الأخبار
أخبار إقليمية
الفكي : الجيش يتقدم في القتال بجنوب كردفان
الفكي : الجيش يتقدم في القتال بجنوب كردفان
الفكي : الجيش يتقدم في القتال بجنوب كردفان


11-26-2013 11:15 PM

قالت الحكومة الولائية في جنوب كردفان إن الجيش السوداني يتقدم على كل جبهات القتال في الولاية بعد رفض الحركة الشعبية والحركات المسلحة الأخرى لخيار السلام، بينما قطعت أحزاب سياسية بأن الحرب لن تحقق أي نتائج سياسية.


وذكر والي جنوب كردفان، آدم الفكي، أنهم يقدمون الملف الأمني على كل الملفات الأخرى باعتبار أن الأمن هو أساس كل الأنشطة.

وقال في لقاء جماهيري بمدينة الدبيبات، ضمن جولة يقوم بها على المحليات الوسط، إن الجيش السوداني متقدم على كل جبهات القتال بالولاية، محققاً انتصارات كبيرة على من وصفهم بالمتمردين، بعد أن رفضت الحركة الشعبية وحركات التمرد الأخرى خيار السلام، الذي دعا له هو منذ تقلده منصب الوالي في يوليو الماضي.


خطط حكومية


وكشف عن خطط حكومية لمعالجة مشكلات الخدمات في مجالات المياه والتعليم والصحة وحسم ظاهرة التفلت الأمني، الذي ظهر في بعض المناطق بمحلية الدبيبات. وجدد دعوة الحكومة للمتمردين إلى الحوار لإحلال السلام.


من جهتهم، قال ممثلون لأحزاب سياسية بجنوب كردفان لـ"الشروق"، إن الحرب التي تخوضها الحركة الشعبية منذ السادس من يونيو من العام 2011م لم تحقق أي نتائج سياسية لحاملي السلاح مثل إسقاط الحكومة.


وقال سعيد حامد إن الحرب حصدت العديد من أرواح المواطنين، ودمرت البنى التحتية للمناطق، وأثرت سلباً في حياة المواطنين بشكل عام.


ودعا آخرون المتمردين لإحكام صوت العقل وعدم تطويل أمد الحرب والنزول إلى رغبة المواطنين. وقالوا إن المسؤولية باتجاه وقف الحرب وحماية أرواح الأبرياء مسؤولية جماعية تتحملها كل القوى السياسية والحكومة والمتمردين.


شبكة الشروق


تعليقات 16 | إهداء 0 | زيارات 6032

التعليقات
#840454 [ابونوف]
0.00/5 (0 صوت)

11-27-2013 09:19 PM
من زمان بنسمع ابطال النوبة والثورية سيطرو على ام كرشولا وانسحبو وسيطرو على ام زبد وانسحبو ودخلو الخرطوم وخرجو والسؤال المهم متى حيسقطو الحكومة بالطريقة دى يعنى طريقة اضرب اقتل اسرق خرب ممتلكات الغلابة واجرى سبحان الله وهل هذا لصالح المهمشين يالمتمردين ؟؟؟؟؟


#840381 [عادل]
0.00/5 (0 صوت)

11-27-2013 07:37 PM
يالله الامام ياقوات يامسلحة واي زول بقول الحركات المصلحة تمثل السودان ينزل الميدان طيب مدام الحركات العميلة بتتقدم مالا كل مرة بتنسحب تحت ضربات الجيش السوداني والذي قال سحق كل الاسلاميين
يعني انت مسيحي تعال جرب والله النوبة مايحكمو السودان كان كسرو رقابم هم كلهم حرامية وسكرجية يحكمو السودان تعالو انتو والحزب الشويعي شوف نعمل فيكم شنو الحزب الذي حكم السودان 72 ساعة مرفوض مرفوض والله لولا المعارضة قايدة الحزب الدخيل هذا كان تغير الموتمر الوطني


ردود على عادل
United States [محمود] 11-27-2013 08:36 PM
و بعدين يا عادل النوبة ما يحكموا السودان ليه السودان ده حق أبوك تحدد فيهو اليحكم و ألما يحكم و الشيوعيين البتتكلم عنهم ديل اتضح انهم اشرف من الشرف نفسه تقدر تقول كلمة في نقد او التيجاني الطيب او عبد الخالق ناس نضاف عاشوا نضاف و ماتوا نضاف مش زي ناس المتعافي و الجاز و البشير وإخوانه الظاهر عليك جاهل و الجاهل عدو نفسه


#840266 [عوض عبدالرحمن الامين]
0.00/5 (0 صوت)

11-27-2013 05:17 PM
قائد المليشيات ادم الفكي (صوارمي 2) (بطل الكذب )الجيش يتقدم علي كل جبهات القتال .......... المفروض تقول الجيش يتهرب ومنهزم في كل جبهات القتال ........ اما الجيش الشعبي لتحرير السودان فانت تعرفة جيدا من خلال شراستة في القتال وعنفه في دك الاعداء وقوته في دحر جنجويد البشير وزبانيته........ مش كدا يا زعيم الميشيات


#840156 [الدندور أبوعوه]
0.00/5 (0 صوت)

11-27-2013 03:27 PM
يا آدم الفكي ما تلبس كاكي وخليك ملاكي وحكاية الجيش متحرك نحو مناطق الحركه !! الكلام دا نسمع فوقوا لينا زمن لا صليتوا في كوده ولا صليتوا في كالنج . وتقول ناس الحركة رفضوا السلام كلام غريب وعجيب !! مين الأصدر الفتوي بحرمه مفاوضة الحركه قطاع الشمال هيئة علماء الانقاذ ولا غيرها؟؟ من أوقف المحادثات في أديس أبابا ؟؟ يا أخي شوف ليك كلام غير دا وأهلك الكواهله في كالوقي مثلهم قال (( تأباها ممعوطة وتأكلها بريشها )) بكره تفتشوا الصلح وما تلقوا وياأخ آدم إنت إبن المنطقه ويهمك أمرها أكثر من حرامية المؤتمر العفني في الخرطوم ويجب أن تكون لكم وسائل ضغط ضد جنرالات المؤتمر هؤلاء هم المستفيدون من هذه الحرب وهم فعلا تجار حرب وكلما إستمرت الحرب زادت فرص سرقاتهم وطال عمر حكمهم فأعمل للصلح وللتفاوض وأفتح قنوات للحوار وأهلك كنانه قالوا (( حلا بالبدين ولا حلا بالسنون )) وناس الانقاذ دايرنها حلاً بالسنون وأرجو ألا تكون مثلهم .


#839696 [مدحت عروة]
0.00/5 (0 صوت)

11-27-2013 10:05 AM
يا نهار مش زى بعضه!!!
هو المصريين بعد ما جيشهم احتل حلايب وصلوا لحد كردفان؟؟؟؟
الى الامام يا جيشنا الهمام ولقن المصريين درس لن ينسوه واطالب كل الشعب بالوقوف مع الجيش فى معاركه ضد الجيوش الاجنبية المحتلة لترابنا والله اكبر والعزة للمؤتمر الوطنى اخ آسف العزة للسودان!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


#839491 [خالد طة الخال]
5.00/5 (2 صوت)

11-27-2013 05:52 AM
والله الواحد بيستغرب في تعليقات المعلقين اولا مفترض تسموا الاشياء باسمائها الحقيقيه . القتال ده بين الجبهه الثوريه وقوات المؤتمر الوطني وليست القوات المسلحه. القوات المسلحه السودانيه انتهت بدخول اول دفعه للكليه الحربيه بعد انقلاب الكيزان.وانا احد العاملين بالكليه الحربيه لسنوات طوال قبل الانقلاب .كنا في غايه الاندهاش والاستقراب عندما وصلت الباصات للكليه تحمل الطلاب وهم يهتفون هي لله ولا للسلطه ولا للجاه.اول مره في تاريخ الكليه يهنف طلاب الكليه الحربيه وعرفنا ان الكشف الذي يحمل اسماء الطلاب الاصليين واللذين بدو معاينات في عهد ناس الصادق المهدي وقبل معاينه القائد العام عندما حصل الانقلاب تم تغير جميع الطلاب بطلاب الكيزان ومنذ ذلك الزمن يتم اختيار طلاب الكليه الحربيه المنتمين للحركه الاسلامويه والمؤتمر الوطني بعد ابعاد الترابي. احسبوا منذ 1989 انقلاب الانقاذ وحتي الان كم دفعه تخرجت ووصلوا حتي رتبه عقيد والصوارمي اقرب مثل هذا الجيش كاملا هو جيش المؤتمر الوطني ولو كنت ابن لؤاء سابق مابتدخل الكليه الحربيه لو ماتزكي من المؤتمر الوطني .الرجاء قبل التعليقات ان تتنبهوا لهذه المساله وعيب التعاطف الناتج من الجهل ده


#839486 [وروار]
0.00/5 (0 صوت)

11-27-2013 05:08 AM
يا ود الفكي ما تقتل اهلك النوبه حيجي يوم الحساب


#839475 [ود البلد]
0.00/5 (0 صوت)

11-27-2013 04:27 AM
لو كان كلامك صحيح ولو 10% فقط كان التلفزيون
قدانا قد
والجداد هدا حيلنا هد
و الرئيس مدد كرعينو مد
الكيزان معروفين عند الهزيمة


#839470 [االدخينات]
0.00/5 (0 صوت)

11-27-2013 03:57 AM
مش تكون فكى لو جبتو سحرة عديل ما تقدروا تتقدموا


#839469 [الدبلماسى]
0.00/5 (0 صوت)

11-27-2013 03:53 AM
تم استيراد معنويات عبر ميناء بورتسودان لقوات البشير لكى يتقدم


#839458 [عام سقوط الجرذان]
0.00/5 (0 صوت)

11-27-2013 02:58 AM
غدا سوف نعرف أنكم قداستعملتم أسلحة محرمة دوليا ولا تلومن الا انفسكم يا قتلة ويا ود الفكي ستلحق برفيقك ربيب الحركة الماسونية مستر اكسح امسح.


#839433 [وروار]
0.00/5 (0 صوت)

11-27-2013 01:12 AM
اعتقد الجري تجاه الخرطوم ما التقدم نحو الجبال تصريحات الجبهه الثوريه امس تدل علي هروبكم من والي وأبو زبد والصبي والمندل أي تقدم تتكلم عنه يا والي الهنا


#839424 [jacob]
0.00/5 (0 صوت)

11-27-2013 12:54 AM
ابطال النوبه سوف يغنمو كل هذه الآليات مع بقيه الرفاق فى دارفور والنيل الازرق التى سوف تساعدهم فى دك الخرطوم وإبادة كل الاسلاميين وعائلاتهم ومؤيديهم


#839421 [alshifit]
0.00/5 (0 صوت)

11-27-2013 12:53 AM
ادم الفكى من معهد ود المقبول للمباه الجوفية بفى مهندس ثم والى والان متحدث باسم القوات المسلحة وحبير استراتيجى عسكرى يتحدث غن الانتشارالعسكرى diployment & the guiralla war fare. حسبى الله ونعم الوكيل


#839403 [سن ألفيل]
0.00/5 (0 صوت)

11-27-2013 12:08 AM
والله لو جبتو الفكي الوطني ذاتو ماتقدمو شبر


#839388 [من تل ابيب]
5.00/5 (5 صوت)

11-26-2013 11:48 PM
الكثرة تغلب الشجاعة لذالك نريد حرب الأستنزاف او بمعني آخر حرب غرويلا لكي يضعف من امكانياتهم وهبوا كالريح نحوا الراس المتعفنة لذالك أدعوا الثوار ان لا تواجهوا الأعداء وجها لوجه لانهم كثر وقتالهم بهذه الطريقة انتحار ولن نسمح لكم لكي تنتحروا ببسالتكم كونوا اذكياء ونعرف الحلو ومناوي وكل القياديين الميدانيين بأنهم اصحاب الدراية في الوغى


ردود على من تل ابيب
United States [النوباوى] 11-27-2013 03:18 AM
وانت بتوصى ليه ما تجى بنفسك عشان تحارب ياتل ابييب.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة