون حميدة اكيد او وعدوه بوزراة في كل الاحوال معه فلوس 33


ردود على عباس التحت اللباس
European Union [hmamizo] 11-25-2013 01:12 PM
لكنه فضل العودة لبلده السودان بعد أن عمل بايرلندا (12) عاماً؟؟؟؟؟؟؟؟؟؟؟؟، وقد احتفى أصدقاء الطبيب بعودته مساء أمس الأول بفندق (السلام روتانا)،؟؟؟؟؟؟؟؟؟؟؟؟


#837600 [العلماني]
5.00/5 (1 صوت)

11-25-2013 12:13 PM
انه فعلا كوز وبيلمع في نفسه .
اذا كان فعلا عايز يساعد المرضى المحتاجين في السودان كان يقبل بالوظيفة ويبداء في تأسيس عيادة او مستوصف لعلاج أمراض القلب من الراتب الكبير الذي سوف يتقاضاه .


#837580 [sudani]
4.00/5 (1 صوت)

11-25-2013 12:02 PM
تشكر


#837543 [مالك الحزين]
0.00/5 (0 صوت)

11-25-2013 11:30 AM
والله حيرتونا يا الكيزان ؟؟؟ عاملين زى الزئبق , مابتنقبضوا ,,


#837541 [بيكانتو]
5.00/5 (3 صوت)

11-25-2013 11:29 AM
كان يواصل تدريبة و تعلمه بايرلندا ويكون لديه برنامج زيارات للسودان لاجراء العمليات المجانية و فى كل زيارة يجيب معاهو شويه معدات و افضل و احدث العلاجات


#837491 [ود حبوبه]
5.00/5 (1 صوت)

11-25-2013 10:51 AM
يعني انا ارفض برشلونه او ريال مدريد والعب هنا في السودان مع الهلال او المريخ بدعوي انها فريق بلدي


#837481 [الفجري داك]
2.00/5 (1 صوت)

11-25-2013 10:43 AM
يادكتور نحي فيك القومية بين أهلك وعشيرتك ،وخليها بس أيام وشهور لما تتكدس عليك داك مافي وأبسط الأشياء فى الفقر والذله وأشياء ولا فى الأحلام وتعانق الدهنسة والخباثة وبام عينك تشوف حال البلاد مع هذة الفئه الضاله من الأنقاذيين ،سترغب بالخروج النهائي أذ أطال الله في عمرك ،أو قد تكون من رفاق مامون حميدة ،وبعدين أدينا تقرير شامل خلال ستة أشهر وعسى ولعل ،وسبحان الله الداع قد يكون تواجدك بجانب أسرتك ونسأل الله لك الأستقرار والروح الوطنيةالمفقودة عند أهل الأنقاذ .
بعدين تركت الأغراات وجيت عسى ولعل الأنتخابات القادمة تكون ضمن الترشيح الوزاري ،او تحصل د/ كمال ابوسن .وياخوي صراحة شعب السودان الحالي مامحناج لتلك الكفاءة وبصراحة شعب لايملك زرة من أقل حقوق الكشف البدائي ناهيك عن التحاليل والفحوص الطبية ،بغض النظر عن العمليات الجراحية وتكلفة السرير بالمستشفي والعلاج المنتهي الصلاحية الذي ذكرة حسين خوجلي في 43مستشفي .
أنا لا أحقد على وجودك بالوطن فقله هي المستفيدة من تواجدك وأسرتك والمؤتمرنجية وجزء من الأمنجية
وبفلوس الغلأبة ،أماأذا دعوت لعمل إنساني فجزاك الله خيرأً في الدنيا والأخرة وأيضاً ستفرض عليك أتاوات وضرائب ربنا يقدرك عليها ،فمن نواحي أمنية أيضاً لاتدخل فى سياسة المؤتمر الوثني ويجب تكميم الأفواه وأمنياتي لك بأقامة سعيدة بارض الخير والدولار وكل عام وإنت وأهل السودان بخير وصحة وعافية.

أخوك د/ بجانبك


#837478 [المنغولي الغبيان.]
0.00/5 (0 صوت)

11-25-2013 10:43 AM
خليك جاهز للمؤامرات وإشانة سمعتك
خيرا تعمل شرا تلقي إنته في السودان.


#837479 [aldufar]
0.00/5 (0 صوت)

11-25-2013 10:43 AM
اتمنى لدكتور عسكر - طيب العودة وعودا محمودا يا دكتور فقلوبنا بحاجة لطبيب وكذلك نفوسنا ، فقد اصاب القلوب الهرم والضعف فاننا نتضرع لله الواحد الاحد ان يجعل في قدومك للوطن طبيبا حقيقيا لما يعانيه اهلنا وخاصة مرضى القلب ونتمنى ان يأتي الشفاء لكل مريض تلمسه يداك المباركات باذن الله وترفع عن كل مريض مرضه ومما يعانيه، ففي اريلندا كم هائل وفي بريطانيا كم هائل من الاطباء الذين اجبرتهم الظروف للعمل هناك ومنها السياسية بسبب تعاسة ساستنا وهم لا يهمهم مرض اهلنا ولا يسالوا هل بالبلد اطباء في طب القلوب ام لا لانهم يعالجعون بطانتهم واولادهم في تلك الاصقاع ومن مال المسكين الذين يجمعونها من التراب وغيره ،

فانني اناشد امثال الدكتور عسكر العودة لبلدهم صحيح سوف يعانون ولكن مرضى القلوب هنا بالسودان ظلوا يعانوا طيلة الفترة وامكن بعمر الدكتور عسكر ومازالوا يعانون بسبب عدم علاجهم لان الدولة لا تستطيع ان تقدم لهم علاجا ناجعا لقلة الكادر الطبي ولقلة الدواء فالدولة مسئولة عنهم امام الله .

والموت ينتظر الكل سواء مريضا ام معافاً. واملي من اطباءنا بالمهجر ان لا ينظروا للحياة التي يعيشونها في الغرب فهي حياة خاوية من جميل رغم اناقتها ونظافتها لكنها مرة مرة جدا ومن لم يذق طعم الغربة لن يعرفها اليس ذلك بصحيح يا دكتور عسكر ،،،،،،،،، واين دكتور محمود هو الآخر بايرلندا وفي نفس المجال عد لمدني يا دكتور محمود فمدني تناديك صباح مساء لعلاج قلوب اطفالها وكبارها العليلة .

ولله الموفق،،،


#837456 [KALAS.]
0.00/5 (0 صوت)

11-25-2013 10:28 AM
مرحب بيك يا دكتور و كتر خيرك تساعد اهلك و ناس بلدك فى العلاج لانوكل القلوب السودانية تقريبا الان مريضة و محتاجة رعاية و علاج بس الخوف فى الاخر تطلع كوز و جاى تلحق الخم و الله يكذب الشينة.


#837445 [الحقاني]
0.00/5 (0 صوت)

11-25-2013 10:23 AM
ربنا يوفقك ويسدد خطاك واوصيك اعمل حسابك اعداء النجاح كثيرون ويزرعون الكثير من الاشواك والالغام


#837443 [Romario]
0.00/5 (0 صوت)

11-25-2013 10:22 AM
خلي الوطنية دي تنفعك لامن تلقى روحك بعدين واقف قدام غول الغلاء و ما قادر توفر أبسط مقومات الحياة لي أسرتك


ردود على Romario
United States [واحد ساى] 11-25-2013 03:29 PM
يااخى غلاء شنو بيقول ليك اخصاااااااااائى يعنى يشوفك بس ب 200 جنيه تقول لى اوربا .
ومستقبلنو فى روووووووتاااااانا


#837434 [الزول الكان سمح]
5.00/5 (1 صوت)

11-25-2013 10:16 AM
ده بكون من الجماعة..والخبر بكون للدعاية حسب إعتقادى والله أعلم


#837424 [1880 دولار ربيع وتهميش وزير الصحة]
5.00/5 (1 صوت)

11-25-2013 10:08 AM
والله نحن كمواطنين نشكره نيابة عن كل مريض ويشكي من قبله ندعوا الله ان يجعل ذلك في ميزان حسناته ويعوضه اكثر لكن ربيع عبد العاطي مجهز ليك 1800 دولار ووزيرا الصحة والهناء بهمشك لو ما التحقت بمستشفاه

ربك يعين


#837414 [ود البلد]
5.00/5 (1 صوت)

11-25-2013 10:02 AM
المشكلة وفى مأمون حميده


#837405 [ودعز]
5.00/5 (1 صوت)

11-25-2013 09:58 AM
د. "نزارخالد" طبيب بمستشفى الفيصل، .... حلوة دى ....فبركات ...دكتور واحد داخل والف خارج


#837400 [دكتور عوض ابوراس]
5.00/5 (2 صوت)

11-25-2013 09:55 AM
"طبيب سوداني يرفض عرضاً مغرياً بايرلندا ويفضل العودة للسودان"
هههههههههههه العب غيره
اكيد اغرتك المادة فى ليلة واحدة على اقل تقدير بتطلع ب 10 مليون تانى داير شنو؟


#837360 [صديق حسين عوض]
5.00/5 (1 صوت)

11-25-2013 09:24 AM
ما ان تعرف من أين يأتو هؤلاء سيكون لك رايأ أخر و ستجبر على انكار كلمه العوده لحضن الوطن أو ان يقضي الله أمرا كان مفعولا فيصارون الى مزبله التاريخ وحينها سوف تحل رحمه ربك و يعم الخير و لن يبقى سوداني مشردا او تأها بين البلدان


#837359 [omer]
5.00/5 (1 صوت)

11-25-2013 09:24 AM
الدينا بخير وابناء السودان بخير و شعب السودان بخير الشكر كل الشكر لام الدكتور الصادق أحمد سعيد""عسكر" و والده الذان غرسوا فيه حب الوطن و محبة الاخرين من المحتاجين والضعفاء من هذا الشعب الابى مزيدا من التقدم و ربنا يعطيك الصحة والعافيه يا دكتور
اتمنى من الله ان يفيق كل من سولت له نفسه من الاضرار و الظلم بهذا الشعب ويضع الدكتور الصادق أحمد سعيد""عسكر" نموذجا لوطنيته بفيق من غيبوته و يتق الله بشعب السودان و يعمل لاصلاح نفسه اولا ثم اصلاح الاخرين


#837352 [رياض]
5.00/5 (1 صوت)

11-25-2013 09:19 AM
لا شك ان معدنه أصيل وبرهن ان مهنة الطب مهنة إنسانية في المقام الاول والماعندو خير في أهلو ما عندو خير في الباقين وجزاك الله خيرا يا دكتور وبلسما شافيا لأهلنا الغلابة ويجعلك معينا لعم


#837344 [mohd]
0.00/5 (0 صوت)

11-25-2013 09:17 AM
(وفضل د. "عسكر" تقديم خدماته للمواطنين في السودان، مما حفز آخرين من الأطباء السودانيين في دول المهجر للعودة لبلدهم طبقاً لدكتور)

بكرة حميدة وجماعته يورطوه ويلفقوا له تهمة زي ما عملوا لابوسن

مجال الطب في السودان اصبح مجال مافيا وبيع كلى وقطع غيار بشرية تحت حماية مامون حميدة عدو المواطن وعدو الصحة ومدمر ومحطم المستشفيات والطب

وزير صاحب مستشفيات بالعقل تشتغل مستشفياته ام مستشيفات الحكومة ، ولو كان هناك مستشفى منافس له اكيد سوف يحطمه لكي يسود مستشفاه


#837342 [المهندس سلمان إسماعيل بخيت على]
5.00/5 (9 صوت)

11-25-2013 09:14 AM
يا جماعة دا مش طبيب عادى دا كوز إغترب وصلح وضعه ورجع لجماعته مكانته محفوظه خلى واحد تانى مش اخوانى يرجع والله يتبهدل وحاله يغنى عن سؤاله وقبل مايتم الحول يعود لأيرلندا - البلد دى بلد الكيزان ولو سقطوا بكره بعد بكره ما لايقل عن 3 مليون سودانى سيعودوا للوطن مش النظام أما صاحبكم دا ما عاد للوطن دا عاد للنظام واموره مدبره ومفبركه يا فاطمة عوض ولو فتشنا تحت تحت نلقاكى انتى كوزه


ردود على المهندس سلمان إسماعيل بخيت على
United States [المهندس سلمان إسماعيل بخيت على] 11-25-2013 02:10 PM
كان معانا زميل دراسة شيوعى وأخيه الأكبر رئيس إتحاد الطلاب السودانيين فى روسيا زميلنا دا خطب ليهو كوزه ولمان اخوه سمع اتصل به كيف يتزوج من كوزه - رد عليه وقال ليهو دى ما كوزه لكن بتصلى بس - فرد ود عيسى الكبير - دا مؤشر خطير - واستغفر الله - دحين الدكتور دا الموديهو هجليج شنو - دا مؤشر خطير - وتقول لى مش كوز - ايام الجامعة شىء ولكن لمان الفلوس بقت بس فى يد الكيزان ناس تابيتا اللى ابوها قسيس بقو كيزان والدقير وناس كتار باعوا نفسهم للدنيا - وهى لله هى لله والسبابة تعب من الرفع

United States [صديق] 11-25-2013 11:43 AM
يا اخي اعرف د. الصادق منذ كان طالبا و هو لعلمك من مؤسسي الحركة المناوئة للجبهة الاسلامية في وقتها بحامعة الخرطوم

United States [ودالبلد] 11-25-2013 10:48 AM
كلامك صحيح


#837338 [omera]
4.88/5 (4 صوت)

11-25-2013 09:10 AM
يكون التعاقد في ايرلندا في شفخانة او عيادة صغيرة نائية عشان كدا حسبها صح قال احسن يرجع السودان وقبل يرجع يعمل ليه تلميع عسى ولعل ان يغتنم وزارة او منصب في الخارجية او على الاقل بهذا الاعلان يستطيع ان يجذب الكثير من المرضى في العيادة التي سوف يفتحها في السودان، بالعقل كدة هل في واحد في غربة بيفكر يرجع السودان في هذه الظروف التي يستحيل العيش فيها؟ احترموا عقولنا يا بشررررررررررررررررر


#837332 [silk]
5.00/5 (5 صوت)

11-25-2013 09:06 AM
ينعى كوهين إبنه..ويعلن عن وصول تشكيلة جديدة من الثياب ...عاصرنا الكثير ممن تخصص وبرع فى الغرب عموما...والتواضع صفة ملازمة للعلماء .نشكركم تعرفنا عليه وسنراجعه من وجع القلب والإعلان ..ورحم الله الطقطاقة..


#837281 [مريود]
0.00/5 (0 صوت)

11-25-2013 08:21 AM
وطنية عالية .
لكن للأسف قد يحبط ويعود من حيث أتى.


#837274 [سمبا]
5.00/5 (8 صوت)

11-25-2013 08:12 AM
كوز وبلاش تلميع .


ردود على سمبا
European Union [وطني غيور] 11-25-2013 12:28 PM
مش عمل في تاسيس مستشفي هجليج اكيد كوز اصلا مافي شخص بيعمل مع الكيزان الا ويكون كوز وهذه فبركه اعلاميه كبيره
بكره سنسمع ان هذا الدكتور بقي وزير يتبع للمؤتمر الوطني
وشكل ناس وزارة الصحيح بيفكروا في ازاحة مامون حميضه و منح هذا الدكتور الخرافي منصب وزير الصحه مكان حميضه
يا جماعه اللعبه واضحه
وبكره تفتكروا كلامي ده



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة