الأخبار
أخبار إقليمية
جهاز أمن حزب البشير يشتري قطعتي أرض بقيمة " سبعة مليون وثمانمائة ألف دولار "
جهاز أمن حزب البشير يشتري قطعتي أرض بقيمة " سبعة مليون وثمانمائة ألف دولار "
جهاز أمن حزب البشير يشتري قطعتي أرض بقيمة


11-27-2013 12:35 AM
أفاد مصدر موثوق صحيفة " الراكوبة " أن جهاز أمن حزب البشير إشترى قطعتي أرض بمنطقة سواقي سوبا غرب جوار كوبري سوبا المقترح ، والذي يربط سوبا غرب بسوبا شرق ، وتحمل القطعتين الارقام 21 و 22 بمساحة 12 فدان لكل منهما ، وسعر القطعتين سبعة مليون وثمانمائة ألف دولار - سعر القطعة الواحدة ثلاثة مليون وتسعمائة ألف دولار ، كما جاء في العقد ، وقال المصدر أن مندوب جهاز أمن حزب البشير قدم الى تسجيلات أراضي الخرطوم وسط لتسجيل القطعتين ، وكان يحمل الشيكين المسحوبين على بنك التضامن الإسلامي ، وقال أن العقد مع البائع موقع من قبل المستشار القانوني لجهاز الأمن.





تعليقات 47 | إهداء 0 | زيارات 19482

التعليقات
#840689 [يوسف محمد الطيب]
0.00/5 (0 صوت)

11-28-2013 07:36 AM
خلونا مـن الدولارات . أنظروا الصورة وقدروا أن عدد الأصناف والصحون أمام ;g واحد من الجالسين يكفى على الأقل لعمل 30 سندوتش أفطار لأطفال المدارس من الفقراء الذين لا يملكون حق الفطر. يعنى الواحد فيهم بيأكل وجبة تكلفى لأفطار 40 طالبا


#840640 [ود الحله]
0.00/5 (0 صوت)

11-28-2013 02:45 AM
والله الكلام ده لو جد .... تكون بالغته ياعمو البشير
وكمان بالدولار المعدوم ده .... ياخ ...وصف العيش ده ما لقيته ليه حاجه منها
ولا ناس غسيل الكلى ديل ...ارنب واحد بخليهم كلهم قايمين اصحا وبعافيه....
ده كله كوم البلد دي لو دخلته زقاقاته وجحوره الناس دي عايشه بالبركه ...
الناس عايشين بفضلات المطاعم اسر باطفاله ... ياخ الناس نست طعم اللبن ده شنو
العجب الشيه الناس بتسال ريحته ذي ما هي ولا اتغيرت ...
ياخ والله حرام حرام ونحنا ساكتين ... ناس بتموت عشان علاج ماف
قهررررررررررر ....
قهرررررررررر
زول بسيط بحلم بالستره ... وهي زاتته بعد شويه ح يشيلوها

الله في


#840450 [مهاجر]
0.00/5 (0 صوت)

11-27-2013 09:19 PM
البلد لايوجد بها دولارات لشراء الدواء !!!!!!!!!!!!!!!!!!!!!


#840305 [يا وسخين لطختو الدين]
5.00/5 (1 صوت)

11-27-2013 06:06 PM
يا جماعة الرقاص قال عايز ادلة وبينات للفساد وناس الامن قالوا ليهو يا ريس نحنا مافى زول بشتكينا لنيابة المال العام وبعدين حقك وحق اخوك محفوظ ووافق الدلدول على الصفقة وتمت الشغلة كما يقول السماسرة .


#840226 [المتفائلة جدا]
3.00/5 (4 صوت)

11-27-2013 04:23 PM
ما تزعلوا العكس أحسن يشتروا أرض بدل ما يحولوا القروش دبى ولا ماليزيا ..قريبا ستؤول هذه الأرض للشعب السودانى لأنهم يوم يشتتوا ويغوروا مابقدروا يشيلوها معاهم ..يعنى بالعربى كدة حتكون زيتنا فى دقيقنا ...انا أقسم بالله لما شفت العقارات كافورى جانى نفس الإحساس إنه بإذن الله كل هذه العقارات ستعاد للشعب السودانى ...المصيبة فى الفلوس البددوها والأرواح الأزهقوها كيف ترجع تانى؟؟


ردود على المتفائلة جدا
United States [ود الشيخ] 11-27-2013 09:50 PM
كلام صاح يامتفائلة..


#840217 [Rashid]
5.00/5 (1 صوت)

11-27-2013 04:19 PM
بإخوانا خلونا في المفيد كيف نقلع هذا الكابوس القاعد على صدورنا ربع قرن ديل سرقوا البلد كلها وقتلوا شعبها فى دارفور وجبال النوبه والنيل الأزرق والشباب فى نيالا والخرطوم ومدني وبورتسودان وكل مدن السودان المفيد اختيار قيادات جديده في المنفي والداخل وتكوين جبهه عريضة لإسقاط هذا النظام من غير مسميات حزبيه ولا قيادات حزبيه طائفيه ولا دينه


ردود على Rashid
United States [عبدو] 11-28-2013 05:09 AM
ياراشد كتير من الشباب السوداني مستعد بس مامنظم لي حركة كبيره زي دي دايرين منظمات ودعم عالي عشان نسقط الحكم بي اي طريقه والسلاح راقد بي الكوم بس كيف الشباب يتنظم والشعب يتنظم ويكون عصيان مدني وعصيان مسلح

United States [شوق] 11-28-2013 12:55 AM
اهو دا الكلام ياراشد لازم الناس لمن تبدا من جديد اهو جابت ليها ازمة دقيق وخبز
كمان ،الاهم الصبر والثبات هؤلاء الكيزان الجبناء اذا الناس صمدت وصبرت بيصيبهم هلع ورعب
لازم نبدأ من جديد والاهم لازم كل المدن كلها تطلع في زمن واحد اصلو مافي راحة ولايهدأ لنا بال الا
باقتلاع هؤلاء الشرزمة ،والناس تحاول تتجنب التنسيق بواسطة المكالمات لان كل شركات الاتصال تابعة لهؤلاء الصعاليك التنسيق فقط بالانترنت وهذا على حسب كلام فرد الامن بتاع قناة العربية


#840205 [سن ألفيل]
5.00/5 (1 صوت)

11-27-2013 04:10 PM
استنفار تنادونا استثمار ماتنادونا


#840204 [ابو البنات]
4.75/5 (3 صوت)

11-27-2013 04:09 PM
السؤال هل قيمة الارض في السودان تساوي هذا المبلغ الخرافي !!!!!!!!!!!!!! ومن هو المالك للارض ..............ومن الوسيط في الصفقة ............. والله المستعان ( اللهم قوي ايماننا لنثور علي الظلم والطغيان )


#840196 [adil a omer]
5.00/5 (1 صوت)

11-27-2013 04:06 PM
يا اخوانا ما تسىئوا الظن عاوزين يعملوها ملاعب وحمام سباحه بعلموا المعتقلين المساكين البالى المائى

وبالمره يرتاحوا فيها الظباط عشان بيتعبوا فى تعذيبكم


#840174 [albideri]
0.00/5 (0 صوت)

11-27-2013 03:46 PM
حسبي الله ونعم الوكيل لكل اجل كتاب


#840158 [زول وطني غيور]
5.00/5 (2 صوت)

11-27-2013 03:28 PM
صدقوني يا أخوان إنها معتقلات جديدة وربما معتقلات أكثر تطورا من المعتقلات القائمة حاليا( لزوم التطور في أساليب القهر والقمع وقطع الأسلن) ، يبدو أن حكومة الإنقاذ شعرت بأن المعتقلات الحالية وبيوت الأشباع إلى جانب السجون كلها غير كافية لهذا العدد الكبير من المعارضين وشذاذ الأفاق ولذلك فكرت في بناء المزيد من المعتقلات بدلا من بناء المدارس والمستشفيات.


#840137 [AburishA]
3.00/5 (2 صوت)

11-27-2013 03:16 PM
بالمقارنة :ما شاء اله الارض في سوبا أغلى من شيكاغو!!!
والدولار دا بسعر البنك ولا السوق الاسود !!! الغريبة الكثير من الوزارات والاجهزة الحكومية وبالذات مايسمى بالسياديةاصبحت مستثمر نمرة واحد ولكن ليس لصالح العاملين عليها او المصلحة العامة!!!!!


#840131 [ابو عابد]
5.00/5 (1 صوت)

11-27-2013 03:11 PM
نتألم مره من عبث هذا النظام الجاثم على صدر الشعب الغلبان فى غفلة من الزمان .. ونتألم مرتين بأستغراب وذهول !!!! إلى متى هذا الصمت والخنوع لهؤلاء المتجردين من أبسط مقومات الإنسانية ؟؟؟


#840079 [زول وطني غيور]
5.00/5 (1 صوت)

11-27-2013 02:25 PM
أكيد هتان القطعتان هما عبارة عن معتقلات جديدة للمعارضيين الشرفاء من أبناء شعبنا البطل ، نعم سيكون هذا المعتقل أسوأ من معتقل قونتناموا سئ الذكر ومعتقلات النازية سيرى الناس فيه صنوفا من ألوان العزاب والقهر والتنكيل وماخفي أعظم.


#840067 [mohamedbuhlool]
5.00/5 (1 صوت)

11-27-2013 02:17 PM
انا من سكان سوبا غرب وهذه الارض فى طريقى اليومى .. الان العمل على قدم وساق ليل ونهار فى بناء 9 ابراج ضخمةعلى هذه الارض وهنالك عدة شائعات هناك من يقول انها شقق سكنية ومن يقول انها مكاتب لجهاز الامن ومن يقول انها مقر لكل الوزارات الحكومية ووووووووو.


#840044 [رئيس الجمهورية المشير عمر البشير]
5.00/5 (1 صوت)

11-27-2013 02:00 PM
شكرا شباب


#840033 [ابوشالايا]
5.00/5 (1 صوت)

11-27-2013 01:50 PM
السؤال الواطة دي حقت منو !!!!!!!!!!!!!


#840002 [وددوليب]
0.00/5 (0 صوت)

11-27-2013 01:25 PM
من يمتلك المال والدولارات عليه بيع العالم باأكمله وليس افدنة في السودان وكذلك من حق اي اشخص ولي الموسساتت


#839971 [الراصد]
0.00/5 (0 صوت)

11-27-2013 12:59 PM
يااخوانا القصة ببساطة...ان هذه الاراضي وبانتهاء الكبري او بمجرد الابتداء في انشائه ستتضاعف اسعار الاراضي من حوله ومن فوقه ومن تحته...وسيسرع جهاز الامن الذي يملك السلطة والقوة بترفيع الاراضي الزراعية وتحويلها الي غرض سكني...فتخيلوا كم قطعة يمكن استخراجها من 24 فدان...وكم يمكن ان يكون سعر القطعةفي بلد يستثمر الفقير والغني فيه امواله في الارضي..


#839929 [مالك الحزين]
5.00/5 (2 صوت)

11-27-2013 12:25 PM
ده غسيل أموال ولاشنو ؟؟؟؟؟؟؟؟؟؟؟؟؟؟؟


#839907 [زول الله]
4.50/5 (2 صوت)

11-27-2013 12:08 PM
بالدولار ليه اشتروها من خواجه ؟


#839896 [المنغولي الغبيان.]
4.50/5 (2 صوت)

11-27-2013 12:02 PM
البيعه دي فيها كم تمساح؟


#839887 [هيثم]
5.00/5 (2 صوت)

11-27-2013 11:58 AM
كويس جدا كدا احسن من يهربوا القروش بره وكلو حيرجع باذن الله بعدين لينا


#839881 [معاوية]
5.00/5 (2 صوت)

11-27-2013 11:52 AM
كل زبانية الامن وبامر من نافع وعلى عثمان مطلوق لهم العنان لنهب الاموال العامة وميزانيتهم مفتوحه من الخزينه العامه انظروا الى بيوتهم التى نهبوها هلى هذه المبانى من بنيت من اموال رواتبهم اللبيب بالاشاره يفهم بس علينا ان نعرف اماكنهم ومن هم هذا هو المطلوب الان الحصر والجمع والمتابعه لهم اتى ان شاء الله ز


#839858 [الله جابو]
5.00/5 (1 صوت)

11-27-2013 11:41 AM
الناس ديل بياكلوا من أليليهم والاكل بالجناب البعيد منهم ده البياكلوا منو ؟


#839842 [غايتو]
5.00/5 (2 صوت)

11-27-2013 11:35 AM
لا تزعلوا بالدولار للتسهيل والتقليل 7.8000.000 دولار . يعنى لو بالسودانى × 8 حاتقروها كيف . وطيب
دا استثمار يعنى الدولار ممكن بكرة يكون بى 12ج مش 12.000 !!!!! فصاحب الارض لا يريد أن يخسر. طيب دى بسيطة ليه ما يشتروا أو ياخدو منحة من الدولة غرب أمدرمان الجديدة ( أقصد أمبدة) المهم غايتو أصبروا لغاية مانشوف حسين خوجلى مع القروض الحسنة حايعمل ايه - حزب السودانيين )!!!!


#839841 [سوداني كردفاني]
5.00/5 (3 صوت)

11-27-2013 11:35 AM
الغرض اولا واخيرا هو الكوميشن


#839838 [habbani]
5.00/5 (3 صوت)

11-27-2013 11:33 AM
وبعدين رئاسة الجهاز حيبيعوها لى منو ؟ وكدى شوفوا لينا سمسار إقدر قيمتها


#839826 [طه]
5.00/5 (3 صوت)

11-27-2013 11:28 AM
لا لا دا ارض واحد من الجماعة1 قال لواحد من الجماعة2 بيع الارض للجماعة وتستفيد انت وانا والجماعة3 عشان الجماعة4 التانين م اقولو خيانة امانة ونورى الجماعة5 انو كلو قانونى فيها حاجة ى جماعة6


#839777 [مغبون]
4.75/5 (4 صوت)

11-27-2013 10:57 AM
القروش طالعة من ميزانية عملاق شركات جهاز الامن واكبر شركة رقيق وظيفي في الكون علما بان 70%من الذي يعملون في شركات البترول الكبيرة(النيل الكبري,بترودار,بتروانيرجي,اساور,استاراويل,شلمبرجير)تعاقداتهم من الباطن مع هذه الشركة الامنية وهي نفس الشركة التي مولت انتخابات البشير السابقة لرئاسة الجمهورية اتدرون ماهي انها شركة (بترونيدز) موقعها الطائف شارع النخيل ومديرها الفريق امن/ حاتم


#839752 [جر كان فاضى]
5.00/5 (3 صوت)

11-27-2013 10:40 AM
يا سلام ثم يا سلام...سوف تكون بيوت الاشباح على ضفاف النيل الخالد...حيث الخضرة الطاغية والنسيم العليل والماء الرقراق...يا سلام ثم يا سلام بعد ان تحولت بيوت الاشباح الى بيوت الافراح...انا صراحة مشتاق لجلسة فى بيوت الافراح(الاشباع سابقا)كجلسات مطعم الحوش فى ام درمان...جلسة تنسينى ما شفتو فى بيوت الاشباح السابقة حيث المكان مقفر والزنازين ضيقة ونتنة...وتمشى للحمام وترجع منه بالكرباح...اما حاليا فانت تذهب للحمام على نغمات الطيب مدثر وياسر تمتام وفاطمة عمر...يا سلام ثم يا سلام ...واتمنى ان لايكون ذلك حلما...بس حتى لو كان حلما فهو لذيذ


#839705 [Mutabi3]
5.00/5 (2 صوت)

11-27-2013 10:08 AM
إن صح الخبر, فسيكون هذا أغرب الأخبار وأكثرها إثارة للتساؤل والجدل فيما يختص بالفساد وتبديد الموارد. الدولة ممثلة قي الحكومة كل أراضي ولاية الخرطوم تحت تصرفها, فلماذا تشتري هذه الارض دون غيرهاولماذا لا تخصص للجهة المستفيدة أية قطعة ارض غير مخصصة, ولماذا تشترى بالدولار ويشكون لطوب الأرض من شحه. أشياء لا يستوعبها عقل.


#839699 [ابو فارس]
5.00/5 (2 صوت)

11-27-2013 10:06 AM
وااللة كلام اية جهاز امن البشير دى دى ملك كلوا السودان


#839674 [ود الناير]
5.00/5 (5 صوت)

11-27-2013 09:54 AM
يا خوانا القصه صراحه بقت ما محتمله ارض و 12 فدان ليييه ،، وبي كم قلت لي 0000000 دولار مشترينها من منو ده سؤال محوري و لي شنو ده سؤال جوهري و الكمشن كان كم ده سعال زول مرطرطش ساكت ،،،، اللهم تسالك اللطف


#839647 [ودبري]
5.00/5 (3 صوت)

11-27-2013 09:43 AM
ما شاء الله عضة جامدة .. اللهم أنفخنا وفسيهم (على قول عادل إمام) لكن الأيام دول .. والدليل .. عليكم الله اللابس الجلابية دا ما هو محمد الأمين خليفة .. لقد رأيته بأم عيني يطاردوه رجال الأمن وهو يجري في جامعة الخرطوم .. عجيب يا زمن .. عشان كدة الناس ما تغتر


#839635 [ودبري]
5.00/5 (2 صوت)

11-27-2013 09:38 AM
نحسب أنووووووووووووووووووووووووووووووووووووووووووووووووووووووو!!!!!!!!!!!!!!!!!!!!!


#839631 [hassan]
5.00/5 (3 صوت)

11-27-2013 09:36 AM
الارض مامكن تتنزع عادي ولماذا في هذه المنطقه بالذات؟ ولماذا بالدولار ليه هي جنة عدن كماقال د.راجي عبد العاطي.
دا نهب منظم للدولارات حسبنا الله ونعم الوكيل


ردود على hassan
United States [nasr] 11-27-2013 05:18 PM
راجى عبدالعاطى بتاع المريخ ؟؟؟؟؟؟؟؟؟؟؟


#839616 [ابوهيثم]
5.00/5 (1 صوت)

11-27-2013 09:31 AM
حسبن اللة ونعم الوكيل
يااللة اكفينة منهم بماشئت
في ربوع الوطن ناس يموتون جوعأ
ويفتقدون ابسط مقومات الحاة
واطفال مشردين من ويلات الحرب
وارتفاع في الاسعار وتردي في الخدمات العامة
وفرق في الميزانية واموال محولة الي الخارج
ماستسمارات في الخارج وممارست الظلم والقهر
المواطن الغلبان يكفية شرف الصبر 25عام من
جميع نوحي الحاة المتردية
يابشير اتقي اللة في الشعب لاتنسة في يوم حساب
ان لم يكون في الدنية فان اللة يمهل ولايهمل


#839577 [كجرو]
5.00/5 (4 صوت)

11-27-2013 09:04 AM
من وين الناس دي بتجيب الدولار ثم ثانيا كيد البائع من النافذين او مؤتمر بطني عاوزين يصلحوا له جيبه بارك الله فيك ياحكومة الفساد والوسخ كان احري تشتروا بها دقيق قمح ولا ما مهم دا


#839575 [silk]
5.00/5 (7 صوت)

11-27-2013 09:02 AM
يا ربى حيشيدوا فيها شنو..بيوت أشباح ولا بيوت أحباش...أللهم أغسل أدراننا وأكنسهم نهائيا الى يوم الدين..


#839567 [سوداني]
5.00/5 (2 صوت)

11-27-2013 08:56 AM
الف مبروك من حقهم يشترو وينقلوا مكاتبهم الي الموقع البيحبوه انتو اصلا حارقم وين والله قرار عين العقل وبالتوفيق يارب


ردود على سوداني
European Union [ود الكوتش] 11-27-2013 11:39 AM
الله يوفق عزرائيل معاك بأسرع وقت وبالتوفيق يا رب


#839565 [silk]
5.00/5 (6 صوت)

11-27-2013 08:56 AM
ليس بغريب فقد تحولت مؤسسات الدولة الى مؤسسات تجارية..تنافس رب نعمتها دافع الضرائب..الجيش لديه مستشفيات مسلسلة صيدليات (عاليا)والشرطة لديها مستشفيات وجامعات خاصة..والآدهى القضاء لديه مزارع دواجن(بالحاج يوسف) أما الأمن فإستثماراته( سريةكدأبه) داخل وخارج القطر ..بجانب جوائز صيدالأحرار وقتل الشهداء..وكفارةلذلك يجود مديرالأمن لعشرين من عمشكوريب .وبإحتفال منقول إعلاميا. بتكاليف الحج للموسم الحالى متناسيا. وهوالمتخصص فى جمع المعلومات (الحج لمن أستطاع اليه سبيلا )ويجود نائبه برعاية الرياضى (كاكى) بالسعودية . بالتصرف فى أموال شعب.. يموت الناس فيه بالعطش والجوع والمرض وقهر اليتم ويستشهد شباب الوطن اليانع وإستثماره الحقيقى برصاصكم فى شوارع المدن لمطالبتة برفع العبء المالى عن أهلهم الكادحين.. ..فيا أيها الهولاء..ومن رتبة حقير إلى أصغر فرد..أتى بأجهزتكم سئ الذكر المفبور الحقير نميرى.. وتوسعتم فيها. وأمتصصتم بل أهدرتم دم الشعب فى عهد الحقير برميل الروث الراقص...ستكنسكم أنتفاضة الشعب المستدامة...والحل فى الحل النهائى لأجهزة الأمن والنيابة وجهاز المغتربين وأعادة ترتيب وتربية جهاز الشرطة والقضاء..عوضا عنكم سنكتفى( كماكنت)بالاستخبارات العسكرية لدى الجيش والمباحث لدى الشرطة..ووبجهاز مدنى وبدون رتب(من الجناب الواطى أم العالى)..ونتوعدكم بتطبيق سنة إسلامبة إستنها سيدنا إبن الخطاب (سلم إسمه الاول فقد لوثه إبن البشير )بجلدكم بالسياط على روؤسكم لإستعبادكم السودانيون المولدين أحرارا والمفطورين على الكرامة والعزة.وسنرسل الآثمين منكم إلى جهنم بالإعدام بصقا وإحتقارا. ..نحن رفاق الشهداء


#839559 [sadig abddallh]
5.00/5 (2 صوت)

11-27-2013 08:51 AM
from whom buy the land


#839533 [أبوفاطمة]
5.00/5 (1 صوت)

11-27-2013 08:13 AM
What is their plan ??


#839529 [دعصام الدين بشير]
5.00/5 (3 صوت)

11-27-2013 08:00 AM
ليه ما بالجنيه السوداني .احسن الحكومة تلغيه ونتعامل بالدولار الامريكي ودا جهاز اﻻمن


#839493 [ام سامي]
5.00/5 (1 صوت)

11-27-2013 06:53 AM
ماشاء الله0 ما شاء الله0ارمي ارمي لي قدام0


#839455 [DR M Abdalla]
5.00/5 (1 صوت)

11-27-2013 02:39 AM
??????????



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة