الأخبار
أخبار إقليمية
منو الصابر على التاني..؟
منو الصابر على التاني..؟
 منو الصابر على التاني..؟


11-26-2013 09:07 AM

بلا أقنعة -

زاهر بخيت الفكي

منو الصابر على التاني..؟
صبَرنا كتيير..
عليكم صبُرنا فات الحد..
صبَرنا سنين ..
كتيرة ما بتنعد..
صبُرنا كِمل..
وهاكم منى الكلام الجد..
انقطع الحبل..الطويييل..
البينا كان ممتد..
باب المتعة الزمان مفتوح..
خلاص دايرنوا ينسد..
أصلاً ما مهم ..
خليها محل رهيف تنقد..
قال صابر..
وما عارف منوا الصابر..
شنو الجابرك عشان تصبر..؟
ومنو الصابر على التاني..؟
كلام ما بشبهك يا مهدي..
حقيقة ..ده الخلاني..
أتعجب براي وأسأل..
يمكن رقمي ما وطني..
يمكن قايلني يوناني..
فرقك منى ياخى شنو ..
عشان تصبر علىَ..
أنا برضي سوداني..
من ثديك يا بلدي راضع العزة..
وموية نيلنا ساقياني..
عائش في رحاب وطني..
وخير ربي البيهوا خصاني..
وزماااان جدي وصاني..
ما أستفز الغير..
واسلك دروب الخير..
وأحفظ عليَ لساني..
وتاني
علينا ماتصبر..
نصبر نحن بنعاني..
على الحال البائنة ..
زي عين الشمس..
يشوفه القاصي والداني..
كفاية وسيبوا تهديداتكم..
بلادي الفيها يكفيها..
تعالوا ويلا نبنيها..
ونسأل ربي يكفيها..
شر خلقوا.. والطامعين فيها..
___
صحيفة الجريدة ا


تعليقات 12 | إهداء 1 | زيارات 3232

التعليقات
#839764 [غريب ديار وغريب اهل]
0.00/5 (0 صوت)

11-27-2013 10:47 AM
انا كنت اقدر هذا المهدي نسبة لمشاركته الامام الهادي والاصيل الشريف حسين الهندي

ضد حكم العسكر نميري . ولكن ما صرح به عن النعمة التي افسحوا للشعب السوداني العيش

فيها فقد تحول تقديري له الي كره شديد وتحولت مائة وثمانون درجة ؟ واطالبه الان ان

يوضح للشعب اللسوداني هل كان يمكن لوالده البسيط ان يصرف عليه مصاريف التعليم من

بدايته الي نهايته مع مصروفات السكن والاكل ؟ يامهدي ياابراهيم اعتقد وانا متأكد بان

والدك كان من الكتاب ارسلك للسوق عتالي او عربجي او طلبة يومية مع بناء ولا عامـــل

بورشة وذلك لانه لم يكن ليستطيع ان يدفع عنك جنيه واحد لانه لم يكن يملك الجنيه

تأكدت الآن انك جاحد وانك وانك ام تعطي الشعب السوداني الذي علمك ونقلك من سكن

القطية او الدردر الي عمارات ومن حافي القدمين ومن لبس الشده والباتا( ان وجدت)

الي الاحذية الايطالي والابوات . استحي يامهدي وقدم اعتذارك العاجل علي نفس الموقع

لكل الشعب السوداني وكمان رجع للشعب المصاريف التي دفعها عنك


#839739 [المنير]
0.00/5 (0 صوت)

11-27-2013 10:31 AM
لا فضَّ فوك يا زاهر


#839133 [عبدالاله]
0.00/5 (0 صوت)

11-26-2013 06:00 PM
ابله ؟؟؟؟؟؟؟؟؟؟؟؟؟


#839062 [elgaily]
0.00/5 (0 صوت)

11-26-2013 04:37 PM
سكت دهرا ونطق كفرا


#839007 [الدندور أبوعوه]
5.00/5 (1 صوت)

11-26-2013 03:53 PM
يا أستاذ زاهر مهدي دا واحد كلب نسي نفسه وفاكر هو سوداني ونسي ماضيه ونسي المرس والكمبو والويكاب وأم تكشو وأم شنون ونسي القطاطي والروكب وسكن القصور الشاهقه عشان كده صبر علينا !! ود الغلفه يا مهدي ليك يوم أسود من وجهك .


ردود على الدندور أبوعوه
United States [الحازمي] 11-26-2013 10:56 PM
أكل شنو و لا سكن في القطاطي ما موضوعنا
سكان القطاطي انقياء لم تمتد أياديهم لأموال اليتامى
و شرف لنا أننا نبتنا من الارض الطيبة و أكلنا من كدنا و سكنا في القطاطي
نعيب على مهدي تطاوله كدأب كل الكيزان على هذا الشعب الكريم

United States [مستغرب] 11-26-2013 07:48 PM
بالله عليكم اذا تحاسبو ولا جن ولا عفريت حاسبوه بعمايلو مش باثنيته وقبيلتو..عشان ما نطلع برة الموضوع.مهدي ابراهيم بغض النظر عن افعاله فهو هلباوي,واصول من عد الفرسان ,يغني هل اهله ما سودانيين؟؟؟اذا هو دخيل انت برضك ما دخيل بنفس فهمك دةاسال اهلك انتو جيتو من وين؟؟؟؟؟والشئ الثاني ما كل الوزراء والمدراء الموجودين ديل كانوا بركبوا الحمير وبياكلو ام تكشو وباكلوا الويكاب والكمبو والمرس وما كلهم كانو ساكنين القطاطي والجالوص.!!!بالله عليك اذا عندك عليه ماخذ في عملوا العام ارجو ان ينحصر في النطاق دةوما تطاول علي اهله


#838941 [اوكامبو]
5.00/5 (1 صوت)

11-26-2013 03:10 PM
الرجل يتطاول على الشعب السودانى و هو غير سودانى فهو يتحدر من النيجر أو نيجريا و هذا ما يحز فى النفس اكثر.


ردود على اوكامبو
United States [مستغرب] 11-26-2013 07:50 PM
انت اوكامبو ولا فاتو ما مهم ..بس اثيت لي بانك اكثر سودنة من مهدي


#838749 [النعمان عباس]
1.00/5 (1 صوت)

11-26-2013 12:46 PM
لا الصابر و لا الباكي و غايتو حكايتي بين امرين .مواطن سوداني


#838704 [ود الكوتش]
0.00/5 (0 صوت)

11-26-2013 12:17 PM
تسلم يا زاهر


#838540 [جركان فاضى]
0.00/5 (0 صوت)

11-26-2013 10:21 AM
استمر حكم الانقاذ 25 سنة...العشرة سنوات الاولى كانت سمان..ثم جاءت عشرة سنوات بعدها عجاف اكلتها...وحاليا نحن نعيش خمسة سنوات عجاف ...خلوها تتم العشرة...لتأتى بعدها عشرة سمان تمسح دموعها...البلد ماشة بخطط عشرية حسب توصيات المؤتمر الاقتصادى الثانى


#838538 [محمد عبدالله]
0.00/5 (0 صوت)

11-26-2013 10:20 AM
سياسة الكطيل بمكيالين ليست غريبة عليكم والدين بري منكم ومن تصرفاتكم يالصوص وقطاع طرق ياقتلت الشعب ومصاصي دمائهم الدين بري منكم . ديادولة المخبارات والجواسيس ....الدين بري منكم ...افقرتم الشعب ومرض وجوع لاصحة ولاتعيلم وتتكلمون باسم الدين...بس ليكم يوم ....انتم تقنون الدعره في الشقق المفروشه انتم من ادخل ثقافة الشقق المفروشة واول من مارس الدعاره فيها..سياراتكم فارها والشقق والفلل تبتزون بها من افقرتموهم وارهقموهم جوع وفقر مرض ...اتاوات وجبايات وضرائب ..انت الاسلام بري منكم يالصوص ....تمارسون ارهاب وقمع الشعب ..ومالله بغافل عا تفعلون....اولادكم يمارسون الرقص في اوربا وماليزيا ..وانت يالصوص مازلتم تتسترون بالدين وتتكلون به وهو بري منكم


#838527 [الباهيلة]
0.00/5 (0 صوت)

11-26-2013 10:14 AM
وانا الصابر عليك يا هم ... هؤلاء هم حاشية من علمنا البتزا والهوت دوق ومنحوما حق استعمال الطرق السفلتة (حسب قول الطفل المعجزة)

الهم ارحمنا من هؤلاء الذين لا ندري من أين أتو كما تساءل الاديب العالمي الراحل الطيب صالح.


#838484 [aldufar]
5.00/5 (1 صوت)

11-26-2013 09:38 AM
هذا الرجل خانه التعبير ، يا عقله خرب عديل،


الحساب قريب يا مهدي ، غير انه حساب رب العالمين منتظركم جميعا يا ايها الفاسدين من زمرة المؤتمر الوثني الفاسد اهله.


ردود على aldufar
[أبوسارة] 11-26-2013 02:14 PM
الترابي يعرف أبناءه من الحركة الإسلامية و يعرف جماعته جيداً. قال عن مهدي إبراهيم هذا : لا يبقي من مهدي إبراهيم شئي عندما تجرده من حلقومه. صدق الترابي في هذه. و هذا نموذج للإنقاذيين الذين سطوا علي الحكم بليل و هم عاطلين عن أبجديات السياسة و الحكم. عجبي!!!1



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة