الأخبار
أخبار إقليمية
المعارضة ترفض إنضمام الخال الرئاسي اليها
المعارضة ترفض إنضمام الخال الرئاسي اليها
المعارضة ترفض إنضمام الخال الرئاسي اليها


طلب الصادق المهدي قوبل بالرفض القاطع
11-26-2013 10:38 AM
الخرطوم: علي الدالي
كشف عضو تحالف قوى الإجماع الوطني البرفسور محمد زين العابدين عن أن رئيس حزب الأمة القومي الإمام الصادق المهدي توسط لتحالف قوى الإجماع الوطني لضم حزب منبر السلام العادل ورئيسه الطيب مصطفى والإصلاحيون إلى صفوفه، وقال زين العابدين - إن الطلب قوبل بالرفض القاطع من قبل قيادات التحالف، وقطع بأن التحالف رفض بعض المجموعات كمنبر السلام العادل ومجموعة غازي صلاح الدين وحزب العدالة بقيادة أمين بناني، وأبدى استعداده إلى استيعاب بعض القيادات الإسلامية من أمثال الطيب زين العابدين وخالد التجاني وحسن مكي، مشيراً إلى أن هؤلاء لهم مواقفهم الرافضة لسياسات النظام منذ بدايته وحتى الآن، وفي الوقت ذاته برر رفض التحالف للجماعات الأخرى باعتبارها ارتكبت جرائم في حق الشعب والوطن، وحمل بعضها مسؤولية انفصال الجنوب.

الجريدة


تعليقات 35 | إهداء 0 | زيارات 9121

التعليقات
#839438 [ابو سكسك]
5.00/5 (1 صوت)

11-27-2013 01:33 AM
غايتوا السودانيين ديل يا جنو يا جنو، ولا استبعد ابدا انو بكرة البشير ونافع يطالبوا بالدخول في المعارضة بواسطة الميرغني.

انا قلت ليكم الجماعة ديل ماااا هينين، هسع جهجهوا ليك المعارضة جهجهة شديدة خلاص، شي انقسامات، شي هبوط بالمظلات، شي تكوين احزاب، شي طلب انضمام لتحالف المعارضة وما معروف بكرة شنو، خلو ليك المعارضة تلف يمين شمال زي بندول الساعة.

انا متأكد الناس ديل بعد شوية حيسيطروا علي المعارضة ويملوا الفراغ الحادث الان ويكونوا اقوى بكثير من المعارضة البائسة الموجودة حاليا، وما بعيد بعد فترة وجيزة تلقو المعارضة الحالية تطالب بالانضمام للمعارضة الجديدة، يا زول في السودان ده ايييي حاجة ممكن.

لكن ما تخافوا، كل الذي تشاهدونه من انشقاقات في المؤتمر الوطني والخلافات بين الامة والاتحادي وبين الشعبي والامة هو شيء مصطنع، الهدف منه التعمية وذلك باثارة غبار كثيف يغطي علي هبوط المؤتمر الوطني من السلطة الي المعارضة وصعود بعض احزاب المعارضة الي السلطة بطريقة سلسة. المتغيرات الاقليمية والظروف الداخلية دفعت الحركة الاسلامية للاختباء. عما قريب سترون الصادق المهدي راكبا ثور السلطة الهائج متشبسا بالقرون علي الطريقة الاسبانية، اما الميرغني فحسبه بقرة حلوب تشبعه لبنا.


#839390 [سلوى بوتيك]
0.00/5 (0 صوت)

11-26-2013 11:51 PM
انا مافاهم هو ينضم للمعارضة عشان شنو؟
جارى لى منصب ولا لخدمة الشعب ؟
وساظل جنديا مقاتلا .. هذا ماقاله عبد الناصر والجماهير طلبت بإرجاعه .. نحن مادايرنكم ... نافع طردوه بالبراطيش وبرضه متحكر .. دمكم بقرى ومابتحسوا ابدا .


#839330 [mohali]
0.00/5 (0 صوت)

11-26-2013 10:18 PM
كلام جميل وموقف صحيح
لكن رأس الحية والمفطر والمسؤول الأول عن كل ما حدث من جرائم هو الترابي الموجود وسطكم
شيلوه عشان يكون في اتساق في الموقف


#839319 [امير]
5.00/5 (1 صوت)

11-26-2013 10:08 PM
هو الصادق نفسة مع المعارضة لما يعزم الناس عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#839300 [يا وسخين لطختو الدين]
5.00/5 (1 صوت)

11-26-2013 09:56 PM
والله يا بروف محمد زين العابدين تقبلواعضوية هذاالخنيث الخبيث مصطفى فى قوى الاجماع الوطنى تكونوا ارتكبتو جريمة لاتغتفر فى حق البلد واهله وانت زول حفيد ود حبوبة البطل الذى تقدم الى المشنقة بكل ثبات ورجولة وحبوباتك زغردن دحين الخايب مصطفى ده ما تقربوا منو .


#839229 [الإمام المنتخب !!]
5.00/5 (2 صوت)

11-26-2013 08:13 PM
لا لا لا ,,, بعد داأنا تانى ما بقرب من الراكوبة دى نهائى ,,ولا عايز أتابع شئ بيتعلق بالسياسة !!لأنو دى تفاهة وعفانة أنا ما بقدر عليها !! بتاع حبيس ورئيس فى المعارضة !! والأجج الإحن والأحقاد وساهم فى فصل الجنوب (عايز أدخل المعارضة ) ويتوسط ليهو الزعيم الشرعى المنتخب سليل الحسب والنسب !!!!!!!!!!!! دى دعارة شنو ودى قوادة شنو ؟؟؟ ياخى أنا بقيت ما فاهم أى حاجة !!! عفا الله عما سلف وباب التوبة مفتوح(الله هو البعفى والله هو البقبل التوبة ,, وليس البشر ) البشر بطفوا غلهم بالقصاص .. !!!!!!!!!! ناس إتشردوا (صالح عام )!! ناس قتلوهم !!ناس عذبوهم (بيوت أشباح) !! بلد إنقسم (الله يقصم ضهوركم كوز كوز ),,
ياخوانا دهـ قرف شنو دا الأنحنا فيهو دهـ ؟؟؟


#839227 [ALIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

11-26-2013 08:09 PM
منبر وحزب زبالة حزب قائم علي اسس عنصرية بحتة يعني متوقع شنو يالمعرص مصطفي قصدي الطيب مصطفي متوقع شنو يعني كرهتنا لعنة الله علي امثالك والان بقيت بقدرة قادر بتدافع عن الجنوب الذي ساهمت بعنصريتك النتنة القبيحة بفصله مخير الله


#839160 [طائر الهوى]
1.00/5 (1 صوت)

11-26-2013 06:44 PM
لو من الممكن إستيعاب الطيب زين العابدين فلا مانع من استيعاب الطيب مصطفى . الاول هو من شارك فى اغتيال الديموطراطية ولو بالسكوت لا يقول لكم انة كان معارض لفكرة الانقلاب وكان رائ اعضاء الشوره غالب . لو انحاز للوطن دون الحزب ورفع سماعة التلفون وابلغ الجهات الامنية عن تحرك المتاسلمين لاستلام السلطة .كان قد وفر للسودان واهل السودان ربع قرن من الدمار .لكنة سكت والساكت عن الحق شيطان أخرس. ومرة اخرى يريد أن يدخل المعارضة و يعارض من اوصلهم للسلطة ياخى إستحى .


#839089 [AburishA]
0.00/5 (0 صوت)

11-26-2013 05:01 PM
يعني باب التسجيلات قفل يا جماعة!!!!


#839073 [علي باحش الدكوك]
0.00/5 (0 صوت)

11-26-2013 04:46 PM
يا أخي الصادق المهدي ده ما بخجل من نفسو .. قبل يومين واضع قائمة شروط طويل عريضة لأستمرار حزبه ضمن قوى التحالف، إلا الأنسحاب من قوى الإجماع الوطني ... ولم تمضي سوى أيام قلائل ليعود نفس الصادق المهدي الذي أعلن خروجه من قوى الإجماع ليتوسط لأحزاب وجماعات أخرى لقبولها بقوى الإجماع الوطني ... هذا يفسر بشيء واحد فقط، ليس قابل للتأويل بأن الصادق المهدي أصبح "قواد سياسي" للمؤتمر الوطني بصورة رسمية ومعلنة.


#839055 [بعشوم]
0.00/5 (0 صوت)

11-26-2013 04:30 PM
نقبل انضمامه بالشروط التالية
1- الاعتراف بجريمة الانقلاب على الديمقراطية
2- الاعتذار لشعب الجنوب عن الحروب والانفصال
3- الاعتذار للشعب السوداني
4- التبرؤ من المؤتمر الوطني وابن اخته البشير
5- الاعتراف بالجبهة الثورية ومطالبها العادلة
6- الاعتراف بجرائم قتل المتظاهرين والمطالبة بتقديم ابن اخته للتحقيق


ردود على بعشوم
United States [متسكع] 11-26-2013 06:43 PM
اضف على على ذلك ان يقدم نفسه للاعدام في مشنفة اعلى برج الفاتح

United States [كلام صاح ناقص 1] 11-26-2013 04:57 PM
انا مع كل الشروط القلتها يا بعشوم إلا الاعتذار لشعب الجنوب عن الانفصال لأنهم انفصلوا بارادتهم


#839005 [الراجل]
0.00/5 (0 صوت)

11-26-2013 03:50 PM
طلب انضمام النظام للمعارضة لاسقاط النظام حديقة القرشى فى الخرطوم وحديقة عبود فى بحرى وحدائق مايو فى شارع النيل عاش ابو هاشم واللة اكبر ولللة الحمد وهى لللة هى لللة ودقى يا مزيكة (مشهد من مسرحية اليس فى بلاد السودان تأليف صمويل بيكت)


#838960 [مهاجر]
0.00/5 (0 صوت)

11-26-2013 03:22 PM
باب التوبة مفتوح .


#838888 [ودالجزيره العطشانه]
4.00/5 (1 صوت)

11-26-2013 02:29 PM
والله ياجماعه نحن اكثر شعب مسكين على هذه البسيطه...؟
استراتيجيه الجبهة الاسلاميه .او الاخوان المسلمين .على المدى البعيد هى الانكار والتبرو من الموتمر الوطنى بعد ما شبعوا وملو كروشهم بمال الشعب السودانى المسكين .على امل ان يكون للمعارضه شان فى المستقبل فى حكم السودان وخاصه ان ليس هناك بديل للموتمر الوطنى لحكم البلد فى الوقت الحاضر .وقالو احسن نخت قرعتنا مع المعارضه لهدفين ..الاول الهروب من المحاسبه الفوريه التى قيل انها طبقت فى ابكرشولا..تانيا المشاركه فى اى حكومه قادمه باسم جديد يمثل الاخوان المسلمين ..وهنا يذوب الموتمر الوطنى ويتبخر كان السودان لم يحكمه شخص خلال خمسه وعشرين سنه الماضيه .فى حين ان المعارضه التى نعرفها الان جميعهم اشتركوا فى الحكم فى فترات سابقه ودمروا البلد وكانوا هم سبب كل البلاوى وبرضوا عاوزين يحكموا؟؟


ردود على ودالجزيره العطشانه
European Union [jungle] 11-27-2013 11:24 AM
ما كان تتعب نفسك وتتعبنا معك يا(ودالجزيره العطشانه)كان تقول ليناانت مؤتمر وطني وخلاص. لانه عندك عبارات سمحة ( وخاصه ان ليس هناك بديل للموتمر الوطنى لحكم البلد فى الوقت الحاضر) و( جميعهم اشتركوا فى الحكم فى فترات سابقه ودمروا البلد)واحتمال انت امنجي


#838886 [Rio]
0.00/5 (0 صوت)

11-26-2013 02:27 PM
عليك خلوا عليكم الله ياخ , وازيدك كمان قالوا حتى بعد توسط بعض القيادات قوبلت بالرفض التام للأنضمام , غايتوا خال الرئيص لو انضما ليكم احسن لي افرش لي ليمون على قول الحكيم ابو العفين


#838878 [ابوسحر]
5.00/5 (1 صوت)

11-26-2013 02:25 PM
والله المعارضة بقت ذي لعب الدافوري
تقسموا التقسيمةه وكل واحد يلعب في صائد وتحصل الشكلة هل يلعب مصطفي مع ناس فاروق ابوعيسي ام لا يلعب؟؟
وهل يلعب غازي مع ناس فاروق ام لا....
احسن حاجة تسطوها كلها بالموتمر الوطني وتعملوا تقسيمة جديدة حكومة ومعارضة
والطوال يلعبوا مع الحكومة والقصار يلعبوا مع المعارضة

اصلكم كلكم ما نافعين لا معارضة لا حكومة فكونا يالله؟؟؟؟؟؟؟؟؟؟؟؟؟؟؟؟؟؟؟


ردود على ابوسحر
United States [ابوسحر] 11-27-2013 10:44 AM
رد علي حسن سليمان
انا لو كنت كوز ما كان بقيت مغترب
كان بقيت معتمد او مدير ولكن نسبة لاننا ما كيزان اغتربنا وتركنا العمل في السودان
والله الواحد بيعلق لانه زهجان من ناس المعارضة ومن الحزب الاتحادي الديمقراطي الذي صار لا ديمقراطي ولا شئ بعد انضمامه واشتراكه في الحكومة

European Union [حسن سليمان] 11-26-2013 03:31 PM
ما انت عمرك كله كوز يا ابوسحر وشابكنا الناس ديل ناس الله ودحين عامل فيها معارضة للجميع في زول قال ليك حاجة ... ليه دائما تصر تكون فاشل ومخرب مش عارف


#838867 [رامى البشير]
5.00/5 (2 صوت)

11-26-2013 02:18 PM
فرضا الخال الرئاسى بقى معارض وبعدين المعارضة مسكت السلطة وقررت تسليم البشير للجنائية الخال بكون رايو شنو ؟ مخير الله فى خلقوا ولابد من ان ياتى يوم لمحاسبة هؤلاء الاوغاد من المعارضين الوهميين والحكومة النتنة .


#838798 [انا السودان]
5.00/5 (4 صوت)

11-26-2013 01:25 PM
يوجد في الساحة السودانية لاعبان فقط المؤتمر الوطني والحركة الشعبية هما القادران على صناعة الاحداث وما عداههم مجرد وهم لا وجود له في الحقيقة قال الاجماع الوطني المعارض ههههههههن


ردود على انا السودان
[مستغرب] 11-26-2013 07:27 PM
انت لا السودان ولا بيتكم ذاتو...عليك الله تكلم خيرا او اصمت

European Union [مدحت عروة] 11-26-2013 02:10 PM
انت عارف يا الاسمك انا السودان بالمناسبة المؤتمر اللاوطنى والحركة الشعبية ما هم اغلبية بس لان فى يدهم السلاح والله ثم والله ثم والله لو القوى الغيرهم اتوحدت وتسلحت اقسم بالله الحركة الشعبية والمؤتمر اللاوطنى مجتمعين مع بعض ما ياخدوا منها عصرية واحدة والا يترموا فى الزبالة او يبادوا عن بكرة ابيهم!!!!!!!!!!!!!!!!!!!!

[عادل الامين] 11-26-2013 02:01 PM
image

رؤيتين بس يا انا السودان....كلام في الصميم واالفزر مستمر
السودان الجديد/الحركة الشعبية× السودان القديم(المؤتمر الوطني+ قوى الاجماع الوطني)
والطريق واحد بس القرار 2046 ومبادرة نافع/ عقار والانتخابات المبكرة


#838773 [بجاوي]
5.00/5 (2 صوت)

11-26-2013 01:07 PM
الصادق مشترك فعليا في السلطة واصبح لديه الامكانية في تعيين وزراء وسفراءو مدراء و مسئولين كبار في النظام الحالي.


ردود على بجاوي
European Union [حسن سليمان] 11-26-2013 03:38 PM
مشكلة الشعب السوداني يا ادروب لا يصدق الخراء حتى يرى ، وناس حزب الامة والانصار الواحد فيهم لو راى لايصدق ايضاً بأن الجهل والتخلف والصادق المهدي هم سبب المصائب في السودان


#838759 [طه]
0.00/5 (0 صوت)

11-26-2013 12:53 PM
اول شى بكرة الكيزان بس انتو تحالف وطنى احزاب بالية السودان م شاف منكم الا الخراب الله العنكم لعنة الله عليكم وقفتو حال البلد بالتناظير والكلام الكتير من ميتكم لحيكم كلاب جارين ورا الكراسى والنهب شويعى ملعمن وكوز حرامى واتحادى فاشل حزب امة غبى دكتاتورى والله الا نشكها من جديد لاخير فيكم


#838758 [قرقوش]
0.00/5 (0 صوت)

11-26-2013 12:52 PM
والله دي قوة عين دي,,,,قوة عين منهم الإتنين,,قوة عين من الإصلاحيين و منبر السلام,,,و قوة عين من قوي الإجماع,,يعني اصلاً مافي آلية تخلي الناس ديل يبقوا معارضة زيهم زيكم؟


#838741 [ادم جمعه]
0.00/5 (0 صوت)

11-26-2013 12:39 PM
امر محزن في هذا السودان. الموت في كل مكان. لا ندعوا لقبول احد او رفضه. كيف يمكن لنا من ادارة الخلاف في هذا الوطن المنكوب وفيه الصالح والطالح. فالقانون بين الناس وليس قانون الانقاذ ولا قانون غاب. لا نتمني المزيد من الموت لحسم دكاتورية الانقاذ. تنصل اي فرد اضعاف لسلطتهم.


#838727 [مغترب بالسعودية]
0.00/5 (0 صوت)

11-26-2013 12:33 PM
هل الاستقالة جريمة؟


ردود على مغترب بالسعودية
European Union [أركان حرب معاش] 11-26-2013 01:35 PM
هوي يا بتاع السعودية انت مالك لافي في البوستات كلها وشابكنا (هل الاستقالة جريمة) ما تستقيل كان عايز تستقيل نحن مالنا ومالك .


#838713 [المنغولي الغبيان.]
0.00/5 (0 صوت)

11-26-2013 12:20 PM
معارضه + حكومه
إلي مزبلة التاريخ.


#838696 [ممكون وصابر]
0.00/5 (0 صوت)

11-26-2013 12:08 PM
والله ده ذكرنا زمااان أيام تكون معزوم دافوري في الحلة الوراكم تقول لي الجماعة معاي صاحبي داير اجيبه معاي ,, الخال خرج في مظاهرة كانت محروسة بالأجهزة الأمنية ممنوع اللمس وممننوع حتى الانضمام اليها لمن أراد الانضمام من المصلين الذين خرجوا من المسجد خوفاً علي المظاهرة الرئاسية ,, بينما قوات المعارضة الذين خرجوا منهم تم ضربهم برصاص الكلاشنكوف في الصدر ووالرأس ,, هذه خطوط متوازية لا تلتقي


#838691 [حاتم أب تفة]
5.00/5 (1 صوت)

11-26-2013 12:06 PM
الكلب الأجرب، لن يقبل به أحد..!


#838681 [د الزهجان]
0.00/5 (0 صوت)

11-26-2013 12:01 PM
يا ناس الراكوبه .. سلام من الله عليكم ..... اخبار ذي دي بترفع الضغط وتفجر المراره وتكونو شركاء في قتل كثير من البشر اكتبو عن السوق واسعار العملات ....


#838654 [Alczeeky]
0.00/5 (0 صوت)

11-26-2013 11:39 AM
انت يالصادق مالك ومال قوي الاجماع الوطني مش قلت ماعايزهم . طيب لم عليك زباله لاسلامين والساقطين واعمل لك تجمع وبعد داك فاوض الموتمر الوطني وحثالته وادخل معاهم واهو زيتكم في بيتكم بالله دا كلام.... قرف


#838644 [الدبلماسى]
0.00/5 (0 صوت)

11-26-2013 11:35 AM
هذا العنصرى المنبوذ مصيره حبل المشنقة


#838642 [مسكين]
4.00/5 (1 صوت)

11-26-2013 11:34 AM
التحفظ على الطيب مصطفى مقدر! لكن ألم يقبل تحالف المعارضة بانضواء حسن الترابي اليه وهو المؤسس الفعلي لهذا النظام؟ ألم يقبل بمشاركة مبارك الفاضل وهو أيضاً كان قد شارك؟ ألم يقبل ببعض قادة وأعضاء الحركات المسلحة وبعضهم كان مشاركاً في هذا النظام؟ كيف يبررون هذه الانتقائية؟ !


#838629 [ساب البلد]
5.00/5 (3 صوت)

11-26-2013 11:27 AM
هههههه الصادق المهدي موتمر وطني الما عارف يعرف و العارف يقطع الشك بعد شوية ح يتوسط لنافع و علي عثمان, اذا المعارضة ضمت زين العابدين و حسن مكي يبقي يمثلوا نفسهم فقط انحنا الموتمر الشعبي ذاتو ما عايزنو اي حاجة ليها علاقة باسلام سياسي و لا طائفي ما ينفع معانا في الفترة الجاية هههههه اتخيلوا التور الرئاسي و اسهال احمد فضل الله هانت الزلابية....


#838626 [كمال الشناوي]
5.00/5 (2 صوت)

11-26-2013 11:23 AM
سبحان الله والله انا ما عارف الصادق المهدي شايت وين والله ده حير أبليس كمان بتوسط لضم حزب منبر السلام العادل لقوى الاجماع الوطني هذه دونية الصادق المهدي في التفكير . بفكر ان كل الناس طبعا ما بتفهم . واتفق مع ضم الطيب زين العابدين والبروف حسن مكي وخالد التجاني لقوى الاجماع لمواقفهم الواضحة .


#838608 [silk]
4.75/5 (3 صوت)

11-26-2013 11:07 AM
والله عجيب ..سمعن بالحاق ما (أسموه)بالمعارضة بقطار الأنقاذ(الأمة الإتحادى .الخ القرف)والأن نسمع بالحاق عربات الإنقاذ بقطار المعارضة.( الشعبى ..الإصلاحيون..منبر السلام).وبالواسطة كمان..الموضوع أضحى مايسمى علميا بالتناطح العكسى..وأفتكر هو أنقاذ للإنقاذين...وفكرة مستدامة لبعشوم السياسة وأد الانتفاضات الأمام مدمن الفشل أسمها..(تتصالحون ).. ستحاسبكم حسابا عسيرا .وتكنسكم جميعا أنتفاضة الشعب المستدامة..وتذهب بكم (طائفين ).(ومتأسلمين).( وعنصريين ).(وعسكر)إلى مزبلة التأريخ ..وجهنم مثواكم..نحن رفاق الشهداء ..الصابرون نحن ..المبشرون..


#838599 [الضكر]
2.50/5 (2 صوت)

11-26-2013 11:02 AM
طيب نبدأ من الحزب الشيوعي الم يرتكب مجازر في الجزيرة ابا وودنوباوي وجامع امدرمان الكبير والطائات الغادره الليبيه المصرية السودانيه الشيوعيه في ذلك الوقت تقتل المصليين والطلاب حفظ القرآن في المساجد دا نسيتوه يافاروق ابوعيسى
المؤتمر الشعبي والله اب سنينه يضحك على اب سنيتين ماهو المؤتمر الشعبي ومن هو مؤجج الفتنة والنعرات والاثنيه المسيسه في دارفور اليس هو الترابي ومن خلفه السنوسي والطيب سيخه ونافع وعلي عثمان والبشير المؤتمر الشعبي شارك النظام في ارتكاب فظائع اكبر وبالفعل مش بالكلام ذي الخال الرئاسي وغازي الذي رفض توقيع اتفاق نيفاشا والذي بصم عليه الترابي بالعشره

قوى اجماع شنو والله انتو رهن الحركة الشعبيه تاني تكرروا سيناريو التجمع الحركة الشعبيه بعد فصلت الجنوب وبصفقه مع المؤتمر الوطني كان يجب ان لايدخل حزب اسمه الحركة الشعبيه في قوى الاجماع لان التجمع ضرب من الحركة الشعبيه وعندما رفع حزب الامة القومي صوته وقال لا تم طرده من التجمع والان ايضا هنالك مؤامره لاباعده وتحيده ولكن ايضا سوف تتحاور الحرك الشعبيه واحركات دارفور وبصفقه جديده لفصل جنوب النيل الازرق ودارفور وكردفان وسوف يعرف حينئذ الشعبيين الشيوعيين مدى غباءهم السياسي

اصحو ياعالم يجب ان يعمل الجميع بروح واده وان تعاد هيكلة المعارضة ويتفق كل الاطراف على برنامج بديل للإسقاط النظام سلميا مظاهرات اضراب عصيان مدني محمي بالسلاح متى مااحتاج للسلاح

هذا هو الحل ان يتوافق الجميع ولايزايد احد على احد لانه لو اتت مزائده فان الذين يزايدون انفسهم ماكان ليدخلو قوى الاجماع الوطني


ردود على الضكر
[ساب البلد] 11-26-2013 04:26 PM
انت ما سافرت مع الامام لمانيلا عشان تحضر استلام الجائزة بتاعت الحبيب؟؟؟؟

European Union [عادل] 11-26-2013 11:51 AM
آآآ الضكر أخوي ... اصحى انت .. 90% من كلامك د غلط والحقائق عرفوها الناس زمااااان . انت كنت وين ؟؟؟!!!!
والله يا الضكر كأنك كنت مأسور ويادوبك فكوك وفهمك ده فهم سنة 70 .. او تكون حزب أمه وانا ماعارف ؟؟؟؟؟؟؟؟؟؟!!!!!!!!!!!!! غريبة أبوي حزب أمه لكن كلامو ما زي كلامك ده


#838573 [ابو محمد]
3.00/5 (2 صوت)

11-26-2013 10:48 AM
هذا كذب ماقيمة تحالف قوى الاجماع مجرد وهم


ردود على ابو محمد
United States [بعشوم] 11-26-2013 12:55 PM
وهم يا وهم !!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة