الأخبار
أخبار إقليمية
في اعتراف نادر.. نائب رئيس بنك السودان : نحن والحكومة مسؤولين لما وصل اليه الإقتصاد السوداني
في اعتراف نادر.. نائب رئيس بنك السودان : نحن والحكومة مسؤولين لما وصل اليه الإقتصاد السوداني



معالجة أوضاع الاقتصاد الراهنة صعبة والواجب ليس اقالتنا فقط
11-25-2013 11:14 AM

الجريدة: الخرطوم: سعاد الخضر

أقر نائب رئيس بنك السودان المركزي بدرالدين محمود بمسؤليته ومسؤولية الحكومة فيما وصل إليه الاقتصاد السوداني، وصعوبة معالجة أوضاعه الراهنة بدون مساعدات دولية، وقال إن صعوبة أوضاع الاقتصاد تستوجب ليس إقالتهم فقط بل إعطائهم إجازة مدى الحياة، وقال في الورقة التي قدمها بالملتقى الاقتصادي إن البنوك السودانية تعرضت لخسائر كبيرة في النقد الأجنبي، فضلاً عن فقدان عدد كبير من المواطنين لقيمة أصول ممتلكاتهم، وكشف عن ارتفاع عرض النقود من 41 مليار جنيه إلى 58 مليار 2012م، ونوه إلى هيمنة السياسة المالية على السياسة النقدية، وشدد على معالجة الصدمة في مركزها النقدي لتدهورالقطاع الخارجي، وتوقع ارتفاع صادرات البترول إلى مليار دولار بنهاية العام الحالي.

الجريدة



تعليقات 20 | إهداء 0 | زيارات 5739

التعليقات
#838175 [gasimgasuim]
0.00/5 (0 صوت)

11-25-2013 09:25 PM
اقاله....واجازه مفتوحه والله انت متفائل اوى ..................نسيت انو فى حاجه اسمها محاسبه ودى ما درستها فى الجامعه واللا شنو ......اللى اعرفه انو الشعب السودانى منتظر التور يقع وعينك ما تشوفش الا النور ..................سكاكين من جميع الانواع محلى ومستورد ويومها الدنيا حتقيف وما حتقعد.


#838114 [النورس]
0.00/5 (0 صوت)

11-25-2013 08:17 PM
منتهى الشجاعة من واحد من رموز النظام ان يعترف بفشل النظام في ادارة شؤون البلاد ومنتهى الجبن ان يرى في ذهابهم في اجازة مفتوحة حل لمشاكل السودان فيجب ان يتم مسائلتهم ومحاكمتهم لافراغهم خزينة الدولة من النقد الاجنبي واغتيالهم للعملة المحلية وتعطيل حركة الانتاج واساءة سمعة البلاد الخارجية وتقسيم البلاد وبيع مؤسسات الدولة وادخال البلاد في النفق المظلم اقتصاديا واجتماعيا وسياسيا وصحيا وتعليميا فيا بدرالدين محمود بمثل ما استمتعتم بالسلطة وبريق الشهرة طيلة 24 عاما سيأتي يوم الحساب الذي تحاسبون فيه على مااقترفت يداكم في حق الوطن ووقتها لكل حادثة حديث سنستدعي الاموال التي تم تهريبها الى خارج البلاد في القاهرة ودبي وماليزيا والبرازيل وسنقوم ببيع الاصول الثابتة من قصور وفلل وعمارات وشركات ومصانع الموجودة بالخارج ليتم تحويل قيمتها الى داخل البلاد ويومها سنرى كيف ان الاقتصاد يبدأ بالتعافي والنهوض على قدميه مرة اخرى


#838065 [صلاح كوكو]
0.00/5 (0 صوت)

11-25-2013 07:22 PM
كــلام جميل وشجاعة تمام بس كملوا الباقي وحاسبوا انفسكم ونحنا موافقين


#838015 [ابو روعة]
0.00/5 (0 صوت)

11-25-2013 06:38 PM
50 مليار حجم الكتلة النقدية يذهب معظمها الى شراء الذهب او مصاريف حكومية اي لاتذهب الى الموظفين والاطباء والمعلين والطبقة التعبانة جدا جدا


#837968 [adil a omer]
5.00/5 (1 صوت)

11-25-2013 05:56 PM
والاجازه دى بى راتب ولا بدون راتب ؟؟ وبكامل المخصصات ولا بى بدل غياب بس !!

القصاص القصاص القصاص

انه اغتيال وطن مع سبق الاصرار والترصد


#837940 [حد بيعرف احسن م الحكومه!!]
0.00/5 (0 صوت)

11-25-2013 05:26 PM
(1)اها يا محمدخير يا زبير .. فضل ليك شنو تقولو بعد كلام نائبك (انا متشكك وبسأل: ان صح الخبر انو فعلا قال الكلام دا فى ورقتو المكتوبه اللى قدّمها وقروها ناس المؤتمر الأقتصادى) وحس اتنشر الكلام وقراهو كل من فك الخط..
(2) الشي التانى لمحتك ( واريتنى ما شفتك ولا بتاع الكاميرا ركز عليك) بين الجالسين فى الجلسه الختاميه اكثر من مرّه لما ركز بتاع الكمرا على وشّك الما بغبانى .. ساعتها احسست انك قى حالة احباط فيها كميه من خليط مشاعر اكيد كان يفيض على كل قطعه من جسمك وفى كل خلجه من خلجات نفسك.. احاسيس فيها مسحه من خوف و عليهااخرى من اسى وثالثه من تهويم فى فضاء عريض لا نهاية له ورابعه تنبيء من يشاهدك وكانك فى حالة استسلام للمقدر والمكتوب واخيرة تكاد تنطقك بلسان حال من يقول" والله يا جماعه انا ورثت هذا العبث وما لى فيهو ايد" .. الا ترى ان المستور بان وزولك بدر الدين اعترف بعضمة لسانو وورط نفسو وان كنتو ما حاسين انكم متورطين معاهو.. راس السوط وصل لعندكم(ألأعتراف سيد ألأدله ولا شنو رأيك؟ الكلام الأتقال دا حقيقه ولآ كلام جرايد؟ الراجل كمان طالب بعقوبات تطالو واكيد تطالكم كووولكم لأنو كلامو بصيغة الجمع يا حسره..(برضو تانى اتساءل هل هو فعلا كتب الكلام دا ولا يزال وما ينفكّو وما يبرح يؤمن بيهو ومستعد للمساءله والذهاب فى اجازه ابديه!!
(3)بس تانى انّسألك انت وهو..الكلام القالو بدر الدين دا صحى؟ ان صحى هو الليله جا الشغل .. وان جا جا يعمل شنو؟ هل انت سالتو ليه قال كلام زى دا وايه اللى عاصرو.. ولآ الحكايه فيها "أنة" (الهمزة حمالة اوجه مكسوره ومفتوحه ويمكن مخلوعه وناطّه ليفوق) يكونش طامع وقاعدلو فوق راى.. بس اظنوالوقت فات عشان تحصل تحوّط مكتبك!!
(4)من زمان وانا قلبى عليك ونصحتك "بمنعرج اللوى" واستحلفتك اكفر من مرّه ان تخارج نفسك .. بس دلوكيت بجد جد اخشى عليك من غنوة شرحبيل ألأفتتح بيها ليلة العرس وظن صاحب العصمه انه مقصود ومستهدف بها.. ابحث عنها كفيرين حيقولو ماهى .. على كووولو حال يبدو ان سعدى باشا آلها من زمان "مافى فايده" ,, ياحسره على زمنا اللى ضاع فى نصحك وبكل اسف فى زمالتك!!


#837933 [الغريب]
0.00/5 (0 صوت)

11-25-2013 05:18 PM
بعد خراب سوبا ،،،


#837859 [غايتو]
0.00/5 (0 صوت)

11-25-2013 03:56 PM
التعليق قبل القراءة / غايتو الرجال شبع / وبعدين نقرأ


#837821 [خجاج الكيزان]
0.00/5 (0 صوت)

11-25-2013 03:17 PM
والله انا ماعارف ذاتى ارد على المدعو بدر الدين محمود دهاقول ليهو شنو لكن افتكر انو ناس الانقاذ ديل يا بلعبو على عقولنا وبستغفلونا .ياهم ناس ما بختشووما عندهم كرامة . الله يرينا فيكم يوما اسودا


#837811 [سوداني ود بلد]
0.00/5 (0 صوت)

11-25-2013 03:06 PM
جا في الخبر اعلاه "أقر نائب رئيس بنك السودان المركزي بدرالدين محمود بمسؤليته ومسؤولية الحكومة فيما وصل إليه الاقتصاد السوداني، وصعوبة معالجة أوضاعه الراهنة بدون مساعدات دولية، وقال إن صعوبة أوضاع الاقتصاد تستوجب ليس إقالتهم فقط بل إعطائهم إجازة مدى الحياة"

جميل الاعتراف بالمسولية عن التدهور الحاصل في الاقتصاد السوداني وطالما اعترفت فلماذا لا تتقدم باستقالتك المسببة وتفسح المجال لمن هو اكفأ منك ؟


#837782 [الجــــزيرة ابا]
0.00/5 (0 صوت)

11-25-2013 02:47 PM
البنك المركزى فى كل العالم منوط به ترتيب الاولويات النقدية والمساهمة فى كشف الثغرات الاقتصادية وتدعيم خطط الموازنات لتصبح التنمية ( فى ارتفاع بالنقاط ايجابيا ) ولكن فى ظل حكومة ( السجم والرماد ) اصبح البنك المركزى عبارة عن صرافة يسيطر عليها تجار العملة من الوزراء وال حوش بانقا والفاقد التربوى ( جهاز الامن ) .. لذلك بقى شغال بنظرية امسك لى واقطع ليك كلما كان هناك نقص او عملة اجنبية دخلت البلاد وبقت البنوك فى صراع الوحوش عشان تكفى حاجتها لازم تشتغل تحت الترابيز بالتحانيس ( عليكم الله ادونى من الجات شوية لانه اعمالى واقفة ) وبقت العملات بدلا عن تدخل فى خزينته تمشى طوااالى بنك امدرمان الوطنى ( بنك الجيش ) فى حساب بشة واخوانه ويجرى البنك الوطنى يشحد من هناك بالتحانيس ايضا .. حتى قروش الاغاثات وصناديق التمويل الاجنبية بتدخل بهناك .. ولذلك انهار اقتصاد الكريمات وقدر ظروفك ووقعت البلد فى حفرة المرفعين .


#837737 [radona]
0.00/5 (0 صوت)

11-25-2013 02:08 PM
اخطأت ياسيد بدر الدين محمود نائب مدير بنك السودان
الحكومة غير مسئولة وانتم غير مسئولون
انتم مسيطرون ببلاهة وغباء غير مسبوقين في الجنس الادمي .. ولا تغضب سافسر لك ..
انتم ياسيدي ليس لديكم رؤية ولم تقرأوا مآلات اتفاقية نيفاشا التي وقعتم عليها بمنتهى الغباء والبلاهة هربا من القرار 1593 والمحكمة الجنائية .. وهذا هو الغباء
انتم وقعتم ثلاثة بروتوكولات لابيي وجنوب كردفان والنيل الازرق مع ان نيفاشا نصت على ان حدود 1956م هي الحدود وبذلك وضعتم ثلاث خناجر مسمومة في صدر الوطن .. وهذه البلاهة
اما البلادة .. اجرت دولة الجنوب استفتاء ابيي من طرف واحد وظللتم ترددون بعدم قانونيته في بلادة غير مسبوقة وتصدقون دولة الجنوب بانها لاتعترف به مع ان من اجرى الاستفتاء هم مواطنوها ..
اما البلاهة والغباء والبلادة مجتمعة فتجسدت كلها مجتمعة في طريقة معالجتكم للتمرد عموما وبدارفور خصوصا اما ان يتفاوض معكم المتمردون ويحصلوا على المناصب والمال جزاءا لجرائمهم او ان تقاتلوهم حتى يستجيبوا لرغبتكم وينالوا نصيبا منى السلطة والمال وانتم بذلك تضيعون القانون والدستور والوطن .. وهذه البلاهة والغباء والبلادة معا
ولكننا مضطرون خوفا من بطشكم وجبروتكم ان نهتف من افواههنا وندعو عليكم بقلوبنا ان يريح البلاد والعباد منكم وشكيناكم لله


#837696 [المشتهى السخينه]
3.00/5 (2 صوت)

11-25-2013 01:20 PM
لماذا لا تنهار البنوك ؟ وهى تعمل بأوهام اقتصاديه تسمى المرابحه والمشاركه والمزارعه والمصانعه والقرض الحسن ( لذوى القربى ) ..وهى نظريات عاجزة الصقت فى الاسلام لتعطيها قدسيه تمكن من سرقة اموال الشعب .. وقد كان ..كل من تبع هذه الاوهام حصد الهشيم وخسر امواله واصوله ونفسه .. الكهنوت الدينى لا يقدم حلول عصريه ..


#837666 [النعمان عباس]
5.00/5 (1 صوت)

11-25-2013 12:48 PM
لماذا اجازه مدي الحياه وما فائدة حياتهم


#837664 [مقهور]
0.00/5 (0 صوت)

11-25-2013 12:46 PM
شعب جعان لكنه جبان جبان جبان


#837647 [ودالشريف]
4.00/5 (1 صوت)

11-25-2013 12:38 PM
يادوب اكتشفت الذرة حقيقة القلم مابيزيل بلم الاقتصاد علم واحد زائد واحد يساوى اتنين مابينفع معاهو التحايل والكذب لانه حبله قصير والايام كشفت كذبكم قلتم الدولار نهاية العام حايكون 3000 واسي بى فوق 8000 ولسة ماشي وحايصل عشرة واذا انتو قاعدين اكتر حايصل 20000 تتذكرو كلام صلاح كرار لو ماجينا الدولار كان حيصل 20 جنيه انتو في زمنتم حايصل 20000 جنيه استحو واحترفو بانكم عاجزون عن الحل ياجماعة مشكلتنا سياسية وليست اقتصادية اذا حلت مشاكل السياسة وتوافق السودانين بينهض الاقتصاد غير كده حرث في بحر فهمتو ولا نجيب ليكم فهامة


#837620 [الكلس]
4.75/5 (3 صوت)

11-25-2013 12:21 PM
اللهم لا شماتة ......(ونان التخصصات النادرة والشهادات العليا في مجال الاقتصاد لزومها شنو يا كيزان السجم) .....ربع قرن من الزمان تتاجرون وتضاربون في أموال الشعب لنأتي أخير لهذه المحصلة المزرية .....لا لن يكون لكم عذر أيها المغتصبين مزوري الشهادات ...فقط السجن أو المقصلة


ردود على الكلس
European Union [واحدة مكسرة فى السودان] 11-25-2013 01:35 PM
ماذا يعنى هذا الثلاثى : بدرالدين – صلاح قوش – عوض الجاز ؟
بس ارجعوا بذاكرتكم الى الوراء وشوفه منذ متى بدرالدين كان نائبا للمحافظ ؟ اذا كان الدكتور صابر هو اطول فترة كمحافظ لبنك السودان فان بدر الدين هو اطول فترة كنائب محافظ للبنك المركزى فى تاريخه ، بدرالدين ابن الانقاذ المدلل هو المحافظ الفعلى فى كل العهود وكل جرائم الانقاذ المالية تمر من تحت تربيزته ولو لا الوساطات لكان عثمان ميرغنى(الانقاذى الاخر ) غطس حجره فى قضية الاقطان فى اطار صراع مراكز القوى فى بيت الانقاذ ، لكن سجمى شوفوا قوة العين وجنس الكلام دا : (وقال إن صعوبة أوضاع الاقتصاد تستوجب ليس إقالتهم فقط بل إعطائهم إجازة مدى الحياة،) !!!
والله دا ادب التمكين ذاتو : اسرق ، افسد واجرم ، وفى النهاية يعطوهم اجازة مدى الحياة !!
وما فى حساب ولا شنو يا مولانا ؟
على قول اخونا عثمان شبونا : اعوذ بالله


#837596 [قول الحق]
5.00/5 (1 صوت)

11-25-2013 12:09 PM
ومحاكمة جميع قيادات الموتمر الوطني ومصادره املاكهم واعادة المسروقات
.. نقطة وخلاص


#837590 [ود السجانه]
3.00/5 (2 صوت)

11-25-2013 12:07 PM
كلام صحيح يجب إقالة كل الحكومة بما فيهم الرئيس والوزراء والوكلاء وكبار موظفي الدولة والجيش والشرطة وكذلك محاسبتهم على الأموال والممتلكات التي لديهم وتطبيق قانون م أين لك هذا على كل موظفي الدولة في السودان وجرد حساب حزب المؤتمر الوطني ومنظماته الفئوية والشبابية والنسوية وكذلك جرد الصرف على المؤتمرات الخارجية والداخلية المهم عمل جرد حسابي للسودان من 30 يونيو وحتى الآن وإستعادة كل الأراضي والتي منحت لأغراض تجارية واستثمارية منذ 30 يونيو 1989م ولذلك نحذر كل من يشتري أرضاً تاريخ ملكيتها من 30 يونيو 1989م فسوف بأتي يوم الحساب .


#837583 [د الزهجان]
0.00/5 (0 صوت)

11-25-2013 12:03 PM
الكلام في الاول كويس .... زول اخطاء واعترف وبفتش في الحل

......... لكن قصه توقعات صادر البترول سبب المشكله من الاول



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة